Aranesp
darbepoetin alfa
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib, lill-ispiżjar jew lill-infermier tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anke jekk għandhom l-istess sinjali ta’ mard bħal tiegħek.
Jekk ikollok xi effett sekondarju, kellem lit-tabib, lill-spiżjar jew lill-infermier tiegħek. Dan
jinkludi xi effett sekondarju possibbli li mhuwiex elenkat f’dan il-fuljett (ara sezzjoni 4).
X’inhu Aranesp u għalxiex jintuża
X’għandek tkun taf qabel ma tuża Aranesp
Kif għandek tuża Aranesp
Effetti sekondarji possibbli
Kif taħżen Aranesp
Kontenut tal-pakket u informazzjoni oħra
Istruzzjonijiet dwar kif tinjetta lilek innifsek bis-siringa mimlija għal-lest ta’ Aranesp
It-tabib tiegħek tak Aranesp (mediċina kontra l-anemija) biex jittratta l-anemija tiegħek. L-anemija hija meta d-demm tiegħek ma jkollux biżżejjed ċelluli ħomor u s-sintomi jistgħu jkunu għeja, dgħjufija u qtugħ ta’ nifs.
Aranesp jaħdem eżattament bl-istess mod bħall-ormon naturali eritropoetina. L-eritropoetina hija magħmula fil-kliewi tiegħek u ġġiegħel lill-mudullun tiegħek jipproduċi aktar ċelluli ħomor tad- demm. Is-sustanza attiva ta’ Aranesp hija darbepoetin alfa li hija magħmula permezz ta’ teknoloġija ġenetika fiċ-Ċelluli tal-Ovarju tal-Ħamster Ċiniż (CHO-K1 - Chinese Hamster Ovary K1 Cells).
Aranesp jintuża biex jittratta anemija sintomatika li hija assoċjata ma’ insuffiċjenza renali kronika (insuffiċjenza tal-kliewi) f’adulti u fi tfal. Meta jkun hemm insuffiċjenza tal-kliewi, il-kliewi ma tipproduċux biżżejjed ormon naturali eritropoetina li ta’ spiss jista’ jikkawża anemija.
Minħabba li ġismek jieħu ż-żmien sakemm jipproduċi aktar ċelluli ħomor, jridu jgħaddu madwar erba’ ġimgħat qabel tinduna b’xi effett. Ir-rutina normali ta’ dijalisi tiegħek mhix se taffettwa l-kapaċità ta’ Aranesp li jittratta l-anemija tiegħek.
Aranesp jintuża biex jittratta anemija sintomatika f’pazjenti adulti bil-kanċer li għandhom tumuri malinni mhux tal-mudullun (tumuri malinni mhux majelojdi) u li qed jirċievu l-kimoterapija.
Wieħed mill-effetti sekondarji ewlenin tal-kimoterapija huwa li twaqqaf il-mudullun milli jipproduċi biżżejjed ċelluli tad-demm. Lejn tmiem il-kors tal-kimoterapija tiegħek, speċjalment jekk ħadt ammont kbir ta’ kimoterapija, l-għadd ta’ ċelluli ħomor tad-demm tiegħek jista’ jonqos u jagħmlek anemiku.
jekk inti allerġiku għal darbepoetin alfa jew għal xi sustanza oħra ta’ din il-mediċina mniżżla fis-sezzjoni 6.
jekk ġejt dijanjostikat bi pressjoni għolja li mhix qed tiġi kkontrollata b’mediċini oħra li kitiblek it-tabib tiegħek.
Kellem lit-tabib, lill-spiżjar jew lill-infermier tiegħek qabel tuża Aranesp. Jekk jogħġbok għid lit-tabib tiegħek jekk qed tbati jew jekk batejt minn:
pressjoni għolja li qed tiġi ttrattata b’mediċini preskritti mit-tabib tiegħek;
anemija tat-tip sickle cell;
attakki ta’ epilessija (aċċessjonijiet);
konvulżjonijiet (aċċessjonijiet jew puplesiji);
mard tal-fwied;
nuqqas sinifikanti ta’ rispons għal mediċini wżati biex jittrattaw l-anemija;
allerġija għall-latex (l-għatu tal-labra tal-siringa mimlija għal-lest fih sustanza mnissla mill- latex); jew
epatite Ċ
Jekk għandek sintomi fosthom għeja mhux tas-soltu u nuqqas ta’ enerġija dan jista’ jfisser li għandek aplasija pura taċ-ċelluli ħomor (PRCA - pure red cell aplasia) li ġiet irrappurtata f’pazjenti. PRCA tfisser li l-ġisem waqqaf jew naqqas il-produzzjoni taċ-ċelluli ħomor tad- demm li jikkawża anemija severa. Jekk ikollok dawn is-sintomi għandek tikkuntattja lit-tabib tiegħek li jiddetermina l-aħjar mod biex jittratta l-anemija.
Oqgħod attent ħafna bi prodotti oħra li jistimulaw il-produzzjoni ta’ ċelluli ħomor tad-demm: Aranesp huwa wieħed minn grupp ta’ prodotti li jistimulaw il-produzzjoni ta’ ċelluli ħomor tad- demm kif jagħmel l-eritropoetina uman magħmul mill-proteina. Il-professjonist tal-kura tas- saħħa tiegħek dejjem se jieħu nota tal-prodott eżatt li qed tuża.
Jekk inti pazjent b’insufficjenza renali kronika u partikularment jekk ma tirrispondix kif suppost għal Aranesp, it-tabib tiegħek se jiċċekkja d-doza tiegħek ta’ Aranesp għax jekk iżżid id-doza
ta’ Aranesp b’mod ripetut jekk mintix tirrispondi għat-trattament, jista’ jżid ir-riskju li jkollok problema tal-qalb jew fil-kanali tad-demm u jista’ jżid ir-riskju ta’infart mijokardijaku, puplesija u mewt.
It-tabib tiegħek għandu jipprova jżomm l-emoglobina tiegħek bejn 10 u 12 g/dL. It-tabib tiegħek se jiċċekkja li l-emoglobina tiegħek ma taqbiżx ċertu livell, peress li konċentrazzjonijiet għolja ta’ emoglobina jistgħu jpoġġuk f’riskju li jkollok problema tal-qalb jew tal-kanali tad- demm u jistgħu jżidu r-riskju ta’ infart mijokardijaku, puplesija u mewt.
Jekk għandek sintomi li jinkludu uġigħ ta’ ras severa, ngħas, konfużjoni, problemi bil-vista tiegħek, tqalligħ, rimettar jew aċċessjonijiet (attakki ta’ puplesija) dan jista’ jfisser li għandek pressjoni għolja ħafna. Jekk ikollok esperjenza ta’ dawn is-sintomi għandek tikkuntattja lit-tabib tiegħek.
Jekk inti pazjent li għandek kanċer għandek tkun taf li Aranesp jista’ jaħdem bħala fattur tat- tkabbir taċ-ċelluli tad-demm u f’xi ċirkustanzi jista’ jkollu impatt neġattiv fuq il-kanċer tiegħek. Skont is-sitwazzjoni individwali tiegħek jista’ jkun aħjar li tirċievi transfużjoni tad-demm. Jekk jogħġbok iddiskuti dan mat-tabib tiegħek.
Użu ħażin minn persuni f’saħħithom jista’ jikkawża problemi fil-qalb jew fil-vini u l-arterji li jistgħu jkunu ta’ periklu għall-ħajja.
Ġew irrappurtati reazzjonijiet serji tal-ġilda inkluż is-sindrome ta’ Stevens-Johnson (SJS - Stevens-Johnson syndrome) u nekrolisi tossika tal-epidermide (TEN - toxic epidermal necrolysis) f’assoċjazzjoni ma’ trattament b’epoetin. Fil-bidu SJS/TEN jistgħu jidhru bħala ponot fl-aħmar qishom mira jew irqajja tondi ħafna drabi b’infafet fiċ-ċentru fuq is-sider jew id- dahar. Barra dan jistgħu jseħħu ulċeri fil-ħalq, fil-griżmejn, fl-imnieħer, fil-ġenitali u fl-għajnejn (għajnejn ħomor u minfuħin). Dan ir-raxx serju tal-ġilda ħafna drabi huwa preċedut minn deni u/jew sintomi bħal tal-influwenza. Ir-raxx jista’ javvanza għal tqaxxir mifrux tal-ġilda u kumplikazzjonijiet ta’ periklu għall-ħajja.
Jekk tiżviluppa raxx serju jew sintomi tal-ġilda oħra minn dawn, tkomplix tieħu Aranesp u kkuntattja lit-tabib tiegħek jew fittex attenzjoni medika immedjatament.
Għid lit-tabib jew lill-spiżjar tiegħek jekk qed tuża, użajt dan l-aħħar jew tista’ tuża xi mediċini oħra. Cyclosporin u tacrolimus (mediċini li jrażżnu s-sistema immuni) jistgħu jiġu affettwati mill-kwantità
ta’ ċelluli ħomor fid-demm tiegħek. Huwa importanti li tgħid lit-tabib tiegħek jekk qed tieħu xi waħda minn dawn il-mediċini.
L-ikel u x-xorb m’għandhomx effett fuq Aranesp.
Jekk inti tqila jew qed tredda’, taħseb li tista’ tkun tqila jew qed tippjana li jkollok tarbija, itlob il-parir tat-tabib jew tal-ispiżjar tiegħek qabel tieħu din il-mediċina.
Aranesp ma ġiex ittestjat f’nisa tqal. Huwa importanti li tgħid lit-tabib tiegħek jekk inti:
tqila;
taħseb li tista’ tkun tqila; jew
qed tippjana li toħroġ tqila.
Mhux magħruf jekk darbepoetin alfa joħroġx fil-ħalib tas-sider tal-bniedem. Għandek tieqaf tredda’ jekk qed tuża Aranesp.
Aranesp m’għandux ikollu effett fuq il-ħila tiegħek biex issuq u tħaddem magni.
Din il-mediċina fiha anqas minn 1 mmol sodium (23 mg) f’kull doża, jiġifieri essenzjalment ‘ħielsa mis-sodium’.
Dejjem għandek tuża din il-mediċina skont il-parir eżatt tat-tabib jew l-ispiżjar tiegħek. Iċċekkja mat- tabib jew mal-ispiżjar tiegħek jekk ikollok xi dubju.
Wara t-testijiet tad-demm, it-tabib tiegħek iddeċieda li int għandek bżonn Aranesp minħabba li l-livell tal-emoglobina tiegħek huwa 10 g/dL jew anqas. It-tabib tiegħek jgħidlek kemm u kemm ta’ spiss għandek tieħu Aranesp sabiex jinżamm livell tal-emoglobina bejn 10 u 12 g/dL. Dan jista’ jvarja skont jekk intix adult jew tifel/tifla.
It-tabib tiegħek jista’ jiddeċiedi li jkun aktar konvenjenti għalik jekk inti jew il-persuna li tieħu ħsiebek tinjetta Aranesp. It-tabib, l-infermier jew l-ispiżjar tiegħek se juruk kif tinjetta lilek innifsek b’siringa mimlija għal-lest. Tippruvax tinjetta lilek innifsek jekk ma ġejtx mgħallem kif. Qatt m’għandek tinjetta Aranesp ġo vina inti stess.
Għall-pazjenti adulti u pedjatriċi kollha b’età ta’ ≥ sena b’insuffiċjenza kronika tal-kliewi, Aranesp jingħata bħala injezzjoni waħda, taħt il-ġilda jew ġol-vina.
Sabiex tikkoreġi l-anemija tiegħek, d-doża inizjali ta’ Aranesp għal kull kilogramma tal-piż tal-ġisem tkun ta’:
0.75 mikrogramma darba kull ġimagħtejn, jew
0.45 mikrogramma darba fil-ġimgħa.
Għall-pazjenti adulti li mhumiex fuq id-dijalisi, 1.5 mikrogrammi/kg darba kull xahar jistgħu jintużaw ukoll bħala doża inizjali.
Għall-pazjenti adulti u pedjatriċi kollha ta’ ≥ sena b’insuffiċjenza renali kronika, la darba l-anemija hija kkoreġuta, inti tibqa’ tirċievi Aranesp mogħti bħala injezzjoni waħda, darba fil-ġimgħa jew darba kull ġimagħtejn. Għall-pazjenti adulti u pedjatriċi kollha ta’ ≥ 11-il sena li mhux fuq id-dijalisi, Aranesp jista’ jingħata wkoll bħala injezzjoni darba kull xahar.
It-tabib tiegħek se jieħu kampjuni tad-demm b’mod regolari biex ikejjel kif l-anemija tiegħek qed tirrispondi u jista’ jaġġusta d-doża tiegħek darba kull erba’ ġimgħat skont il-bżonn sabiex jinżamm kontrol fit-tul tal-anemija tiegħek.
It-tabib tiegħek se juża l-aktar doża baxxa effettiva biex jikkontrolla is-sintomi tal-anemija tiegħek. Jekk ma tirrispondix tajjeb biżżejjed għal Aranesp, it-tabib se jiċċekkja id-doża tiegħek u jinfurmak
jekk għandekx bżonn li tbiddel id-dożi ta’ Aranesp.
Il-pressjoni tiegħek ukoll se tiġi eżaminata b’mod regolari, speċjament fil-bidu tat-trattament. F’ċertu każijiet, it-tabib tiegħek jista’ jirrakkomandalek li tieħu l-ħadid bħala supplement.
It-tabib tiegħek jista’ jiddeċiedi li jbiddel il-mod ta’ kif tingħatalek l-injezzjoni (taħt il-ġilda jew ġol- vina). Jekk dan jinbidel inti se tibda bl-istess doża ta’ qabel u t-tabib tiegħek se jieħu kampjuni tad- demm sabiex jassiġura li l-anemija għadha qed tiġi kkontrollata tajjeb.
Jekk it-tabib tiegħek iddeċieda li jbiddillek it-trattament tiegħek minn r-HuEPO (eritropoetina magħmula permezz ta’ teknoloġija ġenetika) għal Aranesp, se jagħżel jekk għandekx tingħata injezzjoni ta’ Aranesp darba fil-ġimgħa jew darba kull ġimagħtejn. Il-mod ta’ kif tingħata l-injezzjoni huwa l-istess mod bħal ta’ r-HuEPO iżda t-tabib tiegħek jgħidlek kemm għandek tieħu, u meta, u jista’ jaġġustalek id-doża tiegħek jekk ikun hemm bżonn.
Aranesp jingħata bħala injezzjoni waħda, darba fil-ġimgħa jew darba kull tliet ġimgħat, taħt il-ġilda. Sabiex tiġi kkoreġuta l-anemija tiegħek, id-doża inizjali tiegħek tkun ta’:
500 mikrogramma darba kull tliet ġimgħat (6.75 mikrogramma ta’ Aranesp għal kull
kilogramma ta’ piż tal-ġisem tiegħek); jew
2.25 mikrogramma (darba fil-ġimgħa) ta’ Aranesp għal kull kilogramma ta’ piż tal-ġisem tiegħek.
It-tabib tiegħek se jieħu kampjuni tad-demm b’mod regolari sabiex ikejjel kif l-anemija tiegħek qed tirrispondi u jista’ jaġġusta d-doża tiegħek skont il-bżonn. It-trattament tiegħek ikompli sa bejn wieħed u ieħor erba’ ġimgħat wara li tintemm il-kimoterapija. It-tabib tiegħek se jgħidlek eżatt meta trid tieqaf tieħu Aranesp.
F’xi każijiet, it-tabib tiegħek jista’ jirrakkomandalek li tieħu l-ħadid bħala supplement.
Jista’ jkollok problemi serji jekk tuża Aranesp aktar milli teħtieġ, bħal pressjoni għolja ħafna. Għandek tikkuntattja lit-tabib, lill-infermier jew lill-ispiżjar tiegħek jekk jiġri dan. Jekk b’xi mod tħossok ma tiflaħx, għandek tikkuntattja lit-tabib, lill-infermiera jew lill-ispiżjar tiegħek immedjatament.
Tużax doża dopja biex tpatti għad-doża li tkun insejt tuża.
Jekk insejt tieħu doża ta’ Aranesp, għandek tikkuntattja lit-tabib tiegħek biex tiddiskuti meta għandek tinjetta d-doża li jmiss.
Jekk trid tieqaf tuża Aranesp, l-ewwel għandek tiddiskuti dan mat-tabib tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
Pressjoni għolja
Reazzjonijiet allerġiċi
Puplesija
Uġigħ madwar is-sit tal-injezzjoni
Raxx u/jew ħmura tal-ġilda.
Emboli tad-demm (trombożi)
Konvulżjonijiet (aċċessjonijiet u attakki ta’ puplesija)
Tbenġil u fsada fis-sit tal-injezzjoni
Emboli tad-demm f’aċċess għad-dijalisi
Aplasija pura taċ-ċelluli ħomor (PRCA - pure red cell aplasia) – (anemija, għeja mhux tas- soltu, nuqqas ta’ enerġija)
Pazjenti bil-kanċer
Reazzjonijiet allerġiċi
Pressjoni għolja (ipertensjoni)
Emboli tad-demm (trombożi)
Uġigħ madwar il-post tal-injezzjoni
Raxx u/jew ħmura fil-ġilda
Żamma ta’ fluwidu (edima)
Konvulżjonijiet (aċċessjonijiet u attakki ta’ puplesija)
Tbenġil u fsada fis-sit tal-injezzjoni
Il-pazjenti kollha
Mhux magħrufa: Frekwenza ma’ tistax tiġi stmata mid-data disponibbli
Reazzjonijiet allerġiċi serji li jistgħu jinkludu:
Reazzjonijiet allerġiċi f’daqqa li jistgħu jkunu ta’ periklu għal ħajja (anafilassi)
Nefħa fil-wiċċ, fix-xufftejn, fil-ħalq, fl-ilsien jew fil-griżmejn li tista’ tikkawża diffikultà biex tibla’ jew biex tieħu n-nifs (anġjoedima)
Qtugħ ta’ nifs (bronkospażmu allerġiku)
Raxx tal-ġilda
Ħorriqija (urtikarja)
Ġie rrappurtat raxx serju tal-ġilda inkluż is-sindrome ta’ Stevens-Johnson u nekrolisi tossika tal- epidermide f’assoċjazzjoni ma’ trattament b’epoetin. Dan jista’ jidher bħala tbajja ħamranin qishom mira jew irqajja tondi ħafna drabi b’infafet fiċ-ċentru fuq is-sider jew id-dahar, tqaxxir tal-ġilda, ulċeri fil-ħalq, fil-griżmejn, fl-imnieħer, fil-ġenitali u fl-għajnejn u jista’ jkun preċedut minn deni u sintomi bħal tal-influwenza.
Jekk tiżviluppa dawn is-sintomi waqqaf l-użu ta’ Aranesp u kkuntattja lit-tabib tiegħek jew fittex attenzjoni medika immedjatament (ara sezzjoni 2).
Jekk ikollok xi effett sekondarju, kellem lit-tabib, lill-ispiżjar jew lill-infermier tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali mniżżla f’Appendiċi V. Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq il-kartuna u fuq it-tikketta tas-siringa mimlija għal-lest wara EXP. Id-data ta’ meta tiskadi tirreferi għall-aħħar ġurnata ta’ dak ix-xahar.
Aħżen fi friġġ (2°C – 8°C). Tagħmlux fil-friża. Tużax Aranesp jekk taħseb li ġie ffriżat. Żomm is-siringa mimlija għal-lest fil-kartuna ta’ barra biex tilqa’ mid-dawl.
Meta s-siringa tkun tneħħiet mill-friġġ u tħalliet f’temperatura ambjentali għal bejn wieħed u ieħor 30 minuta qabel l-injezzjoni għandha tintuża fi żmien sebgħat ijiem jew tintrema.
Tużax din il-mediċina jekk tinnota li l-kontenut tas-siringa mimlija għal-lest huwa mdardar jew hemm xi frak fih.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi darbepoetin alfa, r-HuEPO (erythropoietin magħmul permezz ta’ teknoloġija ġenetika). Is-siringa mimlija għal-lest fiha 10, 15, 20, 30, 40, 50, 60, 80, 100, 130,
150, 300 jew 500 mikrogramma ta’ darbepoetin alfa.
Is-sustanzi l-oħra huma sodium phosphate monobasic, sodium phosphate dibasic, sodium chloride, polysorbate 80 u ilma għall-injezzjonijiet.
Aranesp huwa soluzzjoni għall-injezzjoni ċara, mingħajr kulur sa kemmxejn lewn il-perla f’siringa mimlija għal-lest.
Aranesp huwa disponibbli f’pakketti ta’ siringa mimlija għal-lest waħda jew 4 siringi mimlija għal- lest. Is-siringi jinstabu ippakkjati ġo folja (pakkett ta’ 1 u ta’ 4) jew mingħajr folja (pakkett ta’ 1). Jista’ jkun li mhux il-pakketti tad-daqsijiet kollha jkunu fis-suq.
Amgen Europe B.V. Minervum 7061
4817 ZK Breda L-Olanda
Amgen Europe B.V. Minervum 7062
4817 ZK Breda L-Olanda
Amgen Technology (Ireland) Unlimited Company Pottery Road
Dun Laoghaire Co Dublin
L-Irlanda
1831 Diegem Il-Belġju
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-tqegħid fis-Suq:
s.a. Amgen n.v.
Tel/Tél: +32 (0)2 7752711
Amgen Switzerland AG Vilniaus filialas Tel: +370 5 219 7474
Амджен България ЕООД Тел.: +359 (0)2 424 7440
s.a. Amgen Belgique/Belgien
Tel/Tél: +32 (0)2 7752711
Amgen s.r.o.
Tel: +420 221 773 500
Amgen Kft.
Tel.: +36 1 35 44 700
Amgen, filial af Amgen AB, Sverige Tlf: +45 39617500
Amgen B.V.
The Netherlands
Tel: +31 (0)76 5732500
AMGEN GmbH
Tel.: +49 89 1490960
Amgen B.V.
Tel: +31 (0)76 5732500
Amgen Switzerland AG Vilniaus filialas Tel: +372 586 09553
Amgen AB
Tel: +47 23308000
Amgen Ελλάς Φαρμακευτικά Ε.Π.Ε. Τηλ.: +30 210 3447000
Amgen GmbH
Tel: +43 (0)1 50 217
Amgen S.A.
Tel: +34 93 600 18 60
Amgen Biotechnologia Sp. z o.o. Tel.: +48 22 581 3000
Amgen S.A.S.
Tél: +33 (0)9 69 363 363
Amgen Biofarmacêutica, Lda. Tel: +351 21 4220606
Amgen d.o.o.
Tel: +385 (0)1 562 57 20
Amgen România SRL Tel: +4021 527 3000
Amgen Ireland Limited Tel: +353 1 8527400
AMGEN zdravila d.o.o. Tel: +386 (0)1 585 1767
Vistor hf.
Sími: +354 535 7000
Amgen S.r.l.
Tel: +39 02 6241121
Amgen AB, sivuliike Suomessa/Amgen AB, filial i Finland
Puh/Tel: +358 (0)9 54900500
C.A. Papaellinas Ltd Τηλ.: +357 22741 741
Amgen AB
Tel: +46 (0)8 6951100
Amgen Switzerland AG Rīgas filiāle Tel: +371 257 25888
Amgen Limited
Tel: +44 (0)1223 420305
Dan il-fuljett huwa disponibbli fil-lingwi kollha tal-UE/ŻEE fis-sit elettroniku tal-Aġenzija Ewropea għall-Mediċini.
Din is-sezzjoni fiha tagħrif dwar kif tinjetta lilek innifsek b’Aranesp. Importanti li ma tippruvax tagħti l-injezzjoni lilek innifsek jekk ma tkunx irċevejt taħriġ mit-tabib, mill-infermier jew mill-ispiżjar tiegħek. Jekk għandek xi mistoqsijiet dwar kif tinjetta, jekk jogħġbok staqsi lit-tabib, lill-infermier jew lill-ispiżjar tiegħek għall-għajnuna.
It-tabib tiegħek ordnalek siringa mimlija għal-lest ta’ Aranesp għall-injezzjoni fit-tessut eżatt taħt il- ġilda. It-tabib, l-infermier jew l-ispiżjar tiegħek se jgħidulek kemm għandek bżonn Aranesp u l- frekwenza tal-injezzjonijiet.
Biex tagħti injezzjoni lilek innifsek teħtieġ:
siringa mimlija għal-lest ta’ Aranesp ġdida; u
imsielaħ bl-alkoħol jew simili.
Oħroġ s-siringa mimlija għal-lest mill-friġġ. Ħalli s-siringa mimlija għal-lest f’temperatura ambjentali għal bejn wieħed u ieħor 30 minuta. Dan jagħmel l-injezzjoni aktar komda. Issaħħanx Aranesp bl-ebda mod ieħor (eżempju, issaħħaniex fil-microwave jew f’ilma jaħraq). Barra dan, tħallix is-siringa esposta għax-xemx diretta.
Tħawwadx is-siringa mimlija għal-lest.
Tneħħix l-għatu tas-siringa qabel ma tkun lest biex tinjetta.
Iċċekkja li hija d-doża t-tajba li ordnalek it-tabib tiegħek.
Iċċekkja d-data ta’ meta tiskadi fuq it-tikketta tas-siringa mimlija għal-lest (EXP). Tużahiex jekk id-data qabżet l-aħħar ġurnata tax-xahar muri.
Iċċekkja d-dehra ta’ Aranesp. Għandu jkun likwidu ċar, mingħajr kulur, jew b’dehra kemm kemm ta’ perla. Jekk ikun imċajpar jew jekk jkun fih xi frak, m’għandekx tużah.
8. Sib wiċċ komdu, imdawwal sew, u nadif, u poġġi dak kollu li għandek bżonn fejn tista’ tilħaqhom.
Qabel ma tinjetta Aranesp trid tagħmel dan li ġej:
Biex tevita li tgħawweġ il-labra, bil-mod aqla’ l-għatu mill-labra mingħajr ma ddawwar jew tgħawweġ kif muri fi stampi 1 u 2.
Tmissx il-labra u timbuttax il-planġer.
Jista’ jkun li tinnota bużżieqa tal-arja żgħira ġewwa s-siringa mimlija għal-lest. M’hemmx bżonn tneħħi l-bużżieqa tal-arja qabel ma tinjetta. Jekk tinjetta l-likwidu bil-bużżieqa tal-arja ma jikkawżax ħsara.
Issa tista’ tuża s-siringa mimlija għal-lest.
L-aħjar postijiet biex tinjetta lilek innifsek huma in-naħa ta’ fuq ta’ kuxxtejk u l-addome. Jekk xi ħadd ieħor qed jinjettak, jista’ wkoll juża n- naħa ta’ wara ta’ dirgħajk.
Tista’ tbiddel is-sit tal-injezzjoni jekk tinnota li ż-żona hija ħamra jew tuġgħa.
Iddisinfetta l-ġilda billi tuża mselħa tal-akoħol u oqros (mingħajr ma tagħfas) il-ġilda bejn subgħajk il-kbir u subgħajk il-werrej.
Daħħal il-labra kollha fil-ġilda kif urewk it-tabib, infermier jew spiżjar tiegħek.
Injetta d-doża preskritta taħt il-ġilda skont l-istruzzjonijiet li tawk it-tabib, l-infermier jew spiżjar tiegħek.
Imbotta l-planger bil-mod u bl-istess ritmu, filwaqt li dejjem iżżomm il-ġilda maqrusa, sakemm is-siringa tkun vojta.
Neħħi l-labra u itlaq il-ġilda.
Jekk tinnota qatra demm tista’ timsaħha b’biċċa tajjara jew tixu. Tgħorokx is-sit tal-injezzjoni.
Jekk hemm bżonn, tista’ tgħatti s-sit tal-injezzjoni b’biċċa stikk.
Uża kull siringa għal injezzjoni waħda biss. Tużax Aranesp li jkun fadal ġewwa s-siringa.
Terġax tqiegħed l-għatu fuq labar użati, minħabba li tista’ titnigges bi żball.
Żomm siringi użati fejn ma jintlaħqux u ma jidhrux mit-tfal.
Is-siringi użati għandhom jintremew kif jitolbu l-liġijiet lokali. Staqsi lill-ispiżjar dwar kif għandek tarmi mediċini li m’għandekx bżonn. Dawn il-miżuri jgħinu għall-protezzjoni tal- ambjent.