Starlix
nateglinide
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib, lill-ispiżjar jew lill-infermier tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara anke jekk għandhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib, lill-ispiżjar jew lill-infermier tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4.
X’inhu Starlix u għalxiex jintuża
X’għandek tkun taf qabel ma tieħu Starlix
Kif għandek tieħu Starlix
Effetti sekondarji possibbli
Kif taħżen Starlix
Kontenut tal-pakkett u informazzjoni oħra
Prodott mediċinali li m’għadux awtorizzat
Is-sustanza attiva ta’ Starlix, nateglinide, jagħmel parti minn grupp ta’ mediċini msejħa antibjotiċi
orali.
Starlix jintuża biex jittratta pazjenti adulti b’dijabete tip 2. Dan jgħin biex jikkontrolla l-livell ta’ zokkor (glucose) fid-demm. It-tabib tiegħek se jordnalek Starlix flimkien ma’ metformin, jekk ma jkunx ikkontrollat b’mod inadegwat minkejja doża ttollerata massima ta’ metformin.
L-insulina hija sustanza magħmula fil-ġisem mill-frixa. Tgħin biex tnaqqas il-livell ta’ zokkor fid- demm, speċjalment wara l-ikel. Jekk għandek dijabete tip 2, ġismek jista’ ma jibdix jagħmel insulina
malajr biżżejjed wara l-ikel. Starlix jaħdem billi jistimula l-frixa biex tibda tgħamel l-insulina iżjed
malajr, li jgħin biex iżomm taħt kontroll il-livelli ta’ zokkor fid-demm wara l-ikel.
Il-pilloli Starlix jibdew jaħdmu f’ħin qasir ħafna wara li jinbelgħu u huma mneħħija mill-ġisem fi żmien qasir.
Segwi l-parir tat-tabib, tal-ispiżjar jew tal-infermier tiegħek b’kawtela, anke jekk ikunu differenti minn dak li hemm fil-fuljett ta’ tagħrif.
jekk inti allerġiku għal nateglinide jew għal xi sustanzi oħra ta’ din il-mediċina (imniżżla fis-
sezzjoni 6).
jekk għandek dijabete tip 1 (i.e. il-ġisem tiegħek ma jagħmel l-ebda insulina).
jekk ikollok xi sintomi ta’ ipergliċemijia gravi (livell għoli ta’ zokkor fid-demm u/jew ketoaċidożi dijabetika). Dawn is-sintomi jinkludu wisq għatx, tgħaddi l-awrina spiss, dgħufija,
għeja, dardir, qtugħ ta’ nifs jew konfużjoni.
jekk taf li għandek problema severa tal-fwied.
jekk ħriġt tqila jew qed tippjana li toħroġ tqila.
jekk qed tredda’.
Kellem lit-tabib, lill-ispiżjar jew lill-infermier tiegħek qabel tieħu Starlix.
Il-pazjenti dijabetiċi jistgħu jiżviluppaw sintomi assoċjati ma’ livell baxx ta’ zokkor fid-demm (imsejjħa anke ipogliċemija). L-antidijabetiċi orali, inkluż Starlix, jistgħu anke jikkawżaw sintomi ta’
ipogliċemija.
Jekk ikollok livell ta’ zokkor baxx jaf tesperjenza għaraq, rogħda (tħossok tirtogħod), ansjetà, diffikultà biex tikkonċentra, konfużjoni, dgħjufija jew ħass ħażin jew ikollok sinjali oħra mniżżla f’sezzjoni 4, “Effetti sekondarji li jista’ jkollu”.
Prodott mediċinali li m’għadux awtorizzat
Ftit nies huma iżjed suxxettibbli li jkollom sintomi minn oħrajn. Ħu ħsieb:
jekk għandek iżjed minn 65 sena
jekk int nieqes mill-ikel
jekk qiegħed taħt kundizzjoni medika li tista’ tikkawża livell baxx ta’ zokkor fid-demm (ez. glandola pitwitarja għajjiena jew glandoli adrenali għajjenin).
Ħares b’kawtela għal sinjali ta’ livell baxx ta’ zokkor fid-demm, speċjalment:
jekk eżerċitajt ruħek iżjed mis-soltu
jekk xrobt l-alkoħol
jekk taf li għandek xi problema fil-fwied
jekk għandek problema severa fil-kliewi
jekk għandek problemi bil-metaboliżmu tal-mediċini
jekk daqt ser ikollok operazzjoni
jekk kellek dan l-aħħar id-deni, xi inċident jew infezzjoni. Il-kura tiegħek għandha mnejn ikollha bżonn tinbidel.
Starlix mhuwiex rakkomandat għal tfal u adolexxenti (taħt it-18-il sena) minħabba li l-effetti fuq dan il-grupp ta’ din l-età ma ġiex studjat.
Starlix jista’ jintuża f’persuni li għandhom iżjed minn 65 sena. Dawn il-pazjenti għandhom joqogħdu attenti b’mod speċjali sabiex jevitaw livell ta’ zokkor fid-demm baxx.
Għid lit-tabib jew lill-ispiżjar tiegħek jekk qed tieħu, ħadt dan l-aħħar jew tista’ tieħu xi mediċina oħra.
L-ammont ta’ Starlix li jkollok bżonn jista’ jinbidel jekk qed tieħu mediċini oħra għaliex dawn jistgħu jgħollu jew ibaxxu l-livelli ta’ zokkor fid-demm.
Huwa ta’ importanza speċjali li tgħarraf lit-tabib, lill-ispiżjar jew lill-infermier tiegħek jekk qed tieħu:
Mediċini mhux sterojdi kontra l-infjammazzjoni (użati, pereżempju, fil-kura ta’ uġigħ fil- muskoli u fil-ġogi).
Saliċilati bħall-aspirina (użati bħala analġeżiċi).
Inibituri ta’ monoamine oxidase (użati fil-kura tad-depressjoni).
Imblokkaturi beta jew inibituri ACE (impedituri ta’ l-enżimi li jikkonvertu l’angiotensin) (użati, per eżempju, għal kura ta’ pressjoni għolja u ċerti kundizzjonijiet tal-qalb).
Dijuretiċi (użati biex jittrattaw pressjoni għolja).
Kortikosterojdi bħal prednisone u cortisone (użati biex jikkuraw problemi nfjammatorji).
Impedituri tal-metaboliżmu tal-mediċini bħal fluconazole (użati biex jikkuraw infezzjonijiet tal- moffa), gemfibrizol (użat fil-kura ta’ diżlipidemija) jew sulfinpyrazone (użat fil-kura tal-gotta
kronika).
Simpatomimetiċi (użati, pereżempju, fil-kura tal-ażma).
Ormoni Anaboliċi (eż. methandrostenolone).
St. John’s Wort, magħrufa wkoll bħala Hypericum perforatum (mediċina tal-ħxejjex).
Somatropin (ormon tat-tkabbir).
Somatostatin analogues bħal lanreotide u octreotide (użati biex jittrattaw akromegalija).
Rifampin (użat, ngħidu aħna, biex jittratta t-tuberkolożi).
Prodott mediċinali li m’għadux awtorizzat
Phenytoin (użat, ngħidu aħna, biex jittratta aċċessjonijiet). It-tabib tiegħek jista’ jibdillek id-doża ta’ dawn il-mediċini.
Ħu Starlix qabel l-ikliet (ara sezzjoni 3, “Kif għandek tieħu Starlix”); l-effett tiegħu jista’ jseħħ aktar
tard jekk jittieħed waqt jew wara l-ikliet.
L-alkoħol jista’ jiddisturba l-kontroll taz-zokkor fid-demm tiegħek, b’hekk huwa rrakkomandat li tkellem lit-tabib tiegħek dwar ix-xorb alkoħoliku waqt li tkun qed tieħu Starlix.
tiegħek mill-aktar fis possibli jekk tinqabad tqila waqt il-kura.
Jekk inti tqila jew qed tredda’, taħseb li tista tkun tqila jew qed tippjana li jkollok tarbija, itlob il-parir tat-tabib, tal-ispiżjar jew tal-infermier tiegħek qabel tieħu din il-mediċina.
Il-ħila tiegħek biex tikkonċentra jew tirreaġixxi tista’ tonqos jekk ikollok livell baxx ta’ zokkor fid- demm (ipogliċemija). Żomm dan f’moħħok jekk issuq karozza jew tħaddem magni peress li tista’
tpoġġi lilek innifsek jew oħrajn f’periklu.
Għandek titlob il-parir tat-tabib dwar sewqan jekk ikollok episodji frekwenti ta’ ipogliċemija jew jekk m’intix konxju tal-ewwel sinjali ta’ ipogliċemija.
Il-pilloli Starlix fihom lactose monohydrate. Jekk it-tabib qallek li għandek intolleranza għal ċerti tipi
ta’ zokkor, ikkuntattja lit-tabib tiegħek qabel tieħu dan il-prodott mediċinali.
Din il-mediċina fiha anqas minn 1 mmol sodium (23 mg) f’kull pillola, jiġifieri essenzjalment ‘ħielsa mis-sodium’.
Dejjem għandek tieħu din il-mediċina skont il-parir eżatt tat-tabib, l-ispiżjar jew l-infermier tiegħek. Iċċekkja mat-tabib, mal-ispiżjar jew mal-infermier tiegħek jekk ikollok xi dubju.
Id-doża rakkomandata tal-bidu hija ta' 60 mg Starlix tliet darbiet kuljum, li tittieħed qabel kull waħda mit-tliet ikliet ewlenin. It-tabib tiegħek għandu mnejn jiċċekkja l-ammont ta’ Starlix li qed tieħu fuq bażi regolari u għandu mnejn jaġġusta d-doża skont il-bżonnijiet tiegħek. Id-doża massima rrakkomandata hi ta' 180 mg tliet darbiet kuljum, li tittieħed qabel kull waħda mit-tliet ikliet ewlenin.
Ħu Starlix qabel l-ikel. L-effett tiegħu jista’ jittardja jekk jittieħed waqt jew wara l-ikel. Ħu Starlix qabel it-tlett ikliet prinċipali, ġeneralment:
doża 1 qabel l-ikla ta’ wara nofsinhar
doża 1 qabel l-ikla ta’ filgħaxija
L-aħjar li tieħu Starlix qabel-ikla prinċipali iżda tista’ tieħu d-doża sa 30 minuta qabel.
Toħodix jekk mintiex sa tiekol ikla prinċipali. Jekk titlef ikla, aqbeż id-doża ta’ Starlix u stenna sa l- ikla li jkun imissek.
Prodott mediċinali li m’għadux awtorizzat
Allavolja qed tieħu mediċini għad-dijabete huwa importanti li tkompli ssegwi d-dieta u/jew l- eżerċizzju li rrikkmandalek it-tabib.
Ibla’ l-pilloli sħaħ ma’ tazza ilma.
Jekk bi żball ħadt wisq pilloli, jew jekk xi ħadd ieħor jieħu l-pilloli tiegħek, kellem lit-tabib jew lill-
ispiżjar tiegħek immedjatament. Jaf tkun meħtieġa attenzjoni medika. Jekk ikollok sintomi ta’ livelli ta’ zokkor baxx fid-demm (imniżżel f’sezzjoni 4, “Effetti sekondarji li jista’ jkollu”), kull jew ixrob xi ħaġa li fiha z-zokkor.
Jekk tħoss li ser ikollok attakk sever ta’ ipogliċemija (li jtelfek minn sensik jew aċċessjoni) sejjaħ għal għajnujna medika b’mod urġenti – jew kun żgur li ħaddieħor jagħmel dan għalik. Jekk ikollok bżonn tmur għand tabib jew l-isptar, ħu l-pakkett u dan il-fuljett miegħek.
Jekk tinsa tieħu pillola, ħu dik li jmiss qabel l-ikla li jmissek. M’għandekx tieħu doża doppja biex tpatti għal kull doża li tkun insejt tieħu.
Kompli ħu din il-mediċina sakemm it-tabib tiegħek idum jordnahielek biex tkompli tikkontrolla z-
zokkor fid-demm tiegħek. Tieqafx tieħu Starlix sakemm it-tabib tiegħek ma jgħidlekx tagħmel dan.
Jekk għandek aktar mistoqsijiet dwar l-użu ta’ din il-mediċina, kellem lit-tabib, lill-ispiżjar jew lill- infermier tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
L-effetti sekondarji ikkawżati minn Starlix huma ġeneralment ħfief għal moderati.
Dawn huma sintomi ta’ livell ta’ zokkor baxx fid-demm (ipogliċemija), li huma ġeneralment ħfief. Dawn jinkludu:
għaraq
sturdament
rogħda
debbulizza
ġuħ
tħoss qalbek tħabbat malajr
għeja
tħossok ma tiflaħx (tqallih)
Dawn is-sintomi jistgħu jkunu kkawżati minn nuqqas ta’ ikel jew doża għolja wisq ta’ medicini anti- dijabetiċi li qed tieħu. Jekk ikollok sintomi ta’ livell ta’ zokkor baxx fid-demm, kull u ixrob xi ħaġa li fiha z-zokkor.
Komuni (jistgħu jaffettwaw sa persuna waħda minn kull 10): uġigħ addominali, indiġestjoni, dijarea, dardir
Prodott mediċinali li m’għadux awtorizzat
Mhux komuni (jistgħu jaffettwaw sa persuna waħda minn kull 100): rimettar
Rari (jistgħu jaffettwaw sa persuna waħda minn kull 1,000): testijiet tal-funzjoni tal-fwied mhux normali bi ftit, reazzjonijiet allerġiċi (sensittività eċċessiva) fosthom raxx u ħakk
Rari ħafna (jistgħu jaffettwaw sa persuna waħda minn kull 10,000): raxx fil-ġilda bi nfafet li jaffettwaw ix-xofftejn, l-għajnejn u/jew il-ħalq, kultant b’uġigħ ta’ ras, deni u/jew dijarea
Jekk ikollok xi effett sekondarju, kellem lit-tabib, lill-ispiżjar jew lill-infermier tiegħek. Dan jinkludi
xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali mniżżla f’Appendiċi V. Billi
tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’
din il-mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq il-kartuna wara JIS. Id-data ta’ meta tiskadi tirreferi għall-aħħar ġurnata ta’ dak ix-xahar.
Aħżen fil-pakkett oriġinali.
Taħżinx f’temperatura ’l fuq minn 30C.
M’għandekx tuża l-pakkett ta’ Starlix jekk tara li huwa danneġġat jew jidher li ġie imbagħbas. Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi nateglinide. Kull pillola fiha 60, 120 jew 180 mg nateglinide.
Is-sustanzi mhux attivi l-oħra huma lactose monohydrate; cellulose, microcrystalline; povidone; croscarmellose sodium; magnesium stearate and silica, colloidal anhydrous.
Il-pillola fiha hypromellose; titanium dioxide (E171); talc; macrogol and red (60 and 180 mg
tablets) or yellow (120 mg tablets) iron oxide (E172).
Starlix 60 mg pilloli miksijin b’rita huma roża, tondi b’“Starlix” immarkata fuq naħa u “60” fuq l- oħra.
Starlix 120 mg pilloli miksijin b’rita huma sofor, b’għamla ovali b’“Starlix” immarkata fuq naħa u “120” fuq l-oħra.
Starlix 180 mg pilloli miksijin b’rita huma ħomor, b’għamla ovali b’“Starlix” immarkata fuq naħa u “180” fuq l-oħra.
Kull pakkett ta’ folji fih 12, 24, 30, 60, 84, 120 jew 360 pillola. Jista’ jkun li mhux il-pakketti kollha jkunu għal skop kummerċjali.
Novartis Europharm Limited Vista Building
Elm Park, Merrion Road Dublin 4
Prodott mediċinali li m’għadux awtorizzat
L-Irlanda
Novartis Farma S.p.A.
Via Provinciale Schito 131 80058 Torre Annunziata (NA)
L-Italja
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
SIA Novartis Baltics Lietuvos filialas Tel: +370 5 269 16 50
Novartis Bulgaria EOOD Тел.: +359 2 976 98 28
Novartis s.r.o.
Tel: +420 225 775 111
Novartis Healthcare A/S Tlf: +45 39 16 84 00
Novartis Pharma Services Inc. Tel: +356 2122 2872
Novartis Pharma GmbH Tel: +49 911 273 0
Novartis Pharma B.V. Tel: +31 88 04 52 111
SIA Novartis Baltics Eesti filiaal Tel: +372 66 30 810
Novartis Norge AS Tlf: +47 23 05 20 00
Novartis (Hellas) A.E.B.E. Τηλ: +30 210 281 17 12
Novartis Pharma GmbH Tel: +43 1 86 6570
Novartis Farmacéutica, S.A. Tel: +34 93 306 42 00
Novartis Poland Sp. z o.o. Tel.: +48 22 375 4888
Novartis Pharma S.A.S. Tél: +33 1 55 47 66 00
Novartis Farma - Produtos Farmacêuticos, S.A. Tel: +351 21 000 8600
Novartis Hrvatska d.o.o. Tel. +385 1 6274 220
Novartis Pharma Services Romania SRL Tel: +40 21 31299 01
Prodott mediċinali li m’għadux awtorizzat
Novartis Ireland Limited Tel: +353 1 260 12 55
Novartis Pharma Services Inc. Tel: +386 1 300 75 50
Vistor hf.
Sími: +354 535 7000
Novartis Farma S.p.A. Tel: +39 02 96 54 1
Novartis Finland Oy
Puh/Tel: +358 (0)10 6133 200
Novartis Pharma Services Inc. Τηλ: +357 22 690 690
Novartis Sverige AB Tel: +46 8 732 32 00
SIA Novartis Baltics Tel: +371 67 887 070
Novartis Ireland Limited Tel: +44 1276 698370