Trazec
nateglinide
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek. M’għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sintomi bħal tiegħek.
Jekk xi wieħed mill-effetti sekondarji jiggrava jew jekk tinnota xi effetti sekondarji li m’humiex imsemmijin f’dan il-fuljett, jekk jogħġbok, għid lit-tabib jew lill-ispiżjar tiegħek.
X’inhu Trazec u għalxiex jintuża
Qabel ma tieħu Trazec
Kif għandek tieħu Trazec
Effetti sekondarji li jista’ jkollu
Kif taħżen Trazec
Aktar tagħrif
Prodott mediċinali li m’għadux awtorizzat
Trazec hija mediċina biex tbaxxi z-zokkor fid-demm (glucose), li tittieħed mill-ħalq (dawn il-mediċini huma magħrufin ukoll bħala anti-dijabetiċi li jittieħdu mill-ħalq).
Tintuża minn nies b’dijabete tip 2. (Din it-tip ta’ dijabete hija msejjħa ukoll dijabete mellitus li ma tiddependix mill-insulina).
L-insulina hija sustanza mgħamula minn organu tal-ġisem li jissejjaħ il-frixa. Tgħin biex tnaqqas il- livell ta’ zokkor fid-demm, speċjalment wara l-ikel. F’pazjenti b’dijabete tip 2, il-ġisem jista’ ma jibdix jagħmel insulina malajr biżżejjed wara l-ikel. Trazec jaħdem billi jistimula l-frixa biex tibda tgħamel l-insulina iżjed malajr. Dan jgħin biex tikkontrolla z-zokkor fid-demm wara l-ikel.
It-tabib tiegħek ser jordnalek Trazec flimkien ma’ mediċina anti-dijabetika oħra li tittieħed mill-ħalq, li fiha metformin.
Il-pilloli Trazec jibdew jaħdmu malajr wara li tieħodhom u huma mneħħija mill-ġisem fi żmien qasir.
Segwi l-parir tat-tabib jew ta’ l-ispiżjar tiegħek b’kawtela, anke jekk ikunu differenti minn dak li hemm fil-fuljett ta’ tagħrif.
jekk inti allerġiku/a (tbati minn sensittività eċċessiva) għal nateglinide jew sustanzi oħra ta’ Trazec.
jekk għandek dijabete tip 1 (i.e. il-ġisem tiegħek ma jagħmel l-ebda insulina).
jekk taf li għandek problema severa tal-fwied.
jekk ħriġt tqila jew qed tippjana li toħroġ tqila.
jekk qed tredda’.
Itlob għall-parir tat-tabib tiegħek jekk għandek iżjed mistoqsijiet jew taħseb li kwalunkwe minn dawn japplikaw għalik.
Nies bid-dijabete xi kultant ikollhom sintomi ta` livell baxx ta’ zokkor fid-demm (imsejjħa anke ipogliċemija). Mediċini, inkluż Trazec, jistgħu anke jikkawżaw sintomi ta’ livell baxx ta’ zokkor fid- demm.
Jekk ikollok kwalunkwe minn dawn is-sintomi- tħossok sturdut, rasek ħafifa, bil-ġuħ, titriegħed jew kwalunkwe mis-sinjali l-oħra f’sezzjoni 4, “Effetti sekondarji li jista’ jkollu” -kul jew ixrob xi ħaġa li fiha z-zokkor.
Ftit nies huma iżjed suxxettibbli li jkollom sintomi minn oħrajn. Ħu ħsieb
jekk għandek iżjed minn 65 sena
jekk int nieqes mill-ikel
jekk qiegħed taħt kundizzjoni medika li tista’ tikkawża livell baxx ta’ zokkor fid-demm (ez. glandola pitwitarja għajjiena jew glandoli adrenali għajjenin).
Jekk kwalinkwe minn dawn jgħoddu għalik, ħares il-livelli taz-zokkor fid-demm tiegħek b’aktar kawtela.
jekk taf li għandek xi problema fil-fwied
jekk għandek problema severa fil-kliewi
jekk għandek problemi tal-metaboliżmu tal-mediċini
jekk daqt ser ikollok operazzjoni
jekk kellek id-deni, xi inċident jew infezzjoni. Il-kura tiegħek għandha mnejn ikollha bżonn tinbidel.
Prodott mediċinali li m’għadux awtorizzat
Jekk jogħġbok għid lit-tabib jew lill-ispiżjar tiegħek jekk qiegħed tieħu jew ħadt dan l-aħħar xi mediċini oħra, anki dawk mingħajr riċetta.
L-ammont ta’ Trazec li jkollok bżonn jista’ jinbidel jekk qed tieħu mediċini oħra għaliex dawn jistgħu jgħollu jew ibaxxu l-livelli ta’ zokkor fid-demm.
Huwa ta’ importanza speċjali li tgħarraf lit-tabib jew spiżjar tiegħek jekk qed tieħu:
imblokkaturi beta jew impedituri ta’ l-enżimi li jikkonvertu l’angiotensin (użati, per eżempju, għal kura ta’ pressjoni għolja u ċerti kundizzjonijiet tal-qalb).
Dijuretiċi (użati fil-kura ta’ pressjoni għolja).
Kortikosterojdi bħal prednisone u cortisone (użati biex jikkuraw problemi nfjammatorji).
Impedituri tal-metaboliżmu tal-mediċini bħal fluconazole (użati biex jikkuraw infezzjonijiet tal- moffa), gemfibrizol (użat fil-kura ta’ diżlipidemija) jew sulfinpyrazone (użat fil-kura tal-gotta kronika).
It-tabib tiegħek jista’ jibdillek id-doża ta’ dawn il-mediċini.
Ħu Trazec qabel l-ikel (ara sezzjoni 3 “Kif għandek tieħu Trazec”). L-effett tiegħu jista’ jittardja jekk jittieħed waqt jew wara l-ikel.
Allavolja qed tieħu mediċini għad-dijabete huwa importanti li tkompli ssegwi d-dieta u/jew l- eżerċizzju li rrikkmandalek it-tabib.
Ħares b’kawtela għal sinjali ta’ livell baxx ta’ zokkor fid-demm, speċjalment
jekk eżerċitajt ruħek iżjed mis-soltu
jekk xrobt l-alkoħol
L-Alkoħol jista’ jiżbilanċja l-kontroll taz-zokkor fid-demm għalhekk qed tiġi imwissi tkellem lit-tabib tiegħek fuq ix-xorb ta’ l-alkoħol waqt li qed tieħu Trazec. Jekk ma jkollokx sintomi ta’ livell ta’ zokkor baxx fid-demm, kull jew ixrob xi ħaġa li fiha z-zokkor u kellem lit-tabib tiegħek.
Starllix jista’ jintuża f’ nies li għandhom iżjed minn 65 sena. Oqgħod attent b’mod speċjali sabiex tevita li jaqa’ l-livell ta’ zokkor fid-demm.
Trazec mhuwiex rakkomandat għal tfal u adolexxenti (taħt it-18-il sena) minħabba li l-effetti fuq dan il-grupp ta’ din l-età ma ġiex studjat.
Trazec m’għandux jintuża jekk int ħriġt tqila jew qed tippjana li toħroġ tqila. Ara lit-tabib tiegħek mill-aktar fis possibli jekk tinqabad tqila waqt il-kura.
Treddax waqt il-kura bi Trazec
Itlob għall-parir tat-tabib jew spiżjar tiegħek qabel tieħu xi mediċina waqt it-tqala jew treddigħ.
Qed tiġi avvżat biex tieħu l-prekawzjonijiet biex tevita ipogliċemija waqt li qed issuq jew tħaddem magni. Dan huwa importanti b’mod partikolari jekk ma tantx tħoss jew ma tħoss xejn is-sinjali ta’ twissija ta’ ipogliċemija jew għandek episodji frekwenti ta’ ipogliċemija. F’dawn iċ-ċirkustanzi wiehed għandu jara jekk jaqbillux isuq jew le.
Prodott mediċinali li m’għadux awtorizzat
Il-pilloli Trazec fihom lactose monohydrate. Jekk it-tabib tiegħek qallek li ma tistax tieħu ċerti tipi ta’ zokkor, għamel kuntatt mat-tabib tiegħek qabel tieħu dan il-prodott mediċinali.
Dejjem għandek tieħu Trazec skond il-parir tat-tabib. Dejjem għandek taċċerta ruħek mat-tabib jew ma’ l-ispiżjar tiegħek jekk ikollok xi dubju.
Ħu Trazec qabel it-tlett ikliet prinċipali, ġeneralment:
doża 1 qabel l-ikla ta’ wara nofsinhar
doża 1 qabel l-ikla ta’ filgħaxija
L-aħjar li tieħu Trazec qabel-ikla prinċipali iżda tista’ tieħu d-doża sa 30 minuta qabel.
Toħodix jekk mintiex sa tiekol ikla prinċipali. Jekk titlef ikla, aqbeż id-doża ta’ Trazec u stenna sa l- ikla li jkun imissek.
Ħu Trazec kif qallek it-tabib tiegħek. It-tabib tiegħek jiddeċiedi d-dożaġġ li għandek bżonn.
Id-doża ta’ Trazec li ssoltu tingħata biex tibda hija ta’ 60 mg qabel it-tlett ikliet prinċipali. Kultant it- tabib tiegħek jista’ jordnalek dożi aktar għoljin. L-ogħla doża rakkomandata kuljum hija 180 mg tlett darbiet kuljum li għandhom jittieħdu mat-tlett ikliet prinċipali.
Ibla l-pilloli sħaħ ma’ tazza ilma qabel l-ikla.
Ħu Trazec kuljum sakemm jgħidlek tieqaf it-tabib tiegħek.
Jekk bi żball ħadt wisq pilloli, kellem lit-tabib tiegħek minnufih. Jekk ikollok sintomi ta’ livelli ta’ zokkor baxx fid-demm- jekk tħossok sturdut, rasek tiħfief, bil-ġuħ, titriegħed jew tħoss kwalunkwe sinjal ieħor imniżżel f’sezzjoni 4, “Effetti sekondarji li jista’ jkollu”- kull jew ixrob xi ħaġa li fiha z- zokkor.
Jekk tħoss li ser ikollok attakk sever ta’ ipogliċemija (li jtelfek minn sensik jew aċċessjoni) sejjaħ għal għajnujna medika b’mod urġenti – jew kun żgur li ħaddieħor jagħmel dan għalik.
Jekk tinsa tieħu pillola ħu dik li jmiss qabel l-ikla li jmissek. M’għandekx tieħu doża doppja biex tpatti għal kull doża li tkun insejt tieħu.
Bħal kull mediċina oħra, Trazec jista’ jkollu effetti sekondarji, għalkemm ma jidhrux fuq kulħadd. L- effetti sekondarji ikkawżati minn Trazec huma ġeneralment ħfief għal moderati.
L-aktar effetti sekondarji komuni huma sintomi ta’ livell ta’ zokkor baxx fid-demm (ipogliċemija), li huma ġeneralment ħfief. Dawn jinkludu
għaraq
sturdament
rogħda
debbulizza
Prodott mediċinali li m’għadux awtorizzat
ġuħ
tħoss qalbek tħabbat malajr
għeja
tħossok ma tiflaħx (tqallih)
Jistgħu jkunu kkawżati minn nuqqas ta’ ikel jew doża għolja wisq ta’ medicini anti-dijabetiċi li qed tieħu. Jekk ikollok sintomi ta’ livell ta’ zokkor baxx fid-demm, kull u ixrob xi ħaġa li fiha z-zokkor.
Kienu rrappurtati uġigħ addominali, indiġestjoni, tqallih u rimettar.
Effetti rari huma anormalitajiet fit-testijiet tal-funzjoni tal-fwied u reazzjonijiet allergiċi (sensittivita’ eċċessiva) bħal raxx u ħakk.
Effett rari ħafna huwa raxx tal-ġilda bi bżieżaq li jieħdu x-xofftejn, l-għajnejn, il-ħalq, kultant b’uġigħ ta’ ras, deni u/jew dijarea.
Jekk xi wieħed mill-effetti sekondarji jiggrava jew jekk tinnota xi effetti sekondarji li mhumiex imsemmijin f’dan il-fuljett, jekk jogħġbok, għid lit-tabib jew lill-ispiżjar tiegħek.
Żomm fejn ma jintlaħaqx u ma jidhirx mit-tfal. Aħżen fil-pakkett oriġinali.
M’għandekx tuża Trazec wara d-data ta’ skadenza li tidher fuq il-kartuna wara JIS. Id-data ta’ skadenza tirreferi għall-aħħar ġurnata ta’ dak ix-xahar.
M’għandekx tuża l-pakkett ta’ Trazec jekk tara li huwa danneġġat jew jidher li ġie imbagħbas. Taħżinx f’temperatura 'l fuq minn 30°C.
Il-mediċini m’għandhomx jintremew ma’ l-ilma tad-dranaġġ jew ma’ l-iskart domestiku. Staqsi lill- ispiżjar dwar kif għandek tarmi mediċini li m’għandekx bżonn. Dawn il-miżuri jgħinu għall- protezzjoni ta’ l-ambjent.
Is-sustanza attiva hija nateglinide.
Is-sustanzi l-oħra huma lactose monohydrate; cellulose, microcrystalline; povidone; croscarmellose sodium; magnesium stearate and silica, colloidal anhydrous.
Il-pillola fiha hypromellose; titanium dioxide (E171); talc; macrogol and red (60 and 180 mg tablets) or yellow (120 mg tablets) iron oxide (E172).
Trazec 60 mg pilloli miksijin b’rita huma roża, tondi b’“NVR” immarkata fuq naħa u “TS” fuq l-oħra.
Trazec 120 mg pilloli miksijin b’rita huma sofor, b’għamla ovali b’“NVR” immarkata fuq naħa u “TSL” fuq l-oħra.
Trazec 180 mg pilloli miksijin b’rita huma ħomor, b’għamla ovali b’“NVR” immarkata fuq naħa u “TSX” fuq l-oħra.
Kull pakkett ta’ folji fih 12, 60, 84, 120 jew 360 pillola. Jista’ jkun li mhux il-pakketti kollha jkunu għal skop kummerċjali.
Prodott mediċinali li m’għadux awtorizzat
Novartis Europharm Limited Wimblehurst Road
Horsham
West Sussex, RH12 5AB Ir-Renju Unit
Novartis Farma S.p.A.
Via Provinciale Schito, 131
I-80058 Torre Annunziata - Napoli L-Italja
Għal kull tagħrif dwar dan il-prodott mediċinali, jekk jogħġbok ikkuntattja lir-rappreżentant lokali tad- Detentur ta’ l-Awtorizzazzjoni għat-tqegħid fis-Suq:
Novartis Pharma Services Inc.
Тел.: +359 2 489 98 28
Novartis Hungária Kft. Pharma Tel.: +36 1 457 65 00
Novartis s.r.o.
Tel: +420 225 775 111
Novartis Pharma Services Inc. Tel: +356 2298 3217
Novartis Healthcare A/S Tlf: +45 39 16 84 00
Novartis Pharma B.V. Tel: +31 26 37 82 111
Novartis Pharma GmbH Tel: +49 911 273 0
Novartis Norge AS Tlf: +47 23 05 20 00
Novartis Pharma Services Inc. Tel: +372 60 62 400
Novartis Pharma GmbH Tel: +43 1 86 6570
Novartis (Hellas) A.E.B.E.
Τηλ: +30 210 281 17 12
Novartis Poland Sp. z o.o. Tel.: +48 22 550 8888
Novartis Farmacéutica, S.A. Tel: +34 93 306 42 00
Novartis Farma - Produtos Farmacêuticos, S.A. Tel: +351 21 000 8600
Novartis Pharma S.A.S. Tél: +33 1 55 47 66 00
Novartis Pharma Services Inc. Tel: +40 21 31299 01
Prodott mediċinali li m’għadux awtorizzat
Novartis Ireland Limited Tel: +353 1 260 12 55
Novartis Pharma Services Inc. Tel: +386 1 300 75 77
Vistor hf.
Sími: +354 535 7000
Novartis s.r.o.
Tel: +421 2 5542 5439
Novartis Farma S.p.A. Tel: +39 02 96 54 1
Novartis Finland Oy Puh/Tel: +358 9 61 33 22 11
∆ηµητριάδης και Παπαέλληνας Λτδ Τηλ: +357 22 690 690
Novartis Sverige AB Tel: +46 8 732 32 00
Novartis Pharma Services Inc. Tel: +371 7 887 070
Novartis Pharmaceuticals UK Ltd. Tel: +44 1276 698370
Novartis Pharma Services Inc. Tel: +370 5 269 16 50