Fuljett ta’ tagħrif: Informazzjoni għal min qed jagħmel użu minnu

AZARGA 10 mg/ml + 5 mg/ml qtar għall-għajnejn, suspensjoni

brinzolamide/timolol

Aqra sew dan il-fuljett kollu qabel tibda tuża din il-mediċina peress li fih informazzjoni importanti għalik.

• Żomm dan il-fuljett. Jista’ jkollok bżonn terġa’ taqrah.

• Jekk ikollok aktar mistoqsijiet, staqsi lit-tabib jew lill-ispiżjar tiegħek.

• Din il-mediċina ġiet mogħtija lilek biss. M’għandekx tgħaddiha lil persuni oħra. Tista’

  tagħmlilhom il-ħsara anke jekk għandhom l-istess sinjali ta’ mard bħal tiegħek.

• Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4.

  
  

  F’dan il-fuljett:

  
  

  1. X’inhu AZARGA u għalxiex jintuża

  2. X’għandek tkun taf qabel ma tuża AZARGA

  3. Kif għandek tuża AZARGA

  4. Effetti sekondarji possibbli

  5. Kif taħżen AZARGA

  6. Kontenut tal-pakkett u informazzjoni oħra

  
  

  1. X’inhu AZARGA u għalxiex jintuża

     
     

     AZARGA fih żewġ sustanzi attivi, brinzolamide and timolol, li jaħdmu flimkien biex innaqqsu l- pressjoni fl-għajn.

     
     

     AZARGA jintuża biex jikkura pressjoni għolja fl-għajnejn, imsejħa wkoll glawkoma jew pressjoni għolja fl-għajnejn, f’pazjenti adulti li għandhom aktar minn 18-il sena u li l-pressjoni għolja fl- għajnejn tagħhom ma tistax tiġi kkontrollata b’mod effettiv minn mediċina waħda waħedha.

     
     

  2. X’għandek tkun taf qabel ma tuża AZARGA Tużax AZARGA

     • Jekk inti allerġiku għal brinzolamide, mediċini msejħa sulphonamides (eżempji jinkludu mediċini wżati biex jikkuraw id-dijabete, infezzjonijiet u wkoll dijuretiċi (pilloli tal-awrina)),

       timolol, imblokkaturi tar-riċetturi beta (mediċini wżati biex ibaxxu l-pressjoni jew biex

       jikkuraw mard tal-qalb) jew għal xi sustanza oħra ta’ din il-mediċina (imniżżla fis-sezzjoni 6).

     • Jekk għandek jew kellek fil-passat problemi respiratorji bħal ażżma, bronkite ostruttiva severa fit-tul (marda severa tal-pulmun li tista’ tikkawża tħarħir, diffikultà biex tieħu n-nifs u/jew sogħla li ddum biha, jew tipi oħra ta’ problemi bin-nifs.

     • Jekk għandek hay fever severa.

     • Jekk għandek rata ta’ taħbit tal-qalb baxxa, insuffiċjenza tal-qalb jew disturbi bir-ritmu tal-qalb (taħbit tal-qalb irregolari).

     • Jekk għandek aċidu żejjed fid-demm tiegħek (kondizzjoni li tissejjaħ aċidożi iperklorimika).

     • Jekk għandek problemi severi tal-kliewi.

       Twissijiet u prekawzjonijiet

       Uża AZARGA biss biex tqattar ’għajnejk.

       
       

       Jekk iseħħu sinjali ta’ reazzjonijiet serji jew sensittività eċċessiva, waqqaf l-użu ta’ dan il-prodott u kellem lit-tabib tiegħek.

       
       

       Kellem lit-tabib jew lill-ispiżjar tiegħek qabel tuża AZARGA jekk għandek jew kellek fil-passat:

     • marda tal-koronarji tal-qalb (sintomi jistgħu jinkludu uġigħ fis-sider jew tagħfis, qtugħ ta’ nifs jew tifga), insuffiċjenza tal-qalb, pressjoni tad-demm baxxa,

     • disturbi fir-rata tal-qalb bħal qalb tħabbat bil-mod.

     • problemi fin-nifs, ażżma jew marda ostruttiva kronika tal-pulmun

     • marda ta’ ċirkolazzjoni ħażina tad-demm (bħal marda ta’ Raynaud jew sindrome ta’ Raynaud)

     • dijabete peress li timolol jista’ jgħatti sinjali u sintomi ta’ zokkar baxx fid-demm

     • attività żejda tal-glandola tat-tirojde peress li timolol jista’ jgħatti sinjali u sintomi ta’ marda tat- tirojde

     • dgħufija fil-muskoli (mijastenija gravis)

     • qabel tagħmel xi operazzjoni għid lit-tabib tiegħek li qed tuża AZARGA peress li timolol jista’ jbiddel l-effetti ta’ ċertu mediċini użati waqt il-loppju

     • jekk għandek passat ta’ atopija (tendenza li tiżviluppa reazzjoni allerġika) u reazzjonijiet allerġiċi severi inti tista’ tkun aktar sensittiv għall-iżvilupp ta’ reazzjoni allerġika waqt li qed

       tuża AZARGA u adrenaline jista’ ma jkunx daqshekk effettiv biex jikkura reazzjoni allerġika.

       Meta tirċievi xi kura oħra, jekk jogħġbok, għid lit-tabib jew lill-infermier li qed tieħu AZARGA.

     • jekk għandek problemi tal-fwied.

     • jekk għandek għajnejn xotti jew problemi tal-korneja.

     • jekk għandek problemi fil-kliewi tiegħek.

       
       

       Tfal u adolexxenti

       AZARGA mhux irrakkomandat għall-użu fi tfal u adolexxenti taħt 18-il sena.

       
       

       Mediċini oħra u AZARGA

       Għid lit-tabib jew lill-ispiżjar tiegħek jekk qed tuża, użajt dan l-aħħar jew tista’ tuża xi mediċini oħra.

       
       

       AZARGA jista’ jkollu effett, jew jiġi affettwat minn, mediċini oħra li qed tieħu, inkluż qtar għall- għajnejn oħra għall-kura tal-glawkoma. Għid lit-tabib tiegħek jekk qiegħed tieħu jew għandek ħsieb li tieħu mediċini biex ibaxxu l-pressjoni bħal parasimpatomimetiċi u guanetidine, jew mediċini oħra għall-qalb inkluż quinidine (użat biex jikkura kondizzjonijiet tal-qalb u xi tipi ta’ malarja), amiodarone jew mediċini oħra biex tikkura problemi fir-ritmu tal-qalb u glycosides biex tikkura insuffiċjenza tal- qalb. Għid lit-tabib tiegħek ukoll jekk qed tieħu jew li bi ħsiebek tieħu mediċini biex jikkuraw id- dijabete, jew biex jikkuraw ulċeri fl-istonku, mediċini kontra l-moffa, kontra l-virusis jew anti-bijotiċi, jew antidepressanti bħal fluoxetine u paroxetine.

       
       

       Jekk qed tieħu inibitur ieħor ta’ carbonic anhydrase (acetazolamide jew dorzolamide), kellem lit-tabib tiegħek.

       Kultant ġiet irrappurtata żieda fid-daqs tal-ħabba tal-għajn meta Azarga u adrenaline (epinephrine) ittieħdu flimkien.

       Tqala u treddigħ

       M’għandekx tuża AZARGA jekk inti tqila, jew tista’ toħroġ tqila, sakemm it-tabib tiegħek ma

       jikkunsidrax dan bħala neċessarju. Kellem lit-tabib tiegħek qabel tuża AZARGA. Tużax AZARGA jekk qed tredda’, timolol jista’ jgħaddi fil-ħalib tiegħek.

       Itlob il-parir tat-tabib tiegħek qabel tieħu xi mediċina waqt it-treddigħ.

       
       

       Sewqan u tħaddim ta’ magni

       Issuqx u tużax magni qabel il-vista tiegħek tkun ċara. Jista’ jkun li l-vista tiegħek tkun imċajpra għal xi

       ħin hekk kif tuża AZARGA.

       
       

       Wieħed mis-sustanzi attivi jista’ jnaqqas il-ħila li jitwettqu qadjiet li jinħtieġu akutezza mentali u /jew koordinazzjoni fiżika. Jekk affettwat oqgħod attent meta ssuq jew tuża’ magni.

       
       

       AZARGA fih benzalkonium chloride

       
       

       Din il-mediċina fiha 3.34 µg ta’ benzalkonium chloride f’kull qatra (= doża 1) li hu ekwivalenti għal 0.01% or 0.1 mg/ml.

       
       

       AZARGA fih preservattiv (benzalkonium chloride) li jista’ jiġi assorbit mil-lentijiet tal-kuntatt rotob u jista’ jbiddel il-kulur tal-lentijiet tal-kuntatt. Neħħi l-lentijiet tal-kuntatt qabel tuża din il-mediċina u erġa’ lbishom wara kwarta. Benzalkonium chloride jista’ jikkawża irritazzjoni fl-għajn speċjalment jekk għandek għajnejn xotti jew disturbi fil-kornea (strat ċar quddiem l-għajn). Jekk tħoss sensazzjoni anormali tal-għajnejn, tingiż jew uġigħ fl-għajn wara li tuża din il-mediċina, kellem lit-tabib tiegħek.

       
       

  3. Kif għandek tuża AZARGA

     
     

     Dejjem għandek tuża din il-mediċina skont il-parir eżatt tat-tabib jew tal-ispiżjar. Iċċekkja mat-tabib jew mal-ispiżjar tiegħek jekk ikollok xi dubju.

     
     

     Jekk qed taqleb minn mediċina oħra ta’ qtar għall-għajnejn użata biex tikkura l-glawkoma għal AZARGA, għandek tieqaf tuża l-mediċina l-oħra u tibda tuża AZARGA l-għada. Iċċekkja mat-tabib jew mal-ispiżjar tiegħek jekk ikollok xi dubju.

     
     

     Biex tkun evitata kontaminazzjoni tat-tarf tal-qattara u s-suspensjoni, wieħed għandu joqgħod attent biex ma jmissx il-kappell tal-għajn, il-partijiet tal-madwar jew xi superfiċje oħra bit-tarf tal-qattara. Żomm il-flixkun magħluq sewwa meta ma jkunx qed jintuża.

     
     

     Il-miżura li ġejja hija utli biex tillimita l-ammont ta’ mediċina li se jidħol fid-demm wara li tapplika l- qtar għall-għajnejn:

• Żomm il-kappell tal-għajn magħluq, waqt li tagħfas bil-mod il-parti tal-għajn li tmiss mal-

imnieħer b’subajk għal mill-inqas 2 minuti.

Id-doża rrakkomandata hija

Qatra waħda fl-għajn jew għajnejn affettwata/i, darbtejn kuljum.

Uża AZARGA fl-għajnejn it-tnejn biss jekk qallek hekk it-tabib tiegħek. Uża għat-tul ta’ żmien li

qallek it-tabib tiegħek.

Kif għandek tużah

1 2 3

• Aqbad il-flixkun ta’ AZARGA u mera.

• Aħsel idejk.

• Ħawwad sew qabel l-użu.

• Neħħi l-għatu tal-flixkun. Wara li jitneħħa l-għatu, jekk iċ-ċirku li juri li għadu ssiġillat u li jinqata’ jkun maħlul, neħħieħ qabel tuża l-prodott.

• Żomm il-flixkun wiċċu ’l isfel bejn subgħajk il-kbir u s-swaba l-oħra.

• Itfa rasek lura. B’seba’ nadif, niżżel il-kappell ta’ għajnejk sakemm ikun hemm ‘spazju’ bejn il- kappell t’għajnejk u l-għajn tiegħek. Il-qatra se tmur hawn (stampa 1).

• Ġib it-tarf tal-flixkun viċin tal-għajn. Jekk jgħin uża l-mera.

• Tmisx għajnejk jew il-kappell ta’ l-għajn, il-postijiet tal-madwar jew superfiċji oħra bil-qattara tal-flixkun. Dan jista’ jinfetta l-qtar.

• Għafas il-bażi tal-flixkun bil-mod biex tinżel qatra waħda ta’ AZARGA kull darba.

• Tgħafasx il-flixkun bis-saħħa: huwa maħsub biex għafsa bil-mod fuq il-qiegħ tal-flixkun tkun biżżejjed (stampa 2).

• Wara li tuża AZARGA, għafas b’subgħajk il-kantuniera ta’ għajnejk, in-naħa ta’ l-imnieħer għal żewġ minuti (stampa 3). Dan jgħin biex iwaqqaf lil AZARGA milli jidħol fil-bqija tal-ġisem.

• Jekk tuża l-qtar fiż-żewġ għajnejn, irrepeti l-proċedura għall-għajnek l-oħra.

• Għalaq l-għatu tal-flixkun tajjeb immedjatament wara l-użu.

• Uża l-flixkun kollu qabel tiftaħ ieħor.

  
  

  Jekk qatra ma tidħolx f’għajnejk, erġa’ pprova.

  
  

  Jekk qed tuża mediċini oħra ta’ qtar jew ingwent għall-għajnejn ħalli mill-anqas 5 minuti bejn kull mediċina. Ingwent għall-għajnejn għandu jingħata l-aħħar.

  
  

  Jekk tuża AZARGA aktar milli suppost laħlaħ għajnek b’ilma sħun. Tużax aktar qtar qabel ikun il- ħin għad-doża li jmiss tas-soltu.

  
  

  Għandu mnejn ikollok tnaqqis fir-rata tal-qalb, tnaqqis fil-pressjoni tad-demm, insuffiċjenza tal-qalb, diffikultà biex tieħu nifs u s-sistema nervuża tiegħek tista’ tiġi affettwata.

  Jekk tinsa tuża AZARGA, kompli bid-doża li jmiss kif ippjanat. M’għandekx tieħu doża doppja biex

  tpatti għal kull doża li tkun insejt tieħu. M’għandekx tuża aktar minn qatra waħda fl-għajn/ejn affettwata/i darbtejn kuljum.

  
  

  Jekk tieqaf tuża AZARGA mingħajr ma tkellem lit-tabib tiegħek, il-pressjoni ġewwa għajnejk ma tkunx ikkontrollata u dan jista’ jwassal għal telf tal-vista.

  
  

  Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.

  
  

  1. Effetti sekondarji possibbli

     
     

     Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’ kulħadd.

     
     

     Waqqaf l-użu ta’ din il-mediċina u ikkuntattja lit-tabib tiegħek minnufih jekk tiżviluppa raxx fil- ġilda, reazzjoni severa fil-ġilda, jew ħmura u ħakk severi fl-għajn. Dawn jistgħu jkunu sinjali ta’ reazzjoni allerġika (frekwenza mhux magħrufa).

     
     

     Ġeneralment tista’ tkompli tuża l-qtar, sakemm l-effetti ma jkunux ta’ natura serja. Jekk qed tinkwieta, kellem lit-tabib jew lill-ispiżjar tiegħek. Twaqqafx l-uża ta’ Azarga qabel ma tkellem lit-tabib tiegħek.

     
     

     Komuni (jistgħu jaffettwaw sa persuna waħda minn kull 10)

• Effetti fl-għajn: infjammazzjoni tas-superfiċje tal-għajn, vista mċajpra, sinjali u sintomi ta’ irritazzjoni fl-għajn (eż. ħruq, tingiż, ħakk, dmugħ, ħmura), uġigħ fl-għajn.

• Effetti sekondarji ġenerali: rata tal-qalb imnaqqsa, disturbi fit-togħma.

  
  

  Mhux komuni (jistgħu jaffettwaw sa persuna waħda minn kull 100).

• Effetti fl-għajn: tħaffir tal-kornea (ħsara fis-saff ta’ barra tal-għajn), infjammazzjoni tas- superfiċje tal-għajn bi ħsara tas-superfiċje, infjammazjoni ġewwa l-għajn, tebgħa fil-kornea, sensazzjoni mhux normali fl-għajnejn, tnixxija mill-għajn, għajn tinħass xotta, għeja fl- għajnejn, ħakk fl-għajn, ħmura fl-għajn, ħmura fil-kappell tal-għajn.

  
  

• Effetti sekondarji ġenerali: tnaqqis fl-għadd ta’ ċelluli bojod tad-demm, tnaqqis fil-pressjoni tad-demm, sogħla, demm fl-awrina, dgħjufija tal-ġisem.

  
  

  Rari (jistgħu jaffettwaw sa persuna waħda minn kull 1000)

• Effetti fl-għajn: disturb tal-kornea, sensittività għad-dawl, żieda fid-dmugħ, qxur fil-kappell tal-għajn

• Effetti sekondarji ġenerali: diffikultà biex torqod (insomnja), uġigħ fil-griżmejn, imnieħer iqattar

  Mhux magħrufa (frekwenza ma tistax tiġi stmata mid-dejta disponibbli)

• Effetti fl-għajn: allerġija fl-għajn, disturb fil-vista, ħsara lin-nerv ottiku, żjieda tal-pressjoni fl- għajn, depożiti fuq is-superfiċje tal-għajn, tnaqqis fis-sensazzjoni tal-għajn, infjammazzjoni jew infezzjoni tal-konġuntiva (l-abjad tal-għajn), vista mhux normali, doppja jew imnaqqsa, żjieda fil-pigmentazzjoni tal-għajn, tkabbir fuq is-superfiċje tal-għajn, nefħa fl-għajn, sensittività għad- dawl, tnaqqis fit-tkabbir jew fil-kwantità ta’ xagħar tal-għajnejn, kappell ta’ fuq tal-għajn baxx (jagħmel l-għajn tibqa’ nofsa magħluqa), infjammazzjoni tal-kappell tal-għajn u tal-glandoli tal- kappell tal-għajn, infjammazzjoni tal-korneja u distakk tas-saff taħt ir-retina li fih kanali tad- demm wara kirurġija ta’ filtrazzjoni li jista’ jikkawża disturbi fil-vista, tnaqqis fis-sensittività

  tar-retina.

• Qalb u ċirkolazzjoni: bidliet fir-ritmu jew fir-rata ta’ taħbit tal-qalb, qalb tħabbat bil-mod, palpitazzjonijiet, tip ta’ disturb fir-ritmu tal-qalb, żieda mhux normali fir-rata tal-qalb, uġigħ fis- sider, tnaqqis fil-funzjoni tal-qalb, attakk tal-qalb, żjieda fil-pressjoni tad-demm, tnaqqis fl- ammont ta’ demm li jmur għall-moħħ, puplesija, edima (akkumulazzjoni ta’ fluwidu), insuffiċjenza konġestiva tal-qalb (marda tal-qalb bi qtugħ ta’ nifs u nefħa tas-saqajn u tar-riġlejn

  minħabba akkumulazzjoni ta’ fluwidu), nefħa fl-estremitajiet, pressjoni baxxa, bidla fil-kulur tas-swaba tal-idejn, tas-swaba tas-saqajn, u kultant ta’ partijiet oħra tal-ġisem (fenomenu ta’ Raynaud), idejn u saqajn kesħin.

• Respiratorju: Tidjiq tal-passaġġi tal-arja fil-pulmun (primarjament f’pazjenti b’marda eżistenti minn qabel), qtugħ ta’ nifs jew diffikultà biex tieħu n-nifs, sintomi ta’ riħ, konġestjoni fis-sider,

  infezzjoni fis-sinus, għatis, imnieħer fgat, imnieħer xott, fsada mill-imnieħer, ażżma, irritazzjoni fil-griżmejn.

• Disturbi fis-sistema nervuża u ġenerali: alluċinazzjonijiet, depressjoni, inkubi, telf tal- memorja, uġigħ ta’ ras, nervi, irritabilità, għeja, tregħid, tħossok mhux normali, ħass ħażin,

  sturdament, ħedla ta’ ngħas, debbulizza ġeneralizzata jew severa, sensazzjonijiet mhux tas-soltu bħal tingiż.

• Tal-Istonku: tqalligħ, rimettar, dijarea, gass intestinali jew skonfort addominali, infjammazzjoni tal-griżmejn, ħalq xott jew sensazzjoni mhux normali fil-ħalq, indiġestjoni, uġigħ fl-istonku

• Demm: valuri ta’ testijiet tal-funzjoni tal-fwied mhux normali, żjieda fil-livelli ta’ chlorine fid- demm, jew tnaqqis fl-għadd ta’ ċelluli ħomor tad-demm kif osservat f’test tad-demm

• Allerġija: żjieda fis-sintomi ta’ allerġija, reazzjonijiet allerġiċi ġeneralizzati inkluż nefħa taħt il- ġilda li tista’ sseħħ f’partijiet bħall-wiċċ u r-riġlejn, u jistgħu jimblokkaw il-passaġġ tal-arja li tista’ tikkawża diffikultà biex tibla’ jew biex tieħu n-nifs, ħorriqija, raxx lokalizzat u ġeneralizzat, ħakk, reazzjoni allerġika severa f’daqqa ta’ periklu għal ħajja.

• Widnejn: żanżin fil-widnejn, tħoss kollox idur bik jew sturdament

• Ġilda: raxx, ħmura jew infjammazzjoni fil-ġilda, sensazzjoni mhux normali jew imnaqqsa fil- ġilda, telf ta’ xagħar, raxx b’dehra ta’ lewn abjad fil-fidda (raxx psoriasiform) jew irkadar ta’ psorajasi.

• Muskolari: uġigħ ġeneralizzat, fid-dahar, ġogi jew muskoli mhux ikkawżata minn eżerċizzju, spażmi muskolari, uġigħ fl-estremitajiet, debbulizza fil-muskoli/għeja, żjieda fis-sinjali u

  sintomi ta’ majastenija gravis (disturb fil-muskoli)

• Kliewi: uġigħ fil-kliewi bħal uġigħ fil-parti t’isfel tad-dahar, awrina frekwenti

• Riproduzzjoni: disfunzjoni sesswali, libido imnaqqas, diffikultà sesswali fl-irġiel

• Metaboliżmu: livelli baxxi ta’ zokkor fid-demm.

  
  

  Rappurtar tal-effetti sekondarji

  Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistemata’rappurtarnazzjonalimniżżlaf’AppendiċiV. Billi tirrapporta l-

  effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.

  1. Kif taħżen AZARGA

     
     

     Żomm din il-mediċina fejn ma tidhirx u ma tintlaħaqx mit-tfal.

     
     

     Tużax din il-mediċina wara d-data ta’ meta tiskadi li tidher fuq il-flixkun u l-kaxxa wara “EXP”. Id- data ta’ meta tiskadi tirreferi għall-aħħar ġurnata ta’ dak ix-xahar.

     
     

     Din il-mediċini m’għandhiex bżonn kondizzjonijiet speċjali ta’ ħażna.

     
     

     Biex tipprevjeni nfezzjonijiet armi l-flixkun erba’ ġimgħat wara li tkun ftaħtu l-ewwel darba, u uża flixkun ġdid. Ikteb id-data meta ftaħt il-flixkun fl-ispazju pprovdut fuq it-tikketta tal-flixkun u tal- kaxxa.

     
     

     Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.

     
     

  2. Kontenut tal-pakkett u informazzjoni oħra X’fih AZARGA

• Is-sustanzi attivi huma brinzolamide u timolol. Ml ta’ suspensjoni fih 10 mg ta’ brinzolamide u 5 mg ta’ timolol (bħal maleate).

• Is-sustanzi l-oħra huma benzalkonium chloride (ara sezzjoni 2 ‘AZARGA fih benzalkonium’), carbopol 974P, disodium edetate, mannitol (E421), ilma ppurifikat, sodium chloride, tyloxapol,

hydrochloric acid u/jew sodium hydroxide.

Jiġu miżjuda ammonti żgħar ta’ hydrochloric acid u/jew sodium hydroxide biex il-livelli ta’ aċidità (livelli tal-pH) jinżammu normali.

Kif jidher AZARGA u l-kontenut tal-pakkett

AZARGA huwa likwidu (suspensjoni uniform ta’ kulur abjad sa off-white) fornuta f’pakkett li fih flixkun tal-plastik wieħed ta’ 5 ml b’għatu bil-kamin jew f’pakkett li fih 3 fliexken ta’ 5 ml. Jista’ jkun li mhux il-pakketti tad-daqsijiet kollha jkunu għall-skop kummerċjali.

Detentur tal-Awtorizzazzjoni għat-tqegħid fis-Suq

Novartis Europharm Limited Vista Building

Elm Park, Merrion Road Dublin 4

L-Irlanda

Manifattur

Novartis Pharma GmbH Roonstraße 25

D-90429 Nürnberg Il-Ġermanja

S.A. Alcon-Couvreur N.V Rijksweg 14

B-2870 Puurs Il-Belġju

Novartis Farmacéutica, S.A.

Gran Via de les Corts Catalanes, 764 08013 Barcelona

Spanja

Siegfried El Masnou, S.A. Camil Fabra 58

El Masnou

08320 Barcelona Spanja

Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:

België/Belgique/Belgien Novartis Pharma N.V. Tél/Tel: +32 2 246 16 11

Lietuva

SIA Novartis Baltics Lietuvos filialas Tel: +370 5 269 16 50

България

Novartis Bulgaria EOOD

Тел.: +359 2 489 98 28

Luxembourg/Luxemburg Novartis Pharma N.V. Tél/Tel: +32 2 246 16 11

Česká republika

Novartis s.r.o.

Tel: +420 225 775 111

Magyarország Novartis Hungária Kft. Tel.: +36 1 457 65 00

Danmark

Novartis Healthcare A/S Tlf: +45 39 16 84 00

Malta

Novartis Pharma Services Inc. Tel: +356 2122 2872

Deutschland

Novartis Pharma GmbH Tel: +49 911 273 0

Nederland

Novartis Pharma B.V. Tel: +31 88 04 52 111

Eesti

SIA Novartis Baltics Eesti filiaal Tel: +372 66 30 810

Norge

Novartis Norge AS Tlf: +47 23 05 20 00

Ελλάδα

Novartis (Hellas) A.E.B.E. Τηλ: +30 210 281 17 12

Österreich

Novartis Pharma GmbH Tel: +43 1 86 6570

España

Novartis Farmacéutica, S.A. Tel: +34 93 306 42 00

Polska

Novartis Poland Sp. z o.o. Tel.: +48 22 375 4888

France

Novartis Pharma S.A.S. Tél: +33 1 55 47 66 00

Portugal

Novartis Farma - Produtos Farmacêuticos, S.A. Tel: +351 21 000 8600

Hrvatska

Novartis Hrvatska d.o.o. Tel. +385 1 6274 220

România

Novartis Pharma Services Romania SRL Tel: +40 21 31299 01

Ireland

Novartis Ireland Limited Tel: +353 1 260 12 55

Slovenija

Novartis Pharma Services Inc. Tel: +386 1 300 75 50

Ísland

Vistor hf.

Sími: +354 535 7000

Slovenská republika Novartis Slovakia s.r.o. Tel: + 421 2 5542 5439

Italia

Novartis Farma S.p.A. Tel: +39 02 96 54 1

Suomi/Finland

Novartis Finland Oy

Puh/Tel: +358 (0)10 6133 200

Κύπρος

Novartis Pharma Services Inc. Τηλ: +357 22 690 690

Sverige

Novartis Sverige AB Tel: +46 8 732 32 00

Latvija

SIA Novartis Baltics Tel: +371 67 887 070

United Kingdom (Northern Ireland)

Novartis Ireland Limited Tel: +44 1276 698370

Dan il-fuljett kien rivedut l-aħħar f’