Olanzapine Teva
olanzapine
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anke jekk għandhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4.
X’inhu Olanzapine Teva u għalxiex tintuża
X’għandek tkun taf qabel ma tieħu Olanzapine Teva
Kif għandek tieħu Olanzapine Teva
Effetti sekondarji possibbli
Kif taħżen Olanzapine Teva
Kontenut tal-pakkett u informazzjoni oħra
Olanzapine Teva fih is-sustanza attiva olanzapine. Olanzapine Teva jappartjeni għall-grupp ta' mediċini msejħa antipsikotiċi u jintuża biex jittratta l-kundizzjonijiet li ġejjin:
Skiżofrenija, marda b'sintomi bħal tara, tisma’ jew li tħoss affarijiet li mhux qegħdin hemm, twemmin żbaljat, suspetti mhux tas-soltu, u li tingħalaq fik innifsek. Nies b'din il-marda jistgħu wkoll iħossuhom imdejjqin, anzjużi jew taħt tensjoni.
Episodji ta’ manija moderati għal severi, kondizzjoni b’sintomi ta’ eċitament jew ewforija eċitament jew ewforija
Ġie muri li Olanvapine Teva jippreveni li dawn is-sintomi jerġgħu jseħħu f’pazjenti bipolari, fejn
l-episodju ta’ manija rrisponda għall-kura b’olanzapine.
jekk inti allerġiku għal olanzapine jew għal xi sustanza oħra ta’ din il-mediċina (imniżżla fis- sezzjoni 6). Reazzjoni allerġika tista' tidher bħala raxx, ħakk, wiċċ minfuħ, xofftejn minfuħa jew qtuħ ta' nifs. Jekk ġralek hekk, għid lit-tabib tiegħek.
jekk kont issofri qabel bi problemi fl-għajnejn bħal xi tipi ta' glawkoma (żieda fil-pressjoni ġewwa l-għajn).
Kellem lit-tabib jew lill-ispiżjar tiegħek qabel tieħu Olanzapine Teva
L-użu ta’ Olanzapine Teva f’pazjenti anzjani bid-demenzja mhux irrakkomandat għax jista’
jkollu effetti sekondarji serji
Mediċini ta' dan it-tip jistgħu jikkawżaw moviment tal-wiċċ jew ta' l-ilsien mhux tas-soltu. Jekk
jiġri hekk wara li tkun ingħatajt Olanzapine Teva għid lit-tabib tiegħek.
Rari ħafna, mediċini ta' dan it-tip jikkawżaw taħlita ta' deni, nifs mgħaġġel, għaraq, ebusija tal- muskoli u ħedla jew ngħas. Jekk jiġrilek hekk għid lit tabib tiegħek minnufih.
Instab li kien hemm żieda fil-piż f’pazjenti li qed jieħdu Olanzapine Teva. Il-piż tiegħek għandu jiġi ċċekkjat minnek u mit-tabib tiegħek. Jekk ikun hemm bżonn ikkunsidra li tara dietologu/a jew tieħu xi għajnuna permezz ta’ pjan ta’ dieta.
Livell għoli ta’ zokkor fid-demm u livelli għolja ta’ xaħmijiet (trigliċeridi u kolesterol) instabu f’pazjenti li qed jieħdu Olanzapine Teva. It-tabib tiegħek għandu jagħmillek testijiet tad-demm biex jiċċekkja l-livell taz-zokkor fid-demm u l-livelli ta’ ċerti xaħmijiet qabel ma tibda tieħu Olanzapine Teva u b’mod regolari waqt il-kura.
Għid lit-tabib jekk inti jew xi ħadd fil-familja tiegħek għandu passat mediku ta’ ċapep fid-
demm, għax mediċini bħal dawn ġew assoċjati mal-formazzjoni ta’ ċapep fid-demm
Jekk issoffri minn xi mard elenkat hawn taħt għid lit-tabib tiegħek mill-aktar fis possibli:
Puplesija jew puplesija “ħafifa” (sintomi temporanji ta’ puplesija
Mard ta’ Parkinson
Problemi tal-prostata
Imsaren imblukkati (Ileus paralitiku)
Mard tal-fwied jew tal-kliewi
Disturbi tad-demm
Mard tal-qalb
Dijabete
Aċċessjonijiet
Jekk taf li tista’ tkun nieqes mill-melħ minħabba dijarea u rimettar (qed/a taqla’) severi li jkunu
fit-tul jew minħabba l-użu fit-tul tad-dijuretiċi (pilloli tal-pipi)
Jekk tbati mid-demenzja, int jew min jieħu ħsiebek jew xi qarib għandu jgħid lit-tabib tiegħek jekk qatt kellek xi puplesija jew puplesija “ħafifa”.
Bħala prekawzjoni ta' rutina, jekk għandek 'l fuq minn 65 sena l-pressjoni tiegħek tista' tiġi eżaminata
mit-tabib tiegħek.
Olanzapine Teva mhux għal pazjenti li għandhom anqas minn 18-il sena.
Għid lit-tabib jew lill-ispiżjar tiegħek jekk qed tieħu, ħadt dan l-aħħar jew tista’ tieħu xi mediċini oħra.
Ħu biss mediċini oħra waqt li qed tieħu Olanzapine Teva jekk it-tabib tiegħek jgħidlek li tista’. Jista' jkun li tħossok imħeddel jekk tieħu Olanzapine Teva flimkien ma' anti-dipressanti jew mediċini għall- ansjetà jew biex jgħinuk torqod (kalmanti).
B’mod partikulari, għid lit-tabib tiegħek jekk:
qed tieħu mediċini kontra l-marda ta’ Parkinson
Carbamazepine (anti-epilettiku u stabilizzatur tal-burdata)fluvoxamine (anti-dipressant), jew ciprofloxacin (antibijotiku), għax jista' jkun hemm bżonn li tbiddel id-doża tiegħek ta' Olanzapine Teva.
Tixrobx alkoħol jekk qed tieħu Olanzapine Teva għax Olanzapine Teva flimkien mal-alkoħol jistgħu jqabbduk ħedla
Jekk inti tqila jew qed tredda’, taħseb li tista’ tkun tqila jew qed tippjana li jkollok tarbija, itlob il-parir tat-tabib tiegħek qabel tieħu din il-mediċina.
M’għandekx tingħata din il-mediċina meta tkun qed tredda’ peress li ammonti żgħar ta’ Olanzapine Teva jistgħu jgħaddu mal-ħalib tas-sider.
Is-sintomi li ġejjin jistgħu jseħħu fi trabi tat-twelid, minn ommijiet li jkunu użaw Olanzapine Teva fl-aħħar trimestru (l-aħħar tliet xhur tat-tqala tagħhom): rogħda, ebusija u/jew dgħufija tal-muskoli, ħedla, aġitazzjoni, problemi bit-teħid tan-nifs, u diffikultà biex jerdgħu. Jekk it-tarbija tiegħek tiżviluppa xi wieħed minn dawn is-sintomi, jista’ jkollok bżonn tikkuntattja lit-tabib tiegħek.
Hemm ir-riskju li tħossok imħeddel meta tingħata Olanzapine Teva. Jekk jiġrilek hekk issuqx u m'għandekx tagħmel użu minn għodda jew tħaddem magni. Għid lit-tabib tiegħek
Jekk it-tabib qallek li għandek xi intolleranza għal xi tipi ta’ zokkor, ikkuntattja lit-tabib qabel ma tieħu dan il-prodott mediċinali.
Dejjem għandek tieħu din il-mediċina skont il-parir eżatt tat-tabib tiegħek. Iċċekkja mat-tabib jew
mal-ispiżjar tiegħek jekk ikollok xi dubju.
It-tabib tiegħek għandu jgħidlek kemm tieħu pilloli ta’ Olanzapine Teva u kemm għandek iddum teħodhom. Id-doża ta' kuljum ta’ Olanzapine Teva hija bejn 5 mg u 20 mg. Ikkonsulta mat-tabib tiegħek jekk jerġgħu jiġuk is-sintomi imma tieqafx tieħu Olanzapine Teva sakemm ma jgħidlekx it- tabib tiegħek.
Għandek tieħu l-pilloli Olanzapine Teva darba kuljum wara li tingħata parir mit-tabib tiegħek.
Ipprova ħu l-pilloli tiegħek kuljum fl-istess ħin. Ma jimpurtax jekk teħodhom ma' l-ikel jew fuq stonku
vojt.
Il-pilloli miksija ta’ Olanzapine Teva huma għall-użu orali. Għandek tibla' l-pilloli Olanzapine Teva
sħaħ bl-ilma.
Pazjenti li ħadu iżjed Olanzapine Teva milli suppost kellhom dawn is-sintomi li ġejjin: tħabbit mgħaġġel tal-qalb, aġitazzjoni/aggressività, problemi biex jitkellmu, movimenti mhux tas-soltu (speċjalment tal-ħalq u ta’ l-ilsien) u tnaqqis fil-livell ta’ koxjenza. Sintomi oħra jistgħu jkunu: konfużjoni akuta, aċċessjonijiet (epilessija), koma, taħlita ta’ dawn is-sintomi, deni, nifs aktar mgħaġġel, għaraq, ebusija tal-muskoli u ħedla jew ngħas, tnaqqis fil-frekwenza ta’ nifsijiet,
aspirazzjoni, pressjoni tad-demm għolja jew baxxa, ritmi mhux normali tal-qalb. Ikkuntatja lit-tabib
tiegħek jew l-isptar mill-ewwel jekk tesperjenza mis-sintomi t’hawn fuq. Uri l-pakkett tal-pilloli
tiegħek lit-tabib.
Ħu l-pilloli tiegħek eżatt kif tiftakar. Tieħux żewġ dożi f'ġurnata waħda.
Tieqafx tieħu l-pilloli tiegħek sempliċement għaliex tħossok aħjar. Huwa importanti li tibqa' tieħu
Olanzapine Teva sakemm jgħidlek it-tabib tiegħek.
Jekk tieqaf tieħu Olanzapine Teva f'daqqa, jista' jkollok sintomi bħal tasgħriq, ma tkunx tista' torqod, rogħda, ansjetà jew tqalligħ u rimettar. It-tabib tiegħek jista' jissuġġerilek li tnaqqas id-doża bil-mod qabel ma twaqqaf il-kura.
Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux
f’kulħadd.
Għid lit-tabib tiegħek minnufih jekk għandek:
moviment mhux tas-soltu (effett sekondarju komuni li jista’ jaffettwa sa 1 minn kull 10 persuni) l-aktar tal-wiċċ jew l-ilsien;
ċapep tad-demm fil-vini (effett sekondarju mhux komuni li jista’ jaffettwa sa 1 minn kull
100 persuna) speċjalment tas-saqajn (is-sintomi jinkludu nefħa, uġigħ u ħmura fis-saqajn) li jistgħu jgħaddu fis-sistema ċirkolatorja u jmorru fil-pulmuni fejn jikkawżaw uġigħ fis-sider u diffikultà biex tieħu n-nifs. Jekk tinduna b’xi sintomi minn dawn, fittex parir mediku minnufih.
Taħlita kollha flimkien ta' deni, nifs mgħaġġel, għaraq, ebusija tal-muskoli u ħedla jew ngħas (il-frekwenza ta’ dan l-effett sekondarju ma tistax tiġi stmata mit-tagħrif disponibbli).
Effetti sekondarji komuni ħafna ( jistgħu jaffettwaw aktar minn 1 minn kull 10 persuni) jnkludu żieda fil-piż; ngħas;u żidiet fil-livelli ta' prolactin fid-demm. Fl-istadji bikrija tal-kura, xi persuni jistgħu jħossuhom sturduti jew mhux f'sikkithom (il-qalb tħabbat bil-mod), speċjalment waqt li jkunu qegħdin iqumu minn pożizzjoni mimduda jew minn bil-qiegħda. Dan normalment jgħaddi waħdu iżda jekk le għid lit-tabib tiegħek.
Effetti sekondarji komuni (jistgħu jaffettwaw sa 1 minn kull 10 persuni) jinkludu tibdil fil-livelli ta' xi ċelluli tad-demm, ta’ xaħmijiet fiċ-ċirkolazzjoni u kmieni fil-kura, żidiet temporanji tal-enzimi tal- fwied; żidiet fil-livelli ta' zokkor fid-demm u fl-awrina; żidiet fil-livelli tal-aċidu uriku u tal-creatine phosphokinase fid-demm; tħossok aktar bil-ġuħ; sturdament; irrekwjetezza; rogħda; movimenti mhux tas-soltu (diskajnisjas); stitikezza; ħalq xott; raxx; titlef il-forzi; għeja esaġerata; retenzjoni tal-ilma li twassal għal nefħa fl-idejn, għekiesi jew saqajn; deni; uġigħ fiġ-ġogi u problemi sesswali bħal tnaqqis fil-ħajra sesswali fl-irġiel u n-nisa u impotenza fl-irġiel.
Effetti sekondarji mhux komuni ( jistgħu jaffettwaw sa 1 minn kull 100 persuna) jinkludu sensittività eċċessiva (eż. nefħa fil-ħalq u l-gerżuma, ħakk, raxx);dijabete jew dijabete li tmur għall-agħar, kultant assoċjata ma' ketoaċidożi (ketoni fid-demm u fl-awrina) jew koma; aċċessjonijiet, normalment assoċjati ma' storja ta' aċċessjonijiet (epilessija); ebusija tal-muskoli jew spażmi (inklużi movimenti fl- għajnejn); sindromu ta’ saqajn irrikwieti; problemi fil-mod kif titkellem; temtim; il-qalb tħabbat bil- mod; sensittività għad-dawl tax-xemx; tinfaraġ; nefħa fl-addome; tlegħib; telf tal-memorja jew tibda tinsa; inkontinenza urinarja; nuqqas ta’ kapaċità li tgħaddi l-urina; jaqa' x-xagħar; nuqqas ta’ jew tnaqqis fil-mestrwazzjoni u tibdil fis-sider fl-irġiel u fin-nisa bħal produzzjoni mhux normali ta’ ħalib mis-sider jew tkabbir mhux normali.
Effetti sekondarji rari (jistgħu jaffettwaw sa 1 minn kull 1000 persuna) jinkludu titbaxxa t-temperatura normali tal-ġisem; ritmi mhux normali tal-qalb; mewt għall-għarrieda u inspjegabbli; infjammazjoni tal-frixa li tikkawża wġigħ qawwi fl-istonku, deni u taqlib; mard tal-fwied li jidher bħala sfurija tal- ġilda u tal-abjad tal-għajnejn; mard fil-muskoli li jippreżenta ruħu bħala wġigħ li m’għandux spjegazzjoni; u erezzjoni mtawla u/jew bl-uġigħ.
Effetti sekondarji rari ħafna jinkludu reazzjonijiet allerġiċi serji bħal Reazzjoni għall-Mediċina b’Eosinofilja u Sintomi Sistemiċi (DRESS). Fil-bidu DRESS tidher b’sintomi bħal tal-influwenza b’raxx fuq il-wiċċ imbagħad b’raxx estiż, temperatura għolja, glandoli limfatiċi minfuħin, livelli ogħla tal-enzimi tal-fwied li jidhru fit-testijiet tad-demm u żieda f’tip ta’ ċellula bajda tad-demm (eosinofilja).
Waqt li qed jieħdu l-olanzapine, il-pazjenti anzjani bid-demenzja jistgħu jsofru minn puplesija,
il-pnewmonja, l-inkontinenza ta’ l-awrina, waqgħat, għeja kbira, alluċinazzjonijiet viżivi, żjieda
fit-temperatura tal-ġisem, ħmura fil-ġilda u jistgħu jkollhom problemi fil-mixi. Xi każijiet fatali kienu
rapportati f’dan il-grupp partikolari ta’ pazjenti.
F'pazjenti li għandhom il-marda ta' Parkinson, Olanzapine Teva tista' tagħmel is-sintomi agħar.
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali mniżżla f’Appendiċi V. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskdai li tidher fuq il-kartuna wara “EXP”. Id-data ta’
meta tiskadi tirreferi għall-aħħar ġurnata ta’ dak ix-xahar.
Taħżinx f’temperatura ’l fuq minn 25°C. Żomm fil-pakkett oriġinali sabiex tilqa’ mid-dawl.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Kull pillola miksija b’rita ta’ Olanzapine Teva fiha 2.5 mg tas-sustanza attiva. Kull pillola miksija b’rita ta’ Olanzapine Teva fiha 5 mg tas-sustanza attiva. Kull pillola miksija b’rita ta’ Olanzapine Teva fiha 7.5 mg tas-sustanza attiva. Kull pillola miksija b’rita ta’ Olanzapine Teva fiha 10 mg tas-sustanza attiva. Kull pillola miksija b’rita ta’ Olanzapine Teva fiha 15 mg tas-sustanza attiva. Kull pillola miksija b’rita ta’ Olanzapine Teva fiha 20 mg tas-sustanza attiva
- Is-sustanzi l-oħra huma:
Qalba tal-pillola: lactose monohydrate, hydroxypropylcellulose, crospovidone (tip A), silica,
colloidal anhydrous, microcrystalline cellulose, magnesium stearate.
Kisi tal-pillola: hypromellose, polydextrose, glycerol triacetate, macrogol 8000, titanium dioxide (E171). Barra minhekk il-qawwa ta’ 15 mg fiha wkoll indigo carmine (E132) u l-qawwa ta’ 20 mg fiha iron oxide red (E172)
Olanzapine Teva 2.5 mg pillola miksija b’rita hija pillola miksija b’rita bajda, mżaqqa u tonda, li
fuqha hemm imnaqqax “OL 2.5” fuq naħa waħda u xejn fuq in-naħa l-oħra.
Olanzapine Teva 5 mg pillola miksija b’rita hija pillola miksija b’rita bajda, mżaqqa u tonda, li fuqha
hemm imnaqqax “OL 5” fuq naħa waħda u xejn fuq in-naħa l-oħra.
Olanzapine Teva 7.5 mg pillola miksija b’rita hija pillola miksija b’rita bajda, mżaqqa u tonda, li
fuqha hemm imnaqqax “OL 7.5” fuq naħa waħda u xejn fuq in-naħa l-oħra.
Olanzapine Teva 10 mg pillola miksija b’rita hija pillola miksija b’rita bajda, mżaqqa u tonda, li fuqha hemm imnaqqax “OL 10” fuq naħa waħda u xejn fuq in-naħa l-oħra.
Olanzapine Teva 15 mg pillola miksija b’rita hija pillola miksija b’rita ċelesti ċara, ovali u mżaqqa u
ovali, li fuqha hemm imnaqqax “OL 15” fuq naħa waħda u xejn fuq in-naħa l-oħra.
Olanzapine Teva 20 mg pillola miksija b’rita hija pillola miksija b’rita roża, ovali u mżaqqa, li fuqha hemm imnaqqax “OL 20” fuq naħa waħdau xejn fuq in-naħa l-oħra.
Olanzapine Teva 2.5 mg Pilloli miksija b’rita jiġu f’kartun ta’ 28, 30, 35, 56, 70 jew 98 pillola miksija b’rita.
Olanzapine Teva 5 mg Pilloli miksija b’rita jiġu f’kartun ta’ 28, 28 x 1, 30, 30 x 1, 35, 35 x 1, 50,
50 x 1, 56, 56 x 1, 70, 70 x 1, 98 jew 98 x 1 pillola miksija b’rita.
Olanzapine Teva 7.5 mg Pilloli miksija b’rita jiġu f’kartun ta’ 28, 28 x 1, 30, 30 x 1, 35, 35 x 1, 56,
56 x 1, 60, 70, 70 x 1, 98 jew 98 x 1 pillola miksija b’rita.
Olanzapine Teva 10 mg Pilloli miksija b’rita jiġu f’kartun ta’ 7, 7 x 1, 28, 28 x 1, 30, 30 x 1, 35,
35 x 1, 50, 50 x 1, 56, 56 x 1, 60, 70, 70 x 1, 98 jew 98 x 1 pillola miksija b’rita.
Olanzapine Teva 15 mg Pilloli miksija b’rita jiġu f’kartun ta’ 28, 30, 35, 50, 56, 70 jew 98 pillola miksija b’rita.
Olanzapine Teva 20 mg Pilloli miksija b’rita jiġu f’kartun ta’ 28, 30, 35, 56, 70 jew 98 pillola miksija b’rita.
Jista’ jkun li mhux il-pakketti tad-daqsijiet kollha jkunu fis-suq.
Teva B.V. Swensweg 5 2031GA Haarlem
Teva Pharmaceutical Works Co. Ltd
Pallagi út 13
4042 Debrecen
Hungary
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
Teva Pharma Belgium N.V./S.A./AG Tél/Tel: +32 38207373
UAB Teva Baltics Tel: +370 52660203
Тева Фарма ЕАД Тел: +359 24899585
Teva Pharma Belgium N.V./S.A./AG Belgique/Belgien
Tél/Tel: +32 38207373
Teva Pharmaceuticals CR, s.r.o. Tel: +420 251007111
Teva Gyógyszergyár Zrt. Tel: +36 12886400
Tlf: +370 70001320
Teva Pharmaceuticals Ireland
L-Irlanda
Tel: +44 2075407117
TEVA GmbH
Tel: +49 73140208
Teva Nederland B.V. Tel: +31 8000228400
UAB Teva Baltics Eesti filiaal Tel: +372 6610801
Teva Norway AS Tlf: +47 66775590
Specifar A.B.E.E. Τηλ: +30 2118805000
ratiopharm Arzneimittel Vertriebs-GmbH Tel: +43 1970070
Teva Pharma, S.L.U.
Tel: +34 913873280
Teva Pharmaceuticals Polska Sp. z o.o.
Tel: +48 223459300
Teva Santé
Tél: +33 155917800
Teva Pharma - Produtos Farmacêuticos, Lda.
Tel: +351 214767550
Pliva Hrvatska d.o.o.
Tel: +385 13720000
Teva Pharmaceuticals S.R.L.
Tel: +40 212306524
Teva Pharmaceuticals Ireland Tel: +44 2075407117
Pliva Ljubljana d.o.o.
Tel: +386 15890390
Teva Pharma Iceland ehf. Sími: +354 5503300
TEVA Pharmaceuticals Slovakia s.r.o. Tel: +421 257267911
Teva Italia S.r.l.
Tel: +39 028917981
Teva Finland Oy
Puh/Tel: +358 201805900
Specifar A.B.E.E. Ελλάδα
Τηλ: +30 2118805000
Teva Sweden AB Tel: +46 42121100
UAB Teva Baltics filiāle Latvijā Tel: +371 67323666
Teva Pharmaceuticals Ireland Ireland
Tel: +44 2075407117
Informazzjoni ddettaljata dwar din il-mediċina tinsab fuq is-sit elettroniku tal-Aġenzija Ewropea għall-Mediċini: .