Telmisartan Teva Pharma
telmisartan
Telmisartan Teva Pharma 20 mg pilloli Telmisartan
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anke jekk għandhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett.
X’inhu Telmisartan Teva Pharma u għalxiex jintuża
X’għandek tkun taf qabel ma tieħu Telmisartan Teva Pharma
3. Kif għandek tieħu Telmisartan Teva Pharma
Effetti sekondarji possibbli
Kif taħżen Telmisartan Teva Pharma
Kontenut tal-pakkett u informazzjoni oħra
Telmisartan Teva Pharma jappartjeni għal klassi ta’ mediċini magħrufa bħala antagonisti tar-riċetturi ta’ angiotensin II. Angiotensin-II hija sustanza li tinsab fil-ġisem li tikkawża l-vini u l-arterji tad- demm biex jiddjiequ, u b’hekk l-pressjoni tad-demm tiegħek togħla. Telmisartan Teva Pharma jimblokka dan l-effett ta’ angiotensin II, sabiex il-vażi tad-demm tiegħek jistrieħu, u l-pressjoni tad- demm tiegħek titbaxxa.
Telmisartan Teva Pharma jintuża għall-kura ta’ pressjoni tad-demm għolja (ipertensjoni essenzjali) f’pazjenti adulti. ‘Essenzjali’ tfisser li l-pressjoni tad-demm mhix ikkawżata minn xi kundizzjoni oħra.
Il-pressjoni tad-demm għolja, jekk ma tkunx ikkurata, tista’ tagħmel il-ħsara lil diversi organi, li tista’ twassal għal attakki tal-qalb, insuffiċjenza tal-qalb jew tal-kliewi, attakki ta’ puplesija jew li tagħma. Ġeneralment ma jkunx hemm sintomi ta’ pressjoni tad-demm għolja qabel ma ssir il-ħsara. Għalhekk, hu importanti li tkejjel il-pressjoni tad-demm u tivverifika hekk hiex fil-medda normali jew le.
Telmisartan Teva Pharma jintuża wkoll biex inaqqas avvenimenti kardjovaskulari (i.e. attakk tal-qalb jew puplesija) f’pazjenti adulti li huma f’riskju minħabba li għandhom provvista ta’ demm imnaqqsa jew imblukkata lejn il-qalb jew ir-riġlejn, jew li kellhom puplesija jew li għandhom dijabete ta’ riskju qawwi. It-tabib tiegħek jista’ jgħidlek jekk għandekx riskju qawwi għal dawn l-avvenimenti.
jekk inti allerġiku għal telmisartan jew għal xi sustanza oħra ta’ din il-mediċina (imniżżla fis- sezzjoni 6).
jekk inti ilek aktar minn 3 xhur tqila (huwa wkoll aħjar li tevita Telmisartan Teva Pharma fil-
bidu tat-tqala - ara s-sezzjoni tat-tqala)
jekk għandek problemi severi tal-fwied bħal kolestasi jew ostruzzjoni biljarja(problemi bit- tneħħija tal-bilja mill-fwied u l-bużżieqa tal-marrara) jew kull mard sever tal-fwied ieħor.
jekk għandek dijabete mellitus jew indeboliment tal-funzjoni tal-kliewi u qed tiġi kkurat b’Rasilez.
Jekk xi wieħed minn dawn t’hawn fuq japplika għalik, għarraf lit-tabib jew l-ispiżjar tiegħek qabel tieħu Telmisartan Teva Pharma.
Kellem lit-tabib tiegħek jekk qed tbati jew jekk qatt kellek il-kundizzjonijiet jew mard li ġej:
Mard tal-kliewi jew kellek trapjant tal-kliewi
Stenosi tal-arterja tal-kliewi (tidjieq tal-vażi tad-demm għal kilwa waħda jew ż-żewġ kliewi
Mard tal-fwied
Problemi fil-qalb
Livelli ta’ aldosterone ogħla (żamma tal-ilma u mluħa fil-ġisem flimkien ma’ żbilanċ ta’ minerali differenti tad-demm)
Pressjoni tad-demm baxxa (ipotensjoni), li x’aktarx isseħħ jekk inti diżidrat (telf ta’ ħafna ilma
mill-ġisem) jew għandek nuqqas ta’ mluħa minħabba terapija dijuretika (‘pilloli tal-ilma’), dieta magħmula minn ammont ta’ melħ baxx, dijarea jew remettar
Livelli għoljin ta’ potassju fid-demm
Dijabete
Kellem lit-tabib tiegħek qabel tieħu Telmisartan Teva Pharma:
jekk qed tieħu digoxin.
jekk qed tieħu xi wħud minn dawn il-mediċini użati sabiex jikkuraw il-pressjoni għolja:
inibitur ACE (pereżempju enalapril, lisinopril, ramipril), b’mod partikolari jekk għandek problemi tal-kliewi relatati mad-dijabete.
aliskiren.
It-tabib tiegħek jista’ jiċċekkja l-funzjoni tal-kliewi, tal-pressjoni tad-demm, u l-ammont ta’ elettrolitiċi (eż. potassium) fid-demm tiegħek f’intervalli regolari.
Ara wkoll l-informazzjoni taħt l-intestatura “Tiħux Temlisartan Teva Pharma”.
Għandek tgħid lit-tabib tiegħek jekk taħseb li inti (jewjekktista’toħroġ) tqila. Telmisartan Teva Pharma mhux rakkomandat matul l-ewwel stadji tat-tqala u m’għandux jittieħed jekk inti aktar minn 3 xhur tqila, peress li jista’ jikkawża ħsara serja lit-tarbija tiegħek jekk jintuża f’dak l-istadju (ara
s-sezzjoni tat-tqala).
F’każ ta’xi intervent kirurġiku jew anestesija, inti għandek tgħarraf lit-tabib tiegħek jekk qed tieħu
Telmisartan Teva Pharma.
Telmisartan Teva Pharma jista’ jkun inqas effettiv biex inaqqas il-pressjoni tad-demm f’pazjenti suwed.
L-użu ta’ Telmisartan Teva Pharma fi tfal u adoloxxenti li għadhom m’għalqux 18-il sena mhux rakkomandat.
Għid lit-tabib jew lill-ispiżjar tiegħek jekk qiegħed tieħu, ħadt dan l-aħħar jew tista’ tieħu xi mediċina oħra.
It-tabib tiegħek għandu mnejn ikun irid jibdel id-doża ta’ dawn il-mediċini l-oħra jew jieħu prekawzjonijiet oħra. F’xi każijiet għandu mnejn ikollok tieqaf tieħu xi wieħed minn dawn il-mediċini. Dan japplika speċjalment għall-mediċini elenkati hawn isfel li jittieħedu fl-istess ħin ta’ Telmisartan Teva Pharma .
Mediċini li fihom il-litju sabiex jittrattaw xi tipi ta’ dipressjoni.
Mediċini li jistgħu jżidu l-livelli ta’ potassju fid-demm bħal sostituti għall-melħ li fihom
il-potassju, dijuretiċi li jirristrinġu t-tnixxija ta’ potassju (ċertu ‘pilloli tal-ilma’), impedituri ta’ ACE, antagonisti riċettaturi ta’ aniotensin II, NSAIDS (mediċini ta’ kontra l-infjammazzjoni
mhux sterojdi eż. aspirina jew ibuprofen), eparina, immunosoppressivi (eż. cyclosporin jew tacrolimus) u l-antibijotiku trimethoprim.
Dijuretiċi (‘pilloli tal-ilma’), speċjalment jekk jittieħdu f’dożi għoljin flimkien ma’ Telmisartan Teva Pharma, jistgħu jwasslu għal telf eċċessiv ta’ ilma u pressjoni tad-demm baxxa (ipotensjoni).
Rasilez, li hija mediċina biex tikkura l-pressjoni għolja tad-demm.
Digoxin.
effetti ta’ Telmisartan Teva Pharma jistgħu jitnaqqsu meta tieħu NSAIDs (mediċini ta’ kontra l- infjammazzjoni mhux sterojdi) eż. aspirina jew ibuprofen) jew kortikosterojdi.
Telmisartan Teva Pharma għandu mnejn iżid l-effett ti jbaxxi l-pressjoni tad-demm li mediċini oħra għandhom meta jintużaw kontra l-pressjoni għolja.
Jekk tbati minn kundizzjoni li tissejjaħ “ipotensjoni ortostatika” (fejn tinżillek bi ftit il-pressjoni
tad-demm malli tqum bilwieqfa jew minn bilqegħda jew tkun qed timtedd u li tirriżulta f’ħass ħażin jew sturdament) il-kundizzjoni tiegħek tista’ taqleb għall-agħar jekk tieħu Telmisartan Teva Pharma flimkien ma’:
Mediċini oħra li jintużaw għal pressjoni għolja
Baclofen (rilassant tal-muskoli)
Amifostine (mediċina protettiva li tingħata waqt ir-radjuterapija għal pazjenti bil-kanċer)
Alkoħol
Barbiturati (pilloli tal-irqad qawwija)
Narkotiċi (pilloli qawwija kontra l-uġigħ)
Pilloli kontra d-dipressjoni
Għandek tgħid lit-tabib tiegħek jekk taħseb li inti (jew jekk tista’ toħroġ) tqila. Normalment, it-tabib
tiegħek ser jagħtik parir biex twaqqaf Telmisartan Teva Pharma, qabel ma tinqabad tqila jew hekk kif tkun taf li inti tqila u jaghtik parir biex tiehu medicina ohra minnflok Telmisartan Teva Pharma. Telmisartan Teva Pharma mhuwiex rakkomandat matul l-ewwel stadji tat-tqala, u m’ghandux jinghata wara 3 xhur ta’ tqala ghax jista jikkawza hsara serja lit-tarbija jekk jintuza wara t-tielet xahar ta tqala.
Għarraf lit-tabib tiegħek jekk qed tredda’ jew biħsiebek tibda tredda’. Telmisartan Teva Pharma mhux
rakkomandat għal nisa li qed ireddgħu u t-tabib tiegħek għandu mnejn juża trattament ieħor jekk tkun tixtieq tredda’, speċjalment jekk it-tarbija tiegħek għadha kif titwieled, jew twieldet qabel iż-żmien.
Xi persuni jistgħu jħossuhom sturduti jew għajjenin meta jieħdu Telmisartan Teva Pharma. Jekk
tħossok sturdut jew għajjien, m’għandekx issuq jew tħaddem l-inġenji.
Din il-mediċina fiha 21.4 mg sorbitol f’kull pillola.
Din il-mediċina fiha anqas minn 1 mmol sodium (23 mg) f’kull pillola, jiġifieri essenzjalment ‘ħieles
mis-sodium’.
Dejjem għandek tieħu din il-mediċina skont il-parir eżatt tat-tabib tiegħek. Iċċekkja mat-tabib jew
mal-ispiżjar tiegħek jekk ikollok xi dubju.
Id-doża rakkomandata ta’ Telmisartan Teva Pharma hi ta’ pillola waħda darba kuljum. Għandek tipprova tieħu l-pillola fl-istess ħin kuljum. Tista’ tieħu Telmisartan Teva Pharma mal-ikel jew mingħajru. Il-pilloli jistgħu jinbelgħu bi ftit ilma jew b’xarba mhux alkoħolika oħra. Huwa importanti li tieħu Telmisartan Teva Pharma kuljum sakemm it-tabib tiegħek jgħidlek mod ieħor. Jekk tħoss li l- effett ta’ Telmisartan Teva Pharma hu qawwi jew dgħajjef wisq, kellem lit-tabib jew lill-ispiżjar tiegħek.
Għal kura ta’ pressjoni tad-demm għolja, id-doża normali ta’ Telmisartan Teva Pharma għall- maġġoranza tal-pazjenti hi ta’ pillola waħda ta’ 40 mg pillola darba kuljum biex tikkontrolla l- pressjoni tad-demm għal perjodu ta’ 24 siegħa. It-tabib tiegħek rrakomanda doża aktar baxxa ta’ 20 mg kuljum. Inkella, Telmisartan Teva Pharma jista’ jintuża flimkien ma’ dijuretiċi (“pilloli tal-ilma”), bħal hydrochlorothiazide li ntwera li għandhom effett addizzjonali li jnaqqsu l-pressjoni tad-demm b’Telmisartan Teva Pharma.
Għal tnaqqis ta’ avvenimenti kardjovaskulari, id-doża tas-soltu ta’ Telmisartan Teva Pharma hi ta’ pillola waħda ta’ 80 mg darba kuljum. Fil-bidu tat-terapija preventiva b’Telmisartan Teva Pharma 80mg, il-pressjoni tad-demm għandha tiġi mmonitorjata ta’ spiss.
Jekk il-fwied mhux jaħdem sew, id-doża normali m’għandhiex taqbeż 40 mg darba kuljum.
Jekk aċċidentalment tieħu pilloli żejda, ikkuntattja lit-tabib, spiżjar jew l-eqreb dipartiment
tal-emerġenza tal-isptar minnufih.
Jekk tinsa tieħu d-doża tiegħek, tinkwetax. Ħudha malli tiftakar imbagħad kompli bħas-soltu. Jekk ma tiħux il-pillola f’jum wieħed, ħu d-doża normali tiegħek fil-jum ta’ wara. M’għandekx tieħu doża
doppja biex tpatti għal kull doża li tkun insejt tieħu.
Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux
f’kulħadd.
Għandek tkellek lit-tabib tiegħek minnufih jekk ikollok xi wieħed mis-sintomi li ġejjin:
Sepsis* (ta’ spiss imsejħa "avvelenament tad-demm", hi infezzjoni severa b’rispons infjammatorju mal-ġisem kollu), nefħa mgħaġġla tal-ġilda u tal-mukuża (anġjoedema); dawn l-effetti sekondarji huma rari (jistgħu jaffettwaw sa persuna 1 minn kull 1,000) imma huma mill-aktar serji u l-pazjenti għandhom jieqfu jieħdu l-mediċina u jaraw lit-tabib tagħhom minnufih. Jekk dawn l-effetti ma jkunux ittrattati jistgħu jkunu fatali.
Effettisekondarjikomuni (jistgħu jaffettwaw sa persuna 1 minn kull 10):
Pressjoni tad-demm baxxa (ipotensjoni) f’utenti kkurati għal tnaqqis tal-episodji kardjovaskulari.
Effettisekondarjimhuxkomuni (jistgħu jaffettwaw sa persuna 1 minn kull 10):
Infezzjonijiet fl-apparat urinarju, infezzjonijiet fil-parti ta’ fuq tal-apparat respiratorju (eż. uġigħ fil-griżmejn, sinuses infjammati, riħ komuni), infezzjoni fl-apparat urinarju, tnaqqis fin-numru ta’ ċelluli ħomor tad-demm (anemija), livelli għolja ta’ potassium, diffikultà biex torqod, tħossok
imdejjaq/imdejqa (dipressjoni), ħass ħażin (sinkope), diffikultà biex torqod, sensazzjoni li kollox qed idur bik (sturdament), taħbit tal-qalb bil-mod (bradikardija), pressjoni tad-demm baxxa (ipotensjoni) f’persuni kkurati għal pressjoni tad-demm għolja, sturdament meta wieħed iqum bilwieqfa (ipotensjoni ortostatika), qtugħ ta’ nifs, sogħla, uġigħ ta’ żaqq, dijarea, skonfort fiż-żaqq, nefħa fiż-żaqq, rimettar, ħakk, żieda fl-għaraq, ħakk, raxx minħabba l-mediċina, uġigħ fid-dahar, bugħawwieġ fil-muskoli, uġigħ fil-muskoli (majalġja), uġigħ fid-dahar, bugħawwieġ fil-muskoli, indeboliment fil-kliewi li jinkludi insuffiċjenza akuta tal-kliewi, uġigħ fis-sider, sensazzjoni ta’ dgħufija, u żieda fil-livell ta’ kreatinina fid-demm.
Effettisekondarjirari (jistgħu jaffettwaw sa persuna 1 minn kull 1,000):
Sepsis* (ta’ spiss imsejħa "avvelenament tad-demm", hi infezzjoni severa b’rispons infjammatorju mal-ġisem kollu li tista’ twassal għal mewt), żieda f’ċerti ċelluli bojod tad-demm (eosinofilija), gGħadd baxx ta’ plejtlits (tromboċitopenja), reazzjoni allerġika severa (reazzjoni anafilattika), reazzjoni allerġika (eż. raxx, ħakk, diffikultà biex tieħu n-nifs, tħarħir, nefħa tal-wiċċ jew pressjoni tad-demm baxxa), livelli baxxi ta’ zokkor fid-demm (f’pazjenti dijabetiċi, tħossok ansjuż/a, ngħas,
indeboliment fil-vista, rata mgħaġġla ta’ taħbit tal-qalb (takikardija), ħalq xott, stonku mqalleb, disturb
fit-togħma (tibdil fis-sens tat-togħma), funzjoni anormali tal-fwied (hemm aktar ċans li pazjenti Ġappuniżi jkollhom dawn l-effetti sekondarji), nefħa mgħaġġla tal-ġilda u tal-mukuża (anġjoedema), ekżema (disturb tal-ġilda), ħmura tal-ġilda, urtikarja (ħorriqija), raxx sever minħabba l-mediċina, ħmura tal-ġilda, nefħa b’mod mgħaġġel tal-ġilda u tal-mukuża (anġjodema), ekżema (disturb fil- ġilda), uġigħ fil-gogi (artralġja), uġigħ fl-estremitajiet, uġigħ fit-tendini, mard li jixbah l-influwenza, tnaqqis fl-emoglobina (proteina fid-demm), żieda fil-livelli tal-uric acid, żieda fl-enzimi epatiċi jew ta’ creatine phosphokinase fid-demm.
Effettisekondarjirariħafna (jistgħu jaffettwaw sa persuna 1 minn kull 10,000): Ċikatriċi progressivi ta’ tessut tal-pulmun (mard interstizjali tal-pulmun)**
*Il-każijiet setgħu ġraw b’mod fortuwitu jew jista’ hemm xi mekkaniżmu li attwalment għadu mhux magħruf.
**Każijiet ta’ ċikatriċi progressivi tat-tessut tal-pulmun ġew irrappurtati waqt it-teħid ta’ telmisartan. Madankollu, mhux magħruf jekk telmisartan kienx il-kawża.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett.
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett
sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali mniżżla f’Appendiċi V.Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq il-kartuna u l-folja wara “EXP”. Id- data ta’ meta tiskadi tirreferi għall-aħħar ġurnata ta’ dak ix-xahar.
Dan il-prodott mediċinali m’għandux bżonn ħażna speċjali
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi telmisartan. Kull pillola ta’ Telmisartan Teva Pharma fiha 20 mg telmisartan.
Is-sustanzi l-oħra huma microcrystalline cellulose (Avicel PH 102), sodium starch glycolate (Type A), poloxamers, meglumine, povidone (PVP K-30), sorbitol (E420) u magnesium stearate
Il-pilloli ta’ Telmisartan Teva Pharma 20 mg huma bojod għal ofwajt, f’għamla ovali; naħa minnhom hi intaljata bil-kodiċi, “93”. In-naħa l-oħra tal-pillola hi intaljata il-kodiċi, “7458”.
Telmisartan Teva Pharma jiġi f’folji perforati ta’ doża waħda li jistgħu jitqaxxru magħmulin minn aluminju-aluminju u folji perforati ta’ doża waħda magħmulin minn aluminju-aluminju ta’ 14x1, 28x1, 30x1, 40x1, 56x1, 60x1, 84x1, 90x1, 98x1, 100x1 pillola għal kull tip ta’ preżentazzjoni ta’ folja, għalkemm jista’ jkun li mhux il-pakketti tad-daqsijiet kollha jkunu għall-skop kummerċjali.
Jekk jogħġbok innota li l-istruzzjonijiet dwar kif tneħħi l-pillola mill-istrixxa bil-folji qegħdin fuq il- kaxxa tal-kartun ta’ barra tal-folji li jistgħu jitqaxxru.
Telmisartan Teva Pharma jiġi wkoll f’pakketti b'folji tal-aluminju-aluminju bi 28 u 30 pillola.
Id-Detentur tal-Awtorizzazzjoni għat-Tqegħid fiq-Suq hu:
Teva B.V. Swensweg 5 2031GA Haarlem L-Olanda
Il-Manifattur hu:
TEVA Pharmaceutical Works Private Limited Company
H-4042 Debrecen, Pallagi út 13,
L-Ungerija
Jew:
Pharmachemie B.V. Swensweg 5,
2031 GA, Haarlem,
L-Olanda
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur
tal-Awtorizzazzjoni għat-Tqegħid fis-Suq:
Teva Pharma Belgium N.V./S.A./AG
Tél/Tel: +32 38207373
UAB Teva Baltics
Tel: +370 52660203
Тева Фарма ЕАД Тел: +359 24899585
Teva Pharma Belgium N.V./S.A./AG
Belgique/Belgien Tél/Tel: +32 38207373
Teva Pharmaceuticals CR, s.r.o.
Tel: +420 251007111
Teva Gyógyszergyár Zrt.
Tel: +36 12886400
Teva Denmark A/S
Tlf: +45 44985511
Teva Pharmaceuticals Ireland
L-Irlanda
Tel: +44 2075407117
TEVA GmbH
Tel: +49 73140208
Teva Nederland B.V.
Tel: +31 8000228400
UAB Teva Baltics Eesti filiaal
Tel: +372 6610801
Teva Norway AS Tlf: +47 66775590
Specifar A.B.E.E.
Τηλ: +30 2118805000
ratiopharm Arzneimittel Vertriebs-GmbH
Tel: +43 1970070
Teva Pharma, S.L.U. Tel: +34 913873280
Teva Pharmaceuticals Polska Sp. z o.o. Tel: +48 223459300
Teva Santé
Tél: +33 155917800
Teva Pharma - Produtos Farmacêuticos, Lda.
Tel: +351 214767550
Pliva Hrvatska d.o.o. Tel: +385 13720000
Teva Pharmaceuticals S.R.L. Tel: +40 212306524
Teva Pharmaceuticals Ireland
Tel: +44 2075407117
Pliva Ljubljana d.o.o.
Tel: +386 15890390
Teva Pharma Iceland ehf. Sími: +354 5503300
TEVA Pharmaceuticals Slovakia s.r.o.
Tel: +421 257267911
Teva Italia S.r.l.
Tel: +39 028917981
Teva Finland Oy
Puh/Tel: +358 201805900
Specifar A.B.E.E.
Ελλάδα
Τηλ: +30 2118805000
Teva Sweden AB
Tel: +46 42121100
UAB Teva Baltics filiāle Latvijā
Tel: +371 67323666
Teva Pharmaceuticals Ireland
Ireland
Tel: +44 2075407117