Memantine Mylan
memantine
memantine hydrochloride
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett sekondarju possibbli li m’huwiex elenkat f’dan il-fuljett. Ara sezzjoni 4.
X’inhu Memantine Mylan u għalxiex jintuża
X’għandek tkun taf qabel ma tieħu Memantine Mylan
3. Kif għandek tieħu Memantine Mylan
4. Effetti sekondarji possibbli
Kif taħżen Memantine Mylan
Kontenut tal-pakkett u informazzjoni oħra
Memantine Mylan fih is-sustanza attiva memantine. Jagħmel parti minn grupp ta’ mediċini magħrufa bħala mediċini kontra d-dimenzja.
It-telf tal-memorja fil-marda ta’ Alzheimer jiġi minħabba disturbi fis-sinjali tal-messaġġi fil-moħħ.Il- moħħ fih l-hekk imsejjħa riċetturi-N-methyl-D-aspartate (NMDA) li jieħdu sehem fit-trasmissjoni tas-
sinjali fin-nervituri importanti għat-tagħlim u l-memorja. Memantine Mylan jagħmel parti minn grupp ta’ mediċini li jissejħu antagonisti tar-riċettur-NMDA. Memantine Mylan jaħdem fuq dawn ir-riċetturi-
NMDA u jtejjeb it-trasmissjoni tas-sinjali fin-nervituri u l-memorja.
Memantine Mylan jintuża għall-kura ta’ pazjenti bil-marda ta’ Alzheimer minn moderata għal severa.
jekk inti allerġiku għal memantine jew għal xi sustanza oħra ta’ din il-mediċina (elenkati fis- sezzjoni 6).
Kellem lit-tabib jew l-ispiżjar tiegħek qabel tieħu Memantine Mylan
jekk għandek storja ta’ aċċessjonijiet epilettiċi
jekk ftit ilu kellek xi infart mijokardijaku (attakk f’qalbek), jew jekk qed tbati minn insuffiċjenza tal-qalb konġestiva jew minn pressjoni għolja li ma tistax tikkontrollha (pressjoni tad-demm għolja).
Informa lit tabib biex huwa jkun jista jissorvelja bir-reqqa t-trattament tiegħek u jerga jevalwa mil- ġdid l-benefiċċju kliniku ta’ Memantine Mylan fuq bażi regolari.
Jekk tbati minn indeboliment renali (problemi fil-kliewi), it-tabib tiegħek għandu jżommlok il- funzjoni tal-kliewi taħt osservazzjoni mill-qrib u jekk ikun hemm bżonn jadatta d-dożi ta’ memantine kif ikun jixraq
L-użu ta’ prodotti mediċinali msejjħa amantadine (għat-trattament tal-marda ta’ Parkinson), ketamine (sustanza li ġeneralment tingħata bħala loppju), dextromethorphan (ġeneralment użat biex jikkura s- sogħla) u antagonisti oħra ta’ NMDA fl-istess ħin għandu jkun evitat.
Memantine Mylan mhux rakkomandat fit-tfal u adolexxenti taħt it-18-il sena.
Għid lit-tabib jew lill-ispiżjar tiegħek jekk qiegħed tieħu, ħadt an l-aħħar jew tista’ tieħu xi mediċina oħra.
B’mod partikolari, Memantine Mylan jista’ jibdel l-effetti tal-mediċini li ġejjin u d-dożaġġ tagħhom jista’ jkollha bżonn tinbidel mit-tabib tiegħek.
amantadine, ketamine, dextromethorphan
dantrolene, baclofen
cimetidine, ranitidine, procainamide, quinidine, quinine, nicotine
hydrochlorothiazide (jew kwalunkwe kombinazzjoni ma’ hydrochlorothiazide)
antikolinerġiċi (sustanzi li ġeneralment jintużaw għall-kura ta’ disturbi fil-movimenti jew
spażmi fl-imsaren)
mediċini kontra l-aċċessjonijiet (mediċini li jintużaw biex ikunu evitati jew iserrħu l- aċċessjonijiet)
barbiturati (sustanzi li ġeneralment jintużaw biex jgħinuk torqod)
agonisti dopaminerġiċi ( sustanzi bħal L-dopa, bromocriptine)
newrolettiċi (sustanzi li jintużaw għall-kura ta’ disturbi tal-moħħ)
mediċini orali kontra l-koagulazzjoni tad-demm
Jekk tmur l-isptar għarraf lit-tabib tiegħek li qed tieħu Memantine Mylan.
Għandek tinforma lit-tabib tiegħek jekk dan l-aħħar bdilt jew beħsiebek tibdel id-dieta tiegħek b’mod sostanzjali (eż. minn dieta normali għal dieta veġetarjana stretta) jew jekk qed tbati minn stati ta’ aċidożi tubulari renali (RTA, ammont żejjed ta’ sustanzi li jiffurmaw l-aċidu fid-demm minħabba disfunzjoni tal-kliewi (il-kliewi ma jaħdmux tajjeb)) jew infezzjonijiet severi tal-passaġġ urinarju (l- istruttura li ġġorr l-awrina), għax it-tabib tiegħek jista’ jkollu bżonn jaġġusta d-doża tal-mediċina tiegħek.
Jekk inti tqila jew qed tredda’, taħseb li tista tkun tqila jew qed tippjana li jkollok tarbija, itlob il-parir tat-tabib jew tal-ispiżjar tiegħek qabel tieħu din il-mediċina.
L-użu ta’ memantine mhux irrikkmandat waqt it-tqala.
Nisa li qed jieħdu Memantine Mylan m’għandhomx ireddgħu.
It-tabib tiegħek ser jgħidlek jekk il-marda tiegħek tħallikx issuq u tħaddem magni b’mod sigur. Minbarra hekk, Memantine Mylan jista’ jibdillek il-ħila biex tirreaġixxi, u għalhekk ma jkunx xieraq li ssuq jew tħaddem magni.
Din il-mediċina fiha anqas minn 1 mmol sodium (23 mg) f’kull pillola, jiġifieri essenzjalment ‘ħielsa
mis-sodium’.
Dejjem għandek tieħu din il-mediċina skont il-parir eżatt tat-tabib ew l-ispiżjar tiegħek. Dejjem għandek taċċerta ruħek mat-tabib jew mal-ispiżjar tiegħek jekk ikollok xi dubju.
Id-doża rakkomandata ta’ Memantine Mylan għall-adulti u persuni anzjani hija ta’ 20 mg darba kuljum. Sabiex tnaqqas ir-riskju ta’ effetti sekondarji din id-doża tinkiseb bil-mod bl-iskema ta’ kura ta’ kuljum kif ġej:
ġimgħa 1 | nofs pillola ta’ 10 mg |
ġimgħa 2 | pillola waħda ta’ 10 mg |
ġimgħa 3 | pillola waħda u nofs ta’ 10 mg |
minn ġimgħa 4 ’l quddiem | żewġ pilloli waħda ta’ 10 mg darba kuljum |
Id-doża normali tal-bidu hi nofs pillola ta’ 10 mg darba kuljum (5 mg) għall-ewwel ġimgħa. Din tiżdied għal pillola waħda ta’ 10 mg darba kuljum (10 mg) fit-tieni ġimgħa u għal pillola u nofs ta’ 10 mg darba kuljum fit-tielet ġimgħa. Mir-raba ‘ġimgħa ‘l hemm, id-doża normali hi ta’ żewġ pilloli ta’ 10 mg darba kuljum (20 mg).
Jekk għandek tnaqqis tal-funzjoni tal-kliewi, it-tabib tiegħek ser jiddeċiedi dwar doża li tkun tixraq għal kundizzjoni tiegħek. F’dan il-każ, il-funzjoni tal-kliewi għandha tkun eżaminata mit-tabib tiegħek f’intervalli speċifikati.
Memantine Mylan għandha tingħata b’mod orali darba kuljum. Biex tikseb benefiċċju mil-mediċina tiegħek għandek tkompli teħodha kuljum fl-istess ħin tal-ġurnata. Il-pilloli għandhom jittieħdu ma’ ftit ilma. Il-pilloli jistgħu jinqasmu f’dożi indaqs u jittieħdu mal-ikel jew fuq stonku vojt.
Kompli ħu Memantine Mylan sakemm tibqa’ tikseb benefiċċju. It-tabib tiegħek għandu jevalwa l-kura tiegħek fuq bażi regolari.
Ġeneralment, meta tieħu wisq Memantine Mylan m’għandha tiġrilek l-ebda ħsara. Jista’ jkollok
aktar sintomi li hemm imsemmija f’sezzjoni 4. “Effetti sekondarji li jista’ jkollu”.
Jekk tieħu doża eċċessiva kbira ta’ Memantine Mylan, għamel kuntatt mat-tabib tiegħek jew ikseb parir mediku, għax jista’ jkollok bżonn attenzjoni medika.
Jekk tinduna li nsejt tieħu doża ta’ Memantine Mylan, stenna u ħu d-doża li jmiss fil-ħin tas- soltu.
M’għandekx tieħu doża doppja biex tpatti għal kull doża li tkun insejt tieħu.
Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’ kulħadd.
B’mod ġenerali, l-effetti sekondarji li jidhru jkunu ħfief għal moderati.
Komuni (jistgħu jaffettwaw sa 1 minn kull 10 persuni):
Uġigħ ta’ ras, ngħas, stitkezza, testijiet tal-funzjoni tal-fwied għoljin, sturdament, disturbi tal- bilanċ, qtugħ ta’ nifs, pressjoni għolja tad-demm u sensittivita' eċċessiva għal-mediċini
Mhux Komuni (jistgħu jaffettwaw sa 1 minn kull 100 persuna):
Għeja, infezzjonijiet tal-moffa, konfużjoni, alluċinazzjonijiet, rimettar, mixja anormali, Insufiċjenza kardijaka u trombożi/tromboemboliżmu
Rari ħafna (jistgħu jaffettwaw sa 1 minn kull 10,000 persuna):
Aċċessjonijiet
Mhux magħruf (il-frekwenza ma tistax tiġi stmata mit-tagħrif disponibbli):
Infjammazzjoni tal-frixa, infjammazzjoni tal-fwied (epatite) u reazzjonijiet psikotiċi
Il-marda ta’ Alzheimer kienet assoċjata ma’ dipressjoni, ħsibijiet ta’ suwiċidju u suwiċidju. Dawn l- avvenimenti kienu rrappurtati f’pazjenti kkurati b’memantine hydrochloride.
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji
direttament permezz tas-sistema ta’ rappurtar nazzjonali imniżżla f’Appendiċi V. Billi tirrapporta l-
effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-
mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq il-kartuna u l-folja wara JIS. Id-data ta’
skadenza tirreferi għall-aħħar ġurnata ta’ dak ix-xahar.
Din il-mediċina m’għandhiex bżonn ħażna speċjali.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi memantine. Kull pillola miksija b’rita fiha 10 mg ta’ memantine
hydrochloride ekwivalenti għal 8.31 mg ta’ memantine.
Is-sustanzi l-oħra huma microcrystalline cellulose, croscarmellose sodium (ara sezzjoni 2 ‘Memantine Mylan fih sodium’), magnesium stearate, talc u colloidal anyhdrous silica, kollha
fil-qalba tal-pillola; polydextrose (E1200), hypromellose 3cP (E464), hypromellose 6cP (E464),
hypromellose 50cP (E464), iron oxide isfar (E172), macrogol 400 (E1521), macrogol 8000,
indigo carmine aluminium lake (E132), iron oxide red (E172), kollha fil-kisja tal-pillola.
Pillola miksija b’rita ta’ kulur isfar skur, b’forma oblunga b’tarf ġej għal xejn xejn, bikonvessa, immarkata b’“ME” fuq in-naħa tax-xellug tas-sinjal minn fejn tista’ taqsam u “10” fuq in-naħa tal- lemin tas-sinjal minn fejn tista’ taqsam fuq naħa waħda tal-pillola u sinjal minn fejn tista’ taqsam fuq in-naħa l-oħra.
Il-pillola tista’ tinqasam f’dożijiet indaqs.
Memantine Mylan pilloli miksija b’rita huma disponibbli f’pakketti bil-folji ta’ 7, 10, 14, 28, 28 × 1,
30, 42, 50, 56, 56 × 1, 60, 70, 84, 98, 98 × 1, 100, 100 × 1 jew 112-il pillola miksija b’rita. Id-daqsijiet
tal-pakketti ta’ 28 × 1, 56 × 1, 98 × 1 u 100 × 1 pillola miksija b’rita huma ppreżentati f’folji tad-doża tal-unità.
Jista’ jkun li mhux il-pakketti tad-daqsijiet kollha jkunu fis-suq.
Mylan Pharmaceuticals Limited Damastown Industrial Park, Mulhuddart, Dublin 15, DUBLIN
L-Irlanda
McDermott Laboratories Ltd. T/A Gerard Laboratories
Unit 35 Baldoyle Industrial Estate, Grange Road, Dublin 13, L-Irlanda.
Mylan Hungary Kft.
H-2900 Komárom, Mylan utca. 1, L-Ungerija.
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
Mylan bvba/sprl
Tél/Tel: + 32 (0)2 658 61 00
Mylan Healthcare UAB
Tel: +370 5 205 1288
Майлан ЕООД
Teл.: +359 2 44 55 400
Mylan bvba/sprl
Tel: + 32 (0)2 658 61 00
(Belgique/Belgien)
Mylan Healthcare CZ s.r.o. Tel: +420 222 004 400
Mylan EPD Kft
Tel: + 36 1 465 2100
Viatris ApS
Tlf: +45 28 11 69 32
V.J. Salomone Pharma Ltd Tel: + 356 21 22 01 74
Mylan Healthcare GmbH
Tel:+49 800 0700 800
Mylan BV
Tel: +31 (0)20 426 3300
BGP Products Switzerland GmbH Eesti
filiaal
Tel: +372 6363 052
Mylan Healthcare Norge AS
Tel: +47 66 75 33 00
Generics Pharma Hellas ΕΠΕ Τηλ: +30 210 993 6410
Arcana Arzneimittel GmbH
Tel: +43 1 416 2418
Mylan Pharmaceuticals, S.L Tel: + 34 900 102 712
Mylan Healthcare Sp. z o.o.
Tel: + 48 22 546 64 00
Mylan S.A.S
Tel: + 33 4 37 25 75 00
Mylan, Lda.
Tel: + 351 21 412 72 56
Mylan Hrvatska d.o.o.
Tel: +385 1 23 50 599
BGP Products SRL Tel: + 40 372 579 000
Mylan Ireland Limited
Tel: +353 1 8711600
Mylan Healthcare d.o.o.
Tel: + 386 1 23 63 180
Icepharma hf
Símí: +354 540 8000
Mylan s.r.o.
Tel: +421 2 32 199 100
Mylan Italia S.r.l.
Tel: + 39 02 612 46921
Mylan Finland OY Puh/Tel: +358 20 720 9555
Varnavas Hadjipanayis Ltd.
Τηλ: +357 2220 7700
Mylan AB
Tel: + 46 855 522 750
Mylan Healthcare SIA
Tel: +371 676 055 80
Mylan IRE Healthcare Limited Tel: +353 18711600