Fuljett ta’ tagħrif: Informazzjoni għall-pazjent

Tresiba 100 unità/ml soluzzjoni għall-injezzjoni f’pinna mimlija għal-lest

insulina degludec

Aqra sew dan il-fuljett kollu qabel tibda tuża din il-mediċina peress li fih informazzjoni importanti għalik.

• Żomm dan il-fuljett. Jista’ jkollok bżonn terġa’ taqrah.

• Jekk ikollok aktar mistoqsijiet, staqsi lit-tabib, lill-ispiżjar jew lill-infermier tiegħek.

• Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anke jekk għandhom l-istess sinjali ta’ mard bħal tiegħek.

• Jekk ikollok xi effett sekondarju kellem lit-tabib, lill-infermier jew lill-ispiżjar tiegħek. Dan

  jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4.

  
  

  F’dan il-fuljett

  1. X’inhu Tresiba u għalxiex jintuża

  2. X’għandek tkun taf qabel ma tuża Tresiba

  3. Kif għandek tuża Tresiba

  4. Effetti sekondarji possibbli

  5. Kif taħżen Tresiba

  6. Kontenut tal-pakkett u informazzjoni oħra

  
  

  1. X’inhu Tresiba u għalxiex jintuża

     
     

     Tresiba hu insulina bażilari li jaħdem fit-tul u li jissejjaħ insulina degludec. Jintuża għall-kura tad- dijabete mellitus fl-adulti, fl-adolexxenti u fit-tfal mill-età ta’ sena ’l fuq. Tresiba jgħin lill-ġismek inaqqas il-livell taz-zokkor fid-demm tiegħek. Jintuża għal dożaġġ ta' darba kuljum. F’xi okkażjonijiet meta ma tkunx tista’ ssegwi l-iskeda ta’ dożaġġ tas-soltu tiegħek, tista’ tbiddel il-ħin tad-doża għax l- effett ta’ Tresiba li jbaxxi l-livell taz-zokkor fid-demm huwa twil (ara sezzjoni 3 ‘Flessibiltà fil-ħin ta’ dożaġġ). Tresiba jista’ jintuża ma’ prodotti tal-insulina li jaħdmu malajr u li huma relatati mat-teħid

     tal-ikel. F’dijabete mellitus tat-tip 2, minbarra mal-insulina, Tresiba jista’ jintuża flimkien ma’ pilloli tad-dijabete jew ma’ mediċini kontra d-dijabete li jiġu injettati.

     F'dijabete mellitus ta' tip 1, Tresiba jrid dejjem jingħata flimkien ma' mediċini tal-insulina li jingħataw

     fil-ħin tal-ikel u li jaħdmu fil-pront.

     
     

  2. X’għandek tkun taf qabel ma tuża Tresiba Tużax Tresiba:

• jekk inti allerġiku għall-insulina degludec jew għal xi sustanza oħra ta’ din il-mediċina (imniżżla fis-sezzjoni 6).

  
  

  Twissijiet u prekawzjonijiet

  Kellem lit-tabib, lill-ispiżjar jew lill-infermier tiegħek qabel tuża Tresiba. Fuq kollox oqgħod attent għal dawn li ġejjin:

  
  

• Livell baxx ta’ zokkor fid-demm (ipogliċemija) – jekk il-livell taz-zokkor fid-demm ikun baxx wisq, segwi l-gwida ta’ kif għandhek tagħmel meta jkollok livell baxx ta’ zokkor fid-demm f’sezzjoni 4.

• Livell għoli ta’ zokkor fid-demm (ipergliċemija) – jekk il-livell taz-zokkor fid-demm ikun għoli wisq, segwi l-gwida ta’ kif għandhek tagħmel meta jkollok livell għoli ta’ zokkor fid-demm f’sezzjoni 4.

• Meta tbiddel minn mediċini oħra tal-insulina – jista’ jkun li jkollok bżonn tbiddel id-doża tiegħek tal-insulina jekk tibdel it-tip, marka jew manifattur ta’ insulina. Tkellem mat-tabib

  tiegħek.

• Pioglitazone użat flimkien mal-insulina, ara ‘Pioglitazone’ aktar ’l isfel.

• Disturbi fl-għajnejn – id-distrub fl-għajnejn minħabba d-dijabete jista’ b’mod temporanju jmur għall-agħar jekk it-titjib fil-kontroll taz-zokkor fid-demm issir b’rata mgħaġġla. Jekk ikollok xi

  problema f’għajnejk, kellem lit-tabib tiegħek.

• Kun ċert li tuża t-tip tajjeb ta’ insulina – qabel kull injezzjoni ċċekkja t-tikketta tal-insulina biex tevita li bi żball titfixkel bejn il-qawwiet differenti ta’ Tresiba kif ukoll ma’ prodotti oħra tal- insulina.

  
  

  Jekk għandek vista batuta, jekk jogħġbok ara sezzjoni 3.

  
  

  Bidliet fil-ġilda fis-sit tal-injezzjoni

  Is-sit tal-injezzjoni għandu jinbidel kull darba sabiex jgħin biex jiġu evitati bidliet fit-tessut xaħmi ta’ taħt il-ġilda, bħal li tiħxien il-ġilda, tiċkien il-ġilda jew boċċi taħt il-ġilda. L-insulina tista’ ma taħdimx

  tajjeb ħafna jekk tinjetta f’żona bil-boċċi, li ċkienet jew li ħxienet (ara sezzjoni 3 ‘Kif għandek tuża

  Tresiba’). Għid lit-tabib tiegħek jekk tinduna b’xi bidliet fil-ġilda fis-sit tal-injezzjoni. Għid lit-tabib tiegħek jekk bħalissa qed tinjetta f’dawn iż-żoni affettwati qabel ma tibda tinjetta f’parti differenti. It- tabib tiegħek jista’ jgħidlek biex tiċċekkja aktar mill-qrib iz-zokkor fid-demm tiegħek, u biex taġġusta d-doża tal-insulina jew tal-medikazzjonijiet antidijabetiċi l-oħra tiegħek.

  
  

  Tfal u adolexxenti

  Tresiba jista’ jintuża fl-adolexxenti u fit-tfal mill-età ta’ sena ’l fuq. M’hemm ebda esperjenza bl-użu ta’ Tresiba fit-tfal taħt l-età ta’ sena.

  
  

  Mediċini oħra u Tresiba

  Għid lit-tabib, lill-ispiżjar jew lill-infermier tiegħek jekk qed tieħu, ħadt dan l-aħħar jew tista’ tieħu xi mediċini oħra. Xi mediċini jaffettwaw il-livell ta’ zokkor fid-demm tiegħek - dan jista’ jfisser li d-doża tal-insulina tiegħek trid tinbidel.

  Hawn taħt hawn elenkati l-iktar mediċini komuni li jistgħu jaffettwaw il-kura tiegħek bl-insulina. Il-livell taz-zokkor fid-demmtiegħekjista’jaqa’(ipogliċemija)jekktieħu:

• mediċini oħra għall-kura tad-dijabete (orali jew li jistgħu jiġu injettati)

• sulfonamides, użati fil-kura ta’ infezzjonijiet

• sterojdi anaboliċi, bħal testosterone

• imblokkaturi tar-riċetturi beta, użati fil-kura tal-pressjoni għolja fid-demm. Jistgħu jagħmluh iktar diffiċli li tagħraf is-sinjali ta’ twissija ta’ livell baxx wisq ta’ zokkor fid-demm (ara sezzjoni 4 għal ‘Sinjali ta’ twissija ta’ livell baxx wisq ta’ zokkor fid-demm’).

• acetysalicylic acid (u salicylates oħrajn), użati biex itaffu l-uġigħ u deni ħafif

• inibituri ta’ monoamine oxidase (MAO), użati fil-kura tad-dipressjoni

• inibituri tal-enżima li tikkonverti anġjotensin (ACE), użati fil-kura ta’ xi kundizzjonijiet tal-qalb jew ta’ pressjoni għolja fid-demm.

  
  

  Il-livell taz-zokkor fid-demmtiegħekjista’jogħla(ipergliċemija)jekktieħu:

• danazol, għall-endometrijosi

• kontraċettivi li jittieħdu mill-ħalq, pilloli li jikkontrollaw it-tqala

• ormoni tat-tirojde, użati għal problemi fil-glandola tat-tirojde

• ormon tat-tkabbir, għal defiċjenza ta’ ormon tat-tkabbir

• glukokortikojdi bħal ’cortisone’, użat fil-kura tal-infjammazzjoni

• simpatomimetiċi bħal epinephrine (adrenaline), salbutamol jew terbutaline,użati fil-kura tal- ażżma

• thiazides, użati fil-kura ta’ pressjoni għolja fid-demm jew jekk il-ġisem ikun qed iżomm ilma

  żżejjed (żamma ta’ ilma).

  
  

  Octreotide u lanreotide, użati għall-kura ta’ kundizzjoni rari fejn ikun hemm ammont eċċessiv ta’ ormon ta’ tkabbir (akromegalija). Dawn jistgħu kemm iżidulek kif ukoll inaqqsulek il-livell taz-zokkor fid-demm tiegħek.

  Pioglitazone, mediċina orali kontra d-dijabete li tintuża għall-kura ta’ dijabete mellitus ta’ tip 2. Xi pazjenti li ilhom għal tul ta’ żmien ibatu mid-dijabete tat-tip 2 u mill-mard tal-qalb jew kellhom xi attakk preċedenti ta’ puplesija u li ġew ikkurati bi pioglitazone u l-insulina kellhom l-iżvilupp ta’ insuffiċjenza kardijaka. Għarraf lit-tabib tiegħek immedjatament jekk tinduna b’xi sinjali ta’ insuffiċjenza kardijaka bħal qtugħ ta’ nifs mhux tas-soltu jew żieda ta’ malajr fil-piż jew xi nefħa lokalizzata (edima).

  
  

  Jekk xi waħda minn dawn t’hawn fuq tapplika għalik (jew jekk m’intix ċert), kellem lit-tabib, lill- ispiżjar jew lill-infermier tiegħek.

  
  

  Tresiba mal-alkoħol

  Jekk tixrob l-alkoħol, il-ħtieġa tiegħek għall-insulina tista’ tinbidel. Il-livell taz-zokkor fid-demm tiegħek jista’ jitla’ jew jinżel. Għalhekk għandek timmonitorja l-livell taz-zokkor fid-demm tiegħek

  aktar ta’ spiss mis-soltu.

  
  

  Tqala u treddigħ

  Jekk inti tqila jew qed tredda’, taħseb li tista tkun tqila jew qed tippjana li jkollok tarbija, itlob il-parir tat-tabib jew tal-ispiżjar tiegħek qabel tieħu din il-mediċina. Jista’ jkun hemm il-bżonn li tinbidel id-

  doża tal-insulina tiegħek waqt it-tqala u wara l-ħlas. Il-kontroll bil-għaqal tad-dijabete tiegħek hu

  meħtieġ waqt it-tqala. Il-prevenzjoni ta’ livell baxx wisq ta’ zokkor fid-demm (ipogliċemija) hu partikularment importanti għas-saħħa tat-tarbija tiegħek.

  
  

  Sewqan u tħaddim ta’ magni

  Jekk il-livell taz-zokkor fid-demm tiegħek ikun baxx jew għoli wisq, il-konċentrazzjoni u l-abbiltà tiegħek biex tirreaġixxi jistgħu jiġu affettwati. Dan jista’ jkun perikoluż għalik u għal ħaddieħor.

  Staqsi lit-tabib tiegħek jekk tistax issuq jekk:

• ta’ spiss ikollok livell baxx wisq ta’ zokkor fid-demm.

• issibha diffiċli biex tinduna meta jkollok livell baxx wisq ta’ zokkor fid-demm.

  
  

  Tagħrif importanti dwar xi ingredjenti f’Tresiba

  Din il-mediċina fiha anqas minn 1 mmol sodium (23 mg) f’kull doża. Dan ifisser li din il-mediċina hi essenzjalment ‘ħielsa mis-sodium’.

  
  

  1. Kif għandek tuża Tresiba

     
     

     Dejjem għandek tuża din il-mediċina skont il-parir eżatt tat-tabib tiegħek. Iċċekkja mat-tabib, mal- ispiżjar jew mal-infermier tiegħek jekk ikollok xi dubju.

     
     

     Jekk inti għama jew għandek vista batuta u ma tistax taqra l-kontatur tad-doża fuq il-pinna, tużax il- pinna mingħajr għajnuna. Fittex għajnuna mingħand persuna li għandu vista tajba u li huwa mħarreġ fl-użu tal-pinna mimlija għal-lest FlexTouch.

     
     

     Tresiba f’pinna mimlija għal-lest issibu f’żewġ qawwiet. “Tresiba 100 unità/mL” jew “Tresiba 200 unità/mL” huwa mmarkat sew fuq it-tikketta tal-pinna u fuq il-pakkett. Barra minn hekk, il- pakkett u t-tikketta ta’ Tresiba 100 unità/mL huma ħodor ċari u l-pakkett u t-tikketta ta’ Tresiba 200 unità/mL huma ħodor skuri bi strixxi b’kaxxa ħamra li tiġbed l-attenzjoni għall-qawwa tal- formulazzjoni.

     
     

     Għaż-żewġ qawwiet, id-doża li hemm bżonn hija sselezzjonata f’unitajiet. Madankollu, iż-żidiet fid- dożi tvarja bejn iż-żewġ qawwiet ta’ Tresiba.

     
     

     Il-pinna mimlija għal-lest 100 unità/mL tipprovdi doża ta’ 1-80 unità f’injezzjoni waħda f’żidiet ta’ unità 1. Il-kontatur tad-doża fil-pinna mimlija għal-lest juri n-numru ta’ unitajiet ta’ insulina li għandhom jiġu injettati. Terġax tagħmel mill-ġdid xi kalkulazzjoni tad-doża.

     It-tabib tiegħek se jiddeċiedi miegħek:

• l-ammont ta’ Tresiba li se jkollok bżonn kuljum

• meta tiċċekkja l-livell ta’ zokkor fid-demm tiegħek u jekk ikollokx bżonn doża ogħla jew iktar baxxa.

  
  

  Dożaġġ flessibbli

• Għad-doża, dejjem segwi r-rakkomandazzjoni tat-tabib tiegħek.

• Uża Tresiba darba kuljum, jekk jista’ jkun dejjem fl-istess ħin.

• F’xi okkażjonijiet meta ma tkunx tista’ tieħu Tresiba fl-istess ħin tal-ġurnata, tista’ teħodha f’ħin differenti. Dejjem żgura li jkun hemm minimu ta' 8 sigħat bejn id-dożi. M’hemm l-ebda esperjenza bi flessibilità fil-ħin tal-għoti tad-doża ta’ Tresiba fit-tfal u l-adolexxenti.

• Jekk tkun tixtieq tibdel id-dieta tas-soltu tiegħek, l-ewwel iċċekkja mat-tabib, mal-ispiżjar jew mal-infermier tiegħek, għax bidla fid-dieta tas-soltu tiegħek tista' tibdel il-bżonn tiegħek għall-

  insulina.

  
  

  Ibbażat fuq il-livell ta' zokkor fid-demm tiegħek, it-tabib tiegħek jista' jibdillek id-doża.

  
  

  Meta tuża mediċini oħrajn, staqsi lit-tabib tiegħek jekk il-kura tiegħek għandhiex bżonn tiġi aġġustata.

  
  

  Użu fl-anzjani (≥65 sena)

  Tresiba jista' jintuża fl-anzjani, iżda jekk inti anzjan/a, jista' jkollok bżonn tiċċekkja l-livell ta' zokkor fid-demm tiegħek b'mod aktar regolari. Kellem lit-tabib tiegħek dwar tibdil fid-doża tiegħek.

  
  

  Jekk għandek problemi tal-kliewi jew tal-fwied

  Jekk għandek problemi tal-kliewi jew tal-fwied, jista' jkollok bżonn tiċċekkja l-livell ta' zokkor fid- demm tiegħek b'mod aktar regolari. Kellem lit-tabib tiegħek dwar tibdil fid-doża tiegħek ta' Tresiba.

  
  

  Kif tinjetta l-mediċina tiegħek

  Qabel ma tuża Tresiba għall-ewwel darba, it-tabib jew l-infermier tiegħek se juruk kif tuża l-pinna mimlija għal-lest.

• Iċċekkja l-isem u l-qawwa fuq it-tikketta tal-pinna biex taċċerta ruħek li hi Tresiba 100 unità/mL.

  
  

  Tużax Tresiba

• f’pompi tal-infużjoni tal-insulina.

• jekk il-pinna tkun bil-ħsara jew ma tkunx inħażnet kif suppost (ara sezzjoni 5 ‘Kif taħżen Tresiba’).

• jekk l-insulina ma tidhirx ċara u bla kulur.

  
  

  Kif tinjetta

• Tresiba jingħata bħala injezzjoni taħt il-ġilda (injezzjoni subkutanea). Tinjettax ġo vina jew ġo muskolu.

• L-aħjar postijiet fejn tinjetta huma n-naħa ta’ quddiem tal-koxox, in-naħa ta’ fuq ta’ dirgħajk jew in-naħa ta’ quddiem ta’ qaddek (iż-żaqq).

• Ibdel il-post fiż-żona fejn tinjetta kuljum biex tnaqqas ir-riskju li tiżviluppa nefħiet u toqob fil-

  ġilda (ara sezzjoni 4).

• Dejjem uża labra ġdida għal kull injezzjoni. L-użu mill-ġdid ta’ labar jista’ jżid ir-riskju ta’ labar ibblukkati li jwassal għal dożaġġ li ma jkunx eżatt. Armi l-labra b’mod sikur wara kull

  użu.

• Tużax siringa biex tneħħi s-soluzzjoni mill-pinna sabiex tevita żbalji fid-dożaġġ u l-possibbiltà ta’ doża eċċessiva.

  
  

  Istruzzjonijiet dettaljati għall-użu jinsabu fuq in-naħa l-oħra ta’ dan il-fuljett.

  
  

  Jekk tuża Tresiba aktar milli suppost

  Jekk tieħu żżejjed insulina, il-livell taz-zokkor fid-demm tiegħek jista' jitbaxxa żżejjed (ipogliċemija)

  • ara l-parir f'sezzjoni 4 ‘Livell baxx wisq ta' zokkor fid-demm’.

    Jekk tinsa tuża Tresiba

    Jekk tinsa tieħu doża, ħu d-doża li tkun inqabżet meta tiskopri li ħadt l-iżball u kun ċert li jgħaddu

    mill-inqas 8 sigħat bejn id-dożi. Jekk tinduna li nsejt tieħu d-doża ta’ qabel meta jkun imissek tieħu d- doża li jmiss tinjettax doża doppja iżda erġa’ kompli bl-iskeda ta’ dożaġġ tiegħek ta’ darba kuljum.

    
    

    Jekk tieqaf tuża Tresiba

    Tiqafx tuża l-insulina tiegħek mingħajr ma l-ewwel titkellem mat-tabib tiegħek. Jekk tieqaf tuża l- insulina tiegħek, dan jista’ jwassal għal livell għoli ħafna ta’ zokkor fid-demm u ketoaċidożi

    

    

    (kundizzjoni fejn ikun hemm wisq aċtu fid-demm) ara l-parir f'sezzjoni 4 ‘Livell għoli wisq ta' zokkor

    fid-demm’.

    
    

    1. Effetti sekondarji possibbli

       
       

       Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’ kulħadd. L-effetti sekondarji li ġejjin jistgħu jseħħu b'din il-mediċina:

       
       

       L-ipogliċemija (livell baxx ħafna ta’ zokkor fid-demm) tista’ sseħħ b’mod komuni ħafna b’kura bl- insulina (tista’ taffettwa aktar minn persuna 1 minn kull 10). Tista’ tkun serja ħafna. Jekk il-livell taz- zokkor fid-demm jinżel wisq, tista’ tintilef minn sensik. Ipogliċemija serja tista’ tikkawża ħsara fil- moħħ u tkun ta’ periklu għall-ħajja. Jekk għandek sintomi ta’ livell baxx ta’ zokkor fid-demm, ħu passi minnufih biex iżżid il-livell taz-zokkor fid-demm.– Ara l-parir taħt ‘Livell baxx wisq ta’ zokkor fid-demm’.

       
       

       Jekk ikollok reazzjoni allerġika serja (isseħħ b’mod rari) għall-insulina jew għal xi wieħed mis- sustanzi f’Tresiba, ieqaf milli tuża din il-mediċina u ara tabib immedjatament. Is-sinjali ta’ reazzjoni allerġika serja huma:

• ir-reazzjonijiet lokali jinfirxu għal partijiet oħra ta’ ġismek

• f’daqqa waħda ma tħossokx tajjeb u tixxarrab bl-għaraq

• tibda tirremetti

• ikollok diffikultà biex tieħu n-nifs

• ikollok taħbit tal-qalb mgħaġġel jew tħossok sturdut.

  
  

  Bidliet fil-ġilda fis-sit tal-injezzjoni:

  Jekk tinjetta insulina fl-istess post, it-tessut xaħmi jista’ jew jiċkien (lipoatrofija) jew jiħxien (lipoipertrofija) (jista’ jaffettwa sa persuna 1 minn kull 100). Boċċi taħt il-ġilda jistgħu jiġu kkawżati wkoll minn akkumulazzjoni ta’ proteina msejħa amilojdi (amilojdożi tal-ġilda; mhux magħruf kemm din isseħħ ta’ spiss). L-insulina tista’ ma taħdimx tajjeb ħafna jekk tinjetta f’żona bil-boċċi, li ċkienet jew li ħxienet. Ibdel is-sit tal-injezzjoni ma’ kull injezzjoni biex tgħin fil-prevenzjoni ta’ dawn il- bidliet fil-ġilda.

  
  

  Effetti sekondarji oħra jinkludu:

  
  

  Komuni (jistgħu jaffettwaw sa persuna 1 minn kull 10)

  Reazzjonijiet lokali: Reazzjonijiet lokali jistgħu jseħħu fil-post fejn tinjetta lilek innifsek. Is-sinjali jistgħu jinkludu: uġigħ, ħmura, urtikarja, nefħa u ħakk. Normalment dawn ir-reazzjonijiet imorru wara xi ftit ġranet. Ara lit-tabib tiegħek jekk jibqgħu hemm wara ftit ġimgħat. Ieqaf uża Tresiba u ara tabib immedjatament jekk ir-reazzjonijiet isiru serji. Għal aktar informazzjoni, ara ‘reazzjoni allerġika serja’ taħt.

  
  

  Mhux komuni (jistgħu jaffettwaw sa persuna 1 minn kull 100)

  Nefħamadwaril-ġogitiegħek: Meta tibda tuża l-mediċina tiegħek għall-ewwel darba, ġismek jista’ jżomm ilma aktar milli suppost. Dan jikkawża nefħa madwar l-għekiesi tiegħek u ġogi oħrajn. Dan normalment ma jdumx wisq.

  
  

  Rari (jistgħu jaffettwaw sa persuna 1 minn kull 1,000)

  Din il-mediċina tista’ tikkawża reazzjonijiet allerġiċi bħal urtikarja, nefħa fl-ilsien u fix-xofftejn, dijarea, dardir, għeja u ħakk.

  
  

  Effetti ġenerali mill-kura tad-dijabete

• Livell baxx wisq ta’ zokkor fid-demm (ipogliċemija)

  
  

  Livell baxx wisq ta’ zokkor fid-demm jista’ jseħħ jekk inti:

  tixrob l-alkoħol; tinjetta żżejjed insulina; tagħmel iktar eżerċizzju mis-soltu; tiekol ftit wisq jew taqbeż xi ikla.

  
  

  Sinjali ta’ twissija ta’ livell baxx wisq ta’ zokkor fid-demm – dawn jistgħu jiġu f’daqqa:

  Uġigħ ta’ ras; diskors ma jiftiehemx; taħbit tal-qalb mgħaġġel; għaraq kiesaħ; ġilda friska u safranija; tħossok bil-ġuħ ħafna; rogħda jew tħossok nervuż jew inkwetat; tħoss għeja, dgħufija jew ngħas mhux

  tas-soltu; tħossok konfuż; diffikultà biex tikkonċentra; tibdil temporanju fil-vista.

  
  

  X’għandek tagħmel jekk ikollok livell baxx wisq ta’ zokkor fid-demm

• Ħu pilloli tal-glucose jew ikla oħra ħafifa b’ħafna zokkor, bħal ħelu, biskuttini, meraq tal-frott (dejjem ġorr miegħek pilloli tal-glucose jew ikla ħafifa b’ħafna zokkor, għal li jista’ jkun).

• Iċċekkja l-livell taz-zokkor fid-demm tiegħek jekk tista’ u mbagħad strieħ. Jista’ jkun li jkollok

  tiċċekkja il-livell taz-zokkor fid-demm aktar minn darba, għax bħal kull prodott ieħor ta’ insulina bażilari t-titjib mill-perijodu ta’ livell baxx ta’ zokkor fid-demm jista’ jiġi mtawwal.

• Stenna sakemm is-sinjali ta’ livell baxx wisq ta’ zokkor fid-demm ma jibqgħux jidhru jew meta

  l-livell taz-zokkor fid-demm tiegħek ikun ġie lura għan-normal. Imbagħad kompli ħu l-insulina tiegħek bħas-soltu.

  
  

  X’għandhom ikunu jafu persuni oħrajn jekk iħossok ħażin

  Għid lil persuni li tqatta’ ż-żmien magħhom li għandek id-dijabete. Għidilhom x’jista’ jiġri, inkluż ir- riskju li jista’ jtik ħass ħażin meta l-livell ta’ zokkor fid-demm tiegħek jitbaxxa żżejjed.

  
  

  Għidilhom li jekk iħossok ħażin, huma jridu:

• idawruk fuq ġenbek

• iġibu għajnuna medika minnufih

• ma jtukx l-ebda ikel jew xorb għax tista’ tifga.

  
  

  Meta tintilef minn sensik tista’ tirkupra aktar malajr b’injezzjoni ta’ glucagon. Dan jista’ jingħata biss minn xi ħadd li jaf jużah.

• Jekk tingħata glucagon, ser ikollok bżonn tieħu z-zokkor jew xi ħaġa b’ħafna zokkor malli tiġi

  f’sensik.

• Jekk ma tirrispondix għall-kura b’injezzjoni ta’ glucagon, ser ikollok bżonn tiġi kkurat fi sptar.

• Jekk livell baxx ta’ zokkor sever ma jiġix ikkurat, maż-żmien jista’ jikkawża ħsara fil-moħħ.

  Dan jista’ jdum għal ftit żmien jew idum ħafna. Jista’ wkoll jikkawża l-mewt.

  
  

  Kellem lit-tabib tiegħek jekk:

• il-livell taz-zokkor fid-demm tiegħek tbaxxa tant li ħassek ħażin

• użajt injezzjoni ta’ glucagon

• kellek livell baxx wisq ta’ zokkor fid-demm għal ftit drabi dan l-aħħar.

  Dan hu għax id-dożaġġ jew il-ħin ta’ meta tieħu l-injezzjonijiet tal-insulina, l-ikel jew l-eżerċizzju, jista’ jkollhom bżonn jinbidlu.

  
  

• Livell għoli wisq ta’ zokkor fid-demm (ipergliċemija)

  
  

  Livell għoli wisq ta’ zokkor fid-demm jista’ jseħħ jekk inti:

  tiekol aktar jew tagħmel inqas eżerċizzju mis-soltu; tixrob l-alkoħol; ikollok infezzjoni jew deni; ma tinjettax insulina biżżejjed; tieħu inqas insulina milli għandek bżonn ripetutament; tinsa tieħu l- insulina jew tieqaf tieħu l-insulina mingħajr ma tkellem lit-tabib tiegħek.

  
  

  Sinjali ta’ twissija ta’ livell għoli wisq ta’ zokkor fid-demm – dawn is-soltu jidhru gradwalment:

  Ġilda ħamra u xotta; tħossok bi ngħas jew għajjien; ħalq xott, riħa ta’ frott (acetone) fil-ħalq; tagħmel l-awrina iktar ta’ spiss; tħossok bil-għatx; titlef l-aptit; tħossok imqalla’ (dardir jew rimettar).

  Dawn jistgħu jkunu sinjali ta’ kundizzjoni gravi ħafna msejħa ketoaċidożi. Din hi akkumulazzjoni ta’ aċidu fid-demm għax il-ġisem ikun qed ikisser ix-xaħam minflok iz-zokkor. Jekk ma tikkurahiex, din

  tista’ twassal għal koma dijabetika u eventwalment mewt.

  
  

  X’għandek tagħmel jekk ikollok livell għoli wisq ta’ zokkor fid-demm

• Ittestja l-livell taz-zokkor fid-demm tiegħek.

• Ittestja l-awrina jew id-demm tiegħek għal ketones.

• Ikseb għajnuna medika minnufih.

  
  

  Rappurtar tal-effetti sekondarji

  

  Jekk ikollok xi effett sekondarju kellem lit-tabib, lill-ispiżjar jew lill-infermier tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti

  sekondarji direttament permezz tas-sistema ta’ rappurtar nazzjonali mniżżla f’Appendiċi V. Billi

  tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.

  
  

  1. Kif taħżen Tresiba

     
     

     Żomm din il-mediċina fejn ma tidhirx u ma tintlaħaqx mit-tfal.

     Tużax din il-mediċina wara d-data ta’ meta tiskadi li tidher fuq it-tikketta tal-pinna u fuq il-kartuna, wara ‘JIS’. Id-data ta’ skadenza tirreferi għall-aħħar ġurnata ta' dak ix-xahar.

     
     

     Qabel ma jinfetaħ għall-ewwel darba

     Aħżen fi friġġ (2C sa 8C). Tagħmlux fil-friża. Żommu ’l bogħod mill-element li jiffriża. Żomm l- għatu fuq il-pinna sabiex tilqalha mid-dawl.

     
     

     Wara li jinfetaħ għall-ewwel darba jew meta jinġarr bħala sper

     Tista’ ġġorr il-pinna mimlija għal-lest Tresiba (FlexTouch) tiegħek miegħek u żżommha fit- temperatura tal-kamra (mhux aktar minn 30C) jew fi friġġ (2C sa 8C) sa perijodu ta’ 8 ġimgħat.

     
     

     Dejjem żomm l-għatu fuq il-pinna meta ma tkunx qed tużaha sabiex tilqalha mid-dawl.

     
     

     Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.

     
     

  2. Kontenut tal-pakkett u informazzjoni oħra X’fih Tresiba

• Is-sustanza attiva hi insulina degludec . Kull mL ta' soluzzjoni fih 100 unità ta' insulina degludec . Kull pinna mimlija għal-lest fiha 300 unità ta' insulina degludec f’soluzzjoni ta’

  3 mL.

  
  

• Is-sustanzi l-oħra huma glycerol, metacresol, phenol, zinc acetate, hydrochloric acid u sodium hydroxide (għall-aġġustament tal-pH) u ilma għall-injezzjonijiet (ara sezzjoni 2).

  
  

  Kif jidher Tresiba u l-kontenut tal-pakkett

  Tresiba hu ppreżentat bħala soluzzjoni ċara u bla kulur għall-injezzjoni f’pinna mimlija għal-lest (300 unità f’kull 3 mL).

  
  

  Daqsijiet tal-pakketti ta’ 1 (bil-labar jew mingħajr), 5 (mingħajr labar) u pakkett multiplu ta’ 10 (2 x 5) (mingħajr labar) pinen mimlijin għal-lest ta' 3 ml. Jista’ jkun li mhux il-pakketti tad-daqsijiet kollha jkunu fis-suq.

  Detentur tal-Awtorizzazzjoni għat-Tqegħid fis-Suq

  Novo Nordisk A/S Novo Allé

  DK-2880 Bagsværd, Id-Danimarka

  
  

  Manifattur

  
  

  Il-manifattur jista’ jiġi identifikat permezz tan-numru tal-lott stampat fuq l-istrixxa tal-kartun u fuq it- tikketta:

  
  

  • Jekk it-tieni u t-tielet karattri huma P5, ZF jew FG, il-manifattur huwa Novo Nordisk A/S, Novo Allé, DK-2880 Bagsværd, Id-Danimarka.

    
    

  • Jekk it-tieni u t-tielet karattri huma T6, il-manifattur huwa Novo Nordisk Production SAS, 45 Avenue d’Orléans, 28000 Chartres, Franza.

  
  

  Dan il-fuljett kien rivedut l-aħħar f’

  
  

  Informazzjoni ddettaljata dwar din il-mediċina tinsab fuq is-sit elettroniku tal-Aġenzija Ewropea għall- Mediċini:

  Istruzzjonijiet dwar kif tuża Tresiba 100 unità/mL soluzzjoni għall-injezzjoni f’pinna mimlija għal-lest (Flex Touch)

  
  

  Jekk jogħġbok aqra sew dawn l-istruzzjonijiet li ġejjin qabel ma tuża l-pinna mimlija għal-lest FlexTouch tiegħek. Jekk ma ssegwix sew l-istruzzjonijiet, tista’ tieħu ftit wisq jew żżejjed ta’ insulina, li jista’ jwassal għal livel ta’ zokkor fid-demm li jkun għoli wisq jew baxx wisq.

  
  

  Tużax il-pinna mingħajr taħriġ kif suppost mit-tabib jew l-infermier tiegħek.

  Ibda billi tiċċekkja l-pinna tiegħek biex tiżgura li fiha Tresiba 100 unità/ml, imbagħad ħares lejn l- istampi hawn taħt biex issir familjari mal-partijiet differenti tal-pinna u l-labra tiegħek.

  
  

  Jekk inti persuna għamja jew għandek vista batuta, tużax din il-pinna mingħajr għajnuna. Ikseb għajnuna mingħand persuna b'vista tajba u li tkun imħarrġa biex tuża pinna mimlija għal-lest FlexTouch.

  
  

  Il-pinna tiegħek hi pinna tal-insulina mimlija għal-lest li tħallik tisselezzjona d-doża u fiha 300 unità ta' insulina. Tista’ tagħżel massimu ta' 80 unità f'kull doża, f'żidiet ta' unità 1. Il-pinna tiegħek hi maħsuba biex tintuża ma’ labar NovoTwist jew NovoFine li jintużaw darba biss u li jintremew wara l- użu u li jkollhom tul sa 8 mm.

  
  

  Tagħrif importanti

  Oqgħod attent ħafna għal dawn in-noti għax huma importanti għall-użu korrett tal-pinna.

  

  Tresiba pinna mimlija għal-lest u labra (eżempju) (FlexTouch)

  
  

  Għatu tal- pinna

  Għatu ta’ barra tal- labra

  
  

  Għatu ta’ ġewwa tal- labra

  
  

  Labra

  
  

  Siġill protettiv

  
  

  Skala tal- insulina

  Tieqa tal- insulina

  
  

  Tresiba

  FlexTouch

  Tikketta tal-pinna

  Kontatur tad-doża

  Indikatur tad-doża

  
  

  Selettur tad-doża Buttuna

  tal-

  injezzjoni

  
  

  Buttuna tal- injezzjoni b’wiċċ lixx

  1 Ipprepara l-pinna tiegħek

  
  

• Iċċekkja l-isem u l-qawwa fuq it-tikketta tal-pinna tiegħek biex taċċerta ruħek li jkun fiha 100 unità/ml ta' Tresiba. Dan hu imporanti b'mod speċjali jekk tieħu iktar minn tip wieħed ta' insulina. Jekk tieħu t-tip żbaljat ta’ insulina, il-livel taz-zokkor fid-demm tiegħek jista’ jogħla wisq jew jitbaxxa wisq.

  
  

• Neħħi l-għatu tal-pinna.

  
  

  

  
  

• Iċċekkja li l-insulina fil-pinna tiegħek tkun ċara u bla kulur.

  Ħares minn ġot-tieqa tal-insulina. Jekk l-insulina tidher imċajpra, tużax il-pinna.

  
  

  

  
  

• Ħu labra ġdida u aqta’ s-siġill protettiv.

  
  

  

  
  

• Imbotta l-labra dritt fuq il-pinna. Dawwar sakemm tkun issikkata.

  
  

  

• Neħħi l-għatu l-kbir ta’ barra tal-labra u żommu għal wara. Se jkollok bżonnu wara l- injezzjoni biex tneħħi l-labra minn mal-pinna b’mod korrett.

  
  

  

  
  

• Neħħi l-għatu ta’ ġewwa tal-labra u armih. Jekk tipprova terġa' tpoġġih f'postu, tista' tniggeż lilek innifsek aċċidentalment bil-labra.

  
  

  Qatra insulina tista' tidher fil-ponta tal-labra. Dan hu normali, iżda xorta trid tiċċekkja l-fluss tal-insulina.

  
  

  

  
  

  Dejjem uża labra ġdida għal kull injezzjoni.

  Dan inaqqas ir-riskju ta’ kontaminazzjoni, infezzjoni, nixxija ta’ insulina, labar imblukkati u dożaġġ mhux preċiż.

  
  

  Qatt m'għandek tuża labra mgħawġa jew bil-ħsara. 2 Iċċekkja l-fluss tal-insulina

• Dejjem iċċekkja l-fluss tal-insulina qabel ma tibda.

  Dan jgħinek biex tiżgura li tirċievi d-doża sħiħa tiegħek tal-insulina.

  
  

• Dawwar is-selettur tad-doża biex tagħżel 2 unitajiet. Kun ċert li l-kontatur tad-doża juri 2.

  
  

  A

  
  

  2 unitajiet magħżula

  
  

  

• Żomm il-pinna bil-labra tipponta ’l fuq.

  Taptap in-naħa ta’ fuq tal-pinna bil-mod għal ftit drabi biex jekk ikun hemm xi bżieżaq tal- arja dawn jitilgħu ’l fuq.

  

  
  

• Agħfas u żomm il-buttuna tal-injezzjoni magħfusa ’l ġewwa sakemm il-kontatur tad-doża jerga' lura fuq iż-0.

  Iż-0 irid ikun bi dritt l-indikatur tad-doża.

  Qatra insulina għandha tidher fit-tarf tal-labra.

  
  

  

  Bużżieqa żgħira tal-arja tista' tibqa' fit-tarf tal-labra, iżda mhux se tiġi injettata.

  
  

  Jekk ma tidher l-ebda qatra, irrepeti passi 2A sa 2C għal massimu ta’ 6 darbiet. Jekk il-qatra xorta tibqa' ma tidhirx, ibdel il-labra u rrepeti passi 2A sa 2C għal darba oħra.

  
  

  Jekk il-qatra tal-insulina xorta tibqa’ ma titfaċċax, armi l-pinna u uża waħda ġdida.

  
  

  Qabel ma tinjetta, dejjem aċċerta ruħek li tidher qatra fit-tarf tal-labra. B’hekk tiżgura li jkun hemm il-fluss tal-insulina.

  
  

  Jekk ma tidher l-ebda qatra, inti mhux se tinjetta l-ebda insulina, anki jekk il-kontatur tad-doża jista' jiċċaqlaq. Dan jista’ jindika li hemm xi labra mblukkata jew bi ħsara.

  
  

  Dejjem iċċekkja l-fluss qabel ma tinjetta. Jekk ma tiċċekkjax il-fluss, tista’ tieħu ftit wisq ta’ insulina jew lanqas qatra ta’ insulina. Dan jista’ jwassal li jkollok livell għoli wisq ta’ zokkor fid-demm.

  
  

  1. Agħżel id-doża tiegħek

     
     

• Aċċerta ruħek li l-kontatur tad-doża juri 0 qabel ma tibda.

  Iż-0 jrid jiġi bi dritt l-indikatur tad-doża.

  
  

• Dawwar is-selettur tad-doża biex tagħżel id-doża li teħtieġ, skont l-istruzzjonijiet tat-tabib jew tal-infermier tiegħek.

  
  

  Jekk tagħżel doża ħażina, tista’ ddawwar is-selettur tad-doża ’l quddiem jew lura biex tagħżel id-doża korretta.

  
  

  Il-pinna tista' tagħżel sa massimu ta’ 80 unità.

  

  A

  
  

  Eżempji

  
  

  5 unitajiet magħżula

  
  

  24 unità magħżula

  
  

  Is-selettur tad-doża jibdel in-numru ta' unitajiet. Il-kontatur tad-doża u l-indikatur tad-doża biss se juruk kemm unitajiet tkun għażilt għal kull doża.

  
  

  Tista' tagħżel sa 80 unità għal kull doża. Meta l-pinna tiegħek ikun fiha inqas minn 80 unità, il- kontatur tad-doża jieqaf fuq in-numru ta' unitajiet li jkun fadal.

  
  

  Is-selettur tad-doża jikklikkja b'mod differenti meta jiddawwar 'il quddiem, lura jew meta jiddawwar iżjed mill-unitajiet li jkun fadal. Tgħoddx il-klikks tal-pinna.

  
  

  Qabel ma tinjetta l-insulina dejjem uża l-kontatur tad-doża u l-indikatur tad-doża biex tara kemm tkun għażilt unitajiet.

  Tgħoddx il-klikks tal-pinna. Jekk tagħżel u tinjetta d-doża żbaljata, il-livell taz-zokkor fid-

  demm tiegħek jista’ jogħla wisq jew jitbaxxa wisq.

  Tużax l-iskala tal-insulina, għax din turi biss bejn wieħed u ieħor kemm ikun fadal insulina fil- pinna tiegħek.

  
  

  1. Injetta d-doża tiegħek

     
     

• Daħħal il-labra fil-ġilda kif ġejt muri mit-tabib jew mill-infermier tiegħek.

  
  

• Aċċerta ruħek li tkun tista' tara l-kontatur tad-doża.

  Tmissx il-kontatur tad-doża b'subgħajk. Dan jista' jinterrompi l-injezzjoni.

  
  

• Agħfas u żomm 'l isfel il-buttuna tal-injezzjoni sakemm il-kontatur tad-doża jerga' lura fuq iż-0.

  Iż-0 irid ikun bi dritt l-indikatur tad-doża. Tista' mbagħad tisma' jew tħoss klikk.

  
  

• Ħalli l-labra taħt il-ġilda għal mill-inqas 6 sekondi biex tkun ċert li ħadt id-doża kollha tiegħek.

  

  A

  
  

  6 sekondi

  
  

• Iġbed il-labra u l-pinna dritt 'il fuq mill-ġilda.

  Jekk jidher id-demm fejn tkun tajt l-injezzjoni, agħfas bil-mod fuq il-post b'biċċa tajjara. Togħrokx dik iż-żona.

  
  

  

  Tista' tara qatra insulina fil-ponta tal-labra wara li tinjetta. Dan hu normali u ma jaffettwax id-doża tiegħek.

  
  

  Dejjem ħares lejn il-kontatur tad-doża biex tkun taf kemm unitajiet se tinjetta.

  Il-kontatur tad-doża se juri n-numru eżatt ta’ unitajiet. Tgħoddx il-klikks tal-pinna.Wara l- injezzjoni, żomm il-buttuna tal-injezzjoni ’l isfel sakemm il-kontatur tad-doża jirritorna fuq 0. Jekk il-kontatur tad-doża jieqaf qabel ma jirritorna fuq 0, id-doża sħiħa ma tkunx ingħatat, li jista’ jirriżulta f’livell għoli wisq ta’ zokkor fid-demm.

  
  

  1. Wara l-injezzjoni

     
     

• Fuq wiċċ ċatt, daħħal it-tarf tal-labra ġol-għatu ta’ barra tal-labra mingħajr ma tmiss il-labra jew l-għatu ta' barra tal-labra.

  
  

  

• Ġaladarba l-labra tkun mgħottija, imbotta bil-mod l-għatu ta’ barra tal-labra biex tagħlqu kompletament.

  
  

• Ħoll il-labra u armiha b'attenzjoni.

  
  

  

  
  

• Wara kull użu, poġġi l-għatu fuq il-pinna tiegħek sabiex tipproteġi l-insulina mid-dawl.

  
  

  

  Dejjem armi l-labra wara kull injezzjoni f’kontenitur adattat għall-affarijiet li jaqtgħu. Dan inaqqas ir-riskju ta’ kontaminazzjoni, infezzjoni, nixxija ta’ insulina, labar imblukkati u dożaġġ li ma jkunx eżatt. Jekk il-labra tkun imblukkata, inti m'int se tinjetta l-ebda insulina.

  
  

  Meta l-pinna tkun vojta, armiha mingħajr ma jkollha labra mwaħħla, kif infurmawk it-tabib, l- infermier, l-ispiżjar jew l-awtoritajiet lokali tiegħek. Tpoġġix il-labra użata mal-iskart domestiku.

  
  

  Qatt m'għandek tipprova tpoġġi l-għatu ta' ġewwa tal-labra lura fuq il-labra. Tista’ tniggeż lilek innifsek bil-labra.

  
  

  Dejjem neħħi l-labra minn mal-pinna tiegħek u aħżen il-pinna tiegħek mingħajr mal-labra tkun mwaħħla.

  Dan inaqqas ir-riskju ta’ kontaminazzjoni, infezzjoni, nixxija ta’ insulina, labar imblukkati u dożaġġ li ma jkunx eżatt.

  
  

  1. Kemm fadal insulina?

  
  

  

• L-iskala tal-insulina turik bejn wieħed u ieħor kemm ikun fadal insulina fil-pinna tiegħek.

  
  

  A

  Bejn

  wieħed u

  ieħor kemm ikun fadal insulina

  
  

• Biex tara eżatt kemm fadal insulina, uża l-kontatur tad-doża: Dawwar is-selettur tad-doża sakemm il-kontatur tad-doża jieqaf. Jekk juri 80, ikun fadal mill-inqas 80 unità fil-pinna tiegħek.

  Jekk ikun hemm inqas minn 80, in-numru muri jkun in-numru ta' unitajiet li jkun fadal fil- pinna tiegħek.

  B

  
  

  Il-kontatur tad-doża waqaf: fadal 52

  unità

  
  

  

• Dawwar is-selettur tad-doża lura sakemm il-counter tad-doża juri 0.

  
  

• Jekk ikollok bżonn ta' iktar unitajiet ta' insulina mill-unitajiet li jkun fadal, tista' taqsam id-doża tiegħek bejn żewġ pinen.

  
  

  Oqgħod attent ħafna biex tikkalkula b'mod korrett jekk qed/a taqsam id-doża tiegħek.

  Jekk ikollok xi dubju, ħu d-doża sħiħa billi tuża pinna ġdida. Jekk tkun qsamt id-doża ħażin, int se tinjetta ftit wisq jew iżżejjed ta’ insulina, li jista’ jwassal għal livell ta’ zokkor fid-demm li jkun għoli wisq jew baxx wisq.

  
  

  Informazzjoni importanti addizzjonali

  
  

• Dejjem żomm il-pinna fuqek.

  
  

• Dejjem żomm fuqek pinna żejda u labar ġodda f'każ li titlef xi pinna jew il-pinna tkun bil- ħsara.

  
  

• Dejjem żomm il-pinna u l-labar fejn ma jidhrux u fejn ma jistgħux jintlaħqu minn persuni oħrajn, speċjalment tfal.

  
  

• Qatt m'għandek taqsam il-pinna u l-labar tiegħek ma’ persuni oħrajn. Dan jista’ jwassal li tinfettaw lil xulxin.

  
  

• Qatt m'għandek taqsam il-pinna tiegħek ma’ persuni oħrajn. Il-mediċina tiegħek tista’ tkun ta’ ħsara għal saħħithom.

  
  

• Persuni li jieħdu ħsieb il-pazjent iridu joqogħdu attenti ħafna kif jimmaniġġjaw il-labar użati biex inaqqsu r-riskju li jweġġgħu bil-labar u jinfettaw lilhom infushom.

  
  

  Kif tieħu ħsieb il-pinna tiegħek

  
  

  Ħu ħsieb il-pinna tiegħek. L-immaniġjar bil-goff jew l-użu mhux kif suppost jista’ jikkawża dożaġġ li ma jkunx preċiż, li jista’ jwassal għal livell ta’ zokkor fid-demm li jkun għoli wisq jew baxx wisq.

  
  

• Tħallix il-pinna f'karozza jew f'post ieħor fejn tista' tisħon ħafna jew tiksaħ ħafna.

  
  

• Tħallix il-pinna tiegħek tiġi esposta għal trab, ħmieġ jew likwidu.

  
  

• Taħsilx, tgħaddasx, u tillubrikax il-pinna tiegħek. Jekk ikun hemm bżonn, naddafha b’deterġent ħafif fuq biċċa drapp niedja.

  
  

• Twaqqax il-pinna tiegħek jew tħabbatha ma' superfiċji ibsin.

  Jekk twaqqagħha jew tissuspetta problema, waħħal labra ġdida u ċċekkja l-fluss tal-insulina qabel ma tinjetta.

  
  

• Tippruvax timla mill-ġdid il-pinna tiegħek. Ġaladarba tkun vojta, trid tintrema.

  
  

• Tippruvax issewwi l-pinna tiegħek jew iżżarmaha.