Fuljett ta’ tagħrif: Informazzjoni għall-utent

Capecitabine SUN 150 mg pilloli miksija b'rita

capecitabine

Aqra sew dan il-fuljett kollu qabel tibda tieħu din il-mediċina, peress li fih informazzjoni importanti għalik.

• Żomm dan il-fuljett.Jista' jkollok bżonn terġa' taqrah.

• Jekk ikollok aktar mistoqsijiet, staqsi lit-tabib jew lill-spiżjar tiegħek.

• Din il-mediċina ġiet mogħtija lilek biss.M'għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sinjali ta' mard bħal tiegħek.

• Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett

  sekondarju possibbli li mhuwiex elenkat f’dan il-fuljett. Ara sezzjoni 4.

  
  

  F'dan il-fuljett:

  
  

  1. X'inhu Capecitabine SUN u għalxiex jintuża

  2. X'għandek tkun taf qabel ma tieħu Capecitabine SUN

  3. Kif għandek tieħu Capecitabine SUN

  4. Effetti sekondarji possibbli

  5. Kif taħżen Capecitabine SUN

  6. Kontenut tal-pakkett u informazzjoni oħra

  
  

  1. X'inhu Capecitabine SUN u għalxiex jintuża

     
     

     Prodott mediċinali li m’għadux awtorizzat

     Capecitabine SUN jappartjeni għall-grupp ta' mediċini msejħa "sustanzi ċitostatiċi", li jwaqqaf l- iżvilupp ta' ċelluli tal-kanċer. Capecitabine SUN fih capecitabine, li huwa nnifsu mhuwiex sustanza ċitostatiku. Huwa biss wara li jiġi assorbit mill-ġisem li jinbidel f’sustanza attiva kontra l-kanċer (aktar f’tessut tat-tumur milli f’tessut normali).

     
     

     Capecitabine SUN jintuża għall-kura ta' kanċer tal-kolon, tar-rektum, fl-istonku, jew tas-sider.

     Barra minn hekk, Capecitabine SUN jintuża biex jipprevjeni każijiet ġodda ta' kanċer tal-kolon wara t- tneħħija kompleta tat-tumur permezz ta' interventi kirurġiċi.

     
     

     Capecitabine SUN jista' jintuża waħdu jew flimkien ma' mediċini oħra.

     
     

  2. X'għandek tkun taf qabel ma' tieħu Capecitabine SUN Tiħux Capecitabine SUN

• jekk inti allerġiku għal capecitabine jew għal xi sustanza oħra ta' din il-mediċina (elenkati fis- sezzjoni 6). Għandek tgħarraf lit-tabib tiegħek jekk taf li għandek allerġija għal capecitabine

• jekk qabel inti kellek reazzjonijiet severi għal terapija bi fluoropyrimidines (grupp ta’ mediċini għall-kontra l-kanċer, bħall- fluorouracil)

• jekk inti tqila jew qed tredda'

• jekk għandek livelli baxxi ħafna ta’ ċelloli bojod jew plejtlits fid-demm (lewkopenija, newtropenija jew tromboċitopenija)

• jekk għandek problemi gravi tal-fwied jew tal-kliewi

• jekk taf li għandek defiċjenza tal-enżima dihydropyrimidine dehydrogenase (DPD) involuta fil- metaboliżmu ta’ uracil u thymine, jew

• jekk qed tiġi kkurat issa jew kont ikkurat fl-aħħar 4 ġimgħat b' brivudine, sorivudineor, jew sustanzi simili bħala parti minn terapija għal herpes zoster (ġidri r-riħ jew ħruq ta' Sant'Antnin).

  
  

  Twissijiet u prekawzjonijiet

  Kellem lit-tabib tiegħek qabel tieħu Capecitabine SUN, jekk inti

• għandek mard tal-fwied jew tal-kliewi

• għandek jew kellek problemi marbuta mal-qalb (pereżempju taħbit tal-qalb irregolari jew uġigħat fil-qafas tas-sider u fid-dahar minħabba sforz fiżiku u minħabba problemi fil-mogħdija

  tad-demm għall-qalb)

• għandek mard tal-moħħ (pereżempju, kanċer li nfirex għall-moħħ, jew ħsara fin-nervituri (newropatija))

• għandek żbilanċi fil-kalċju (jidher fit-testijiet tad-demm)

• għandek id-dijabete

• ma tistax iżżomm ikel jew ilma f’ġismek minħabba tqalligħ u rimettar sever

• għandek id-dijarea

• inti, jew issir deidrat

• għandek żbilanċi ta’ ijoni fid-demm tiegħek (żbilanċi fl-elettroliti, kif murija fit-testijiet)

• għandek storja ta’ problemi fl-għajnejn għandu mnejn ikollok bżonn aktar monitoraġġ ta’ għajnejk

• għandek reazzjoni severa tal-ġilda.

  
  

  Defiċjenza ta’ DPD: Defiċjenza ta’ DPD hija kondizzjoni rari preżenti mit-twelid li normalment ma tkunx assoċjata ma’ problemi ta’ saħħa jekk ma tiħux ċertu mediċini. Jekk għandek defiċjenza ta’ DPD mhux magħrufa u tieħu Capecitabine SUN, jista’ jkollok forom qawwija tal-effetti sekondarji elenkati taħt sezzjoni 4 Effetti sekondarji possibbli. Ikkuntattja lit-tabib tiegħek minnufih jekk tinsab imħasseb dwar xi wieħed mill-effetti sekondarji jew jekk tinnota xi effetti sekondarji oħra li mhumiex imniżzla f’dan il-fuljett (ara sezzjoni 4 Effetti sekondarji possibbli).

  
  

  Tfal u adolexxenti

  Capecitabine SUN mhux indikat fit-tfal u l-adolexxenti. Tagħtix Capecitabine SUN lil tfal u adolexxenti.

  
  

  Prodott mediċinali li m’għadux awtorizzat

  Mediċini oħra u Capecitabine SUN

  Qabel il-bidu tal-kura, jekk jogħġbok għid lit-tabib jew lill-ispiżjar tiegħek jekk qiegħed tieħu jew ħadt

  dan l-aħħar jew tista’ tieħu xi mediċini oħra, anki dawk mingħajr riċetta. Dan huwa importanti ħafna, għax it-teħid ta’ aktar minn mediċina waħda fl-istess ħin jista’ jsaħħaħ jew idgħajjef l-effett tal- mediċini. Hemm bżonn li toqgħod attent b’mod speċjali jekk inti qed tieħu xi wieħed minn dawn li ġejjin:

• mediċini għall-gotta (allopurinol)

• mediċini li jraqqu d-demm (kumarin, warfarina)

• ċerti mediċini antivirali (sorivudine u brivudine)

• mediċini għall-aċċessjonijiet jew għar-rogħda (phenytoin)

• mediċina għall-kura tal-kanċer (interferon alpha)

• radjuterapija u ċerti mediċini użati għall-kura tal-kanċer (aċidu foliniku, oxaliplatin, bevacizumab, cisplatin, irinotecan)

• mediċini użati biex jikkuraw defiċjenza ta’ folic acid.

  
  

  Capecitabine SUN ma’ikel u xorb

  Għandek tieħu Capecitabine SUN sa mhux aktar tard minn 30 minuta wara l-ikliet.

  
  

  Tqala u treddigħ

  Qabel tibda l-kura, għandek tgħid lit-tabib tiegħek jekk inti tqila, jekk taħseb li inti tqila jew jekk

  għandek il-ħsieb li toħroġ tqila. Inti m'għandekx tieħu Capecitabine SUN jekk inti tqila jew taħseb li tista' tkun. Iridu jittieħdu prekawzjonijiet ta’ kontaċezzjoni effettivi mill-pazjenti li jkunu qegħdin

  jieħdu Capecitabine SUN.

  Inti m'għandekx tredda' jekk qed tieħu Capecitabine SUN.

  Itlob il-parir tat-tabib jew tal-ispiżjar tiegħek qabel tieħu xi mediċina.

  Sewqan u tħaddim ta' magni anhydrous lactose

  Capecitabine SUN jista’ jġiegħlek tħossok sturdut, imqalla’ jew għajjien. Huwa għalhekk possibbli li Capecitabine SUN jista' jaffettwa l-ħila tiegħek li ssuq karozza jew tħaddem magni. M’għandekx issuq

  jekk tħossok stordut jew għajjien wara li tieħu din il-mediċina.

  
  

  Capecitabine SUN fih anhydrous lactose

  Din il-mediċina fiha anhydrous lactose. Jekk it-tabib tiegħek qallek li għandek intolleranza għal xi

  zokkrijiet, kellem lit-tabib tiegħek qabel tieħu dan il-prodott mediċinali.

  
  

  1. Kif għandek tieħu Capecitabine SUN

     
     

     Dejjem għandek tieħu din il-mediċina skont il-parir eżatt tat-tabib jew l-ispiżjar tiegħek. Dejjem għandek taċċerta ruħek mat-tabib jew mal-ispiżjar tiegħek jekk ikollok xi dubju.

     
     

     Capecitabine għandu jingħata biss b'riċetta ta' tabib b'esperjenza fl-użu ta' mediċini għal kontra l- kanċer.

     
     

     Il-pilloli ta' Capecitabine SUN għandhom jinbelgħu sħaħ mal-ilma, fi żmien 30 minuta wara l-ikla.

     
     

     It-tabib tiegħek se jippreskrivilek doża u programm ta' kura li hu tajjeb għalik. Id-doża ta'

     Capecitabine SUN hija bbażata fuq l-erja superfiċjali tal-ġisem tiegħek. Din hija kkalkulata mit-tul u l- piż tiegħek. Id-doża tas-soltu għall-adulti hija ta' 1250 mg /m2 li tittieħed darbtejn kuljum (filgħodu u filgħaxija) skont l-erja tas-superfiċje tal-ġisem. Żewġ eżempji huma pprovduti hawn: Persuna li piż

     tal-ġisem tagħha hija ta' 64 kg u l-għoli huwa 1.64 m għandha erja tas-superfiċje tal-ġisem ta' 1.7 m2 u għandha tieħu 4 pilloli ta’ 500 mg u pillola ta’ 150 mg darbtejn kuljum. Persuna li l-piż tal-ġisem hija ta' 80 kg u l-għoli huwa 1.80 m għandha erja superfiċjali korporali ta' 2.00 m2 u għandha tieħu 5 pilloli

     Prodott mediċinali li m’għadux awtorizzat

     ta' 500 mg darbtejn kuljum.

     
     

     Il-pilloli ta’ Capecitabine SUN normalment jittieħdu għal 14-il ġurnata segwiti minn perjodu ta' mistrieħ ta' 7 jiem (meta l-ebda pilloli huma meħuda). Dan il-perjodu ta' 21 ġurnata huwa ċiklu wieħed ta' kura.

     
     

     Flimkien ma' mediċini oħra d-doża tas-soltu għall-adulti tista' tkun inqas minn 1250 mg/m2 ta' erja tas- superfiċje tal-ġisem, u jista' jkollok bżonn tieħu l-pilloli fuq perjodu ta' żmien differenti (eż. kuljum,

     bl-ebda perjodu ta' mistrieħ).

     
     

     It-tabib tiegħek jgħidlek x'doża għandek bżonn tieħu, meta trid teħodha u għal kemm żmien għandek tibqa' teħodha.

     
     

     It-tabib tiegħek għandu mnejn ikun jixtieq li inti tieħu kombinazzjoni ta' pilloli ta' 150 mg u 500 mg għal kull doża.

• Ħu l-pilloli filgħodu u filgħaxija kif preskritt mit-tabib tiegħek.

• Ħu l-pilloli fi żmien 30 minuta wara t-tmiem tal-ikel (kolazzjon u pranzu).

• Huwa importanti li tieħu l-mediċina kollha tiegħek kif preskritt mit-tabib tiegħek.

  
  

  Jekk tieħu aktar Capecitabine SUN milli suppost

  Ikkuntattja lit-tabib tiegħek malajr kemm jista' jkun qabel ma tieħu d-doża li jmiss.

  Jista’ jkollok l-effetti sekondarji li ġejjin jekk tieħu ħafna aktar capecitabine milli jmissek: tħossok jew tkun imdardar, dijarea, infjammazzjoni jew ulċerazzjoni tal-imsaren jew tal-ħalq, uġigħ jew fsada

  mill-intestin jew mill-istonku, jew depressjoni tal-mudullun (tnaqqis f’ċerti tipi ta’ ċelloli tad-demm).

  Għid lit-tabib tiegħek minnufih jekk ikollok xi sintomi minn dawn.

  
  

  Jekk tinsa tieħu Capecitabine SUN

  Tieħux id-doża li insejt tieħu u tieħux doża doppja d-darba li jmiss.Minflok, kompli bl-iskeda tad-

  dożaġġ tiegħek b'mod regolari u iċċekkja mat-tabib tiegħek.

  Jekk tieqaf tieħu Capecitabine SUN

  M'hemm l-ebda effetti sekondarji kkawżati minn waqfien tal-kura b'Capecitabine SUN. Fil-każ li inti qed tuża antikoagulanti ta' kumarin (li jkun fih eż. phenprocoumon), il-waqfien ta' Capecitabine SUN

  għandu mnejn ikun jeħtieġ li t-tabib tiegħek jaġġusta d-doża tal-antikoagulant tiegħek.

  
  

  Jekk għandek aktar mistoqsijiet dwar l-użu ta' din il-mediċina, staqsi lit-tabib jew spiżjar tiegħek.

  
  

  1. Effetti sekondarji possibbli

     
     

     Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.

     
     

     WAQQAF it-teħid ta’ Capecitabine SUN minnufih u ikkuntattja lit-tabib tiegħek jekk iseħħ xi wieħed minn dawn is-sintomi:

• Dijarea: jekk ikollok żieda ta’ 4 episodji jew aktar ta’ purgar meta mqabbel mal-ippurgar normali tiegħek ta’ kuljum jew kwalunkwe dijarea matul il-lejl.

• Rimettar: jekk tirremetti aktar minn darba f’perijodu ta’ 24 siegħa.

• Tqalligħ: jekk titlef l-aptit tiegħek, u l-ammont ta’ ikel li tiekol kuljum huwa ħafna inqas minn dak tas-soltu.

• Stomatite: jekk ikollok uġigħ, ħmura, nefħa jew ulċeri f’ħalqek u/jew fi griżmejk.

• Reazzjoni tal-ġilda tal-idejn u tas-saqajn: jekk ikollok uġigħ, nefħa, ħmura jew tingiż fl-idejn u/jew fis-saqajn.

• Deni: jekk ikollok temperatura ta’ 38°C jew iżjed.

• Infezzjoni: jekk ikollok sinjali ta’ infezzjoni kkawżati minn batterja jew virus, jew organiżmi oħra.

• Uġigħ fis-sider: jekk ikollok uġigħ lokalizzat fiċ-ċentru tas-sider, speċjalement jekk dan iseħħ

  waqt eżerċizzju.

  Prodott mediċinali li m’għadux awtorizzat

• Sindrome ta’ Steven-Johnson: jekk ikollok raxx juġgħa ta’ lewn aħmar jew jagħti fil-vjola li jinfirex u nfafet u/jew leżjonijiet oħra jibdew jidhru fil-membrani mukużi (eż. ħalq u xufftejn),

  b’mod partikolari jekk qabel kellek sensittività għad-dawl, infezzjonijiet tas-sistema respiratorju (eż. bronkite) u/jew deni.

  
  

  Jekk tilqagħlhom kmieni, dawn l-effetti sekondarji s-soltu jitjiebu fi żmien jumejn sa 3 tijiem wara lwaqfien tal-kura. Madankollu, jekk dawn l-effetti sekondarji jkomplu, ikkuntattja lit-tabib tiegħek minnufih. It-tabib tiegħek jista’ jagħtik istruzzjonijiet biex terġa’ tibda l-kura b’doża aktar baxxa.

  
  

  Minbarra ta’ fuq, meta Capecitabine SUN jintuża waħdu, effetti sekondarji komuni ħafna li jistgħu jaffettwaw aktar minn persuna minn kull 10 huma:

• uġigħ addominali

• raxx, ġilda xotta jew ħakk tal-ġilda

• għeja

• telf t’aptit (anoreksja).

  
  

  Dawn l-effetti sekondarji jistgħu jsiru severi; għalhekk, huwa importanti li dejjem tikkuntattja littabib tiegħek minnufih meta tibda tħoss xi effett sekondarju. It-tabib tiegħek jista’ jagħtik istruzzjonijiet biex tnaqqas id-doża u/jew twaqqaf il-kura b’ Capecitabine SUN temporanjament. Dan jgħin biex tnaqqas il-probabbilità li l-effett sekondarju jkompli jew isir sever.

  
  

  Effetti sekondarji oħra huma:

  
  

  Effetti sekondarji komuni (jistgħu jaffettwaw sa persuna waħda minn kull 10) jinkludu:

• tnaqqis fin-numru ta’ ċelluli bojod tad-demm jew ċelluli ħomor tad-demm (osservati f’testijiet)

• deidratazzjoni, telf ta’ piż

• nuqqas ta’ rqad (insomnja), depressjoni

• uġigħ ta’ ras, ħedla ta’ ngħas, sturdament, sensazzjoni mhux normali fil-ġilda (sensazzjoni ta’tnemnim jew tingiż), bidliet fit-togħma

• irritazzjoni fl-għajnejn, żieda fid-dmugħ, ħmura fl-għajnejn (konġuntivite)

• infjammazzjoni fil-vini (tromboflebite)

• qtugħ ta’ nifs, fsada mill-imnieħer, sogħla, imnieħer inixxi

• ponot tad-deni jew infezzjonijiet oħra kkawżati minn herpes

• infezzjonijiet fil-pulmun jew fis-sistema respiratorja (eż. pnewmonja jew bronkite)

• fsada mill-musrana, stitikezza, uġigħ fl-addome ta’ fuq, indiġestjoni, gass żejjed, ħalq xott

• raxx tal-ġilda, telf ta’ xagħar (alopeċja), ħmura tal-ġilda, ġilda xotta, ħakk (pruritus), tibdil filkulur tal-ġilda, telf tal-ġilda, infjammazzjoni tal-ġilda, disturb fid-dwiefer

• uġigħ fil-ġogi, jew fir-riġlejn jew dirgħajn (estremitajiet), sider jew dahar

• deni, nefħa fir-riġlejn jew dirgħajn, tħossok ma tiflaħx

• problemi bil-funzjoni tal-fwied (osservati fit-testijiet tad-demm) u żieda ta’ bilirubin fid-demm (eliminat mill-fwied).

  
  

  Effetti sekondarji mhux komuni (jistgħu jaffettwaw sa persuna waħda minn kull 100) jinkludu:

• infezzjoni fid-demm, infezzjoni fl-apparat tal-awrina, infezzjoni fil-ġilda, infezzjonijiet flimnieħer u fil-gerżuma, infezzjonijiet mill-moffa (inkluż dawk tal-ħalq), influwenza,

  gastroenterite, axxess tas-snien

• għoqiedi taħt il-ġilda (lipoma)

• tnaqqis fiċ-ċelluli tad-demm inkluż plejtlits, demm debboli (osservat fit-testijiet)

• allerġija

• dijabete, tnaqqis fil-potassium fid-demm, dgħjufija kkawżata minn nuqqas ta’ ikel sustanzjuż, żieda ta’ trigliċeridi fid-demm

• stat ta’ konfużjoni, attakki ta’ paniku, burdata depressa, tnaqqis fil-libido

• diffikultà biex titkellem, indeboliment fil-memorja, telf ta’ koordinazzjoni fil-moviment, disturb fil-bilanċ, ħass ħażin, ħsara fin-nervaturi (newropatija) u problemi bis-sensazzjoni

• vista mċajpra jew doppja

• vertigo, uġigħ fil-widnejn

• taħbit tal-qalb irregolari u palpitazzjonijiet (arritmija), uġigħ fis-sider u attakk ta’ qalb (infart)

  Prodott mediċinali li m’għadux awtorizzat

• emboli ta’ demm fil-vini l-fondi, pressjoni għolja jew baxxa, fwawar, riġlejn u dirgħajn kesħin (estremitajiet), ponot vjola fil-ġilda

• emboli ta’ demm fil-vini tal-pulmun (emboliżmu pulmonari), kollass tal-pulmun, tisgħol iddemm, ażżma, qtugħ ta’ nifs meta tistrapazza

• ostruzzjoni fl-imsaren, ġabra ta’ fluwidu fl-addome, infjammazzjoni tal-musrana ż-żgħira jew ilkbira, tal-istonku jew l-esofagu, uġigħ fil-parti t’isfel tal-addome, skomdu fl-addome, ħruq ta’stonku (rifluss ta’ ikel mill-istonku), demm fl-ippurgar

• suffejra (il-ġilda u l-għajnejn jisfaru)

• ulċera jew nuffata fil-ġilda, reazzjoni tal-ġilda għad-dawl tax-xemx, il-pali tal-idejn jiħmaru, nefħa jew uġigħ fil-wiċċ

• nefħa jew ebusija tal-ġogi, uġigħ fl-għadam, dgħjufija jew ebusija fil-muskoli

• ġabra ta’ fluwidu fil-kliewi, żieda fil-frekwenza tal-awrina matul il-lejl, inkontinenza, demm flawrina, żieda fil-krejatinina fid-demm (sinjal ta’ disfunzjoni tal-kliewi)

• fsada mhux tas-soltu mill-vaġina

• nefħa (edima), tkexkix ta’ bard u tertir.

  
  

  Xi wħud minn dawn l-effetti sekondarji huma aktar komuni meta capecitabine jintuża ma’ mediċini oħra għall-kura tal-kanċer. Effetti sekondarji oħra osservati f’din is-sitwazzjoni huma dawn li ġejjin:

  
  

  Effetti sekondarji komuni (jistgħu jaffettwaw sa persuna waħda minn kull 10) jinkludu:

• livell imnaqqas ta’ sodium, magnesium jew calcium fid-demm, żieda ta’ zokkor fid-demm

• uġigħ fin-nervaturi

• tisfir jew żarżir fil-widnejn (tinnitus), telf tas-smigħ

• infjammazzjoni tal-vini

• sulluzzu, bidla fil-vuċi

• uġigħ jew sensazzjoni mibdula/mhux normali fil-ħalq, uġigħ fix-xedaq

• għaraq, għaraq matul il-lejl

• spażmi fil-muskoli

• diffikultà biex tgħaddi l-awrina, demm jew proteina fl-awrina

• tbenġil jew reazzjoni fis-sit tal-injezzjoni (ikkawżati minn mediċini mogħtija permezz ta’injezzjoni fl-istess waqt).

  
  

  Effetti sekondarji rari (jistgħu jaffettwaw sa persuna waħda minn kull 1,000) jinkludu:

• djuq jew sadd tal-kanal tad-dmugħ (stenosi tal-kanal tad-dmugħ)

• insuffiċjenza tal-fwied

• infjammazzjoni li twassal għal disfunzjoni jew sadd fis-sekrezzjoni tal-bili (epatite kolestatika)

• bidliet speċifiċi fl-elettrokardjogramma ( titwil ta’ QT)

• ċertu tipi ta’ arritmija (inkluż fibrillazzjoni tal-ventrikolu, torsade de pointes, u bradikardija)

• infjammazzjoni fl-għajnejn li tikkawża uġigħ fl-għajnejn u possibilment problemi fil-vista

- infjammazzjoni tal-ġilda li tikkawża rqajja ħomor bil-qoxra kkawżata minn marda fis-sistema immuni.

Effetti sekondarji rari ħafna (jistgħu jaffettwaw sa persuna waħda minn kull 10,000) jinkludu:

- reazzjoni severa fil-ġilda bħal raxx fil-ġilda, ulċerazzjoni u nfafet li jistgħu jinvolvu ulċeri fil- ħalq, imnieħer, ġenitali, idejn, saqajn u għajnejn (għajnejn ħomor u minfuħin).

Rappurtar tal-effetti sekondarji

Jekk ikollok xi effett sekondarju, kellem lit-tabib, lill-ispiżjar jew lill-infermier tiegħek. Dan jinkludi kwalunkwe effett sekondarju li mhuwiex elenkat f’dan il-fuljett. Tista’ wkoll tirrapporta effetti

sekondarji direttament permezz tas-sistema ta’ rappurtar nazzjonali imniżżla f’Appendiċi V*. Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.

1. Kif taħżen Capecitabine SUN

   
   

   Prodott mediċinali li m’għadux awtorizzat

   Żomm din il-mediċina fejn ma tidhirx u ma tintlaħaqx mit-tfal.

   
   

   Tużax din il-mediċina wara d-data ta' meta tiskadi li tidher fuq il-kartuna jew folja, wara EXP. Taħżinx f’temperatura ’l fuq minn 25°C.

   Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif

   għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.

   
   

2. Kontenut tal-pakkett u informazzjoni oħra X'fih Capecitabine SUN

• Is-sustanza attiva hi capecitabine. Kull pillola miksija b'rita fiha 150 mg ta' capecitabine.

• Is-sustanzi l-oħra huma:

  • Qalba tal-pillola: talc (E553b), anhydrous lactose, croscarmellose sodium (E468), hypromellose (E464), microcrystalline cellulose (E460), magnesium stearate(E572).

  • Kisja tal-pillola: hypromellose (E464), titanium dioxide (E171), lactose monohydrate,

macrogol u iron oxide isfar u aħmar (E172).

Kif jidher Capecitabine SUN u l-kontenut tal-pakkett

Capecitabine SUN 150 mg huma pilloli miksijin b'rita f'għamla ovali mżaqqin fuq żewġ naħat ta' lewn ħawħi ċar b'iskrizzjoni fuqhom ta' 150" fuq naħa u lixxi fuq in-naħa l-oħra.

Kull pakkett fih 60 pillola miksija b'rita (6 folji ta’ 10 pilloli).

Detentur tal-Awtorizzazzjoni għat-Tqegħid fis- Suq u l-Manifattur

Sun Pharmaceutical Industries Europe B.V.

Polarisavenue 87

2132 JH Hoofddorp

L-Olanda

Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq :

België/Belgique/Belgien/България/Česká republika/ Danmark/Eesti/Ελλάδα/Hrvatska/Ireland/Ísland/Κύπρος/ Latvija/Lietuva/Luxembourg/Luxemburg/Magyarország/ Malta/Nederland/Norge/Österreich/Polska/Portugal/ România/Slovenija/Slovenská republika/Suomi/Finland/Sverige Sun Pharmaceutical Industries Europe B.V.

Polarisavenue 87

2132 JH Hoofddorp

Nederland/Pays-Bas/Niederlande/Нидерландия/Nizozemsko/ Nederlandene/Holland/Ολλανδία/Nizozemska/The Netherlands/Holland/Ολλανδία/ Nīderlande/Nyderlandai/Pays-Bas/Niederlande/Hollandia/

L-Olanda/Nederland/Nederland/Niederlande/Holandia/Países Baixos/ Olanda/Nizozemska/Holandsko/Alankomaat/Nederländerna/Nederländerna

Tel./тел./tlf./τηλ./Sími/τηλ./Tlf./Puh./

+31 (0)23 568 5501

Deutschland

Sun Pharmaceuticals Germany GmbH

Kandelstrasse 7

79199 Kirchzarten Deutschland

tel. +49 (0) 7661 90 91 58-0

Prodott mediċinali li m’għadux awtorizzat

España

Sun Pharmaceuticals Spain S.L.U.

C/Bobinadora 1-5 Planta 1a Local 13

Mataro, 08302 Barcelona

España

tel. +34 93 798 02 85

France

Sun Pharmaceuticals France 34, Rue Jean Mermoz

78600 Maisons Laffitte

France

tel. +33 1 39 62 10 24

Italia

Sun Pharmaceuticals Italia S.R.L.

Via Luigi Rizzo, 8 I-20151 – Milano Italia

tel. +39 02 33 49 07 93

United Kingdom

Sun Pharmaceuticals UK Limited

4100 Park Approach Thorpe Park

Leeds LS15 8GB

United Kingdom

tel. +44 (0) 113 397 08 70

Dan il-fuljett kien rivedut l-aħħar f'

Prodott mediċinali li m’għadux awtorizzat

u/.