Abasaglar (previously Abasria)
insulin glargine
insulin glargine
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib, lill-ispiżjar jew l-infermier tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’
tagħmlilhom il-ħsara, anki jekk ikollhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib, lill-ispiżjar jew l-infermier tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4.
X’inhu ABASAGLAR u għalxiex jintuża
X’għandek tkun taf qabel ma tuża ABASAGLAR
Kif għandek tuża ABASAGLAR
Effetti sekondarji possibbli
Kif taħżen ABASAGLAR
Kontenut tal-pakkett u informazzjoni oħra
ABASAGLAR fih insulin glargine. Dan huwa insulina mmodifikata, simili ħafna għall-insulina umana.
ABASAGLAR jintuża biex jikkura d-dijabete mellitus fl-adulti, fl-adoloxxenti u fit-tfal minn
sentejn ’il fuq.
Id-dijabete mellitus hija marda fejn ġismek ma jipproduċix ammont biżżejjed ta’ insulina biex tikkontrolla l-livell taz-zokkor fid-demm. Insulin glargine għandu effett fit-tul u kostanti li jbaxxi l- livell taz-zokkor fid-demm.
Jekk inti allerġiku għal insulin glargine jew għal xi sustanza oħra ta’ din il-mediċina (elenkati fis-
sezzjoni 6).
Kellem lit-tabib, lill-ispiżjar jew lill-infermier tiegħek qabel tuża ABASAGLAR.
Segwi sew l-istruzzjonijiet għall-pożoloġija, monitoraġġ (testijiet tad-demm u l-awrina), dieta u attività fiżika (xogħol u eżerċizzju fiżiku) kif diskuss mat-tabib tiegħek.
Jekk iz-zokkor fid-demm tiegħek huwa baxx wisq (ipogliċemija), segwi l-gwida għall-ipogliċemija
(ara l-kaxxa fl-aħħar ta’ dan il-fuljett).
Bidliet fil-ġilda fis-sit tal-injezzjoni
Is-sit tal-injezzjoni għandu jinbidel kull darba biex jiġu evitati bidliet fil-ġilda bħal boċċi taħt il-ġilda.
L-insulina tista’ ma taħdimx tajjeb ħafna jekk tinjetta f’żona bil-boċċi (ara Kif għandek tuża
ABASAGLAR). Ikkuntattja lit-tabib tiegħek jekk bħalissa qed tinjetta f’żona bil-boċċi qabel ma tibda tinjetta f’parti differenti. It-tabib tiegħek jista’ jgħidlek biex tiċċekkja aktar mill-qrib iz-zokkor fid- demm tiegħek, u biex taġġusta d-doża tal-insulina jew tal-medikazzjonijiet antidijabetiċi l-oħra tiegħek.
Ivvjaġġar
Qabel tivvjaġġa kellem lit-tabib tiegħek. Għandu mnejn ikollok bżonn tiddiskuti dwar:
id-disponibbiltà tal-insulina tiegħek fil-pajjiż li qiegħed iżżur,
il-forniment tal-insulina eċċ.
il-ħażna korretta tal-insulina tiegħek waqt l-ivvjaġġar,
il-ħin tal-ikel u t-teħid tal-insulina waqt l-ivvjaġġar
l-effetti possibbli ta’ tibdil ta’ żoni ta’ ħin differenti,
il-possibbiltà ta’ riskji ġodda għal saħħtek fil-pajjiż li ser iżżur,
x’għandek tagħmel f’sitwazzjonijiet ta’ emerġenza meta tħossok ma tiflaħx jew timrad.
Mard u korrimenti
F’dawn is-sitwazzjonijiet li ġejjin, l-immaniġġar tad-dijabete tiegħek, jista’ jkollha bżonn ta’ ħafna
attenzjoni (per eżempju aġġustament fid-doża tal-insulina, testijiet tad-demm u tal-awrina):
Jekk ma tiflaħx jew korrejt serjament f’dan il-każ il-livell taz-zokkor fid-demm tiegħek jista’ jogħla (ipergliċemija)
Jekk m’intix qed tiekol biżżejjed il-livell taz-zokkor fid-demm tiegħek jista’ jinżel iżżejjed (ipogliċemija).
Fil-parti l-kbira tal-każijiet ikollok bżonn tabib. Kun ċert li tkellem tabib kmieni.
Jekk għandek id-dijabete tat-tip 1 (dijabete mellitus dipendenti fuq l-insulina), twaqqafx l-insulina tiegħek u kompli ħu biżżejjed karboidrati. Dejjem għid lin-nies li qegħdin jieħdu ħsiebek jew li qegħdin jikkurawk li għandek bżonn l-insulina.
It-trattament bl-insulina jista’ jkun il-kawża li l-ġisem jipproduċi antikorpi għall-insulina (sustanzi li jaħdmu kontra l-insulina). Madankollu, huwa rari ħafna li minħabba f’hekk ikollok tbiddel id-doża tiegħek tal-insulina.
Xi pazjenti, li ilhom għal tul ta’ żmien ibatu mid-dijabete mellitus tat-tip 2 u mill-mard tal-qalb jew kellhom xi attakk preċedenti ta’ puplesija u li ġew ikkurati bi pioglitazone u l-insulina, kellhom l- iżvilupp ta’ insuffiċjenza tal-qalb. Għarraf lit-tabib tiegħek mill-aktar fis possibbli jekk tinduna b’xi sinjali ta’ insuffiċjenza tal-qalb bħal qtugħ ta’ nifs mhux tas-soltu jew żieda malajr fil-piż jew xi nefħa lokalizzata (edima).
Taħwid bejn insulini
Għandek dejjem tiċċekkja l-pakkett u t-tikketta tal-insulina qabel kull injezzjoni sabiex tevita taħwid
bejn ABASAGLAR u insulini oħra.
M’hemm ebda esperjenza bl-użu ta’ ABASAGLAR fit-tfal li għandhom taħt is-sentejn.
Xi mediċini jikkawżaw tibdil fil-livell taz-zokkor fid-demm (tnaqqis, żieda jew it-tnejn li huma, skont
iċ-ċirkostanzi). F’kull każ, jista’ jkun meħtieġ li taġġusta d-doża tiegħek tal-insulina biex tevita livelli taz-zokkor fid-demm li jkunu baxxi wisq jew għoljin wisq. Oqgħod attent/a meta tibda jew tieqaf tieħu xi mediċina oħra. Għid lit-tabib jew lill-ispiżjar tiegħek jekk qiegħed tieħu, ħadt dan l-aħħar jew tista’ tieħu xi mediċini oħra. Qabel tieħu xi mediċina staqsi lit-tabib tiegħek jekk tistax teffettwalek il-livell taz-zokkor fid-demm tiegħek, u x’għandek tagħmel, jekk meħtieġ.
Il-mediċini li jistgħu jbaxxu l-livell taz-zokkor fid-demm tiegħek (ipogliċemija) jinkludu:
il-mediċini l-oħra kollha għall-kura tad-dijabete,
l-inibituri tal-enzima li tikkonverti anġjotensin (ACE) (użati għall-kura ta’ ċerti kundizzjonijiet
tal-qalb jew ta’ pressjoni għolja fid-demm),
disopyramide (użat għall-kura ta’ ċerti kundizzjonijiet tal-qalb),
fluoxetine (użat għall-kura tad-depressjoni),
fibrates (użati biex ibaxxu l-livelli għoljin tal-lipidi fid-demm)
l-inibituri ta’ monoamine oxidase (MAO) (użati għall-kura tad-depressjoni),
pentoxifylline, propoxyphene, salicylates (bħall-aspirina, użati biex ittaffu l-uġigħ u jniżżlu d- deni)
analogi ta’ somatostatin (bħal octreotide, użat fil-kura ta’ kondizzjoni li mhijiex komuni fejn inti tipproduċi ormon tat-tkabbir żejjed),
l-antibijotiċi sulphonamide.
Il-mediċini li jistgħu jgħollu l-livell taz-zokkor fid-demm tiegħek (ipergliċemija) jinkludu:
l-kortikosterojdi (bħal "cortisone", użat għall-kura tal-infjammazzjoni),
danazol (mediċina li taħdem fuq l-ovulazzjoni),
diazoxide (użat għall-kura ta’ pressjoni għolja),
id-dijuretiċi (użati għall-kura ta’ pressjoni għolja jew iż-żamma eċċessiva ta’ fluwidi),
glukagon (ormon tal-frixa użat għall-kura ta’ ipogliċemija severa),
isoniazid (użat għall-kura tat-tuberkulożi),
l-estroġeni u l-proġestoġeni (bħal fil-pillola kontraċettiva, użata għall-kontroll tat-tqala),
id-derivattivi ta’ phenothiazine (użati għall-kura ta’ disturbi psikjatriċi),
somatropin (ormon tat-tkabbir),
il-mediċini simpatomimetiċi (bħal epinephrine [adrenaline] jew salbutamol, terbutaline użat għall-kura tal-ażma),
ormoni tat-tirojde (użati għall-kura ta’ disturbi fil-glandola tat-tirojde),
l-mediċini hekk imsejħa atipiċi kontra l-psikożi (bħal olanzapine u clozapine),
l-inibituri ta’ protease (użati għall-kura tal-HIV).
Il-livell taz-zokkor fid-demm tiegħek jista’ jogħla jew jinżel jekk tieħu:
imblokkaturi tar-riċetturi beta (użati għall-kura ta’ pressjoni għolja),
clonidine (użat għall-kura ta’ pressjoni għolja),
is-sustanzi tal-lithium (użati għall-kura ta’ disturbi psikjatriċi).
Pentamidine (użat għall-kura ta’ xi infezzjonijiet ikkawżati mill-parassiti) jista’ jikkawża ipogliċemija
li kultant tkun segwita minn ipergliċemija.
L-imblokkaturi tar-riċetturi beta bħall-mediċini oħra simpatolitiċi (bħal clonidine, guanethidine, u reserpine) jistgħu jdgħajfu jew jaħbu kompletament l-ewwel sintomi ta’ twissija li jgħinuk tagħraf ipogliċemija.
Jekk m’intix ċert/a jekk intix qed tieħu waħda minn dawn il-mediċini staqsi lit-tabib jew lill-ispiżjar tiegħek.
Il-livelli taz-zokkor fid-demm tiegħek jistgħu jogħlew jew jitbaxxew jekk tixrob l-alkoħol.
Itlob il-parir tat-tabib jew tal-ispiżjar tiegħek qabel tieħu xi mediċina.
Għarraf lit-tabib tiegħek jekk inti qed tippjana toħroġ tqila, jew jekk inti diġà tqila. Id-doża tiegħek tal-
insulina għandu mnejn jeħtieġ li tinbidel waqt it-tqala u wara li twelled. Il-kontroll għaqli tad-dijabete tiegħek, u l-prevenzjoni tal-ipogliċemija, huma importanti għas-saħħa tat-tarbija tiegħek.
Jekk int qed tredda’, iddiskuti mat-tabib tiegħek għax inti tista’ tkun teħtieġ tibdiliet fid-dożi tiegħek
tal-insulina u d-dieta.
L-abbiltà tiegħek biex tikkonċentra u tirreaġixxi tista’ tonqos jekk:
inti għandek l-ipogliċemija (livelli baxxi ta’ zokkor fid-demm),
inti għandek l-ipergliċemija (livelli għoljin ta’ zokkor fid-demm),
inti għandek problemi bil-vista tiegħek.
Żomm din il-problema f’moħħok f’kull sitwazzjoni fejn tista’ tpoġġi lilek innifsek jew lil ħaddieħor f’riskju (eż. fis-sewqan ta’ karozza jew fl-użu ta’ magni). Għandek tikkuntatja lit-tabib tiegħek għal parir fuq is-sewqan jekk:
inti għandek episodji spissi ta’ ipogliċemija,
l-ewwel sintomi ta’ twissija li jgħinuk tagħraf ipogliċemija huma mnaqqsa jew mhumiex preżenti.
Għal kull doża din il-mediċina fiha inqas minn 1 mmol (23 mg) ta’ sodium , li jfisser li tista’ tgħid li
huwa ‘ħieles mis-sodium’.
Dejjem għandek tuża din il-mediċina skont il-parir eżatt tat-tabib tiegħek. Dejjem għandek taċċerta ruħek mat-tabib jew mal-ispiżjar tiegħek jekk ikollok xi dubju.
Għalkemm ABASAGLAR fih l-istess sustanza attiva bħal Toujeo (insulina glargine 300 unità/mL),
dawn il-mediċini ma jistgħux jinbidlu ma xulxin. Il-bidla minn terapija waħda tal-insulina għal oħra jkollha bżonn ta’ riċetta medika, superviżjoni medika u monitoraġġ taz-zokkor fid-demm.Jekk jogħġbok ikkonsulta mat-tabib tiegħek għal aktar informazzjoni.
Skont l-istil ta’ ħajtek u r-riżultati tat-testijiet taz-zokkor (glukożju) fid-demm u l-użu preċedenti tiegħek ta’ l-insulina, it-tabib tiegħek sejjer:
jikkalkula kemm għandek bżonn ABASAGLAR kuljum u f’liema ħin trid tieħdu,
jgħidlek meta tiċċekkja l-livell taz-zokkor fid-demm tiegħek, u jekk hemmx il-ħtieġa li tagħmel
testijiet tal-awrina,
jgħidlek meta jista’ jkollok bżonn tinjetta doża akbar jew iżgħar ta’ABASAGLAR.
ABASAGLAR huwa tip ta’ insulina li taħdem fit-tul. It-tabib tiegħek għandu mnejn jgħidlek biex tużah flimkien ma’ insulina li taħdem għal żmien qasir jew ma’ pilloli użati għall-kura ta’ livelli għoljin ta’ zokkor fid-demm.
Hemm ħafna fatturi li jistgħu jaffettwaw il-livell taz-zokkor fid-demm tiegħek. Inti għandek tkun taf dawn il-fatturi biex tkun tista’ tirreaġixxi kif suppost meta jkun hemm tibdil fil-livell taz-zokkor fid- demm tiegħek u biex ma tħallihx jogħla jew jitbaxxa wisq. Ara l-kaxxa fl-aħħar ta’ dan il-fuljett għal aktar informazzjoni.
ABASAGLAR jista’ jintuża fl-adolexxenti u fit-tfal li għandhom minn sentejn ’il fuq. Uża din il-
mediċina eżatt kif qallek it-tabib tiegħek.
Għandek bżonn ta’ injezzjoni waħda ta’ ABASAGLAR kuljum, fl-istess ħin tal-ġurnata.
ABASAGLAR huwa injettat taħt il-ġilda. TINJETTAX ABASAGLAR fil-vina, għax dan jibdillu l- effett tiegħu u jista’ jikkaġuna ipogliċemija.
It-tabib tiegħek sejjer jurik f’liema żoni fil-ġilda għandek tinjetta ABASAGLAR. Ma’ kull injezzjoni,
biddel is-sit tat-titqiba, fiż-żona partikolari tal-ġilda li qed tuża.
L-iskrataċ ta’ ABASAGLAR għandhom jintużaw biss f’pinen tal-insulina Lilly biex tkun żgur li qed tieħu d-doża tajba. Jista’ jkun li dawn il-pinen mhux kollha jkunu fis-suq f’pajjiżek.
Il-pinna għandha tintuża skont kif irrakkomandat fil-fuljett ta’ tagħrif ipprovdut.
L-istruzzjonijiet dwar l-użu tal-pinna ta’ kif iddaħħal l-iskartoċċ, twaħħal il-labra u tagħti l-injezzjoni tal-insulina għandhom ikunu segwiti bir-reqqa.
Sabiex tiġi evitata l-possibbiltà li jiġi trasmess xi mard, kull pinna għandha tintuża minn pazjent wieħed biss.
Eżamina l-iskartoċċ qabel tużah. Użah biss jekk is-soluzzjoni hija ċara, bla kulur u qisha ilma, u
m’għandhiex xi frak jidher fiha. Tħawdux jew tħalltu qabel l-użu.
Dejjem uża skartoċċ ġdid jekk tinnota li l-kontroll taz-zokkor fid-demm tiegħek qiegħed, mingħajr mistenni, jmur għall-agħar. Dan jista’ jkun minħabba li l-insulina tkun tilfet parti mill-qawwa tagħha. Jekk taħseb li għandek problema b’ ABASAGLAR, ħudu għand it-tabib jew għand l-ispiżjar tiegħek biex jiċċekkjawh.
Qabel tinjetta neħħi kwalunkwe bżieżaq tal-arja (ara l-istruzzjonijiet dwar l-użu tal-pinna).
Kun żgur li la l-alkoħol u lanqas diżinfettanti oħra, jew sustanzi oħra, ma jikkontaminaw l-insulina. Terġax timla jew tuża l-iskrataċ vojta. Iżżidx xi insulina oħra fl-iskartoċċ. Tħallatx ABASAGLAR
ma’ insulini oħra jew ma’ xi mediċini. Tiddilwihx. L-azzjoni ta’ ABASAGLAR tista’ tinbidel jekk
tħalltu jew tiddilwih.
Jekk il-pinna tal-insulina bil-ħsara jew mhix qed taħdem sew (minħabba difetti mekkaniċi), għandha tintrema u tintuża pinna ġdida tal-insulina minflok.
Jekk injettajt aktar ABASAGLAR milli meħtieġ jew m’intix ċert/a kemm injettajt. il-livell taz-zokkor fid-demm tiegħek jista’ jitbaxxa wisq (ipogliċemija). Iċċekkja spiss iz-zokkor fid- demm tiegħek. Ġeneralment, biex tevita l-ipogliċemija għandek tiekol aktar u timmonitorja z- zokkor fid-demm tiegħek. Għal informazzjoni fuq il-kura tal-ipogliċemija, ara l-kaxxa fli tinsab fit-tmiem ta’ dan il-fuljett.
Jekk qbiżt doża ta’ ABASAGLAR jew jekk ma injettajtx biżżejjed insulina, jew m’intix ċert/a kemm injettajt, il-livell taz-zokkor fid-demm tiegħek jista’ jogħla wisq (ipergliċemija). Iċċekkja spiss iz-zokkor fid-demm tiegħek. Għal informazzjoni fuq il-kura tal-ipergliċemija, ara l-kaxxa li tinsab fit-tmiem ta’ dan il-fuljett.
M’għandekx tieħu doża doppja biex tpatti għal kull doża li tkun insejt tieħu.
Jekk m’intix ċert/a kemm injettajt għandek tiċċekkja il-livelli taz-zokkor fid-demm tiegħek qabel ma tiddeċiedi jekk għandekx bżonn injezzjoni oħra.
Dan jista’ jwassal għal ipergliċemija severa (livell għoli ħafna ta’ zokkor fid-demm) u ketoaċidożi (jinġabar aċidu fid-demm minħabba li l-ġisem jimmetabolizza x-xaħam minflok iz-zokkor). Tiqafx tieħu ABASAGLAR mingħajr ma tkun tkellimt ma’ tabib, li se jgħidlek x’hemm bżonn isir.
Jekk għandek aktar mistoqsijiet dwar l-użu ta’ din il-mediċina, staqsi lit-tabib, lill-ispiżjar jew l- infermier tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
Jekk tinjetta insulina wisq ta’ spiss fl-istess post, it-tessut xaħmi jista’ jiċkien (lipoatrofija, jistgħu
jaffettwaw sa persuna 1 minn kull 100) jew jiħxien (lipoipertrofija, jistgħu jaffettwaw sa persuna 1 minn kull 10). Boċċi taħt il-ġilda jistgħu jiġu kkawżati wkoll minn akkumulazzjoni ta’ proteina msejħa amilojdi (amilojdożi tal-ġilda; mhux magħruf kemm din isseħħ ta’ spiss). L-insulina tista’ ma taħdimx tajjeb ħafna jekk tinjetta f’żona bil-boċċi. Ibdel is-sit tal-injezzjoni ma’ kull injezzjoni biex tgħin fil- prevenzjoni ta’ dawn il-bidliet fil-ġilda.
Is-sinjali jistgħu jinkludu ħmura, uġigħ qawwi mhux tas-soltu meta ssir l-injezzjoni, ħakk, ħorriqija, nefħa jew infjammazzjoni. Dawn jistgħu jinfirxu madwar is-sit tal-injezzjoni. Il-biċċa l-kbira tar- reazzjonijiet żgħar għall-insulini normalment jisparixxu fi ftit jiem sa ftit ġimgħat.
Bidla sostanzjali (titjib jew deterjorament) fil-kontroll taz-zokkor fid-demm tiegħek tista’ tiddisturba l- vista tiegħek b’mod temporanju. Jekk għandek retinopatija proliferattiva (marda tal-għajnejn relatata mad-dijabete) attakki severi tal-ipogliċemija jistgħu jikkawżaw telf temporanju tal-vista.
F’każijiet rari, il-kura bl-insulina tista’ wkoll tikkawża akkumulazzjoni temporanja ta’ ilma fil-ġisem,
b’nefħa tal-pxiexen u tal-egħkiesi.
F’każijiet rari ħafna, jista’ jkollok disgewżja (disturbi fit-togħma) u majalġja (uġigħ fil-muskoli).
B’mod ġenerali, l-effetti sekondarji fit-tfal u fl-adolexxenti ta’ 18-il sena jew inqas huma l-istess bħal dawk li jidhru fl-adulti.
Ilmenti ta’ reazzjonijiet fis-sit tal-injezzjoni (uġigħ fis-sit tal-injezzjoni, reazzjoni fis-sit tal-injezzjoni) u reazzjonijiet tal-ġilda (raxx, urtikarja) huma rrapportati relattivament aktar spiss fit-tfal u fl- adolexxenti ta’ 18-il sena jew anqas, milli fl-adulti.
Jekk ikollok xi effett sekondarju, kellem lit-tabib, lill-ispiżjar jew l-infermier tiegħek. Dan jinkludi xi
effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali imniżżla f’Appendiċi V. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq il-kartuna u fuq it-tikketta tal-iskartoċċ wara “JIS”. Id-data ta’ meta tiskadi tirreferi għall-aħħar ġurnata ta’ dak ix-xahar.
Skrataċmhuxmiftuħa
Aħżen fi friġġ (2°C-8°C). Tagħmilhomx fil-friża.
ABASAGLAR m’għandux jitpoġġa viċin il-kompartiment tal-friża jew viċin xi pakkett tal-friża. Żomm l-iskartoċċ fil-kartuna ta’ barra sabiex tilqa’ mid-dawl.
Skrataċliqedjintużaw
Skrataċ li qed jintużaw (ġol-pinna tal-insulina) jew li qegħdin jinġarru żejda, jistgħu jinħażnu għal mhux aktar minn 28 ġurnata f’temperatura sa 30 oC u ’l bogħod mis-sħana diretta jew mid-dawl dirett. L-iskartoċċ li qed jintuża m’għandux jinħażen fi friġġ. Tużahx wara dan il-perjodu ta’ żmien.
Tużax ABASAGLAR jekk tinnota xi frak fih. Uża ABASAGLAR biss jekk is-soluzzjoni hija ċara, bla
kulur u qisha ilma.
Tarmix mediċini mal-ilma tad-dranaġġ mal-ilma tad-dranaġġ jew mal-iskart domestiku. Staqsi lill- ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall- protezzjoni tal-ambjent.
Is-sustanza attiva hi insulin glargine. Kull millilitru ta’ soluzzjoni fih 100 unità tas-sustanza attiva insulin glargine (ekwivalenti għal 3.64 mg).
Is-sustanzi l-oħra huma: zinc oxide, metacresol, glycerol, sodium hydroxide, (ara sezzjoni 2
“ABASAGLAR fih s-sodium” ), hydrochloric acid u ilma għall-injezzjonijiet.
ABASAGLAR 100 unità/mL soluzzjoni għall-injezzjoni fi skartoċċ huwa soluzzjoni ċara u mingħajr
kulur.
ABASAGLAR huwa fornut fi skartoċċ speċjali li jintuża biss f’pinna tal-insulina Lilly. Kull skartoċċ fih 3 mL ta’ soluzzjoni għall-injezzjoni (ekwivalenti għal 300 unità) u huma disponibbli f’pakketti ta’ 5 u 10 skrataċ.
Jista’ jkun li mhux il-pakketti tad-daqsijiet kollha jkunu fis-suq.
Eli Lilly Nederland B.V., Papendorpseweg 83, 3528BJ, Utrecht, L-Olanda.
Lilly France S.A.S., rue du Colonel Lilly, F-67640 Fegersheim, Franza. EliLillyItaliaS.p.A.,ViaGramsci731-733,50019SestoFiorentino,(FI)L-Italja.
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
Eli Lilly Benelux S.A./N.V.
Tél/Tel: + 32-(0)2 548 84 84
Eli Lilly Lietuva
Tel. +370 (5) 2649600
ТП "Ели Лили Недерланд" Б.В. - България тел. +359 2 491 41 40
ELI LILLY ČR, s.r.o. Tel: + 420 234 664 111
Lilly Hungária Kft. Tel: + 36 1 328 5100
Eli Lilly Danmark A/S
Tlf: +45 45 26 60 00
Charles de Giorgio Ltd.
Tel: + 356 25600 500
Lilly Deutschland GmbH Tel. + 49-(0) 6172 273 2222
Eli Lilly Nederland B.V. Tel: + 31-(0) 30 60 25 800
Eli Lilly Nederland B.V.
Tel: +372 6 817 280
Eli Lilly Norge A.S. Tlf: + 47 22 88 18 00
ΦΑΡΜΑΣΕΡΒ-ΛΙΛΛΥ Α.Ε.Β.Ε. Τηλ: +30 210 629 4600
Eli Lilly Ges.m.b.H. Tel: + 43-(0) 1 711 780
Lilly S.A.
Tel: + 34-91 663 50 00
Eli Lilly Polska Sp. z o.o. Tel: +48 22 440 33 00
Lilly France
Tél: +33-(0) 1 55 49 34 34
Lilly Portugal Produtos Farmacêuticos, Lda
Tel: + 351-21-4126600
Eli Lilly Hrvatska d.o.o.
Tel: +385 1 2350 999
Eli Lilly România S.R.L.
Tel: + 40 21 4023000
Eli Lilly and Company (Ireland) Limited
Tel: + 353-(0) 1 661 4377
Eli Lilly farmacevtska družba, d.o.o.
Tel: +386 (0)1 580 00 10
Icepharma hf.
Sími + 354 540 8000
Eli Lilly Italia S.p.A. Tel: + 39- 055 42571
Oy Eli Lilly Finland Ab Puh/Tel: + 358-(0) 9 85 45 250
Phadisco Ltd
Τηλ: +357 22 715000
Eli Lilly Sweden AB Tel: + 46-(0) 8 7378800
Eli Lilly (Suisse) S.A Pārstāvniecība Latvijā Tel: +371 67364000
Eżempji jinkludu:
int ma injettajtx l-insulina tiegħek jew ma injettajtx biżżejjed, jew jekk saret anqas effettiva, per
eżempju minħabba ħażna ħażina,
il-pinna tal-insulina tiegħek mhijiex taħdem tajjeb,
int qiegħed tagħmel anqas eżerċizzju fiżiku mis-soltu, jew int qiegħed taħt stress (inkwiet,
eċċitament), jew korrejt, għamilt operazzjoni, għandek xi infezzjoni jew għandek id-deni,
int qiegħed tieħu jew ħadt ċerti mediċini oħrajn (ara sezzjoni 2, “Mediċini oħra u
ABASAGLAR”).
Għatx, tħoss il-bżonn li tagħmel l-awrina aktar spiss mis-soltu, għeja, ġilda xotta, ħmura fil-wiċċ, telf ta’ aptit, pressjoni baxxa, il-qalb tħabbat tgħaġġel u glukosju u ketoni fl-awrina. Uġigħ fl-istonku, in- nifs mgħaġġel u fil-fond, ngħas u anki telf mis-sensi jistgħu jkunu sinjali ta’ kondizzjoni serja (kitoaċidożi) li tkun ikkaġunata minn nuqqas ta’ insulina.
Jekk il-livell taz-zokkor fid-demm tiegħek jinżel wisq tista’ tintilef minn sensik. Ipogliċemija serja tista’ tkun il-kawża ta’ attakk ta’ qalb jew ta’ ħsara fil-moħħ u tista’ tkun ta’ periklu għall-ħajja. Normalment għandek tinduna li l-livell taz-zokkor fid-demm tiegħek huwa baxx wisq sabiex tkun tista’ tieħu l-azzjonijiet it-tajba.
Eżempji jinkludu:
int tinjetta wisq insulina,
int taqbeż l-ikliet jew teħodhom aktar tard mis-soltu,
int ma tikolx biżżejjed jew tiekol ikel li fih anqas karboidrati minn normal (zokkor u sustanzi simili għaz-zokkor li jissejħu karboidrati; madankollu, l-ħlewwiet artifiċjali M’HUMIEX karboidrati),
int titlef il-karboidrati minħabba rimettar jew dijarea,
int tixrob l-alkoħol, speċjalment jekk m’intix tiekol wisq,
int qiegħed tagħmel aktar eżerċizzju fiżiku mis-soltu jew xi eżerċizzju fiżiku differenti,
int qed tirkupra minn xi korriment jew operazzjoni jew stress ieħor,
int qed tirkupra minn marda jew mid-deni,
int qed tieħu jew waqaft tieħu ċerti mediċini oħra (ara sezzjoni 2, “Mediċini oħra u
ABASAGLAR”).
int għadek kemm bdejt il-kura bl-insulina jew qlibt għal preparazzjoni oħra ta’ insulina, (meta tbiddel mill-insulina tal-bażi li kellek għal ABASAGLAR, l-ipogliċemija, jekk isseħħ, hija aktar probabbli li isseħħ filgħodu milli billejl),
int għandhek il-livelli taz-zokkor fid-demm tiegħek kważi normali jew mhux stabbli,
int bdilt iż-żona tal-ġilda fejn tinjetta l-insulina (per eżempju mill-koxxa għall-parti ta’ fuq tad- driegħ),
int issofri minn mard sever tal-kliewi jew tal-fwied, jew xi marda oħra bħal tnaqqis fil-funzjoni tat-tirojde.
Fil-ġisem tiegħek
Eżempji ta’ sintomi li juruk li l-livell taz-zokkor fid-demm tiegħek qed jaqa’ wisq jew qiegħed jinżel
wisq malajr: għaraq żejjed, ġilda twaħħal, ansjetà, qalb tħabbat tgħaġġel, pressjoni għolja, palpitazzjonijiet u qalb tħabbat b’mod irregolari. Dawn is-sintomi ta’ spiss jiżviluppaw qabel is- sintomi dovuti għal livell baxx ta’ zokkor fil-moħħ.
F’moħħok
Eżempji ta’ sintomi li jindikaw livell baxx taz-zokkor fil-moħħ: uġigħ ta’ ras, ġuħ kbir, dardir, rimettar, għeja, ngħas, disturbi fl-irqad, nuqqas ta’ kwiet, komportament aggressiv, telf ta’ konċentrazzjoni, reazzjonijiet indeboliti, depressjoni, konfużjoni, disturbi fid-diskors, (xi drabi it-telf komplet tad-diskors), indeboliment tal-vista, rogħda, paralisi, tnemnim (parasteżija), sensazzjoni mtarrxa u tnemnim madwar il-ħalq, sturdament, inabbiltà li trażżan lilek innifsek, inabbiltà li tieħu ħsieb tiegħek innifsek, aċċessjonijiet u t-telf mis-sensi.
L-ewwel sintomi li jagħtuk indikazzjoni li ser tiżviluppa ipogliċemija (“sintomi ta’ twissija”) jistgħu jinbidlu, jiddgħajfu jew ikunu nieqsin għal kollox jekk
inti anzjan, int kellek id-dijabete għal żmien twil, inti tbati minn ċertu tip ta’ mard tas-sistema
nervuża (newropatija awtonomika dijabetika),
inti dan l-aħħar kellek ipogliċemija (per eżempju il-jum ta’ qabel) jew jekk tiżviluppa bil-mod,
inti għandek livelli ta’ zokkor fid-demm li huma kważi normali jew, tal-inqas, marru għall-aħjar
ħafna,
dan l-aħħar biddilt minn tip ta’ insulina ġejja mill-annimali għal dik tat-tip umana bħal
ABASAGLAR,
inti qed tieħu jew ħadt ċerti mediċini oħrajn (ara sezzjoni 2, “Mediċini oħra u ABASAGLAR”). F’dan il-kaz, tista’ tiżviluppa ipogliċemija severa (u anki jħossok ħażin) qabel tintebaħ bil-problema. Kun familjari mas-sintomi ta’ twissija tiegħek. Jekk hemm bżonn, testijiet aktar spissi għaz-zokkor fid-demm jistgħu jgħinuk biex tintebaħ bi ġrajjiet tal-ipogliċemija ħafifa li altrimenti jista’ jkun ma kontx tinduna bihom. Jekk m’intix kunfidenti li tagħraf is-sintomi ta’ twissija tiegħek, evita sitwazzjonijiet (bħal issuq karozza) fejn l-ipogliċemija tpoġġi f’riskju lilek jew lill-oħrajn.
Tinjettax l-insulina. Immedjatament ħu madwar 10 sa 20 g zokkor, bħal glukosju, dadi taz-zokkor jew xi xarba li jkun fiha ħafna zokkor. Attenzjoni: Ħlewwiet artifiċjali u ikel bi ħlewwiet artifiċjali (bħal xarbiet tad-dieta) m’humiex ta’ għajnuna fil-kura tal-ipogliċemija.
Wara kul xi ħaġa li għandha effett li tgħolli z-zokkor fid-demm għal tul ta’ ħin (bħall-ħobż jew l- għaġin). Suppost it-tabib jew l-infermier tiegħek kienu iddiskutew din il-ħaġa miegħek qabel.
L-irkupru mill-ipogliċemija jista’ jkun li jdum minħabba li ABASAGLAR jibqa’ jaħdem fit-tul.
Jekk l-ipogliċemija terġa’ tfiġġ erġa’ ħu minn 10 sa 20 g ta’ zokkor.
Kellem tabib immedjatament jekk ma tistax tikkontrolla l-ipogliċemija jew din terġa’tiġri. Għid lill- qrabatek, lill-ħbiebek u l-kollegi qrib tiegħek b’dan li ġej:
Jekk int ma tistax tibla’ jew jekk int mitluf minn sensik, int teħtieġ injezzjoni tal-glukosju jew tal- glukagon (mediċina li żżid iz-zokkor fid-demm). Dawn l-injezzjonijiet huma ġustifikati anki jekk mhux żgur li għandek l-ipogliċemija.
Huwa rrakkomandat li tittestja z-zokkor fid-demm tiegħek immedjatament wara li tieħu l-glukosju biex tiċċekkja li tassew għandek ipogliċemija.