Instanyl
fentanyl
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib, lill-ispiżjar jew l-infermier tiegħek. Dan
jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4.
X’inhu Instanyl u għalxiex jintuża
X’għandek tkun taf qabel ma tuża Instanyl
Kif għandek tuża Instanyl
Effetti sekondarji possibbli
Kif taħżen Instanyl
Kontenut tal-pakkett u informazzjoni oħra
Instanyl fih is-sustanza attiva fentanyl u jappartjeni għal grupp ta’ mediċini qawwija li jtaffu l-uġigħ msejħa opiojdi. Opiojdi jaġixxu billi jimblukkaw is-sinjali ta’ uġigħ li jmorru fil-moħħ.
Instanyl jaġixxi b’mod mgħaġġel ħafna u jintuża biex itaffi l-uġigħ qawwi f’pazjenti bil-kanċer li jbatu
uġigħ qawwi f’daqqa u li diġà kienu trattati b’opiojdi għal uġigħ normali tagħhom. Uġigħ qawwi f’daqqa huwa uġigħ addizzjonali li jiġi f’daqqa minkejja li tkun ħadt l opiojdi tas-soltu biex itaffu l-uġigħ.
jekk inti allerġiku għal fentanyl jew għal xi sustanza oħra ta’ din il-mediċina (imniżżla fis-sezzjoni 6).
Jekk m’intix qed tuża b’mod regolari mediċina opoid (eż codeine, fentanyl, hydromorphone, morphine, oxycodone, pethidine) preskritta kuljum fuq skeda regolari, għal ta’ l-inqas ġimgħa, għall-kontroll tal-uġigħ persistenti tiegħek. Jekk ma kontx qed tuża dawn il-mediċini,
m’għandekx tuża Instanyl, minħabba li dan jista’ jżid ir-riskju li n-nifs jista’ jsir bil-mod u/jew
baxx b’mod perikoluż, jew anki jieqaf.
Jekk qed tieħu mediċina li fiha sodium oxybate.
Jekk issofri minn uġigħ li jdum għal tul ta’ żmien qasir minbarra uġigħ li jinħass, bħal uġigħ
ikkawżat minn korriment jew kirurġija, uġigħ ta’ ras jew emigranja;
jekk għandek problemi serji biex tieħu n-nifs jew tbati minn xi impediment serju ta’ mard tal-pulmun;
jekk qabel tkun irċevejt radjuterapija fuq il-wiċċ;
jekk tinfareġ b’mod rikorrenti.
Kellem lit-tabib jew lill-ispiżjar tiegħek qabel tuża Instanyl, speċjalment:
jekk tbati minn mard tal-pulmun ostruttiv għal perjodu ta’ żmien twil, in-nifs tiegħek jista’ jiġi mxekkel b’Instanyl.
jekk għandek problemi b’qalbek b’mod speċjali rata baxxa ta’ taħbit tal-qalb, pressjoni tad-demm baxxa jew volum baxx ta’ demm.
jekk għandek problema bil-fwied jew bil-kliewi tiegħek.
jekk għandek problemi bil-funzjoni tal-moħħ tiegħek, eż. minħabba xi tumur fil-moħħ, ferita f’rasek jew pressjoni intrakranjali ogħla.
jekk qatt żviluppajt insuffiċjenza adrenali jew nuqqas ta’ ormoni tas-sess (defiċjenza ta’ androġen) bl-użu tal-opjojdi.
jekk inti jew xi ħadd fil-familja tiegħek qatt abbużajtu minn jew kellkom dipendenza fuq l-alkoħol, mediċini li jingħataw bir-riċetta jew drogi illegali (“dipendenza”).
jekk tpejjep.
jekk qatt kellek problemi bil-burdata tiegħek (depressjoni, ansejtà jew disturb tal-personalità) jew qatt irċevejt trattament mingħand psikjatra għal mard mentali ieħor.
jekk tieħu antidipressanti jew antipsikotiċi (jekk jogħġbok irreferi wkoll għas-sezzjoni ‘Mediċini oħra u Instanyl’).
jekk tieħu mediċini msejħa agonist/antagonisti parzjali eż. buprenorphine, nalbuphine u pentazoncine (mediċini għat-trattament tal-uġigħ) għax jista’ jkollok sintomi ta’ sindrome ta’
rtirar. Jekk jogħġbok irreferi għas-sezzjoni ‘Mediċini oħra u Instanyl’ għal aktar informazzjoni.
jekk tuża prodotti ta’ sprej għall-imnieħer oħra eż. għal riħ komuni jew allerġija.
Disturbi fit-teħid tan-nifs relatati mal-irqad
Instanyl jista’ jikkawża disturbi fit-teħid tan-nifs relatati mal-irqad bħal apnea tal-irqad (pawżi fit-teħid tan-nifs waqt l-irqad) u ipossemija relatata mal-irqad (livell baxx ta’ ossiġnu fid-demm). Is-sintomi jistgħu jinkludu pawżi fit-teħid tan-nifs waqt l-irqad, qawmien matul il-lejl minħabba qtugħ ta’ nifs, diffikultajiet biex wieħed jibqa’ rieqed jew ħedla eċċessiva matul il-jum. Jekk inti jew persuna oħra tosservaw dawn is-sintomi, ikkuntattja lit-tabib tiegħek. It-tabib tiegħek jista’ jikkunsidra li jnaqqas
id-doża.
Ikkonsulta lit-tabib tiegħek waqt li qed tuża Instanyl, jekk:
ikollok uġigħ jew żieda fis-sensittività għall-uġigħ (iperalġeżija) li ma tirrispondix għal doża ogħla tal-mediċina tiegħek kif mogħtija b’riċetta mit-tabib tiegħek.
ikollok taħlita tas-sintomi li ġejjin: dardir, rimettar, anoressija, għeja, dgħufija, sturdament u
pressjoni tad-demm baxxa. Flimkien, dawn is-sintomi jistgħu jkunu sinjal ta’ kundizzjoni potenzjalment ta’ periklu għall-ħajja msejħa insuffiċjenza adrenali. Din hi kundizzjoni li fiha l-glandoli adrenali ma jipproduċux biżżejjed ormoni.
Jekk tinfaraġ b’mod rikorrenti jew tħoss imnieħrek qed idejqek waqt li qed tieħu l-kura b’Instanyl, għandek tikkuntattja lit-tabib tiegħek, li għandu mnejn jikkonsidra trattament alternattiv għal uġigħ qawwi li jiġi f’daqqa.
L-użu ripetut ta’ Instanyl jista’ jwassal għal dipendenza u abbuż li jistgħu jirriżultaw fdoża eċċessiva ta’ theddida għall-ħajja. Jekk imħasseb li tista’ ssir dipendenti fuq Instanyl, huwa importanti li tikkonsulta lit-tabib tiegħek.
Instanyl m’għandux jintuża fi tfal u adoloxxenti li għadhom m’għalqux 18-il sena.
Għid lit-tabib jew lill-ispiżjar tiegħek jekk qiegħed tieħu, ħadt dan l-aħħar jew tista’ tieħu xi mediċina
oħra, anki dawk mingħajr riċetta.
Instanyl jista’ jaffettwa jew jiġi affettwat b’mediċini oħra.
Attenzjoni speċjali għandha tittieħed jekk inti qed tiġi kkurat b’xi wieħed mill-mediċini li ġejjin:
kull mediċina li ġeneralment tħeddlek (għandha effett seduttiv) bħal pilloli tal-irqad, mediċini użati biex jittrattaw l-ansjetà, antiħistamini, jew kalmanti. L-użu ta’ mediċini oħra bħal dawn
fl-istess ħin ma’ Instanyl, jista’ jikkawża sedazzjoni qawwija u jaffettwa l-ħila tiegħek biex tieħu n-nifs, li jista’ jwassal għal koma u jkun ta’ periklu għas-saħħa.
kull mediċina li jista’ jkollha effett fuq il-mod kif ġismek ikisser Instanyl, bħa :l
ritonavir, nelfinavir, amprenavir, u fosamprenavir (mediċini li jgħinu jikkontrollaw l-infezzjoni ta’ HIV) ;
impedituri CYP3A4 bħal ketoconazole, itraconazole, jew fluconazole (użati fit-trattament għal infezzjonijiet tal-moffa) ;
troleandomycin, clarithromycin, jew erythromycin (mediċini użati għal trattament ta’ infezzjonijiet batteriċi) ;
aprepitant (użat biex jittratta tqalligħ sever) ;
diltiazem u verapamil (mediċini użati għal pressjoni tad-demm għolja jew mard tal-qalb).
mediċini msejjħa inibituri ta’ monoamine-oxidase (MAO) (użati għal depressjoni severa) jew ħadt dawn fl-aħħar ġimagħtejn.
Ir-riskju ta’ effetti sekondarji jiżdied jekk qiegħed tieħu mediċini bħal ċerti antidipressanti jew antipsikotiċi. Instanyl jista’ jinteraġixxi ma’ dawn il-mediċini u jista’ jkollok bidliet fl-istat mentali (eż. aġitazzjoni, alluċinazzjonijiet, koma), u effetti oħra bħal temperatura tal-ġisem ogħla minn 38 °C, żieda fir-rata tat-taħbita tal-qalb, pressjoni tad-demm instabbli, u esaġerazzjoni tar-riflessi, riġidità fil-muskoli, nuqqas ta’ koordinazzjoni u/jew sintomi gastrointestinali (eż. dardir, rimettar, dijarea). It-tabib tiegħek se jgħidlek jekk Instanyl huwiex tajjeb għalik.
mediċini li jissejħu agonisti/antagonisti parzjali eż. buprenorphine, nalbuphine u pentazocine (mediċini għat-trattament tal-uġigħ). Jista’ jkollok sintomi ta’ sindrome ta’ rtirar tal-mediċina (dardir, rimettar, dijarea, ansjetà, tertir, rogħda, u għaraq).
mediċini oħra li jittieħdu mill-imnieħer, speċjalment oxymetazoline, xylometazoline u mediċini simili, li jintużaw għal serħan minn konġestjoni nażali.
M’għandekx tixrob alkoħol waqt li qed tiġi trattat b’Instanyl, peress li jista’ jżid ir-riskju li jkollok effetti perikolużi oħrajn.
Jekk inti tqila jew qed tredda’, taħseb li tista tkun tqila jew qed tippjana li jkollok tarbija, itlob il-parir
tat-tabib jew tal-ispiżjar tiegħek qabel tieħu din il-mediċina.
Instanyl m’għandux jintuża waqt it-tqala sakemm ma ddiskutejtx dwar dan mat-tabib tiegħek. Instanyl m’għandux jintuża fit-twelid peress li fentanyl jista’ jikkawża problemi tat-teħid tan-nifs
fit-tarbija li għadha titwieled.
Fentanyl jista’ jgħaddi fil-ħalib tas-sider u jista’ jikkawża effetti mhux mixtieqa fit-tarbija li qed terda. Tużax Instanyl jekk qed tredda’. M’għandekx tibda t-treddigħ qabel mill-inqas 5 ijiem wara l-aħħar doża ta’ Instanyl.
M’għandekx issuq jew tuża inġenji waqt li tkun qed tiġi trattat b’Instanyl. Instanyl jista’ jikkawża
sturdamenti, ngħas u disturbi viżwali, li jistgħu jaffettwaw il-ħila tiegħek biex issuq u tħaddem magni.
Dejjem għandek tuża mediċina skont il-parir eżatt tat-tabib tiegħek. Dejjem għandek taċċerta ruħek mat-tabib jew mal-ispiżjar tiegħek jekk ikollok xi dubju.
Id-doża ta’ Instanyl li tingħata hija indipendenti mit-trattament għall-uġigħ mill-kanċer li ġeneralment tingħata.
Meta tibda tieħu Instanyl, it-tabib tiegħek ser jaħdem miegħek sabiex isib l-aħjar doża li ttaffilek l-uġigħ qawwi li jiġik f’daqqa.
Id-doża tal-bidu hija nefħa waħda ta’ 50 mikrogramma f’kull minħar jekk ikollok episodju ta’ uġigħ qawwi li jiġik f’daqqa. Waqt lit kun qed tiġi stabbilita d-doża tiegħek, it-tabib tiegħek jista’ jagħtik struzzjonijiet biex tibdel għal doża aktar qawwija.
Jekk l-uġigħ qawwi li jiġik f’daqqa ma jittafhiex wara 10 minuti, tista’ tuża biss nefħa oħra biss għal dan l-episodju.
Ġeneralment għandek tħalli 4 sigħat jgħaddu qabel ma tkun tista’ terġa’ tieħu darb oħra għal episodju li jmiss għall-uġigħ qawwi li jiġi b’daqqa. F’okkażżjonijiet eċċezzjonali meta inti jkollok episodju
ġdid ta’ uġigħ qawwi li jiġi f’daqqa li jiġi b’mod bikri, tista’ tuża Instanyl biex tittrattah imma
għandek tistenna tal-anqas sagħtejn biex tagħmel hekk. Jekk inti regolarment ikollok episodji ta’ uġigħ qawwi li jiġuk f’daqqa li jkunu inqas minn erba’ sigħat bejn episodju u ieħor, għandek tikkuntattja
lit-tabib tiegħek, peress li t-trattament għall-uġigħ tal-kanċer li s-soltu tieħu għandu mnejn ikun irid jinbidel.
Inti tista’ tuża Instanyl sabiex tittratta sa erba episodji ta’ uġigħ qawwi li jiġi f’daqqa kuljum.
Jekk ikollok aktar minn erba’ episodji ta’ uġigħ qawwi li jiġi f’daqqa kuljum, ikkuntattja t-tabib tiegħek peress li t-trattament għall-uġigħ mill-kanċer tiegħek għandu mnejn ikun irid jinbidel changed.
Sabiex jinżamm rendikont tal-għadd ta’ dożi ta’ Instanyl użati, inti għandek tuża l-kaxxi biex timmarka fuqhom li jinsabu fuq il-kaxxa ta’ barra reżistenti għat-tfal.
Taqbadx tibdel id-doża ta’ Instanyl jew ta’ mediċini tal-uġigħ minn jeddek. Il-bidla fid-doża trid issir flimkien mat-tabib tiegħek.
Instanyl huwa għal użu mill-imnieħer.
Jekkjogħġbokaqral-istruzzjonijietgħall-użufit-tmiemta’danil-fuljettbiextitgħallemkiftuża Instanyl.
Ħedla, mgħas, sturdament, temperatura tal-ġisem mnaqqsa, qalb tħabbat bil-mod, diffikultà
tikkoordina ir-riġlejn u d-dirgħajn.
F’każijiet serji is-sintomi ta’ meta tieħu wisq Instanyl jistgħu jinkludu koma, sedazzjoni, konvulżjonijiet jew diffikultajiet severi biex tieħu n-nifs (nifs bil-mod ħafna jew dgħajjef). Jekk tħoss xi wieħed minn dawn is-sintomi għandek tfittex l-assistenza medika.
Notalilpersunilijieħduħsieboħrajn
Jekk tara lil persuna li qed tieħu Instanyl f’daqqa waħda qed taġixxi bil-mod, għandha diffikultajiet
biex tieħu n-nifs, għandhek diffikutà biex tqajjem lil persuna:
minnufih inti għandek tgħajjat għal għajnuna ta’ emerġenza.
waqt li tkun qed tistenna l-għajnuna tal-emerġenza, inti għandek tipprova żżomm l-persuna
mqajma billi tkellimha jew iċċaqlaqha bil-mod kull tant ħin.
jekk il-persuna għandha diffikutà biex tieħu n-nifs, inti għandek tħeġġeġ lil persuna tieħu nifs ’il ġewwa kull 5-10 sekondi.
jekk il-persuna waqfet tieħu n-nifs, inti għandek tipprova tirrisuxxitah/tirrisuxxitha sakemm
tasal l-għajnuna ta’ emerġenza.
Jekk taħseb li xi ħadd ħa Instanyl, jekk jogħġbok fittex l-assistenza medika. Ipprova żomm ’il persuna mqajma sakemm l-għajnuna ta’ emerġenza tasal.
Jekk xi ħadd ħa Instanyl b’mod aċċidentali, jista’ jkollhom l-istess sintomi bħal dawk deskritti hawn fuq għal doża eċċessiva.
Jekk l-uġigħ qawwi f’daqqa ma jittafiex, tista’ tieħu Instanyl kif qallek li għandek tieħdu t-tabib
tiegħek. Jekk l-uġigħ qawwi f’daqqa waqaf, m’għandekx tieħu Instanyl sal-episodju li jmiss ta’ uġigħ qawwi li jaqbdek f’daqqa.
Għandek tieqaf tuża Instanyl meta ma jibqax ikollok uġigħ qawwi li jiġi f’daqqa. Madankollu xorta
għandek tibqa’ tieħu l-mediċina li tieħu ssoltu biex ittaffi l-uġigħ sabiex tittratta l-uġigħ tal-kanċer. Ikkuntattja lit-tabib tiegħek sabiex tikkonferma d-doża korretta għal mediċina li ġeneralment tieħu jekk m’intix żgur.
Tista’ tesperjenza sintomu ta’ nuqqas ta’ teħid tal-prodott simili għall-effetti sekondarji possibbli ta’ Instanyl meta twaqqaf Instanyl. Jekk tesperjenza sintomu ta’ nuqqas ta’ teħid, għandek tikkuntattja lit-tabib tiegħek. It-tabib tiegħek jevalwa jekk tkunx teħtieġ mediċina biex tnaqqas jew telimina
s-sintomi ta’ nuqqas ta’ teħid tal-prodott.
Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
L-effetti sekondarji ta’ spiss jieqfu jew jonqsu mill-intensità b’użu kontinwu tal-prodott.
ikollok diffikultajiet severi biex tieħu n-nifs.
ikollok ħoss ta’ ċekċik meta tieħu nifs ’il ġewwa,.
ikollok uġigħ konvulsiv.
ikollok sturdament estrem.
Effetti oħra rapportati wara l-użu ta’ Instanyl:
Ħedla, stordament anke b’diffikutajiet biex iżżomm il-bilanċ, uġigħ ta’ ras, irritazzjoni tal-griżmejn,
tqalligħ, remettar, fwawar, tħossok sħun ħafna, tagħraq ħafna.
Ma tistax torqod, ngħas, kontrazzjonijiet konvulżivi tal-muskoli, sensazzjoni abnormali fuq il-ġilda
anke spjaċevoli, bidla fit-togħma, deni taċ-ċaqlieq, pressjoni baxxa tad-demm, problemi severi biex tieħu n-nifs, l-imnieħer jinfaraġ, ulċera fl-imnieħer, flisjoni, stitikezza, infjammazzjoni tal-ħalq, ħalq xott, uġigħ tal-ġilda, ħakk tal-ġilda, deni.
Waqa', dijarea, konvulżjonijiet, telf ta’ konoxxenza, nefħa fid-dirgħajn jew fir-riġlejn, tara jew tisma
affarijiet li mhux vera hemm (alluċinazzjonijiet), dipendenza fuq id-drogi (vizzju), abbuż mid-droga, għeja kbira, telqa, sindrome ta’ rtirar tal-mediċina (tista’ tiġi osservata bl-okkorrenza tal-effetti sekondarji li ġejjin, dardir, rimettar, dijarea, ansjetà, tertir, rogħda, u għaraq), qtugħ ta’ nifs.
Kien hemm ukoll rapporti ta' pazjenti li żviluppaw toqba fis-septum tal-imnieħer – l-istruttura li tissepara l-imnifsejn.
It-trattament fit-tul b’fentanyl waqt it-tqala jista’ jikkawża sintomi ta’ meta wieħed jieqaf jieħu l-mediċina fit-tarbija tat-twelid, u dan jista’ jkun ta’ periklu għall-ħajja (ara sezzjoni 2).
Għandek tgħid lit-tabib tiegħek jekk ikollok episodji fejn l-imnieħer jinfaraġ b’mod rikorrenti jew ikollok imnieħrek idejqek.
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett
sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezztas-sistemata’rappurtarnazzjonaliimniżżlaf’AppendiċiV. Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Tużax Instanyl wara d-data ta’ meta tiskadi li tidher fuq il-flixkun wara JIS. Id-data ta’ meta tiskadi tirreferi għall-aħħar jum ta’ dak ix-xahar.
Aħżen f’temperatura taħt 30 °C. Żomm il-flixkun l-isprej nażali maħżun rasu ’l fuq. Tagħmlux
fil-friża. Jekk l-isprej għall-imnieħer ta’ Instanyl jiffriża, il-pompa tal-isprej tista’ tixxaqqaq. Jekk m’intix żgur kif il-pompa ġiet maħżuna, għandek tiċċekkja l-pompa tal-isprej qabel ma tużha.
Jekk id-data ta’ meta tiskadi tkun għaddiet jew ma jkunx għadu meħtieġ, Instanyl xorta għad ikun fih biżżejjed mediċina li jista’ jkun ta’ ħsara għal persuni oħra, speċjalment tfal. Tarmix mediċini
mal-ilma tad-dranaġġ jew mal-iskart domestiku. Kull sprej nażali flixkun użat jew mhux użat għandu
jintrema b’mod sistematiku b’mod konformi mal-ħtiġijiet lokali jew jiġi ritornat fl-ispiżerija fil-kaxxa ta’ barra li hi reżistenti għal ftuħ mit-tfal. Staqsi lill-ispiżjar dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi fentanyl. Il-kontenut hu:
50mikrogramma/doża: 1 ml fih fentanyl citrate ekwivalenti għal 500 mikrogramma fentanyl. Nefħa
waħda (100 mikrolitru) fiha 50 mikrogramma fentanyl.
100mikrogramma/doża: 1 ml fih fentanyl citrate ekwivalenti għal 1,000 mikrogramma fentanyl. Nefħa waħda (100 mikrolitru) fiha 100 mikrogramma fentanyl.
200microgramma/doża: 1 ml fih fentanyl citrate ekwivalenti għal 2,000 mikrogramma fentanyl. Nefħa waħda (100 mikrolitru) fiha 200 mikrogramma fentanyl.
Is-sustanzi l-oħra huma sodium dihydrogen phosphate dihydrate, disodium phosphate dihydrate, u ilma ppurifikat
Instanyl huwa soluzzjoni ta’ sprej għall-imnieħer. Is-soluzzjoni hi ċara u mingħajr kulur. Huwa jiġi fi
flixkun tal-ħġieġ kannella b’tagħmir li jippompja bil-kejl.
It-tagħmir tal-isprej jiġi f’kaxxa ta’ barra li hi reżistenti għal ftuħ mit-tfal u jiġi fi tliet daqsijiet
differenti ta’ pakkett: 1.8 ml (ugwali għal 10 dożi), 2.9 ml (ugwali għal 20 doża) u 5.0 ml (ugwali għal 40 doża).
Jista’ jkun li mhux il-pakketti tad-daqsijiet kollha jkunu fis-suq.
It-tikkettar tat-tliet qawwiet ta’ Instanyl huma divrenzjati skont il-kulur: It-tikkettar tal-50 mikrogramma/doża hu oranġjo
It-tikkettar tal-100 mikrogramma/doża hu vjola
It-tikkettar tal-200 mikrogramma/doża hu blu fl-aħdar.
Takeda Pharma A/S
Delta Park 45
2665 Vallensbaek Strand
Id-Danimarka
NO-2409 Elverum In-Norveġja
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq.
Takeda Belgium
Tél/Tel: +32 2 464 06 11
Takeda, UAB
Tel: +370 521 09 070
Такеда България
Тел.: + 359 2 958 27 36
Takeda Belgium
Tél/Tel: +32 2 464 06 11
Takeda Pharmaceuticals Czech Republic s.r.o. Tel: + 420 234 722 722
Takeda Pharma A/S
Tlf: +45 46 77 11 11
TAKEDA HELLAS S.A.
Tel: +30 210 6387800
Takeda GmbH
Tel: +49 (0) 800 825 3325
Takeda Nederland B.V.
Tel: +31 20 203 5492
Takeda Pharma AS Tel: +372 6177 669
Takeda AS
Tlf: +47 6676 3030
TAKEDA ΕΛΛΑΣ Α.Ε.
Τηλ: +30 210 6387800
Takeda Pharma Ges.m.b.H.
Tel: +43 (0) 800 20 80 50
Takeda Farmacéutica España S.A. Tel: +34 917 90 42 22
Takeda Pharma sp. z o.o. Tel.: +48 22 608 13 00
Takeda France SAS
Tél: +33 1 40 67 33 00
Takeda Farmacêuticos Portugal, Lda.
Tel: + 351 21 120 1457
Takeda Pharmaceuticals Croatia d.o.o
Tel: +385 1 377 88 96
Takeda Pharmaceuticals SRL
Tel: +40 21 335 03 91
Takeda Products Ireland Ltd.
Tel: 1800 937 970
Takeda Pharmaceuticals farmacevtska družba
d.o.o.
Tel: +386 (0) 59 082 480
Vistor hf.
Sími: +354 535 7000
Takeda Pharmaceuticals Slovakia s.r.o.
Tel: +421 (2) 20 602 600
Takeda Italia S.p.A.
Tel: +39 06 502601
Takeda Oy
Puh/Tel: +358 20 746 5000
TAKEDA ΕΛΛΑΣ Α.Ε.
Τηλ: +30 210 6387800
Takeda Pharma AB
Tel: +46 8 731 28 00
Takeda Latvia SIA
Tel: +371 67840082
Takeda UK Ltd
Tel: +44 (0)2830 640 902
Jekk jogħġbok aqra l-istruzzjonijiet li ġejjin bir-reqqa biex titgħallem kif tuża Instanyl sprej nażali:
Qabel tuża l-isprej għall-imnieħer l-ewwel darba:
Irid jiġi ppumpjat 3 jew 4 darbiet (ipprajmjat) sakemm jidher irxiex fin.
Jekk ma użajt Instanyl għal aktar minn 7 ijiem il-pompa trid tiġi pprajmjata mill-ġdid billi tisprejja darba fl-ajru qabel ma tittieħed d-doża li jmiss.
Naddaf imnieħrek jekk tħossu misdud jew jekk għandek riħ.
Għandek tpoġġi jew toqgħod f’pożizzjoni wieqfa.
Neħħi l-għatu protettiv minn fuq l-isprej.
Żomm l-isprej għall-imnieħer rasu ’l fuq.
Baxxi r-ras daqsxejn ’il quddiem.
Agħlaq wieħed mill-imnefsejn billi tpoġġi subgħajk man-naħa tal-imnieħer u daħħal ir-ras
tal-isprej fil-minfes l-ieħor (madwar 1 ċm). Ma jimpurtax liema minfes tuża. Jekk ikollok tieħu
t-tieni doża wara 10 minuti biex tikseb serħan biżżejjed, din id-doża għandha tittieħed fil-minfes
l-ieħor.
Agħfas il-pompa ’l isfel kompletament u f’salt b’żewġt iswaba, darba waħda, waqt li tieħu n-nifs minn imnieħrek. Kun ċert li l-pompa hija magħfusa kompletament ’l isfel. Tista’ ma tħossx
id-doża f’imnieħrek, iżda tkun irċivejtha meta tkun għafast il-pompa.
Naddaf il-ponta tal-isprej għall-imnieħer wara użu b’tissue nadifa, u mbagħad armi t-tissue.
Jekk wara 10 minuti jkollok bżonn it-tieni doża ta’ Instanyl biex ittaffi l-uġigħ tiegħek, irrepeti l-passi 1 sa 8 fil-minfes l-ieħor.
Dejjem poġġi Instanyl fil-kaxxa li hi reżistenti għal ftuħ mit-tfal wara li tużah. Żomm fejn ma jidhirx u ma jintlaħaqx mit-tfal.
Żomm kont ta’ kemm il-doża ħadt u kemm għad fadallek fl-isprej għall-imnieħer billi tuża l-kard għall-għadd tad-dożi li hija pprovduta mal-isprej għall-imnieħer Instanyl. Kull darba li tuża l-isprej għall-imnieħer Instanyl, ara li inti jew min jieħu ħsiebek, tiktbu l-informazzjoni fuq il-kard.
Jekk ikun imblukkat, immira l-isprej għall-imnieħer ’il bogħod minnek (u minn kwalunkwe nies
oħra) u agħfas il-pompa b’mod sod ’l isfel. Dan għandu jneħħi kwalunkwe imblukkar.
Jekk l-isprej għall-imnieħer ikun għadu mhux qed jaħdem kif suppost, kellem lill-ispiżjar tiegħek.
jista’ jkun li mbagħad jagħtik doża ħażina.