Hiprabovis IBR Marker Live
live gene-deleted vaccine for intramuscular use for active immunisation of cattle against infectious bovine rhinotracheitis
lijofiliżat u solvent għal sospensjoni għal injezzjoni għall-frat.
Detentur tal-awtorizzazzjoni għat-tqegħid fis-suq u l-manifattur responsabbli għall-ħrug tal-lott:
LABORATORIOS HIPRA, S.A.
Avda. La Selva, 135 17170 Amer (Girona) SPANJA
HIPRABOVIS IBR MARKER LIVE lijofiliżat u solvent għal sospensjoni għal injezzjoni għall-frat.
Lijofilizzat:
Kull doża ta’ 2 ml fiha: Virus tal-Ħerpes tal-Bovini ħaj tip 1 (BoHV-1) gE- tk- bil-ġene mneħħi darbtejn, speċi CEDDEL: 106.3 – 107.3 CCID50.
Abbrevjazzjonijiet:
gE-: glycoprotein E mneħħi; tk-: thymidine kinase mneħħi; CCID: cell culture infectious dose (doża infettiva ta’ kultura
ta’ ċelloli)
Solvent:
Soluzzjoni buffer tal-fosfati
Sospensjoni wara rikostituzzjoni: likwidu roża trasparenti.
Lijofiliżat: trab abjad għal safrani Solvent: likwidu omoġenu trasparenti
Għall-immunizzazzjoni attiva ta’ frat minn età ta’ tliet xhur kontra l-Virus tal-Ħerpes tal-Bovini tip 1 (BoHV-1) sabiex inaqqas is-sinjali kliniċi ta’ rinotrakeite tal-bovini li tittieħed (IBR) u x-xħit tal-virus fl-għalqa
Annimali mlaqqmin jistgħu jintgħarfu minn annimali infettati minn virus tal-għalqa permezz tat- tneħħija tal-markatur (gE-) permezz ta’ kits dijanjostiċi kummerċjali, sakemm l-annimali ma jkunux ġew imlaqqmin b’vaċċin konvenzjonali jew infettati b’virus tal-għalqa.
Bidu tal-immunità: 21 jum wara t-tlestija tal-iskema tat-tilqim bażiku.
Tul tal-immunità: 6 xhur wara t-tlestija tat-tilqima bażika.
Tużax f’każiji ta’ sensittività għall-ingredjenti attivi jew għal ingredjenti mhux attivi oħra.
Reazzjonijiet avversi komuni:
Żieda ħafifa fit-temperatura tal-ġisem b’sa 1°C hija komuni fi żmien 4 ijiem wara t-tilqima. Komunament, tista’ tiġi osservata żieda fit-temperatura tar-rektum b’sa 1.63 ºC fil-baqar adulti u b’sa
2.18 ºC fl-għoġġiela. Din iż-żieda temporanja fit-temperatura tgħaddi waħidha fi żmien 48 siegħa mingħajr kura u mhijiex relatata ma’ proċess ta’ deni.
Infjammazzjoni temporanja fis-sit tal-inokulazzjoni hija komuni fi frat fi żmien 72 siegħa wara t- tilqima. F’ħafna mill-każi, din in-nefħa ħafifa ddum għal inqas minn 24 siegħa.
Reazzjonijiet avversi rari ħafna:
It-tilqima tista’, rari ħafna, tikkawża reazzjonijiet ta’ sensittività eċċessiva. F’każijiet bħal dawn, għandha tingħata kura xierqa għas-sintomi.
Il-frekwenza ta’ effetti mhux mixtieqa hija definita skont din il-konvenzjoni:
komuni ħafna (aktar minn wieħed f’10 annimali li juru effetti mhux mixtieqa matul il-perjodu ta’ kura waħda)
komuni (aktar minn wieħed iżda inqas minn 10 annimali f’100 annimal)
mhux komuni (aktar minn wieħed iżda inqas minn10 annimali f’1,000 annimal)
rari (aktar minn wieħed iżda inqas minn10 annimali f’10,000 annimal)
rari ħafna (inqas minn annimal wieħed f’10,000 annimal, inklużi rapporti iżolati).
Jekk tinnota xi effetti serji jew effetti oħra mhux msemmija f’dan il-fuljett, jekk jogħġbok informa lit- tabib veterinarju tiegħek.
Frat (għoġġiela u baqar adulti).
Frat mill-età ta’ 3 xhur ’il quddiem.
Agħti doża waħda (2 ml) permezz ta’ injezzjoni ġol-muskolu tal-għonq.
Irrikostitwixxi l-lijofiliżat mal-kontentut kollu tas-solvent fornut sabiex tikseb sospensjoni għal injezzjoni.
Id-doża inizjali rakkomandata hija injezzjoni 1 ta’ 2 ml tal-vaċċin rikostitwit għal kull annimal. L- annimal għandu jitlaqqam mill-ġdid 3 xhur aktar tard bl-istess doża. Minn hemm ’il quddiem, għandha tingħata doża booster waħdanija ta’ 2 ml kull 6 xhur.
Il-metodu tal-għoti huwa b’rotta intramuskolari, fil-muskoli tal-għonq. L-injezzjonijiet għandhom preferibbilment jingħataw fuq in-naħat alternati tal-għonq. Is-solvent għandu jitħalla jisħon għal temperatura ta’ bejn 15 ºC u 20ºC qabel rikostituzzjoni tal-lijofiliżat. Ħawwad sew qabel l-użu. Evita l- introduzzjoni ta’ kontaminazzjoni matul ir-rikostituzzjoni u l-użu. Uża biss labar u siringi sterili għall- għoti.
Żero jiem.
Żomm fejn ma jidhirx u ma jintlaħaqx mit-tfal.
Lijofiliżat 5, 25 u 30 doża: Aħżen u ttrasporta ġo friġġ (2°C – 8°C) Solvent ta’ 5 u 25 doża: Aħżen u ttrasporta ġo friġġ (2°C – 8°C)
Solvent ta’ 30 doża: Taħżinx u tittrasportax f’temperaturi ogħla minn 25ºC. Tagħmlux fil-friża.
Żomm il-fliexken fil-pakkett ta’ barra sabiex ikunu protetti mid-dawl.
Tużax wara d-data ta’ skadenza (JIS) li tidher fuq il-kartuna u fuq it-tikketta.
Żmien kemm il-prodott jibqa’ tajjeb wara rikostituzzjoni skont l-istruzzjonijiet: 6 sigħat.
Prekawzjonijiet speċjali għall-użu fl-annimali Laqqam biss annimali f’saħħithom.
Użu fit-tqala u fit-treddigħ:
Jista’ jintuża waqt it-tqala u t-treddigħ.
Interazzjoni ma’ prodotti mediċinali oħra jew forom oħra ta’ interazzjoni:
M’hemmx informazzjoni dwar is-sigurtà u l-effikaċja ta’ din it-tilqima jekk tintuża flimkien ma’ kwalunkwe prodott mediċinali veterinarju. Id-deċiżjoni sabiex tintuża din it-tilqima qabel jew wara xi prodott mediċinali veterinarju ieħor, għaldaqstant għandha tittieħed każ b’każ.
Doża eċċessiva (sintomi, proċeduri ta’ emerġenza, antidoti):
Wara l-għoti ta’ doża ta’ tilqima 10 darbiet ikbar, ma ġiet osservata ebda reazzjoni avversa għajr dawk imsemmija fis-sezzjoni “Effetti mhux mixtieqa”.
Inkompatibilitajiet:
Tħallatx ma’ xi prodott mediċinali veterinarju ieħor, għajr mas-solvent fornut għall-użu mal-prodott mediċinali veterinarju.
Staqsi lill-kirurgu veterinarju tiegħek dwar kif l-aħjar li tarmi l-mediċini li ma jkunux aktar meħtieġa. Dawn il-miżuri għandhom jgħinu sabiex jipproteġu l-ambjent.
Daqsijiet tal-pakkett:
Kaxxa tal-kartuna li fiha flixkun 1 b’5 dożi ta’ lijofiliżat u flixkun 1 b’10 ml ta’ solvent. Kaxxa tal-kartuna li fiha flixkun 1 b’25 doża ta’ lijofiliżat u flixkun 1 b’50 ml ta’ solvent. Kaxxa tal-kartuna li fiha flixkun 1 bi 30 doża ta’ lijofiliżat
Kaxxa tal-kartuna li fiha flixkun 1 b’60 ml ta’ solvent.
Mhux id-daqsijiet kollha tal-pakkett jistgħu qegħdin fis-suq.
Għal kull tagħrif dwar dan il-prodott mediċinali veterinarju, jekk jogħġbok ikkuntattja lir- rappreżentant lokali tas-sid tal-awtorizzazzjoni tal-kummerċ.
Österreich HIPRA DEUTSCHLAND GmbH Münsterstraße 306 40470 Düsseldorf DEUTSCHLAND | België/Belgique/Belgien HIPRA BENELUX NV Adequat Business Center Brusselsesteenweg 159 9090 Melle |
Deutschland HIPRA DEUTSCHLAND GmbH Münsterstraße 306 40470 Düsseldorf | Ελλάδα HIPRA EΛΛAΣ A.E. Ψuχάρη 3 / 184 53 Níκαια Tηλ: 210 4978660 - Fax: 210 4978661 |
España LABORATORIOS HIPRA, S.A. Avda. la Selva, 135 17170 Amer (Girona) | France HIPRA FRANCE 7 rue Roland Garros, Batiment H 44700 - Orvault Tél. - 02 51 80 77 91 Fax - 02 51 8082 20 |
Ireland HIPRA UK AND IRELAND, Ltd. Innovation Center BioCity Nottingham Pennyfoot Street Nottingham NG1 1GF - UNITED KINGDOM | Italia Hipra Italia S.r.l. Via Rovato, 29 25030 Erbusco (BS) |
Luxembourg HIPRA BENELUX NV Adequat Business Center Brusselsesteenweg 159 9090 Melle BELGIUM | Netherland HIPRA BENELUX NV Adequat Business Center Brusselsesteenweg 159 9090 Melle BELGIUM |
Polska HIPRA POLSKA Sp.z.o.o. Ul. Królowej Marysieńki, 9 - 1 02-954 – WARSZAWA | Portugal ARBUSET, Produtos Farmacêuticos e Sanitários De Uso Animal, Lda Portela de Mafra e Fontaínha - Abrunheira 2665 – 191 Malveira |
United Kingdom HIPRA UK AND IRELAND, Ltd. Innovation Center BioCity Nottingham Pennyfoot Street Nottingham NG1 1GF |