Onglyza
saxagliptin
Saxagliptin
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib, lill-ispiżjar jew l-infermier tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib, lill-ispiżjar jew lill-infermier tiegħek. Dan jinkludi xi effett sekondarju possibbli li m’huwiex elenkat f’dan il-fuljett. Ara sezzjoni 4.
X’inhu Onglyza u għalxiex jintuża
X’għandek tkun taf qabel ma tieħu Onglyza
Kif għandek tieħu Onglyza
Effetti sekondarji possibbli
Kif taħżen Onglyza
Kontenut tal-pakkett u informazzjoni oħra
Onglyza fih is-sustanza attiva saxagliptin, li tagħmel parti minn grupp ta’ mediċini li jissejħu “mediċini orali kontra d-dijabete”. Dawn jaħdmu billi jgħinu sabiex jikkontrollaw il-livell taz-zokkor fid-demm tiegħek.
Onglyza jintuża għal pazjenti adulti minn 18-il sena l-fuq b’‛dijabete tat-tip 2’ , jekk il-marda ma tkunx ikkontrollata sew b’mediċina orali kontra d-dijabete, dieta u eżerċizzju. Onglyza jintuża waħdu jew flimkien mal-insulina jew ma’ mediċini kontra d-dijabete oħrajn.
Huwa importanti li tkompli ssegwi l-pariri dwar id-dieta u l-eżerċizzju li ingħatawlek mit-tabib jew ners tiegħek.
jekk inti allerġiku għal saxagliptin jew għal xi sustanza oħra ta’ din il-mediċina (elenkati fis- sezzjoni 6).
jekk kellek reazzjoni allerġika serja għal kwalunkwe mediċina oħra simili li tieħu għall-kontroll taz-zokkor fid-demm. Ara sezzjoni 4.
Kellem lit-tabib jew l-ispiżjar tiegħek qabel tieħu Onglyza:
jekk qed tieħu l-insulina. Onglyza ma għandux jintuża minflok l-insulina;
jekk għandek dijabete tat-tip 1 (ġismek ma jgħamel l-ebda insulina) jew kitoaċidosi tad-dijabete (kumplikazzjoni tad-dijabete, biz-zokkor għoli fid-demm, telf fil-piż ta’ malajr, dardir jew rimettar). Onglyza ma għandux jintuża biex jikkura dawn il- kundizzjonijiet.
għandek jew kellek marda tal-frixa;
jekk qed tieħu l-insulina jew mediċina kontra d-dijabete magħrufa bħala ‘sulphonylurea’ it-tabib tiegħek jista jkollu jnaqqas id-doża tal-insulina jew ta’ sulphonylurea meta tieħu xi wieħed minnhom ma’ Onglyza sabiex tevita zokkor baxx fid-demm.
jekk għandek kundizzjoni li tista tnaqqaslek id-difiża kontra l-infezzjonijiet bħal marda ta’ l- AIDS jew minn mediċini li tista tieħu wara xi trapjant ta’ organu.
jekk tbagħti minn insuffiċjenza kardijaka jew għandek fatturi ta’ riskju oħrajn għall-iżvilupp ta’ insuffiċjenza tal-qalb bħal problemi bil-kliewi tiegħek. It-tabib tiegħek ser javżak dwar is-sinjali u s-sintomi ta’ insuffiċjenza tal-qalb. Jekk ikollok kwalunkwe wieħed minn dawn is-sintomi,
għandek iċċempel immedjatament lit-tabib, spiżjar jew infermier tiegħek. Is-sintomi jistgħu
jinkludu, iżda mhumiex limitati għal, żieda fil-qtugħ tan-nifs, żieda rapida fil-piż u nefħa tas- saqajn (edema pedali);
jekk għandek funzjoni tal-kliewi mnaqqsa, it-tabib tiegħek se jiddeċiedi jekk għandekx bżonn tieħu doża aktar baxxa ta’ Onglyza;
jekk għandek problemi moderati jew qawwija tal-fwied. Jekk għandek problemi qawwija tal- fwied, Onglyza mhux rakkomandata għalik.
Feriti fil-ġilda bid-dijabete huma kumplikazzjoni komuni tad-dijabete. Raxx intwera b’Onglyza (ara sezzjoni 4) u b’ċerti mediċini kontra d-dijabete ta’ l-istess klassi ta’ Onglyza. Inti avżat sabiex issegwi il- pariri dwar il-kura tal-ġilda u s-saqajn mit-tabib jew ners tiegħek. Ikkuntattja lit-tabib tiegħek jekk tara xi bżieżaq fuq il-ġilda tiegħek, għaliex dan jista’ jkun sinjal għal kundizzjoni msejħa pemfigojde bulluża. It-tabib tiegħek jista’ jitolbok twaqqaf Onglyza.
Onglyza mhux rakkomandat fit-tfal u adoloxxenti taħt it-tmintax il-sena. Mhuwiex magħruf jekk din
il-mediċina hijiex sigura u effettiva meta użata fi tfal u adolexxenti iżgħar minn 18-il sena.
Għid lit-tabib jew lill-ispiżjar tiegħek jekk qiegħed tieħu, ħadt dan l-aħħar jew tista’ tista’ tieħu xi
mediċina oħra.
Għandek tgħid lit-tabib tiegħek jekk qed tuża mediċini li fihom xi sustanza attiva minn dawn li ġejjin:
Carbamazepine, phenobarbital jew phenytoin. Dawn jistgħu jintużaw sabiex jikkontrollaw attakki ta’ puplesija (attakki tal-qamar jew uġigħ kroniku).
Dexamethasone- mediċina ta’ sterojd. Din tista tintuża għal kura ta’ infjammazzjoni f’partijiet u organi differenti tal-ġisem.
Rifampċin. Dan huwa antibijotiku li jintuża għal kura ta’ infezzjonijiet bħal tuberkulosi.
Ketokonazole. Dan jintuża għal kura ta’ infezzjonijiet tal-fungu.
Diltiazem. Din hija mediċina li tintuża sabiex tbaxxi l-pressjoni fid-demm.
Tkellem mat-tabib tiegħek qabel tieħu Onglyza jekk ħriġt tqila jew qed tippjana biex toħroġ tqila. Tużax Onglyza jekk inti tqila.
Tkellem mat-tabib tiegħek jekk tixtieq treddgħa waqt li qed tieħu din il-mediċina. Mhux magħruf jekk Onglyza joħroġx mal-ħalib tas-sider. Ma għandekx tieħu din il-mediċina jekk qed tredda’ jew qed tippjana li tredda’.
Jekk tħossok sturdut waqt li tkun qed tieħu Onglyza mgħandekx issuq jew tagħmel użu minn għodda
jew tħaddem magni. Ipogliċemija tista’ taffettwa l-abilità tiegħek li ssuq u li tuża magni jew taħdem b’pożizzjoni soda u hemm ir-riskju ta’ ipogliċemija meta tieħu din il-mediċina f’kombinazzjoni ma’ mediċini li jikkawżaw ipogliċemija bħall-insulina u sulphonylureas.
Il-pilloli fihom lactose ( zokkor tal-ħalib). Jekk it-tabib qallek li għandek intolleranza għal ċerti tipi ta’ zokkor, għamel kuntatt mat-tabib tiegħek qabel tieħu din il-mediċina.
Din il-mediċina fiha anqas minn 1 mmol ta’ sodium (23 mg) għal kull doża, jiġifieri essenzjalment
hija “mingħajr sodium”.
Dejjem għandek tieħu din il-mediċina skont il-parir eżatt tat-tabib. Dejjem għandek taċċerta ruħek mat-tabib jew mal-ispiżjar tiegħek jekk ikollok xi dubju.
Id-doża rakkomandata hija 5 mg kuljum.
Jekk għandek funzjoni tal-kliewi mnaqqsa, it-tabib jista jagħtik doża aktar baxxa. Din hija pillola waħda ta’ 2.5 mg darba kuljum.
It-tabib tiegħek jista' jordnalek Onglyza waħdu jew flimkien mal-insulina jew ma’ mediċini oħrajn kontra d-dijabete. Jekk applikabbli ftakar biex tieħu dawn il-mediċini kif ordnalek it-tabib tiegħek għal aħjar ta’ saħħtek.
Il-pilloli ma jistgħux jinqasmu jew jinqatgħu. Ibla’ il-pillola sħiħa bi ftit ilma. Tista’ tieħu il-pillola
ma’ l-ikel jew mingħajr ikel. Il-pillola tista tittieħed f’kull ħin tal-ġurnata, madankollu, prova ħu il- pillola fl-istess ħin ta’ kull ġurnata. Din tgħinek sabiex tiftakar teħodha.
Jekk tieħuaktar pilloli milli suppost, kellem tabib minnufih.
Jekk tinsa tieħu doża ta’ Onglyza, ħudha hekk kif tiftakar. Iżda, jekk ikun kważi wasal il-ħin għad-doża li jmiss, aqbeż id-doża li nsejt.
M’għandekx tieħu doża doppja biex tpatti għal kull doża li tkun insejt tieħu. Qatt tieħu żewġ dożi fl-istess ġurnata.
Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.
Ibqa’ ħu Onglyza sakemm it-tabib tiegħek jgħidlek tieqaf. Dan sabiex jgħinek iżżomm kontroll fuq iz-
zokkor fid-demm tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’ kulħadd.
Għandek tieqaf tieħu Onglyza u tara lit-tabib tiegħek minnufiħ jekk tesperjenza xi waħda minn dawn is-sintomi ta’ zokkor baxx fid-demm: tregħid, joħroġlok l-għaraq, ansjeta, vista mċajpra, tingiż fix- xuftejn, sfurija tal-ġilda, tibdil fil-burdata, nuqqas ta’ ċarezza jew konfużjoni (ipogliċemija); jidhru b’mod komuni ħafna (jistgħu jaffettwaw aktar minn persuna 1 minn kull 10).
Is-sintomi ta’ reazzjoni allerġika serja (jidhru rari, jistgħu jaffettwaw sa persuna 1 minn kull 1,000) jistgħu jinkludu:
Raxx
Rqajja’ mqabbżin ta’ ħmura fuq il-ġilda tiegħek (ħorriqija)
Nefħiet tal-wiċċ, ix-xofftejn, l-ilsien u l-griżmejn li jistgħu jikkaġunaw diffikultà biex
tieħu n-nifs jew tibla’.
Jekk għandek dawn is-sintomi, tibqax tieħu Onglyza u kellem lit-tabib jew lill-infermier tiegħek minnufih. It-tabib tiegħek jista’ jordnalek tieħu mediċina biex tikkura r-reazzjoni allerġika tiegħek u mediċina differenti għad-dijabete tiegħek.
Tibqax tieħu Onglyza u kkuntattja tabib minnufih jekk tinnota xi wieħed minn dawn l-effetti sekondarji serji li ġejjin:
uġigħ qawwi u persistenti fiż-żaqq (żona tal-istonku) li jista’ jasal sa dahrek, kif ukoll dardir u rimettar, għaliex dan jista’ jkun sinjal ta’ frixa infammata (pankreatite).
Għandek iċċempel lit-tabib tiegħek jekk ikollok l-effett sekondarju li ġej:
Uġigħ sever fil-ġogi.
Xi pazjenti kellhom dawn l-effetti sekondarji waqt li kienu qed jieħdu Onglyza u metformin:
Komuni (jistgħu jaffettwaw utent 1 sa 10 minn kull 100): infezzjoni tal-parti ta’ fuq tas-sider jew tal-pulmun, infezzjoni ta’ mnejn tgħaddi l-awrina, infjammazzjoni fl-istonku jew musrana, normalment ikkawżata minn infezzjoni (gastroenterite). infezzjoni tas-sinużite , b’sensazzjoni ta’ uġigħ u ebusija wara ħaddejk u għajnejk (sinużite), infjammazzjoni ta’ l-imnieħer jew griżmejn (nasofarinġite). Is-sinjali ta’ dan jistgħu jinkludu riħ jew grizmejn maħsusa, uġigħ ta’ ras, uġigħ tal-muskoli (majalġja), tirremetti, infjammazzjoni ta’ l-istonku (gastrite), uġigħ fl- istonku u indiġestjoni (dispepsja).
Mhux komuni (jistgħu jaffettwaw utent 1 sa 10 minn kull 1,000): uġigħ fil-ġogi (artralġja) u diffikultajiet sabiex ikollok u żżomm erezzjoni (anormalita fl-erezzjoni).
Xi pazjenti kellhom dawn l-effetti sekondarji waqt li kienu qed jieħdu Onglyza u sulphonylurea:
Komuni ħafna: zokkor baxx fid-demm (ipogliċemija)
Komuni: infezzjoni tal-parti ta’ fuq tas-sider jew tal-pulmun, infezzjoni ta’ mnejn tgħaddi l- awrina, infjammazzjoni fl-istonku jew musrana, normalment ikkawżata minn infezzjoni (gastroenterite), infezzjoni tas-sinużite, b’sensazzjoni ta’ uġigħ u ebusija wara ħaddejk u għajnejk (sinużite), uġigħ ta’ ras, uġigħ fl-istonku u tirremetti.
Mhux komuni: għeja, livelli abnormali tal-lipidi (fatty acids) (dislipidemija, ipertrigliċeridemija).
Xi pazjenti kellhom dawn l-effetti sekondarji waqt li kienu qed jieħdu Onglyza u thiazolidinedione:
Komuni: infezzjoni tal-parti ta’ fuq tas-sider jew tal-pulmun, infezzjoni ta’ mnejn tgħaddi l- awrina, infjammazzjoni fl-istonku jew musrana, normalment ikkawżata minn infezzjoni (gastroenterite), infezzjoni tas-sinużite, b’sensazzjoni ta’ uġigħ u ebusija wara ħaddejk u għajnejk (sinużite), uġigħ ta’ ras, tirremetti, uġigħ fl-istonku u tneffiħ ta’ l-idejn, ekiesi u riġlejn (edima periferali).
Xi pazjenti kellhom dawn l-effetti sekondarji waqt li kienu qed jieħdu Onglyza u metformin u sulphonylurea:
Komuni: sturdament, għeja, uġigħ fl-istonku u gass.
Xi pazjenti kellhom dawn l-effetti sekondarji addizzjonali waqt li kienu qed jieħdu Onglyza waħdu:
Komuni: sturdament, dijarrea u uġigħ fl-istonku.
Xi pazjenti kellhom l-effetti sekondarji li ġejjin waqt li kienu qed jieħdu Onglyza waħdu jew f’kombinazzjoni:
Mhux magħruf (ma tistax tiġi stmata mid-dejta disponibbli): stitikezza, bżieżaq fuq il-ġilda (pemfigojde bulluża)
Xi pazjenti kellhom xi tnaqqis żgħir fl-għadd ta’ tip wieħed, ta’ ċelluli bojod tad-demm (limfoċiti) li jidhru minn test tad-demm meta Onglyza ntuża waħdu jew flimkien ma’ mediċini oħra.
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju li mhuwiex elenkat f’dan il-fuljett.Tista’ wkoll tirrapporta effetti sekondarji direttament
permezz tas-sistema ta’ rappurtar nazzjonali imniżżla f’Appendiċi V*. Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq il-folja u l-kartuna wara EXP. Id-data ta’ meta tiskadi tirreferi għall-aħħar ġurnata ta’ dak ix-xahar.
Dan il-prodott mediċinali m’għandux bżonn l-ebda kundizzjoni ta' temperatura speċjali għall-ħażna. Tużax Onglyza jekk il-pakkett ikollu xi ħsara jew ikun hemm sinjali ta’ tbabis.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi saxagliptin.Kull pillola miksija b’rita fiha 2.5 mg saxagliptin (bħala hydrochloride).
Is-sustanza(i) l-oħra huma:
Qalba tal-pillola: lactose monohydrate; cellulose, microcrystalline (E460i); croscaramellose sodium (E468); magnesium stearate,
Il-kisja b’rita: (polyvinyl alcohol; macrogol 3350; titanium dioxide (E171); talc(E553b) u iron oxide yellow (E172).
Linka għal istampar: shellac; indigo carmine aluminium lake (E132).
2.5 mg huma pilloli sofor sa sofor ċari, konvessi miż-żewġ naħat, tondi, pilloli miksija b’rita, b’“2.5” stampata fuq naħa u “4214” stampata fuq in-naħa l-oħra, b’linka blu.
Il-pilloli jiġu f’folji ta’ fojl tal-aluminju.
Il-pilloli ta’ 2.5 mg jiġu f’ daqsijiet tal-pakkett ta’14, 28, jew 98-il pillola miksija b’rita ġo folji bil-kalendarju mhux imtaqqbin u 30x1 jew 90x1 pillola miksija b’rita ġo folji mtaqqbin madwar kull doża.
Jista’ jkun li mhux il-pakketti tad-daqsijiet kollha jkunu fis-suq.
AstraZeneca AB
SE-151 85 Södertälje L-Isvezja
AstraZeneca AB Gärtunavägen
SE-151 85 Södertälje L-Iżvezja
AstraZeneca UK Limited Silk Road Business Park Macclesfield
Cheshire SK10 2NA
Ir-Renju Unit
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
UAB AstraZeneca Lietuva Tel: +370 5 2660550
АстраЗенека България ЕООД Тел.: +359 (2) 44 55 000
AstraZeneca Czech Republic s.r.o. Tel: +420 222 807 111
Associated Drug Co. Ltd Tel: +356 2277 8000
AstraZeneca BV
Tel: +31 79 363 2222
AstraZeneca
Tel: +372 6549 600
AstraZeneca AS
Tlf: +47 21 00 64 00
AstraZeneca A.E.
Τηλ: +30 2 106871500
AstraZeneca Österreich GmbH Tel: +43 1 711 31 0
AstraZeneca Farmacéutica Spain, S.A. Tel: +34 91 301 91 00
AstraZeneca Pharma Poland Sp. z o.o. Tel.: +48 22 245 73 00
AstraZeneca
Tél: +33 1 41 29 40 00
AstraZeneca Produtos Farmacêuticos, Lda. Tel: +351 21 434 61 00
AstraZeneca Pharma SRL Tel: +40 21 317 60 41
AstraZeneca Pharmaceuticals (Ireland) DAC Tel: +353 1609 7100
AstraZeneca UK Limited Tel: +386 1 51 35 600
Vistor hf.
Sími: +354 535 7000
AstraZeneca S.p.A. Tel: +39 02 9801 1
AstraZeneca Oy
Puh/Tel: +358 10 23 010
Αλέκτωρ Φαρµακευτική Λτδ Τηλ: +357 22490305
AstraZeneca AB
Tel: +46 8 553 26 000
SIA AstraZeneca Latvija Tel: +371 67377100
AstraZeneca UK Ltd Tel: +44 1582 836 836