Integrilin
eptifibatide
eptifibatide
Żomm dan il-fuljett. Jista’ jkollok bżonn terġa taqrah.
Jekk ikollok aktar mistoqsijiet, staqsi lit-tabib jew lill-ispiżjar tal-isptar jew l-infermier tiegħek.
Jekk ikollok xi effett sekondarju kellem lit-tabib jew lill-ispiżjar tal-isptar jew l-infermier tiegħek.
Dan jinkludi xi effett sekondarju possibbli li m’huwiex elenkat f’dan il-fuljett. Ara sezzjoni 4.
F’dan il-fuljett:
X’inhu Integrilin u għalxiex jintuża
X’għandek tkun taf qabel ma tingħata Integrilin
Kif għandek tuża Integrilin
Effetti sekondarji possibli
Kif taħżen Integrilin
Kontenut tal-pakkett u informazzjoni oħra
Integrilin huwa impeditur ta’ l-aggregazzjoni tal-plejtlits. Dan ifisser li jgħin biex jevita l-formazzjoni ta’
demm magħqud.
Jintuża f’adulti li juru insuffiċjenza koronarja severa imfissra bħala uġigħ fis-sider spontanju u reċenti b’anormalitajiet elettrokardjografiċi jew bidliet bijoloġiċi. Ġeneralment jingħata flimkien mal-aspirina u heparin mhux frazzjonat.
jekk inti allerġiku għal eptifibatide jew għal xi sustanza oħra ta’ din il-mediċina (elenkati fis-sezzjoni 6).
jekk dan l-aħħar kellek fsada mill-istonku, mill-imsaren, mill-bużżieqa ta’ l-awrina jew minn organi oħra, per eżempju jekk rajt xi demm anormali fil-ħmieġ jew fl-awrina tiegħek (ħlief għal fsada mestrwali) fl-aħħar 30 jum.
jekk kellek puplesija fl-aħħar 30 jum jew xi puplesija emorraġika (ma’ dan, kun żgur li t-tabib ikun jaf jekk int qattx kellek xi puplesija).
jekk kellek tumur tal-moħħ jew xi kondizzjoni li taffettwa il-vini u l-arterji tad-demm madwar il-
moħħ.
jekk kellek xi operazzjoni serja jew ferita severa matul l-aħħar 6 ġimgħat.
jekk għandek jew kellek problemi ta’ fsada.
jekk għandek jew kellek diffikultà biex jagħqad id-demm jew għadd baxx ta’ plejtlits fid-demm.
jekk għandek jew kellek pressjoni għolja severa (pressjoni għolja tad-demm).
jekk għandek jew kellek problemi severi tal-kliewi jew tal-fwied.
jekk kont ikkurat b’mediċina oħra ta’ l-istess tip ta’ Integrilin.
Jekk jogħġbok għid lit-tabib tiegħek jekk qatt kellek xi waħda minn dawn il-kundizzjonijiet. Jekk għandek
xi mistoqsijiet, staqsi lit-tabib jew lill-ispiżjar tal-isptar jew l-infermier tiegħek.
Integrilin huwa rrakkomandat biss għall-użu f’pazjenti adulti, li qegħdin l-isptar f’taqsimiet tal-kura koronarja.
Integrilin mhux maħsub għall-użu fi tfal jew adoloxxenti li għandhom inqas minn 18-il sena.
Qabel u waqt il-kura tiegħek b’Integrilin, kampjuni tad-demm tiegħek se jkunu ttestjati bħala miżura
ta’ sigurtà biex titnaqqas il-possibbiltà ta’ fsada mhux mistennija.
Waqt l-użu b’Integrilin, int se tkun ittestjat/a bir-reqqa għal xi sinjali ta’ fsada mhux tas-soltu jew mhux mistennija.
Biex tiġi evitata l-possibilità ta’ interazzjoni ma’ mediċini oħra jekk jogħġbok għid lit-tabib jew lill-
ispiżjar tal-isptar jew l-infermier tiegħek jekk qiegħed tieħu jew ħadt dan l-aħħar jew tista’ tieħu xi
mediċini oħra, anki dawk mingħajr riċetta. Partikularment:
mediċini li jraqqu d-demm (mediċini li jittieħdu mill-ħalq kontra l-koagulazzjoni tad-demm) jew
mediċini li jimpedixxu il-formazzjoni tad-demm magħqud, li jinkludu warfarin, dipyridamole, ticlopidine, aspirina (ħlief dawk li għandek mnejn tingħata bħala parti mill-kura b’Integrilin).
Integrilin normalment mhux irrakkomandat għall-użu waqt it-tqala. Għid lit-tabib tiegħek jekk inti tqila, taħseb li tista tkun tqila jew qed tippjana li jkollok tarbija. It-tabib tiegħek ser jiżen il-benefiċċju ta’ l-użu ta’ Integrilin waqt li inti tqila kontra r-riskju għat-tarbija tiegħek.
Jekk qed tredda’ tarbija, it-treddigħ għandu jitwaqqaf matul il-perijodu tal-kura.
Din il-mediċina fiha 161 mg sodium (komponent ewlieni tal-melħ tat-tisjir/tal-ikel) f’kull kunjett ta’ 100 ml. Dan huwa ekwivalenti għal 8.1 % tat-teħid fid-dieta ta’ kuljum massimu rakkomandat ta’ sodium għal adult.
Integrilin jingħata fill-vini b’injezzjoni diretta segwita minn infużjoni (soluzzjoni likwida bid-dripp). Id- doża tingħata skond il-piż tiegħek. Id-doża rrakkomandata hija ta’ 180 mikrogramma/kg mogħtija bħala bolus (injezzjoni rapida fil-vini), segwita minn infużjoni (soluzzjoni bid-dripp) ta’
2 mikrogrammi/kg/minuta sa 72 siegħa. Jekk għandek mard tal-kliewi, d-doża ta’ l-infużjoni tista’ tiġi mnaqqsa għal 1 mikrogramma/kg/minuta.
Jekk isir intervent koronarju perkutanju (PCI) matul it-terapija b’Integrilin, is-soluzzjoni fil-vini għandha
mnejn titkompla sa 96 siegħa.
Int għandek tingħata wkoll dożi ta’ aspirina u heparin (jekk dawn mhux kontra-indikati fil-każ tiegħek). Jekk għandek aktar mistoqsijiet dwar l-użu ta’ dan il-prodott, staqsi lit-tabib jew lill-ispiżjar tal-isptar jew l-
infermier tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
Effettisekondarjikomuniħafna
Dawn jistgħu jaffettwaw aktar minn persuna waħda minn kull 10 persuni
fsada minuri jew maġġuri,(per eżampju demm fl-awrina, demm fil-purgar, -rimettar ta’ demm, jew fsada waqt proċeduri kirurġiċi).
anemija (numru mnaqqas ta’ ċelluli ħomor tad-demm).
Effetti sekondarji komuni
Dawn jistgħu jaffettwaw sa persuna waħda minn kull 10 persuni
infjammazzjoni ta’ vina.
Effetti sekondarji mhux komuni
Dawn jistgħu jaffettwaw sa persuna waħda minn kull 100 persuna
tnaqqis fin-numru ta’ plejtlits (ċelluli tad-demm neċessarji għat-tagħqid tad-demm).
forniment imnqqas ta’ demm għall-moħħ.
Effetti sekondarji rariħafna
Dawn jistgħu jaffettwaw sa persuna waħda minn kull 10,000 persuna
fsada serja (per eżampju, fsada ġewwa l-addome, ġewwa l-moħħ, jew ġol-pulmuni).
fsada fatali.
tnaqqis qawwi fin-numru ta’ plejtlits (ċelluli tad-demm neċessarji għat-tagħqid tad-demm).
raxx fil-ġilda (bħal urtikarja).
reazzjoni allerġika severa f’daqqa.
Jekk tinnota xi sinjali ta’ fsada, għarraf lit-tabib jew lill-ispiżjar tal-isptar jew l-infermier tiegħek immedjatament. Il-fsada rari ħafna ssir serja u anki fatali. Miżuri ta’ sigurtà li jimpedixxu li dan iseħħ jinkudu testijiet tad-demm u ċċekkjar b’attenzjoni min-nies professjonali fil-qasam tal-kura tas-saħħa li jkunu qed jieħdu ħsiebek.
Jekk tiżviluppa reazzjonijiet allerġiċi severi jew urtikarja, għarraf lit-tabib jew lill-ispiżjar tal-isptar jew l- infermier tiegħek immedjatament.
Avvenimenti oħra li jistgħu jseħħu f’pazjenti li jkollhom bżonn dan it-tip ta’ kura jinkludu dawk li huma konnessi mal-kundizzjoni li għaliha tkun qed tirċievi l-kura, bħal taħbit tal-qalb mgħaġġel jew irregolari, pressjoni tad-demm baxxa, xokk jew waqfien kardijaku.
Jekk ikollok xi effett sekondarju, kellem lit-tabib jew lill-ispiżjar tal-isptar jew l-infermier tiegħek. Dan jinkludi xi effett sekondarju li mhuwiex elenkat f’dan il-fuljett.
Jekk ikollok xi effett sekondarju, kellem lit-tabib, lill-ispiżjar jew l-infermier tiegħek. Dan jinkludi xi effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali imniżżla f’Appendiċi V. Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Żomm din il-mediċina fejn ma’ tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi (EXP) li tidher fuq il-pakkett u l-kunjett. Id-data ta’ meta tiskadi tirreferi għall-aħħar ġurnata ta’ dak ix-xahar.
Aħżen fi friġġ (2°C – 8°C).
Żomm il-kunjett fil-pakkett ta’ barra sabiex tilqa’ mid-dawl. Madankollu, waqt l-għoti, il-protezzjoni tas- soluzzjoni ta’ Integrilin mid-dawl mhux neċessarja.
Qabel tuża, il-kontenut tal-kunjett għandu jiġi eżaminat. M’għandekx tuża Integrilin jekk tara xi frak jew bidla fil-kulur.
Wara li tinfetaħ kull mediċina mhux użata għandha tintrema.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża.
Is-sustanza attiva hi eptifibatide. Kull ml ta’ soluzzjoni għall-infużjoni fih 0.75 mg ta’ eptifibatide.
Kunjett wieħed ta’ 100 ml ta’ soluzzjoni għall-infużjoni fih 75 mg ta’ eptifibatide.
Is-sustanzi l-oħra huma citric acid monohydrate, sodium hydroxide u ilma għall-injezzjonijiet.
Integrilin soluzzjoni għall-infużjoni: kunjett ta’ 100 ml, pakkett ta’ kunjett wieħed.
Is-soluzzjoni ċara u bla kulur hija disponibbli ġewwa kunjett tal-ħġieġ ta’ 100 ml, li huwa magħluq b’tapp
tal-lastku butyl u ssiġillat b’siġill ippjegat ta’ l-aluminju.
Detentur tal-Awtorizzazzjoni għat-tqegħid fis-Suq:
GlaxoSmithKline (Ireland) Limited, 12 Riverwalk, Citywest Business Campus, Dublin 24, L- Irlanda Manifattur:
GlaxoSmithKline Manufacturing S.P.A., Strada Provinciale Asolana No. 90, San Polo di Torrile 43056, Parma, L-Italja
Għall kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-
Awtorizzazzjoni għat-Tqegħid fis-Suq:
GlaxoSmithKline (Ireland) Limited Tel: +370 80000334
GlaxoSmithKline (Ireland) Limited
Тел. +359 80018205
Tél/Tel: + 32 (0) 10 85 52 00
GlaxoSmithKline (Ireland) Limited Tel.: +36 80088309
GlaxoSmithKline Pharma A/S Tlf: + 45 36 35 91 00
GlaxoSmithKline (Ireland) Limited Tel: +356 80065004
GlaxoSmithKline GmbH & Co. KG Tel.: + 49 (0)89 36044 8701
GlaxoSmithKline (Ireland) Limited Tel: +372 8002640
GlaxoSmithKline Μονοπρόσωπη A.E.B.E.
Τηλ: + 30 210 68 82 100
GlaxoSmithKline Pharma GmbH Tel: + 43 (0)1 97075 0
GSK Services Sp. z o.o. Tel.: + 48 (0)22 576 9000
Laboratoire GlaxoSmithKline Tél.: + 33 (0)1 39 17 84 44
GlaxoSmithKline – Produtos Farmacêuticos, Lda Tel: + 351 21 412 95 00
GlaxoSmithKline (Ireland) Limited Tel: +385 800787089
GlaxoSmithKline (Ireland) Limited Tel: +40 800672524
GlaxoSmithKline (Ireland) Limited Tel: + 353 (0)1 4955000
GlaxoSmithKline (Ireland) Limited Tel: +386 80688869
Vistor hf.
Sími: + 354 535 7000
GlaxoSmithKline S.p.A. Tel: + 39 (0)45 7741 111
GlaxoSmithKline (Ireland) Limited
Τηλ: +357 80070017
GlaxoSmithKline (Ireland) Limited Tel: +371 80205045