Vectra 3D
dinotefuran, permethrin, and pyriproxyfen
Detentur tal-awtorizzazzjoni għat-tqegħid fis-suq:
Ceva Santé Animale, 10, av. de La Ballastière, 33500 Libourne, Franza
Manifattur responsabbli għall-ħrug tal-lott:
Ceva Santé Animale, 10, av. de La Ballastière, 33500 Libourne, Franza AB7 SANTE, Chemin des Monges, 31450 Deyme, Franza
Vectra 3D soluzzjoni għal użu lokalizzat għal klieb 1.5–4 kg Vectra 3D soluzzjoni għal użu lokalizzat għal klieb > 4–10 kg Vectra 3D soluzzjoni għal użu lokalizzat għal klieb > 10–25 kg Vectra 3D soluzzjoni għal użu lokalizzat għal klieb > 25–40 kg Vectra 3D soluzzjoni għal użu lokalizzat għal klieb >40 kg
Dinotefuran / pyriproxyfen / permethrin
Kull ml fih 54 mg dinotefuran, 4.84 mg pyriproxyfen u 397 mg permethrin. Kull applikatur lokalizzat jagħti:
Piż tal-kelb (kg) | Kulur tal-għatu tal-applikatur | Volum (ml) | Dinotefuran (mg) | Pyriproxyfen (mg) | Permethrin (mg) |
għal klieb 1.5–4 kg | Isfar | 0.8 | 44 | 3.9 | 317 |
għal klieb > 4–10 kg | Blu skur | 1.6 | 87 | 7.7 | 635 |
għal klieb > 10–25 kg | Blu | 3.6 | 196 | 17.4 | 1429 |
għal klieb > 25–40 kg | Vjola | 4.7 | 256 | 22.7 | 1865 |
għal klieb > 40 kg | Aħmar | 8.0 | 436 | 38.7 | 3175 |
Il-mediċina veterinarja hija soluzzjoni lokalizzata ta’ lewn isfar ċar, ippakkjata f’applikatur lokalizzat ta’ doża waħda.
Briegħed:
Dan il-prodott mediċinali veterinarju joqtol il-briegħed fuq annimali infestati u jevita li jkun hemm aktar infestazzjonijiet għal xahar sħiħ. Huwa effettiv kontra l-briegħed li ġejjin li jinsabu fuq klieb (Ctenocephalides canis u Ctenocephalides felis) Din il-mediċina veterinarja tipprevjeni wkoll
il-multiplikazzjoni ta’ briegħed għal xahrejn wara l-użu billi timpedixxi l-bajd milli jfaqqas (attività oviċidali) u billi timpedixxi t-trasformazzjoni minn briegħed immatur għal briegħed adulti.
Qurdien:
Din il-mediċina veterinarja toqtol u tbiegħed il-qurdien (qurdien ta’ Rhipicephalus sanguineus u Ixodes ricinus huma kontrollati għal xahar: qurdien Dermacentor reticulatus huma kkontrollati għal sa tliet ġimgħat).
Jekk qurdien ikun preżenti meta l-prodott mediċinali veterinarju jiġi applikat, il-qurdien għandu mnejn ma jiġix maqtul kollu fl-ewwel 48 siegħa wara l-użu, imma jistgħu jinqatlu fi żmien ġimgħa. Sabiex
tneħħi l-qurdien, huwa rakkomandat li tuża tagħmir xieraq.
Sand flies, nemus u żunżan tal-istalel
Il-prodott mediċinali veterinarju jbiegħed (jevita l-gdim) insetti li jtiru bħal sand flies (Phlebotomus perniciosus), nemus (Culex pipens, Aedes aegypti) u żunżan tal-istalel (Stomoxys calcitrans) għal xahar wara l-użu). Huwa joqtol ukoll nemus (Aedes aegypti) u żunżan tal-istalel għal xahar sħiħ wara l-użu.
Tużax fuq qtates (Ara ‘Prekawzjonijiet speċjali’). Minħabba l-fiżjoloġija unika u l-inkapaċità tagħhom li jimmetabolizzaw il-permethrin (wieħed mis-sustanzi attivi f’dan il-prodott), dan il-prodott mediċinali veterinarju m’għandux jintuża fuq qtates. Jekk jiġi applikat fuq qattus, jew jinbela’ minn qattus li jnaddaf b’mod attiv kelb li jkun ġie trattat riċentement, dan il-prodott mediċinali veterinarju jista’ jkollu effetti li jikkaġunaw ħsara serja.
Tużax f’każijiet ta’ sensittività għall-ingredjenti attivi jew ingredjenti oħra.
Ħmura tal-ġilda, ħakk jew sinjali oħra ta’ skumdità fis-sit t’applikazzjoni ġew rapportati b’mod rari. Dawn is-sinjali jistgħu jkunu ħfief u temporanji. Jekk is-sinjali jipperssistu jew imorru għall-agħar, il- parir veterinarju għandu jiġi mfittex. Disturbi komportamentali bħal iperattività, vokalizzazzjoni jew ansjetà, sinjali sistemiċi bħal letarġija jew anoressija, u sinjali newroloġiċi bħal rogħda fil-muskoli ġew rapportati b’mod rari.
Sinjali t’atassja bħal ċaqlieq instabbli ġew rapportati f’każijiet rari ħafna.
Reazzjonijiet gastrointestinali avversi (l-istonku u l-imsaren), bħal remettar jew dijarea, ġew rapportati b’mod rari ħafna.
Effetti kosmetiċi temporanji (dehra mxarrba, ix-xagħar tal-ġilda jiġi f’ponta u depożiti) fis-sit
t’applikazzjoni ġew rapportati b’mod rari ħafna, madanakollu dawn l-effetti ġeneralment ma jiġux innotati wara 48 siegħa.
Barra minn hekk, waslu rapporti iżolati ta’ konvulżjonijiet.
Il-frekwenza ta’ reazzjonijiet avversi huma mfissra permezz tal-konvenzjoni li ġejja:
komuni ħafna (aktar minn 1 f 10 annimali trattati li juri reazzjoni(jiet) avvers(a/i)
komuni (aktar minn 1 imma inqas minn 10 annimali f’100 annimal trattat)
mhux komuni (aktar minn 1 imma inqas minn 10 annimali f’1,000 annimal trattat)
rari (aktar minn 1 imma inqas minn 10 annimali f’10,000 annimal trattat)
rari ħafna (inqas minn annimal 1 f’10,000 animal, li jinkludu rapporti iżolati trattat)
Jekk tinnota xi effetti serji anke dawk mhux msemmija f'dan il-fuljett, jew taħseb li l-mediċina ma
ħadmitx, jekk jogħġbok informa lit-tabib veterinarju tiegħek.
Klieb.
Użu lokalizzat. Applikatur wieħed għal kull kelb.
Attenzjoni għandha tingħata sabiex il-mediċina veterinarja titqiegħed biss fuq ġilda intatta (mingħajr ġrieħi) tal-kelb.
Dożaġġ:
Stabilixxi d-daqs korrett tal-applikatur lokalizzat meħtieġ għall-kelb tiegħek (l-użu għal klieb iżgħar minn 7 ġimgħat u li jiżnu inqas minn 1.5 kg mhux rakkomandat, ara wkoll is-sezzjoni "Twissijiet speċjali")
Id-doża minima rakkomandata hi ta’ 6.4 mg dinotefuran/kg ta’ piż tal-ġisem, 0.6 mg pyriproxyfen/kg piż tal-ġisem u 46.6 mg permethrin/kg piż tal-ġisem, ekwivalenti għal 0.12 ml tal-mediċina veterinarja għal kull kg ta’ piż tal-ġisem.
It-tabella li ġejja turi d-daqs tal-applikatur lokalizzat li għandu jintuża skont il-piż tal-kelb.
Piż tal-kelb (kg) | Kulur tal-għatu tal-applikatur | Volum (ml) | Applikatur li għandu jintuża | |
għal klieb 1.5–4 kg | Isfar | 0.8 | Applikatur 1 ta’ | Vectra 3D għal klieb 1.5–4 kg |
għal klieb > 4–10 kg | Blu skur | 1.6 | Vectra 3D għal klieb > 4–10 kg | |
għal klieb > 10–25 kg | Blu | 3.6 | Vectra 3D għal klieb > 10–25 kg | |
għal klieb > 25–40 kg | Vjola | 4.7 | Vectra 3D għal klieb > 25–40 kg | |
għal klieb > 40 kg | Aħmar | 8.0 | Vectra 3D għal klieb > 40 kg | |
Amministrazzjoni:
Kif għandek tapplika:
Neħħi l-applikatur lokalizzat minn ġol-pakkett.
Uża skont ir-rakkomandazzjoni ta’ 4a jew 4b:
Klieb minn 1.5 sa 4 kg piż tal-ġisem pipetta safra waħda għal kull kelb
Klieb akbar minn 4 kg u sa 10 kg piż tal-ġisem pipetta ħadra waħda għal kull kelb li għandha tiġi maqsuma f’2 dbabar.
JEW
Klieb aktar minn 10 kg sa 40 kg piż tal-ġisem pipetta blu jew vjola waħda għal kull kelb li għandha tiġi maqsuma fi 3 dbabar.
Klieb aktar minn 40 kg piż tal-ġisem pipetta ħamra waħda għal kull kelb li
għandha tiġi maqsuma f’4 dbabar.
tad-denb u ibda applika l-mediċina veterinarja dirett fuq il-ġilda f’linja kontinwa mill-bażi tad-denb tul iċ-ċentru tad-dahar u ibqa’ sejjer sa ġwienaħ l-ispallejn, kif muri fid-dijagramma, billi tibqa’ tagħfas l- applikatur sakemm jiżvojta.
Skeda ta’ trattament
Wara applikazzjoni waħda, il-prodott mediċinali veterinarju ser jevita infestazzjoni għal xahar sħiħ.
It-trattament jista’ jiġi ripetut darba f’xahar.
PERJODU TA’ TIŻMIM
Mhux applikabbli
Żomm fejn ma jidhirx u ma jintlaħaqx mit-tfal
Din il-mediċina veterinarja m’għandha bżonn tal-ebda kundizzjoni speċjali sabiex tinħażen. Tużax dan il-prodott mediċinali veterinarju wara d-data ta’ skadenza murija fuq il-kartuna u l-
applikatur lokalizzat (wara “EXP”). Id-data ta' skadenza tirreferi għall-aħħar jum ta' dak ix-xahar.
Twissijiet speċjali għal kull speci għal xiex huwa indikat:
Il-klieb kollha fid-dar għandhom jiġu trattati. Qtates fid-dar għandhom jiġu trattati bi prodott mediċinali veterinarju awtorizzat għall-użu fuq il-qtates.
Il-briegħed jistgħu jinfestaw il-baskett tal-kelb, is-sodod u ż-żoni regolari ta’ mistrieħ bħal twapet u arredamenti. F’każ ta’ infestazzjoni massiċċa bil-briegħed u fil-bidu tal-miżuri ta’ kontroll, dawn
iż-żoni għandhom jiġu trattati b’insettiċida adattat u mbagħad jiġu vvakumjati regolarment. F’każ li d-dermatite hija suspettata (ħakk jew irritazzjoni tal-ġilda) fittex parir mediku.
Tużax fuq il-qtates Jekk il-mediċina veterinarja tinbela’ b’mod aċċidentali, tista’ tikkawża aċċessjonijiet fi qtates li jistgħu jkunu fatali. F’każ ta’ esponiment aċċidentali, laħlaħ il-qattus b’xampu jew sapun u fittex parir veterinarju minnufih. Sabiex tevita li l-qtates ikunu esposti b’mod aċċidentali għall-mediċina veterinarja, żomm il-qtates ’il bogħod minn klieb trattati sakemm is-sit t’applikazzjoni jinxef. Huwa importanti li tiżgura li l-qtates ma jaħslux is-sit t’applikazzjoni ta’ kelb li jkun ġie trattat bil-mediċina veterinarja. F’każ ta’ esponiment ta’ dan it-tip fittex parir veterinarju minnufih.
Prekawzjonijiet speċjali għall-użu fl-annimali: Għal użu estern biss.
Is-sigurtà tal-mediċina veterinarja ma ġietx stabbilita fi klieb li huma iżgħar minn 7 ġimgħat jew li jiżnu inqas minn 1.5 kg.
Attenzjoni għandha tittieħed sabiex jiġi evitat kuntatt bejn il-mediċina veterinarja u għajnejn il-kelb. Jekk jiġi fl-għajnejn. Minnufih laħlaħ bl-ilma.
It-twaħħil ta’ bergħud wieħed wara t-trattament ma jistax jiġi eskluż. Għal din ir-raġuni l-imxija ta’ mard infettiv ma jistax jiġi kompletament eskluż jekk il-kundizzjonijiet ikunu favorevoli.
Il-mediċina veterinarja tibqa’ effettiva meta annimali trattati jiġu mgħaddsa fl-ilma (eż. għawm, jinħaslu). L-għadds fl-ilma ripetut kull ġimgħa għal xahar sħiħ u li jibda 48 siegħa wara t-trattament, kif ukoll ħasil bix-xampù ġimagħtejn wara t-trattament ma jaffettwawx l-effikaċja ta’ din il-mediċina veterinarja. Madanakollu, f’każ ta’ tlaħlieħ bix-xampju frekwenti, jew ħasil fi żmien 48 siegħa wara
t-trattament, it-tul tal-attività għandu mnejn jonqos.
Klieb trattati m’għandhomx jitħallew jidħlu f’ilma tal-wiċċ għal 48 siegħa wara t-trattament sabiex jiġu evitati effetti avversi fuq l-organiżmi akwatiċi. Ara wkoll s-sezzjoni "Prekawzjonijiet speċjali dwar rimi ta’ prodott mhux użat jew materjal ieħor għar-rimi, jekk ikun il-każ".
Prekawzjonijiet speċjali li għandhom jittieħdu mill-persuna li tamministra l-prodott mediċinali veterinarju lill-annimali:
M’għandekx tiekol jew tpejjep meta timmanipula l-mediċina veterinarja.
Persuni li huma magħrufin li għandhom sensittività eċċessiva għal xi wieħed mis-sustanzi għandhom jevitaw il-kuntatt mal-prodott mediċinali veterinarju.
Peress li l-eċċipjent N-methylpyrrolidone wera evidenza ta’ malformazzjonijiet fetali fil-fniek u fil- firien, fi studji fil-laboratorju, nisa tqal u nisa suspettati li huma tqal m’għandhomx jamministraw il- prodott u għandhom jevitaw il-kuntatt dirett mal-lok tal-applikazzjoni sakemm il-lok tal-applikazzjoni
ma jibqax aktar jintgħaraf bħala tali.
Dan il-prodott mediċinali veterinarju huwa irritanti għall-għajnejn u l-ġilda.
Sabiex tevita reazzjonijiet avversi:
Laħlaħ l-idejn sew u minnufih wara l-użu.
Evita l-kuntatt mal-ġilda.
F’każ ta’ tixrid aċċidentali fuq il-ġilda, aħsel minnufih b’ilma u sapun.
Jekk il-prodott mediċinali veterinarju jidħol fl-għajnejn, għandhom jitbaħbqu sew bl-ilma.
It-tfal m’għandhomx imissu klieb trattati għal tal-anqas erba’ sigħat wara l-amministrazzjoni
tal-mediċina veterinarja. Għalhekk huwa rakkomandat li l-klieb jiġu trattati filgħaxija, jew qabel ma teħodhom għal mixja.
Fil-jum ta’ trattament, klieb trattati m’għandhomx jitħallew jorqdu mas-sidien tagħhom, speċjalment tfal.
Applikaturi użati għandhom jintremew minnufih u m’għandhomx jitħallew fejn jarawhom jew jistgħu jilħquhom it-tfal.
Jekk l-irritazzjoni tal-ġilda jew tal-għajn tippersisti, jew jekk il-mediċina veterinarja tinbela’, fittex għajnuna medika minnufih u uri l-fuljett tal-pakkett jew it-tikketta lit-tabib.
Stenna s-sit t’applikazzjoni jinxef qabel ma tippermetti l-kelb trattat jiġi f’kuntatt ma’ tessuti jew għamara.
Tqala u t-treddigħ:
Is-sigurtà ta’ din il-mediċina veterinarja fi klieb nisa ma ġietx stabbilita waqt it-tqala u fit-treddigħ.
L-użu tal-mediċina veterinarja fi klieb tqal u li jreddgħu jew fi klieb maħsuba għat-tgħammir għandu jkun bażat fuq stima tal-benefiċċju/riskju mill-veterinarju responssabbli.
Studji b’kull sustanza attiva (dinotefuran, permethrin jew pyriproxyfen) f’firien u fniek ma pproduċewx evidenza ta’ tossiċità fuq annimali tqal jew li jreddgħu..
Dinotefuran intwera li jgħaddi ġol-ħalib ta’ annimali li jreddgħu.
N-methylpyrrolidone, eċċipjent fil-mediċina veterinarja, intwera li jista’ jikkaġuna mankamenti lill-
fetu li jwasslu għal difetti mit-twelid f’annimali tal-laboratorju.
Inkompatibilitajiet: M’hemm xejn magħruf.
Doża eċċessiva (sintomi, proċeduri ta’ emerġenza, antidoti):
Minbarra l-ħmura tal-ġilda lokali u l-bidliet kosmetiċi fil-pil fis-sit fejn il-mediċina veterinarja ġiet applikata, ma ġewx osservati reazzjonijiet avversi fi frieħ f’saħħithom li kellhom 7 ġimgħat. li
ngħataw din il-mediċina veterinarja fuq il-ġilda 7 darbiet f’intervalli ta’ ġimagħtejn u sa 5 darbiet l-
ogħla doża rakkomandata.
Wara li bliegħ aċċidentali tal-ogħla doża rakkomandata, remettar, il-produzzjoni ta’ riq u dijarea jistgħu jseħħu, madankollu dawn għandhom jisparixxu mingħajr kura.
Il-mediċini m’għandhomx jiġu mormija mal-ilma maħmuġ jew mal-iskart domestiku.
Din il-mediċina veterinarja m’għandhiex tidħol f’korsiji tal-ilma peress li hija perikoluża għal ħut u organiżmi akwatiċi oħra. M’għandekx tniġġes għadajjar, korsiji tal-ilma jew fosos bil-mediċina veterinarja jew b’reċipjenti użati.
Prodott mhux użat jew materjal ta’ skart derivat mill-prodott għandu jintrema skont ir-regolamenti lokali. Dawn il-miżuri għandhom jgħinu sabiex jipproteġu l-ambjent.
Informazzjoni dettaljata dwar dan il-prodott mediċinali veterinarju tinsab fuq il-websajt tal-Aġenzija Ewropea dwar il-Mediċini
Daqsijiet tal-pakkett
Kaxxa tal-kartun b’applikatur lokalizzat 1, 3, 4, 6, 12, 24, jew 48 ta’ 0.8 ml, 1.6 ml, 3.6 ml, 4.7 ml jew
8.0 ml
Mhux id-daqsijiet kollha tal-pakkett jistgħu qegħdin fis-suq.
Mekkaniżmi ta’ azzjoni:
It-tliet sustanzi attivi fil-mediċina veterinarja mifruxa fuq wiċċ il-korp tal-kelb fl-ewwel ġurnata wara l-applikazzjoni jibqgħu għal xahar sħiħ. Is-sustanzi attivi jaġixxu direttament fuq il-ġilda tal-pet mingħajr ħtieġa li jgħaddu fiċ-ċirkolazzjoni tad-demm. Il-parasita jiġi f’kuntatt mal-kelb trattat biex jiġi mbiegħed u/jew maqtul.
Dinotefuran joqtol l-insetti billi jimmira għas-sistema nervuża tagħhom.
Pyriproxyfen jimmira l-istadji immaturi ta’ insetti (bajd, larvi u pupe) billi jħarbat r-riproduzzjoni u
l-iżvilupp tagħhom. Bajd, larvi u pupe tal-briegħed huma preżenti fl-ambjent.
Permethrin jbiegħed u joqtol il-parasiti billi jimmira għas-sistema nervuża tagħhom, li jwassal għal ipereċitabilità (effett ta’ saqajn sħan fil-qurdien), u li jirriżulta f’waqgħa f’zopptu, nuqqas ta’ twaħħil u
azzjonijiet kontra t-teħid ta’ ikel kontra l-parasiti.
Dinotefuran u permethrin jaġixxu flimkien f’sinerġija, fejn intwera li dan wassal għal attività aktar mgħaġġla in vivo.
L-attività insettiċida fuq il-briegħed tibda fi żmien 12-il siegħa wara l-applikazzjoni.