Benlysta
belimumab
belimumab
Dan il-prodott mediċinali huwa suġġett għal monitoraġġ addizzjonali. Dan ser jippermetti identifikazzjoni ta’ malajr ta’ informazzjoni ġdida dwar is-sigurtà. Inti tista’ tgħin billi tirrapporta kwalunkwe effett sekondarju li jista’ jkollok. Ara t-tmiem ta’ sezzjoni 4 biex tara kif għandek tirrapporta effetti sekondarji.
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il- ħsara anke jekk għandhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib tiegħek. Dan jinkludi xi effett sekondarju possibbli li m’huwiex elenkat f’dan il-fuljett. Ara sezzjoni 4.
X’inhu Benlysta u għalxiex jintuża
X’għandek tkun taf qabel ma tingħata Benlysta
Kif jintuża Benlysta
Effetti sekondarji possibbli
Kif taħżen Benlysta
Kontenut tal-pakkett u informazzjoni oħra
Istruzzjonijiet pass b’pass biex tuża l-pinna mimlija għal-lest
Lupus hija marda li fiha s-sistema immuni (is-sistema li tiġġieled l-infezzjonijiet) tattakka ċ-ċelluli u t-tessuti tiegħek stess, b’hekk tikkawża infjammazzjoni u ħsara fl-organi. Hija tista’ taffettwa kważi kull organu tal- ġisem, u huwa maħsub li tinvolvi tipi ta’ ċelluli tad-demm bojod imsejħa ċelluli B.
Benlysta fih belimumab (antikorp monoklonali). Huwa jnaqqas in-numru ta’ ċelluli B fid-demm tiegħek billi jimblokka l-azzjoni ta’ BLyS, proteina li tgħin iċ-ċelluli B jgħixu aktar fit-tul u tinstab f’livelli għoljin f’persuni li għandhom il-lupus.
Inti se tingħata Benlysta kif ukoll il-kura tiegħek tas-soltu għall-lupus.
jekk inti allerġiku għal belimumab jew għal xi sustanza oħra ta’ din il-mediċina (elenkati fis-sezzjoni 6).
Kellem lit-tabib tiegħek qabel tuża Benlysta:
jekk inti għandek infezzjoni attwali jew li ilha fuqek żmien twil jew jekk inti spiss jaqbduk infezzjonijiet. It-tabib tiegħek jiddeċiedi jekk inti tistax tingħata Benlysta
jekk inti qed tippjana li titlaqqam jew jekk tlaqqamt f’dawn l-aħħar 30 jum. Ċerti tipi ta’ tilqim m’għandhomx jingħataw eżatt qabel jew waqt kura b’Benlysta
jekk il-lupus tiegħek qed jaffettwalek is-sistema nervuża
jekk għandek, jew kellek, l-epatite B jew Ċ
jekk kellek trapjant ta’ organu, jew trapjant tal-mudullun tal-għadam jew taċ-ċelluli stem
jekk kellek kanċer.
Kien hemm rapporti ta’ depressjoni, ħsibijiet suwiċidali, u tentattivi ta’ suwiċidju waqt il-kura b’Benlysta.
Għid lit-tabib tiegħek jekk għandek storja ta’ dawn il-kondizzjonijiet. Jekk tesperjenza sintomi ġodda jew li jiggravaw fi kwalunkwe ħin:
Ikkuntattja lit-tabib tiegħek jew mur fi sptar minnufih.
Jekk tħossok dipress/a jew ikollok ħsibijiet li tweġġa’ lilek innifsek jew li tagħmel suwiċidju, jaf issibha ta’ għajnuna li tgħid lil qarib jew ħabib tal-qalb u itlobhom jaqraw dan il-fuljett. Tista’ titlobhom biex jgħidulek jekk ikunu inkwetati dwar tibdiliet fil-burdata jew fl-imġiba tiegħek.
In-nies li jkunu qed jieħdu mediċini li jaffettwaw is-sistema immuni tagħhom jistgħu jkunu f’riskju akbar li jkollhom l-infezzjonijiet, inkluż infezzjoni tal-moħħ rari iżda serja imsejħa Lewkoenċefalopatija multifokali progressiva (PML).
Aqra l-informazzjoni “Riskju miżjud ta’ infezzjoni fil-moħħ” f’sezzjoni 4 ta’ dan il-fuljett.
Sabiex tittejjeb it-traċċabilità ta’ din il-mediċina, inti u l-fornitur tal-kura tas-saħħa tiegħek għandkom tirreġistraw in-numru tal-lott ta’ Benlysta. Huwa rakkomandat li tieħu nota ta’ din l-informazzjoni f’każ li tintalab minnek fil-futur.
Tagħtix Benlysta bħala injezzjoni taħt il-ġilda lil tfal jew adolexxenti iżgħar minn 18-il sena.
B’mod partikulari, għid lit-tabib tiegħek jekk qed tiġi kkurat b’mediċini li jaffettwaw is-sistema immuni tiegħek, li jinkludu
kwalunkwe mediċina li taffettwa ċ-ċelluli B tiegħek (biex tikkura l-kanċer jew mard infjammatorju).
L-użu ta’ mediċini bħal dawn flimkien ma’ Benlysta jista’ jagħmel lis-sistema immuni tiegħek inqas effettiva. Dan jista’ jżid ir-riskju li jkollok infezzjoni serja.
Benlysta jista’ jkollu effetti sekondarji li jistgħu jagħmluk inqas kapaċi biex issuq jew tħaddem magni.
Din il-mediċina fiha anqas minn 1 mmol ta’ sodium (23 mg) f’kull doża, għalhekk huwa essenzjalment
“mingħajr sodium”.
Dejjem għandek tuża din il-mediċina skont il-parir eżatt tat-tabib jew l-ispiżjar tiegħek. Iċċekkja mat-tabib jew mal-ispiżjar tiegħek jekk ikollok xi dubju.
Benlysta għandu jiġi injettat taħt il-ġilda tiegħek fl-istess jum kull ġimgħa.
Eritematożus tal-lupus sistemiku (SLE)
Nefrite tal-lupus
doża ta’ 200 mg (il-kontenut kollu ta’ pinna waħda) darba fil-ġimgħa.
doża ta’ 400 mg (il-kontenut kollu ta’ żewġ pinen f’jum wieħed) darba fil-ġimgħa għal 4 ġimgħat.
Wara dan, id-doża rakkomandata hija ta’ 200 mg (il-kontenut kollu ta’ pinna waħda) darba fil- ġimgħa.
Ħu doża fil-jum il-ġdid (anke jekk tkun inqas minn ġimgħa mill-aħħar doża tiegħek). Kompli bl-iskeda fil- ġimgħa ġdida minn dak il-jum.
It-tabib jew l-infermier tiegħek se jurik jew lill-persuna li tieħu ħsiebek kif tinjetta Benlysta. L-ewwel injezzjoni tiegħek b’Benlysta pinna mimlija għal-lest se tiġi sorveljata mit-tabib jew mill-infermier tiegħek.
Wara li tkun tħarriġt kif tuża l-pinna, it-tabib jew l-infermier tiegħek jista’ jiddeċiedi li int tista’ tagħti l-
injezzjoni lilek innifsek, jew li l-persuna li tieħu ħsiebek tista’ tagħtihielek. It-tabib jew l-infermier tiegħek se jgħidlek ukoll x’sinjali u x’sintomi għandek toqgħod attent għalihom meta tuża Benlysta, minħabba li jista’
jkun hemm reazzjonijiet allerġiċi serji (ara “Reazzjonijiet allerġiċi” f’sezzjoni 4).
Inti tinjetta Benlysta taħt il-ġilda tiegħek fil-parti tal-istonku tiegħek (l-addome) jew fil-parti ta’ fuq tas-sieq
(il-koxxa).
L-injezzjoni taħt il-ġilda ta’ Benlysta m’għandhiex tiġi injettata ġo vina (b’mod intravenuż).
L-istruzzjonijiet dwar kif tuża l-pinna mimlija għal-lest qed jingħataw fl-aħħar ta’ dan il-fuljett.
Jekk jiġri dan, ikkuntattja lit-tabib jew lill-infermier tiegħek immedjatament, li se jimmonitorjak għal xi sinjali jew sintomi ta’ effetti sekondarji, u jikkura dawn is-sintomi, jekk ikun meħtieġ. Jekk hu possibbli,
urihom il-pakkett, jew dan il-fuljett.
Injetta d-doża maqbuża hekk kif tiftakar. Kompli bl-iskeda tal-ġimgħa normali tiegħek jew ibda skeda tal- ġimgħa ġdida mill-jum li tinjetta d-doża maqbuża.
Jekk tinduna li tkun qbiżt doża meta tkun wasalt għad-doża li jmiss, injetta id-doża kif ippjanat.
It-tabib tiegħek se jiddeċiedi jekk għandekx bżonn tieqaf tuża Benlysta.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
Benlysta jista’ jikkawża reazzjoni għall-injezzjoni, jew reazzjoni allerġika (sensittività eċċessiva).
Dawn huma effetti sekondarji komuni (jistgħu jaffettwaw sa persuna waħda minn kull 10). Xi kultant jistgħu jkunu qawwija (mhux komuni, jaffettwaw sa persuna 1 minn kull 100), u jistgħu jkunu ta’ periklu għall-
ħajja. Dawn ir-reazzjonijiet qawwija huma aktar probabbli li jseħħu fil-jum tal-ewwel jew it-tieni kura tiegħek b’Benlysta, iżda jistgħu jittardjaw u jseħħu diversi ġranet wara.
nefħa tal-wiċċ, tax-xufftejn, tal-ħalq jew tal-ilsien
tħarħir, diffikultà biex tieħu n-nifs jew qtugħ ta’ nifs
raxx
għoqiedi bbuzzati u bil-ħakk jew ħorriqija.
F’każijiet rari, jistgħu jseħħu wkoll reazzjonijiet inqas qawwija għal Benlysta li jittardjaw, ġeneralment 5-10 ijiem wara injezzjoni.
Dawn jinkludu sintomi bħal raxx, tħossok imdardar/ra, għeja, uġigħ fil-muskoli, uġigħ ta’ ras, jew nefħa fil- wiċċ.
Għid lit-tabib jew lill-infermier tiegħek.
Benlysta jista’ jagħmlek aktar suxxettibbli li jkollok infezzjonijiet, inkluż infezzjoni fil-passaġġ tal-awrina u fil-pajpijiet tan-nifs. Dawn huma komuni ħafna u jistgħu jaffettwaw aktar minn persuna 1 minn kull 10. Xi infezzjonijiet jistgħu jkunu severi u b’mod mhux komuni jwasslu għall-mewt.
deni u/jew tertir ta’ bard
sogħla, problemi bin-nifs
dijarea, rimettar
sensazzjoni ta’ ħruq waqt li tgħaddi l-awrina; tgħaddi l-awrina ta’ spiss
ġilda sħuna, ħamra jew bl-ugigħ jew selħiet fuq il-ġisem tiegħek.
Għid lit-tabib jew lill-infermier tiegħek immedjatament.
Kien hemm rapporti ta’ depressjoni, ħsibijiet suwiċidali, u tentattivi ta’ suwiċidju waqt il-kura b’Benlysta. Id-depressjoni tista’ taffettwa sa persuna 1 minn kull 10 persuni, il-ħsibijiet suwiċidali u t-tentattivi ta’
suwiċidju jistgħu jaffettwaw sa persuna 1 minn kull 100 persuna. Jekk tħossok dipress/a, għandek ħsibijiet li
tweġġa’ lilek innifsek jew ħsibijiet oħra li qed jagħmluk anzjuż/a, jew jekk inti dipress/a u tinnota li tħossok agħar jew tiżviluppa sintomi ġodda:
Mediċini li jdgħajfu s-sistema immuni tiegħek, bħal Benlysta, jistgħu jpoġġuk f’riskju ogħla li jkollok
infezzjoni fil-moħħ rari iżda serja u ta’ periklu għall-ħajja li tissejjaħ lewkoenċefalopatija multifokali
progressiva (PML).
telf tal-memorja
problemi biex taħseb
diffikultà biex titkellem jew timxi
telf tal-vista.
Għid lit-tabib tiegħek immedjatament jekk ikollok xi wieħed minn dawn is-sintomi, jew problemi simili li jdumu diversi jiem.
Jekk diġà kellek dawn is-sintomi qabel bdejt il-kura b’Benlysta:
Għid lit-tabib tiegħek immedjatament jekk tinnota xi tibdil f’dawn is-sintomi.
Dawn jistgħu jaffettwaw aktar minn persuna 1 minn kull 10:
infezzjonijiet ikkawżati minn batterja (ara “Infezzjonijiet” hawn fuq)
tħossok ma tiflaħx, dijarea.
Dawn jistgħu jaffettwaw sa persuna 1 minn kull 10:
temperatura għolja jew deni
għadd baxx ta’ ċelluli bojod tad-demm (jista’ jidher fit-testijiet tad-demm)
infezzjoni fl-imnieħer, fil-ġriżmejn, jew fl-istonku
uġigħ fl-idejn jew fis-saqajn
emigranja
reazzjonijiet fis-sit tal-injezzjoni, pereżempju: raxx, ħmura, ħakk jew nefħa tal-ġilda fejn injettajt Benlysta.
Dawn jistgħu jaffettwaw sa persuna 1 minn kull 100:
ponot jikluk u mqabbżin (ħorriqija), raxx tal-ġilda.
Jekk ikollok xi effett sekondarju, kellem lit-tabib jew lill-infermier tiegħek. Dan jinkludi xi effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali imniżżla f’Appendiċi V. Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq it-tikketta u l-kartuna wara JIS. Id-data ta’ meta tiskadi tirreferi għall-aħħar ġurnata ta’ dak ix-xahar.
Aħżen fi friġġ (2°C – 8°C). Tagħmlux fil-friża.
Aħżen fil-pakkett oriġinali sabiex tilqa’ mid-dawl.
Benlysta pinna mimlija għal-lest waħda tista’ tinħażen f’temperatura ambjentali (sa 25 C) għal massimu ta’ 12-il siegħa – diment li tiġi protetta mid-dawl. Ladarba tinħareġ mill-friġġ, il-pinna għandha tintuża fi żmien 12-il siegħa jew tintrema.
Kull fdal tal-prodott mediċinali li ma jkunx intuża jew skart li jibqa’ wara l-użu tal-prodott għandu jintrema kif jitolbu l-liġijiet lokali.
Is-sustanza attiva hija belimumab.
Kull pinna mimlija għal-lest ta’ 1 ml fiha 200 mg ta’ belimumab.
Is-sustanzi l-oħra huma Arginine hydrochloride, histidine, histidine monohydrochloride, polysorbate 80, sodium chloride, ilma għall-injezzjonijiet. Ara tagħrif importanti dwar il-kontenut ta' Benlysta f’taqsima 2 għal aktar informazzjoni.
Benlysta jiġi bħala soluzzjoni ta’ 1 ml minn bla kulur sa xi ftit safranija f’pinna mimlija għal-lest li tintuża darba.
Jiġi f’pakketti ta’ pinna 1 jew 4 pinen mimlija għal-lest f’kull pakkett u pakkett multiplu li jkun fih 12- il pinna mimlija għal-lest (3 pakketti ta’ 4 pinen mimlija għal-lest).
Jista’ jkun li mhux il-pakketti tad-daqsijiet kollha jkunu fis-suq.
GlaxoSmithKline (Ireland) Limited 12 Riverwalk
Citywest Business Campus
Dublin 24 L- Irlanda
GlaxoSmithKline Manufacturing S.P.A Strada Provinciale Asolana, 90
43056 San Polo di Torrile
Parma
L-Italja
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal- Awtorizzazzjoni għat-Tqegħid fis-Suq:
GlaxoSmithKline Pharmaceuticals s.a./n.v. Tél/Tel: + 32 (0) 10 85 52 00
Tél/Tel: + 32 (0) 10 85 52 00
GlaxoSmithKline (Ireland) Limited Teл.: + 359 80018205
GlaxoSmithKline (Ireland) Limited Tel.: + 36 80088309
GlaxoSmithKline (Ireland) Limited Tel: + 356 80065004
GlaxoSmithKline Pharma A/S Tlf: + 45 36 35 91 00
GlaxoSmithKline GmbH & Co. KG Tel.: + 49 (0)89 36044 8701
GlaxoSmithKline (Ireland) Limited Tel: + 372 8002640
GlaxoSmithKline Pharma GmbH Tel: + 43 (0)1 97075 0
GlaxoSmithKline Μονοπρόσωπη A.E.B.E. Τηλ: + 30 210 68 82 100
GSK Services Sp. z o.o. Tel.: + 48 (0)22 576 9000
GlaxoSmithKline – Produtos Farmacêuticos, Lda. Tel: + 351 21 412 95 00
Laboratoire GlaxoSmithKline Tél.: + 33 (0)1 39 17 84 44
GlaxoSmithKline (Ireland) Limited Tel: + 40 800672524
GlaxoSmithKline (Ireland) Limited Tel:+ 385 800787089
GlaxoSmithKline (Ireland) Limited Tel: + 386 80688869
GlaxoSmithKline (Ireland) Limited Tel: + 353 (0)1 4955000
Vistor hf.
Sími: +354 535 7000
GlaxoSmithKline Oy
Puh/Tel: + 358 (0)10 30 30 30
GlaxoSmithKline S.p.A. Tel: + 39 (0)45 7741111
GlaxoSmithKline (Ireland) Limited Τηλ: + 357 80070017
GlaxoSmithKline (Ireland) Limited Tel: + 371 80205045
GlaxoSmithKline (Ireland) Limited Tel: + 370 80000334
<-----------------------------------------------------------------------------------------------------------------------------
Segwi dawn l-istruzzjonijiet dwar kif tuża l-pinna mimlija għal-lest kif suppost. In-nuqqas li ssegwi dawn l- istruzzjonijiet jista’ jaffettwa l-funzjoni t-tajba tal-pinna mimlija għal-lest. Int għandek ukoll tirċievi taħriġ dwar kif tuża l-pinna mimlija għal-lest.
Benlysta huwa għal użu taħt il-ġilda biss (taħt il-ġilda).
Sabiex tittejjeb it-traċċabilità ta’ din il-mediċina, inti u l-fornitur tal-kura tas-saħħa tiegħek għandkom tirreġistraw in-numru tal-lott ta’ Benlysta. Huwa rakkomandat li tieħu nota ta’ din l-informazzjoni f’każ li tintalab minnek fil-futur.
Żommu fi friġġ sa 30 minuta qabel l-użu.
Żommu fil-kartuna sabiex tilqa’ mid-dawl.
Żomm fejn ma jidhirx u ma jintlaħaqx mit-tfal.
Il-pinna mimlija għal-lest għandha tintuża darba biss imbagħad tintrema.
Inspection window | Tieqa ta’ spezzjoni |
Grey stopper | Tapp griż |
Ring cap | Għatu |
Gold needle guard | Protezzjoni tal-labra kulur id-deheb |
Expiry date | Data ta’ skadenza |
Benlysta pre-filled pen | Benlysta pinna mimlija għal-lest |
Alcohol swab (not included) | Swab tal-akoħol (mhux inkluża) |
Gauze pad or cotton wool ball (not included) | Garża jew biċċa tajjar (mhux inkluża) |
Oħroġ trey issiġillat wieħed li fih pinna mimlija għal-lest mill-friġġ.
Sib wiċċ komdu, imdawwal sew u nadif u poġġi l-provvisti li ġejjin fejn tista’ tilħaqhom:
Benlysta pinna mimlija għal-lest
swab tal-alkoħol (mhux inkluża fil-pakkett)
garża jew biċċa tajjar (mhux inklużi fil-pakkett)
kontenitur b’għatu li jingħalaq sew għar-rimi tal-pinna (mhux inkluż fil-pakkett).
Qaxxar ir-rita tat-trej u neħħi l-pinna mimlija għal-lest.
Iċċekkja d-data ta’ skadenza fuq il-pinna mimlija għal-lest. (Figura 1)
Ħalli l-pinna toqgħod f’temperatura ambjentali għal 30 minuta. (Figura 2) L-injezzjoni ta’ Benlysta kiesħa tista’ tieħu aktar fit-tul u tista’ tkun skomda.
Figure 2 | Figura 2 |
Wait for 30 minutes | Stenna għal 30 minuta |
•Tneħħix l-għatu matul dan l-istadju.
Ħares fit-tieqa ta’ spezzjoni sabiex tiċċekkja li s-soluzzjoni Benlysta hija minn bla kulur sa xi ftit safranija fil-kulur. (Figura 3)
Huwa normali li tara bużżieqa tal-arja jew aktar fis-soluzzjoni.
Figure 3 | Figura 3 |
Belysta solution | Soluzzjoni Benlysta |
Agħżel sit tal-injezzjoni (addome jew koxxa) kif jidher f’Figura 4.
Figure 4 Figura 4
Jekk ikollok bżonn 2 injezzjonijiet biex tieħu d-doża kollha tiegħek, ħalli mill-inqas 5 cm (2 pulzieri) bejn kull injezzjoni jekk tuża l-istess sit.
Aħsel idejk.
Naddaf is-sit tal-injezzjoni billi timsħu bi swab tal-alkoħol (Figura 5). Ħalli l-ġilda tinxef waħidha.
Figure 5 Figura 5
Neħħi l-għatu billi tiġbdu jew iddawru. L-għatu jista’ jidawwar skont l-arloġġ jew kontra l-arloġġ.
(Figura 6)
Figure 6 Figura 6
Żomm il-pinna b’mod komdu sabiex tkun tista’ tara t-tieqa ta’ spezzjoni. Dan huwa importanti sabiex tkun tista’ tikkonferma doża sħiħa. (Figura 7)
Figure 7 Figura 7
Jekk ikun hemm bżonn, żomm is-sit tal-injezzjoni sod billi tiġbed jew iġġebbed il-ġilda.
Ippożizzjona l-pinna eżatt fuq is-sit tal-injezzjoni (f’angolu ta’ 90 ). Żgura li l-protezzjoni tal-labra kulur id-deheb tkun ċatta fuq il-ġilda.
Agħfas il-pinna sod ’l isfel fuq is-sit tal-injezzjoni u żommha f’postha. (Figura 8)
Dan se jdaħħal il-labra u jibda l-injezzjoni.
Figure 8 Figura 8
Jaf tisma’ “klikk” għall-ewwel darba fil-bidu tal-injezzjoni. Se tara l-indikatur vjola jibda jiċċaqlaq mit-tieqa ta’ spezzjoni. (Figura 9)
Figure 9 | Figura 9 |
first “click” | “klikk” għall-ewwel darba |
Purple indicator | Indikatur vjola |
Kompli żomm il-pinna ’l isfel sakemm l-indikatur vjola jkun waqaf jiċċaqlaq. Jaf tisma’ “klikk” għat-tieni darba ftit sekondi qabel l-indikatur vjola jieqaf jiċċaqlaq. (Figure 10)
Figure 10 | Figura 10 |
second “click” | “klikk” għat-tieni darba |
Then wait until... | Imbagħad stenna sakemm... |
...purple indicator stops moving | ...l-indikatur vjola jieqaf jiċċaqlaq |
L-injezzjoni tista’ tieħu sa 15-il sekonda biex titlesta.
Meta l-injezzjoni tkun lesta, neħħi l-pinna mis-sit tal-injezzjoni.
Tpoġġix l-għatu lura fuq il-pinna.
Armi l-pinna użata u l-għatu f’kontenitur b’għatu li jingħalaq sew.
Staqsi lit-tabib jew lill-infermier tiegħek għal istruzzjonijiet dwar kif tarmi kif xieraq pinna użata jew kontenitur ta’ pinen użati.
Jaf ikun hemm ammont żgħir ta’ demm fis-sit tal-injezzjoni.
Jekk ikun hemm bżonn, agħfas tajjara jew garża fuq is-sit tal-injezzjoni
•