Fuljett ta’ tagħrif: Informazzjoni għall-pazjent Atriance 5 mg/ml soluzzjoni għall-infużjoni nelarabine

Dan il-prodott mediċinali huwa suġġett għal monitoraġġ addizzjonali. Dan ser jippermetti identifikazzjoni ta’ malajr ta’ informazzjoni ġdida dwar is-sigurtà. Inti tista’ tgħin billi tirrapporta kwalunkwe effett sekondarju li jista’ jkollok. Ara t-tmiem ta’ sezzjoni 4 biex tara kif għandek tirrapporta effetti sekondarji.

Aqra sew dan il-fuljett kollu qabel tibda tuża din il-mediċina peress li fih informazzjoni importanti għalik.

• Żomm dan il-fuljett. Jista’ jkollok bżonn terġa’ taqrah.

• Jekk ikollok aktar mistoqsijiet, staqsi lit-tabib jew lill-ispiżjar tiegħek.

• Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara anke jekk għandhom l-istess sinjali ta’ mard bħal tiegħek

• Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett

sekondarju possibbli li mhuwiex elenkat f’dan il-fuljett. Ara sezzjoni 4.

F’dan il-fuljett

1. X’inhu Atriance u għalxiex jintuża

2. X’għandek tkun taf qabel ma tingħata Atriance

3. Kif għandek tingħata Atriance

4. Effetti sekondarji possibbli

5. Kif taħżen Atriance

6. Kontenut tal-pakkett u informazzjoni oħra

1. X’inhu Atriance u gћalxiex jintuża

   
   

   Atriance fih nelarabine li jagħmel parti minn grupp ta' mediċini magħrufa bħala sustanzi antineoplastiċi li jintużaw fil-kimoterapija biex joqtlu ċerti tipi ta' ċelluli tal-kanċer.

   
   

   Atriance jintuża biex jittratta pazjenti bi:

   • tip ta' lewkemja, msejħa lewkemja limfoblastika akuta taċ-ċellula T. Il-lewkemja tikkawża żieda

     mhux normali fin-numru ta' ċelluli bojod tad-demm. In-numru għoli b’mod mhux normali ta’ ċelluli bojod tad-demm jistgħu jidhru fid-demm u f’partijiet oħra tal-ġisem. It-tip ta' lewkemja għandha x'taqsam mat-tip ta' ċellula bajda tad-demm involuta l-aktar. F'dan il-każ, iċ-ċelluli tagħha jissejħu limfoblasti.

   • tip ta' limfoma, tissejjaħ limfoma limfoblastika akuta taċ-ċellula T. Din il-limfoma tiġi kkawżata minn massa ta' limfoblasti, tip ta' ċellula bajda tad-demm.

     
     

     Jekk ikollok xi mistoqsijiet fuq il-marda tiegħek kellem lit-tabib tiegħek.

2. X’għandek tkun taf qabel ma tingħata Atriance

   
   

   Int (jew it-tifel/tifla tiegħek, jekk hu/hi qed ikun/tkun fuq kura) m'għandekx tirċievi Atriance

   • jekk inti (jew it-tifel/tifla tiegħek, jekk hu/hi ikun/tkun qed jieħu/tieħu l-kura) allerġiku għal nelarabine jew għal xi sustanza oħra ta’ din il mediċina (imniżżla fis-sezzjoni 6).

     
     

     Twissijiet u prekawzjonijiet

     Ġew irrappurtati effetti sekondarji serji fuq is-sistema nervuża meta ntuża Atriance.Is-sintomi jistgħu

     jkunu mentali (eż. għeja) jew fiżiċi (eż. konvulżjonijiet, sensazzjoni ta’ tnemnim jew tingiż, dgħjufija u paraliżi). It-tabib tiegħek jiċċekkja għal dawn is-sintomi regolarment matul it-trattament (ara wkoll sezzjoni 4, “Effetti sekondarji li jista’ jkun hemm”).

     
     

     It-tabib tiegħek ikollu bżonn ikun jaf ukoll dan li ġej qabel ma tingħata din il-mediċina:

   • jekk int (jew it-tifel/tifla tiegħek, jekk hu/hi ikun/tkun qiegħed/qiegħda tieħu l-kura) għandkom xi problemi bil-kliewi jew bil-fwied. Għandu mnejn li d-doża tiegħek ta' Atriance ikollha bżonn tkun aġġustata.

   • jekk inti (jew it-tifel/tifla tiegħek, jekk hu/hi ikun/tkun qiegħed/qiegħda tieħu l-kura) kont reċentement jew qed tippjana li titlaqqam b'vaċċin ħaj (per eżempju poljo, variċella, tifojde).

   • jekk inti (jew it-tifel/tifla tiegħek, jekk hu/hi ikun/tkun qiegħed/qiegħda tieħu l-kura)

     għandek xi problemi fid-demm (pereżempju anemija).

     
     

     Testijiet tad-demm waqt it-trattament

     It-tabib tiegħek għandu jagħmillek testijiet tad-demm b’mod regolari waqt it-trattament biex jiċċekkja

     jekk għandekx problemi fid-demm li jkunu ġew assoċjati mal-użu ta’ Atriance.

     
     

     Anzjani

     Jekk inti persuna anzjana, inti tista’ tkun aktar sensittiv għall-effetti sekondarji fis-sistema nervuża (ara

     l-lista ta’ hawn fuq li tinsab taħt “Twissijiet u prekawzjonijiet”). It-tabib tiegħek ser jiċċekkja għal dawn is-sintomi b’mod regolari waqt it-trattament.

     Għid lit-tabib tiegħek jekk xi wieħed minn dawn japplikaw għalik. Mediċini oħra u Atriance

     Għid lit-tabib jew lill-ispiżjar tiegħek jekk qed tieħu, ħadt dan l-aħħar jew tista’ tieħu xi mediċini oħra.

     Dawn jinkludu kull prodott mill-ħxejjex jew mediċini oħra li tkun xtrajt mingħajr riċetta tat-tabib

     
     

     Ftakar biex tgħid lit-tabib tiegħek jekk tibda tieħu kwalunkwe mediċina oħra waqt li tkun fuq Atriance.

     
     

     Tqala, treddigħ u fertilità

     Atriance mhuwiex rakkomandat għal nisa tqal. Jista' jagħmel ħsara lit-tarbija jekk il-konċepiment isir qabel, waqt jew ftit wara li jittieħed. Huwa rakkomandat li tiddiskuti mat-tabib tiegħek dwar kontroll

     addattat tat-twelid. Tipprovax toħroġ tqila/issir missier ta' tarbija sakemm it-tabib jagħtik parir li mhux perikoluż li tagħmel hekk.

     
     

     Pazjenti maskili, li jistgħu ikunu jixtiequ li jkollhom tarbija, għandhom isaqqsu lit-tabib tagħhom għal parir fuq pjanar tal-familja jew trattament. Jekk ikun hemm tqala waqt trattament b'Atriance, għanded tgħid lit-tabib tiegħek mill-ewwel.

     
     

     Mhuwiex magħruf jekk Atriance jgħaddix fil-ħalib tas-sider. Għandek tieqaf tredda' waqt li tkun qed tieħu Atriance. Itlob il-parir tat-tabib tiegħek qabel tieħu xi mediċina.

     Sewqan u tħaddim ta’ magni

     Atriance jista' jġib ħedla jew ngħas, kemm waqt it-trattament u għal xi ftit ġranet wara t-trattament. Issuqx, jekk tħossok għajjien jew ma tiflaħx u tużax xi għodda jew magni.

     
     

     Attriance fih is-sodium

     
     

     Din il-mediċina fiha 88.51 mg/ml (3.85 mmol) sodium (il-komponent ewlieni tal-melħ tat-tisjir/li jintuża mal-ikel) f’kull kunjett (50 ml). Dan huwa ekwivalenti għal 4.4% tal-ammont massimu rakkomandat ta’ sodium li għandu jittieħed kuljum mad-dieta minn adult.

     
     

3. Kif gћandek tingħata Atriance

   
   

   Id-doża ta' Atriance li tingħata tkun ibbażata fuq:

   • is-superfiċje ta' ġismek/jew ġisem it-tifel/tifla tiegħek (jekk ikun/tkun fuq il-kura)(li jkun ikkalkulat mit-tabib tiegħek fuq it-tul u l-piż tiegħek).

   • ir-riżultati tat-testijiet tad-demm li jkunu saru qabel it-trattament

     
     

     Adulti u adolexxenti (eta' ta' 16-il sena u aktar)

     Id-doża normali hija ta' 1,500 mg/m2tas-superfiċje tal-ġisem kuljum.

     
     

     Tabib jew infermier jagħtuk id-doża kif suppost ta' Atriance bħala infużjoni (bit-taqtir). Ġeneralment din tingħata b'infużjoni minn idejk fuq perjodu ta' bejn wieħed u ieħor sagħtejn.

     
     

     Ikollok infużjoni (taqtir) darba kuljum f'jiem 1, 3 u 5 tat-trattament. Din is-sekwenza ta' trattament normalment tirrepeti ruħha kull tlett ġimgħat. Dan it-trattament jista' jvarja, skont ir-riżultati tat-testijiet regolari tad-demm. It-tabib tiegħek se jiddeċiedi dwar in-numru ta’ ċikli ta’ kura li huma meħtieġa.

     
     

     Tfal u adolexxenti (età ta' 21 sena u iżgħar)

     Id-doża rakkomandata hija ta' 650 mg/m2tas-superfiċje tal-ġisem kuljum.

     
     

     Tabib jew infermier jagħtu lilek/tifel/tifla tiegħek (jekk ikunu fuq il-kura) doża addatata ta' Atriance bħala infużjoni (taqtir). Ġeneralment din tingħata b'infużjoni minn idejk fuq perjodu ta' madwar siegħa.

     
     

     Inti/tifel/tifla tiegħek (jekk t/ikun fuq il-kura) tieħdu infużjoni (taqtir) darba kuljum għal ħamest ijiem. Din is-sekwenza ta' trattament normalment tiġi ripetuta kull tliet ġimgħat. Dan it- trattament jista' jvarja, skont ir-riżultati tat-testijiet regolari tad-demm. It-tabib tiegħek se jiddeċiedi dwar in-numru ta’ ċikli ta’ kura li huma meħtieġa.

     
     

     Jekk tieqaf tieħu Atriance

     It-tabib tiegħek jiddeċiedi meta jitwaqqaf it-trattament.

     
     

     Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.

4. Effetti sekondarji possibbli

   
   

   Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.

   
   

   Il-maġġoranza tal-effetti sekondarji rrapurtati b'Atriance ġew innutati f'adulti, tfal u adolexxenti. Xi effetti sekondarji kienu rrapurtati aktar spiss f'pazjenti adulti. Ma hemm l-ebda raġuni magħrufa għal dan.

   
   

   Jekk għandek xi tħassib, tkellem dwar dan mat-tabib tiegħek.

   
   

   Effetti sekondarji l-aktar serji

   
   

   Dawn jistgħu jaffettwaw aktar minn 1 f'kull 10 minn nies li jieħdu Atriance.

   • Sinjali ta' infezzjoni. Il-lewkemja tikkawża żieda mhux normali fin-numru ta' ċelluli bojod fil- ġisem, u xi kultant ukoll fid-demm. Dan jista' jkun ukoll ta' periklu għall-ħajja. Sinjali ta'

     infezzjoni jinkludu:

     • deni

     • deterjorament serju fil-kundizzjoni ġenerali tiegħek

     • sintomi lokali bħal uġigħ fil-griżmejn, uġigħ fil-ħalq jew problemi urinarji (per eżempju, sensazzjoni ta' ħruq waqt l-urinazzjoni li tista' tkun infezzjoni fl-urina)

       Għid lit-tabib tiegħek immedjatament jekk tħoss xi effetti bħal dawn. Jittieħed test tad-demm biex

       tiċċekkja jekk naqsux iċ-ċelluli bojod tad-demm.

       
       

       Effetti sekondarji oħra komuni ħafna

       Dawn jistgħu jaffettwaw aktar minn 1 minn kull 10 minn nies trattati b’Atriance

   • Bidla fis-sensazzjoni tal-idejn jew is-saqajn, debbulizza fil-muskoli li tidher bħal diffikulta' biex tqum minn fuq siġġu, jew diffikulta' biex timxi (newropatija periferali); nuqqas ta' sensittivita'

     għall-mess ħafif, jew uġigħ; sensazzjonijiet mhux normali bħal ħruq u tingiż, sensazzjoni ta' xi

     ħaġa titkaxkar fuq il-ġilda.

   • Sensazzjoni ġenerali ta' debbolizza u għejja (anemija temporanja). Jista' jkollok bżonn ta' trasfużjoni tad-demm f'xi każijiet.

   • Tbenġil jew ħruġ ta' demm mhux tas-soltu, kawża ta' nuqqas fin-numru ta' ċelluli li jgħaqqdu d- demm. Dan jista' jwassal għal ħruġ qawwi ta' demm minn feriti relativament żgħar bħal qatgħa żgħira. Rarament dan jista' jwassal għal ħruġ ta' demm aktar qawwi (emorraġija). Kellem lit-

     tabib tiegħek għal parir fuq kif tnaqqas ir-riskju ta' ħruġ ta' demm.

   • Sensazzjoni ta' ħedla u ngħas; uġigħ ta' ras; sturdament.

   • Qtugħ ta' nifs, diffikulta' fin-nifs jew nifs bi tbatija; sogħla.

   • Sensazzjoni ta' taqligħ fl-istonku (dardir); tirremetti (rimettar); dijarrea; stitikezza

   • Uġigħ fil-muskoli.

   • Nefħa ta' partijiet tal-ġisem minħabba akkumulazzjoni ta' ammonti mhux normali ta' fluwidi (oedema).

   • Temperatura għolja tal-ġisem (deni); għeja; sensazzjoni ta' debbulizza/nuqqas ta' saħħa.

     Kellem tabib jekk xi wieħed minn dawn jibda' jagħti l-problemi.

     Effetti sekondarji komuni

     
     

     Dawn jistgħu jaffettwaw sa 1 f'kull 10 minn nies trattati b'Atriance:

   • Kontrazzjonijiet vjolenti u bla kontroll tal-muskoli li ħafna drabi jkunu akkumpanjati minn telf ta' sensi li jista' jkun minħabba attakk epileptiku (konvulżjonijiet).

   • Guffaġni u nuqqas ta' koordinazzjoni li taffettwa l bilanċ, il-mixi, il-movimenti tal-għajnejn u d- dirgħajn u r-riġlejn, jew id-diskors.

   • Ċaqliq mhux intenzjonat b'mod ritmiku ta' wieħed jew aktar mid-dirgħajn jew-riġlejn(tregħid).

   • Debbulizza tal-muskoli (li tista' tkun assoċjata ma' newropatija periferali - ara fuq), uġigħ fil- ġogi, uġigħ fid-dahar; uġigħ fl-idejn u s-saqajn li jinkludi sensazzjoni ta' tnemnim u titrix.

   • Pressjoni tad-demm li tbaxxiet.

   • Nuqqas fil-piż u nuqqas ta' aptit (anoressija);uġigħ fl-istonku, uġigħ fil-ħalq, pustumetti jew infjammazzjoni fil-ħalq.

   • Problemi bil-memorja, sensazzjoni ta' disorjentament; vista mċajpra; nuqqas jew bdil fis sens tat-togħma (dysgeusia).

   • Akkumulazzjoni ta' ilma madwar il-pulmun li jwassal għal uġigħ fis-sider u diffikulta' fin-nifs (effużjoni fil-plewra); tħarħir

   • Żieda fl-ammont ta' bilirubina fid-demm tiegħek li jista' jwassal għal sfurija tal-ġilda u li

     tħossok mitluq.

   • Żieda fid-demm tal-livelli tal-enżimi tal-fwied.

   • Żieda fil-livelli tal-kreatinina fid-demm (sinjal ta' problemi fil-kliewi li jistgħu iwasslu għal nuqqas ta' urinazzjoni).

   • Il-ħruġ tal-kontenut taċ-ċellula tat-tumur (sindromu tad-diżintegrazzjoni tat-tumur), li tista'

     toħloq tensjoni żejda fuq ġismek. Sintomi fil-bidu jinkludu dardir u rimettar, qtugħ ta' nifs, taħbit irregolari tal-qalb, tissaħħab l-urina, telqa u/jew uġigħ ħafif fil-ġogi. Jekk dan jiġri, jseħħ

     l-aktar spiss ma' l-ewwel doża. It-tabib tiegħek jieħu l-prekawzjonijiet meħtieġa biex inaqqas ir- riskju ta' dan.

   • Nuqqas fil-livelli tad-demm ta' xi sustanzi:

     • livelli baxxi ta' kalċju, li jistgħu jikkawżaw bugħawwieġijiet fil-muskoli, bugħawwieġijiet fiż-żaqq jew spażmi

     • livelli baxxi ta' manjesju, li jistgħu jikkawżaw indebboliment fil-muskoli, konfużjoni, movimenti "mhux kontrollati", pressjoni għolja tad-demm, ritmi irregolari tal-qalb u

       indebboliment tar-riflessi meta l-livelli tal-manjesju fid-demm ikunu baxxi ħafna.

     • livelli baxxi ta' potassju li jistgħu jikkawżaw sensazzjoni ta' indebboliment

     • livelli baxxi ta' zokkor li jistgħu jikkawżaw dardir, għaraq, indebboliment, ħass ħażin, konfużjoni u alluċinazzjonijiet.

       Kellem tabib jekk xi wieħed minn dawn jibda' jagħti l-problemi.

       
       

       Effetti sekondarji rari

       
       

       Dawn jistgħu jaffettwaw sa 1 f'kull 1,000 minn nies trattati b'Atriance:

   • Marda serja li teqred il-muskoli skeletali kkaratterizzata mill-preżenza ta’ mijoglobina (prodott mit-tkissir taċ-ċelluli tal-muskoli) fl-awrina (rabdomijolisi), żjieda fil-creatine phosphokinase

     fid-demm.

     Kellem tabib jekk xi wieħed minn dawn jibda' jagħti l-problemi.

     
     

     Rappurtar ta’ effetti sekondarji

     

     Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali mniżżla f’Appendiċi V. Billi tirrapporta l-

     effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.

5. Kif taħżen Atriance

   
   

   Żomm din il-mediċina fejn ma tidhirx u ma tintlaħaqx mit-tfal.

   
   

   Tużax din il-mediċina wara d-data ta’ meta tiskadi li tidher fuq il-kartuna u l- kunjett. Din il-prodott mediċinali m’għandux bżonn ħażna speċjali.

   Atriance huwa stabbli sa 8 sigħat f'temperatura ta' 30°Ċ la darba l- kunjett tkun infetħet.

   
   

   Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.

   
   

6. Kontenut tal-pakkett u informazzjoni oħra X’fih Atriance

• Is-sustanza attiva hi nelarabine. Kull ml ta' soluzzjoni għall-infużjoni ta' Atriance fih 5 mg ta'

  nelarabine. Kull kunjett fiha 250 mg ta' nelarabine.

• Is-sustanzi mhux attivi l-oħra huma sodium chloride, ilma għall-injezzjonijiet, hydrochloric acid, sodium hydroxide (ara sezzjoni 2 “Atriance fih sodium”).

  
  

  Kif jidher Atriance u l-kontenut tal-pakkett

  Is-soluzzjoni għall-infużjoni ta' Atriance hija soluzzjoni ċara mingħajr kulur. Hija tkun fi kunjetti bi ħġieġ ċar b'tapp tal-gomma, issiġillat b'għatu tal-aluminju.

  
  

  Kull kunjett fiha 50 ml.

  
  

  Atriance jinbiegħ f'pakketti ta' kunjett 1 jew 6 kunjetti.

  
  

  Detentur tal-Awtorizzazzjoni għat-Tqegħid fis-Suq

  Novartis Europharm Limited

  Vista Building

  Elm Park, Merrion Road Dublin 4

  L-Irlanda

  
  

  Manifattur

  EBEWE Pharma Ges.m.b.H. Nfg.KG

  Mondseestrasse 11

  

  4866 Unterach am Attersee L-Awstrija

  
  

  Novartis Farmacéutica SA Ronda de Santa Maria 158

  

  08210 Barberà del Vallès, Barcelona Spanja

  
  

  Novartis Pharma GmbH Roonstraße 25

  D-90429 Nuremberg Il-Ġermanja

  Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:

  
  

  België/Belgique/Belgien Novartis Pharma N.V. Tél/Tel: +32 2 246 16 11

  Lietuva

  SIA Novartis Baltics Lietuvos filialas

  Tel: +370 5 269 16 50

  
  

  България

  Novartis Bulgaria EOOD Тел: +359 2 489 98 28

  Luxembourg/Luxemburg Novartis Pharma N.V. Tél/Tel: +32 2 246 16 11

  
  

  Česká republika

  Novartis s.r.o.

  Tel: +420 225 775 111

  Magyarország Novartis Hungária Kft. Tel.: +36 1 457 65 00

  
  

  Danmark

  Sandoz A/S

  Tlf: +45 63 95 10 00

  Malta

  Novartis Pharma Services Inc.

  Tel: +356 2122 2872

  
  

  Deutschland

  Novartis Pharma GmbH Tel: +49 911 273 0

  Nederland

  Novartis Pharma B.V. Tel: +31 88 04 52 555

  
  

  Eesti

  SIA Novartis Baltics Eesti filiaal

  Tel: +372 66 30 810

  Norge

  Sandoz A/S

  Tlf: +45 63 95 10 00

  
  

  Ελλάδα

  Novartis (Hellas) A.E.B.E.

  Τηλ: +30 210 281 17 12

  Österreich

  Novartis Pharma GmbH

  Tel: +43 1 86 6570

  
  

  España

  BEXAL FARMACÉUTICA, S.A. Tel: +34 900 456 856

  Polska

  Novartis Poland Sp. z o.o. Tel.: +48 22 375 4888

  
  

  France

  Sandoz

  Tél: +33 800 45 57 99

  Portugal

  Novartis Farma - Produtos Farmacêuticos, S.A.

  Tel: +351 21 000 8600

  
  

  Hrvatska

  Novartis Hrvatska d.o.o. Tel. +385 1 6274 220

  România

  Sandoz S.R.L.

  Tel: +40 021 4075160

  
  

  Ireland

  Novartis Ireland Limited

  Tel: +353 1 260 12 55

  Slovenija

  Novartis Pharma Services Inc.

  Tel: +386 1 300 75 50

  
  

  Ísland

  Vistor hf.

  Sími: +354 535 7000

  Slovenská republika Novartis Slovakia s.r.o. Tel: +421 2 5542 5439

  
  

  Italia

  Novartis Farma S.p.A. Tel: +39 02 96 54 1

  Suomi/Finland

  Novartis Finland Oy

  Puh/Tel: +358 (0)10 6133 200

  Κύπρος

  Novartis Pharma Services Inc. Τηλ: +357 22 690 690

  Sverige

  Sandoz A/S

  Tel: +45 63 95 10 00

  
  

  Latvija

  SIA Novartis Baltics Tel: +371 67 887 070

  United Kingdom

  Novartis Pharmaceuticals UK Ltd. Tel: +44 1276 698370

  
  

  Dan il-fuljett kien rivedut l-aħħar f’

  
  

  Din il-mediċina kienet awtorizzata taħt “ċirkustanzi eċċezzjonali”.

  Dan ifisser li minħabba li l-marda hija rari kien impossibbli li tinkiseb informazzjoni kompluta dwar din il-mediċina.

  L-Aġenzija Ewropea għall-Mediċini ser tirrevedi kull tip ta’ informazzjoni ġdida dwar din il-mediċina

  kull sena u dan il-fuljett ser jiġi aġġornat kif meħtieġ.

  
  

  Hemm ukoll links għal siti elettroniċi oħra dwar mard rari u kura.

  It-tagħrif li jmiss qed jingħata biss għall-professjonisti tal-kura tas-saħħa biss:

  
  

  ISTRUZZJONIJIET TA' KIF JINĦAŻEN U JINTREMA ATRIANCE

  
  

  Kif taħżen is-soluzzjoni għall-infużjoni ta' Atriance

  
  

  Dan il-prodott mediċinali m'għandux bżonn xi kundizzjonijiet speċjali għall-ħażna. Atriance huwa stabbli sa 8 sigħat f'temperatura ta' 30°Ċ la darba l-kunjett tkun infetħet. Istruzzjonijiet għall-immaniġġjar u r-rimi ta' Atriance

  Għandhom jiġu adottati il-proċeduri normali għall-immaniġġjar u r-rimi ta' prodotti mediċinali kontra t-tumur, fosthom:

• L-impjegati għandhom jiġu mħarrġa kif jimmaniġġjaw u jittrasferixxu il-prodott mediċinali.

• Nisa tqal m'għandhomx jitħallew jaħdmu b'dan il-prodott mediċinali.

• Impjegati li jimmaniġġjaw dan il-prodott mediċinali waqt immaniġġjar/tehid minn post għall- ieħor għandhom jilbsu ilbies prottettiv li jinkludi maskri, nuċċali biex jipproteġi l-għajnejn u

  ngwanti.

• Kull oġġett li jintuża fit-tehid jew fit-tindif, inklużi ngwanti għandhom jitpoġġew f'basktijiet għar-rimi ta' skart ta' riskju għoli biex jinħarqu b'temperatura għolja. Kwalunkwe skart likwidu

  mill-preparazzjoni tas-soluzzjoni għall-infużjoni ta’ nelarabine għandu jitlaħlaħ b'ħafna ilma.

• Kuntatt aċċidentali mal-ġilda jew l-għajnejn għandu jiġi ttrattat mill-ewwel b'ħafna ilma.