Brilique
ticagrelor
ticagrelor
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’
tagħmlilhom il-ħsara, anki jekk ikollhom l-istess sinjali ta’ mard bħal tiegħek..
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett sekondarju possibbli li m’huwiex elenkat f’dan il-fuljett. Ara sezzjoni 4.
X’inhu Brilique u għalxiex jintuża
X’għandek tkun taf qabel ma tieħu Brilique
Kif għandek tieħu Brilique
Effetti sekondarji li jista’ jkollu
Kif taħżen Brilique
Kontenut tal-pakkett u informazzjoni oħra
Brilique fih sustanza attiva li tissejjaħ ticagrelor. Din tippartjeni għall-grupp ta’ mediċini jissejħu
antiplejtlits.
Brilique flimkien ma’ acetylsalicylic acid (sustanza oħra kontra l-plejtlits) għandu jintuża biss fl- adulti. Inti ngħatajt din il-mediċina għaliex kellek:
attakk tal-qalb, iktar minn sena ilu.
Dan inaqqaslek il-possibbiltà li jkollok attakk tal-qalb ieħor jew puplesija jew li tmut minħabba marda relatata ma’ qalbek jew il-vini jew l-arterji.
Brilique jaffettwa ċelloli jissejħu ‘plejtlits’ (jissejħu wkoll tromboċiti). Dawn huma ċelloli żgħar ħafna
fid-demm tiegħek li jgħinu sabiex tieqaf il-fsada billi jingħaqdu flimkien sabiex jagħlqu toqob irqaq fil-kanali tad-demm li jkunu maqtugħin jew danneġġati.
Madankollu plejtlits jistgħu jifformaw demm magħqud ġewwa kanali tad-demm morda fil-qalb u fil- moħħ. Dan jista’ jkun ta’ periklu kbir għax:
id-demm magħqud jista’ jaqta’ kompletament il-provvista tad-demm; dan jista’ jikkawża attakk tal-qalb (infart mijokardjali) jew puplesija, jew
id-demm magħqud jista’ jimblokka parzjalment il-kanali tad-demm lejn il-qalb; dan inaqqas iċ- ċirkolazzjoni tad-demm lejn il-qalb u jista’ jikkawża uġigħ fis-sider li jmur u jiġi (tissejjaħ anġina mhux stabbli)
Brilique jgħin sabiex iwaqqaf il-plejtlits milli jingħaqdu. Din tnaqqas il-possibilità li jifforma embolu tad-demm li jista’ jnaqqas iċ-ċirkulazzjoni tad-demm.
Jekk inti allerġiku/a għal ticagrelor jew sustanzi oħra ta’ din il-mediċina (elenkati f’sezzjoni 6)
Jekk għandek fsada issa.
Kellek xi puplesija minħabba fsada fil-moħħ.
Għandek mard qawwi tal-fwied
Jekk qed tieħu xi waħda minn dawn il-mediċini:
ketoconazole (jintuża sabiex jikkura infezzjonijiet tal-fungu)
clarithromycin (jintuża sabiex jikkura infezzjonijiet tal-batteri)
nefazodone (anti-dipressant)
ritonavir u atazanavir (jintuża sabiex jikkura l-infezzjoni tal-HIV u AIDS)
Tiħux Brilique jekk xi waħda minn dawn tapplika għalik. Jekk mintix ċert kellem lit-tabib jew lill- ispiżjar tiegħek qabel tieħu din il-mediċina.
Kellem lit-tabib jew l-ispiżjar tiegħek qabel tieħu Brilique jekk:
Għandek żieda fir-riskju ta’ fsada minħabba:
xi leżjoni serja riċenti
kirurġija riċenti (inkluż xogħol dentali, staqsi lit-tabib tiegħek dwar dan)
jekk għandek kundizzjoni li taffettwa l-għaqid tad-demm
fsada riċenti mill-istonku jew l-imsaren (bħal ulċera tal-istonku jew qarnita fil-kolon)
Jekk ser ikollok xi operazzjoni (inkluż xogħol fuq is-snien) f’kull ħin waqt li qed tieħu Brilique.
Dan minħabba żieda fir-riskju ta’ fsada. It-tabib tiegħek jista jgħidlek sabiex tieqaf tieħu din il- mediċina 5 t’ijiem qabel l-operazzjoni
Jekk qalbek tħabbat bil-mod (normalment inqas minn 60 darba fil-minuta) u għad ma għandekx f’postu strument li jgħin lil qalbek tħabbat regolari (pacemaker)
Jekk għandek l-ażżma jew problemi oħrajn fil-pulmun jew diffikultajiet sabiex tieħu n-nifs.
Tiżviluppa xejriet fit-teħid tan-nifs irregolari bħal żieda fir-ritmu, tnaqqis fir-ritmu jew pawżi qosra fit-teħid tan-nifs. It-tabib tiegħek se jiddeċiedi għandekx bżonn evalwazzjoni ulterjuri.
Jekk kellek xi problema bil-fwied jew kellek qabel xi marda li setgħet affettwat il-fwied.
Jekk xi waħda minn dawn tapplika għalik (jew mintix ċert), kellem lit-tabib, spiżjar jew dentist tieħek qabel tieħu din il-mediċina.
Jekk qed tieħu kemm Brilique kif ukoll l-eparina:
It-tabib tiegħek jista’ jeħtieġ kampjun tad-demm tiegħek għal testijiet dijanjostiċi jekk jissuspetta disturb tal-pjastrini rari kkawżat mill-eparina. Huwa importanti li tinforma lit-tabib tiegħek li qed tieħu kemm Brilique kif ukoll l-eparina, peress li Brilique jista’ jaffettwa t-test dijanjostiku.
Brilique mhux rakkomandat għat-tfal u adolexxenti taħt it-18-il sena
Jekk jogħġbok għid lit-tabib jew lill-ispiżjar tiegħek jekk qiegħed tieħu jew jista’ jkollok bżonn tieħu xi mediċini oħrajn. Dan għaliex Brilique jista’ jaffetwa l-mod kif jaħmu xi mediċini u xi mediċini
jista’ jkollhom effett fuq Brilique.
Għid lit-tabib jew lill-ispiżjar tiegħek jekk qed tieħu xi mediċini minn dawn li ġejjin:
rosuvastatin (mediċina biex tikkura kolesterol għoli)
Aktar minn 40 mg kuljum ta’ simvastatin jew lovastatin (mediċini li jintużaw sabiex ibaxxu l- kolesterol)
rifampicin (antibijotiku)
phenytoin, carbamazepine u phenobarbital (jintużaw sabiex jikkontrollaw l-aċessjonijiet)
digoxin (jintuża sabiex jikkura l-insuffiċjenza tal-qalb)
cyclosporine (jintuża sabiex inaqqas id-difiża tal-ġisem)
quinidine u diltiazem (jintużaw sabiex jikkuraw ir-ritmi abnormali tal-qalb)
beta-blockers u verapamil (jintużaw għall-kura ta’ pressjoni għolja)
morfina u opjojdi oħra (jintużaw biex jikkuraw uġigħ sever)
Għid lit-tabib jew lill-ispiżjar tiegħek jekk qed tieħu xi mediċini minn dawn li ġejjin li jżidulek ir- riskju ta’ fsada:
Anti-koagulanti orali magħrufin ukoll bħala dawk li ‘jraqqu d-demm’ li jinkludu warfarina.
Mediċini Anti-Infjammatorji u Mhux Sterojdi (fil-qasir NSAIDs - non-steroidal anti-inflammatory drugs) li jittieħdu għal kontra l-uġigħ bħal ibuprofen u naproxen.
Inibituri Selettivi ta’ Reuptake tas-Serotonin (fil-qasir SSRIs - selective serotonin reuptake inhibitors) jittieħdu bħala anti-depressanti bħal paroxetine, sertraline u citalopram.
Mediċini oħrajn bħal ketoconazole (jintuża sabiex jikkura infezzjonijiet fungali) clarithromycin (jintuża sabiex jikkura infezzjonijiet tal-batteri), nefozodone (anti-dipressant), ritonavir u atazanavir (jintużaw sabiex jikkuraw l-infezzjoni tal-HIV u AIDS), cisapride (għall-ħruq ta’ stonku), ergot alkaloids (jintużaw għal kura tal-emigranja u l-uġigħ ta’ ras).
Għid lit-tabib tiegħek ukoll li minħabba li qed tieħu Brilique, jista’ jkollok żieda fir-riskju ta’ fsada jekk
it-tabib tiegħek jagħtik fibrinolitiċi magħrufa bħala dawk li jħollu d-demm magħqud li jinkludu streptokinase u alteplase.
Mhux rakkomadat li tuża Brilique jekk inti tqila jew tista’ tkun tqila. In-nisa għandhom jużaw miżuri ta’ kontraċezzjoni xierqa sabiex jevitaw it-tqala waqt li qed jieħdu dan il-prodott mediċinali.
Kellem lit-tabib tiegħek qabel tieħu din il-mediċina jekk qed tredda’. It-tabib tiegħek se jiddiskuti miegħek il-benefiċċji u r-riskji li tieħu Brilique waqt dan iż-żmien.
Jekk inti tqila jew qed tredda’, taħseb li tista’ tkun tqila jew qed tippjana li jkollok tarbija, itlob il-parir tat-tabib jew tal-ispiżjar tiegħek qabel tieħu din il-mediċina.
Brilique ma jaffetwax l-abbilta li s-suq jew tħaddem magni. Jekk tħossok sturdut/a jew konfuż/a waqt li tkun qed tieħu din il-mediċina, oqgħod attent/a waqt li ssuq jew tħaddem magni.
Din il-mediċina fiha inqas minn 1 mmol sodium (23 mg) f’kull doża, jiġifieri hija essenzjalment
“mingħajr sodium”.
Dejjem għandek tieħu din il-mediċina skont il-parir eżatt tat-tabib tiegħek. Dejjem għandek taċċerta ruħek mat-tabib jew mal-ispiżjar tiegħek jekk ikollok xi dubju.
Id-doża normali hija pillola waħda ta’ 60 mg darbtejn kuljum. Kompli ħu Brilique sakemm jordnalek it-tabib tiegħek.
Għandek tieħu din il-mediċina fl-istess ħin kuljum (pereżempju pillola filgħodu u waħda filgħaxija).
It-tabib tiegħek normalment jgħidlek sabiex tieħu wkoll acetylsalicylic acid. Din hija sustanza preżenti f’ħafna mediċini li jintużaw sabiex iwaqqfu d-demm milli jagħqad. It-tabib tiegħek jgħidlek kemm għandek tieħu (normalment bejn 75-150 mg kuljum).
Tista’ tieħu Brilique mal-ikel jew mingħajru.
Tista’ tiċċekja meta l-aħħar ħadt pillola ta’ Brilique billi tħares fuq il-folja. Hemm xemx (għall- filgħodu) u qamar (għall-filgħaxija). Dan jgħidlek jekk tkunx ħadt id-doża.
Jekk għandek problema biex tibla’ l-pillola, tista’ tgħaffiġha u tħallatha mal-ilma kif ġej:
Għaffeġ il-pillola fi trab fin
Ferra’ t-trab f’nofs tazza ilma
Ħawwad u ixrob minnufih
Sabiex tkun ċert/a li ma jkunx fadal aktar mediċina, laħlaħ it-tazza vojta b’nofs tazza ilma oħra u ixrobha
Jekk tinsab l-isptar, tista’ tingħata din il-pillola mħallta ma’ ftit ilma u tingħata permezz ta’ tubu mill-
imnieħer (tubu nażogastriku).
Jekk tieħu Brilique aktar milli suppost, kellem tabib jew mur fi sptar minnufih. Ħu l-pakkett tal-
mediċina miegħek. Tista’ tkun f’riskju ta’ żieda ta’ fsada.
Jekk tinsa tieħu doża, ħu d-doża normali li jkun imiss.
Tiħux doża doppja ( żewġ dożi fl-istess ħin) biex tagħmel tajjeb għad-doża li tkun insejt).
Tiqafx tieħu Brilique mingħajr ma tkellem lit-tabib tigħek. Ħu din il-mediċina fuq bażi regolari
sakemm it-tabib tiegħek jibqa jagħtihulek. Jekk tieqaf tieħu Brilique, jista’ jiżdied iċ-ċans li jkollok attakk tal-qalb ieħor jew puplesija jew li tmut minn mard relatat ma’ qalbek jew ma’ kanali tad-demm.
Jekk għandek aktar mistoqsijiet dwar l-użu ta’ din il-mediċina, staqsi lit-tabib jew spiżjar tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd. L-effetti sekondarji li ġejjin jistgħu iseħħu b’din il-mediċina:
Brilique jaffettwa l-għaqid tad-demm, b’hekk il-biċċa l-kbira tal-effetti sekondarji huma relatati ma’ fsada. Fsada tista’ sseħħ fi kwalunkwe parti tal-ġisem. Xi fsada hija komuni (bħal tbenġil u tifriġ). Fsada severa mhijiex komuni iżda’ tista’ tkun ta’ theddida għall-ħajja.
tnemnim f’salt jew debbulizza ta’ jdejk, saqajk jew wiċċek, speċjalment jekk fuq naħa
waħda tal-ġisem
tkun konfuż/a, issibha diffiċli sabiex titkellem jew tifhem lill-oħrajn
diffikulta f’daqqa sabiex timxi jew telf ta’ bilanċ jew kordinazzjoni
tħossok sturdut/a f’daqqa jew taqbdek uġigħ ta’ ras f’daqqa u mingħajr raġuni
fsada li hija qawwija jew li ma tistax tiġi kkontrollata
fsada mhux mistennija jew fsada li ddum ħafna
awrina roża, ħamra jew kannella
tirremetti demm aħmar jew ir-rimettar tiegħek ikun qisu “ċiċri tal-kafè”
ippurgar aħmar jew iswed (ikun qisu qatran)
tisgħol jew tirremetti ċapep tad-d-demm
tintilef minn sensik b’mod temporanju minħabba tnaqqis f’daqqa fil-fluss tad-demm fil- moħħ (komuni)
- deni u tikek jagħtu fil-vjola (imsejħa purpura) fuq il-ġilda jew fil-ħalq, bi jew mingħajr sfurija tal-ġilda jew l-għajnejn (suffejra), għeja estrema bla spjegazzjoni jew konfużjoni
Brilique ġeneralment huwa ħafif u kkaratterizzat minn bżonn kbir ta’ arja f’daqqa mhux mistenni li jseħħ waqt il-mistrieħ u jista’ jidher fl-ewwel ġimgħat tat-terapija u għal biċċa l-kbir tan-nies jista’ jgħaddi. Jekk il-qtugħ ta’ nifs tiegħek jiggrava jew idum għal żmien twil, għid lit-tabib tiegħek. It-
tabib tiegħek jiddeċiedi għandekx bżonn kura jew ta’ aktar investigazzjonijiet.
Livell għoli ta’ uric acid fid-demm tiegħek (kif osservat fit-testijiet)
Fsada kkawżata minn disturbi fid-demm
Tbenġil
Uġigħ ta’ ras
Tħossok stordut/a u kollox idur
Dijarea jew indiġestjoni
Tħossok ma tiflaħx (dardir)
Stitikezza
Raxx
Ħakk
Uġigħ qawwi u nefħa fil-ġoġi – dawn huma sinjali ta’ gotta
Tħossok sturdut jew mhux f’siktek, jew ikollok vista mċajpra – dawn huma sinjali ta’ pressjoni tad-demm baxx
Tinfaraġ
Fsada wara kirurġija jew minn qtugħ (pereżempju waqt li tkun qed tqaxxar il-leħja) u feriti aktar min-normal
Fsada mill-inforra tal-istonku (ulċera)
Fsada mill-ħanek
Reazzjoni allerġika – raxx, ħakk jew jintefħu x-xofftejn/ilsien jistgħu jkunu sinjali ta’ reazzjoni allerġika
Konfużjoni
Problemi viżwali kkawżat minn demm f’għajnejk
Fsada mill-vaġina aktar qawwija, jew isseħħ fi żminijiet differenti, mill-pirjid normali (mestrwali) tiegħek
Fsada fil-ġogi li tikkawża nefħa b’uġigħ fil-ġoġi u l-muskoli
Demm f’widnejk
Fsada interna, din tista’ tikkawża sturdament jew li tħossok mhux f’siktek
Rata tal-qalb baxxa anormali (normalment inqas minn 60 taħbita fil-minuta)
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett
sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali imniżżla f’Appendiċi V. Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq il-folja u l-kartuna wara JIS. Id-data ta’ skadenza tirreferi għall-aħħar ġurnata ta’ dak ix-xahar.
Din il-mediċina ma teħtieġ l-ebda kundizzjoni ta’ ħżin speċjali.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hija ticagrelor. Kull pillola miksija b’rita fiha 60 mg ta’ ticagrelor.
Is-sustanzi l-oħra eċċipjenti huma:
Qalba tal-pillola: mannitol (E421), calcium hydrogen phosphate dihydrate, sodium starch glycolate tip A, hydroxypropyl cellulose (E463), magnesium stearate (E470b)
Il-kisja tar-rita tal-pillola: hypromellose (E464), titanium dioxide (E171), macrogol 400, iron oxide black (E172), iron oxide red (E172).
Pillola miksija b’rita (pillola). Il-pilloli huma tondi, bikunvessi, roża, miksija b’rita mmarkati b’”60”
fuq ”T” fuq naħa waħda.
Brilique huwa disponibbli f’
Folji standard (xemx/qamar) f’kartun ta’ 60 u 180 pillola
Folji bil-kalendarju (xemx/qamar) f’kartun ta’ 14, 56 u 168 pillola Jista’ jkun li mhux il-pakketti tad-daqsijiet kollha jkunu fis-suq.
Detentur tal-Awtorizzazzjoni għat-Tqegħid fis-Suq: AstraZeneca AB
SE-151 85 Södertälje L-Isvezja
Manifattur: AstraZeneca AB Gärtunavägen
SE-151 85 Södertälje L-Isvezja
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
UAB AstraZeneca Lietuva Tel: +370 5 2660550
АстраЗенека България ЕООД Teл.: +359 2 44 55 000
AstraZeneca Czech Republic s.r.o Tel: +420 222 807 111
Associated Drug Co. Ltd Tel: +356 2277 8000
AstraZeneca BV
Tel: +31 79 363 2222
AstraZeneca
Tel: +372 6549 600
AstraZeneca AS
Tlf: +47 21 00 64 00
AstraZeneca A.E.
Τηλ: +30 2 106871500
AstraZeneca Österreich GmbH Tel: +43 1 711 31 0
AstraZeneca Farmacéutica Spain, S.A. Tel: +34 91 301 91 00
AstraZeneca
Tél: +33 1 41 29 40 00
AstraZeneca Pharma Poland Sp. z o.o. Tel.: +48 22 874 35 00
AstraZeneca Produtos Farmacêuticos, Lda. Tel: +351 21 434 61 00
AstraZeneca Pharma SRL Tel: +40 21 317 60 41
AstraZeneca Pharmaceuticals (Ireland) DAC Tel: +353 1609 7100
AstraZeneca UK Limited Tel: +386 1 51 35 600
Vistor hf.
Sími: +354 535 7000
AstraZeneca S.p.A. Tel: +39 02 9801 1
AstraZeneca Oy
Puh/Tel: +358 10 23 010
Αλέκτωρ Φαρµακευτική Λτδ Τηλ: +357 22490305
AstraZeneca AB
Tel: +46 8 553 26 000
SIA AstraZeneca Latvija Tel: +371 67377100
AstraZeneca UK Ltd Tel: +44 1582 836 836