NexoBrid
concentrate of proteolytic enzymes enriched in bromelain
Konċentrat ta’ enzimi proteolitiċi arrikkiti fi bromelain
Dan il-prodott mediċinali huwa suġġett għal monitoraġġ addizzjonali. Dan ser jippermetti identifikazzjoni ta’ malajr ta’ informazzjoni ġdida dwar is-sigurtà. Inti tista’ tgħin billi tirrapporta kwalunkwe effett sekondarju li jista’ jkollok. Ara t-tmiem ta’ sezzjoni 4 biex tara kif għandek tirrapporta effetti sekondarji.
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib tiegħek.
Jekk ikollok xi effett sekondarju, kellem lit-tabib tiegħek. Dan jinkludi xi effett sekondarju possibbli li m’huwiex elenkat f’dan il-fuljett. Ara sezzjoni 4.
X’inhu NexoBrid u għalxiex jintuża
X’għandek tkun taf qabel NexoBrid jintuża
Kif jintuża NexoBrid
Effetti sekondarji possibbli
Kif jinħażen NexoBrid
Kontenut tal-pakkett u informazzjoni oħra
NexoBrid fih taħlita ta’ enzimi, imsejħa “konċentrat ta’ enzimi proteolitiċi arrikkiti fi bromelain”, li
huwa prodott minn estratti mill-istemma tal-pjanta tal-ananas.
NexoBrid jintuża f’pazjenti adulti biex ineħħi tessut maħruġ minn feriti profondi jew parzjalment
profondi kkawżati minn ħruq tal-ġilda.
Li tuża NexoBrid jista’ jnaqqas il-ħtieġa għal, jew il-grad tat-tneħħija kirurġika ta’ tessut maħruq u/jew trapjant tal-ġilda.
jekk inti allerġiku għal bromelain
jekk inti allerġiku għall-ananas
jekk inti allerġiku għall-papain
jekk int allerġiku għal xi sustanza oħra tat-trab jew ġell (elenkati fis-sezzjoni 6).
Kellem lit-tabib jew l-infermier tiegħek qabel jintuża NexoBrid jekk
għandek mard tal-qalb;
għandek id-dijabete;
għandek ulċera peptika attiva fl-istonku;
għandek marda vaskulari (b’okklużjoni vaskulari);
għandek impjant jew pacemaker jew shunt vaskulari;
għandek problemi ta’ ħruġ ta’ demm jew jekk tieħu mediċini li jraqqu d-demm;
il-ferita/i tiegħek ġiet/ġew f’kuntatt ma’ kimiċi jew sustanzi perikolużi oħra;
għandek marda tal-pulmun;
il-pulmun tiegħek saritlu ħsara, jew jista’ jkun li saritlu ħsara minn ġbid ta’ duħħan man-nifs;
inti allerġiku għal latex, tingiż tan-naħal jew għal polline tas-siġra taż-żebbuġ Jekk inhu hekk, jista’ jkollok ukoll reazzjonijiet allerġiċi għal NexoBrid.
Reazzjonijiet allerġiċi jistgħu jikkawżaw, pereżempju, diffikultajiet biex tieħu n-nifs, nefħa tal-ġilda, urtikarja, reazzjonijiet oħrajn tal-ġilda, ħmura tal-ġilda, pressjoni baxxa, qalb tħabbat b’rata mgħaġġla, u skonfort fiż-żaqq, jew kombinazzjoni ta’ dawn l-effetti. Jekk tinnota kwalunkwe minn dawn is-
sinjali jew sintomi, informa lit-tabib tiegħek jew lill-persuna li tkun qed tieħu ħsiebek immedjatament. Ir-reazzjonijiet allerġiċi jistgħu jkunu severi u jkunu jeħtieġu kura medika.
F’każ ta’ kuntatt mal-ġilda, laħlaħ NexoBrid bl-ilma. Dan hu biex tagħmilha inqas possibbli li tiżviluppa reazzjoni allerġika għal NexoBrid.
L-użu ta’ NexoBrid biex ineħħi tessut maħruq jista’ jwassal għal deni, infjammazzjoni tal-feriti jew infezzjoni tal-feriti, u possibbilment għal infezzjoni ġenerali. Inti tista’ tiġi ċċekkjat regolarment għal dawn il-kundizzjonijiet.
NexoBrid jista’ jnaqqas il-ħila tad-demm tiegħek li jifforma emboli, li jżid ir-riskju ta’ ħruġ ta’ demm. NexoBrid għandu jintuża b’kawtela jekk qed tiġi ttrattat b’mediċini li jnaqqsu l-ħila tad-demm tiegħek li jifforma emboli (l-hekk imsejħa mediċini li jraqqu d-demm) jew jekk għandek tendenza ġenerali li jkollok ħruġ ta’ demm, ulċera fl-istonku, avvelenament fid-demm, jew kundizzjoni oħra li tista’ tikkawżalek li joħroġlok id-demm. Wara l-kura b’NexoBrid, it-tabib tiegħek jista’ jiċċekkja l-livelli ta’ koagulazzjoni tad-demm tiegħek.
Kuntatt dirett ta’ NexoBrid mal-għajnejn għandu jiġi evitat. Jekk NexoBrid jidħol f’għajnejk, aħsilhom b’ħafna ilma għal mill-inqas 15-il minuta.
Biex tevita problemi fil-fejqan tal-feriti, il-ferita kkawżata minn ħruq ikkurata se tinkesa kemm jista’ jkun malajr b’sostituti jew garżi temporanji jew permanenti tal-ġilda.
NexoBrid m’għandux jintuża fuq feriti kimiċi kkawżati minn ħruq, feriti kkawżati minn ħruq elettriku, feriti kkawżati minn ħruq fis-saqajn f’pazjenti dijabetiċi u pazjenti b’marda vaskulari okklussiva, f’feriti kontaminati u feriti fejn NexoBrid jista’ jmiss ma’ oġġetti barranin (pereżempju, impjanti, pacemakers, u shunts) jew vini jew arterji kbar, l-għajnejn jew partijiet importanti oħrajn tal-ġisem.
NexoBrid mhuwiex għall-użu f’pazjenti li għandhom inqas minn 18-il sena.
Għid lit-tabib tiegħek jekk qiegħed tieħu, ħadt dan l-aħħar jew tista’ tieħu xi mediċini oħra.
It-tabib tiegħek se juża kawtela u joqgħod attent għal sinjali ta’ tnaqqis fil-koagulazzjoni tad-demm jew ħruġ ta’ demm meta jagħti riċetta għal mediċini oħrajn li jaffettwaw il-koagulazzjoni tad-demm, għax NexoBrid jista’ jnaqqas il-koagulazzjoni tad-demm.
NexoBrid jista’:
iżid l-effetti ta’ ċerti mediċini li jiġu ddiżattivati minn enzima tal-fwied imsejħa CYP2C8 u CYP2C9. Dan minħabba li NexoBrid jista’ jiġi assorbit minn ġerħa taż ħruq ġoċ-ċirkolazzjoni tad-demm. Eżempji ta’ mediċini bħal dawn huma:
amiodarone (jintuża għall-kura ta’ ċerti forom ta’ taħbit irregolari tal-qalb),
amodiaquine u chloroquine (jintużaw għall-kura tal-malarja u xi forom ta’ infjammazzjoni),
fluvastatin (jintuża għall-kura ta’ livelli għolja ta’ kolesterol),
pioglitazone, rosiglitazone, repaglinide, tolbutamide u glipizide (jintużaw għall-kura tad- dijabete),
paclitaxel u sorafenib (jintużaw għall-kura tal-kanċer),
torasemide (jintuża biex iżid il-fluss tal-awrina),
ibuprofen (jintuża għal kura ta’ deni, uġigħ u xi forom ta’ infjammazzjoni),
losartan (jintuża għal kura ta’ pressjoni tad-demm għolja),
celecoxib (jintuża għal kura ta’ xi forom ta’ infjammazzjoni),
warfarin (jintuża biex inaqqas il-koagulazzjoni tad-demm), u
phenytoin (jintuża għal kura tal-epilessija).
jintensifika r-reazzjoni tiegħek għall-mediċini kontra l-kanċer fluorouracil u vincristine.
jikkawża tnaqqis mhux mixtieq fil-pressjoni tad-demm meta tiġi kkurat b’mediċini msejħa inibituri ACE, li jintuża għall-kura ta’ pressjoni tad-demm għolja u kundizzjonijiet oħrajn.
iżid in-ngħas meta jintuża fl-istess ħin ma’ mediċini li jistgħu jikkawżaw in-ngħas. Dawn il- mediċini jinkludu, pereżempju, mediċini tal-irqad, dawk li jissejħu kalmanti, xi mediċini tal- uġigħ u antidepressanti.
Jekk m’intix ċert jekk intix qed tieħu kwalunkwe mill-mediċini msemmija hawn fuq, staqsi it-tabib tiegħek qabel NexoBrid jiġi użat.
L-użu ta’ NexoBrid waqt it-tqala mhuwiex irrakkomandat.
Bħala miżura ta’ prekawzjoni, m’għandekx tredda’ għal mill-inqas 4 ijiem wara l-applikazzjoni ta’ NexoBrid.
Jekk inti tqila jew qed tredda’, taħseb li tista tkun tqila jew qed tippjana li jkollok tarbija, itlob il-parir tat-tabib jew spiżjar tiegħek qabel tintuża din il-mediċina.
NexoBrid hu għall-użu biss minn speċjalisti fi kliniċi li jispeċjalizzaw fil-kura ta’ feriti kkawżati minn ħruq. Se jiġi ppreparat direttament qabel l-użu u applikat minn tabib tiegħek jew minn professjonist
fil-qasam tal-kura tas-saħħa ieħor.
2 g NexoBrid trab imħallta f’20 g ta’ ġell jiġi applikat bi ħxuna ta’ 1.5 sa 3 millimetri fuq żona ta’ ferita kkaġunata minn ħruq ta’ 1 fil-mija tas-superfiċje tal-ġisem ta’ pazjent adult.
Għandu jitħalla għal 4 sigħat, u mbagħad jitneħħa. It-tieni applikazzjoni u applikazzjonijiet sussegwenti mhumiex rakkomandati.
NexoBrid m’għandux jiġi applikat fuq iktar minn 15% (wieħed minn tmienja) tas-superfiċje
totali tal-ġisem.
L-istruzzjonijiet għall-preparazzjoni tal-ġell NexoBrid jingħataw fl-aħħar ta’ dan il-fuljett fis-sezzjoni intenzjonata għal professjonisti mediċi jew professjonisti fil-qasam mediku.
Qabel jiġi applikat fuq ferita kkawżata minn ħruq, NexoBrid trab jitħallat ġo ġell. Għandu jintuża fi żmien 15-il minuta wara li jitħallat.
NexoBrid se jiġi applikat fuq żona ta’ feriti li tkun nadifa, bla infafet, u umda.
Mediċini oħrajn (bħal silver sulfadiazine jew povidone-iodine) se jitneħħew miż-żona tal-ferita qabel ma NexoBrid jiġi applikat.
Qabel l-applikazzjoni ta’ NexoBrid, garża mxarrba b’soluzzjoni antibatterjali se tiġi applikata għal sagħtejn.
Inti se tingħata mediċina adattata biex tipprevjeni u tikkura l-uġigħ mill-inqas 15-il minuta qabel NexoBrid jiġi applikat u qabel jitneħħa.
Wara li NexoBrid u t-tessut mejjet ikunu tneħħew minn fuq il-ferita, garża mxarrba b’soluzzjoni antibatterjali se tiġi applikata għal sagħtejn addizzjonali.
Il-kunjett li jkun fih it-trab NexoBrid, flixkun bil-ġell, u l-ġell ippreparat ta’ NexoBrid għandu jintuża biss għal pazjent wieħed.
Jekk ġell żejjed ta’ NexoBrid jiġi applikat fuq ferita kkawżata minn ħruq, il-ġell eċċessiv jista’ jintmesaħ.
Jekk għandek aktar mistoqsijiet dwar l-użu ta’ din il-mediċina, staqsi lit-tabib tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux
f’kulħadd.
Reazzjonijiet allerġiċi għal NexoBrid jistgħu jseħħu u jistgħu jikkawżaw, pereżempju, diffikultajiet biex tieħu n-nifs, nefħa tal-ġilda, urtikarja, ħmura tal-ġilda, pressjoni baxxa, qalb tħabbat b’rata mgħaġġla, u tqalligħ/remettar/uġigħ fl-istonku, jew kombinazzjoni ta’ dawn l-effetti. Jekk tinnota xi wieħed minn dawn is-sintomi jew sinjali, informa lit-tabib tiegħek jew lill-persuna li tkun qed tieħu ħsiebek.
Effetti sekondarji komuni ħafna (jistgħu jaffettwaw iktar minn 1 persuna minn kull 10 persuni)
Deni
Effetti sekondarji komuni (jistgħu jaffettwaw sa 1 persuna minn kull 10 persuni)
Uġigħ (anki jekk il-mediċini jintuża biex jipprevjenu jew inaqqsu wġigħ ikkawżat mit-tneħħija
ta’ tessut maħruq)
Infezzjoni tal-ferita kkawżata minn ħruq
Kumplikazzjonijiet tal-ferita li jinkludu il-ferita tinfetaħ, il-feriti jinxfu jew jitkissru, t-trapjanti tal-ġilda ma jirnexxilhomx ifiequ kif suppost, u Reazzjonijiet allerġiċi mhux serji bħal raxx.
Taħbit tal-qalb rapidu
Effetti sekondarji bi frekwenza mhux magħrufa (ma tistax tittieħed stima mid-data disponibbli)
Reazzjonijiet allerġiċi serji inkluża anafilassi
Jekk ikollok xi effett sekondarju, kellem lit-tabib jew l-infermier tiegħek. Dan jinkludi xi effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistemata’rappurtarnazzjonaliimniżżlaf’AppendiċiV. Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax NexoBrid wara d-data ta’ skadenza li tidher fuq it-tikketta tal-kunjett, flixkun, u kaxxa wara “JIS”. Id-data ta’ meta tiskadi tirreferi għall-aħħar ġurnata ta’ dak ix-xahar.
Żommu kiesaħ waqt il-ħażna u l-ġarr (2 °C-8 °C).
NexoBrid għandu jinħażen f’pożizzjoni vertikali biex il-ġell jinżamm fil-qiegħ tal-flixkun u fil-pakkett oriġinali sabiex tilqa’ mid-dawl.
Tagħmlux fil-friża.
NexoBrid għandha jintuża fi żmien 15-il minuta wara li t-trab jitħallat mal-ġell.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva (fit-trab fil-kunjett) hu konċentrat ta’ enzimi proteolitiċi arrikkiti fi bromelain:
2 g, li jikkorrispondu għal 0.09 g/g ta’ konċentrat ta’ enzimi proteolitiċi arrikkiti fi bromelain wara li jitħallat. Is-sustanzi l-oħra huma: għat-trab: ammonium sulphate u acetic acid u għal ġell carbomer 980, disodium phosphate anhydrous, sodium hydroxide, u ilma għal-injezzjonijiet.
NexoBrid hu pprovdut bħala trab u ġell għal ġell (trab f’kunjett (2 g) u ġell fi flixkun (20 g)), daqs tal- pakkett ta’ 1 (pakkett ikun fih kunjett wieħed ta’ trab u flixkun wieħed ta’ ġell).
It-trab hu ta’ lewn abjad jagħti fil-griż sa kannella jagħti fl-isfar ċar u l-ġell hu ċar u bla kulur.
Id-Detentur tal-Awtorizzazzjoni għat-Tqegħid fis-Suq: MediWound Germany GmbH
Hans-Sachs-Strasse 100
65428 Rüsselsheim Il-Ġermanja
e-mail: info@mediwound.com
Manifattur:
HÄLSA Pharma GmbH Hafenweg 18-20
48155 Münster
Il-Ġermanja
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur
tal-Awtorizzazzjoni għat-Tqegħid fis-Suq:
Hemm ukoll links għal siti elettroniċi oħra dwar mard rari u
kura.
---------------------------------------------------------------------------------------------------------------------------
It-tagħrif li jmiss qed jingħata biss għall-professjonisti fil-qasam mediku: Prekawzjonijietugħoti
Mill-aspett mikrobijoloġiku u billi l-attività enzimatika tal-prodott tonqos b’mod progressiv wara li jitħallat, il-prodott rikostitwit għandu jintuża immedjatament wara l-preparazzjoni (fi żmien
15-il minuta).
NexoBrid għandu jiġi applikat fuq żona ta’ ferita li tkun nadifa, mingħajr keratin, u umda.
Prodotti mediċinali applikati b’mod topiku (bħal silver sulfadiazine jew povidone-iodine) fis-sit tal- ferita, iridu jitneħħew u l-ferita trid titnaddaf qabel l-applikazzjoni ta’ NexoBrid.
Preparazzjoni tal-pazjent u ż-żona tal-ferita
Żona totali ta’ ferita ta’ mhux iktar minn 15% TBSA tista’ tiġi kkurata b’NexoBrid.
It-tneħħija enzimatika ta’ tessut mejjet hija proċedura li tikkawża uġigħ u teħtieġ analġeżija adegwata u/jew anestesija. Immaniġġjar preventiv tal-uġigħ irid jintuża kif inhi l-prattika komuni għal tibdil estensiv tal-faxex; għandu jinbeda mill-inqas 15-il minuta qabel l- applikazzjoni ta’ NexoBrid.
Il-ferita trid titnaddaf bir-reqqa u s-saff superfiċjali tal-keratin jew infafet irid jitneħħa miż-żona tal-ferita, għax il-keratin ser jiżola t-tessut mejjet minn kuntatt dirett ma’ NexoBrid u jevita li t- tessut mejjet jitneħħa minn NexoBrid.
Il-garża mxarrba b’soluzzjoni antibatterjali trid tiġi applikata għal sagħtejn.
Il-prodotti mediċinali antibatterjali kollha applikati b’mod topiku jridu jitneħħew qabel ma tapplika NexoBrid. Il-bqija tal-prodotti mediċinali antibatterjali jistgħu jnaqqsu l-attività ta’ NexoBrid billi jnaqqsu l-effikaċja tiegħu.
Iż-żona li minnha tixtieq tneħħi t-tessut mejjet trid tkun imdawra b’ostaklu li jwaħħal ta’ ingwent sterilizzat tal-paraffin billi tapplikah ftit ċentimetri ’il barra miż-żona tal-kura (billi tuża dispenser). Is-saff tal-paraffin ma jridx imiss maż-żona li tkun se tiġi kkurata biex tevita li tiksi
t-tessut mejjet, u għaldaqstant jiżola t-tessut mejjet minn kuntatt dirett ma’ NexoBrid.
Biex tiġi evitata irritazzjoni possibbli ta’ ġilda mibruxa minn kuntatt involontarju ma’ NexoBrid
u ħruġ ta’ demm possibbli miż-żona tal-ferita, iż-żoni tal-feriti akuti bħal tiċrit tal-laħam jew inċiżjonijiet ta’ ħruq għandhom jiġu protetti minn saff sterilizzat ta’ ingwent jew garżi li jkun fihom ix-xaħam (eż. garża bil-petrolatum).
Soluzzjoni sterilizzata ta’ isotonic sodium chloride 9 mg/ml (0.9%) trid titferrex fuq il-ferita kkawżata minn ħruq. Il-ferita trid tinżamm umda matul il-proċedura ta’ applikazzjoni.
Preparazzjoni ta’ NexoBrid ġell (kif tħallat it-trab mal-ġell)
NexoBrid trab u ġell huma sterilizzati. It-teknika asettika trid tintuża meta tħallat NexoBrid trab mal-ġell. It-trab m’għandux jinġibed man-nifs. Huwa meħtieġ l-ilbies ta’ ingwanti u ħwejjeġ protettivi kif ukoll nuċċali li jipproteġi l-għajnejn u maskra kirurġika.
Il-kunjett b’NexoBrid trab irid jinfetaħ billi tqaċċat b’attenzjoni l-għatu tal-aluminju u tneħħi t- tapp tal-lastku.
Meta tkun qed tiftaħ il-flixkun bil-ġell, irid jiġi kkonfermat li ċ-ċirku li jurik jekk ikunx ġie mbagħbas, ikun qed jissepara minn mal-għatu tal-flixkun. Jekk iċ-ċirku li jurik jekk ikunx ġie mbagħbas ikun diġà sseparat minn mal-għatu qabel ma tiftħu, il-flixkun bil-ġell irid jintrema u jrid jintuża flixkun ġdid ieħor bil-ġell.
NexoBrid trab imbagħad jiġi ttrasferit ġol-flixkun bil-ġell li jikkorrispondi.
NexoBrid trab u ġell iridu jitħalltu bir-reqqa sakemm tinkiseb taħlita uniformi, ta’ kulur minn ftit kannella jagħti fl-isfar sa ftit kannella. Dan normalment jeħtieġ li tħallat NexoBrid trab u l- ġell għal minn 1 sa 2 minuti.
NexoBrid ġell għandu jiġi ppreparat fejn is-sodda tal-pazjent
Applikazzjoni ta’ NexoBrid
Xarrab iż-żona li trid tiġi ttrattata billi traxxax ilma bil-melħ (saline) sterili fuq iż-żona mdawwra mill-barriera adeżiva ta’ ingwent xaħmi.
Fi żmien 15-il minuta minn x’ħin jitħallat, NexoBrid irid jiġi applikat b’mod topiku fuq il-ferita kkawżata minn ħruq, bi ħxuna ta’ 1.5 sa 3 millimetri.
Il-ferita mbagħad trid tinkesa b’garża sterilizzata okklużiva li teħel mal-materjal tal-ostaklu sterilizzat li jwaħħal applikat skont l-istruzzjonijiet hawn fuq (ara Preparazzjoni tal-pazjent u ż- żona tal-ferita). Il-ġell NexoBrid irid jimla l-garża okklużiva kollha, u għandu jkun hemm kawtela speċjali biex ma titħalliex arja taħt din il-garża okklużiva. Billi tagħfas b’mod ġentili l- garża okklużiva fiż-żona tal-kuntatt bl-ostaklu li jwaħħal, se jiżgura adeżjoni bejn ir-rita okklużiva u l-ostaklu u jwettaq trażżin sħiħ ta’ NexoBrid fuq iż-żona tal-kura.
Il-ferita bil-garżi trid tkun miksija b’garżi maħlulin ħoxnin u bit-tentix, li jinżammu f’posthom b’faxxa.
Il-garżi iridu jibqgħu fil-post għal 4 sigħat.
It-tneħħija ta’ NexoBrid
It-tneħħija ta’ NexoBrid hija proċedura li tikkawża uġigħ u teħtieġ analġeżija adegwata u/jew anestesija. Prodotti mediċinali adattati b’analġesija preventiva jridu jiġu applikati mill-inqas 15-il minuta qabel l-applikazzjoni ta’ NexoBrid.
Wara 4 sigħat ta’ kura b’NexoBrid, il-garża okklużiva trid titneħħa billi tuża tekniki asettiċi.
L-ostaklu li jwaħħal irid jitneħħa billi tuża strument sterilizzat b’tarf li ma jaqtax (eż., depressor
tal-ilsien).
It-tessut mejjet maħlul irid jitneħħa minn fuq il-ferita billi timsħu bi strument sterilizzat b’tarf li
ma jaqtax.
Il-ferita trid tintmesaħ bir-reqqa l-ewwel, b’garża kbira xotta u sterilizzata jew napkin, segwita minn ġarża sterilizzata jew napkin li tkun ġiet imxarrba b’soluzzjoni isotonika ta’ sodium chloride 9 mg/ml (0.9%). Iż-żona kkurata trid tindilek sakemm il-wiċċ tal-ġilda isir ta’ lewn roża, b’postijiet fejn ikun ħiereġ id-demm jew tessut abjad. Li togħrok il-ġilda mhux ser ineħħi tessut mejjet mhux maħlul li jkun għad baqa’ mwaħħal f’żoni fejn ikun għad fadal tessut mejjet.
Garża mxarrba b’soluzzjoni antibatterjali trid tiġi applikata għal sagħtejn addizzjonali.
Kura tal-ferita wara t-tneħħija ta’ tessut mejjet
Iż-żona li minnha jkun tneħħa t-tessut mejjet trid tinkesa immedjatament minn sostituti temporanji jew permanenti tal-ġilda jew faxex biex jiġi evitat tnixxif u/jew il-formazzjoni ta’ psewdo tessut mejjet u/jew infezzjoni.
Qabel ma’ għata permanenti tal-ġilda jew sostitut temporanju tal-ġilda jiġu applikati fuq żona li minnha jkun għadu kif tneħħa t-tessut mejjet b’mod enzimatiku, faxxa mxarrba tat-tip wet-to- dry trid tiġi applikata.
Qabel l-applikazzjoni tat-trapjanti jew faxex primarji, iż-żona li minnha jkun tneħħa t-tessut mejjet trid titnaddaf u tiġi ffriskata permezz ta’ eż., tuża xkupilja jew tobrox iż-żona biex tippermetti li faxex jeħlu fil-post.
Feriti b’żoni ta’ ħxuna sħiħa u ħruq profond għandhom jiġu awtotrapjantati kemm jista’ jkun malajr wara t-tneħħija ta’ tessut mejjet b’NexoBrid. Għandha wkoll tingħata konsiderazzjoni b’attenzjoni li jitpoġġew għata permanenti fuq il-ġilda (eż. awtotrapjanti) fuq feriti bi ħxuna parzjali profonda dritt wara t-tneħħija ta’ tessut mejjet permezz ta’ NexoBrid.
Rakkomandazzjonijietgħalimmaniġġjarsigur
Kull kunjett, ġell, jew ġell rikostitwit ta’ NexoBrid għandu jintuża għal pazjent wieħed biss.
Hemm rapporti ta’ espożizzjoni fuq il-post tax-xogħol għal bromelain, li wasslet għal sensibilizzazzjoni. Is-sensibilizzazzjoni tista’ tkun seħħet minħabba l-ġbid man-nifs tat-trab ta’ bromelain. Reazzjonijiet allerġiċi għal bromelain jinkludu reazzjonijiet anafilattiċi u reazzjonijiet oħrajn tat-tip immedjat b’manifestazzjonijiet bħal bronkospażmu, anġjoedema, urtikarja, u reazzjonijiet tal-mukuża u gastrointestinali. Meta tħallat NexoBrid trab mal-ġell, huwa meħtieġ immaniġġjar xieraq, inkluż l-ilbies ta’ ingwanti u ħwejjeġ protettivi kif ukoll nuċċali li jipproteġi l- għajnejn u maskra kirurġika. It-trab m’għandux jinġibed man-nifs.
Evita espożizzjoni aċċidentali fl-għajnejn. F’każ ta’ espożizzjoni fl-għajnejn, xarrab l-għajnejn esposti b’ammonti kbar ta’ ilma għal mill-inqas 15-il minuta. F’każ ta’ espożizzjoni tal-ġilda, laħlaħ NexoBrid bl-ilma.
Rimi
Kull fdal tal-prodott li ma jkunx intuża jew skart li jibqa’ wara l-użu tal-prodott għandu jintrema kif jitolbu l-liġijiet lokali.
The following Pl should be corrected in line with corrections made above