Advocate
imidacloprid, moxidectin
Detentur tal-awtorizzazzjoni għat-tqegħid fis-suq Bayer Animal Health GmbH
51368 Leverkusen Germany
Manifattur responsabbli għall-ħrug tal-lott: KVP Pharma + Veterinär Produkte GmbH Projensdorfer Str. 324, 24106 Kiel Germany
Advocate 40 mg + 4 mg taħlita likwida għal użu lokalizzat fuq qtates żgħar u nimsa. Advocate 80 mg + 8 mg taħlita likwida għal użu lokalizzat fuq qtates kbar Imidakloprid, moksidektin
Kull doża waħda tagħti:
Doża waħda | Imidakloprid | Moksidektin | |
Advocate għall-qtates żgħar (≤ 4 kg) u nimsa | 0.4 ml | 40 mg | 4 mg |
Advocate għall-qtates kbar (> 4-8 kg) | 0.8 ml | 80 mg | 8 mg |
Sustanzi mhux attivi: Benzyl alcohol 1 mg/ml butylhydroxytoluene (E321; bħala antiossidant) Taħlita safra ċara fil-kannella
Għal qtates li qed isofru minn, jew huma fil-periklu ta’ infezzjonijiet kawżati minn parassiti diversi:
Għat-trattament u għall-prevenzjoni ta’ mard tal-briegħed (Ctenocephalides felis),
trattament tal-infezzjoni tad-dudu tal-widna (Otodectes cynotis),
trattament ta’ notoedric mange (Notoedres cati),
Għat-trattament tad-dudu tal-pulmun Eucoleus aerophilus (sin. Capillaria aerophila) (adulti),
Għall-prevenzjoni ta’ mard tad-dudu tal-pulmun (larva L3/L4 ta’ Aelurostrongylus abstrusus),
Għat-trattament tad-dudu tal-pulmun Aelurostrongylus abstrusus (adulti),
Għat-trattament tad-dudu tal-għajnejn Thelazia callipaeda (adulti),
prevenzioni ta’ mard tad-dudu tal-qalb ( larva L3 u L4 tad-Dirofilaria immitis)
u t-trattament ta’ infezzjonijiet ta’ ħniex gastro-intestinali ( larva L4, adulti immaturi u maturi tat-Toxocara cati (Il-ħniex it-tondi tal-imsaren) u Ancylostoma tubaeforme (Dudu parassita tal- intestini)).
Il-prodott jista’ jiġi użat bħala parti mill-istrateġija tattrattament tad-dermatite kawżata mill- allerġija tal-briegħed.
Għat-trattament u l-prevenzjoni minn infestazzjoni tal-briegħed (Ctenocephalides felis)
u l-prevenzjoni tal-marda tad-dudu tal-qalb (larva L3 u L4 Dirofilaria immitis).
Tużax fuq qtates li huma iżgħar minn 9 ġimgħat.
Tużax f’każijiet ta’ sensittività għall-ingredjenti attivi; ingredjenti mhux attivi jew ingredjenti oħra. Għal nimsa: Tużax Advocate għall-qtates il-kbar (0.8 ml) jew Advocate għall-Klieb (kwalunkwe
daqs).
Għal klieb għandu jintuża il-prodott apposta għalihom “Advocate għall-klieb”, li fih 100 mg/ml Imidakloprid u 25 mg/ml Moksidektin.
Tużahx fuq il-kanarini.
użu tal-prodott jista’ jikkawża prurite li jgħaddi, fuq il-qtates. F’okkażjonijiet rari jista’ jikkawża pil żejtni, eritema u jista’ jikkawża wkoll riġettar. Dawn is-sinjali jisparixxu mingħajr ma jsir xi trattament. Il-prodott jista` f’każijijiet rari, jikkawża reazzjonijiet lokali sensittivi ħafna. Jekk l-annimal jilgħaq is-sit tal-applikazzjoni wara t-trattament, sinjali newroloġiċi (li ħafna minnhom huma temporanji) bħal atassja, rogħda ġeneralizzata, sinjali fl-għajnejn (twessigħ tal-pupilli, ftit rifless pupillari, nystagmus), respirazzjoni annormali, salivazzjoni u rimettar jistgħu jkunu osservati f’każi
rari ħafna.
Il-prodott għandu togħma morra. Bżieq jista’ jifforma kultant jekk l-annimal jilgħaq il-post t’applikazzjoni hekk kif jiġi trattat. Dan mhuwiex sinjal t’intossikazzjoni, u tisparixxi fi ftit minuti mingħajr xi trattament. Jekk il-prodott jiġi applikat tajjeb, inqas jilgħaq l-annimal il-post t’applikazzjoni.
F’każi rari, il-prodott jista’ jikkawża sensazzjoni fuq il-post t’applikazzjoni li ġġib magħha tibdil temporanju fl-imġieba, bħal-telqa, tqanqil u nuqqas ta’ aptit.
F’każ li l-prodott jittieħed aċċidentalment orali, trattament simptomatiċi għandu jiġi meħud. minn tabib veterinarju. M’hemm l-ebda antidot speċifiku magħruf. L-użu ta’ karbonju attivat jista’jkun ta’benefiċċju.
Il-frekwenza ta’ effetti mhux mixtieqa hija definita skont din il-konvenzjoni:
komuni ħafna (aktar minn wieħed f’10 annimali ttrattati li juru effett(i) mhux mixtieq(a) matul il-perjodu ta’ kura waħda)
komuni (aktar minn wieħed iżda inqas minn 10 annimali f’100 annimal ittrattati)
mhux komuni (aktar minn wieħed iżda inqas minn10 annimali f’1,000 annimal ittrattati)
rari (aktar minn wieħed iżda inqas minn10 annimali f’10,000 annimal ittrattati)
rari ħafna (inqas minn annimal wieħed f’10,000 annimal ittrattat, inklużi rapporti iżolati).
Jekk tinnota xi effetti serji anke dawk mhux imsemmija f’dan il-fuljett, jew taħseb li l-mediċina ma ħadmitx, jekk jogħġbok informa lit-tabib veterinarju tiegħek.
Qtates, nimsa
Għall-użu estern biss.
Biex tevita li l-annimal jilgħaq l-mediċina, applika topikalment fuq il-ġilda u llimita l-applikazzjoni fuq l-għonq tal-annimal, fuq in-naħa ta’ wara tal-kranju.
Skeda tad-doża għall-qtates:
Id-dożi minimi rrikkmandati huma ta’10mg Imidakloprid għal kull kg piż tal-ġisem.u 1.0 mg Moksidektin għal kull kg piż tal-ġisem, li jiġu ekwivalenti għal 0.1ml Advocate għall-qtates,għal kull kg piż tal-ġisem.
L-iskeda tat-trattament għandha tkun ibbażata fuq dijanjożi veterinarja individwali u fuq is-sitwazzjoni epidemjoloġikali lokali.
Użin tal- qattus [kg] | Qies tal-pipetta għall-użu | Volum [kg] | Imidakloprid [mg/kg użin tal- ġisem] | Moksidektin [mg/kg użin tal- ġisem] |
≤ 4 kg | Advocate għall-qtates żgħar | 0.4 | Minimu ta’ 10 | Minimu ta’1 |
> 4-8 kg | Advocate għall-qtates kbar | 0.8 | 10-20 | 1-2 |
> 8 kg | Il-kombinazzjoni adattata tal-pipetti |
Trattament u prevenjoni tal-briegħed (Ctenocephalides felis)
Trattament wieħed jippreveni t-tixrid ta’ briegħed għal 4 ġimgħat. Pupa li tkun qiegħda fl-inħawi tista’ titfaċċa wara 6 ġimgħat jew aktar wara li l-kura tiġi mibdija, jiddependi fuq il-kundizzjonijiet tal- klima. Għalhekk jista’ jkun neċessarju li barra t-trattament bl-Advocate ikun hemm ukoll trattament fuq l-ambjent sabiex jinqered iċ-ċiklu ta’ ħajja tal-briegħed fl-inħawi. Dan jista’ jwassal għal tnaqqis aktar mgħaġġel tan-numru ta’ briegħed fid-dar. Il-prodott għandu jiġi amministrat f’intervalli ta’ xahar meta jiġi użat bħala parti mill-istrateġija għall-kura ta’dermatite kawżata minn allerġija għall-briegħed.
Trattament tal- infezzjoni tad-dudu tal-widna (Otodectes cynotis)
Doża waħda biss tal-prodott għandha tiġi amministrata. Eżami ieħor minn veterinarju huwa rrikmandat peress li uħud mill-annimali jirrikjedu t-tieni trattament. Tapplikax direttament fil-kanal tal-widna.
Trattament ta’ notoedric mange (Notoedres cati)
Doża waħda tal-prodott għandha tingħata.
Għat-trattament tad-dudu tal-pulmun Eucoleus aerophilus (sin. Capillaria aerophila) (adulti)
Għandha tiġi amministrata doża waħda tal-prodott.
Prevenzjoni ta’ Aelurostrongylus abstrusus
Il-prodott għandu jiġi amministrat kull xahar.
Trattament ta’ Aelurostrongylus abstrusus
Advocate għandu jiġi amministrat kull xahar għal tliet xhur konsekuttivi.
Trattament tad-dudu tal-għajnejn Thelazia callipaeda (adulti)
Għandha tiġi amministrata doża waħda tal-prodott
Prevenzjoni tad-dudu tal-qalb (Dirofilaria immitis)
Qtates li jgħixu jew li jiġu meħuda f’postijiet fejn jgħix id-dudu tal-qalb, jistgħu jkunu infettati bid-dud tal-qalb adulti. Għalhekk qabel il-kura tal-Advocate, l-avviż li huwa taħt is-sezzjoni “TWISSIJIET SPEĊJALI” għandu jiġi kkunsidrat.
Għall-prevenzjoni tal-marda tad-dudu tal-qalb, il-prodott għandu jiġi applikat regularment f’intervalli ta’ xahar waqt iż-żmien tas-sena meta n-nemus ( li permezz tagħhom jinġarru u jinfirxu l-larva tad-dud tal-qalb) huma preżenti. Il-prodott jista’ jiġi amministrat matul is-sena kollha. L-ewwel doża tista’ tingħata wara l-ewwel esponiment possibbli għan-nemus, iżda mhux aktar minn xahar wara dan l- esponiment. It-trattament għandu jitkompla f’intervalli regolari ta’ kull xahar sa xahar wara l-aħħar esponiment għan-nemus.. Biex tistabilixxi rutina ta’ kura, huwa rrakkomandat illi tiġi użata l-istess ġurnata jew data kull xahar. Meta tiġi biex tibdel prodott għall-prevenzjoni tad-dudu tal-qalb fi programm ta’ prevenzjoni għad-dudu tal-qalb, l-ewwel trattament bl-Advocate għandu jiġi mogħti fi żmien xahar mill-aħħar doża tal-medikazzjoni ta’qabel.
F’postijiet mhux endemiċi m’għandux ikun hemm riskju li l-qtates ikollhom id-dudu tal-qalb. Għalhekk għandhom jiġu trattati mingħajr konsiderazzjonijiet speċjali.
Trattament għall-ħniex (Toxocara cati u Ancylostoma tubaeforme).
F’postijiet fejn jgħix id-dudu tal-qalb, trattament ta’ kull xahar inaqqas ir-riskju li jerġa’ jkun hemm infezzjoni kkaġunata speċjalment mill-ħniex. F’postijiet li mhumiex endemiċi għad-dudu tal-qalb, il- prodott jista’ jiġi użat bħala programm ta’ prevenzjoni kontra l-briegħed u ħniex gastro-intestinali.
Skeda tad-dożaġġ għall-nimsa:
Pipetta waħda ta’ Advocate tat-taħlita likwida lokalizzata għall-qtates żgħar (0.4 ml) għandha tingħata għal kull annimal.
Tagħtix aktar mid-doża rrakkomandata.
L-iskeda tat-trattament trid tkun ibbażata fuq is-sitwazzjoni lokali epidemjoloġikali.
Trattament u prevenzjoni tal-briegħed (Ctenocephalides felis)
Trattament wieħed jippreveni infestazzjoni futura tal-briegħed għal minn 3 ġimgħat. Meta jkun hemm pressjoni għolja ta’ briegħed, dan għandu mnejn ikollu bżonn li jerġa’ jingħata wara 2 ġimgħat.
Prevenzjoni tad-dudu tal-qalb (Dirofilaria immitis)
Nimsa f’żoni fejn jgħix id-dud tal-qalb, jew dawk li marru f’żoni li jgħix id-dud tal-qalb, għandhom imnejn ikunu infettati mid-dud adult tal-qalb. Għalhekk qabel il-kura bl-Advocate, l-avviż li huwa taħt is-sezzjoni “TWISSIJIET SPEĊJALI” għandu jiġi kkunsidrat.
Għall-prevenzjoni tal-marda tad-dudu tal-qalb, il-prodott għandu jiġi applikat regularment f’intervalli ta’ xahar waqt iż-żmien tas-sena meta n-nemus (li permezz tagħhom jinġarru u jinfirxu l-larva tad-dud tal-qalb) huma preżenti. Il-prodott jista’ jiġi amministrat matul is-sena kollha. L-ewwel doża tista’ tingħata wara l-ewwel esponiment possibbli għan-nemus, iżda mhux aktar minn xahar wara dan l- esponiment. It-trattament għandu jitkompla f’intervalli regolari ta’ kull xahar sa xahar wara l-aħħar esponiment għan-nemus.
F’postijiet mhux endemiċi m’għandux ikun hemm riskju li n-nimsa ikollhom id-dudu tal-qalb.
Għalhekk għandhom jiġu trattati mingħajr prewkawzjonijiet speċjali.
Neħħi pipetta waħda mill-pakkett. Żomm il-pipetta tħares ’il fuq , issa ilwi u iġbed l-għatu ’l barra. Aqleb l-għatu ta’ taħt fuq u użah biex tilwi u tneħhi il-qfil tal-pipetta, kif jidher fl-istampa.
Ofroq il-pil fuq l-għonq tal- annimal fit-tarf tal-kranju sakemm tidher il-ġilda. Poġġi t-tarf tal-pipetta fuq il-ġilda u għafas il-pipetta bis-sħiħ kemm-il darba biex tbattal il-kontenut direttament fuq il-ġilda. Applikjazzjoni fit-tarf tal-kranju tnaqqas l-opportunità li l-annimal jilgħaq il-prodott. Applika biss fuq ġilda intatta.
Mhux applikabbli.
Żomm fejn ma jidhirx u ma jintlaħaqx mit-tfal. Taħżinx f'temperatura 'l fuq minn 30°C.
Tużax dan il-prodott mediċinali veterinarju wara d-data ta’ skadenza fuq it-tikketta u l-kartuna. Id-data
ta’ skadenza tirreferi għall-aħħar jum tax-xahar.
Twissijiet speċjali għal kull speċi għal xiex huwa indikat:
L-effikaċja tal-prodott ma ġietx ittestjata fuq nimsa li jiżnu aktar minn 2 kg u għalhekk id-dewmien tal-effett għandu mnejn ikun inqas għal dawn l-annimali.
Kuntatt qasir tal-annimal mal-ilma, f’okkażżjoni waħda jew tnejn, bejn it-trattamenti ta’ kull xahar mhuwiex mistenni li jnaqqas sinifikament l-effiċjenza tal-prodott. Għaldaqstant, l-użu frekwenti tax- xampu jew l-immersjoni tal-annimal ġol-ilma wara t-trattament, jista’ jnaqqas l-effiċjenza tal-prodott.
Resistenza tal-parassita għal xi klassi partikulari ta’ sustanza kontra d-dud tista’ tiżviluppa wara li jsir użu frekwenti u repetut ta’din is-sustanza ta’din il-klassi. Għalhekk, l-użu ta’ dan il-prodott għandu jkun ibbażat fuq il-valutazzjoni ta' kull każ individwali u fuq informazzjoni epidemjoloġika lokali dwar is-suxxettibilità attwali tal-ispeċi fil-mira sabiex jillimita l-possibbiltà ta' għażla futura għar- reżistenza. L-użu tal-prodott għandu jkun ibbażat fuq dijanjosi kkonfermat ta' infezzjoni mħallta (jew riskju ta' infezzjoni, fejn japplika prevenzjoni) fl-istess ħin (ara wkoll sezzjonijiet 4 u 8).
Prekawzjonijiet speċjali għall-użu fl-annimali:
It-trattament tal-qtates li jiżnu inqas minn 1 kg u nimsa li jiżnu inqas minn 0.8 kg għandu jkun ibbażat fuq il-valutazzjoni tal-benefiċċju riskju.
Hemm esperjenza limitata dwar l-użu tal-prodott fl-annimali morda u debboli, għalhekk dan il-prodott għandu jintuża biss skont il-valutazzjoni tal-benefiċċju riskju ta’ dawn l-annimali.
Tapplikax fil-ħalq, fl-għajnejn jew fil-widnejn tal-annimal.
Wieħed għandu joqgħod attent li l-prodott ma jinbelax mill-annimali u ma jiġix f’kuntatt mal-għajnejn jew mal-ħalq tal-annimal li qed jirċevih u/jew ta’ annimali oħra. Ikkunsidra bir-reqqa l-metodu korrett tal-applikazzjoni deskritt fis-sezzjoni 9, speċjalment li l-prodott għandu jiġi applikat fuq is-sit speċifikat sabiex jiġi minimizzat ir-riskju li l-annimal jilgħaq il-prodott. Tħallix annimali ttrattati riċentament jilagħqu lil xulxin. Tħallix annimali trattati jiġu f’kuntatt ma’ annimali mhux ittrattati sakemm is-sit tal-applikazzjoni jinxef.
Huwa rrakkomandat illi qtates u nimsa li jgħixu jew li jiġu meħuda f’postijiet fejn jgħix id-dudu tal- qalb, jiġu trattati kull xahar bil-prodott ħalli jiġu pprotetti mill-marda tad-dudu tal-qalb.
Minħabba l-fatt li l-akkuratezza tad-dijanjosi tal-infezzjoni tad-dudu tal-qalb hija limitata, huwa rrakkomandat illi jsiru provi biex isir l-eżami fuq l-istat tad-dudu tal-qalb ta’ kwalunkwe qattus u nemes li għandu ’l fuq minn 6 xhur qabel ma jinbeda t-trattament profilaktiku, għaliex meta jintuża l- prodott fuq qtates jew nimsa li għandhom dudu tal-qalb adult jista’ jikkawża effetti avversarji serji, inkluż il-mewt. Jekk id-dijanjosi hija ta’ infezzjoni ta’dudu tal-qalb adult, din trid tiġi trattata skont l- istudju tax-xjenza kurrenti.
F’ċerti qtates individwali l-infestazzjoni Notoedres cati tista’ tkun severa. F’dawn il-każi severi, trattament ta’ sapport fl-istess ħin hu meħtieġ għax it-trattament mal-prodott biss jista’ jkun ma jkunx biżżejjed biex tiġi evitata l-mewt tal-annimal.
Imidacloprid hu tossiku għall-għasafar, speċjalment għall-kanarini.
Prekawzjonijiet speċjali li għandhom jittieħdu mill-persuna li tamministra l-prodott mediċinali veterinarju lill-annimali:
Evita kuntatt mal-ġilda, għajnejn jew ħalq.
Tikolx, tixrobx u tpejjipx waqt l-applikazzjoni. Aħsel idejk sew wara li tuża.
Tmellisx jew tippetna l-annimal wara l-applikazzjoni qabel ma’ tinxef il-parti fejn tapplika.
Jekk aċċidentalment il-prodott jixxerred fuq il-ġilda, aħsel malajr bl-ilma u s-sapun.
Nies li għandhom sensittività kbira kemm għall-benzyl alcohol Imidakloprid u Moksidektin għandhom jamministraw il-prodott b’kawtela. F’okkażjonijiet rari ħafna sensittività tal-ġilda jew rejazzjonijiet
tal-ġilda li jgħaddu (pereżempju tarxien, irritazzjoni jew sensazzjoni ta' ħruq/tnemnim) jistgħu jinħassu meta jiġi użat il-prodott.
F'każi rari ħafna, il-prodott jista' jikkawża irritazzjoni respiratorja f'individwi sensittivi.
Jekk aċcidentalment il-prodott imiss mal-għajnejn , dawn għandhom jiġi mlaħalħin sewwa bl-ilma. Jekk sintomi tal-għajnejn jew ġilda ma jmorrux, jew il-prodott jiġi aċċidentalment miblugħ, fittex tabib mall-ewwel u qis li turih il-fuljett ta' tagħrif jew it-tikketta.
Is-solvent li hemm fl-Advocate jista’ itebba’ jew jagħmel ħsara lil materjal differenti inkluż ġild, drapp, plastik u wċuħ illustrati. Ħalli l-parti t’applikazzjoni tinxef qabel ma tagħmel kuntatt ma’ dan il- materjal.
Tqala u treddigħ:
Is-sigurtà tal-prodott mediċinali veterinarju ma ġietx stabbilita waqt it-tqala u fit-treddigħ fl-ispeċi fil- mira. Għalhekk, l-użu tal-prodott mhux rakkomandat fl-annimali li se jitgħammru jew waqt it-tqala jew fit-treddigħ.
Interazzjoni ma’ prodotti mediċinal oħrajn u forom oħrajn ta’ interazzjoni:
Waqt il-kura tal-Advocate ma jista’ jiġi amministrat l-ebda Laktonju Makroċikliku ieħor kontra l- parrassiti.
L-ebda reazzjoni ma ġiet osservata meta l-Advocate jintuża flimkien ma’ kwalunkwe prodott ieħor li jingħata regolari, jew proċeduri mediċinali jew kirurġici
Doża eċċessiva (sintomi, proċeduri ta’ emerġenza, antidoti):
Doża sa 10 darbiet aktar minn dik irrakomandata ġiet ittollerata mill-qtates, mingħajr l-ebda evidenza
ta’ effetti avversi jew sinjali kliniċi mhux mixtieqa.
Il-prodott ġie amministrat f’doża sa 5 darbiet aktar minn dik irrikkomandata fuq frieħ ta’ qtates kull ħmistax għal 6 trattamenti, u ma kienx hemm tgħeddid serju ta’ sigurta. Midrijasi li tgħaddi, tbeżliq, irreġettar u respirazzjoni mgħaġġla li tgħaddi ġew osservati.
Wara l-inġestjoni orali aċċidentali jew doża eċċessiva, jista' jkun hemm, f'każi rari ħafna, sinjali newroloġiċi (li l-biċċa l-kbira minnhom jgħaddu) bħal atassja, rogħda ġeneralizzata, sinjali fl-għajnejn, (pupilli imwessgħa, ftit rifless tal-pupilli, nistagamus) respirazzjoni annormali, salivazzjoni u rimettar.
Il-prodott ingħata lill-nimsa f’doża sa 5 darbiet aktar minn dik rrakkomandata, kull ħmistax għal 4
trattamenti, u ma kien hemm l-ebda xhieda ta’ effetti avversi jew sinjali kliniċi mhux mixtieqa.
Fil-każ li l-prodott jittieħed aċcidentalment orali, trattament sintomatiku għandu jiġi amministrat. Ma hemmx antidot specifiku magħruf. L-użu ta’ karbonju attivat jista’ jkun ta’ benefiċċju.
Inkompatibilitajiet: M'hemm xejn magħruf.
Il-mediċini m’għandhomx jiġu mormija mal-ilma maħmuġ jew mal-iskart domestiku. Advocate ma għandu qatt jitħalla jmur man-nixxigħat tal-ilma minħabba li jista’ jkun ta' periklu għall-ħut jew ħlejqiet oħra akwatici.
Staqsi lill-kirurgu veterinarju tiegħek dwar kif l-aħjar li tarmi l-mediċini li ma jkunux aktar meħtieġa. Dawn il-miżuri għandhom jgħinu sabiex jipproteġu l-ambjent.
Informazzjoni dettaljata dwar dan il-prodott mediċinali veterinarju tinstab fuq il-websajt tal-Aġenzija Ewropea
dwar il-Mediċini (/).
Imidakloprid huwa effettiv kontra l-istadju tal-larva tal-bergħud u briegħed adulti. Briegħed fi stat ta’ larva, li jkunu fl-inħawi fejn ikun qiegħed l-annimal, jiġu meqruda wara li jiġu f’kuntatt mal-annimal li jkun ittrattat bil-prodott.
Il-prodott għandu azzjoni persistenti u jipproteġi lill-qtates għal 4 ġimgħat wara applikazzjoni waħda kontra infezzjoni mill-ġdid b’Dirofilaria immitis.
Studji li evalwaw l-imġiba farmakokinetika ta’ moxidectin wara ħafna applikazzjonijiet indikaw li l- livelli fis-seru fi stat fiss inkisbu wara madwar 4 trattamenti fix-xahar konsekuttivi fil-qtates.
Daqs tal-pakketti: 0.4 ml, u 0.8 ml kull pipetta Strixxi li għandhom 1, 2, 3, 4, 6, 9, 12, 21 jew 42 pipetta ta’doża waħhda
Mhux id-daqsijiet kollha tal-pakkett jistgħu qegħdin fis-suq.
Detentur tal-awtorizzazzjoni għat-tqegħid fis-suq Bayer Animal Health GmbH
51368 Leverkusen
Germany
Manifattur responsabbli għall-ħrug tal-lott: KVP Pharma + Veterinär Produkte GmbH Projensdorfer Str. 324, 24106 Kiel Germany
Advocate 40 mg + 10 mg taħlita likwida għal użu lokalizzat fuq klieb żgħar. Advocate 100 mg + 25 mg taħlita likwida għal użu lokalizzat fuq klieb ta’ daqs medju Advocate 250 mg + 62.5 mg taħlita likwida għal użu lokalizzat fuq klieb kbar Advocate 400 mg + 100 mg taħlita likwida għal użu lokalizzat fuq klieb kbar ħafna Imidakloprid, moksidektin
Kull doża waħda tagħti:
Doża waħda | Imidakloprid | Moksidektin | |
Advocate għal klieb żgħar (≤ 4 kg) | 0.4 ml | 40 mg | 10 mg |
Advocate għal klieb ta’ daqs medju (> 4-10 kg) | 1.0 ml | 100 mg | 25 mg |
Advocate għal klieb kbar (> 10-25 kg) | 2.5 ml | 250 mg | 62.5 mg |
Advocate għal klieb kbar ħafna (> 25-40 kg) | 4.0 ml | 400 mg | 100 mg |
Sustanzi mhux attivi: Benzyl alchhol 1 mg/ml butylhydroxytoluene (E321; bħala antiossidant) Taħlita safra ċara fil-kannella
Għal klieb li qed isofru minn, jew huma fil-periklu ta’ infezzjonijiet kawżati minn parassiti diversi:
Għat-trattament u għall-prevenzjoni ta’ mard tal-briegħed (Ctenocephalides felis),
trattament tal-qamel li jigdem (Trichodectes canis),
trattament tal-infezzjoni tad-dudu tal-widna (Otodectes cynotis) sarkoptik mange (ikkawżata minn Sarcoptes scabiei var. canis), domodikosis (caused by Demodex canis),
prevenzioni ta’ mard tad-dudu tal-qalb ( larva L3 u L4 tad-Dirofilaria immitis),
trattament tal-mikrofilariae ċirkulanti (Dirofilaria immitis),
trattament ta’ dirofilarjożi tal-ġilda (stadji tal-adulti ta’ Dirofilaria repens)
prevenzjoni ta’ dirofilarjożi tal-ġilda (L3 larva ta’ Dirofilaria repens),
tnaqqis tal-mikrofilariae ċirkulanti (Dirofilaria repens),
prevenzjoni ta’ anġjostrongilożi (larva L4 u adulti immaturi ta’ Angiostrongylus vasorum),
trattament ta’ Angiostrongylus vasorum u Crenosoma vulpis,
prevenzjoni ta’ spiroċerċożi (Spirocerca lupi),
it-trattament ta’ Eucoleus (sin. Capillaria) boehmi (adulti),
it-trattament tad-dudu tal-għajnejn Thelazia callipaeda (adulti),
t-trattament ta’ infezzjonijiet ta’ ħniex gastro-intestinali (larva L4, adulti mmaturi u maturi tat- Toxocara canis (Il-ħniex it-tondi tal-imsaren) u Ancylostoma caninum (Dudu parassita tal- intestini) u Unicinaria stenocephala (Dudu parassita tal-intestini), adulti tat- Toxascaris leonina (Il-ħniex it-tondi tal-imsaren) u Trichuris vulpis (Dudu li ġismu jixbah frosta)).
Il-prodott jista’ jiġi użat bħala parti mill-istrategija ta’ trattament tad-dermatite kawżata mill- allerġija tal-briegħed.
Tużax fuq klieb li huma iżgħar minn 7 ġimgħat.
Tużax f’każijiet ta’ sensittività għall-ingredjenti attivi; ingredjenti mhux attivi jew ingredjenti oħra. Tużax fil-klieb ikklassifikati bħala Klassi 4 għad-dudu tal-qalb għax is-sigurtà tal-prodott għadha ma
ġietx evalwata f’dan il-grupp tal-annimali.
Għal qtates għandu jintuża il-prodott apposta għalihom “Advocate għall-qtates”, li fih 100 mg/ml Imidakloprid u 10 mg/ml Moksidektin.
Għal nimsa: Tużax Advocate għall-Klieb. “l-Advocate għall-qtates żgħar u nimsa” korrispondenti (0.4ml) biss irid jintuża.
Tużahx fuq il-kanarini.
Rimettar jista' jseħħ f'okkażjonijiet rari. L-użu tal-prodott jista' jirriżulta f’ħakk temporanju fil-klieb. Reazzjonijiet temporanji ta' sensittività tal-ġilda lokali li jinkludu żieda fil-ħakk, telf ta' xagħar, pil żejtni u ħmura fis-sit tal-applikazzjoni ġew irrappurtati f'każijiet rari ħafna. Dawn is-sinjali jisparixxu mingħajr aktar trattament. Sinjali newroloġiċi bħal atassja u rogħda tal-muskoli (li ħafna minnhom huma temporanji) jistgħu jiġu osservati f'każijiet rari ħafna (ara sezzjoni Doża eċċessiva (sintomi, proċeduri ta 'emerġenza, antidoti)).
Il-prodott għandu togħma morra. Bżieq jista’ jifforma kultant jekk l-annimal jilgħaq il-post t’applikazzjoni hekk kif jiġi trattat. Dan mhuwiex sinjal ta’ intossikazzjoni u tisparixxi fi ftit minuti mingħajr xi trattament. Jekk il-prodott jiġi applikat tajjeb, inqas jilgħaq l-annimal il-post t’applikazzjoni.
F’każi rari, il-prodott jista’ jikkawża sensazzjoni fuq il-post t’applikazzjoni li ġġib magħha tibdil temporanju fl-imġieba, bħal telqa, tqanqil u nuqqas ta’ aptit.
Studju li twettaq fuq il-post wera li fil-klieb pożittivi għad-dudu fil-qalb b’mikrofilaraemija hemm riskju ta’ sinjali respiratorji severi (sogħla, takipnea u dispnea) li jistgħu jeħtieġu trattament veterinarju fil-pront. Fl-istudju dawn ir-reazzjonijiet kienu komuni (dehru fi 2 minn 106 iklieb ittrattati). Sinjali gastrointestinali (rimettar, dijarea, nuqqas ta’ aptit) u letarġija huma wkoll reazzjonijiet avversi komuni possibbli wara l-kura f’tali klieb.
F’każ li l-prodott jittieħed aċċidentalment orali, trattament simptomatiċi għandu jiġi meħud minn tabib veterinarju. M’hemm l-ebda antidot speċifiku magħruf. L-użu ta’ karbonju attivat jista’ jkun ta’ benefiċċju.
Il-frekwenza ta’ effetti mhux mixtieqa hija definita skont din il-konvenzjoni:
komuni ħafna (aktar minn wieħed f’10 annimali ttratti li juru effett(i) mhux mixtieq(a) matul il-perjodu ta’ kura waħda)
komuni (aktar minn wieħed iżda inqas minn 10 annimali f’100 annimal ittratti)
mhux komuni (aktar minn wieħed iżda inqas minn10 annimali f’1,000 annimal ittratti)
rari (aktar minn wieħed iżda inqas minn10 annimali f’10,000 annimal ittratti
rari ħafna (inqas minn annimal wieħed f’10,000 annimal ittrattat, inklużi rapporti iżolati).
Jekk tinnota xi effetti serji anke dawk mhux imsemmija f’dan il-fuljett, jew taħseb li l-mediċina ma ħadmitx, jekk jogħġbok informa lit-tabib veterinarju tiegħek.
Klieb
Għall-użu estern biss.
Applika topikalment fuq il-ġilda bejn l-għadam tal-ispalel.
Skeda tad-doża
Id-dożi minimi rrikkmandati huma ta’10 mg Imidakloprid għal kull kg piż tal-ġisem, u 2.5 mg Moksidektin għal kull kg piż tal-ġisem, li jiġu ekwivalenti għal 0.1 ml Advocate għall-klieb, għal kull
kg upiż tal-ġisem.
L-iskeda tat-trattament għandha tkun ibbażata fuq dijanjożi veterinarja individwali u fuq is-sitwazzjoni epidemjoloġikali lokali.
Qies tal-pipetta għall-użu | Volum [ml] | Imidakloprid [mg/kg użin tal- ġisem] | Moksidektin [mg/kg użin tal- ġisem] | |
≤ 4 kg | Advocate għall-klieb żgħar | 0.4 | Minimu ta’ 10 | Minimu ta’ 2.5 |
> 4-10 kg | Advocate għall-klieb ta’qies medju | 1.0 | 10-25 | 2.5-6.25 |
> 10-25 kg | Advocate ghall-klieb kbar | 2.5 | 10-25 | 2.5-6.25 |
> 25-40 kg | Advocate għall-klieb kbar ħafna | 4.0 | 10-16 | 2.5-4 |
> 40 kg Il-kombinazzjoni adattata tal-pipetti
Trattament u prevenjoni tal-briegħed (Ctenocephalides felis)
Trattament wieħed jippreveni t-tixrid ta’ briegħed għal 4 ġimgħat. Pupa li tkun qiegħda fl-inħawi tista’ titfaċċa wara 6 ġimgħat jew aktar wara li l-kura tiġi mibdija, jiddependi fuq il-kundizzjonijiet tal- klima. Għalhekk jista’ jkun neċessarju illi barra t-trattament bl-Advocate ikun hemm ukoll trattament fuq l-ambjent sabiex jinqered iċ-ċiklu ta’ ħajja tal-briegħed fl-inħawi. Dan jista’ jwassal għal tnaqqis aktar mgħaġġel tan-numru ta’ briegħed fid-dar. Il-prodott għandu jigi amministrat f’ intervalli ta’ xahar meta jiġi użat bħala parti mill-istrateġija għall-kura ta’dermatite kawżata minn allerġija għall- briegħed.
Trattament tal-qamel li jigdem (Trichodectes canis)
Doża waħda għandha tiġi amministrata. Huwa rrikmandat li ssir vista oħra mill-veterinarju wara 30 ġurnata mill-ewwel trattament peress li jista’ jkun hemm xi annimali li jkollhom bżonn it-tieni trattament.
Trattament tal-infezzjoni tad-dudu tal-widna (Otodectes cynotis)
Doża waħda tal-prodott għandha tiġi amministrata. Frak li jista’ jibqa għandu jiġi mneħhi mill-parti ta’ barra tal-kanal tal-widna ma’ kull trattament. Eżami ieħor minn veterinarju għandu jsir 30 ġurnata wara li jiġi rrikmandat peress li biċċa mill-l-annimali jirrikjedu t-tieni trattament. Tapplikax direttament fil-kanal tal-widna.
Trattament ta’ sarkoptic mange ( ikkawżata minn Sarcoptes scabiei var. Canis)
Doża waħda għandha tiġi amministrata darbtejn – it-tieni doża wara 4 ġimgħat.
Trattament ta’ domodicosis (ikkawżata minn Demodex canis)
L-amministrazzjoni ta’ doża waħda kull 4 ġimgħat għal xahrejn sa 4 xhur hija effikaċi kontra Demodex canis u twassal għal titjib notevoli tas-sinjali kliniċi b’mod partikolari fil-każijiet ħfief sa moderati. Każijiet li jkunu speċjalment severi jistgħu jeħtieġu trattament iktar fit-tul u iktar frekwenti. Biex tinkiseb l-aqwa reazzjoni possibbli f’dawn il-każijiet severi, bid-diskrezzjoni tal-veterinarju, Advocate jista’ jiġi applikat darba f’ġimgħa u għal tul ta’ żmien. Fil-każijiet kollha huwa essenzjali li t-trattament jitkompla sakemm il-loqom tal-ġilda jkunu negattivi f’minn tal-inqas 2 okkażjonijiet konsekuttivi fix-xahar. Għandu jiġi amministrat trattament alternattiv. Ħu parir mingħand il- veterinarju tiegħek
Billi demodikosis hija marda b’ħafna fatturi, huwa rrikmandat fejn possibli, li titratta wkoll xi marda li hija konnessa, kif jeħtieġ.
Il-prevenzjoni tal-marda tad-dud tal-qalb (D. immitis)
Klieb f’postijiet endemiċi għad-dudu tal-qalb jew li jiġu meħuda f’postijiet endemiċi, jistgħu jkunu infettati bid-dud tal-qalb adulti. Għalhekk qabel il-kura bl-Advocate, l-avviż li huwa taħt is-sezzjoni “TWISSIJIET SPEĊJALI” għandu jiġi kkunsidrat.
Għall-prevenzjoni tal-marda tad-dudu tal-qalb u tal-dirofilarjożi tal-ġilda, il-prodott għandu jiġi applikat regularment f’intervalli ta’ xahar waqt iż-żmien tas-sena meta n-nemus ( li permezz tagħhom jinġarru u jinfirxu l-larva ta´ D. immitis) huma preżenti. Il-prodott jista’jiġi amministrat matul is-sena kollha. L-ewwel doża tista’ tingħata wara l-ewwel esponiment possibbli għan-nemus, iżda mhux aktar minn xahar wara dan l-esponiment. It-trattament għandu jitkompla f’intervalli regolari ta’ kull xahar sa xahar wara l-aħħar esponiment għan-nemus. Biex tistabilixxi rutina ta’ kura, huwa rrakkomandat illi tiġi użata l-istess ġurnata jew data kull xahar. Meta tiġi biex tibdel prodott għall-prevenzjoni tad-dudu tal-qalb fi programm ta’ prevenzjoni għad-dudu tal-qalb, l-ewwel trattament bl-Advocate għandu jiġi mogħti fi żmien xahar mill-aħħar doża tal-medikazzjoni ta’ qabel.
F’postijiet li mhumiex endemiċi m’għandux ikun hemm riskju ta’qtates li jieħdu d-dudu tal-qalb. Għalhekk għandhom jiġu trattati mingħajr prewkawzjonijiet speċjali.
Il-prevenzjoni ta’ dirofilariosis tal-ġilda (dudu tal-ġilda) (D. repens)
Għall-prevenzjoni ta’ dirofilariosis tal-ġilda, il-prodott għandu jiġi applikat f’intervalli regolari ta’ kull xahar, matul iż-żmien tas-sena meta n-nemus (l-ospiti intermedji li jġorru u jittrasmettu l-larva ta’ D. repens) ikunu preżenti. Il-prodott jista’ jiġi amministrat matul is-sena kollha jew tal-inqas xahar qabel l-ewwel esponiment mistennija għan-nemus. It-trattament għandu jitkompla f’intervalli regolari ta’ kull xahar sa xahar wara l-aħħar esponiment għan-nemus. Biex tistabilixxi rutina ta’ trattament, huwa rakkomandat li tiġi użata l-istess ġurnata jew data kull xahar.
It-trattament ta’ mikrofilariae (D. immitis)
Il-prodott għandu jingħata kull xahar għal xahrejn konsekuttivi.
Għat-trattament ta’ dirofilarjożi tal-ġilda (Dudu tal-ġilda) (stadji tal-adulti ta’ Dirofilaria repens)
Advocate għandu jingħata kull xahar għal sitt xhur konsekuttivi.
Nuqqas ta’ microfilariae (Dudu tal-ġilda) (D. repens)
Il-prodott għandu jingħata kull xahar għal erba’ xhur konsekuttivi.
Trattament u prevenzjoni ta’ Angiostrogylus vasorum
Doża waħda għandha tiġi amministrata. Huwa rrikmandat li ssir vista oħra mill-veterinarju wara 30 ġurnata mill-ewwel trattament peress li jista’ jkun hemm xi annimali li jkollhom bżonn it-tieni trattament.
F’żoni endemiċi, l-applikazzjoni regolari kull xahar ser tipprevjeni l-anġjostrongilożi u infezzjoni ovvja b’Angiostrogylus vasorum.
Trattament tal-Crenosoma vulpis
Għandha tiġi amministrata doża waħdanija.
Prevenzjoni ta’ spiroċerċożi (Spirocerca lupi)
Il-prodott għandu jingħata kull xahar.
It-Trattament ta’ Eucoleus (sin. Capillaria) boehmi (adulti)
Il-prodott għandu jiġi amministrat kull xahar għal xaharejn konsekuttivi. Ta’ min jirrakkomanda li jevita l-awto-koprofaġija bejn iż-żewġ trattamenti biex jevita l-possibilità ta’ infezzjoni oħra mill-ġdid
It-trattament tad-dudu tal-għajnejn Thelazia callipaeda (adulti)
Għandha tiġi amministrata doża waħda tal-prodott.
Trattament għall-ħniex (Toxocara canis, Ancylostoma caninum, Uncinaria stenocephala, Toxascaris leonina and Trichuris vulpis).
F’postijiet fejn jgħix id-dudu tal-qalb, trattament ta’ kull xahar inaqqas ir-riskju li jerġa jkun hemm infezzjoni kkaġunata speċjalment mill-ħniex. F’postijiet li mhumiex endemiċi għad-dudu tal-qalb, il- prodott jista’ jiġi użat bħala programm ta’ prevenzjoni kontra l-briegħed u ħniex gastro-intestinali.
Studji wrew illi t-trattament tal-klieb ta’ kull xahar jippreveni infezzjonijiet ikkaġunati minn Uncinaria stenocephala
Neħħi pipetta waħda mill-pakkett. Żomm il-pipetta tħares ’il fuq , issa ilwi u iġbed l-għatu ’l barra. Aqleb l-għatu ta’ taħt fuq u użah biex tilwi u tneħhi il-qfil tal-pipetta, kif jidher fl-istampa.
Għal klieb li jiżnu sa 25 kg:
Bil-kelb f’qagħda wieqfa, ofroq il-pil bejn l-għadam tal-ispalel sakemm tidher il-ġilda. Jekk possibli applika fuq ġilda intatta Poġġi t-tarf tal-pipetta fuq il-ġilda u għafas il-pipetta bis-sħiħ kemm-il darba
biex tbattal il-kontenut direttament fuq il-ġilda. .
Għal klieb li jiżnu aktar minn 25 kg:
Biex l-applikazzjoni tkun faċli, il-kelb għandu jkun f’qagħda wieqfa. Il-kontenut kollu tal-pipetta għandu jiġi applikat bl-istess ammont fuq tlieta jew erba’ partijiet fuq id-dahar tal-kelb, minn bejn l- ispalel sa fejn jibda d-denb. Fuq kull parti, ofroq il-pil sakemm tidher il-ġilda. Jekk possibli applika fuq ġilda intatta. Poġġi t-tarf tal-pipetta fuq il-ġilda u għafas bil-mod il-pipetta biex toħroġ ftit mill- kontenut direttament fuq il-ġilda. Tapplikax ammont eċċessiv tat-taħlita fuq parti waħda tal-ġisem, għaliex hekk it-taħlita tista’ ċċarċar mal-ġnub.
Mhux applikabbli.
Żomm fejn ma jidhirx u ma jintlaħaqx mit-tfal żgħar. Taħżinx f'temperatura 'l fuq minn 30 °C.
Tużax dan il-prodott mediċinali veterinarju wara d-data ta’ skadenza fuq it-tikketta u l-kartuna. Id-data
ta’ skadenza tirreferi għall-aħħar jum tax-xahar.
Twissijiet speċjali għal kull speċi għal xiex huwa indikat:
Kuntatt qasir tal-annimal mal-ilma, f’okkażżjoni waħda jew tnejn, bejn it-trattamenti ta’ kull xahar mhuwiex mistenni li jnaqqas sinifikament l-effiċjenza tal-prodott. Madankollu, l-użu frekwenti tax-
xampu jew l-immersjoni tal-annimal ġol-ilma wara t-trattament, jista’ jnaqqas l-effiċjenza tal-prodott.
Resistenza tal-parassita għal xi klassi partikulari ta’ sustanza kontra d-dud tista’ tiżviluppa wara li jsir użu frekwenti u repetut ta’ din is-sustanza ta’ din il-klassi. Għalhekk, l-użu ta’dan il-prodott għandu jkun ibbażat fuq il-valutazzjoni ta' kull każ individwali u fuq informazzjoni epidemjoloġika lokali dwar is-suxxettibilità attwali tal-ispeċi fil-mira sabiex jillimita l-possibbiltà ta' għażla futura għar- reżistenza. L-użu tal-prodott għandu jkun ibbażat fuq dijanjosi kkonfermat ta' infezzjoni mħallta (jew riskju ta' infezzjoni, fejn japplika prevenzjoni) fl-istess ħin (ara wkoll sezzjonijiet 4 u 8).
L-effikaċja kontra Dirofilaria repens adulta ma ġietx ittestjata taħt kundizzjonijiet reali. Prekawzjonijiet speċjali għall-użu fl-annimali:
It-trattament ta’ annimali li jiżnu inqas minn 1 kg għandu jkun ibbażat fuq il-valutazzjoni tal- benefiċċju riskju.
Hemm esperjenza limitata dwar l-użu tal-prodott fl-annimali morda u debboli, għalhekk dan il-prodott għandu jintuża biss skont il-valutazzjoni tal-benefiċċju riskju ta’ dawn l-annimali.
Tapplikax fil-ħalq, fl-għajnejn jew fil-widnejn tal-annimal.
Wieħed għandu joqgħod attent li l-prodott ma jinbelax mill-annimali u ma jiġix f’kuntatt mal-għajnejn jew mal-ħalq tal-annimal li qed jirċevih u/jew ta’ annimali oħra. Ikkunsidra bir-reqqa l-metodu korrett tal-applikazzjoni deskritt fis-sezzjoni 9, speċjalment li l-prodott għandu jiġi applikat fuq is-sit speċifikat sabiex jiġi minimizzat ir-riskju li l-annimal jilgħaq il-prodott. Tħallix annimali ttrattati riċentament jilagħqu lil xulxin. Tħallix annimali trattati jiġu f’kuntatt ma’ annimali mhux ittrattati sakemm is-sit tal-applikazzjoni jinxef.Meta l-prodott jiġi applikat fuq 3 jew 4 partijiet postijiet differenti, għandha tingħata attenzjoni speċjali biex tevita li l-annimal jilgħaq il-postijiet fejn ġie applikat.
Dan il-prodott fih il-moksidektin (laktonju makroċikliku), għalhekk, għandha għandu jkun hemm attenzjoni speċjali bi klieb tar-razza Collie jew Old English Sheep u razez relatati jew taħlit ta’ dawn ir-razez; biex il-prodott jiġi amministrat b’mod korrett kif spjegat fis-sezzjoni “TAGĦRIF FUQ APPLIKAZZJONI KORRETTA”¸ b’modpartikulari għandu jiġi evitat teħid mill-ħalq minn klieb tar- razza Collie jew Old English Sheep u razez relatati jew taħlit ta’ dawn ir-razez.
Advocate ma għandu qatt jitħalla jmur man-nixxigħat tal-ilma minħabba li jista’ jkun ta’ periklu għall- ħut jew ħlejqiet oħra akwatici: Moksidektin huwa velenuż ħafna għall-ħlejqiet akwatiċi. Il-klieb m’għandhomx jitħallew jgħumu f’nixxigħat tal-ilma għal 4 ijiem wara l-kura.
Is-sigurtà tal-prodott ġie evalwat biss fi klieb ikklassifikati bħala jew Klassi 1 jew Klassi 2 għal marda tad-dudu tal-qalb fi studji fil-laboratorji u fi ftit klieb tal-Klassi 3 fi studju fl-ambjent naturali. Għalhekk l-użu fi klieb li għandhom sintomi ovvji jew severi tal-marda għandu jkun ibbażat fuq assessjar bir-reqqa tal-benefiċċji u r-riskji mill-veterinarju kuranti.
Għalkemm studji sperimentali dwar doża eċċessiva wrew li il-prodott jista’ jiġi użat mingħajr periklu fuq klieb li huma infettati bil-marda tad-dudu tal-qalb adult, dan m’għandux effet terapewtiku kontra Dirofilaria immitis adulti. Huwa għalhekk rikommandat illi l-klieb li għandhom minn 6 xhur ’il fuq, u li joqgħodu f’postijiet fejn jgħix id-dud tal-qalb, jiġu eżaminati għall-infezzjoni tad-dud tal-qalb adulti qabel jigu trattati bil-prodott. Fid-diskrezzjoni tal-veterinarju, klieb infettati għandhom jiġu ttrattati bl- adultiċida biex jitneħħew dud adulti tal-qalb. Is-sigurtà ta’ Advocate ma ġietx evalwata meta ngħata fl- istess jum bħala adultiċida.
Imidacloprid hu tossiku għall-għasafar, speċjalment għall-kanarini.
Prekawzjonijiet speċjali li għandhom jittieħdu mill-persuna li tamministra l-prodott mediċinali veterinarju lill-annimali:
Evita kuntatt mal-ġilda, għajnejn jew ħalq. Tikolx, tixrobx u tpejjipx waqt l-applikazzjoni. Aħsel idejk sew wara li tuża.
Tmellisx jew tippetna l-annimal wara l-applikazzjoni qabel ma’ tinxef il-parti fejn tapplika. Jekk aċċidentalment il-prodott jixxerred fuq il-ġilda, aħsel malajr bl-ilma u s-sapun.
Nies li għandhom sensittività kbira kemm għall- Benzyl alcohol Imidakloprid u Moksidektin
għandhom jamministraw il-prodott b’kawtela. F’okkażżjonijiet rari ħafna sensittività tal-ġilda jew reazzjonijiet tal-ġilda li jgħaddu (pereżempju tarxien, irritazzjoni jew sensazzjoni ta' ħruq/tnemnim) jistgħu jinħassu meta jiġi użat il-prodott.
F'każi rari ħafna, il-prodott jista' jikkawża irritazzjoni respiratorja f'individwi sensittivi.
Jekk aċcidentalment il-prodott imiss mal-għajnejn , dawn għandhom jiġu mlaħalħin sewwa bl-ilma. Jekk sintomi tal-għajnejn jew ġilda ma jmorrux, jew il-prodott jiġi aċċidentalment miblugħ, fittex
tabib mall-ewwel u qis li turih il-fuljett ta' tagħrif jew it-tikketta.
Is-solvent li hemm fl-Advocate jista’ itebba’ jew jagħmel ħsara lil materjal differenti inkluż ġild, drapp, plastik u wċuħ illustrati. Ħalli l-parti t’applikazzjoni tinxef qabel ma tagħmel kuntatt ma’ dan il- materjal.
Tqala u treddigħ:
Is-sigurtà tal-prodott mediċinali veterinarju ma ġietx stabbilita waqt it-tqala u fit-treddigħ fl-ispeċi fil- mira. Għalhekk, l-użu tal-prodott mhux rakkomandat fl-annimali li se jitgħammru jew waqt it-tqala
jew fit-treddigħ.
Interazzjoni ma’ prodotti mediċinal oħrajn u forom oħrajn ta’ interazzjoni:
Waqt il-kura bl-Advocate ma jista’jiġi amministrat l-ebda Laktonju Makroċikliku ieħor kontra l- parassiti.
L-ebda reazzjoni ma ġiet osservata meta l-Advocate jintuża flimkien ma’ kwalunkwe prodott ieħor li jingħata regolari, jew proċeduri mediċinali jew kirurġici.
Is-sigurtà ta’ Advocate meta jingħata fl-istess jum bħala adultiċida biex jitneħħew id-dud adulti tal- qalb ma ġiext evalwata.
Doża eċċessiva (sintomi, proċeduri ta’ emerġenza, antidoti):
Id-doża rrikmandata ġiet ittollerata sa 10 darbiet mill-klieb kbar, mingħajr l-ebda evidenza t’effetti avversarji jew sinjali klinici mhux mixtieqa. Ġiet investigata d-doża ta’ 5 darbiet id-doża minima rrakkomandata f’intervalli ta’ ġimgħa għal 17-il ġimgħa fi klieb ta’ iktar minn 6 xhur u din ġiet ittollerata mingħajr evidenza ta’ effetti avversi jew sinjali kliniċi mhux mixtieqa.
Il-prodott ġie amministrat sa 5 darbiet bid-doża rrikkmandata fuq ġriewi kull ħmistax għal 6 trattamenti, u ma kienx hemm affari serji ta’sigurtà Midrijasi li tgħaddi, tbeżliq, irreġettar u
respirazzjoni mgħaġġla li tgħaddi ġew osservati.
Wara t-teħid orali aċċidentali jew doża eċċessiva jista' jkun hemm, f'każi rari ħafna, sinjali newroloġiċi (li l-biċċa l-kbira minnhom jgħaddu) bħal atassja, rogħda ġeneralizzata, sinjali fl-għajnejn, (ħbub tal- għajnejn imwessgħa, ftit rifless tal-ħbub, nistagamus) nifs mhux normali, tbeżliq u rimettar.
Klieb tar-razza tal-Collie sensittivi għall-vermettina ttolerraw id-doża rrakkomandata sa 5 darbiet ripetuta f’intervalli ta’ kull xahar mingħajr affetti avversi, iżda s-sigurtà tal-applikazzjoni f’intervalli
ta’ ġimgħa, ġimgħa ma ġietx investigata fil-klieb tar-razza Collie sensittivi għal Ivermectin. Meta 40% tad-doża ġiet mogħtija oralment, sinjali newroloġiċi ġew osservati. Amministrazzjoni orali ta’10% tad- doża rrakkomandata ma ħalliet l-ebda effetti avversarji.
Klieb infettati bid-dud tal-qalb adult, ittolleraw id-doża rrakkomandata sa 5 darbiet, kull ħmistax għal 3 trattamenti, mingħajr affetti avversarji.
Fil-każ li l-prodott jittieħed aċcidentalment orali, trattament simptomatiku għandu jiġi amministrat. Ma hemmx antidot specifiku magħruf. L-użu ta’ karbonju attivat jista’ jkun ta’ benefiċċju.
Inkompatibilitajiet:
M'hemm xejn magħruf.
Il-mediċini m’għandhomx jiġu mormija mal-ilma maħmuġ jew mal-iskart domestiku. Advocate ma għandu qatt jitħalla jmur man-nixxigħat tal-ilma minħabba li jista’ jkun ta' periklu għall-ħut jew ħlejqiet oħra akwatici.
Staqsi lill-kirurgu veterinarju tiegħek dwar kif l-aħjar li tarmi l-mediċini li ma jkunux aktar meħtieġa. Dawn il-miżuri għandhom jgħinu sabiex jipproteġu l-ambjent.
Imidakloprid huwa effettiv kontra l-istadju tal-larva tal-bergħud u briegħed adulti. Briegħed fi stat ta’ larva, li jkunu fl-inħawi fejn ikun qiegħed l-annimal, jiġu meqruda wara li jiġu f’kuntatt mal-annimal li jkun itrattat bil-prodott.
Il-mediċina għandha azzjoni persistenti u tipproteġi lill-klieb għal 4 ġimgħat wara l-applikazzjoni waħdanija kontra infezzjoni oħra mill-ġdid bil-parasiti Ii ġejjin: Dirofilaria immitis, Dirofilaria repens, Angiostrongylus vasorum.
L-istudji li jevalwaw l-imġieba farmakokinetika ta’ moxidectin wara l-applikazzjonijiet multipliċi ndikaw li livelli tas-serum fi stat stabblli jintlaħqu wara madwar 4 trattamenti kull xahar konsekuttivi fil-klieb.
Daqsijiet tal-pakkett: 0.4 ml, 1.0 ml, 2.5 ml, u 4.0 ml kull pipetta Strixxi li għandhom 1, 2, 3, 4, 6, 9,
12, 21 jew 42 pipetta ta’ doża waħda
Mhux id-daqsijiet kollha tal-pakkett jistgħu qegħdin fis-suq.