Preotact
parathyroid hormone (rDNA)
Żomm dan il-fuljett. Jista’ jkollok bżonn ter ġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’
tagħmlilhom il-ħsara, anki jekk ikollhom l-istess sintomi bħal tiegħek.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett
sekondarju possibbli li mhuwiex elenkat f’dan il-fuljett.
F’dan il-fuljett:
X’inhu Preotact u għal xiex jintuża
X’għandek tkun taf qabel ma tuża Preotact
Kif għandek tuża Preotact
Effetti sekondarji possibbli
Kif taħżen Preotact
Kontenut tal-pakkett u informazzjoni oħra
Prodott mediċinali li m’għadux awtorizzat
Preotact jintuża biex tiġi ttrattata l-osteoporożi f’nisa fil-fażi ta’ wara l-menopawsa f’riskju għoli ta’ ksur. L-osteoporożi hija marda li twassal biex l-għadam jirqaq u jsir fraġli. Hija komuni l-aktar f’nisa li qabżu l-menopawsa. Il-marda tavvanza b’mod gradwali u għalhekk, għall-ewwel, inti tista’ ma tħoss l-ebda sintomi. Iżda jekk ikollok l-osteoporożi, din tagħmlek aktar suxxettibbli li tikser l-għadam, speċjalment fis-sinsla tiegħek, ġenbek u l-polz. Tista’ tikkawża wkoll uġigħ fid-dahar, telf tat-tul, u dahar mgħawweġ.
Preotact inaqqas ir-riskju li tikser l-għadam tas-sinsla minħabba li jżid il-kwalità u s-saħħa ta’ l- għadam tiegħek.
Intwera li Preotact inaqqas ir-riskju ta’ ksur għal ġenbejk.
Jekk int allerġiku/a għall-ormon tal-paratirojde jew għal xi sustanzi oħra ta’ din il-mediċina
elenkata fis-sezzjoni 6;
jekk ser ikollok jew għamilt terapija bir-radjazzjoni għall-iskeletru;
jekk għandek kanċer tal-għadam;
jekk tbati minn livelli għolji ta’ kalċju fid-demm tiegħek jew disturbi oħra fil-metaboliżmu
tal-kalċju u l-fosfru;
jekk għandek mard ieħor ta’ l-għadam (inkluż l-iperparatirojdiżmu jew il-marda ta’ Paget);
jekk għandek livelli għoljin ta’ alkaline phosphatase (enzima li tiġi prodotta mill-organiżmu:
tista’ tkun sinjal għal ċertu kundizzjonijiet mediċi marbuta mal-għadam u l-fwied);
jekk tbati minn problemi serji fil-kliewi;
jekk tbati minn mard serju tal-fwied;
Kellem lit-tabib jew lill-ispiżjar tiegħek qabel ma tuża Preotact jekk inti
għandek livell għoli ta’ kalċju fl-awrina tiegħek
tbati minn ħaġar fil-kliewi
tieħu mediċina għall-qalb (eż. digosxin magħruf ukoll bħala diġitalis)
It-tabib tiegħek se jiċċekkja r-rispons tiegħek għall-kura f’intervalli regolari. It-tabib tiegħek ser jagħmillek testijiet tad-demm sabiex ikejjel il-livell ta’ kalċju fid-demm tiegħek u/jew fl-awrina, fl-1, it-3 u s-6 xahar wara l-bidu tat-trattament tiegħek bi Preotact.
Preotact m’għandux jintuża fi tfal jew adolexxenti li għadhom m’għalqux 18-il sena.
Għid lit-tabib jew lill-ispiżjar tiegħek jekk qed tieħu jew ħadt dan l-aħħar jew tista’ tieħu xi mediċini
oħra.
Għandek tuża Preotact b’attenzjoni jekk qed tirċievi mediċina għall-qalb (eż. digoxin magħruf ukoll
bħala diġitalis).
Staqsi lit-tabib jew l-ispiżjar tiegħek qabel tieħu xi mediċina Tużax Preotact jekk inti tqila jew qiegħda tredda’.
Prodott mediċinali li m’għadux awtorizzat
Jekk tħossok storduta, inti m’għandekx issuq jew tħaddem magni qabel ma tħossok aħjar.
Pretact fih anqas minn 1 mmol ta’ sodju (23 mg) għal kull doża.
Dan ifisser li prattikament huwa “mingħajr sodju”.
Dejjem għandek tuża Preotact skond il-parir tat-tabib tiegħek. Dejjem għandek taċċerta ruħek
mat-tabib jew ma’ l-ispiżjar tiegħek jekk ikollok xi dubju.
Id-doża rakkomandata ta’ Preotact hija 100 mikrogramma kuljum.
It-tabib tiegħek jista’ jagħtik parir biex tieħu kalċju u vitamina D supplimentari. It-tabib tiegħek se
jgħidlek kemm għandek tieħu kuljum.
Qabel ma tintuża għall-ewwel darba, il-mediċna fil-pinna mimlija għal-lest ta’ Preotact għandha titħallat (jekk jogħġbok irreferi għall-“Istruzzjonijiet dwar l-użu”.)
Wara li tkun għamilt dan, il-pinna mimlija għal-lest ta’ Preotact hija lesta biex tintuża u l-mediċina
hija lesta biex tiġi injettata ġoż-żaqq (taħt il-ġilda).
Meta ma tkunx qed tużha, poġġi l-pinna mimlija għal-lest lura ġol-friġġ..
Injetta lilek innifsek bi Preotact ftit wara li to ħroġ il-pinna mimlija għal-lest mill-friġġ
Erġa’ poġġi l-pinna mimlija għal-lest ta’ Preotact fil-friġġ immedjatament wara li tużaha.
Uża labra ġdida għal kull injezzjoni u armi l-labra wara kull użu
Qatt m’għandek taħżen il-pinna mimlija għal-lest tiegħek bil-labra mwaħħla
Dejjem waħħal labra ġdida qabel ma tuża.
Qatt m’għandek taqsam il-pinna mimlija għal-lest tiegħek ma’ ħaddieħor.
Kompli uża Preotact għaż-żmien kollu li qallek it-tabib tiegħek – normalment mhux aktar minn 24 xahar.
Jekk, bi żball, tinjetta aktar minn doża waħda ta’ Preotact f’jum wieħed, ikkuntattja minnufih lit-tabib jew lill-ispiżjar tiegħek.
Jekk tinsa tieħu Preotact (jew ma tistax tieħu Preotact fil-ħin tas-soltu tiegħek), ħudu mill-aktar fis possibbli f’dik il-ġurnata.
Prodott mediċinali li m’għadux awtorizzat
Qatt m’għandek tinjetta aktar minn doża waħda fl-istess ġurnata.
M’għandekx tieħu doża doppja biex tpatti għal kull doża li tkun insejt tieħu.
Iddiskuti mat-tabib tiegħek jekk qed tikkonsidra li twaqqaf it-trattament bi Preotact qabel ma ttemm il- perjodu preskritt.
Jekk għandek aktar mistoqsijiet dwar l-użu ta’ dan il-prodott, staqsi lit-tabib jew lill-ispiżjar tiegħek.
Bħal kull mediċina oħra, Preotact jista’ jkollu effetti sekondarji, għalkemm ma jidhrux fuq kulħadd.
Komuni ħafna (jista’ jaffettwa aktar minn persuna 1 f’10);
livell ogħla ta’ kalċju fid-demm,
livell ogħla ta’ kalċju fl-awrina,
dardir.
Komuni (jista’ jaffettwa sa persuna 1 f’kull 10):
uġigħ fid-dahar,
stitikezza, dijarea
saħħa anqas fil-muskoli, bugħawwieġ fil-muskoli, sturdament,
ħmura (eritema) fuq il-ġilda fil-post tal-injezzjoni,
taħbit tal-qalb mgħaġġel jew irregolari,
uġigħ ta’ ras,
uġigħ fid-dirgħajn u r-riġlejn (estremitajiet),
taqlib fl-istonku, rimettar
għeja.
Mhux komuni (jista’ jaffettwa sa persuna 1 f’100):
uġigħ addominali,
influwenza,
żieda fil-livell ta’ aċidu uriku fid-demm,
żieda fil-livell ta’ alkaline phosphatase fid-demm,
irritazzjoni tal-ġilda fil-post tal-injezzjoni,
nuqqas t’ aptit,
disturb tax-xamm, u disturb tat-togħma.
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett
sekondarju li mhuwiex elenkat f’dan il-fuljett.
Żommu din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq il-pinna mimlija għal-lest u fuq il- kartuna wara EXP. Id-data ta’ meta tiskadi tirreferi għall-aħħar ġurnata ta’ dak ix-xahar.
Taħżinx f’temperatura ’l fuq minn 25°C.
Tagħmlux fil-friża.
Prodott mediċinali li m’għadux awtorizzat
Żomm Preotact protett mid-dawl.
Aħżen fi friġġ (2-8°C).
Tagħmlux fil-friża.
Għandek iżżomm il-pinna mimlija għal-lest għal massimu ta’ 28 ġurnata fi friġġ. M’għandekx tuża din il-mediċina għal aktar minn 28 jum wara li tkun tħalltet.
Tista’ żżomm il-pinna mimlija għal-lest sa 7 ijiem barra mill-friġġ (taħt temperatura ta’ 25°C)
matul il-perjodu t’użu ta’ 28 jum
M’għandekx tuża din il-mediċina jekk ma nżammetx maħżuna b’mod korrett, anke jekk ma
tintużax.
M’għandekx tuża din il-mediċina jekk tinduna li saret imdardra jew ħadet il-kulur.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif
għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hija l-ormon tal-paratirojde. Kull pinna mimlija lesta fiha 1.61 mg ta’ ormon
tal-paratirojde li jikkorispondi għal 14-il doża. Wara r-rikostituzzjoni, kull doża ta’ 71.4 mikrolitru fiha 100 mikrogrammi ta’ ormon tal-paratirojde.
Is-sustanzi l-oħra huma:
sodium chloride,
mannitol,
citric acid monohydrate,
hydrochloric acid,
sodium hydroxide.
metacresol
ilma għall-injezzjonijiet.
Preotact huwa trab u solvent għal soluzzjoni għall-injezzjoni f’pinna mimlija għal-lest. Preotact jiġi f’pinna mimlija għal-lest. L-ewwel kompartiment fih 1.61 mg ta’ trab u t-tieni kompartiment fih 1.13 ml ta’ solvent.
Preotact jiġi f’pakketti ta’ 2 pinen mimlijin għal-lest. Jista’ jkun li mhux il-pakketti tad-daqsijiet kollha jkunu għal skop kummerċjali f’pajjiżek.
NPS Pharma Holdings Limited Grand Canal House
1 Grand Canal Street Upper
Dublin 4 L-Irlanda
Nycomed Danmark ApS Langebjerg 1
Prodott mediċinali li m’għadux awtorizzat
DK-4000 Roskilde Id-Danimarka
il-Mediċini: https://www.ema.europa.eu.
ISTRUZZJONIJIET DWAR L-UŻU
IL-PINNA MIMLIJA GĦAL-LEST
Il-pinna mimlija għal-lest ta' Preotact ġiet maħsuba speċjalment biex jagħmilha faċli għalik biex tieħu
l-kura għall-osteoporożi tiegħek.
Qabel ma tieħu l-ewwel injezzjoni tiegħek b' pinna mimlija għal-lest ġdida inti għandek iżżid labra u tħawwad il-mediċina billi ssegwi l-istruzzjonijiet f'dan il-fuljett. Ħallat biss pinna waħda fi kwalunkwe ħin.
Il-pinna mimlija għal-lest fiha mediċina għal 14-il jum.
Kull jum għandek tiċċekkja li l-mediċina hija ċara, żid labra ġdida, ħu l-injezzjoni fl-addome tiegħek u
mbagħad armi l-labra qabel ma terġa taħżen il-pinna mimlija għal-lest tiegħek fil-friġġ (2-8°C).
Il-pinna mimlija għal-lest qabel it-taħlita:
Buttuna li tirrilaxxa Kontatur tad-dożi
Buttuna
Prodott mediċinali li m’għadux awtorizzat
tal-injezzjoni
Il-qoxra tal-pinna
Il-parti ta’ quddiem Għatu
Il-pinna mimlija għal-lest wara t-taħlita:
istadji li għandek tgħaddi minnhom b'pinna ġdida mimlija għal-lest:
Żid labra
Ħallat il-mediċina
Neħħi l-arja residwali (ipprajmja l-pinna)
Ħu doża ta' kuljum jew aħżen il-pinna mimlija għal-lest tiegħek
istadji li għandek tgħaddi minnhom għal kull waħda mill-14-il injezzjoni tiegħek:
Żid labra
Ħu l-injezzjoni ta' kuljum tiegħek
Aħżen il-pinna mimlija għal-lest
Il-pinna mimlija
Indiċi
għal-lest hi mimlija
Għadd ta’ dożi li fadal
Il-p-inna mimlija għal-lest hi vojta
Labra
Il-qoxra ta’ barra tal-labra
Il-qoxra ta’ ġewwa tal-labra
Meta inti tirċievi il-pinna mimlija għal-lest tiegħek l-kontatur tad-dożi juri biex juri li huwa mimli. Meta l-kontatur tad-dożi ikun fuq '0, il-pinna mimlija għal-lest hija vojta u inti trid tie ħu pinna ġdida mimlija għal-lest.
Prodott mediċinali li m’għadux awtorizzat
Meta żżid labra
Aħsel idejk b'ilma u sapun qabel ma tmiss il- pinna mimlija għal-lest.
Iġbed l-għadu min-naħa ta' quddiem tal-pinna mimlija għal-lest.
Prodott mediċinali li m’għadux awtorizzat
Qaxxar il-karta protettiva mill-għatu tal-labra.
Żomm it-tarf ċar ta' quddiem tal-pinna mimlija għal-lest u invita l-labra sew ġot-tarf ċar ta' quddiem tal-pinna mimlija għal-lest.
Oqgħod attent li ma tagħfasx l-buttuna tar-rilaxx safra waqt li inti tkun qed iżomm il-pinna mimlija għal-lest - jekk aċċidentalment inti tagħmel hekk, il-buttuna blu tal-injezzjoni ser toħroġ 'il barra. Timbuttax lura sakemm inti tkun mitlub tagħmel hekk f'dan il-fuljett.
Biex tħallat il-mediċina
“klikk” • Ipponta l-labra dritt 'il fuq
Invita l-pinna mimlija għal-lest flimkien sakemm il- parti ċara ta' quddiem u l-korp tal-pinna jiltaqgħu. Inti ser tisma' u tħoss klikk fl-aħħar.
Ħalliha toqgħod għal madwar minuta sakemm
Prodott mediċinali li m’għadux awtorizzat
il-mediċina tkun tħalltet kompletament.
Iċċekkja li l-mediċina tkun ċara.
It-tħejjija għall-użu tal-pinna mimlija g ħal-lest - tneħħija tal-arja (ipprajmjar)
Agħfas il-buttuna tager-rilaxx safra biex tirrilaxxa l-buttuna tal-injezzjoni blu.
Prodott mediċinali li m’għadux awtorizzat
“klikk”
Iġbed iż-żewġ għotjien tal-labra 'l barra. Żomm l-għatu ta' barra tal-labra peress li ser ikollok bżonnu biex tneħħi l-labra wara
l-injezzjoni.
Ippunta l-labra 'l fuq u agħfas il-buttuna tal-injezzjoni blu sakemm tkun magħfusa kollha.
Għandek tisma "klikk" (ara stampa).
Dan ser jirrilaxxa ħafna mill-arja ġol-pinna mimlija għal-lest u jissejjaħ "ipprajmjar".
L-ipprajmjar għandu jsir kull darba li tħallat pinna
Xi mediċina taf tnixxi 'l barra – dan hu normali.
Jista' jkun li tibqa' xi bużżieqa żgħira fil-pinna mimlija għal-lest – dan hu normali.
Il-kontatur tad-dożi issa qed jimmarka 14 u
l-pinna mimlija għal-lest tista' tintuża. Tista'
tagħżel li tkompli tieħu l-injezzjoni ta' kuljum tiegħek issa jew iżżomm il-pinna mimlija għal-lest fil-friġġ, kif deskritt hawn, taħt "Informazzjoni Prattika", fl-aħħar tal- Istruzzjonijiet dwar l-użu.
injezzjoni ta' kuljum
Iżgura li inti għandek labra fil-pinna mimlija għal-lest (ara l-istampi 3 u 4).
Jekk int għadek kif ħallat pinna mimlija għal-lest ġdida tista' tuża l-labra li diġà qegħda hemm.
Prodott mediċinali li m’għadux awtorizzat
Agħfas il-buttuna tar-rilaxx is-safra biex tirrilaxxa l-buttuna tal-injezzjoni l-blu.
Oqros parti mill-ġilda fl-addome u ħu l- injezzjoni f'angolu ta' grad ta' 90° skont l- istruzzjonijiet li ngħatajt mit-tabib jew infermier tiegħek.
Agħfas il-buttuna blu tal-injezzjoni sakemm tkun magħfusa għal kollox-imbagħad għodd bil-mod sa l-10 u neħħi l-labra mill-ġilda tiegħek.
Prodott mediċinali li m’għadux awtorizzat
Il-kontatur tad-dożi issa naqas b'wieħed
Qiegħed l-għatu ta' barra tal-labra fuqha.
Invita 'l barra l-labra.
Armi l-labra skont l-istruzzjonijiet li ngħatajt mit-tabib jew l-infermier tiegħek
Uża kull labra darba biss.
Poġġi l-għatu lura fuq l-pinna mimlija għal- lest u poġġieha fil-friġġ.
Informazzjoni Prattika
Il-pinna mimlija għal-lest għandha data ta' meta tiskadi stampat fuqha; m'għandekx tuża l-mediċina
wara din id-data.
Il-mediċina m'għandiex tintuża għal aktar minn 28 jum wara li tkun ġiet imħallta.
Inti tista' taħżen il-pinna mimlija għal-lest mhix mħallta f'temperaturi ta' bejn 2-25°C.
Neħħi l-labra wara kull injezzjoni ta' kuljum u erġa' qiegħed il-pinna mimlija għal-lest fil-friġġ f'temperatura ta' bejn 2-8°C.
Inti tista' żżomm il-pinna mimlija bil-lest mħallta sa 7 ijiem f'temperatura ambjentali, ta' bejn 2-25°C.
Prodott mediċinali li m’għadux awtorizzat
Ipproteġi l-mediċina u l-pinna mimlija għal-lest kontra dawl tax-xemx dirett.
Tużax il-mediċina jekk tkun imdardra jew ikollha kulur (li mhuwiex ċar).
Taħżinx il-pinna mimlija għal-lest bil-labra fuqha.
M'għandekx taqsam ma' oħrajn l-mediċina tiegħek.
Jekk inti twaqqa' l-pinna mimlija għal-lest tiegħek inti għandek tibdilha.