Procox
emodepside, toltrazuril
Detentur tal-awtorizzazzjoni għat-tqegħid fis-suq: Vetoquinol S.A.
Magny-Vernois
70200 Lure Franza
Manifattur responsabbli għall-ħrug tal-lott: KVP Pharma + Veterinär Produkte GmbH Projensdorfer Str. 324
24106 Kiel Germany
Procox 0.9 mg/ml + 18 mg/ml sospensjoni orali għall-klieb. emodepside / toltrazuril
1 ml fih:
emodepside 0.9 mg
toltrazuril 18 mg
butylhydroxytoluene (E321; bħala antiossidant) 0.9 mg sorbic acid (E200; bħala preservattiv) 0.7 mg
Għall-klieb, meta jkunu suspettati jew murija infezzjonijiet parassitiċi mħallta kkawżati minn askaridi u koċċidja tal-ispeċi li ġejjin:
Askaridi (Nematodes):
Toxocara canis (adult matur, adult immatur, L4)
Uncinaria stenocephala (adult matur)
Ancylostoma caninum (adult matur)
Trichuris vulpis (adult matur)
Koċċidja:
Isospora ohioensis kumpless
Isospora canis
Trattament inaqqas it-tixrid tal-infezzjoni, iżda dan ma jkunx effikaċi kontra s-sinjali kliniċi tal- infezzjoni f’annimali li jkunu diġà infettati.
Tużax fuq klieb/ġriewi li għandhom inqas minn ġimagħtejn jew li jiżnu inqas minn 0.4 kg.
Tużax f’każijiet ta’ sensittività għall-ingredjenti attivi; ingredjenti mhux attivi jew ingredjenti oħra.
Disturbi ħfief u temporanji tas-sistema diġestiva (eż, rimettar jew ippurgar maħlul) jistgħu jseħħu f’każijiet rari ħafna.
Il-frekwenza ta’ effetti mhux mixtieqa hija definita skont din il-konvenzjoni:
komuni ħafna (aktar minn wieħed f’10 annimali li juru effett(i) mhux mixtieq(a) matul il- perjodu ta’ kura waħda)
komuni (aktar minn wieħed iżda inqas minn 10 annimali f’100 annimal)
mhux komuni (aktar minn wieħed iżda inqas minn10 annimali f’1,000 annimal)
rari (aktar minn wieħed iżda inqas minn10 annimali f’10,000 annimal)
rari ħafna (inqas minn annimal wieħed f’10,000 annimal, inklużi rapporti iżolati).
Jekk tinnota xi effetti serji anke dawk mhux imsemmija f’dan il-fuljett, jew taħseb li l-mediċina ma ħadmitx, jekk jogħġbok informa lit-tabib veterinarju tiegħek.
Klieb
Skeda t a’ Doża u Trattament
Għall-użu orali fi klieb mill-età ta’ ġimagħtejn u li jiżnu tal-anqas 0.4 kg.
Id-doża minima rakkomandata hi ta’ 0.5 ml/kg piż tal-ġisem (bw), ekwivalenti għal 0.45 mg emodepside / kg bw u 9 mg toltrazuril / kg bw.
Il-volumi tad-doża rakkomandata huma mogħtija fit-tabella hawn taħt:
Piż [kg] | Doża [ml] |
0.4 | 0.2 |
> 0.4 – 0.6* | 0.3 |
> 0.6 – 0.8 | 0.4 |
> 0.8 – 1 | 0.5 |
> 1.0 – 1.2 | 0.6 |
> 1.2 – 1.4 | 0.7 |
> 1.4 – 1.6 | 0.8 |
> 1.6 – 1.8 | 0.9 |
> 1.8 – 2 | 1.0 |
> 2.0 – 2.2 | 1.1 |
> 2.2 – 2.4 | 1.2 |
> 2.4 – 2.6 | 1.3 |
> 2.6 – 2.8 | 1.4 |
> 2.8 – 3 | 1.5 |
> 3.0 – 3.2 | 1.6 |
> 3.2 – 3.4 | 1.7 |
> 3.4 – 3.6 | 1.8 |
> 3.6 – 3.8 | 1.9 |
> 3.8 – 4 | 2.0 |
> 4 – 5 | 2.5 |
> 5 – 6 | 3.0 |
> 6 – 7 | 3.5 |
> 7 – 8 | 4.0 |
> 8 – 9 | 4.5 |
> 9 – 10 | 5.0 |
> 10 kg: Kompli bid-doża ta’ 0.5 ml / kg bw |
Ġeneralment, trattament wieħed ikun suffiċjenti biex inaqqas it-tixrid ta’ infezzjoni ta’ Isosproa. Trattament ripetut huwa indikat biss jekk ikunu għadhom suspettati jew jintwerew infezzjonijiet imħallta b’koċċidja u nematodi (mill-veterinarju).
Ħawwad sew qabel tuża.
Neħħi t-tapp tal-kamin. Uża siringa standard li tintrema b’żennuna Luer għal kull trattament. Biex jiġi żgurat id-dożaġġ eżatt fi trattament ta’ klieb sa 4 kg, uża siringa bi gradwazzjonijiet ta’ 0.1 ml. Għal klieb li jiżnu aktar minn 4 kg, tista’ tintuża siringa bi gradwazzjonijiet ta’ 0.5 ml. Poġġi ż- żennuna tas-siringa soda fuq il-fetħa tal-flixkun.
Imbagħad aqleb il-flixkun rasu l-isfel, u iġbed il-volum meħtieġ. Erġa’ dawwar il-flixkun għal pożizzjoni wieqfa qabel tneħħi s-siringa. Erġa’ poġġi t-tapp tal-kamin wara l-użu.
Agħti Procox f’ħalq il-kelb. Wara t-trattament armi s-siringa (minħabba li mhuwiex possibbli li tnaddafha).
Ħawwad sew qabel tuża.
Poġġi ż-żennuna tas- siringa soda fuq il- fetħa tal-flixkun.
Aqleb il-flixkun rasu l-isfel, u iġbed il- volum meħtieġ.
Agħti Procox f’ħalq il-kelb.
Mhux applikabbli.
Żomm fejn ma jidhirx u ma jintlaħaqx mit-tfal.
Tużax dan il-prodott mediċinali veterinarju wara d-data ta´skadenza li tidher fuq it-tikketta u l-kartuna wara l-EXP. Id-data ta’ skadenza tirreferi għall-aħħar jum tax-xahar
Iż-żmien kemm idum tajjeb wara li jinfetaħ il-kontenitur għall-ewwel darba: 10 ġimgħat.
Dan il-prodott mediċinali veterinarju m’għandux bżonn ta’ ebda kundizzjoni speċjali sabiex jinħażen.
Twissijiet speċjali għal kull speċi għal xiex huwa indikat:
It-trattament jimpedixxi t-tixrid tal-infezzjoni tal-Isospora iżda ma jkunx effikaċi kontra s-sintomi (eż. dijarrea) f’annimali diġà infettati. F’annimali b’dijarrea, jista’ jkun hemm bżonn ta’ trattament addizzjonali (minn tabib veterinarju) .
Huwa importanti li jittieħdu miżuri iġjeniċi biex ikun żgurat li l-ambjent ikun xott u nadif kemm jista’ jkun, sabiex tkun impeduta infezzjoni mill-ġdid mill-ambjent.
Oocysts tal-Isospora huma reżistenti għal ħafna disinfettanti u jistgħu jissopravvivu fl-ambjent għal żmien twil. Tneħħija minnufih tal-ippurgar (fi żmien 12-il siegħa) tnaqqas ir-riskju ta’ tixrid tal- infezzjoni. Il-klieb kollha f’riskju ta’ infezzjoni fi ħdan il-grupp għandhom jiġu kkurati fl-istess ħin.
Bħal b’kull prodott antiparastiku ieħor, l-użu fit-tul u frekwenti ta’ antelmintiċi jew antiprotozoals jista’ jwassal għall-iżvilupp ta’ reżistenza. Programm xieraq ta’ trattament stabbilit minn veterinarju jiżgura l-kontroll adegwat tal-parassita u jnaqqas il-probabbiltà li tiġi żviluppata reżistenza.
Prekawzjonijiet speċjali għall-użu fl-annimali:
Procox mhuwiex rakkomandat sabiex jintuża fuq klieb tar-razza Collie jew fuq klieb ta' razez relatati li jġorru jew li hemm is-suspett li jġorru l-mutazzjoni mdr1 -/-, minħabba li t-tolleranza tal-prodott fi ġriewi mutanti b'mdr1 -/- intweriet li kienet inqas minn dik fi ġriewi oħrajn.
Hemm esperjenza limitata bi klieb debilitati b’mod sever jew klieb b’funzjoni tal-kliewi u l-fwied li tkun kompromessa b’mod serju. Jekk jogħġbok għid lill-kirurgu veterinarju jekk il-kelb tiegħek ikollu xi waħda minn dawn.
Prekawzjonijiet speċjali li għandhom jittieħdu mill-persuna li tamministra l-prodott mediċinali veterinarju lill-annimali:
Tikolx, tixrobx jew tpejjipx waqt li timmaniġġja l-prodott mediċinali veterinarju. Aħsel idejk wara l-użu.
F’każ li twaqqgħu fuq il-ġilda b’mod aċċidentali, aħsel immedjatament bis-sapun u bl-ilma.
Jekk il-prodott mediċinali veterinarju jidħol f’għajnejk b’mod aċċidentali, baħbaħhom b’ħafna ilma. F’każ li tibilgħu b’mod aċċidentali, b’mod speċjali fil-każ ta’ tfal, fittex parir mediku mal-ewwel u qis li turi l-fuljett ta' tagħrif jew it-tikketta lit-tabib .
Tqala u treddigħ:
Is-sigurtà tal-prodott mediċinali veterinarju għadha ma ġietx mistħarrġa fuq klieb tqal jew li qegħdin ireddgħu. Għaldaqstant, l-użu fi klieb tqal u li jkunu qegħdin ireddgħu matul l-ewwel ġimagħtejn tat- treddigħ tagħhom mhuwiex rakkomandat.
Interazzjoni ma’ prodotti mediċinal oħrajn u forom oħrajn ta’ interazzjoni:
Emodepside jista’ jinteraġġixxi ma’ prodotti mediċinali veterinarji oħrajn li jużaw l-istess sistema ta’ trasport tal-mediċina (eż. lattoni makroċikliċi). Il-konsegwenzi kliniċi potenzjali ta’ effetti bħal dawn għadhom ma ġewx mistħarrġa.
Doża eċċessiva (sintomi, proċeduri ta’ emerġenza, antidoti):
Okkażjonalment seħħew disturbi ħfief u temporanji fil-passaġġ diġestiv meta l-prodott mediċinali veterinarju ġie amministrat f’dożi ripetuti sa ħames darbiet id-doża rakkomandata.
Inkompatibilitajiet:
Tħalltux ma’ prodott mediċinali veterinarju ieħor.
Il-mediċini m’għandhomx jiġu mormija mal-ilma maħmuġ jew mal-iskart domestiku. Dawn il-miżuri għandhom jgħinu sabiex jipproteġu l-ambjent. Procox ma għandu qatt jitħalla jmur man-nixxigħat tal- ilma minħabba li jista’ jkun ta' periklu għall-ħut jew ħlejqiet oħra akwatici.
Procox sospensjoni orali jiġi f’żewġ daqsijiet differenti ta’ pakketti li fihom 7.5 jew 20 ml. Mhux id-daqsijiet kollha tal-pakkett jistgħu qegħdin fis-suq.