Mycophenolate mofetil Teva
mycophenolate mofetil
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’
tagħmlilhom il-ħsara anki jekk ikollhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib, lill-ispiżjar jew l-infermier tiegħek. Dan
jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4.
X’inhu Mycophenolate mofetil Teva u għalxiex jintuża
X’għandek tkun taf qabel ma tieħu Mycophenolate mofetil Teva
Kif għandek tieħu Mycophenolate mofetil Teva
Effetti sekondarji possibbli
Kif taħżen Mycophenolate mofetil Teva
Kontenut tal-pakkett u informazzjoni oħra
Mycophenolate mofetil Teva huwa mediċina li jintuża biex irażżan l-attività immunoloġika.
Is-sustanza attiva ta’ din il- mediċina jisimha mycophenolate mofetil.
Mycophenolate mofetil Teva jintuża biex jimpedixxi ’l ġisemek milli jirriġetta kliewi, qalb jew fwied trapjantat. Huwa jintuża flimkien ma’ mediċini oħra li għandhom l-istess funzjoni (i.e ciclosporin u corticosteroids)
TWISSIJA
Mycophenolate jikkawża difetti tat-twelid u korriment. Jekk inti mara li tista’ toħroġ tqila, għandek tipprovdi test tat-tqala negattiv qabel tibda t-trattament u għandek issegwi l-pariri dwar kontraċezzjoni mogħtija lilek mit-tabib tiegħek.
It-tabib tiegħek se jkellmek u jagħtik informazzjoni bil-miktub, b’mod partikolari dwar l-effetti ta’ mycophenolate fuq trabi mhux imwielda. Aqra l-informazzjoni b’attenzjoni u segwi l-istruzzjonijiet. Jekk ma tifhemx dawn l-istruzzjonijiet b’mod sħiħ, jekk jogħġbok staqsi lit-tabib tiegħek biex jerġa’ jispjegahom qabel ma tieħu mycophenolate. Ara wkoll aktar informazzjoni f’din is-sezzjoni taħt “Twissijiet u prekawzjonijiet” u “Tqala u treddigħ”.
jekk inti allerġiku għal mycophenolate mofetil, mycophenolic acid għal xi jew sustanza oħra ta’ din
il-mediċina (elenkati f-sezzjoni 6).
jekk inti mara li tista’ tkun tqila u ma pprovdejtx test tat-tqala negattiv qabel l-ewwel preskrizzjoni
tiegħek, għax mycophenolate jikkawża difetti tat-twelid u korriment.
jekk inti tqila jew qed tippjana li jkollok tarbija jew taħseb li tista’ tkun tqila.
jekk mhux qed tuża kontraċezzjoni effettiva (ara Tqala, kontraċezzjoni u treddigħ).
jekk qegħda tredda’.
Tiħux din il-mediċina jekk xi waħda minn ta’ fuq tapplika għalik. Jekk ikollok xi dubju, kellem lit- tabib jew lill-ispiżjar tiegħek qabel tieħu Mycophenolate mofetil Teva.
Kellem lit-tabib tiegħek minnufih qabel ma tibda trattament b’Mycophenolate mofetil Teva:
jekk għandek aktar minn 65 sena għax jista’ jkollok riskju akbar li tiżviluppa avvenimenti avversi bħal ċerti infezzjonijiet virali, fsada gastrointestinali u edima pulmonari meta mqabbel ma’ pazjenti iżgħar.
jekk ikollok xi evidenza ta’ infezzjoni (e.g. deni, griżmejk juġawk), tbenġil mhux mistenni u/jew
fsada
jekk għandek jew qatt kellek xi problem ibis-sistema diġestiva tiegħek eż. brixx fl-istonku
jekk qed tippjana biex toħroġ tqila, jew jekk toħroġ tqila waqt li inti jew is-sieħeb tiegħek tkunu qed tieħdu Mycophenolate mofetil Teva.
jekk għandek nuqqas ereditarju ta’ enzimi bħas-sindrome ta’ Lesch-Nyhan u Kelley-Seegmiller.
Mycophenolate mofetil Teva inaqqas il-mekkaniżmu tad-difiża tal-ġisem. Minħabba f’hekk hemm riskju akbar ta’ kanċer tal-ġilda. Għalhekk għandek tillimita l-espożizzjoni tiegħek għax-xemx u għad-dawl ultra vjola (UV) billi tilbes ilbies protettiv u billi tuża sunscreen b’fattur ta’ protezzjoni għoli.
M’għandekx tagħti demm waqt it-trattament b’Mycophenolate mofetil Teva u għal mill-inqas
6 ġimgħat wara li jitwaqqaf it-trattament. L-irġiel m’għandhomx jagħtu semen waqt it-trattament b’Mycophenolate mofetil Teva u għal mill-inqas 90 jum wara li jitwaqqaf it-trattament.
Mycophenolate mofetil Teva jintuża fi tfal u adoloxxenti (b’età minn 2 sa 18-il sena) biex jipprevjeni r-riġessjoni mil-ġisem ta kilwa trapjantata
Mycophenolate mofetil Teva m’għandux jintuża fi tfal u adoloxxenti (b’età minn 2 sa 18-il sena) għal trapjanti tal-qalb jew fwied.
Mycophenolate mofetil Teva m’għandux jintuża kompletament fi tfal taħt is-sentejn għax abbażi tad-
data limitata dwar is-sigurtà u l-effikaċja għal dan il-grupp ta’ età, ma tista’ ssir l-ebda rakkomandazzjoni dwar id-doża.
Għid lit-tabib jew lill-ispiżjar tiegħek jekk qed tieħu, ħadt dan l-aħħar jew tista’ tieħu xi mediċini oħra.
Jekk it-tweġiba hija iva għal xi waħda mill-mistoqsijiet li ġejjin kellem lit-tabib tiegħek qabel ma tibda’ tieħu Mycophenolate mofetil Teva
Qed tieħu xi mediċini li fihom:
azathioprine jew mediċini immunosuppressivi (li xi kultant jingħataw lil pazjenti wara
operazzjoni ta’ trapjant),
cholestyramine (użat biex jittratta pazjenti li għandhom livell għoli ta’ kolesterol fid-demm),
rifampicin (antibijotiku),
antacidi jew inibituri tal-pompi tal-protoni (użati għall-problemi ta’ aċidu fl-istonku bħal
indiġestjoni),
phosphate binders (użati f’pazjenti li għandhom indeboliment kroniku li jnaqqas l-assorbiment ta’ fosfat),
antibijotiċi – użati biex jittrattaw infezzjonijiet batteriċi
isavuconazole – użat biex jittratta infezzjonijiet mill-moffa
telmisartan – użat biex jittratta l-pressjoni għolja
jew xi mediċini oħra (inkluż dawk li tista’ tixtri mingħajr riċetta) li t-tabib tiegħek ma jafx
dwarhom?
Għandek bżonn tieħu tilqima (vaċċini ħajjin)? It-tabib tiegħek ser jirrakomandalek x’inhu indikat għalik.
Jekk inti mara li tista’ toħroġ tqila għandek tuża metodu effettiv ta’ kontraċezzjoni flimkien ma’
Mycophenolate mofetil Teva. Dan jinkludi:
Qabel ma tibda tieħu Mycophenolate mofetil Teva
Waqt it-trattament kollu tiegħek b’Mycophenolate mofetil Teva
Għal 6 ġimgħat wara li tieqaf tieħu Mycophenolate mofetil Teva
Kellem lit-tabib tiegħek dwar il-metodi ta’ kontraċettivi l-aktar xierqa għalik. Dan se jiddependi mis- sitwazzjoni individwali tiegħek. Żewġ forom ta’ kontraċezzjoni huma preferibbli għax dan inaqqas ir- riskju ta’ tqala mhux intenzjonata. Ikkuntattja lit-tabib tiegħek malajr kemm jista’ jkun, jekk taħseb li l-kontraċezzjoni tiegħek setgħet ma kinitx effettiva jew jekk insejt tieħu l-pillola kontraċettiva tiegħek.
Ma tistax toħroġ tqila jekk xi waħda minn dawn il-kondizzjonijiet li ġejjin tapplika għalik:
Inti għaddejt mill-menopawsa, i.e. għandek età ta’ mill-inqas 50 sena u l-aħħar mestrwazzjoni tiegħek kienet aktar minn sena ilu (jekk il-mestrwazzjoni tiegħek waqfet għax kellek trattament għall-kanċer, xorta għad hemm ċans li tista’ toħroġ tqila).
It-tubi fallopjani tiegħek u ż-żewġ ovarji tneħħew permezz ta’ operazzjoni (salpingo-oophorectomy
bilaterali).
Il-ġuf (l-utru) tiegħek tneħħa permezz ta’ operazzjoni (isterektomija).
L-ovarji tiegħek m’għadhomx jaħdmu (insuffiċjenza prematura tal-ovarji, li kienet ikkonfermata
minn ġinekologu speċjalista).
Twelidt b’waħda mill-kondizzjonijiet rari li ġejjin li jagħmlu t-tqala impossibbli: il-ġenotip XY, is- sindrome ta’ Turner jew aġenesi tal-utru.
Inti tifla jew żagħżugħa li għad ma bdejtx ikollok il-mestrwazzjoni.
L-evidenza disponibbli ma tindikax riskju akbar ta’ malformazzjonijiet jew ta’ korriment jekk il- missier jieħu mycophenolate. Madankollu, riskju ma jistax jiġi eskluż għalkollox. Bħala prekawzjoni inti jew is-sieħba tiegħek rakkomandati tużaw kontraċezzjoni affidabbli waqt it-trattament u għal
90 jum wara li tieqaf tieħu Mycophenolate mofetil Teva.
Jekk qed tippjana li jkollok it-tfal, kellem lit-tabib tiegħek dwar ir-riskji potenzjali u terapiji alternattivi.
Jekk inti tqila jew qed tredda’, taħseb li tista’ tkun tqila jew qed tippjana li jkollok tarbija, itlob il-parir tat-tabib jew tal-ispiżjar tiegħek qabel tieħu din il-mediċina. It-tabib tiegħek se jkellmek dwar ir-riskji fil-każ ta’ tqala u l-alternattivi li tista’ tieħu biex tipprevjeni tiċħid tal-organu trapjantat tiegħek jekk:
Qed tippjana biex toħroġ tqila.
Qbiżt jew taħseb li qbiżt mestrwazzjoni, jew jekk ikollok fsada mestrwali mhux tas-soltu, jew tissuspetta li inti tqila.
Jekk tagħmel sess mingħajr l-użu ta’ metodi effettivi ta’ kontraċezzjoni.
Jekk toħroġ tqila waqt it-trattament b’mycophenolate, għandek tgħarraf lit-tabib tiegħek immedjatament. Madankollu, kompli ħu Mycophenolate mofetil Teva sakemm tarah jew taraha.
Tqala
Mycophenolate jikkawża frekwenza għolja ħafna ta’ korriment (50%) u ta’ difetti severi tat-twelid (23-27%) fit-tarbija mhux imwielda. Difetti tat-twelid li kienu rrappurtati jinkludu anomaliji tal- widnejn, tal-għajnejn, tal-wiċċ (xoffa/palat mixquq), tal-iżvilupp tas-swaba’, tal-qalb, tal-esofagu (tubu li jgħaqqad il-gerżuma mal-istonku), tal-kliewi u tas-sistema nervuża (pereżempju spina bifida (fejn l-għadam tas-sinsla tad-dahar ma jkunux żviluppati sew)). It-tarbija tiegħek tista’ tiġi affettwata minn wieħed jew aktar minn dawn.
Jekk inti mara li tista’ toħroġ tqila, għandek tipprovdi test tat-tqala negattiv qabel tibda t-trattament u għandek issegwi l-pariri dwar kontraċezzjoni mogħtija lilek mit-tabib tiegħek. It-tabib tiegħek jista’ jitlob aktar minn test wieħed biex ikun ċert li m’intix tqila qabel jibda t-trattament.
Treddigħ
Tiħux Mycophenolate mofetil Teva jekk qed tredda’. Dan peress li ammonti żgħar tal-mediċina jistgħu jgħaddu fil-ħalib tal-omm.
Mycophenolate mofetil Teva għandu effett moderat fuq il-ħila tiegħek biex issuq jew tħaddem għodda jew magni. Jekk tħossok sturdut, tħoss ġismek imtarrax jew tħossok konfuż, kellem lit-tabib jew lill- infermier tiegħek u ssuqx u tħaddimx għodda jew magni qabel ma tħossok aħjar.
Din il-mediċina fiha anqas minn 1 mmol sodium (23 mg) f’kull kapsula iebsa, jiġifieri essenzjalment ‘ħielsa mis-sodium’.
Dejjem għandek tieħu din il-mediċina eżatt skont il-parir tat-tabib. Dejjem għandek taċċerta ruħek
mat-tabib jew mal-ispiżjar tiegħek jekk ikollok xi dubju.
It-trattament tiegħek jibda u jiġi mmonitorjat min tabib speċjaliżżat fit-trapjanti. Id-doża li ssoltu tingħata hija kif ġej:
Adulti
L-ewwel doża għandha tingħata fi żmien 72 siegħa minna wara l-operazzjoni tat-trapjant. Id-doża rakkomandata ta’ kuljum hi ta’ 8 kapsuli (2 g tas-sustanza attiva) meħuda f’żewġ dożi separati. Dan ifisser li għandhom jittieħdu 4 kapsuli filgħodu u 4 filgħaxija.
Tfal u adoloxxenti (b’età minn 2 sa 18-il sena)
Id-doża li tingħata għandha tvarja skont id-daqs tat-tifel/tifla. It-tabib tiegħek ser jiddeċiedi l-aktar doża xierqa ibbażżata fuq l-erja superfiċjali tal-ġisem (tul u piż). Id-doża rakkomandata hija ta’ 600 mg/m2 li tingħata mill-ħalq darbtejn kuljum.
Adulti
L-ewwel doża għandha tingħata fi żmien 5 ijiem wara l-operazzjoni tat-trapjant. Id-doża rakkomandata ta’ kuljum hi ta’ 12-il kapsula (3 g tas-sustanza attiva) li tittieħed f’żewġ dożi separati. Dan ifisser li għandhom jittieħdu 6 kapsuli filgħodu u mbagħad 6 kapsuli filgħaxija.
Tfal
M’hemm l-ebda tagħrif dwar l-użu ta’ Mycophenolate mofetil Teva fi tfal bi trapjant tal-qalb.
Adulti
L-ewwel doża ta’ Mycophenolate mofetil Teva li tittieħed mill-ħalq għandha tingħatalek ta’ lanqas
4 ijiem wara l-operazzjoni ta’ trapjant u meta tkun kapaci tibla’ l-mediċini mill-ħalq. Id-doża rakkomandata ta’ kuljum hi ta’ 12-il kapsula (3 g tas-sustanza attiva) li tittieħed f’żewġ dożi separati. Dan ifisser li għandhom jittieħdu 6 kapsuli filgħodu imbagħad 6 kapsuli filgħaxija.
Tfal
M’hemm l-ebda tagħrif dwar l-użu ta’ Mycophenolate mofetil Teva fi tfal bi trapjant tal-fwied.
Ibla’ l-kapsuli tiegħek b’mod sħiħ b’tazza ilma. Tista teħodhom mal-ikel jew bla ikel. La għandek tkisser u lanqas titħannhom u lanqas m’għandek tieħu kapsuli li jkunu nfetħu jew inqassmu. Evita kull
kuntatt ma’ trab li jkun ħareġ minn kapsuli mħassra. Jekk kapsula tkun infetħet b’mod aċċidentali, laħlaħ it-trab minn mal-ġilda bis-sapun u l-ilma. Jekk xi trab jidħol f’għajnejk laħlaħ sew b’ħafna ilma nadif u frisk għajnejk u ħalqek,
It-trattament ser jissokta għalik sakemm ikollok bżonn l-immunosoppressjoni sabiex jimpedixxi rifjut tal-organu ttrapjantat.
Huwa importanti li ma tieħux aktar kapsuli milli suppost. Ikkuntattja l-eqreb dipartiment tal-Aċċidenti u l-Emerġenza fi sptar jew tabib għal parir jekk blajt aktar kapsuli milli qalulek biex tieħu jew jekk it- tifel/tifla tiegħek belgħet minnhom.
Jekk fi kwalunkwe ħin insejt tieħu l-mediċina tiegħek, ħudha meta tiftakar, imbagħad kompli ħudha
fil-ħinijiet tas-soltu.
M’għandekx tieħu doża doppja biex tpatti għal xi doża li nsejt tieħu.
M’għandekx tieqaf tieħu Mycophenolate mofetil Teva għax tħossok aħjar. Hu importanti li ddum tieħu l-mediċina skont kif qallek it-tabib. Jekk twaqqaf it-trattament tiegħek b’Mycophenolate mofetil Teva jista’ jiżdied iċ-ċans għal riġezzjoni ta’ l-organu trapjantat. Tieqafx tieħu l-mediċina tiegħek kemm-il darba t-tabib tiegħek ma jgħidlekx biex tagħmel hekk.
Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
għandek sinjal ta’ infezzjoni bħal deni jew uġigħ fil-griżmejn.
għandek xi tbenġil jew fsada mhux mistennija.
għandek raxx, nefħa fil-wiċċ, fix-xufftejn, fl-ilsien jew fil-gerżuma, b’diffikultà biex tieħu n-nifs - jista’ jkollok reazzjoni allerġika serja għall-mediċina (bħal anafilassi, anġjoedema).
għandek ippurgar iswed jew bid-demm jew jekk tirremetti demm jew partiċelli skuri li jidhru bħal kafè midħun. Dawn jistgħu jkunu sinjali ta’ fsada fl-istonku jew fl-imsaren.
Il-frekwenza ta’ ċerti effetti sekondarji tiddependi mill-organu trapjantat, jiġifieri xi effetti sekondarji jistgħu jseħħu aktar jew inqas ta’ spiss skont jekk dan il-prodott mediċinali ikunx qed jittieħed biex jipprevjeni lill-ġismek milli jirrifjuta qalb trapjantata jew kilwa trapjantata. Għal raġunijiet ta’ ċarezza, kull effett sekondarju huwa dejjem elenkat taħt l-ogħla frekwenza tiegħu.
Effetti sekondarji komuni ħafna (jistgħu jaffettwaw aktar minn persuna 1 f’10)
infezzjonijiet ikkawżati minn batterja, viruses u/jew moffa
infezzjoni serja li tista’ taffettwa l-ġisem kollu
tnaqqis fin-numru ta’ ċelluli bojod tad-demm, plejtlits jew ċelluli ħomor tad-demm, li jistgħu jirriżultaw f’riskju ogħla ta’ infezzjonijiet, tbenġil, emorraġiji, qtugħ ta’ nifs u debbulezza
fsada taħt il-ġilda
żieda fin-numru ta’ ċelluli bojod tad-demm
wisq aċidu fil-ġisem
livell għoli ta’ kolesterol u/jew lipidi fid-demm
livell għoli ta’ zokkor fid-demm
livell għoli ta’ potassju fid-demm, livell baxx ta’ potassju, manjeżju, kalċju u/jew fosfat fid-demm
livell għoli ta’ aċidu uriku fid-demm, gotta
irrekwitezza, anormalitajiet fil-ħsieb, fil-perċezzjoni u l-livelli ta’ koxjenza, depressjoni, tħossok ansjuż, diffikultà biex torqod
żieda fit-tensjoni tal-muskoli, tregħid, ngħas, tħossok sturdut, uġigħ ta’ ras, tirżiħ, tingiż jew
tnemnim
il-qalb tħabbat aktar malajr
pressjoni baxxa/għolja, twessigħ tal-kanali tad-demm
akkumulazzjoni ta’ fluwidu fil-pulmun, qtugħ ta’ nifs, sogħla
żaqq minfuħa
rimettar, uġigħ fl-istonku, dijarea, tħossok imdardar
stitikezza, indiġestjoni, gass (uġigħ ikkawżat minn gass)
tnaqqis fl-aptit
bidliet f’parametri differenti tal-laboratorju
infjammazzjoni tal-fwied, il-ġilda u l-abjad tal-għajnejn jisfaru
neoplażma tal-ġilda, raxx, akne
dgħufija fil-muskoli
uġigħ fil-ġogi
problemi fil-kliewi
demm fl-awrina
deni, sensazzjoni ta’ kesħa, uġigħ, tħossok dgħajjef u debboli
żamma ta’ fluwidu fil-ġisem
parti minn organu intern jew tessut imqabbeż minn post dgħajjef fil-muskoli taż-żaqq
uġigħ fil-muskoli, fl-għonq u fid-dahar
Komuni (jistgħu jaffettwaw sa persuna 1 f’10)
kanċer tal-ġilda, neoplażma mhux malinna tal-ġilda
tkabbir mhux normali u eċċessiv ta’ tessut
tnaqqis fin-numru taċ-ċelluli tad-demm kollha
tkabbir beninni tal-glandoli limfatiċi, bidliet infjammatorji fil-ġilda (psewdolimfoma)
tnaqqis fil-piż
ħsibijiet mhux normali
aċċessjoni
bidla fis-sens tat-togħma
embolu tad-demm li jifforma ġewwa vina
infjammazzjoni tat-tessut li jiksi l-ħajt ta’ ġewwa tal-addome u jkopri l-biċċa l-kbira tal-organi addominali
imblukkar tal-imsaren
infjammazzjoni tal-kolon li tikkawża uġigħ addominali jew dijarea (kultant ikkawżat minn ċitomegalovirus), ulċera fil-ħalq u/jew fl-istonku u/jew fid-duwodenu, infjammazzjoni tal-istonku, esofagu u/jew tal-ħalq u x-xufftejn
tifwiq
telf ta’ xagħar
tħossok ma tiflaħx
tkabbir eċċessiv tat-tessut tal-ħanek
infjammazzjoni tal-frixa, li tikkawża uġigħ qawwi fl-addome u d-dahar
Mhux komuni(jistgħu jaffettwaw sa persuna 1 f’100)
infezzjonijiet ikkawżati minn protozoa
proliferazzjoni tat-tessut linfatiku, li jinkludi tumuri malinni
produzzjoni insuffiċjenti ta’ ċelluli ħomor tad-demm
mard serju tal-mudullun
akkumulazzjoni ta’ fluwidu limfatiku fil-ġisem
qtugħ ta’ nifs, sogħla, li tista' tkun minħabba bronkjektasi (kundizzjoni fejn il-passaġġi tal-arja tal- pulmun jkunu dilatati b’mod mhux normali) jew fibrożi pulmonari (ċikatriċi tal-pulmun). Kellem lit-tabib tiegħek jekk tiżviluppa sogħla persistenti jew qtugħ ta’ nifs
tnaqqis fl-ammont ta’ antikorpi fid-demm
tnaqqis sever fin-numru ta’ ċerti ċelluli bojod tad-demm (sintomi possibbli huma deni, uġigħ fil- griżmejn, infezzjonijiet frekwenti) (agranuloċitosi).
Mhux magħrufa (il-frekwenza ma tistax tiġi stmata mid-data disponibbli)
tibdil fil-ħajt ta’ ġewwa tal-musrana ż-żgħira (atrofija tal-villi intestinali)
infjammazzjoni serja tal-membrana li tiksi l-moħħ u s-sinsla tad-dahar
infjammazzjoni serja tal-qalb u l-valvs tagħha
infezzjonijiet ikkawżati minn batterja li ġeneralment iwasslu għal disturb serju fil-pulmun (tuberkulożi, infezzjoni atipika kkawżata minn mikobatterja)
marda serja tal-kliewi (nefropatija assoċjata mal-virus BK)
marda serja tas-sistema nervuża ċentrali (lewkoenċefalopatija multifokali progressiva assoċjata
mal-virus JC)
tnaqqis fin-numru ta’ ċerti ċelluli bojod tad-demm (newtropenija)
bidla fil-forma ta’ ċerti ċelluli bojod tad-demm
Tieqafx tieħu l-mediċina tiegħek sakemm ma tkunx iddiskutejt dan mat-tabib tiegħek.
Jekk ikollok xi effett sekondarju, kellem lit-tabib, lill-ispiżjar jew l-infermier tiegħek. Dan jinkludi xi effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali imniżżla f’Appendiċi V. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq il-folja u l-kartuna wara EXP. Id-data ta’ meta tiskadi tirreferi għall-aħħar ġurnata ta’ dak ix-xahar.
Din il-mediċina m’għandhiex bżonn ħażna speċjali.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi mycophenolate mofetil.
Kull kapsula fiha 250 mg mycophenolate mofetil.
Is-sustanzi l-oħra huma:
Il-Kontenut tal-kapsula Pregelatinised maize starch Povidone K-30 Croscarmellose sodium Magnesium stearate
Il-qoxra tal-kapsuli
Ras
Indigo carmine (E132) Titanium dioxide (E171) Gelatin
Korp
Red iron oxide (E127) Yellow iron oxide (E110) Titanium dioxide (E171) Gelatin
Il-linka sewda tikkonsisti minn shellac, black iron oxide (E172), propylene glycol u potassium hydroxide
Kapsuli iebsin
Il-korp: lewn il-karamelli opak, li fuqu hemm stampat ‘250’ b’mod assjali b’linka sewda Ir-ras: kaħlanija ċara opaka li fuqha hemm stampat “M” b’mod assjali b’linka sewda.
Mycophenolate mofetil Teva 250 mg kapsuli iebsin jiġu f’pakketti tal-folji tal-PVC/PVdC-aluminju f’daqsijiet ta’ 100, 300 jew 100x1 kapsula f’kull kartuna
Jista’ jkun li mhux il-pakketti tad-daqsijiet kollha jkunu fis-suq. Detentur tal-Awtorizzazzjoni għat-Tqegħid fis-Suq u l-Manifattur Detentur tal-Awtorizzazzjoni għat-Tqegħid fis-Suq
Teva B.V.
Swensweg 5 2031GA Haarlem L-Olanda
Teva Pharmaceutical Works Private Limited Company Pallagi út 13.
Debrecen H-4042, L-Ungerija
Pharmachemie B.V. Swensweg 5
2031 GA Haarlem L-Olanda
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
Teva Pharma Belgium N.V./S.A./AG Tél/Tel: +32 38207373
UAB Teva Baltics Tel: +370 52660203
Тева Фарма ЕАД Тел: +359 24899585
Teva Pharma Belgium N.V./S.A./AG Belgique/Belgien
Tél/Tel: +32 38207373
Teva Pharmaceuticals CR, s.r.o. Tel: +420 251007111
Teva Gyógyszergyár Zrt. Tel: +36 12886400
Teva Denmark A/S Tlf: +45 44985511
Teva Pharmaceuticals Ireland L-Irlanda
Tel: +44 2075407117
TEVA GmbH
Tel: +49 73140208
Teva Nederland B.V. Tel: +31 8000228400
UAB Teva Baltics Eesti filiaal Tel: +372 6610801
Teva Norway AS Tlf: +47 66775590
Specifar Α.Β.Ε.Ε. Τηλ: +30 2118805000
ratiopharm Arzneimittel Vertriebs-GmbH Tel: +43 1970070
Teva Pharma, S.L.U. Tel: +34 913873280
Teva Pharmaceuticals Polska Sp. z o.o. Tel: +48 223459300
Teva Santé
Tél: +33 155917800
Teva Pharma - Produtos Farmacêuticos, Lda. Tel: +351 214767550
Pliva Hrvatska d.o.o. Tel: +385 13720000
Teva Pharmaceuticals S.R.L. Tel: +40 212306524
Teva Pharmaceuticals Ireland Tel: +44 2075407117
Pliva Ljubljana d.o.o. Tel: +386 15890390
Teva Pharma Iceland ehf. Sími: +354 5503300
TEVA Pharmaceuticals Slovakia s.r.o. Tel: +421 257267911
Teva Italia S.r.l. Tel: +39 028917981
Teva Finland Oy
Puh/Tel: +358 201805900
Specifar Α.Β.Ε.Ε. Ελλάδα
Τηλ: +30 2118805000
Teva Sweden AB Tel: +46 42121100
UAB Teva Baltics filiāle Latvijā
Tel: +371 67323666
Teva Pharmaceuticals Ireland Ireland
Tel: +44 2075407117