Fuljett ta’ tagħrif: Informazzjoni għall-pazjent

Jinarc 15 mg pilloli Jinarc 30 mg pilloli Jinarc 45 mg pilloli Jinarc 60 mg pilloli Jinarc 90 mg pilloli

Tolvaptan

Dan il-prodott mediċinali huwa suġġett għal monitoraġġ addizzjonali. Dan ser jippermetti identifikazzjoni ta’ malajr ta’ informazzjoni ġdida dwar is-sigurtà. Inti tista’ tgħin billi tirrapporta kwalunkwe effett sekondarju li jista’ jkollok. Ara t-tmiem ta’ sezzjoni 4 biex tara kif għandek tirrapporta effetti sekondarji.

Aqra sew dan il-fuljett kollu qabel tibda tieħu din il-mediċina peress li fih informazzjoni importanti għalik.

Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4.

F’dan il-fuljett:

X’inhu Jinarc u għalxiex jintuża
X’għandek tkun taf qabel ma tieħu Jinarc
Kif għandek tieħu Jinarc
Effetti sekondarji possibbli
Kif taħżen Jinarc
Kontenut tal-pakkett u informazzjoni oħra

X’inhu Jinarc u għalxiex jintuża

Jinarc fih is-sustanza attiva tolvaptan li timblokka l-effett ta’ vasopressin, ormon involut fil- formazzjoni ta’ ċesti fil-kliewi ta’ pazjenti li għandhom ADPKD. Billi jimblokka l-effett ta’ vasopressin, Jinarc inaqqas l-iżvilupp ta’ ċesti fil-kliewi f’pazjenti b’ADPKD, inaqqas is-sintomi tal- marda u jżid il-produzzjoni tal-awrina.

Jinarc huwa mediċina li tintuża biex tikkura marda msejħa “marda poliċistika tal-kliewi awtosomalment dominanti” (ADPKD - autosomal dominant polycystic kidney disease). Din il-marda tikkawża t-tkabbir ta’ ċesti mimlija bi fluwidu fil-kliewi, li jagħmlu pressjoni fuq tessuti tal-madwar u jnaqqsu l-funzjoni tal-kliewi, b’possibbiltà li jwasslu għal insuffiċjenza tal-kliewi. Jinarc jintuża biex jikkura ADPKD f’adulti b’marda kronika tal-kliewi (CKD - chronic kidney disease) ta’ stadji 1 sa 4 b’evidenza ta’ progressjoni mgħaġġla tal-marda.
X’għandek tkun taf qabel ma tieħu Jinarc Tiħux Jinarc
- jekk inti allerġiku għal tolvaptan jew għal xi sustanza oħra ta’ din il-mediċina (imniżżla fis- sezzjoni 6) jew jekk inti allerġiku għal benzazepine jew derivati ta’ benzazepine (eż. benazepril, conivaptan, fenoldopam mesylate jew mirtazapine).
- jekk qalulek li għandek livelli ogħla minn normal ta’ enzimi tal-fwied fid-demm tiegħek li ma jippermettux kura b’tolvaptan.
- jekk il-kliewi tiegħek ma jaħdmux (ma jipproduċux awrina).
- jekk għandek kondizzjoni li hija assoċjata ma’ volum tad-demm baxx ħafna (eż. deidratazzjoni severa jew fsada).
- jekk għandek kondizzjoni li żżid is-sodium fid-demm tiegħek.
- jekk ma tindunax meta jkollok l-għatx.
- jekk inti tqila.
- jekk qed tredda’.
  
  Twissijiet u prekawzjonijiet
  Kellem lit-tabib tiegħek qabel tieħu Jinarc:
- jekk tbati minn marda tal-fwied.
- jekk ma tistax tixrob biżżejjed ilma (ara "teħid ta’ ammont adegwat ta’ ilma" hawn taħt) jew jekk ikollok tillimita t-teħid ta’ fluwidi tiegħek.
- jekk għandek diffikultajiet biex tgħaddi l-awrina (eż. jekk għandek prostata mkabbra).
- jekk tbati minn livell għoli wisq jew baxx wisq ta’ sodium fid-demm.
- jekk kellek reazzjoni allerġika fil-passat għal benzazepine, tolvaptan jew derivati oħra ta’ benzazepine (eż. benazepril, conivaptan, fenoldopam mesylate jew mirtazapine) jew għal xi sustanza oħra ta’ din il-mediċina fil-passat (imniżżla f’sezzjoni 6).
- jekk għandek id-dijabete.
- jekk ġejt mgħarraf li għandek livelli għoljin ta’ kimika li tissejjaħ aċidu uriku fid-demm tiegħek (li jista’ jkun li kkawżaw attakki ta’ gotta).
- jekk għandek mard tal-kliewi avvanzat.
  
  Din il-mediċina tista’ ġġiegħel lill-fwied tiegħek biex ma jaħdimx kif suppost. Għalhekk, jekk jogħġbok għarraf lit-tabib tiegħek immedjatament jekk ikollok sinjali li jistgħu jindikaw problemi potenzjali fil-fwied bħal:
- dardir
- rimettar
- deni
- għeja
- telf ta’ aptit
- uġigħ addominali
- awrina skura
- suffejra (sfurija tal-ġilda jew tal-għajnejn)
- ħakk tal-ġilda
- sindrome tixbaħ lill-influwenza (uġigħ fil-ġogi u l-muskoli flimkien ma’ deni)
  
  Waqt kura b’din il-mediċina, it-tabib tiegħek se jorganizza testijiet tad-demm ta’ kull xahar biex jiċċekkja għal bidliet fil-funzjoni tal-fwied tiegħek.
  
  Teħid ta’ ammont adegwat ta’ ilma
  
  Din il-mediċina tikkawża telf ta’ ilma minħabba li jżid il-produzzjoni tal-awrina tiegħek. Dan it-telf ta’ ilma jista’ jwassal għal effetti sekondarji bħal ħalq xott u għatx jew għal effetti sekondarji saħansitra aktar severi bħal problemi fil-kliewi (ara sezzjoni 4). Għalhekk huwa importanti li jkollok aċċess
  għall-ilma u li inti tkun tista’ tixrob ammonti suffiċjenti meta tħossok bil-għatx. Qabel tmur torqod għandek tixrob tazza jew 2 ta’ ilma anke jekk ma tħossokx bil-għatx u għandek ukoll tixrob l-ilma wara li tgħaddi l-awrina bil-lejl. Għandha tittieħed attenzjoni speċjali jekk għandek marda li tnaqqas it-teħid xieraq ta’ fluwidi jew jekk għandek riskju akbar ta’ telf ta’ ilma eż. f’każ ta’ rimettar jew dijarea. Minħabba ż-żieda fil-produzzjoni tal-awrina huwa importanti wkoll li dejjem ikollok aċċess għal tojlit.
  
  Tfal u adolexxenti
  M’għandekx tagħti din il-mediċina lil tfal u adolexxenti (ta’ età inqas minn 18-il sena) peress li ma ġiex studjat f’dawn il-gruppi ta’ età.
  Mediċini oħra u Jinarc
  Għid lit-tabib jew lill-ispiżjar tiegħek jekk qed tieħu, ħadt dan l-aħħar jew tista’ tieħu xi mediċini oħra, inkluż mediċini li jinkisbu mingħajr riċetta.
  
  Il-mediċini li ġejjin jistgħu iżidu l-effett ta’ Jinarc:
- amprenavir, atazanavir, darunavir/ritonavir u fosamprenavir (użati għat-trattament ta’ HIV/AIDS),
- aprepitant (użat biex jevita d-dardir u r-remettar fil-kimoterapija),
- crizotinib u imatinib (użati għal trattament ta’ kanċer),
- ketoconazole, fluconazole jew itraconazole (użati għal trattament ta’ infezzjonijiet ikkawżati
  mill-moffa),
- antibijotiċi macrolide bħal erythromycin jew clarithromycin,
- verapamil (użat għal trattament ta’ mard tal-qalb u pressjoni għolja tad-demm),
- diltiazem (użat biex jittratta l-pressjoni għolja tad-demm u uġigħ fis-sider).
  
  Il-mediċini li ġejjin jistgħu jbaxxu l-effett ta’ Jinarc:
- phenytoin jew carbamazepine (użati għal trattament tal-epilessija),
- rifampicin, rifabutin jew rifapentine (użat għal trattament tat-tuberkulożi),
- St. John’s Wort (prodott mediċinali tradizzjonali magħmul mill-ħxejjex għall-kura ta’ burdata kemmxejn depressa u ansjetà ħafifa).
  
  Jinarc jista’ jżid l-effett tal-mediċini li ġejjin:
- digoxin (mediċina użata għal trattament ta’ taħbit tal-qalb irregolari u falliment tal-qalb),
- dabigatran (jintuża biex iraqqaq id-demm),
- methotrexate (jintuża għall-kura tal-kanċer, artrite),
- ciprofloxacin (antibijotiku),
- sulfasalazine (użat għal trattament ta’ mard infjammatorju tal-musrana jew artrite rewmatika),
- metformin (użat għal trattament tad-dijabete).
  
  Jinarc jista’ jnaqqas l-effett tal-mediċini li ġejjin:
- analogi ta’ vasopressin bħal desmopressin (użat biex iżid fatturi tat-tagħqid tad-demm jew biex jikkontrolla l-ammont ta’ awrina li tgħaddi jew awrina mhux volontarja fis-sodda).
  
  Dawn il-mediċini jistgħu jaffettwaw jew jiġu affettwati b’Jinarc:
- dijuretiċi (użati biex iżidu l-produzzjoni tal-awrina tiegħek). Meta jittieħdu flimkien ma’ Jinarc dawn jistgħu jżidu r-riskju ta’ effetti sekondarji kkawżati minn telf ta’ ilma jew jistgħu jikkaġunaw problemi tal-kliewi.
- dijuretiċi jew mediċini oħra għall-kura ta’ pressjoni għolja. Meta jittieħdu flimkien ma’ Jinarc dawn jistgħu jżidu r-riskju ta’ pressjoni baxxa meta tqum minn bilqiegħda jew minn pożizzjoni minduda.
- mediċini li jżidu l-livell ta’ sodium fid-demm tiegħek jew li jkun fihom ammonti kbar ta’ melħ, (eż. pilloli li jinħallu fl-ilma u sustanzi għall-kura ta’ indiġestjoni). Dawn jistgħu jżidu l-effett ta’ Jinarc. Hemm riskju li dan jista’ jwassal għal livelli żejda ta’ sodju fid-demm tiegħek.
  
  Xorta għandu mnejn ikun tajjeb għalik li tieħu dawn il-mediċini flimkien ma’ Jinarc. It-tabib tiegħek se jkun kapaċi jiddeċiedi dwar dak li huwa xieraq għalik.
  
  Jinarc ma’ ikel u xorb
  Tixrobx meraq tal-grejpfrut meta tkun qed tieħu din il-mediċina.
  
  Tqala u treddigħ
  Tiħux din il-mediċina jekk inti tqila jew qed tredda’.
  
  Nisa ta’ età fejn jistgħu joħorġu tqal għandhom jużaw mezzi affidabbli ta’ kontraċezzjoni waqt l-użu ta’ din il-mediċina.
  Jekk inti tqila jew qed tredda’, taħseb li tista’ tkun tqila jew qed tippjana li jkollok tarbija, itlob il-parir tat-tabib jew tal-ispiżjar tiegħek qabel tieħu din il-mediċina.
  
  Sewqan u tħaddim ta’ magni
  Xi persuni jistgħu jħossuhom sturduti, dgħajfa jew għajjenin wara li jingħataw Jinarc. Jekk dan jiġri lilek, issuqx u tużax għodda jew magni.
  
  Jinarc fih lactose
  Jekk it-tabib qallek li għandek intolleranza għal ċerti tipi ta’ zokkor, ikkuntattja lit-tabib tiegħek qabel tieħu dan il-prodott mediċinali
Kif għandek tieħu Jinarc

Jinarc jista’ jiġi preskritt biss minn tobba li huma speċjalizzati fil-kura ta’ ADPKD. Dejjem għandek tieħu din il-mediċina skont il-parir eżatt tat-tabib tiegħek. Iċċekkja mat-tabib jew mal-ispiżjar tiegħek jekk ikollok xi dubju.

Doża

L-ammont ta’ kuljum ta’ Jinarc jinqasam f’żewġ dożi, waħda akbar mill-oħra. L-ogħla doża għandha tittieħed filgħodu meta tqum, mill-inqas 30 minuta qabel l-ikla ta’ filgħodu. Id-doża l-baxxa tittieħed 8 sigħat wara.

Il-kombinazzjonijiet ta’ dożi huma:
45 mg + 15 mg
60 mg + 30 mg
90 mg + 30 mg

Il-kura tiegħek normalment tibda b’doża ta’ 45 mg filgħodu u 15 mg 8 sigħat wara. It-tabib tiegħek jista’ jżid id-doża tiegħek gradwalment sal-kombinazzjoni massima ta’ 90 mg meta tqum u 30 mg tmien sigħat wara. Biex isib l-aħjar doża t-tabib tiegħek se jiċċekkja b’mod regolari kemm qed tittollera tajjeb id-doża preskritta. Dejjem għandek tieħu l-ogħla kombinazzjoni ta’ doża tollerabbli preskritta mit-tabib tiegħek.

Jekk tieħu mediċini oħra li jistgħu jżidu l-effetti ta’ Jinarc tista’ tirċievi dożi aktar baxxi. F’dan il-każ it-tabib tiegħek jista’ jippreskrivilek pilloli Jinarc bi 30 mg jew 15 mg tolvaptan li għandhom jittieħdu darba kuljum filgħodu.

Metodu ta’ kif għandu jingħata

Ibla’ l-pilloli mingħajr ma tomgħodhom, flimkien ma’ tazza ilma.
Id-doża ta’ filgħodu għandha tittieħed mill-inqas 30 minuta qabel l-ikla ta’ filgħodu. It-tieni doża ta’ kuljum tista’ tittieħed mal-ikel jew mingħajr ikel.

Jekk tieħu Jinarc aktar milli suppost
Jekk ħadt aktar pilloli mid-doża preskritta tiegħek, ixrob ħafna ilma u ikkuntattja lit-tabib tiegħek jew l-isptar lokali tiegħek immedjatament. Ftakar biex tieħu l-pakkett tal-mediċina miegħek sabiex ikun ċar x’ħadt. Jekk tieħu l-ogħla doża tard ħafna fil-ġurnata jista’ jkollok bżonn tmur it-tojlit bil-lejl aktar spiss.

Jekk tinsa tieħu Jinarc
Jekk tinsa tieħu l-mediċina tiegħek, għandek tieħu d-doża malli tiftakar dak inhar stess. Jekk ma tiħux il-pilloli tiegħek f’ġurnata waħda, ħu d-doża normali tiegħek fil-jum li jmiss. M’GĦANDEKX TIEĦU doża doppja biex tpatti għal dożi individwali li tkun insejt tieħu.

Jekk tieqaf tieħu Jinarc
Jekk tieqaf tieħu din il-mediċina iċ-ċesti fil-kliewi tiegħek jistgħu jikbru bl-istess rata mgħaġġla kif kienu jagħmlu qabel bdejt il-kura b’Jinarc. Għalhekk, għandek tieqaf tieħu di il-mediċina biss jekk tinnota effetti sekondarji li jeħtieġu attenzjoni medika urġenti (ara sezzjoni 4) jew jekk jgħidlek biex tagħmel dan it-tabib tiegħek.

Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.
Effetti sekondarji possibbli

Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.

Effetti sekondarji serji:

Jekk tinnota xi wieħed mill-effetti sekondarji li ġejjin, jista’ jkollok bżonn attenzjoni medika urġenti. Waqqaf Jinarc u kkuntattja tabib jew mur fl-eqreb sptar immedjatament jekk inti:
- issibha diffiċli biex tgħaddi l-awrina.
- ikollok nefħa fil-wiċċ, xufftejn jew ilsien, ħakk, raxx ġeneralizzat, jew tħarħir sever jew qtugħ ta’ nifs (sintomi ta’ reazzjoni allerġika).
  
  Jinarc jista’ jġiegħel lill-fwied tiegħek biex ma jaħdimx kif suppost.
  Ikkonsulta t-tabib tiegħek jekk iseħħu sintomi ta’ dardir, rimettar, deni, għeja, telf ta’ aptit, uġigħ fl- addome, awrina skura, suffejra (sfurija tal-ġilda jew tal-għajnejn), ħakk tal-ġilda jew uġigħ fil-ġogi u fil-muskoli flimkien ma’ deni.
  
  Effetti sekondarji oħrajn:
  
  Komuni ħafna (jistgħu jaffettwaw aktar minn persuna waħda minn kull 10)
- għatx (li jeħtieġ xorb eċċessiv ta’ ilma)
- uġigħ ta’ ras
- sturdament
- dijarea
- ħalq xott
- żieda fil-ħtieġa li tgħaddi l-awrina, li tgħaddi l-awrina bil-lejl, jew li tgħaddi l-awrina aktar ta’ spiss
- għeja
  
  Komuni (jistgħu jaffettwaw sa persuna waħda minn kull 10)
- deidratazzjoni
- livelli għolja ta’ sodium, aċidu uriku u zokkor fid-demm
- tnaqqis ta’ aptit
- bidliet fit-togħma
- gotta
- diffikultà biex torqod
- ħass ħażin
- taħbit qawwi tal-qalb
- qtugħ ta’ nifs
- uġigħ ta’ żaqq
- tħossok mimli jew minfuħ jew skumdità fl-istonku
- stitikezza
- ħruq ta’ stonku
- funzjoni anormali tal-fwied
- ġilda xotta
- raxx
- ħakk
- ħorriqija
- uġigħ fil-ġogi
- spażmi fil-muskoli
- uġigħ fil-muskoli
- dgħjufija ġenerali
- livelli għolja ta’ enzimi tal-fwied fid-demm
- telf ta’ piż
- żieda fil-piż
  
  Mhux komuni (jistgħu jaffettwaw sa persuna waħda minn kull 100)
- żieda fil-bilirubina (sustanza li tista’ tikkawża sfurija tal-ġilda jew tal-għajnejn) fid-demm
  
  Mhux magħruf (ma tistax tittieħed stima tal-frekwenza mid-dejta disponibbli)
- reazzjonijiet allerġiċi (ara hawn fuq)
- raxx ġeneralizzat
- insuffiċjenza tal-fwied akuta (ALF – acute liver failure)
  
  Rappurtar tal-effetti sekondarji
  Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali mniżżla f’Appendiċi V. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.
Kif taħżen Jinarc

Żomm din il-mediċina fejn ma tidhirx u ma tintlaħaqx mit-tfal.

Tużax din il-mediċina wara d-data ta’ meta tiskadi li tidher fuq il-kartuna, kartuna għall-kartiera u l- folja wara JIS. Id-data ta’ meta tiskadi tirreferi għall-aħħar ġurnata ta’ dak ix-xahar.

Aħżen fil-pakkett oriġinali sabiex tilqa’ mid-dawl u mill-umdità.

Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Kontenut tal-pakkett u informazzjoni oħra X’fih Jinarc

Is-sustanza attiva hi tolvaptan.
Kull pillola Jinarc 15 mg fiha 15 mg tolvaptan. Kull pillola Jinarc 30 mg fiha 30 mg tolvaptan. Kull pillola Jinarc 45 mg fiha 45 mg tolvaptan. Kull pillola Jinarc 60 mg fiha 60 mg tolvaptan. Kull pillola Jinarc 90 mg fiha 90 mg tolvaptan.
Is-sustanzi mhux attivi l-oħra huma lactose monohydrate (ara sezzjoni 2), maize starch, microcrystalline cellulose, hydroxypropylcellulose, magnesium stearate, indigo carmine aluminium lake.

Kif jidher Jinarc u l-kontenut tal-pakkett

Il-qawwiet differenti tal-pilloli Jinarc għandhom forom u ibbuzzar differenti:

Pillola ta’ 15 mg: blu, trijangulari, b’“OTSUKA” u “15” imnaqqxa fuq naħa waħda. Pillola ta’ 30 mg: blu, tonda, b’“OTSUKA” u “30” imnaqqxa fuq naħa waħda.

Pillola ta’ 45 mg: blu, kwadra, b’“OTSUKA” u “45” imnaqqxa fuq naħa waħda.

Pillola ta’ 60 mg: blu, forma ta’ rettangolu modifikat, b’“OTSUKA” u “60” imnaqqxa fuq naħa waħda.

Pillola ta’ 90 mg: blu, pentagonali, b’“OTSUKA” u “90” imnaqqxa fuq naħa waħda. Il-mediċina tiegħek hija pprovduta fid-daqsijiet tal-pakketti li ġejjin:

Jinarc 15 mg pilloli: pakketti b’7 pilloli jew 28 pillola

Jinarc 30 mg pilloli: pakketti b’7 pilloli jew 28 pillola

Jinarc 45 mg pilloli + Jinarc 15 mg pilloli: pakketti (folji bi jew mingħajr kartuna għall-kartiera) li fihom

14-il pillola (7 pilloli tal-qawwa l-għolja + 7 pilloli tal-qawwa l-baxxa),

28 pillola (14-il pillola tal-qawwa l-għolja + 14-il pillola tal-qawwa l-baxxa) jew

56 pillola (28 pillola tal-qawwa l-għolja + 28 pillola tal-qawwa l-baxxa).

Jinarc 60 mg pilloli + Jinarc 30 mg pilloli: pakketti (folji bi jew mingħajr kartuna għall-kartiera) li fihom

14-il pillola (7 pilloli tal-qawwa l-għolja + 7 pilloli tal-qawwa l-baxxa),

28 pillola (14-il pillola tal-qawwa l-għolja + 14-il pillola tal-qawwa l-baxxa) jew

56 pillola (28 pillola tal-qawwa l-għolja + 28 pillola tal-qawwa l-baxxa).

Jinarc 90 mg pilloli + Jinarc 30 mg pilloli: pakketti (folji bi jew mingħajr kartuna għall-kartiera) li fihom

14-il pillola (7 pilloli tal-qawwa l-għolja + 7 pilloli tal-qawwa l-baxxa),

28 pillola (14-il pillola tal-qawwa l-għolja + 14-il pillola tal-qawwa l-baxxa) jew

56 pillola (28 pillola tal-qawwa l-għolja + 28 pillola tal-qawwa l-baxxa). Jista’ jkun li mhux il-pakketti tad-daqsijiet kollha jkunu fis-suq.

Detentur tal-Awtorizzazzjoni għat-Tqegħid fis-Suq

Otsuka Pharmaceutical Netherlands B.V. Herikerbergweg 292

1101 CT, Amsterdam

L-Olanda

Manifattur

Almac Pharma Service (Ireland) Limited

Finnabair Industrial Estate, Dundalk, Co. Louth - A91 P9KD

L-Irlanda

Millmount Healthcare Limited

Block-7, City North Business Campus, Stamullen, Co. Meath, K32 YD60

L-Irlanda

Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur

tal-Awtorizzazzjoni għat-Tqegħid fis-Suq:

België/Belgique/Belgien

Otsuka Pharmaceutical Netherlands B.V. Tél/Tel: +31 (0) 20 85 46 555

Lietuva

Otsuka Pharmaceutical Netherlands B.V. Tel: +31 (0) 20 85 46 555

България

Otsuka Pharmaceutical Netherlands B.V. Teл: +31 (0) 20 85 46 555

Luxembourg/Luxemburg

Otsuka Pharmaceutical Netherlands B.V. Tél/Tel: +31 (0) 20 85 46 555

Česká republika

Otsuka Pharmaceutical Netherlands B.V. Tel: +31 (0) 20 85 46 555

Magyarország

Otsuka Pharmaceutical Netherlands B.V. Tel: +31 (0) 20 85 46 555

Danmark

Otsuka Pharma Scandinavia AB Tlf: +46854 528 660

Malta

Otsuka Pharmaceutical Netherlands B.V. Tel: +31 (0) 20 85 46 555

Deutschland

Otsuka Pharma GmbH Tel: +49691 700 860

Nederland

Otsuka Pharmaceutical Netherlands B.V. Tel: +31 (0) 20 85 46 555

Eesti

Otsuka Pharmaceutical Netherlands B.V. Tel: +31 (0) 20 85 46 555

Norge

Otsuka Pharma Scandinavia AB Tlf: +46854 528 660

Ελλάδα

Otsuka Pharmaceutical Netherlands B.V. Thλ: +31 (0) 20 85 46 555

Österreich

Otsuka Pharmaceutical Netherlands B.V. Tel: +31 (0) 20 85 46 555

España

Otsuka Pharmaceutical S.A Tel: +3493 2081 020

Polska

Otsuka Pharmaceutical Netherlands B.V. Tel: +31 (0) 20 85 46 555

France

Otsuka Pharmaceutical France SAS Tél: +33147 080 000

Portugal

Otsuka Pharmaceutical Netherlands B.V. Tel: +31 (0) 20 85 46 555

Hrvatska

Otsuka Pharmaceutical Netherlands B.V. Tel: +31 (0) 20 85 46 555

România

Otsuka Pharmaceutical Netherlands B.V. Tel: +31 (0) 20 85 46 555

Ireland

Otsuka Pharmaceutical Netherlands B.V. Tel: +31 (0) 20 85 46 555

Slovenija

Otsuka Pharmaceutical Netherlands B.V. Tel: +31 (0) 20 85 46 555

Ísland

Otsuka Pharma Scandinavia AB Sími: +46854 528 660

Slovenská republika

Otsuka Pharmaceutical Netherlands B.V. Tel: +31 (0) 20 85 46 555

Italia

Otsuka Pharmaceutical Italy S.r.l. Tel: +39 02 00 63 27 10

Suomi/Finland

Otsuka Pharma Scandinavia AB Puh/Tel: +46854 528 660

Κύπρος

Otsuka Pharmaceutical Netherlands B.V. Thλ: +31 (0) 20 85 46 555

Sverige

Otsuka Pharma Scandinavia AB Tel: +46854 528 660

Latvija

Otsuka Pharmaceutical Netherlands B.V. Tel: +31 (0) 20 85 46 555

United Kingdom (Northern Ireland) Otsuka Pharmaceutical Netherlands B.V. Tel: +31 (0) 20 85 46 555

Dan il-fuljett kien rivedut l-aħħar f’ XX/SSSS.

Fuljett ta’ tagħrif: Informazzjoni għall-pazjent

Jinarc 15 mg pilloli Jinarc 30 mg pilloli Jinarc 45 mg pilloli Jinarc 60 mg pilloli Jinarc 90 mg pilloli

Aqra sew dan il-fuljett kollu qabel tibda tieħu din il-mediċina peress li fih informazzjoni importanti għalik.

F’dan il-fuljett:

X’inhu Jinarc u għalxiex jintuża

X’għandek tkun taf qabel ma tieħu Jinarc Tiħux Jinarc

Twissijiet u prekawzjonijiet

Din il-mediċina tista’ ġġiegħel lill-fwied tiegħek biex ma jaħdimx kif suppost. Għalhekk, jekk jogħġbok għarraf lit-tabib tiegħek immedjatament jekk ikollok sinjali li jistgħu jindikaw problemi potenzjali fil-fwied bħal:

Waqt kura b’din il-mediċina, it-tabib tiegħek se jorganizza testijiet tad-demm ta’ kull xahar biex jiċċekkja għal bidliet fil-funzjoni tal-fwied tiegħek.

Tfal u adolexxenti

Mediċini oħra u Jinarc

Jinarc ma’ ikel u xorb

Tqala u treddigħ

Tiħux din il-mediċina jekk inti tqila jew qed tredda’.

Sewqan u tħaddim ta’ magni

Jinarc fih lactose

Kif għandek tieħu Jinarc

Jekk tieħu Jinarc aktar milli suppost

Jekk tinsa tieħu Jinarc

Jekk tieqaf tieħu Jinarc

Effetti sekondarji possibbli

Effetti sekondarji serji:

Jekk tinnota xi wieħed mill-effetti sekondarji li ġejjin, jista’ jkollok bżonn attenzjoni medika urġenti. Waqqaf Jinarc u kkuntattja tabib jew mur fl-eqreb sptar immedjatament jekk inti:

Jinarc jista’ jġiegħel lill-fwied tiegħek biex ma jaħdimx kif suppost.

Effetti sekondarji oħrajn:

Komuni ħafna (jistgħu jaffettwaw aktar minn persuna waħda minn kull 10)

Komuni (jistgħu jaffettwaw sa persuna waħda minn kull 10)

Mhux komuni (jistgħu jaffettwaw sa persuna waħda minn kull 100)

Mhux magħruf (ma tistax tittieħed stima tal-frekwenza mid-dejta disponibbli)

Rappurtar tal-effetti sekondarji

Kif taħżen Jinarc

Kontenut tal-pakkett u informazzjoni oħra X’fih Jinarc

Kif jidher Jinarc u l-kontenut tal-pakkett

Detentur tal-Awtorizzazzjoni għat-Tqegħid fis-Suq

Manifattur

België/Belgique/Belgien

Lietuva

България

Luxembourg/Luxemburg

Česká republika

Magyarország

Danmark

Malta

Deutschland

Nederland

Eesti

Norge

Ελλάδα

Österreich

España

Polska

France

Portugal

Hrvatska

România

Ireland

Slovenija

Ísland

Slovenská republika

Italia

Suomi/Finland

Κύπρος

Sverige

Latvija

United Kingdom (Northern Ireland) Otsuka Pharmaceutical Netherlands B.V. Tel: +31 (0) 20 85 46 555

Dan il-fuljett kien rivedut l-aħħar f’ XX/SSSS.