Irbesartan Hydrochlorothiazide Zentiva (previously Irbesartan Hydrochlorothiazide Winthrop)
irbesartan, hydrochlorothiazide
irbesartan/hydrochlorothiazide
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett
sekondarju possibbli li mhuwiex elenkat f’dan il-fuljett.Ara sezzjoni 4.
X’inhu Irbesartan Hydrochlorothiazide Zentiva u għalxiex jintuża
X’għandek tkun taf qabel ma tieħu Irbesartan Hydrochlorothiazide Zentiva
Kif għandek tieħu Irbesartan Hydrochlorothiazide Zentiva
Effetti sekondarji possibbli
Kif taħżen Irbesartan Hydrochlorothiazide Zentiva
Kontenut tal-pakkett u informazzjoni oħra
Irbesartan Hydrochlorothiazide Zentiva hu kombinazzjoni ta’ żewġ sustanzi attivi, irbesartan u
hydrochlorothiazide.
Irbesartan jappartjeni għall-grupp ta’ mediċini magħrufin bħala antagonisti tar-riċetturi angiotensin II. Angiotensin II hija sustanza li jagħmel il-ġisem li tingħaqad mar-riċetturi fil-vini u ġġegħelhom
jissikkaw. B’hekk tirriżulta żieda fil-pressjoni. Irbesartan ma jħallix angiotensin II jingħaqad ma dawn
ir-riċetturi, b’hekk il-vini tad-demm jirrilassaw u l-pressjoni tinżel.
Hydrochlorothiazide hija waħda mill-grupp ta’ mediċini (jissejħu dijuretiċi thiazide) li jikkaġunaw żieda fil-ħruġ ta’ l-awrina u b’hekk tinżel il-pressjoni.
Iż-żewġ sustanzi attivi f’Irbesartan Hydrochlorothiazide Zentiva jaħdmu flimkien biex inaqqsu l-
pressjoni iktar milli kieku jingħataw waħidhom.
jekk inti allerġiku/a għal irbesartan jew għal xi sustanza oħra ta’ din il-mediċina (elenkati fis- sezzjoni 6)
jekk inti allerġiku/a għal hydrochlorothiazide jew mediċini oħra derivati minn sulfonamide
jekk inti iktar minn 3 xhur tqila. (Ikun aħjar ukoll li tevita Irbesartan Hydrochlorothiazide
Zentiva kmieni fit-tqala – ara s-sezzjoni dwar it-tqala)
jekk inti għandek problemi severi tal-fwied jew tal-kliewi
jekk inti għandek diffikultà biex tagħmel l-awrina
jekk it-tabib tiegħek jistabbilixxi li għandek livelli persistenti ta’ calcium għoli jew potassium
Kellem lit-tabib tiegħek qabel tieħu Irbesartan Hydrochlorothiazide Zentiva u jekk xi waħda minn dawn tapplika għalik:
jekk ikollok rimettar jew dijarea eċċessiva
jekk inti tbati minn problemi tal-kliewi, jew għandek trapjant tal-kliewi
jekk inti tbati minn problemi tal-qalb
jekk inti tbati minn problemi tal-fwied
jekk inti tbati mid-dijabete
jekk tiżviluppa livelli baxxi ta’ zokkor fid-demm (is-sintomi jistgħu jinkludu għaraq, debbulizza, ġuħ, sturdament, rogħda, uġigħ ta’ ras, wiċċ aħmar jew pallidu, tirżiħ, il-qalb li tħabbat bil-qawwa u b’mod mgħaġġel), speċjalment jekk qed/a tiġi ttrattat/a għad-dijabete.
jekk inti tbati minn lupus erythematosus (magħruf ukoll bħala lupus jew SLE)
jekk issofri minn aldosteroniżmu primarju (kundizzjoni relatata ma’ produzzjoni għolja ta’
l-ormon aldosterone, li jikkawża retenzjoni ta’ sodium u, li min-naħa tiegħu, iżid il-pressjoni fid-demm)
jekk inti qed tieħu xi waħda minn dawn il-mediċini li ġejjin li jintużaw għal kura ta’ pressjoni
tad-demm għolja.
inibitur ta’ ACE (pereżempju enalapril, lisinopril, ramipril), b’mod partikulari jekk għandek problemi tal-kliewi relatati mad-dijabete.
aliskiren
jekk kellek kanċer tal-ġilda jew jekk tiżviluppa leżjoni fil-ġilda mhux mistennija matul it- trattament. It-trattament b’hydrochlorothiazide, b’mod partikolari l-użu fit-tul b’dożi għoljin, jista’ jżid ir-riskju ta’ xi tipi ta’ kanċer tal-ġilda u tax-xoffa (kanċer tal-ġilda mhux melanoma). Ipproteġi l-ġilda tiegħek mill-esponiment għax-xemx u għar-raġġi UV waqt li tieħu Irbesartan Hydrochlorothiazide Zentiva.
jekk kellek problemi fin-nifs jew fil-pulmun (inkluż infjammazzjoni jew fluwidu fil-pulmun) wara t-teħid ta’ hydrochlorothiazide fil-passat. Jekk tiżviluppa xi qtugħ ta’ nifs sever jew diffikultà biex tieħu n-nifs wara li tieħu Irbesartan Hydrochlorothiazide Zentiva, fittex attenzjoni medika immedjatament.
It-tabib tiegħek jista’ jiċċekkja l-funzjoni tal-kliewi tiegħek, il-pressjoni tad-demm, u l-ammont ta’
elettroliti (eż. potassium) fid-demm tiegħek f’intervalli regolari.
Ara wkoll l-informazzjoni taħt l-intestatura “Tiħux Irbesartan Hydrochlorothiazide Zentiva”
Għandek tavża lit-tabib tiegħek jekk taħseb li inti tqila (jew li tista’ tinqabad tqila). Irbesartan Hydrochlorothiazide Zentiva mhuwiex rakkomandat kmieni matul it-tqala, u m’għandux jittieħed jekk int iktar minn 3 xhur tqila, għax jista’ jikkawża ħsara serja lit-tarbija tiegħek jekk jintuża f’dak l- istadju tat-tqala (ara s-sezzjoni dwar it-tqala).
jekk int qiegħed/qiegħda fuq dieta nieqsa mill-melħ
jekk int qed turi sinjali bħal għatx mhux tas-soltu, ħalq xott, għejja ġenerali, ngħas, uġigħ
jistgħu jseħħu minħabba effett eċċessiv ta’ hydrochlorothiazide (li hemm fi Irbesartan
Hydrochlorothiazide Zentiva)
jekk tesperjenza żieda fis-sensittività tal-ġilda għax-xemx b’sintomi ta’ ħruq (bħal ħmura, ħakk, nefħa, bżieżaq) li jseħħu aktar frekwenti min-normal
jekk tkun se tagħmel xi operazzjoni (kirurġija) jew tkun se tirċievi anistetiku
jekk ikollok tibdil fil-viżta jew uġigħ f’waħda mill-għajnejn jew fiż-żewġ għajnejn meta
tkun qed tieħu Irbesartan Hydrochlorothiazide Zentiva. Dawn jistgħu jkunu sintomi t’akkumulazzjoni ta’ fluwidu fl-istrat vaskulari tal-għajn (effużjoni korojdali) jew ta’ żieda fil- pressjoni f’għajnejk (glawkoma) u tista’ sseħħ f’temp ta’ sigħat jew ġimgħa minn meta tieħu Irbesartan Hydrochlorothiazide Zentiva. Jekk ma tiġix ittrattata, tista’ twassal għal telf permanenti fil-viżta. Jekk qabel kellek xi allerġija għal penicillin jew sulfonamide, tista’ tkun f’riskju ogħla li tiżviluppa dawn is-sintomi. Għandek tieqaf tieħu kura bi Irbesartan Hydrochlorothiazide Zentiva u għandek tfittex parir mediku minnufih.
Il-hydrochlorothiazide li jinstab f’din il-mediċina jista’ jirriżulta’ f’test posittiv ta’ l-anti-doping.
Irbesartan Hydrochlorothiazide Zentiva m’ghandux jingħata lil tfal u adolexxenti (taħt it-18 il-sena).
Għid lit-tabib jew lill-ispiżjar tiegħek jekk qiegħed tieħu jew ħadt dan l-aħħar jew tista’ tieħu xi mediċina oħra:
Dijuretiċi bħal hydrochlorothiazide li jinstab f’ Irbesartan Hydrochlorothiazide Zentiva jista’ jkollhom effett fuq mediċini oħra. Preparazzjonijiet li fihom lithium m’għandhomx jittieħdu ma’ Irbesartan Hydrochlorothiazide Zentiva jekk ma tkunx taħt is-superviżjoni mill-viċin tat-tabib tiegħek.
It-tabib jista’ jkollu bżonn jibdillek id-doża u/jew jieħu prekawzjonijiet oħra
Jekk qed tieħu inibitur ta’ ACE jew aliskiren (ara wkoll l-informazzjoni taħt l-intestaturi “Tiħux
Irbesartan Hydrochlorothiazide Zentiva” u “Twissijiet u prekawzjonijiet”).
supplimenti tal-potassium
sostituti tal-melħ li fihom il-potassium
mediċini li fihom il-potassium, dijuretiċi oħra (pilloli ta’ l-ilma)
xi lassattivi
mediċini għall-kura tal-gotta
supplimenti terapewtiċi tal-vitamina D
mediċini biex jikkontrolaw ir-ritmu tal-qalb
mediċini għad-dijabete (mediċini li jittieħdu mill-ħalq bħal repaglinide jew insulina)
carbamazepine (mediċina għall-kura tal-epilessija).
Huwa importanti wkoll li tgħid lit-tabib tiegħek jekk tkun qed tieħu mediċini oħra biex tniżżel
il-pressjoni tad-demm, sterojdi, mediċini biex tikkura il-kanċer, mediċini li jtaffu l-uġigħ, mediċini għall-artrite, jew colestyramine u reżini ta’ colestipol biex tbaxxi l-kolesterol fid-demm.
Irbesartan Hydrochlorothiazide Zentiva jista’ jittieħed bi jew mingħajr ikel.
Minħabba l-hydrochlorothiazide li hemm fi Irbesartan Hydrochlorothiazide Zentiva, jekk tixrob l- alkoħol meta tkun qed tieħu l-kura b’din il-mediċina, jista’ jkollok sensazzjoni miżjuda ta’ sturdament meta tqum bil-wieqfa, b’mod speċjali meta tqum minn pożizzjoni bil-qiegħda.
Għandek tgħid lit-tabib tiegħek jekk taħseb li inti (jew jekk tista’ toħroġ) tqila. Normalment, it-tabib tiegħek ser jagħtik parir biex tieqaf tieħu Irbesartan Hydrochlorothiazide Zentiva qabel ma toħroġ tqila jew hekk kif issir taf li inti tqila, u ser jagħtik parir biex tieħu mediċina oħra minflok Irbesartan Hydrochlorothiazide Zentiva. Irbesartan Hydrochlorothiazide Zentiva mhuwiex rakkomandat fil-bidu tat-tqala, u m’għandux jittieħed meta mara tkun iktar minn 3 xhur tqila, għax jista’ jikkawża ħsara serja lit-tarbija tiegħek jekk jintuża wara t-tielet xahar tat-tqala.
Għid lit-tabib tiegħek jekk qed tredda’ jew jekk ser tibda tredda’. Irbesartan Hydrochlorothiazide Zentiva mhuwiex rakkomandat għal ommijiet li jkunu qed ireddgħu, u t-tabib tiegħek jista’ jagħżel kura oħra għalik jekk tixtieq tredda’, speċjalment jekk it-tarbija tiegħek tkun tat-twelid, jew jekk tkun twieldet qabel iż-żmien.
Irbesartan Hydrochlorothiazide Zentiva mhux suppost li jtellfek milli ssuq jew tħaddem magni. Madankollu, xi kultant sturdament jew għeja jinħassu waqt il-kura ta’ kontra l-pressjoni għolja. Jekk tħoss xi ħaġa minn dawn, kellem lit-tabib tiegħek qabel ma tipprova ssuq jew tħaddem magni.
sodium (23 mg) f’kull pillola, jiġifieri essenzjalment ‘ħieles mis-sodium’.
Dejjem għandek tieħu din il-mediċina skont il-parir eżatt tat-tabib tiegħek. Dejjem għandek taċċerta ruħek mat-tabib jew mal-ispiżjar tiegħek jekk ikollok xi dubju.
Id-doża rakkomandata ta’ Irbesartan Hydrochlorothiazide Zentiva hija pillola waħda jew tnejn kuljum. Irbesartan Hydrochlorothiazide Zentiva ġeneralment jiġi preskritt mit-tabib tiegħek meta l-
kura li kont tieħu qabel ma tnaqqasx il-pressjoni tad-demm biżżejjed. It-tabib tiegħek igħidlek kif
għandek tagħmel biex taqleb mill-kura li kont qed tieħu qabel għal Irbesartan Hydrochlorothiazide
Zentiva.
Irbesartan Hydrochlorothiazide Zentiva huwa għal użu orali. Ibla’ l-pilloli b’ammont suffiċjenti ta’ fluwidu (eż. tazza ilma). Tista’ tieħu Irbesartan Hydrochlorothiazide Zentiva bi jew mingħajr ikel.
Ipprova ħu d-doża ta’ kuljum tiegħek bejn wieħed u ieħor fl-istess ħin tal-ġurnata kuljum. Huwa
importanti li tkompli tieħu Irbesartan Hydrochlorothiazide Zentiva sakemm it-tabib tiegħek ma
jgħidlekx mod ieħor.
L-effett massimu biex tinżel il-pressjoni għandu jintlaħaq f’6-8 ġimgħat wara li tinbeda l-kura.
Irbesartan Hydroclorothiazide Zentiva ma għandux jingħata lil tfal iżgħar minn 18-il sena. Jekk
tifel/tifla jibla’/tibla’ xi pilloli, għid lit-tabib tiegħek minnufih.
Jekk aċċidentalment tieħu ħafna pilloli, għid lit-tabib tiegħek minnufih.
Jekk aċċidentalment taqbeż id-doża tal-ġurnata, ħu d-doża li jmiss bħas-soltu. M’għandekx tieħu doża doppja biex tpatti għal kull doża li tkun insejt tieħu.
Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’ kulħadd.
Xi wħud minn dawn l-effetti jistgħu jkunu serji u jistgħu jirrikjedu attenzjoni medika.
Każijiet rari ta’ reazzjonijiet allerġiċi tal-ġilda (raxx, urtikarja), kif ukoll nefħa lokalizzata tal-wiċċ, xofftejn u/jew ilsien ġew irrapportati f’pazjenti li jieħdu irbesartan.
Hydrochlorothiazide Zentiva u għid lit-tabib tiegħek minnufih.
Il-frekwenza tal-effetti sekondarji elenkati hawn taħt hija definita bl-użu tal-konvenzjoni li ġejja: Komuni: jistgħu jaffettwaw sa persuna waħda minn kull 10
Mhux komuni: jistgħu jaffettwaw sa persuna waħda minn kull 100
Rari ħafna: jistgħu jaffettwaw sa persuna waħda minn kull 10,000
L-effetti sekondarji rrapportati fi studji kliniċi għal pazjenti kkurati b’Irbesartan Hydrochlorothiazide Zentiva kienu:
dardir/rimettar
tagħmel l-awrina mhux normali
għeja
sturdament (anki meta tqum minn mimdud jew minn bil-qiegħda)
testijiet tad-demm jistgħu juru livelli ogħla ta’ enzim li jkejjel il-funzjoni tal-muskoli u tal-qalb (creatine kinase) jew livelli għoljin ta’ sustanzi li jkejlu l-funzjoni tal-kliewi (nitroġenu fl-urea tad-demm, creatinine).
dijarea
pressjoni baxxa
ħass ħażin
taħbit mgħaġġel tal-qalb
fwawar
nefħa
disturb sesswali (problemi fl-attività sesswali)
testijiet tad-demm jistgħu juru livelli aktar baxxi ta’ potassium u sodium fid-demm tiegħek.
Xi effetti mhux mixtieqa ġew irrapportati minn meta Irbesartan Hydrochlorothiazide Zentiva tpoġġa
fis-suq. Effetti mhux mixtieqa, fejn il-frekwenza mhijiex magħrufa huma: uġigħ ta’ ras, żarżir fil- widnejn, sogħla, disturbi fit-togħma, indiġestjoni, uġigħ fil-ġogi u fil-muskoli, funzjoni tal-fwied anormali u indeboliment fil-funzjoni tal-kliewi, livell ogħla ta’ potassium f’demmek u reazzjonijiet allerġiċi bħal raxx, ħorriqija, nefħa fil-wiċċ, fix-xufftejn, fil-ħalq, fl-ilsien jew fil-gerżuma. Każijiet mhux komuni ta’ suffejra (sfurija tal-ġilda u/jew abjad tal-għajnejn) ġew irrapportati wkoll.
Bħal ma jiġri f’kombinazzjoni ta’ żewġ sustanzi attivi, effetti sekondarji assoċjati ma’ komponenti waħidhom ma jistgħux jiġu esklużi.
Flimkien ma’ l-effetti sekondarji rrapportati hawn fuq, ġiew irrapportati uwkoll uġigħ fis-sider, reazzjonijiet allerġiċi severi (xokk anafilattiku), tnaqqis fin-numru taċ-ċelluli ħomor tad-demm (anemija - is-sintomi jistgħu jinkludu għeja, uġigħ ta’ ras, taqta’ nifsek waqt l-eżerċizzju, sturdament u dehra pallida), u tnaqqis fin-numru ta’ plejtlits (ċellula tad-demm importanti ħafna sabiex id-demm jgħaqqad) u livelli baxxi ta’ zokkor fid-demm.
Nuqqas ta’ aptit; irritazzjoni ta’ l-istonku; bugħawwiġ fl-istonku; stitikezza, suffejra (sfurija tal-ġilda u/jew ta’ l-abjad ta’ l-għajnejn); infjammazzjoni tal-frixa kkaratterizzata b’uġigħ sever fil-parti ta’ fuq
ta’ l-istonku, spiss b’dardir u rimettar; disturbi fl-irqad; dipressjoni; vista mċajpra; nuqqas ta’ ċelloli
bojod tad-demm, li jistgħu jirriżultaw f’infezzjonijiet frekwenti, deni; tnaqqis fin-numru ta’ plejtlits (ċellola tad-demm essenzjali għall-għaqid tad-demm), numru mnaqqas taċ-ċelloli tad-demm ħomor (anemija) ikkaratterizzat minn għejja, uġigħ ta’ ras, qtugħ ta’ nifs waqt eżerċizzju, sturdament u dehra pallida; mard fil-kliewi; problemi fil-pulmun inkluż pulmonite jew akkumulazzjoni ta’ fluwidu
fil-pulmun; sensittività miżjuda tal-ġilda fix-xemx; infjammazzjoni tal-vażi tad-demm; marda tal-ġilda
kkaratterizzata mit-tqaxxir tal-ġilda fuq il-ġisem kollu; lupus erythematosus tal-ġilda, li hija identifikata minn raxx li jista’ jidher fuq il-wiċċ, għonq u qorrija; reazzjonijiet allerġiċi; dgħjufija u spażmu tal-muskoli; rata tat-taħbit tal-qalb mibdula; tnaqqis fil-pressjoni tad-demm wara bidla
fil-qagħda tal-ġisem; nefħa tal-glandoli tal-bżieq; livelli ta’ zokkor għoljin fid-demm; zokkor fl-awrina; żidiet f’xi tipi ta’ xaħam fid-demm; livelli ta’ aċidu uriku fid-demm għoljin, li jista’ jikkawża gotta.
diffikultà respiratorja akuta (is-sinjali jinkludu qtugħ ta’ nifs sever, deni, debbulizza, u
konfużjoni).
għolja (jistgħu jkunu sinjali t’akkumulazzjoni ta’ fluwidu fl-istrat vaskulari tal-għajn (effużjoni
korojdali) jew glawkoma akuta ta’ għeluq tal-angolu).
Huwa magħruf li l-effetti sekondarji assoċjati ma’ hydrochlorothiazide jistgħu jiżdiedu ma’ dożi aktar għoljin ta’ hydrochlorothiazide.
Rappurtar tal-effetti sekondarji
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali imniżżla f’Appendiċi V. Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq il-kaxxa jew fuq il-folja wara JIS. Id- data ta’ meta tiskadi tirreferi għall-aħħar ġurnata ta’ dak ix-xahar.
Taħżinx f’temperatura ’l fuq minn 30°C.
Aħżen fil-pakkett oriġinali sabiex tilqa’ mill-umdità.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanzi attivi huma irbesartan u hydrochlorothiazide. Kull pillola ta’ Irbesartan Hydrochlorothiazide Zentiva 150 mg/12.5 mg fiha 150 mg irbesartan u 12.5 mg hydrochlorothiazide.
Is-sustanzi l-oħra huma microcrystalline cellulose, croscarmellose sodium, lactose monohydrate,
magnesium stearate, colloidal hydrated silica, pregelatinised maize starch, ferric oxide aħmar u isfar
(E172). Jekk jogħġbok ara sezzjoni 2 “Irbesartan Hydrochlorothiazide Zentiva fih lactose”.
Il-pilloli Irbesartan Hydrochlorothiazide Zentiva 150 mg/12.5 mg huma lewn il-ħawħa, ibbuzzati fuq iż-żewġ naħat, ovali, b’qalb ibbuzzata fuq naħa waħda u n-numru 2775 fuq in-naħa l-oħra.
Il-pilloli Irbesartan Hydrochlorothiazide Zentiva 150 mg/12.5 mg huma pprovduti f’pakketti f’folji ta’ 14, 28, 56 jew 98 pillola. Pakketti ta’ doża waħda ta’ 56 x 1 pillola sabiex jitqassmu fl-isptarijiet huma wkoll disponibbli.
Jista’ jkun li mhux il-pakketti tad-daqsijiet kollha jkunu fis-suq.
Zentiva k.s.
U Kabelovny 130
102 37 Prague 10 Ir-Repubblika Ċeka
Sanofi Winthrop Industrie 1 Rue de la vierge
Ambarès et Lagrave
33 565 Carbon Blanc Cedex Franza
Sanofi Winthrop Industrie
30-36 Avenue Gustave Eiffel 37 100 Tours
Franza
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
Zentiva, k.s.
Tél/Tel: +32 280 86 420
Zentiva, k.s.
Tel: +370 52152025
Zentiva, k.s.
Тел: +35924417136
Zentiva, k.s.
Tél/Tel: +352 208 82330
Zentiva, k.s.
Tel: +420 267 241 111
Zentiva Denmark ApS Tlf: +45 787 68 400
Zentiva, k.s.
Tel: +356 2778 0890
Zentiva Pharma GmbH Tel: +49 (0) 800 53 53 010
Zentiva, k.s.
Tel: +31 202 253 638
Zentiva, k.s.
Tel: +372 52 70308
Zentiva Denmark ApS Tlf: +47 219 66 203
Zentiva, k.s.
Τηλ: +30 211 198 7510
Zentiva, k.s.
Tel: +43 720 778 877
Zentiva, k.s.
Tel: +34 931 815 250
Zentiva Polska Sp. z o.o. Tel: + 48 22 375 92 00
Zentiva France
Tél: +33 (0) 800 089 219
Zentiva Portugal, Lda Tel: +351210601360
Zentiva, d.o.o.
Tel: +385 1 6641 830
Zentiva, k.s.
Tel: +353 766 803 944
ZENTIVA S.A.
Tel: : +4 021.304.7597
Zentiva, k.s.
Tel: +386 360 00 408
Zentiva Denmark ApS Sími: +354 539 0650
Zentiva, a.s.
Tel: +421 2 3918 3010
Zentiva Italia S.r.l. Tel: +39-02-38598801
Zentiva Denmark ApS Puh/Tel: +358 942 598 648
Zentiva, k.s.
Τηλ: +357 240 30 144
Zentiva Denmark ApS Tel: +46 840 838 822
Zentiva, k.s.
Tel: +371 67893939
Zentiva, k.s.
Tel: +44 (0) 800 090 2408