Levemir
insulin detemir
insulin detemir
Żomm dan il-fuljett. Jista’ jkollok bżonn terġa’ taqrah
Jekk ikollok aktar mistoqsijiet, jekk jogħġbok staqsi lit-tabib, lin-ners jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il- ħsara, anki jekk ikollhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib, lin-ners jew lill-ispiżjar tiegħek. Dan jinkludi xi effett sekondarju possibbli li m’huwiex elenkat f’dan il-fuljett. Ara sezzjoni 4.
X’inhu Levemir u għalxiex jintuża
X’għandek tkun taf qabel ma tuża Levemir
Kif għandek tuża Levemir
Effetti sekondarji possibbli
Kif taħżen Levemir
Kontenut tal-pakkett u informazzjoni oħra
Levemir huwa insulina moderna (analogu tal-insulina) li jaħdem fit-tul. Prodotti ta’ insulini moderni huma verżjonijiet imtejba ta’ insulina umana.
Levemir jintuża biex ibaxxi l-livell għoli taz-zokkor fid-demm fl-adulti, fl-adolexxenti u fit-tfal mill-età ta’ sena ’l fuq li għandhom id-dijabete mellitus (id-dijabete). Id-dijabete hija marda fejn il-ġisem ma jipproduċix biżżejjed insulina biex jikkontrolla l-livell taz-zokkor fid-demm.
Levemir jista’ jintuża ma’ mediċini tal-insulina li jaħdmu malajr u li jittieħdu madwar il-ħin tal-ikel.
Fil-kura tad-dijabete mellitus tat-tip 2, Levemir jista’ jintuża wkoll flimkien ma’ pilloli għad-dijabete u/jew
ma’ prodotti ta’ kontra d-dijabete li jittieħdu bħala injezzjoni, ħlief għall-insulina.
L-effett ta’ Levemir li jbaxxi z-zokkor fid-demm huwa wieħed dewwiemi u kostanti u jibda jaħdem fi żmien 3 sa 4 sigħat wara l-injezzjoni. Levemir jipprovdi sa 24 siegħa ta’ kopertura ta’ insulina bażilari.
► Jekk inti allerġiku/a għal insulin detemir, jew għal xi sustanzi oħra ta’ din il-mediċina (ara sezzjoni 6, Kontenut tal-pakkett u informazzjoni oħra).
► Jekk qiegħed/qegħda tissusspetta bidu ta' ipogliċemija (livell baxx ta’ zokkor fid-demm), ara a) Sommarju ta’ effetti sekondarji serji u komuni ħafna f’sezzjoni 4).
► F’pompi tal-infużjoni tal-insulina
► Jekk l-iskartoċċ jew l-apparat li ġo fih hemm l-iskartoċċ jitwaqqa’, tiġrilu l-ħsara jew jitgħaffeġ
► Jekk ma ġiex maħżun tajjeb jew ġie ffriżat (ara sezzjoni 5 Kif taħżen Levemir)
► Jekk l-insulina ma tidhirx ċara daqs l-ilma, bla kulur u akweja.
Jekk tapplika xi waħda minn dawn, tużax Levemir. Ħu parir mingħand it-tabib jew in-ners jew l-ispiżjar tiegħek.
► Iċċekkja t-tikketta biex taċċerta ruħek li hi t-tip ta' insulina t-tajba.
► Dejjem iċċekkja l-iskartoċċ, inkluż il-planġer tal-gomma fil-qiegħ tal-iskartoċċ. Tużahx jekk tara xi ħsara jew jekk il-planġer tal-gomma hu miġbud ’il fuq mill-istrixxa l-bajda tat-tikketta li hemm fil- qiegħ tal-iskartoċċ. Dan jista’ jkun minħabba li tkun tnixxiet xi insulina. Jekk tissusspetta li l-iskartoċċ għandu xi ħsara, ħudu lura għand minn tahulek. Ara l-manwal tas-sistema tal-għoti tiegħek għal aktar struzzjonijiet .
► Dejjem uża labra ġdida għal kull injezzjoni sabiex tevita l-kontaminazzjoni.
► Il-labar u Levemir Penfill m’għandhomx jintużaw minn persuni oħra.
► Levemir Penfill huwa tajjeb biss għall-injezzjonijiet minn taħt il-ġilda bl-użu ta’ pinna li tista’ terġa’ tintuża. Kellem lit-tabib tiegħek jekk għandek bżonn tinjetta l-insulina tiegħek b’mod ieħor.
Xi kundizzjonijiet u attivitajiet jistgħu jaffettwaw il-bżonn tiegħek tal-insulina. Ikkonsulta mat-tabib tiegħek:
► Jekk għandek problemi tal-kliewi jew tal-fwied, jew tal-glandola adrenali, pitwitarja jew tat-tirojde.
► Jekk qed tagħmel iktar eżerċizzju mis-soltu jew jekk trid tibdel id-dieta normali tiegħek għax dan jista’ jaffetwa l-livell taz-zokkor fid-demm tiegħek.
► Jekk inti marid, kompli ħu l-insulina tiegħek u kkonsulta mat-tabib tiegħek
► Jekk ser issiefer: li tivvjaġġa fuq medda ta’ żoni tal-ħin jista’ jaffettwa l-ħtiġijiet ta’ l-insulina tiegħek
u l-ħinijiet ta' l-injezzjonijiet tiegħek.
► Jekk għandek livell baxx ħafna ta’ albumina għandek tiċċekkja bir-reqqa l-livell taz-zokkor fid-demm
tiegħek. Iddiskutiha mat-tabib/a tiegħek.
Is-sit tal-injezzjoni għandu jinbidel kull darba sabiex jgħin biex jiġu evitati bidliet fit-tessut xaħmi ta’ taħt il- ġilda, bħal li tiħxien il-ġilda, tiċkien il-ġilda jew boċċi taħt il-ġilda. L-insulina tista’ ma taħdimx tajjeb ħafna jekk tinjetta f’żona bil-boċċi, li ċkienet jew li ħxienet (ara sezzjoni 3, Kif għandek tuża Levemir). Għid lit- tabib tiegħek jekk tinduna b’xi bidliet fil-ġilda fis-sit tal-injezzjoni. Għid lit-tabib tiegħek jekk bħalissa qed tinjetta f’dawn iż-żoni affettwati qabel ma tibda tinjetta f’parti differenti. It-tabib tiegħek jista’ jgħidlek biex tiċċekkja aktar mill-qrib iz-zokkor fid-demm tiegħek, u biex taġġusta d-doża tal-insulina jew tal- medikazzjonijiet antidijabetiċi l-oħra tiegħek.
Levemir jista’ jintuża fl-adolexxenti u fit-tfal minn sena ’l fuq.
Is-sigurtà u l-effikaċja ta’ Levemir fit-tfal taħt l-età ta’ sena ma ġewx stabbiliti. M’hemmx tagħrif disponibbli.
Għid lit-tabib, lin-ners jew lill-ispiżjar tiegħek jekk qiegħed tieħu, ħadt dan l-aħħar jew tista’ tieħu xi mediċina oħra.
Xi mediċini jaffettwaw il-livell taz-zokkor fid-demm tiegħek u dan jista’ jikkawża xi tibdil fid-doża tal- insulina tiegħek. Hawn taħt hawn elenkati l-aktar mediċini komuni li jistgħu jaffettwaw il-kura tiegħek bl- insulina.
Il-livell taz-zokkor fid-demm tiegħek jista’ jaqa’ (ipogliċemija) jekk tieħu:
Mediċini oħra għall-kura tad-dijabete
Inibituri ta’ monoamine oxidase (MAOI) (użati fil-kura tad-dipressjoni)
Beta-blokkanti (użati fil-kura tal-pressjoni għolja fid-demm)
Inibituri ta’ l-enżima li tikkonverti anġjotensin (ACE) (użati fil-kura ta’ xi kundizzjonijiet tal-qalb jew ta’ pressjoni għolja fid-demm)
Salicylates (użati biex itaffu l-uġigħ u jbaxxu d-deni)
Sterojdi anaboliċi (bħal testosterone)
Sulphonamides (użati fil-kura ta’ infezzjonijiet)
Il-livell taz-zokkor fid-demm tiegħek jista’ jogħla (ipergliċemija) jekk tieħu:
Kontraċettivi li jittieħdu mill-ħalq (pilloli li jikkontrollaw it-tqala)
Thiazides ( użati fil-kura ta’ pressjoni għolja fid-demm jew żamma eċċessiva ta’ fluwidi)
Glukokortikojdi (bħal ‘cortisone’ użat fil-kura tal-infjammazzjoni)
Ormoni tat-tirojde ( użati fil-kura ta’ disturbi fil-glandola tat-tirojde)
Simpatomimetiċi ( bħal epinephrine [adrenaline] jew salbutamol, terbutaline użati fil-kura tal-ażma)
Ormon tat-tkabbir (mediċina li tistimula t-tkabbir skeltrali u somatiku u għandha effett qawwi fuq il- proċessi metaboliċi tal-ġisem)
Danazol (mediċina li għandha effett fuq l-ovulazzjoni)
Octreotide u lanreotide (użati għall-kura ta’ l-akromegalija, disturb ormonali rari li normalment iseħħ f’adulti fl-età bejn 40 u 60 sena, ikkawżat minn produzzjoni eċċessiva ta’ l-ormon ta’ tkabbir mill-glandola pitwitarja) jistgħu kemm iżidulek kif ukoll inaqqsulek il-livell taz-zokkor fid-demm tiegħek.
Il-beta-blokkanti (użati fil-kura tal-pressjoni għolja fid-demm) jistgħu jnaqqsu jew ineħħu għal kollox l- ewwel sintomi ta’ twissija li jgħinuk biex tagħraf livell baxx ta’ zokkor fid-demm.
Pioglitazone (pilloli użati fil-kura tad-dijabete tat-tip 2)
Xi pazjenti, li ilhom għal tul ta’ żmien ibatu mid-dijabete tat-tip 2 u mill-mard tal-qalb jew kellhom xi attakk preċedenti ta’ puplesija u li ġew ikkurati bi pioglitazone u l-insulina, kellhom l-iżvilupp ta’ insuffiċjenza kardijaka. Għarraf lit-tabib tiegħek mill-aktar fis possibbli jekk tinduna b’xi sinjali ta’ insuffiċjenza kardijaka bħal qtugħ ta’ nifs mhux tas-soltu jew żieda ta’ malajr fil-piż jew xi nefħa lokalizzata (edima).
Jekk ħadt xi waħda mill-mediċini mniżżlin hawn, għid lit-tabib, lin-ners jew lill-ispiżjar tiegħek.
► Jekk tixrob l-alkoħol, il-ħtieġa tiegħek għall-insulina tista’ tinbidel għax il-livell taz-zokkor fid-demm tiegħek jista' jitla' jew jinżel.Huwa rakkomandat monitoraġġ tajjeb.
► Jekk inti tqila, taħseb li tista tkun tqila jew qed tippjana li jkollok tarbija, itlob il-parir tat-tabib tiegħek qabel tieħu din il-mediċina. Jista' jkun hemm il-bżonn li tinbidel id-doża tal-insulina tiegħek waqt it- tqala u wara l-ħlas. Il-kontroll bil-għaqal tad-dijabete tiegħek b’mod partikulari l-prevenzjoni ta' l- ipogliċemija, hija importanti għas-saħħa tat-tarbija tiegħek.
► Jekk qiegħda tredda’, tkellem mat-tabib tiegħek għax jista’ jkollok bżonn xi aġġustamenti fid-dożi tal- insulina tiegħek.
Waqt li inti tqila jew qiegħda tredda’, ħu parir mingħand it-tabib, in-ners jew l-ispiżjar tiegħek qabel ma
tieħu xi mediċina.
► Jekk jogħġbok saqsi lit-tabib tiegħek jekk tistax issuq karozza jew tħaddem xi magna:
Jekk ikollok ipogliċemija ta’ spiss
Jekk issibha diffiċli biex tagħraf l-ipogliċemija.
Jekk iż-żokkor fid-demm huwa baxx jew għoli, il-konċentrazzjoni u l-abbiltà tiegħek biex tirreaġġixxi jistgħu jiġu affettwati u għalhekk ukoll il-ħìla tiegħek biex issuq karozza jew tħaddem xi magna. Żomm f'moħħok li tista' tkun ta' periklu għalik innifsek jew għall-oħrajn.
Kull doża ta’ Levemir fiha inqas minn 1 mmol ta’ sodium (23 mg), jiġifieri Levemir huwa bażikament ‘bla sodium’.
Dejjem għandek tuża l-insulina tiegħek u taġġusta d-doża tiegħek skont il-parir eżatt tat-tabib tiegħek. Dejjem għandek taċċerta ruħek mat-tabib, man-ners jew mal-ispiżjar tiegħek jekk ikollok xi dubju.
Levemir jista’ jintuża ma’ mediċini tal-insulina li jaħdmu malajr u li jittieħdu madwar il-ħin tal-ikel.
Fil-kura tad-dijabete mellitus tat-tip 2, Levemir jista’ jintuża wkoll flimkien ma’ pilloli għad-dijabete u/jew prodotti ta’ kontra d-dijabete li jittieħdu bħala injezzjoni, ħlief għall-insulina.
Tbiddilx l-insulina tiegħek sakemm ma jkunx qallek it-tabib.
Id-doża tiegħek jista’ jkollha bżonn tiġi aġġustata mit-tabib tiegħek jekk:
it-tabib tiegħek biddillek l-insulina minn tip jew marka ta’ insulina għal oħra, jew
it-tabib tiegħek żiedlek mediċina oħra għall-kura tad-dijabete, flimkien mal-kura tiegħek b’Levemir.
Levemir jista’ jintuża fl-adolexxenti u fit-tfal minn sena ’l fuq. M’hemm ebda esperjenza ta’ użu ta’ Levemir fit-tfal taħt l-età ta’ sena. Użu fi gruppi speċjali ta’ pazjenti
Jekk għandek tnaqqis fil-funzjoni tal-kliewi jew tal-fwied jew jekk għandek iżjed minn 65 sena, għandek tiċċekkja z-zokkor fid-demm tiegħek b’mod aktar regolari u ddiskuti mat-tabib tiegħek xi tibdil fid-doża tal- insulina tiegħek.
Meta Levemir jintuża flimkien ma' pilloli għad-dijabete u/jew flimkien ma’ prodotti ta’ kontra d-dijabete li jittieħdu bħala injezzjoni, ħlief għall-insulina, Levemir għandu jingħata darba kuljum. Meta Levemir jintuża bħala parti minn terapija tat-tip basal-bolus, Levemir għandu jingħata darba jew darbtejn kuljum skont il- ħtiġijiet tal-pazjent. Id-doża ta' Levemir għandha tiġi aġġustata skont l-individwu. L-injezzjoni tista’ tingħata f’kwalunkwe ħin matul il-ġurnata iżda fl-istess ħin kuljum.F'pazjenti li jeħtieġu dożaġġ ta' darbtejn kuljum sabiex itejbu l-kontroll taz-zokkor fid-demm, id-doża ta' filgħaxija tista' tingħata filgħaxija jew qabel l-irqad.
Levemir għandu jiġi injettat taħt il-ġilda. M’għandek qatt tinjetta Levemir direttament ġo vina jew muskolu. Levemir Penfill huwa tajjeb biss għall-injezzjonijiet minn taħt il-ġilda bl-użu ta’ pinna li tista’ terġa’ tintuża. Kellem lit-tabib tiegħek jekk għandek bżonn tinjetta l-insulina tiegħek b’mod ieħor.
Ma’ kull injezzjoni, biddel is-sit tal-injezzjoni f’dik iż-żona partikulari tal-ġilda li tkun qed tuża. Dan jista’ jnaqqas ir-riskju li tiżviluppa xi għoqiedi jew li titħaffer il-ġilda (ara sezzjoni 4, Effetti sekondarji possibbli). L-aħjar postijiet minn fejn tinjetta lilek innifsek huma: in-naħa ta’ quddiem tal-koxox, in-naħa ta’ quddiem tal-qadd (iż-żaqq), jew fin-naħa ta’ fuq tad-driegħ. Għandek dejjem tkejjel il-livell ta’ zokkor fid-demm tiegħek regolarment.
► Terġax timla l-iskartoċċ.
► L-iskrataċ tal-Levemir Penfill huma maħsuba biex jintużaw mas-sistema tal-għoti tal-insulina Novo Nordisk u mal-labar tat-toġ NovoFine jew NovoTwist.
► Jekk qed tiġi mogħti l-kura b’Levemir Penfill u bi skartoċċ Penfill ta’ insulina oħra, għandek tuża żewġ sistemi tal-għoti tal-insulina, waħda għal kull tip ta’ insulina
► Dejjem ġorr miegħek skartoċċ Penfill żejjed f’każ li dak li tkun qed tuża jintilef jew jiġrilu l-ħsara.
Injetta l-insulina taħt il-ġilda tiegħek. Uża t-teknika tal-injezzjoni kif irrikkmandat mit-tabib tiegħek
jew ners u kif hemm imfisser fil-manwal pen.
Żomm il-labra taħt il-ġilda tiegħek għal mill-inqas 6 sekondi. Żomm l-buttuna magħfusa ’l isfel sakemm tneħħi l-labra mill-ġilda. Dan jassigura li d-doża ngħatat tajjeb u jillimita l-possibbiltà li jidħol xi demm fil-labra jew fir-reservwar tal-insulina.
Wara kull injezzjoni kun ċert li tneħħi u tarmi l-labra u aħżen Levemir mingħajr ma l-labra tkun imwaħħla. Inkella l-likwidu jista’ jnixxi ’l barra u dan jista’ jagħti l-każ li tingħata doża żbaljata.
Jekk tieħu iżżejjed insulina l-livell taz-zokkor fid-demm tiegħek jitbaxxa wisq (ipogliċemija). Ara a) Sommarju ta’ effetti sekondarji serji u komuni ħafna f’sezzjoni 4.
Jekk tinsa tieħu l-insulina tiegħek il-livell taz-zokkor fid-demm tiegħek jista’ jogħla wisq (ipergliċemija). Ara ċ) Effetti tad-dijabete f’sezzjoni 4.
Tieqafx tieħu l-insulina tiegħek mingħajr ma’ titkellem ma’ tabib li għandu jgħidlek x’hemm bżonn li jsir. Dan jista’ jwassal għal livell għoli ħafna fid-demm (ipergliċemija severa) u ketoaċidożi. Ara ċ) Effetti tad- dijabete f’sezzjoni 4.
Jekk għandek aktar mistoqsijiet dwar l-użu ta’ din il-mediċina, saqsi lit-tabib jew lill-ispiżjar tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’ kulħadd.
Livell baxx ta’ zokkor fid-demm jista’ jseħħ jekk inti:
Tinjetta wisq insulina
Tiekol ftit wisq jew taqbeż ikla
Tagħmel eżerċizzju aktar mis-soltu
Tixrob l-alkoħol (ara Tixrob l-alkoħol u tieħu NovoRapid f’sezzjoni 2)
Is-sinjali ta’ livell baxx ta’ zokkor: Għaraq kiesaħ; ġilda kiesħa u pallida; uġigħ ta’ ras; taħbit mgħaġġel tal- qalb, tħossok imqalla’; tħossok ħafna bil-ġuħ; tibdil temporanju fil-vista; ngħas, għeja u debbulizza mhux tas-soltu; nervożitá jew rogħda; tħossok ansjuż; tħossok konfuż; diffikultà fil-konċentrazzjoni.
Livell baxx ħafna ta’ zokkor fid-demm jista’ jwassal li tintilef minn sensik. Jekk livell baxx ħafna ta’ zokkor fid-demm ma tiġix ikkurata, tista’ tikkawża ħsara lill-moħħ (temporanju jew permanenti) kif ukoll il-mewt. Tista’ tirkupra aktar malajr mit-telf tas-sensi b’injezzjoni ta’ l-ormon glucagon mogħti minn xi ħadd li jaf jużah. Jekk tingħata glucagon, ser ikollok bżonn tieħu glucose jew xi ħaġa b’ħafna zokkor malli tiġi f’sensik. Jekk ma tirrispondix għall-kura bi glucagon, ser ikollok bżonn tiġi kkurat ġewwa sptar.
X’għandek tagħmel jekk tesperjenza livell baxx ta’ zokkor fid-demm:
► Jekk tesperjenza livell baxx ta’ zokkor fid-demm, ħu pilloli tal-glucose jew xi ikla ħafifa b’ħafna zokkor (ħelu, biskuttini, meraq tal-frott). Jekk ikun possibbli ,iċċekkja l-livell taz-zokkor fid-demm u strieħ. Dejjem ġorr miegħek pilloli tal glucose, ħelu, biskuttini jew meraq tal-frott, għal li jista’ jkun.
► Meta s-sintomi ta’ livell baxx ta’ zokkor fid-demm ma jibqgħux jidhru jew meta l-livell taz-zokkor fid-demm ikun ġie lura għan-normal, kompli l-kura bl-insulina.
► Jekk ikollok daqshekk livell baxx ta’ zokkor fid-demm li tagħtik ħass ħażin, jekk kellek bżonn ta’ injezzjoni ta’ glucagon jew kellek ħafna episodji ta’ livell baxx ta’ zokkor fid-demm, tkellem ma’ tabib. L-ammont jew il-ħin ta’ meta tieħu l-insulina, l-ikel jew l-eżerċizzju jistgħu jkollhom bżonn jiġu aġġustati
Għid lil dawk il-persuni li huma importanti għalik li għandek id-dijabete u x’jistgħu jkunu l-konsegwenzi ,
inkluż ir-riskju li jista’ jtik ħass ħażin (tintilef minn sensik) minħabba livell baxx ta’ zokkor fid-demm. Għidilhom li jekk tħossok ħażin għandhom idawruk fuq ġenbek u jġibu għajnuna medika minnufih.
M’għandhomx jagħtuk ikel jew xorb għax ikun hemm ir-riskju li tifga.
Fittex parir mediku minnufih:
Jekk is-sinjali ta’ l-allerġija jinxterdu għal partijiet oħrajn tal-ġisem.
Jekk tħossok ma tiflaħx f’daqqa, u: tibda tegħreq; tibda titqalla’ (tirrimetti); ikollok diffikultà biex tieħu n-nifs; ikollok taħbit mgħaġġel tal-qalb; tħossok stordut.
► Jekk tinduna b’kwalunkwe wieħed minn dawn is-sinjali, fittex parir mediku minnufih.
Jistgħu jaffettwaw inqas minn persuna 1 minn kull 100
Sinjali ta’ allerġija: Reazzjonijiet allerġiċi lokali (uġigħ, ħmura,urtikarja, infjammazzjoni, tbenġil, nefħa u ħakk), fis-sit ta’ l-injezzjoni. Dawn normalment imorru wara ftit ġimgħat li tkun qed tieħu l-insulina tiegħek. Jekk ma jmorrux jew jekk jinxterdu għal partijiet oħrajn tal-ġisem, kellem lit-tabib tiegħek minnufih. Ara aktar ’il fuq Reazzjonijiet allerġiċi serji.
Problemi bil-vista: Meta tibda l-kura tiegħek bl-insulina, din tista’ tagħtik xi fastidju fil-viżta, iżda normalment dan il-fastidju jkun temporanju.
Ġogi minfuħin: Meta tibda tieħu l-insulina, iż-żamma ta’ l-ilma tista’ tikkawżalek nefħa madwar l-għekiesi u ġogi oħra. Normalment dan malajr imur. Jekk le, tkellem mat-tabib tiegħek.
Retinopatija dijabetika (mard tal-għajnejn relatata mad-dijabete li tista’ twassal għat-telf tal-vista): Jekk għandek ir-retinopatija dijabetika u l-livelli taz-zokkor fid-demm tiegħek jitjiebu malajr ħafna, ir-retinopatija tista’ tmur għall-agħar. Staqsi lit-tabib tiegħek dwar dan.
Jistgħu jaffettwaw inqas minn persuna 1 minn kull 1,000.
Newropatija bl-uġigħ (uġigħ minħabba dannu lin-nervituri): Jekk il-livelli taz-zokkor fid-demm tiegħek jitjiebu malajr ħafna, jista’ jkollok uġigħ relatat man-nervituri din tissejjaħ newropatija akuta bl-uġigħ u normalment hija tranżitorja.
Jekk ikollok xi effett sekondarju, kellem lit-tabib, lill-ispiżjar jew l-infermier tiegħek. Dan jinkludi xi effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali imniżżla f’Appendiċi V. Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Jista’ jkollok livell għoli ta’ zokkor fid-demm jekk:
Ma injettajtx biżżejjed insulina
Insejt tinjetta l-insulina tiegħek jew waqaft tieħu insulina
Tinjetta inqas insulina milli teħtieġ ripetutament
Ikollok xi infezzjoni jew xi deni
Tiekol aktar mis-soltu
Tagħmel inqas eżerċizzju mis-soltu.
Sinjali ta’ twissija ta’ livell għoli ta’ zokkor fid-demm:
Is-sinjali ta’ twissija jidhru gradwalment. Dawn jinkludu: tgħaddi iżjed awrina, tħossok bil-għatx; titlef l- aptit; tħossok imqalla’ (dardir jew rimettar); tħossok bi ngħas jew għajjien; ħmura u ġilda xotta; ħalq xott u riħa ta’ frott (acetone) fil-ħalq.
X’għandek tagħmel jekk tesperjenza livell għoli ta’ zokkor fid-demm:
► Jekk ikollok xi wieħed minn dawn is-sinjali t’hawn fuq: ittestja l-livell taz-zokkor fid-demm tiegħek; jekk tista’, ittestja l-awrina għal ketones, imbagħad fittex parir mediku minnufih.
► Dawn jistgħu jkunu sinjali ta’ kundizzjoni gravi ħafna msejħa ketoaċidożi dijabetika (jiżdied l-ammont ta’ aċtu fid-demm peress li l-ġisem qiegħed jimmetabolizza x-xaħam minflok iz-zokkor). Jekk ma tikkurahiex, din tista’ twassal għal koma dijabetika u eventwalment għall-mewt.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ skadenza li tidher fuq it-tikketta tal-iskartoċċ u l-kaxxa, wara ‘JIS’. Id- data ta’ skadenza tirreferi għall-aħħar ġurnata ta’ dak ix-xahar.
Dejjem żomm l-iskartoċċ fil-kartuna ta’ barra meta mhux qed tużah sabiex tilqa’ mid-dawl.
Levemir għandu jiġi protett mis-sħana eċċessiva u mid-dawl tax-xemx.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi insulin detemir Kull ml fih 100 unità ta’ insulin detemir. Kull skartoċċ fih 300 unità ta’ insulin detemir f’soluzzjoni għall-injezzjoni ta’ 3 ml. Unità 1 ta’ insulin detemir tikkorrispondi għal unità internazzjonali 1 ta’ insulina umana.
L-ingredjenti l-oħra huma: glycerol, phenol, metacresol, zinc acetate, disodium phosphate dihydrate, sodium chloride, hydrochloric acid, sodium hydroxide u ilma għall-injezzjonijiet
Levemir issibu bħala bħala soluzzjoni għall-injezzjoni.
Daqsijiet ta’ pakketti ta’ 1, 5 u 10 skrataċ ta’ 3 ml. Jista’ jkun li mhux il-pakketti kollha jkunu għal skop kummerċjali.
Id-Detentur ta’ l-Awtorizzazzjoni għat-Tqegħid fis-Suq
Novo Nordisk A/S, Novo Allé, DK-2880 Bagsværd, Id-Danimarka Il-Manifattur
Il-manifattur jista’ jiġi identifikat permezz tan-numru tal-lott ipprintjat fuq il-kartuna u fuq it-tikketta:
Jekk it-tieni u t-tielet karattri huma S6,P5,K7, R7, VG,FG jew ZF, il-manifattur huwa Novo Nordisk
A/S, Novo Allé, DK-2880 Bagsværd, Id-Danimarka
Jekk it-tieni u t-tielet karattri huma H7 jew T6, il-manifattur huwa Novo Nordisk Production SAS, 45, Avenue d’Orléans, F-28000 Chartres, Franza
Informazzjoni ddettaljata dwar din il-mediċina tinsab fuq is-sit elettroniku tal-Aġenzija Ewropea għall- Mediċini /