UpCard
Torasemide
Detentur tal-Awt or i zzaz zj oni għat -T qegħi d fi s -Suq re sponsa bbli għal l -ħr ug t al -lott: Vetoquinol SA
Magny-Vernois
70200 Lure FRANZA
UpCard 0.75 mg pilloli għal klieb UpCard 3 mg pilloli għal klieb UpCard 7.5 mg pilloli għal klieb UpCard 18 mg pilloli għal klieb
Kull pillola fiha:
UpCard 0.75 mg pilloli għal klieb 0.75 mg of torasemide UpCard 3 mg pilloli għal klieb 3 mg of torasemide
UpCard 7.5 mg pilloli għal klieb 7.5 mg of torasemide
UpCard 18 mg pilloli għal klieb 18 mg of torasemide
Il-pilloli ta’ UpCard 0.75 mg huma pilloli oblongi ta’ lewn bajdani għal ofwajt b’ferq 1 fuq kull naħa. Il-pilloli jistgħu jinqassmu f’żewġ nofsijiet ugwali.
Il-pilloli UpCard ta’ 3 mg, 7.5 mg u 18 mg huma pilloli oblongi ta’ lewn bajdani u ofwajt bi 3 ifrieq fuq kull naħa. Il-pilloli jistgħu jinqassmu fi kwartijiet ugwali.
Għal trattament ta’ sinjali kliniċi, li jinkludu edema, u effużjoni, marbuta ma’ insuffiċjenza konġestiva tal-qalb.
Tużax f’każijiet ta’ ipersensittività għall-ingredjent attiv jew wiehed mill-eċċipjenti. Tużax f’każijiet ta’ falliment tal-kliewi.
Tużax f’każijiet ta’ deidrazzjoni severa, ipovolemija jew pressjoni baxxa. Tużax fl-istess waqt ma’ dijuretiċi loop oħrajn.
Żieda fil-parametri tal-kliewi fid-demm u insuffiċjenza tal-kliewi huma osservati b’mod komuni ħafna waqt it-trattament.
Bħala riżultat tal-azzjoni dijuretika ta’ torasemide, emokonċentrazzjoni u, b’mod komuni ħafna ġew osservati poliurja u/jew polidipsija.
F’każ ta trattament prolongat, defiċjenza ta’ elettroliti (li jinkludu ipokalemija, ipokloremija,
ipomanjesemija) u deidrazzjoni jistgħu jseħħu.
Sinjali gastrointestinali li jinkludu rimettar, ippurgar imnaqqas jew xejn u, f’każijiet rari, ippurgar artab jistgħu jiġu osservati. L-ippurgar artab huwa temporanju, ħafif u ma jeħtieġ l-ebda waqfien tat-
trattament.
Eritema tal-pinnae ta’ ġewwa tista’ tiġi osservata.
Il-frekwenza ta’ effetti mhux mixtieqa hija definita skont din il-konvenzjoni:
komuni ħafna (aktar minn wieħed f’10 annimali ttrattati li juru effett(i) mhux mixtieq(a) matul il- perjodu ta’ kura waħda)
komuni (aktar minn wieħed iżda inqas minn 10 annimali ttrattati f’100 annimal)
mhux komuni (aktar minn wieħed iżda inqas minn10 annimali ttrattati f’1,000 annimal)
rari (aktar minn wieħed iżda inqas minn10 annimali ttrattati f’10,000 annimal)
rari ħafna (inqas minn annimal wieħed f’10,000 annimal, inklużi rapporti iżolati).
Jekk tinnota xi effetti serji anke dawk mhux imsemmija f’dan il-fuljett, jew taħseb li l-mediċina ma ħadmitx, jekk jogħġbok informa lit-tabib veterinarju tiegħek.
Klieb
Użu orali.
Id-doża rakkomandata ta’ torasemide hi ta’ 0.1 sa 0.6 mg għal kull piż tal-ġisem darba kuljum.
Id-dożaġġ għandu jiġi tittrat sabiex tibqa’ tiġi mantenuta l-kumdità tal-pazjent b’attenzjoni għall-istat ta’ funzjoni tal-kliewi u tal-elettroliti. Jekk il-livell ta’ dijuresi teħtieġ tibdil, id-doża tista’ tiżdied jew titnaqqas fi ħdan il-firxa ta’ dożi rakkomandati b’inkrimenti ta’ 0.1 mg/kg ta’ piż tal-ġisem. Ġaladarba sinjali ta’ falliment tal-qalb konġestiva jkunu ġew kontrollati u l-pazjent ikun stabbli, jekk terapija fuq tul ta’ żmien b’dan il-prodott hi meħtieġa din għandha tissokta fl-inqas doża effettiva.
Eżamijiet frekwenti tal-kelb ser jgħinu biex tiġi stabbilita doża dijuretika xierqa.
L-iskeda ta’ għoti ta’ kuljum tista’ tiġi kkontrollata biex tingħata fil-perijodu ta’ urinazzjoni skont il-ħtieġa.
Il-pilloli UpCard jistgħu jingħataw mal-ikel jew mingħajru.
Mhux applikabbli
Żomm fejn ma jidhirx u ma jintlaħaqx mit-tfal.
Dan il-prodott mediċinali veterinarju m’għandux bżonn tal-ebda kundizzjoni speċjali biex jinħażen. Kull parti ta’ pillola għandha tinħażen fil-pakkett tal-folji jew f’reċipjent magħluq għal massimu ta’ 7 ijiem.
Tużax dan il-prodott mediċinali veterinarju wara d-data ta’ skadenza murija fuq il-kartuna. Id-data ta’ skadenza tirreferi għall-aħħar ġurnata ta’ dak ix-xahar.
Pre kawzj onij i et speċj ali għal l -użu f l -annimali:
Fi klieb li jippreżentaw kriżi akuta b’edema pulmonari, effużjoni plewrali u/jew axite li teħtieġ trattament t’emerġenza, l-użu ta’ mediċini injettabbli għandu jiġi kkonsidrat qabel kull ħaġa oħra qabel tinbeda terapija dijuretika orali.
Il-funzjoni tal-kliewi, l-istat ta’ idrazzjoni u l-istat ta’ elettroliti fis-serum għandhom jiġu monitorati:
fil-bidu tat-trattament
minn 24 siegħa sa 48 siegħa wara l-bidu ta’ trattament
minn 24 siegħa sa 48 siegħa wara bidla fid-doża
f’każ li jkun hemm reazzjonijiet avversi.
Waqt li l-annimal ikun fuq trattament, dawn il-parametri għandhom jiġu monitorati f’intervalli regolari ħafna skont l-istima ta’ benefiċċju mar-riskju mwettqa mill-veterinarju responsabbli (ara s-sezzjonijiet kontraindikazzjonijiet u effetti mhux mixtieqa).
Torasemide għandu jintuża b’kawtela f’każ ta’ dijabete mellitus, u fi klieb b’dożi għoljin preskritti qabel ta’ dijuretiku loop alternattiv. Fi klieb bi żbilanċ ta’ elettroliti u/jew ta’ ilma li kien jeżisti minn qabel, dan għandu jiġi kkoreġut qabel it-trattament b’torasemide.
It-trattament b’torasemide m’għandux jiġi mibdi fi klieb diġà klinikament stabbli fuq dijuretiku alternattiv għal trattament tas-sinjali ta’ insuffiċjenza konġestiva tal-qalb, għajr meta dan ikun ġustifikat meta jitqies ir-riskju li tiġi destabbilizzata l-kondizzjoni klinika u ta’ reazzjonijiet avversi kif indikat f’sezzjoni 6.
Prekawzj onij i et speċj ali li għandhom j i tti eħdu mi ll -persuna li tamministra l-pr odott medi ċi nali veterinarju lill-annimali:
Persuni li għandhom sensittività eċċessiva magħrufa għal torasemide jew sulphonamides oħra għandhom jamministraw il-prodott mediċinali b’kawtela.
Dan il-prodott jista’ jikkawża żieda fl-urinazzjoni u/jew disturbi gastrointestinali jekk jinbela. Żomm il-pilloli fil-pakketti tal-folji sakemm meħtieġ, u żomm il-folji fil-kartuna ta’ barra.
F’każ li jinbelew b’mod aċċidentali, partikolarment f’każ ta’ tfal, fittex għajnuna medika minnufih u uri l-fuljett tal-pakkett jew it-tikketta lit-tabib.
Tqala u tr eddi għ :
Is-sigurtà tal-prodott mediċinali veterinarju ma ġietx stabbilita waqt it-tqala jew fit-treddigħ. L-użu ta’ UpCard mhux rakkomandat waqt it-tqala, it-treddigħ jew tgħammir t’annimali.
Int er azzj oni ma’ pr odot ti medi ċi nal oħr aj n u f or om oħraj n t a’ i nt erazzj oni :
L-għoti fl-istess waqt ta’ dijuretiċi loop u mediċini mhux sterojdi ta’ kontra l-infjammazzjoni jistgħu jirriżultaw f’rispons natriuretiku mnaqqas.
L-użu fl-istess waqt ta’ prodotti mediċinali veterinarji li jaffettwaw il-bilanċ ta’ elettroliti (kortikosterojdi, amphotericin B, glikosidi kardijaċi, dijuretiċi oħrajn) jeħtieġ monitoraġġ attent.
L-użu fl-istess waqt ta’ mediċini li jgħollu r-riskju ta’ ġrieħi fil-kliewi jew insuffiċjenza tal-kliewi għandu jiġi evitat.
L-użu fl-istess waqt ta’ aminoglycosides jew cephalosporines jista’ jżid ir-riskju ta’ nefrotossiċità u ototossiċità.
Torasemide jista’ jżid ir-riskju ta’ allerġija għal sulfonamide.
Torasemide jista’ jnaqqas l-eliminazzjoni mill-kliewi ta’ salicylates, li jwassal għal żieda fir-riskju ta’ tossiċità.
Attenzjoni għandha tiġi eżerċitata meta jingħata torasemide ma’ mediċini li jingħaqdu b’mod qawwi ma’ proteini fil-plażma. Peress li l-irbit ma’ proteini jiffaċilita t-tnixxija ta’ torasemide mill-kliewi, tnaqqis fl-irbit minħabba spostament minn mediċina oħra jista’ jikkaġuna reżistenza dijuretika.
L-għoti fl-istess waqt ta’ torasemide ma’ mediċini oħrajn metabolizzati minn familji ta’ ċitokrom P450 3A4 (eż. enalapril, buprenorphine, doxycycline, cyclosporine) u 2E1 (isoflurane, sevoflurane,
theophylline) jista’ jnaqqas it-tneħħija tagħhom miċ-ċirkolazzjoni sistemika.
L-effett ta’ mediċini ta’ kontra l-pressjoni għolja, speċjalment impedituri tal-enzima li tikkonverti angiotensin (ACE, angiotensin converting enzyme), jista’ jiġi mħarrax meta jingħata fl-istess waqt ma’
torasemide.
Meta użata flimkien ma’ trattamenti kardijaċi (eż. impedituri ACE, digoxin) id-doża fil-programm ta’ kura għandha mnejn tkun trid tiġi modifikata skont ir-rispons tal-annimal għat-terapija.
Doża e ċċ essi va ( si nt omi , proċe dur i t ’emer ġenza, a nt i dot i) :
Dożi akbar minn 0.8 mg/kg/jum ma ġewx evalwati fl-istudji kliniċi kkontrollati dwar is-sigurtà fuq l- annimal fil-mira. Madanakollu, huwa antiċipat li d-doża eċċessiva żżid ir-riskju ta’ deidrazzjoni, żbilanċ fuq l-elettroliti, insuffiċjenza tal-kliewi, anoreksja, telf fil-piż u kollass kardjovaskulari.
It-trattament għandu jkun sintomatiku.
Il-mediċini m’għandhomx jiġu mormija mal-ilma maħmuġ jew mal-iskart domestiku.
Staqsi lil kirurgu veterinarju tiegħek dwar kif l-aħjar li tarmi l-mediċini li ma jkunux aktar meħtieġa. Dawn l-miżuri għandhom jgħinu sabiex jipproteġu l-ambjent.
Informazzjoni dettaljata dwar dan il-prodott mediċinali veterinarju tinsab fuq il-websajt ta’-l-Aġenzija Ewropea dwar il-Mediċini ()
Il-pilloli UpCard huma fornuti f’pakketti ta’ strixxi b’10 pilloli fuq kull folja. Daqsijiet ta’ pakketti huma ta’ 30 jew 100 pillola.
Mhux id-daqsijiet kollha tal-pakkett jistgħu qegħdin fis-suq.
Abbażi ta’ studju b’immodellar farmakodinamiku li sar fuq klieb b’saħħithom f’dożi ta’ 0.1 u 0.6 mg torasemide/kg, doża waħda ta’ torasemide kellha madwar 20 darba l-effett dijuretiku ta’ doża waħda ta’ furosemide.