Zulvac 1+8 Ovis
inactivated bluetongue serotype 1+8 vaccine
Detentur tal-awtorizzazzjoni għat-tqegħid fis-suq: Zoetis Belgium SA
Rue Laid Burniat 1 1348 Louvain-la-Neuve IL-BELĠJU
Manifattur responsabbli għall-ħrug tal-lott: Zoetis Manufacturing & Research Spain, S.L. Ctra. Camprodón s/n "la Riba"
17813 Vall de Bianya
Girona SPANJA
Zulvac 1+8 Ovis suspensjoni għall-injezzjoni għan-nagħaġ
Kull doża ta’ 2 ml tat-tilqima fiha:
Virus Bluetongue inattivat, serotip 1, strejn BTV-1/ALG2006/01 E1 RP* ≥ 1
Virus Bluetongue inattivat, serotip 8, strejn BTV-8/BEL2006/02 RP* ≥ 1
* Qawwa Relattiva skont test ta’ qawwa fil-ġrieden imqabbel ma’ tilqima ta’ referenza li ntweriet li hija effikaċi fin-nagħaġ.
Aluminium hydroxide 4 mg (Al3+)
Saponin 0.4 mg
Thiomersal 0.2 mg
Likwidu abjad fl-isfar jew roża.
Tilqim attiv ta’ nagħaġ minn 1.5 xhur ’l fuq għall-prevenzjoni* ta’ viremija kkawżata mill-virus Bluetongue, serotipi 1 u 8.
*(Valur cycling (Ct) ≥ 36 minn metodu RT_PCR validat, jindika li m’hemmx preżenza tal-ġenom
virali)
Bidu tal-immunità: 21 ġurnata wara li jintemm il-kors primarju ta’ tilqim. It-tul tal-immunità: 12-il xahar wara li jintemm il-kors primarju ta’ tilqim.
Xejn.
Waqt l-ewwel 24 siegħa wara t-tilqima hija komuni li tista’ sseħħ żieda temporanja fit-temperatura tar- rektum ta’ mhux aktar minn 1.2 °C.
Fil-biċċa l-kbira tal-annimali t-tilqim jista’ jkun segwit minn reazzjoni lokali fis-sit tal-injezzjoni. Fil- maġġoranza tal-każijiet dawn ir-reazzjonijiet iseħħu bħala nefħa ġenerali fis-sit tal-injezzjoni (li ddum mhux aktar minn 7 ijiem) jew bħala għoqiedi li jinħassu (granuloma taħt il-ġilda, li tista’ tippersisti għal aktar minn 48 ġurnata).
Il-frekwenza ta’ effetti mhux mixtieqa hija definita skont din il-konvenzjoni:
komuni ħafna (aktar minn wieħed f’10 annimali ttrattati juru effetti mhux mixtieqa)
komuni (aktar minn wieħed iżda inqas minn 10 annimali f’100 annimal ittrattat)
mhux komuni (aktar minn wieħed iżda inqas minn10 annimali f’1,000 annimal ittrattat)
rari (aktar minn wieħed iżda inqas minn10 annimali f’10,000 annimal ittrattat)
rari ħafna (inqas minn annimal wieħed f’10,000 annimal ittrattat, inklużi rapporti iżolati).
Jekk tinnota xi effetti mhux mixtieqa, anke dawk li mhumiex diġà imsemmija f’dan il-fuljett jew taħseb li l-mediċina ma ħadmitx, jekk jogħġbok informa lit-tabib veterinarju tiegħek.
Nagħaġ
Użu għal taħt il-ġilda.
Għati doża waħda ta’ 2 ml skont l-iskeda ta’ tilqim li ġejja:
L-ewwel injezzjoni: minn 1.5 xhur ’il fuq. It-tieni injezzjoni: wara 3 ġimgħat
Kull skema ‘tilqim mill-ġdid’ għandha tigi miftehma mal-Awtorità Kompetenti jew mal-veterinarju responsabbli, filwaqt li titqies is-sitwazzjoni epidemjoloġika lokali.
Segwi proċeduri asettiċi.
Ħawwad bil-mod immedjatament qabel l-użu. Evita l-formazzjoni ta’ bżieżaq tal-arja, għax dan jista’ jikkawża irritazzjoni fis-sit tal-injezzjoni. Wara li jinfetaħ il-kontenut sħiħ tal-flixkun għandu jintuża minnufih u waqt l-istess proċedura. Evita li jinfetħu aktar minn kunjett wieħed.
Sabiex tiġi evitata kontaminazzjoni aċċidentali tal-vaċċin waqt l-użu, huwa rrakkomandat li tintuża sistema ta’ tilqim tat-tip ta’ ‘aktar minn injezzjoni waħda’ meta jintużaw preżentazzjonijiet ta’ dożi kbar.
Xejn
Żomm fejn ma jidhirx u ma jintlaħaqx mit-tfal. Aħżen u ttrasporta fil-friġġ (2 C – 8 C).
Ipproteġi mid-dawl. Tagħmlux fil-friża.
Ladarba jinfetaħ, uża minnufih.
Tużax dan il-prodott mediċinali veterinarju wara d-data ta’ skadenza murija fuq it-tikketta wara Jiskadi.
Twissijiet speċjali ghal kull speci għal x’hiex huwa indikat:
Jekk jintuża fi speċi li jixtarru domestiċi jew selvaġġi oħra li huma kkunsidrati f’riskju ta’ infezzjoni, l-użu tiegħu f’dawn l-ispeċi għandu jsir b’attenzjoni u huwa rrakkomandat li l-vaċċin jiġi ttestjat f’numru żgħir ta’ bhejjem qabel tilqim tal-massa. Il-livell ta’ effikaċja għal speċi oħra jista’ jkun differenti minn dak osservat fin-nagħaġ.
M’hemmx tagħrif disponibbli dwar l-użu tal-vaċċin f’annimali seropożittivi inkluż dawk b’antikorpi ġejjin mill-omm.
Prekawzjonijiet speċjali għall-użu: Laqqam biss annimali f’saħħithom.
Tqala:
Jista’ jintuża waqt it-tqala.
Treddigħ:
M’hemmx tagħrif dwar is-sigurtà f’annimali fi żmien it-treddigħ.
Fertilità:
Is-sigurtà u l-effikaċja tal-vaċċin ma ġewx stabbiliti f’irġiel tat-tgħammir. F’din il-kategorija ta’ annimali l-vaċċin għandu jintuża biss skont stima tal-benefiċċju/riskju mill-veterinarju responsabbli u/jew skont il-programmi kurrenti studjati mill-Awtorita Kompetenti dwar tilqim kontra l-virus Bluetongue BTV.
Interazzjoni ma’ prodotti mediċinal oħrajn u forom oħrajn ta’ interazzjoni:
M'hemmx informazzjoni dwar is-sigurtà u l-effikaċja ta’ din it-tilqima jekk tintuża flimkien ma’ kwalunkwe prodott mediċinali veterinarju. Għaldaqstant, id-deċiżjoni sabiex tintuża din it-tilqima qabel jew wara xi prodott mediċinali veterinarju ieħor, għandha tittieħed każ b’każ.
Doża eċċessiva (sintomi, proċeduri ta’ emerġenza, antidoti):
Wara l-għoti ta’ doża darbtejn ogħla minn dik irrakkomandata, waqt l-ewwel 24 siegħa tista’ sseħħ żieda temporanja fit-temperatura tar-rektum ta’ mhux aktar minn 0.6 °C.
Fil-biċċa l-kbira tal-annimali, l-għoti ta’ doża darbtejn ogħla min dik rakkomandata tista’ tkun segwita minn reazzjoni lokali fis-sit tal-injezzjoni. Fil-maġġoranza tal-każijiet dawn ir-reazzjonijiet iseħħu bħala nefħa ġenerali tas-sit tal-injezzjoni (li ddum għal mhux aktar minn 9 ijiem) jew bħala għoqiedi li jinħassu (granuloma taħt il-ġilda, li tista’ tippersisti għal aktar minn 63 ġurnata).
Inkompatibilitajiet:
Tħallatx ma’ ebda prodott mediċinali veterinarju ieħor.
Il-mediċini m’għandhomx jiġu mormija mal-ilma maħmuġ jew mal-iskart domestiku. Staqsi lit-tabib veterinarju tiegħek dwar kif l-aħjar li tarmi l-mediċini li ma jkunux aktar meħtieġa. Dawn il-miżuri għandhom jgħinu sabiex jipproteġu l-ambjent.
Informazzjoni dettaljata dwar dan il-prodott mediċinali veterinarju tinstab fuq il-websajt tal-Aġenzija
Ewropea dwar il-Mediċini .
Daqsijiet tal-pakkett
1 flixkun wieħed b’10 dożi (20 ml).
1 flixkun wieħed b’50 doża (100 ml).
1 flixkun wieħed b’120 doża (240 ml).
Mhux id-daqsijiet kollha tal-pakkett jistgħu qegħdin fis-suq.