Fuljett ta’ tagħrif: Informazzjoni għall-utent

Teysuno 15 mg/4.35 mg/11.8 mg kapsuli ibsin

tegafur/gimeracil/oteracil

Aqra sew dan il-fuljett kollu qabel tibda tieħu din il-mediċina peress li fih informazzjoni importanti għalik.

• Żomm dan il-fuljett. Jista' jkollok bżonn terġa' taqrah.

• Jekk ikollok aktar mistoqsijiet, staqsi lit-tabib jew lill-ispiżjar tiegħek.

• Din il-mediċina ġiet mogħtija lilek biss. M'għandekx tgħaddiha lil persuni oħra. Tista' tagħmlilhom il-ħsara, anke jekk ikollhom l-istess sinjali ta’ mard bħal tiegħek.

• Jekk ikollok xi effett sekondarji kellem lit-tabib tiegħek. Dan jinkludi xi effett sekondarju possibbli li mhuwiex elenkat f'dan il-fuljett. Ara sezzjoni 4.

  
  

  F'dan il-fuljett:

  
  

  1. X'inhu Teysuno u għal xiex jintuża

  2. X’għandek tkun taf qabel ma tieħu Teysuno

  3. Kif għandek tieħu Teysuno

  4. Effetti sekondarji possibbli

  5. Kif taħżen Teysuno

  6. Kontenut tal-pakkett u informazzjoni oħra

  
  

  1. X'inhu Teysuno u għal xiex jintuża

     
     

     Teysuno fih is-sustanzi attivi tegafur, gimeracil u oteracil.

     
     

     Teysuno jappartjeni għall-kategorija ta' mediċini magħrufa bħala “sustanzi antineoplastiċi” li jwaqqfu l-iżvilupp ta' ċelluli tal-kanċer.

     
     

     Teysuno jingħata b'riċetta minn tobba lill-adulti għal

     • It-trattament ta' kanċer tal-istonku (gastriku) u jingħata ma' cisplatin, li huwa mediċina oħra li taġixxi kontra l-kanċer.

     • It-trattament tal-kanċer tal-musrana l-kbira u r-rektum li jkun infirex (metastasizza) u meta mhux possibbli li jibqa’ jingħata fluoropyrimidine ieħor (trattamenti kontra l-kanċer mill-istess grupp ta’ mediċini bħal Teysuno) minħabba l-effetti sekondarji fuq il-ġilda tal-idejn u s-saqajn (sindrome tal-id u tas-sieq) jew fuq il-qalb. F’dawn il-pazjenti, Teysuno jintuża waħdu jew flimkien ma’ mediċini ta’ kontra l-kanċer oħrajn.

       
       

  2. X’għandek tkun taf qabel ma tieħu Teysuno Tiħux Teysuno:

• jekk inti allerġiku għal tegafur, gimeracil, oteracil jew xi sustanza oħra ta' din il-mediċina (elenkati fis-sezzjoni 6).

• qed tieħu mediċina fluoropyrimidine oħra ta' kontra l-kanċer bħal fluorouracil u capecitabine, jew kellek reazzjonijiet severi jew mhux mistennija bi fluoropyrimidines

• taf li m’għandek l-ebda attività tal-enzima hydropyrimidine dehydrogenase (DPD) (defiċjenza totali ta’ DPD)

• inti tqila jew qed tredda'

• jekk kellek disturbi tad-demm severi

• jekk għandek mard tal-kliewi li jeħtieġ id-dijalisi

• jekk qed tiġi ttrattat issa jew kont ittrattat fl-aħħar 4 ġimgħat bi brivudine bħala parti minn terapija għal herpes zoster (ġidri r-riħ jew ħruq ta’ Sant’Antnin).

  
  

  Twissijiet u prekawzjonijiet

  Kellem lit-tabib tiegħek qabel tieħu Teysuno

  • disturbi tad-demm

  • mard tal-kliewi

  • problemi bl-istonku u/jew l-imsaren bħal uġigħ, dijarea, remettar u diżidrazzjoni

  • disturbi fl-għajnejn, bħal “għajnejn xott”jew żieda fid-dmugħ

  • infezzjoni tal-fwied bil-virus tal-epatite B attwali jew li kellek, peress li t-tabib tiegħek għandu mnejn ikun irid jimmonitorjak aktar mill-qrib

    jekk taf li għandek defiċjenza parzjali fl-attività tal-enzima dihydropyrimidine

    dehydrogenase (DPD)
    - jekk għandek membru tal-familja b’defiċjenza parzjali jew totali tal-enzima
    	dihydropyrimidine dehydrogenase (DPD)

    -

    
    

    Defiċjenza ta’ DPD: Id-defiċjenza ta’ DPD hija kundizzjoni ġenetika li normalment ma tkunx assoċjata ma’ problemi tas-saħħa ħlief jekk tieħu ċerti mediċini. Jekk għandek defiċjenza ta’ DPD u tieħu Teysuno, ikollok riskju akbar ta’ effetti sekondarji severi (imniżżla taħt sezzjoni 4 Effetti sekondarji possibbli). Hu rrakkomandat li tiġi ttestjat għal defiċjenza ta’ DPD qabel tibda t-trattament. Jekk m’għandek l-ebda attività tal-enzima, m’għandekx tieħu Teysuno. Jekk għandek attività tal- enzima mnaqqsa (defiċjenza parzjali) it-tabib tiegħek jista’ jagħmillek riċetta għal doża aktar baxxa. Jekk ikollok riżultati negattivi għat-test tad-defiċjenza ta’ DPD, xorta jista’ jkun hemm effetti sekondarji li huma severi u ta’ theddida għall-ħajja.

    
    

    

    Tfal u adolexxenti

    Teysuno mhux rakkomandat għal tfal li għadhom m’għalqux it-18-il sena

    
    

    Mediċini oħra u Teysuno

    Għid lit-tabib tiegħek jekk qed tieħu jew ħadt dan l-aħħar xi mediċini oħra.

    
    

    M’għandekx tieħu brivudine (mediċina antivirali għat-trattament tal-ħruq ta’ Sant’Antnin jew tal-ġidri r-riħ) fl-istess waqt ma’ trattament b’Teysuno (inkluż waqt kwalunkwe perjodu ta’ mistrieħ, meta ma tkunx qed tieħu kapsuli ta’ Teysuno).

    Jekk ħadt brivudine trid tistenna mill-inqas 4 ġimgħat wara li twaqqaf brivudine qabel ma tibda tieħu Teysuno. Ara wkoll is-sezzjoni “Tiħux Teysuno”.

    
    

    

    Barra minn hekk, hemm bżonn li tkun partikolarment attent jekk qed tieħu wieħed minn dawn li ġejjin:

  • mediċini oħra bbażati fuq fluoropyrimidine bħal dak ta' kontra l-moffa flucytosine.

    Teysuno ma jistax jiġi sostitwit għal mediċini oħra orali ta’ fluoropyrimidine

  • impedituri tal-enzima CYP2A6 li tattiva Teysuno bħal tranylcypromine u methoxsalen

  • aċidu foliniku (li xi kultant jintuża fil-kimoterapija b'methotrexate)

  • mediċini li jraqqu d-demm: antikoagulanti derivattivi ta' kumarin bħal warfarina

  • mediċini għall-kura ta' puplesiji jew rogħda bħal phenytoin

  • mediċini li jikkuraw il-gotta bħal allopurinol

    
    

    Teysuno ma’ ikel u xorb

    Teysuno għandu jittieħed tal-anqas siegħa qabel jew siegħa wara xi ikla.

    
    

    Tqala u treddigħ

    Qabel tibda l-kura, għarraf lit-tabib jew lill-ispiżjar tiegħek, jekk inti tqila, jew jekk taħseb li inti tqila jew jekk trid tinqabad tqila. M'għandekx tieħu Teysuno jekk inti tqila jew taħseb li tista' tinqabad tqila. Waqt u għal 6 xhur wara l-kura b'Teysuno, inti għandek tieħu miżuri kontraċettivi. Jekk inti tinqabad tqila waqt dan iż-żmien, għandek tgħarraf lit-tabib tiegħek.

    M'għandekx tredda' waqt li qed tieħu Teysuno.

    Itlob il-parir tat-tabib u l-ispiżjar tiegħek qabel tieħu xi mediċina.

    
    

    Sewqan u tħaddim ta' magni

    Uża l-kawtela meta ssuq jew tħaddem xi magna, peress li Teysuno jista' jagħmlek għajjien, mdardar jew ikollok vista mċajpra. Jekk għandek xi dubji kellem lit-tabib tiegħek.

    
    

    Teysuno fih Lactose

    Lactose (tip ta' zokkor). Jekk it-tabib tiegħek qallek li għandek intolleranza għal xi tipi ta' zokkor, ikkuntattja lit-tabib tiegħek qabel tieħu din il-mediċina.

    1. Kif għandek tieħu Teysuno

       
       

       Dejjem għandek tieħu din il-mediċina skont il-parir eżatt tat-tabib tiegħek. Dejjem għandek taċċerta ruħek mat-tabib tiegħek jekk ikollok xi dubju.

       
       

       It-tabib tiegħek ser jgħidlek x'doża għandek tieħu, meta għandek teħodha, u għal kemm żmien għandek teħodha. Id-doża tiegħek ta' Teysuno għandha tiġi stabbilita mit-tabib tiegħek skont it-tul u l-piż tiegħek. It-tabib tiegħek għandu mnejn inaqqas id-doża jekk ikollok effetti kollaterali li huma severi ħafna.

       
       

       Il-kapsuli ta' Teysuno għandhom jinbelgħu sħaħ bl-ilma tal-anqas siegħa qabel jew wara l-ikla. Teysuno għandu jittieħed darbtejn kuljum (filgħodu u filgħaxija).

       
       

       Għall-kanċer tal-istonku:

       Il-kapsuli ta' Teysuno ġeneralment jittieħdu għal 21 jum segwiti minn perijodu ta' mistrieħ ta' 7 ijiem (meta l-ebda kapsula ma ttieħed). Il-perijodu ta' 28 jum huma ċiklu ta' kura waħda. Iċ-ċikli jiġu ripetuti.

       
       

       Teysuno ser jingħata ma' mediċina ta' kontra l-kanċer oħra li tissejjaħ cisplatin. Cisplatin għandu jitwaqqaf wara 6 ċikli ta' kura. Teysuno jista jitkompla wara l-waqfien ta' cisplatin.

       
       

       Għal kanċer tal-musrana l-kbira jew ir-rektum li jkun infirex:

       Il-kapsuli ta’ Teysuno ġeneralment jittieħdu għal 14-il jum wara perijodu ta’ mistrieħ ta’ 7 ijiem (meta l-ebda kapsula ma tittieħed). Dan il-perijodu ta’ 21 jum huwa ċiklu wieħed ta’ trattament. Iċ-ċikli jiġu ripetuti.

       
       

       Teysumo jista’ jingħata ma’ mediċini oħra ta’ kontra l-kanċer (cisplatin, oxalplatin, irinoplatin jew bevacizumab), li jiddependi mit-trattament tiegħek.

       Jekk tieħu Teysuno aktar milli suppost

       Jekk tieħu aktar kapsuli milli suppost, ikkuntattja lit-tabib tiegħek minnufih.

       
       

       Jekk tinsa tieħu Teysuno

       M’għandekx tieħu d-doża li nsejt tieħu u doża doppja biex tpatti għal doża li ma ħadtx. Minflok, ibqa' imxi mal-iskeda regolari tad-dożaġġ u ċċekkja mat-tabib tiegħek.

       
       

       Jekk tieqaf tieħu Teysuno

       Mhemmx effetti kollaterali kkawżati meta tieqaf tieħu l-kura b'Teysuno. F'każ li qed tuża mediċini li jraqqu d-demm jew kontra l-puplesiji, il-waqfien ta' Teysuno għandu mnejn ikun jetieġ li t-tabib tiegħek jaġġusta d-doża tal-mediċini tiegħek.

       
       

       Jekk għandek aktar mistoqsijiet dwar l-użu ta' din il-mediċina, staqsi lit-tabib tiegħek.

       
       

    2. Effetti sekondarji possibbli

       
       

       Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd. Filwaqt li xi effetti jistgħu jkunu identifikati faċilment bħala effetti sekondarji mill-pazjenti nfushom, test tad-demm huwa meħtieġ biex jidentifika xi sintomi oħrajn. It-tabib tiegħek ser jiddiskuti miegħek u jispjegalek r-riskji possibbli u s-siwi tal-kura.

       
       

       Effetti sekondarji komuni ħafna (jistgħu jaffettwaw aktar minn persuna 1 f'10) jinkludu:

       
       

• Dijarea, dardir, remettar, stitikezza

  • Jekk tesperjenza d-dijarea għal aktar minn 4 darbiet kuljum jew f'nofs ta' lejl, jew jekk ikollok ħalqek juġgħak flimkien ma' dijarea, waqqaf Teysuno u kkuntattja lit-tabib tiegħek minnufih.

  • Jekk tesperjenza d-dijarea, evita ikel li jkollu ħafna fibri,grass u bil-ħwawar.

  • Ixrob ħafna likwidi bejn l-ikliet sabiex tissostitwixxi l-fluwidi li jkunu ntilfu u tevita d-deżidrazzjoni, volum tad-demm baxx, u żbilanċ fl-imluħa jew kimiċi fid-demm.

  • Jekk ikollok id-dardir u tirremetti d-doża ta' mediċina, kun żgur li tgħarraf lit-tabib tiegħek. M'għandekx tissostitwixxi d-doża li int irremettajt.

  • Jekk tirremetti darbtejn f'24 siegħa, waqqaf Teysuno u kkuntattja lit-tabib tigħek minnufih.

  • Sabiex tiġġestixxi d-dardir u r-remettar:

    • Imtedd u ħu nifsijiet twal meta tħossok mdardar

    • Evita l-ħwejjeġ issikkati

  
  

  

• Għadd baxx ta' ċelluli ħomor tad-demm: li jikkaġuna anemija:

  • Jista' jkollok sintomi bħal idejn u saqajn kesħin, tkun pallidu, rasek fl-arja, għeja, bla nifs.

  • Jekk tħoss is-sintomi t'hawn fuq, ipprova taħdimx iżżejjed u ara li torqod u tistrieħ biżżejjed.

  
  

• Għadd baxx ta' ċelluli bojod tad-demm li jikkaġuna riskju ogħla ta; infezzjonijiet severi u lokali (eż.,orali, pulmun, awrina) jew tad-demm

  • Jista' jkollok sintomi bħal deni, sirdat, sogħla jew griżmejn juġawk.

  • Jekk ikollok id-deni b'temperatura ta' 38.5o C jew ogħla, tibqax tieħu Teysuno u kkuntattja lit-tabib tiegħek minnufih.

  • Sabiex tevita l-infezzjoni, żomm 'il bogħod minn postijiet ffulati, iggargarizza malli tasal id-dar, u aħsel idejk sew qabel l-ikliet u wara t-tojlit.

• Għadd baxx ta' plejtlits li jikkaġuna ċans aħjar ta' emorraġiji:

  • Jekk ikollok ġilda, ħalq (ikkaġunati meta tnaddaf sninek), mnieħer, passaġġ respiratorju respitarotory, msaren eċċ., waqqaf Teysuno u kkuntattja lit-tabib tiegħek minnufih.

  • Sabiex tevita li jkollok fsada, evita ix-xogħol iebes jew sports enerġetiku sabiex tevita ġrieħi u tbenġil. Ilbes ilbies mhux issikkat u pproteġi l-ġilda. Aħsel sninek u omħot bil-mod.

  
  

• Nuqqas t'aptit (anoreksja) jista' jwassal għal telf fil-piż u diżidrazzjoni

  • Tista' tispiċċa diżidrat jekk ma tiekolx u/jew tixrob biżżejjed ilma.

  • Jekk tispiċċa diżidrat jista' jkollok sintomi bħal ħalq xott, dgħufija, ġilda xotta, sturdament, bugħawwieġ

  • Ipprova kul ikliet ta' spiss u żgħar. Evita ikla bil-grass u li jkollu riħa qawwija. Anke jekk ma jkollokx ġuħ, ibqa' kul kemm tista' sabiex iżżomm nutrizzjoni tajba.

  • Jekk tħossok għajjien u għandek id-deni flimkien ma' nuqqas t'aptit, ikkuntattja lit-tabib tiegħek minnufih.

  
  

• Disturbi tan-nervituri : għandek mnejn tħoss tnemnim tingis, uġigħ, sensazjoni abnormali, muskolu dgħajjef,rogħda, jew diffikultajiet bil-movimenti.

• Dgħufija u għeja, li jistgħu jkunu effetti kollaterali kkaġunati minn mediċini oħra.

  
  

  Effetti sekondarji komuni (jistgħu jaffettwaw minn persuna 1 sa 10 f'100) jinkludu:

  
  

• Sistema nervuża: uġigħ ta' ras, sturdament, ħedla, bidliet fit-togħma

• Għajnejn: problemi fl-għajnejn, żieda jew tnaqqis fid-dmugħ, problemi fl-għajnejn, Mard serju b’infafet fl-għajnejn, xedd tar-rita tas-superfiċje tal-għajn (tmermir tal-kornea).

• Widnejn: problemi bis-smigħ

• Vażi tad-demm: pressjoni għolja jew baxxa tad-demm, emboli tad-demm fir-riġel jew il-pulmun

• Passaġġi fil-pulmun u nażali: qtugħ ta’ nifs, sogħla

• L-imsaren u l-ħalq: ħalq xott, postumetti fil-ħalq, uġigħ fil-griżmejn, u l-esofagu,sulluzzu, uġigħ ta' żaqq, indiġestjoni, infjammazzjoni tal-istonku jew tal-imsaren, perforazzjoni fl- istonku, musrana ż-żgħirau l-musrana l-kbira.

• Fwied: għajnejn u ġilda sofor, bidliet fir-riżultati tat-testijiet tad-demm li juri l-mod kif il-fwied qed jaħdem,

• Ġilda: telf ta' xagħar, ħakk, raxx ew dermatite, reazzjoni tal-ġilda ġilda xotta, reazzjoni tal-idejn u tas-saqajn (uġigħ, nefħa u ħmura tal-idejn u/jew is-saqajn), dbabar tal-ġilda pigmentati

• Kliewi: tnaqqis fil-volum tal-awrina, bidliet fir-riżultati tat-testijiet tad-demm li juri l-mod kif il-kliewi qed jaħdmu, l-indeboliment u l-falliment tal-kliewi

• Oħrajn: sirdat, tnaqqis fil-piż, in-nefħa f'partijiet speċifiċi u uġigħ fl-għadam tal-muskolu

Effetti sekondarji mhux komuni (jistgħu jaffettwaw minn 1 sa 10 persuni f'1,000) jinkludu:

- Mentali: tara u tisma' affarijiet li mhumiex hemm, bidla fil-personalità, mhux kapaċi toqgħod bilqegħda, konfużjoni, tħossok nervuż, dipressjoni, impotenza sesswali

• Sistema nervuża:, disturb fil-vuċi, inkapaċità biex titkellem u tifhem il-kliem, problemi ta' memorja, pass mhux stabbli, problemi ta' bilanċ, dgħufija fuq naħa waħda tal-ġisem, ħedla,

  infjammazzjoni tan-nervi, sens distort ta' xamm, disfunzjoni tal-moħħ, sturdament, nuqqas ta'

  konoxxenza, puplesija, aċċessjoniiet,

• Għajnejn: ħakk u ħmura tal-għajnejn, reazzjonijiet allerġiċi fl-għajnejn, il-kappel tal-għajn ta' fuq titbaxxa

• Widnejn: vertigo, il-widna timblokka, skonfort tal-widnejn

• Il-qalb: taħbit tal-qalb irregolari u mgħaġġel, uġigħ fis-sider, akkumulazzjoni ta' fluwidu żejjed madwar il-qalb, attakk tal-qalb, falliment tal-qalb

• Vażi tad-demm: infjammazzjoni ta' vina, fwawar sħan

• Passaġġi tal-pulmun u tal-imnieħer:, mnieħer iqattar, disturb fil-vuċi, mnieħer imblokkat, eritema farinġeali, deni tal-ħuxlief

• L-imsaren u l-ħalq: fluwidu fiż-żaqq, mard ta' reflux gastroesofaġeali, żieda fit-tnixxija ta' riq, tifwieq u ddixxar, infjammazzjoni tax-xofftejn, disturb gastrointestnali, uġigħ fil-ħalq, kontrazzjonijiet abnormali tal-muskoli tal-esofagu, imblokkar tal-istonku u tal-imsaren, ulċera tal-istonku, fibrosi retroperitoneali, snien li jixxaqqu jew jinkisru malajr, diffikultà biex tibla', disturb fil-glandola tar-riq, murliti

• Ġilda: telf tal-kulur tal-ġilda, ġilda li titqaxxar, xagħar eċċessiv fil-ġisem, dwiefer mqassra, ħafna għaraq,

• Ġenerali: kundizzjoni ġenerali li tmur għall-agħar,żieda fil-piż, ħmura u nefħa fis-sit tal-injezzjoni, uġigħ u emorraġija tal-kanċer, falliment ta' diversi organi

• Bidliet fit-testijiet tad-demm: zokkor għoli fid-demm, lipidi għoljin fid-demm,bidliet fil-ħin biex jgħaqad id-demm, għadd għoli ta' ċelluli tad-demm, livelli għoljin jew baxxi ta' proteina

• Oħrajn: urinazzjoni ta' spiss, demm fl-awrina, uġigħ fl-għonq, uġigħ fid-dahar, uġigħ fis-sider, ebusija tal-muskolu jew bugħawwieġ, nefħa tal-ġog, skumdita fir-riġel/driegħ, dgħufija muskolari, infjammazzjoni tal-artrite u uġigħ

  
  

  Effetti sekondarji rari (li jistgħu jaffettwaw minn 1 sa 10 persuni f'10,000) u effett sekondarji rari ħafna (li jaffettwa inqas minn persuna 1 f'10,000) jinkludu:

  
  

• falliment tal-fwied akut

• infezzjoni fil-frixa

• il-muskoli iċedu

• telf fix-xamm

• allerġija għax-xemx

• emboli tad-demm u emorraġiji mifruxa

• mard li jaffettwa l-materja l-bajda tal-moħħ

• mard serju b’infafet fuq il-ġilda, il-ħalq u l-ġenitali

• rikorrenza (riattivazzjoni) tal-infezzjoni tal-epatite B meta diġà kellek epatite B fil-passat (infezzjoni tal-fwied)

  
  

  Jekk tesperjenza xi wieħed mill-effetti sekondarji, jew jekk tinduna b'xi effetti sekondarji li m'humiex imsemmijin f'dan il-fuljett, jekk jogħġbok għid lit-tabib.

  
  

  Jekk xi effett sekondarji isir aktar serju, waqqaf Teysuno u għid lit-tabib tiegħek minnufih. Rappurtar tal-effetti sekondarji

  Jekk ikollok xi effett sekondarju, kellem lit-tabib tiegħek. Dan jinkludi xi effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas- sistems ta’ rappurtar nazzjonali minżżla f’Appendiċi V. Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.

  
  

  1. Kif taħżen TEYSUNO

     
     

• Żomm fejn ma jintlaħaqx u ma jidhirx mit-tfal.

  
  

• Tużax din il-mediċina wara d-data ta' skadenza li tidher fuq il-kartuna ta' barra u t-tikketta wara EXP. Id-data ta' skadenza tirreferi għall-aħħar ġurnata tax-xahar.

  
  

• Din il-mediċina m'għandha bżonn l-ebda kundizzjoni ta' ħażna speċjali.

  
  

• Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif l-aħjar li tarmi mediċini li m'għadekx tuża. Dawn il-miżuri jgħinu għall-protezzjoni tal- ambjent.

  
  

  1. Kontenut tal-pakkett u informazzjoni oħra

  X'fih Teysuno

  
  

• Is-sustanzi attivi huma tegafur, gimeracil u oteracil.

  Kull kapsula iebsa fiha 15 mg tegafur, 4.35 mg gimeracil, u 11.8 mg oteracil (bħala monopotassium).

  
  

• Is-sustanzi l-oħra huma:

Kull kapsula fiha: lactose monohydrate, magnesium stearate

Il-qoxra tal-kapsula: gelatin, red iron oxide (E172), titanium dioxide (E171), sodium lauryl sulphate, talc

Linka: red iron oxide (E172), yellow iron oxide (E172), Indigo carmine (E132), carnauba wax,

bleached shellac, glyceryl monooleate

Kif jidher Teysuno u l-kontenut tal-pakkett

Il-kapsuli ibsin għandhom korp bajdani u kappa kannella opaka li fuqha hemm stampat "TC448" bil-griż. Dawn jiġu f’folji li fihom 14-il kapsula kull waħda.

Kull pakkett fih jew 42 kapsula, 84 kapsula jew 126 kapsula.

Detentur tal-Awtorizzazzjoni għat-Tqegħid fis-Suq

Nordic Group B.V. Siriusdreef 41

2132 WT Hoofddorp In- Netherlands

Manifattur

Nordic Pharma B.V. Siriusdreef 41

2132 WT Hoofddorp

In-Netherlands

Millmount Healthcare Limited Block7, City North

Business Campus, Stamullen Co. Meath, K32 YD60

L-Irlanda

Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:

België/Belgique/Belgien

Nordic Pharma

Tél/Tel: +32 (0)3 820 5224

info@nordicpharma.be

Lietuva

Nordic Pharma (France) Tel/Τηλ/Tél/Tel.: +33 (0)1 70 37 28 00 info@nordicpharma.com

България

AMRING FARMA SRL, Tel. : +40 31 620 1204

RO.OfficeRomania@nordicpharma.com

Luxembourg/Luxemburg

Nordic Pharma

Tél/Tel: +32 (0)3 820 5224

info@nordicpharma.be

Česká republika NORDIC Pharma, s.r.o. Tel: +420 241 080 770

info@nordicpharma.cz

Magyarország NORDIC Pharma, s.r.o. Tel: +420 241 080 770

info@nordicpharma.cz

Danmark

Nordic Drugs

Tlf: +46 (0)40 36 66 00

info@nordicdrugs.se

Malta

Nordic Pharma (France) Tel/Τηλ/Tél/Tel.: +33 (0)1 70 37 28 00 info@nordicpharma.com

Deutschland

Nordic Pharma

Tel: +49 (0)89 889 690 680

info@nordicpharma.de

Nederland

Nordic Pharma BV

Tel: +31 (0)85 48 35 871

info-nl@nordicpharma.com

Eesti

Nordic Pharma (France) Tel/Τηλ/Tél/Tel.: +33 (0)1 70 37 28 00 info@nordicpharma.com

Norge

Nordic Drugs

Tlf: +46 40-36 66 00

info@nordicdrugs.no

Ελλάδα

Aenorasis S.A.

Τηλ: +30 210 6136332

info@aenorasis.gr

Österreich

Nordic Pharma

Tel: +49 (0)89 889 690 680

info@nordicpharma.de

España

Nordic Pharma (France) Tel/Τηλ/Tél/Tel.: +33 (0)1 70 37 28 00 info@nordicpharma.com

Polska

AMRING FARMA SRL, Tel. : +40 31 620 1204

RO.OfficeRomania@nordicpharma.com

France

Nordic Pharma (France) Tel/Τηλ/Tél/Tel.: +33 (0)1 70 37 28 00 info@nordicpharma.com

Portugal

Nordic Pharma (France) Tel/Τηλ/Tél/Tel.: +33 (0)1 70 37 28 00 info@nordicpharma.com

Hrvatska

Nordic Pharma (France) Tel/Τηλ/Tél/Tel.: +33 (0)1 70 37 28 00 info@nordicpharma.com

Ireland

Nordic Pharma Ireland Tel: +353 (0)1 400 4141

info@nordicpharma.ie

România

AMRING FARMA SRL, Tel. : +40 31 620 1204

RO.OfficeRomania@nordicpharma.com

Slovenija

NORDIC Pharma, s.r.o. Tel.: +420 241 080 770

info@nordicpharma.cz

Ísland

Vistor hf.

Sími: +354 535 7000

vistor@vistor.is

Slovenská republika NORDIC Pharma, s.r.o. Tel.: +420 241 080 770

info@nordicpharma.cz

Italia

Nordic Pharma

Tel: +39 (0)2 241 26710/26711

info@nordicpharma.it

Suomi/Finland

Nordic Drugs

Puh/Tel: +358 (0)10 231 1040

info@nordicdrugs.fi

Κύπρος

Nordic Pharma (France) Tel/Τηλ/Tél/Tel.: +33 (0)1 70 37 28 00 info@nordicpharma.com

Sverige

Nordic Drugs AB

Tel: +46 (0)40 36 66 00

info@nordicdrugs.se

Latvija

Nordic Pharma (France)

Tel/Τηλ/Tél/Tel.: +33 (0)1 70 37 28 00 info@nordicpharma.com

United Kingdom (Northern Ireland)

Nordic Pharma Ireland

Tel: +353 (0)1 400 4141

info@nordicpharma.ie

Dan il-fuljett kien rivedut l-aħħar f'