Effentora
fentanyl
Fentanyl
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett
sekondarju possibbli li mhuwiex elenkat f’dan il-fuljett. Ara sezzjoni 4.
X’inhu Effentora u għalxiex jintuża
X’għandek tkun taf qabel ma tuża Effentora
Kif għandek tuża Effentora
Effetti sekondarji possibbli
Kif taħżen Effentora
Kontenut tal-pakkett u informazzjoni oħra
Is-sustanza attiva f’Effentora hi fentanyl citrate. Effentora huwa mediċina li ttaffi l-uġigħ magħrufa bħala opioid, li tintuża għall-kura ta’ uġugħ li jinħass f’pazjenti adulti bil-kanċer li diġà qed jieħdu mediċini opioid ta’ l-uġigħ għall-uġigħ persistenti (l-ħin kollu) tal-kanċer.
Uġigħ li jinħass huwa uġigħ ieħor li jiġi f’daqqa, li jseħħ minkejja li inti tkun ħadt il-mediċini opioid li
jtaffu l-uġigħ tas-soltu tiegħek.
Jekk m’intix qed tuża b’mod regolari mediċina opoid (eż codeine, fentanyl, hydromorphone, morphine, oxycodone, pethidine) preskritta kuljum fuq skeda regolari, għal ta’ l-inqas ġimgħa, għall-kontroll tal-uġigħ persistenti tiegħek. Jekk ma kontx qed tuża dawn il-mediċini, m’għandekx tuża Effentora, minħabba li dan jista’ jżid ir-riskju li n-nifs jista’ jsir bil-mod u/jew baxx b’mod perikoluż, jew anki jieqaf.
Jekk inti allerġiku għal fentanyl jew għal xi sustanza oħra ta’ din il-mediċina (elenkati fis- sezzjoni 6).
Jekk issofri minn problemi severi biex tieħu n-nifs jew kundizzjonijiet severi ta’ ostruzzjoni tal- pulmun.
Jekk issofri minn uġigħ li jdum għal tul ta’ żmien qasir minbarra uġigħ li jinħass, bħal uġigħ ikkawżat minn korriment jew kirurġija, uġigħ ta’ ras jew emigranja
Jekk qed tieħu mediċina li fiha sodium oxybate.
Kompli uża l-mediċina opioid għall-uġigħ li tieħu għall-uġigħ persistenti (l-ħin kollu) tal-kanċer waqt il-kura tiegħek b’Effentora.
Waqt li qed tiġi kkurat/a b’Effentora, tużax kura oħra ta’ fentanyl li kienet preskritta lilek qabel għall- kura ta’ uġigħ li jinħass. Jekk għad baqalek xi kura oħra ta’ fentanyl id-dar, kellem lill-ispiżjar tiegħek biex tara’ kif tista’ tiġi mormija.
Użu ripetut tal-prodott jista’ jwassal għal li l-mediċina tkun inqas effettiva (tidraha) jew issir
dipendenti fuqha.
Kellem lit-tabib jew lill-ispiżjar tiegħek QABEL tuża Effentora jekk:
Il-mediċina opioid ta’ l-uġigħ l-oħra tiegħek li qed tittieħed għall-uġigħ persistenti (l-ħin kollu)
tal-kanċer tiegħek għad ma ġietx stabbilizzata.
Qed issofri minn xi kundizzjoni li għandha effet fuq in-nifs tiegħek (bħal ażżma, tħarħir , jew qtugħ ta’ nifs).
Għandek korriment fir-ras.
Għandek rata li tħabbat il-qalb baxxa ħafna jew problemi oħra tal-qalb.
Għandek problemi tal-fiwed jew tal-kliewi, minħabba li dawn l-organi għandhom effett fuq il-mod kif is-sistema tiegħek tkisser il-mediċina.
Għandek ammont baxx ta’ fluwidu fiċ-ċirkulazzjoni jew pressjoni tad-demm baxxa.
Għandek aktar minn 65 sena – jista’ jkollok bżonn doża aktar baxxa u kull żieda fid-doża għandha tiġi analizzata b’attenzjoni kbira mit-tabib tiegħek.
Għandek problemi b’qalbek speċjalment rata tal-qalb bil-mod ħafna.
Tuża benzodiazepines (ara sezzjoni 2 taħt “Mediċini oħra u Effentora”). L-użu ta’ benzodiazepines jista’ jżid il-possibbiltà li jkollok effetti sekondarji serji inkluż mewt
Tuża antidipressanti jew antipsikotiċi (inibituri selettivi tat-teħid mill-ġdid ta’ serotonin [SSRIs - selective serotonin reuptake inhibitors], inibituri tat-teħid mill-ġdid ta’ serotonin norepinephrine [SNRIs - serotonin norepinephrine reuptake inhibitors], inibituri ta’ monoamine oxidase (MAO); ara sezzjoni 2 taħt “Tużax Effentora” u “Mediċini oħra u Effentora”. L-użu ta’ dawn il-mediċini flimkien ma’ Effentora jista’ jwassal għal sindrome ta’ serotonin, kondizzjoni b’potenzjal ta’ periklu għall-ħajja (ara sezzjoni 2 taħt “Mediċini oħra u Effentora”.
Xi darba żviluppajt insuffiċjenza adrenali, kondizzjoni li fiha l-glandoli adrenali ma jipproduċux biżżejjed ormoni jew nuqqas ta’ ormoni tas-sess (defiċjenza ta’ androġen) bl-użu ta’ opjojdi (ara sezzjoni 4 taħt “Effetti sekondarji serji”).
Ġieli abbużajt minn jew kellek dipendenza fuq l-opioids jew kwalunkwe mediċina, alkoħol jew drogi illegali oħra.
Tixrob l-alkoħol; jekk jogħġbok irreferi għas-sezzjoni ‘Effentora ma’ ikel, xorb u alkoħol’.
It-tabib tiegħek jista’ jkollu bżonn jiċċekkjak aktar mill-qrib jekk:
Inti jew xi ħadd fil-familja tiegħek qatt abbużajtu jew kontu dipendenti fuq l-alkoħol, mediċini li jingħataw b’riċetta jew drogi illegali (“vizzju”).
Inti tpejjep.
Qatt kellek problemi bil-burdata tiegħek (depressjoni, ansjetà jew disturb fil-personalità) jew jekk qatt ġejt ittrattat minn psikjatra għal mard mentali ieħor.
Ikkonsulta lit-tabib tiegħek WAQT li tkun qed tuża Effentora jekk:
Ikollok uġigħ jew żieda fis-sensittività għall-uġigħ (iperalġeżija) li ma tirrispondix għal dożaġġ ogħla tal-mediċina tiegħek kif mogħtija b’riċetta mit-tabib tiegħek.
Ikollok taħlita tas-sintomi li ġejjin: dardir, rimettar, anoressija, għeja, dgħufija, sturdament u pressjoni tad-demm baxxa. Flimkien, dawn is-sintomi jistgħu jkunu sinjal ta’ kondizzjoni potenzjalment ta’ periklu għall-ħajja msejħa insuffiċjenza adrenali, kondizzjoni li fiha l-glandoli adrenali ma jipproduċux biżżejjed ormoni.
Disturbi fit-teħid tan-nifs relatati mal-irqad: Effentora jista’ jikkawża disturbi fit-teħid tan-nifs relatati mal-irqad bħal apnea tal-irqad (pawżi fit-teħid tan-nifs waqt l-irqad) u ipossemija relatata mal-irqad (livell baxx ta’ ossiġnu fid-demm). Is-sintomi jistgħu jinkludu pawżi fit-teħid tan-nifs waqt l-irqad, qawmien bil-lejl minħabba qtugħ ta’ nifs, diffikultajiet biex tibqa’ rieqed jew ħedla
eċċessiva matul il-ġurnata. Jekk inti jew persuna oħra tosservaw dawn is-sintomi, ikkuntattja lit-
tabib tiegħek. It-tabib tiegħek jista’ jikkunsidra tnaqqis fid-doża.
L-użu ripetut ta’ Effentora jista’ jwassal għal dipendenza u abbuż li jistgħu jirriżultaw f’ doża eċċessiva ta’ periklu għall-ħajja. Jekk inti mħasseb li tista’ ssir dipendenti fuq Effentora, huwa importanti li tikkonsulta lit-tabib tiegħek.
Fittex parir mediku URĠENTI jekk:
Ikollok sintomi bħal diffikultà biex tieħu n-nifs jew sturdament, nefħa tal-ilsien, tax-xofftejn jew tal-gerżuma waqt li tkun qed tuża Effentora. Dawn jistgħu jkunu sintomi bikrija ta’ reazzjoni allerġika serja (anafilassi, sensittività eċċessiva; ara sezzjoni 4 taħt “Effetti sekondarji serji”)
Jekk taħseb li xi ħadd bi żball ħa Effentora, jekk jogħġbok fittex għajnuna medika minnufih. Ipprova żomm il-persuna mqajma sakemm tasal l-għajnuna ta’ emerġenza.
Jekk xi ħadd bi żball jieħu Effentora, jista’ jkollu l-istess effetti mhux mixtieqa kif deskritt f’sezzjoni 3 “Jekk tuża Effentora aktar milli suppost”.
Tagħtix din il-mediċina lil tfal u adolexxenti ta’ età inqas minn 18-il sena.
Għid lit-tabib jew lill-ispiżjar tiegħek qabel tibda tieħu Effentora jekk qed tieħu, ħadt dan l-aħħar jew
tista’ tieħu xi waħda minn dawn il-mediċini li ġejjin:
L-użu ta’ Effentora flimkien ma’ mediċini sedattivi bħal benzodiazepines jew mediċini relatati jżid ir-riskju ta’ ngħas, diffikultajiet biex tieħu n-nifs (depressjoni respiratorja), koma u jista’ jkun ta’ periklu għall-ħajja. Minħabba dan, użu konkomitanti għandu jitqies biss meta għażliet ta’ trattament ieħor ma jkunux possibbli.
Madankollu, jekk it-tabib tiegħek jippreskrivi Effentora flimkien ma’ mediċini sedattivi, id-doża u
t-tul tat-trattament konkomitanti għandhom ikunu limitati mit-tabib tiegħek.
Jekk jogħġbok għid lit-tabib tiegħek dwar il-mediċini sedattivi kollha li qed tieħu (bħal pilloli tal- irqad, mediċini biex jittrattaw l-ansjetà, xi mediċini biex jittrattaw reazzjonijiet allerġiċi (antistaminiċi), jew kalmanti) u segwi bir-reqqa r-rakkomandazzjoni tad-doża tat-tabib tiegħek. Jista’ jkun ta’ għajnuna li tgħarraf ħbieb jew qraba biex dawn ikunu konxji tas-sinjali u s-sintomi msemmija hawn fuq. Ikkuntattja lit-tabib tiegħek meta jkollok sintomi bħal dawn.
Xi rilassanti tal-muskoli bħal baclofen, diazepam (ara wkoll is-sezzjoni “Twissijiet u prekawzjonijiet”.
Kull mediċina li jista’ jkollha effett fuq il-mod kif ġismek ikisser Effentora, bħal ritonavir, nelfinavir, amprenavir, u fosamprenavir (mediċini li jgħinu fil-kontroll ta’ infezzjoni ta’ l-HIV) jew oħrajn imsejjħa inibituri ta’ CYP3A4 bħal ketoconazole, itraconazole, jew fluconazole (wżati għall-kura ta’ infezzjonijiet mill-moffa), troleandomycine, clarithromycine, jew erythromycine (mediċini għall-kura ta’ infezzjonijiet mill-batterji), aprepitant (użat għal tqalligħ sever) u diltiazem u verapamil (mediċini għall-kura ta’ pressjoni għolja jew mard tal-qalb).
Mediċini msejjħa inibituri ta’ monoamine-oxidase (MAO) (użati għal depressjoni severa) jew ħadt
dawn fl-aħħar ġimagħtejn.
Ċerti tipi ta’ mediċini kontra l-uġigħ li jissejħu agonisti/antagonisti parzjali, eż. buprenorphine, nalbuphine u pentazocine (mediċini għal kura tal-uġigħ). Jista’ jkollok sintomi tas-sindrome ta’ rtirar (dardir, rimettar, dijarea, ansjetà, tertir ta’ bard, rogħda, u għaraq) waqt li tkun qed tuża dawn il-mediċini.
Xi mediċini kontra l-uġigħ għall-uġigħ fin-nervituri (gabapentin u pregabalin).
Ir-riskju ta’ effetti sekondarji jiżdied jekk qiegħed tieħu mediċini bħal ċerti antidipressanti jew antipsikotiċi. Effentora jista’ jinteraġixxi ma’ dawn il-mediċini u jista’ jkollok bidliet fl-istat mentali (eż. aġitazzjoni, alluċinazzjonijiet, koma), u effetti oħra bħal temperatura tal-ġisem ogħla minn 38°C, żieda fir-rata tat-taħbita tal-qalb, pressjoni tad-demm instabbli, u esaġerazzjoni tar- riflessi, riġidità fil-muskoli, nuqqas ta’ koordinazzjoni u/jew sintomi gastrointestinali (eż. dardir, rimettar, dijarea). It-tabib tiegħek se jgħidlek jekk Effentora huwiex tajjeb għalik.
Għid lit-tabib jew lill-ispiżjar tiegħek jekk qiegħed tieħu, ħadt dan l-aħħar jew tista’ tieħu xi mediċina oħra.
Effentora jista’ jintuża qabel jew wara, iżda mhux waqt l-ikel. Tista’ tixrob xi ftit ilma qabel tuża Effentora biex tgħin ixxarrab ħalqak, iżda m’għandek tixrob jew tiekol xejn waqt li qed tieħu l- mediċina.
M’għandekx tixrob meraq tal-grejpfrut waqt li qed tuża Effentora minħabba li jista’ jkollu effett
fuq il-mod kif ġismek ikisser Effentora.
Tixrobx alkoħol waqt li qed tuża Effentora. Dan jista’ jżid ir-riskju li jkollok esperjenza ta’ effetti sekondarji serji inkluż mewt.
Jekk inti tqila jew qed tredda’, taħseb li tista tkun tqila jew qed tippjana li jkollok tarbija, itlob il-parir tat-tabib jew tal-ispiżjar tiegħek qabel tuża din il-mediċina.
Tqala
Effentora m’għandux jintuża waqt it-tqala sakemm ma ddiskutejtx dan mat-tabib tiegħek.
Jekk Effentora jintuża għal żmien twil waqt it-tqala, hemm ukoll riskju li t-tarbija tat-twelid ikollha sintomi ta’ rtirar tal-mediċina li jistgħu jkunu ta’ periklu għall-ħajja jekk ma jkunux identifikati u ttrattati minn tabib.
M’għandekx tuża Effentora waqt il-ħlas għax fentanyl tista’ jikkawża depressjoni respiratorja fit- tarbija tat-twelid.
Treddigħ
Fentanyl jista’ jgħaddi fil-ħalib tas-sider u jista’ jikkawża effetti mhux mixtieqa fit-tarbija li qed terda. Tużax Effentora jekk qed tredda’. M’għandekx tibda t-treddigħ sa mill-inqas 5 ijiem wara l-aħħar doża ta’ Effentora.
Għandek tiddiskuti mat-tabib tiegħek jekk huwiex sikur għalik biex issuq, jew tħaddem magni wara li tieħu Effentora. Issuqx u tħaddimx magni jekk int: qed tħossok bin-ngħas jew sturdut; għandek vista mċajpra jew doppja; jew għandek diffikultà biex tikkonċentra. Huwa mportanti li int tkun taf kif tirreaġixxi għal Effentora qabel issuq jew tħaddem magni.
Effentora 100 mikrogramma
Din il-mediċina fiha 10 mg sodium (il-komponent prinċipali tal-melħ tat-tisjir/li jintuża mal-ikel) f’kull pillola għall-ħalq. Dan huwa ekwivalenti għal 0.5% tal-ammont massimu rakkomandat ta’ sodium li għandu jittieħed kuljum mad-dieta minn adult.
Effentora 200 mikrogramma, Effentora 400 mikrogramma, Effentora 600 mikrogramma,
Effentora 800 mikrogramma
Din il-mediċina fiha 20 mg sodium (il-komponent prinċipali tal-melħ tat-tisjir/li jintuża mal-ikel) f’kull pillola għall-ħalq. Dan huwa ekwivalenti għal 1% tal-ammont massimu rakkomandat ta’ sodium li għandu jittieħed kuljum mad-dieta minn adult.
Dejjem għandek tuża din il-mediċina skont il-parir eżatt tat-tabib tiegħek. Dejjem għandek taċċerta ruħek mat-tabib jew mal-ispiżjar tiegħek jekk ikollok xi dubju.
Meta tibda tuża Effentora għall-ewwel darba, it-tabib tiegħek se jaħdem miegħek biex isib id-doża li ttaffilek l-uġigħ li jinħass. Huwa mportanti ħafna li inti tuża Effentora eżatt kif jgħidlek it-tabib. Id- doża tal-bidu hija 100 mikrogramma. Waqt li qed tiġi determinata d-doża xierqa tiegħek, it-tabib tiegħek jista’ jgħidlek biex tieħu aktar minn pillola waħda kull episodju. Jekk l-uġigħ li jinħass ma jittaffiex wara 30 minuta, uża biss pillola waħda oħra ta’ Effentora waqt il-perijodu ta’ titrazzjoni.
Ladarba id-doża xierqa tiġi determinata mat-tabib tiegħek, bħala regola ġenerali uża pillola waħda għall-episodju ta’ uġigħ li jinħass. Kif jitkompla l-kors ta’ kura, l-ħtieġa tiegħek ta’ terapija għall- uġigħ tista’ tinbidel. Għandu mnejn ikunu meħtieġa dożi ogħla. Jekk l-uġigħ li jinħass tiegħek ma jittaffiex wara 30 minuta, uża biss pillola waħda oħra ta’ Effentora waqt dan il-perijodu ta’ aġġustament mill-ġdid tad-doża.
Kellem lit-tabib tiegħek jekk id-doża xierqa tiegħek ta’ Effentora ma ttaffix l-uġigħ li jinħass tiegħek.
It-tabib tiegħek jiddeċiedi jekk hemmx bżonn li d-doża tiegħek tinbidel.
Stenna ta’ l-inqas 4 sigħat qabel tikkura episodju ieħor ta’ uġigħ li jinħass b’Effentora.
Għandek tgħid lit-tabib tiegħek minnufiħ jekk qed tuża Effentora aktar minn erba’ darbiet kuljum, peress li tista’ tkun meħtieġa bidla fil-kors tat-trattament tiegħek. It-tabib tiegħek jista’ jbiddel it- trattament tal-uġigħ persistenti tiegħek; meta l-uġigħ persistenti tiegħek huwa kkontrollat, it-tabib tiegħek jista’ jkollu bżonn ibiddel id-doża ta’ Effentora. Jekk it-tabib tiegħek jissuspetta żieda fis- sensittività għall-uġigħ relatata ma’ Effentora (iperalġeżja), jista’ jiġi kkunsidrat tnaqqis fid-doża tiegħek ta’ Effentora (ara sezzjoni 2 taħt “Twissijiet u prekawzjonijiet”). Għall-aktar serħan effettiv, għid lit-tabib tiegħek dwar l-uġigħ tiegħek u kif Effentora qed jaħdem għalik, biex id-doża tkun tista’ tinbidel jekk hemm bżonn.
Tbiddilx id-dożi ta’ Effentora jew tal-mediċini ta’ l-uġigħ l-oħra waħdek. Kull bidla fid-doża għandha tiġi preskritta u sorveljata mit-tabib tiegħek.
Jekk m’intix ċert dwar id-doża t-tajba, jew jekk għandek xi mistoqsijiet dwar kif tieħu din il-mediċina, għandek tkellem lit-tabib tiegħek.
Metodu ta’ kif għandu jingħata
Effentora pilloli għall-ħalq huma għall-użu għall-mukuża tal-ħalq. Meta tpoġġi pillola f’ħalqek, din tinħall u l-mediċina tiġi assorbita minn ġol-kisja ta’ ħalqek, għal ġos-sistema tad-demm. Meta tieħu l- mediċina b’dan il-mod tippermetti li tiġi assorbita malajr biex ittaffi l-uġigħ li jinħass.
Iftaħ il-folja biss meta tkun lest biex tuża l-pillola. Il-pillola għandha tintuża minnufiħ ladarba titneħħa mill-folja.
Issepara waħa mill-unitajiet tal-folja minn mal-kartuna tal-folja billi ċċarrat il-perforazzjonijiet.
Ilwi l-unità tal-folja tul il-linja fejn indikat.
Qaxxar id-dahar tal-folja biex tesponi l-pillola. TIPPRUVAX tinbotta l-pillola minn ġol-folja, għax dan jista’ jagħmel ħsara lill-pillola.
Neħħi l-pillola minn ġol-unità tal-folja u minnufih poġġi l-pillola sħiħa ħdejn darsa bejn il-ħanek u l-ħadd (kif muri fl-istampa). Kultant, it-tabib tiegħek jista’ jgħidlek tpoġġi l-pillola taħt l-ilsien.
Tippruvax tgħaffeġ jew taqsam il-pillola.
Tigdimx, terdgħax, togħmodx, u tiblax il-pillola, għax dan iwassal għal inqas serħan mill-uġigħ minn meta tittieħed kif muri.
Il-pillola għandha titħalla bejn il-ħadd u l-ħanek sakemm tinħall, li normalment jieħu madwar 14
sa 25 minuta.
Tista’ tħoss sensazzjoni ta’ tbaqbieq ħafif bejn il-ħadd u l-ħanek tiegħek hekk kif il-pillola tkun
qed tinħall.
F’każ ta’ irritazzjoni tista’ tbiddel il-post tal-pillola fuq il-ħanek.
Wara 30 minuta, jekk jibqgħu fdalijiet tal-pillola, dawn jistgħu jinbelgħu ma’ tażża ilma.
L-aktar effetti mhux mixtieqa komuni huma tħossok bin-ngħas, ma tiflaħx jew sturdut. Jekk tibda’ tħossok sturdut ħafna, jew bin-ngħas ħafna qabel ma l-pillola tkun inħallet għal kollox, laħlaħ ħalqek bl-ilma u obżoq il-fdalijiet tal-pillola fis-sink jew fil-loki minnufiħ.
Effett mhux mixtieq serju ta’ Effentora huwa nifs bil-mod u/jew baxx. Dan jista’ jseħħ jekk id- doża tiegħek ta’ Effentora hija għolja wisq jew jekk int tieħu wisq Effentora. F’każijiet severi teħid żejjed ta’ Effentora jista’ jwassal ukoll għal koma. Jekk tħossok sturdut ħafna, bi ngħas ħafna jew jekk ikollok nifs bil-mod jew baxx, jekk jogħġbok fittex għajnuna medika minnufiħ.
Jekk l-uġigħ li jinħass għadu m’għaddiex, tista’ tieħu Effentora kif preskritt mit-tabib. Jekk l-uġigħ li jinħass għadda, tieħux Effentora qabel l-episodju li jmiss ta’ uġigħ li jinħass.
Għandek twaqqaf Effentora meta ma jkollokx aktar uġigħ li tħossu. Madankollu, inti trid tkompli tieħu l-mediċina opjojdi tas-soltu tiegħek li ttaffi l-uġigħ biex tikkura l-uġigħ persistenti tal-kanċer kif rakkomandat mit-tabib tiegħek. Jista’ jkollok sintomi tas-sindrome ta’ rtirar li jkunu simili għall-effetti sekondarji possibbli ta’ Effentora meta twaqqaf Effentora. Jekk ikollok sintomi ta’ rtirar jew jekk tkun inkwetat dwar is-solliev tal-uġigħ tiegħek, għandek tikkuntattja lit-tabib tiegħek. It-tabib tiegħek se jevalwak jekk ikollok bżonn ta’ mediċina biex tnaqqas jew telimina s-sintomi ta’ rtirar.
Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux
f’kulħadd. Jekk tara xi wieħed minn dawn, kellem lit-tabib tiegħek.
Effetti sekondarji serji
- Dardir, rimettar, anoressija, għeja, dgħufija, sturdament u pressjoni baxxa
Flimkien, dawn is-sintomi jistgħu jkunu sinjal ta’ kundizzjoni li tista’ tkun ta’ periklu għall-ħajja, li tissejjaħ insuffiċjenza adrenali; kundizzjoni li fiha l-glandoli adrenali ma jipproduċux ormoni biżżejjed.
Effetti sekondarji oħra
Sturdament, uġigħ ta’ ras
tħossok imdardar, rimettar
fil-post ta’ l-applikazzjoni tal-pillola: uġigħ, ulċera, irritazzjoni, fsada, tnemnim, telf ta’
sensazzjoni, ħmura, nefħa jew ponot
tħossok anzjuż jew konfuż, depressjoni, insomnja
togħma mhux normali, tnaqqis fil-piż
jaqbdek in-ngħas, sedazzjoni, għeja eċċessiva, debbulizza, emigranja, tnemnim, nefħa fid-dirgħajn jew fir-riġlejn, sindrome ta’ rtirar tal-mediċina (jistgħu jidhru bl-okkorrenza tal-effetti sekondarji li ġejjin: dardir, rimettar, dijarea, ansjetà, tertir ta’ bard, tregħid, u għaraq), rogħda, waqat, kesħa
stitikezza, infjammazzjoni tal-ħalq, ħalq xott, dijarea, ħruq ta’ stonku, telf ta’ aptit, uġigħ fl- istonku, skomdu fl-istonku, indiġestjoni, uġigħ fis-snien, infezzjoni mill-moffa fil-ħalq
ħakk, għaraq eċċessiv, raxx
qtugħ ta’ nifs, ġriżmejn juġgħu
tnaqqis ta’ ċelluli bojod fid-demm, tnaqqis ta’ ċelluli ħomor fid-demm, pressjoni tad-demm
imnaqqsa jew miżjuda, rata ta’ tħabbit tal-qalb mgħaġġla aktar mis-soltu
uġigħ fil-muskoli, uġigħ fid-dahar
għeja
griżmejn jaħarqutnaqqis fiċ-ċelluli li jgħinu d-demm jgħaqad
tħossok kuntent ħafna, nervuż, mhux normali, mferfex jew għajjien; tara jew tisma affarijiet li mhux vera hemm (alluċinazzjonijiet), inabilità biex torqod, koxxjenza mnaqqsa, bidla fl-istat mentali, dipendenza (dipendenza fuq il-mediċina, vizzju), diżorjentament, nuqqas ta’ konċentrazzjoni, telf tal-bilanċ, vertigo, problemi biex titkellem, żanżin fil-widna, skomdu fil- widna
vista disturbata jew imċajpra, għajn ħamra
rata tal-qalb baxxa aktar minn normal, tħossok sħun ħafna (fwawar ta’ sħana)
problemi severi biex tieħu n-nifs, diffikultà biex tieħu n-nifs waqt l-irqad
waħda jew aktar minn dawn il-problemi li ġejjin fil-ħalq: ulċera, telf ta’ sensazzjoni, skomdu, kulur mhux tas-soltu, disturbi fit-tessut l-artab, disturbi fl-ilsien, ilsien jgħuġa jew bl-infafet jew bl-ulċeri, uġigħ fil-ħanek, xufftejn maqsuma, disturbi fis-snien
infjammazzjoni fl-esofagu, paraliżi tal-musrana, disturb fil-marrara
għaraq kiesaħ, nefħa fil-wiċċ, ħakk ġeneralizzat, telf ta’ xagħar, kontrazzjonijiet mhux volontarji tal-muskoli, indebboliment muskolari, tħossok ma tiflaħx, skomdu fis-sider, għatx, kesħa, tħossok taħraq, diffikultà biex tgħaddi l-awrina
telqa
fwawar
disturbi fil-ħsieb, disturbi fil-movimenti
nfafet fil-ħalq, xufftejn xotti, akkumulazzjoni ta’ materja taħt il-ġilda fil-ħalq
nuqqas ta’ testosterone, sensazzjoni mhux normali fl-għajnejn, tara leħħa ta’ dawl, dwiefer fraġili
Reazzjonijiet allerġiċi bħal raxx, ħmura, xufftejn u wiċċ minfuħin, ħorriqija
Mhux magħruf: ma tistax tittieħed stima tal-frekwenza mid-data disponibbli
telf ta’ koxjenza, waqfien tan-nifs, konvulżjoni (aċċessjonijiet)
nuqqas ta’ ormoni sesswali (defiċjenza ta’ androġeni)
dipendenza fuq id-drogi (vizzju)
abbuż mid-droga
delirju (sintomi jistgħu jinkludu taħlita ta’ aġitazzjoni, nuqqas ta’ kwiet, diżorjentament, konfużjoni, biża’, tara jew tisma affarijiet li mhux vera hemm, disturb fl-irqad, ħmar il-lejl)
trattament fit-tul b’fentanyl waqt it-tqala jista’ jikkawża sintomi ta’ meta wieħed jieqaf jieħu l-
mediċina fit-tarbija tat-twelid, u dan jista’ jkun ta’ periklu għall-ħajja (ara sezzjoni 2)
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali imniżżla f’Appendiċi V. Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Tużax din il-mediċina wara d-data ta’ meta tiskadi li tidher fuq it-tikketta tal-pakkett tal-folja u fuq il-kartuna. Id-data ta’ meta tiskadi tirreferi għall-aħħar ġurnata ta’ dak ix-xahar.
Aħżen fil-pakkett oriġinali sabiex tilqa’ mill-umdita’.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal- ambjent.
Is-sustanza attiva hi fentanyl. Kull pillola fiha jew:
100 mikrogramma fentanyl (bħala citrate)
200 mikrogramma fentanyl (bħala citrate)
400 mikrogramma fentanyl (bħala citrate)
600 mikrogramma fentanyl (bħala citrate)
800 mikrogramma fentanyl (bħala citrate)
Is-sustanzi l-oħra huma mannitol, sodium starch glycolate tip A, sodium hydrogen carbonate, sodium
carbonate, citric acid, magnesium stearate.
Il-pilloli għall-ħalq huma pillola b’wiċċ ċatt, tondi u b’xifer imtajjar, immarati fuq naħa waħda b’“C” u fuq in-naħa l-oħra b’“1” għal Effentora 100 mikrogramma, b’“2” għal Effentora 200 mikrogramma, b’“4” għal Effentora 400 mikrogramma, b’“6” għal Effentora 600 mikrogramma, b’“8” għal Effentora 800 mikrogramma.
Kull folja fiha 4 pilloli għall-ħalq, fornuti f’kartun ta’ 4 jew 28 pillola għall-ħalq.
Jista’ jkun li mhux il-pakketti tad-daqsijiet kollha jkunu fis-suq.
TEVA B.V.
Swensweg 5
2031 GA Haarlem L-Olanda
Teva Pharmaceuticals Europe B.V. Swensweg 5
2031 GA HAARLEM
L-Olanda
Merckle GmbH
Ludwig-Merckle-Straße 3
89143 Blaubeuren Il-Ġermanja
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
Teva Pharma Belgium N.V./S.A./AG Tel/Tél: +32 3 820 73 73
UAB Teva Baltics Tel: +370 5 266 02 03
Тева Фарма ЕАД
Teл.: +359 2 489 95 85
Teva Pharma Belgium N.V./S.A./AG. Tél: +32 3 820 73 73
Česká republika
Teva Pharmaceuticals CR, s.r.o. Tel: +420 251 007 111
Teva Gyógyszergyár Zrt. Tel.: (+ 36) 1 288 6400
Teva Denmark A/S Tlf: +45 44 98 55 11
Teva Pharmaceuticals Ireland L-Irlanda
Tel: +44 (0) 207 540 7117
TEVA GmbH
Tel: +49 731 402 08
Teva Nederland B.V.
Tel: +31 (0) 800 0228 400
UAB Teva Baltics Eesti filiaal Tel: + 372 661 0801
Teva Norway AS Tlf: +47 66 77 55 90
Specifar Α.Β.Ε.Ε. Τηλ: +30 2118805000
ratiopharm Arzneimittel Vertriebs-GmbH Tel: +43 197007 0
Teva Pharma, S.L.U. Tel: + 34 91 387 32 80
Teva Pharmaceuticals Polska Sp. z o.o. Tel.: +48 22 345 93 00
Teva Santé
Tél: +33 1 55 91 78 00
Pliva Hrvatska d.o.o Tel: + 385 1 37 20 000
Teva Pharma - Produtos Farmacêuticos, Lda. Tel: +351 21 476 75 50
Teva Pharmaceuticals S.R.L. Tel: +4021 230 65 24
Teva Pharmaceuticals Ireland Tel: +44 (0) 207 540 7117
Pliva Ljubljana d.o.o. Tel: +386 1 58 90 390
Teva Pharma Iceland ehf. Sími: +354 5503300
TEVA Pharmaceuticals Slovakia s.r.o. Tel: +421257267911
Teva Italia S.r.l. Tel: +39 028917981
Teva Finland Oy
Puh/Tel: +358 20 180 5900
Specifar Α.Β.Ε.Ε. Τηλ: +30 2118805000
Teva Sweden AB
Tel: +46 (0)42 12 11 00
UAB Teva Baltics filiāle Latvijā
Tel: +371 67 323 666
Teva Pharmaceuticals Ireland Ireland
Tel: +44 (0) 207 540 7117