Adempas
riociguat
Fuljett ta’ tagħrif: Informazzjoni għall-utent
Adempas 0.5 mg pilloli miksija b’rita Adempas 1 mg pilloli miksija b’rita Adempas 1.5 mg pilloli miksija b’rita Adempas 2 mg pilloli miksija b’rita Adempas 2.5 mg pilloli miksija b’rita
riociguat
Aqra sew dan il-fuljett kollu qabel tibda tieħu din il-mediċina peress li fih informazzjoni importanti għalik.
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara anke jekk għandhom l-istess sinjali ta’ mard bħal tiegħek.
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett
sekondarju possibbli li mhuwiex elenkat f’dan il-fuljett. Ara sezzjoni 4.
F’dan il-fuljett:
X’inhu Adempas u għalxiex jintuża
X’għandek tkun taf qabel ma tieħu Adempas
Kif għandek tieħu Adempas
Effetti sekondarji possibbli
Kif taħżen Adempas
Kontenut tal-pakkett u informazzjoni oħra
X’inhu Adempas u għalxiex jintuża
Adempas fih is-sustanza attiva riociguat. Riociguat hu tip ta’ mediċina li tissejjaħ stimulatur ta’ guanylate cyclase (sGC - guanylate cyclase stimulator). Jaħdem billi jwessa’ l-arterji pulmonari (il- kanali tad-demm li jgħaqqdu l-qalb mal-pulmun), u jagħmilha iktar faċli għall-qalb biex tippompja d- demm għal ġol-pulmun. Adempas jista’ jintuża biex jikkura adulti b’ċerti forom ta’ pressjoni pulmonari għolja, kondizzjoni li fiha dawn il-kanali tad-demm jidjiequ, u dan jagħmilha aktar diffiċli għall-qalb biex tippompja d-demm minn ġewwa fihom u jwassal għal pressjoni għolja fil-kanali.
Peress li l-qalb teħtieġ taħdem aktar min-normal, persuni bi pressjoni pulmonari għolja iħossuhom għajjenin, storduti u bi qtugħ ta’ nifs. Billi jwessa’ l-arterji dojoq, Adempas iwwassal għal titjib fil-ħila tiegħek li twettaq attività fiżika.
Adempas jintuża f’kull waħda miż-żewġ tipi ta’ pressjoni pulmonari għolja:
pressjoni għolja pulmonari tromboembolika kronika (CTEPH - chronic thromboembolic pulmonary hypertension).
F’CTEPH, il-kanali tad-demm tal-pulmun ikunu mblukkati jew djiequ b’emboli tad-demm. Adempas jista’ jintuża f’pazjenti b’CTEPH li ma jistgħux jiġu operati, jew wara operazzjoni f’pazjenti li jibqa’ jkollhom pressjoni għolja fil-pulmun jew li din terġa’ titfaċċa.
ċerti tipi ta’ pressjoni għolja fl-arterji tal-pulmun (PAH - pulmonary arterial hypertension).
F’PAH, il-ħajt tal-kanali tad-demm tal-pulmun jeħxien u l-kanali jidjiequ. Adempas huwa preskritt biss għal ċerti forom ta’ PAH, jiġifieri PAH idjopatika (l-kawża ta’ PAH mhix magħrufa), PAH li tintiret u PAH ikkawżata minn mard tat-tessut konnettiv. It-tabib tiegħek se jiċċekkja dan. Adempas jista’ jittieħed waħdu jew flimkien ma’ ċerti mediċini oħrajn li jintużaw għall-kura ta’ PAH.
X’għandek tkun taf qabel ma tieħu Adempas
Tiħux Adempas:
jekk qed tieħu ċerti mediċini li jissejħu inibituri ta’ PDE5 (eż. sildenafil, tadalafil, vardenafil).
Dawn huma mediċini li jintużaw għall-kura ta’ pressjoni għolja fl-arterji tal-pulmun (PAH) jew disfunzjoni erettili.
jekk għandek problemi severi tal-fwied (indeboliment sever tal-fwied, Child Pugh Ċ).
jekk inti allerġiku għal riociguat jew għal xi sustanza oħra ta’ din il-mediċina (imniżżla fis- sezzjoni 6).
jekk inti tqila.
jekk qed tieħu nitrates jew donaturi ta’ nitric oxide (bħal amyl nitrite) fi kwalunkwe forma, mediċini li ta’ spiss jintużaw għall-kura ta’ pressjoni għolja, uġigħ fis-sider jew mard tal-qalb. Dan jinkludi wkoll drogi għar-rikreazzjoni msejħa ‘poppers’.
jekk qed tieħu stimulaturi solubbli oħra ta’ guanylate cyclase. Staqsi lit-tabib tiegħek jekk ikollok xi dubju dwar jekk hux qed tieħu stimulatur solubbli ta’ guanylate cyclase.
jekk għandek pressjoni baxxa (pressjoni sistolika tad-demm ta’ inqas minn 95 mmHg) qabel tibda l-ewwel kura b’din il-mediċina.
jekk għandek żieda fil-pressjoni fiċ-ċirkolazzjoni pulmonari tiegħek assoċjata mat-trobbija ta' qoxra fil-pulmuni, ta' kawża mhux magħrufa (pulmonite interstizjali idjopatika).
Jekk xi waħda minn dawn tapplika għalik, kellem lit-tabib tiegħek l-ewwel u tiħux Adempas.
Twissijiet u prekawzjonijiet
Kellem lit-tabib jew lill-ispiżjar tiegħek qabel tieħu Adempas jekk:
dan l-aħħar kellek ħruġ ta’ demm serju mill-pulmun, jew jekk irċivejt kura biex tieqaf
tisgħol id-demm (embolizzazzjoni tal-arterji tal-bronki).
tieħu mediċini li jraqqu d-demm (sustanzi kontra il-koagulazzjoni tad-demm) għax dan jista’ jikkawża ħruġ ta’ demm mill-pulmun. It-tabib tiegħek se jimmonitorjak regolarment.
tħoss qtugħ ta’ nifs waqt il-kura b’din il-mediċina, dan jista’ jkun ikkawżat minn akkumulazzjoni ta’ fluwidu fil-pulmun. Kellem lit-tabib tiegħek jekk dan iseħħ.
għandek xi sintomi ta’ pressjoni baxxa bħal sturdament, mejt, jew ħass ħażin jew jekk qed tieħu mediċini biex ibaxxu l-pressjoni jew mediċini li jikkawżaw żieda fl-awrina jew jekk għandek problemi bil-qalb jew taċ-ċirkolazzjoni. It-tabib tiegħek jista’ jiddeċiedi li jimmonitorja l-pressjoni tiegħek. Jekk għandek aktar minn 65 sena, għandek riskju akbar li tiżviluppa pressjoni baxxa
inti tieħu mediċini użati biex jittrattaw infezzjonijiet ikkawżati minn fungu (eż.
ketoconazole, posaconazole, itraconazole) jew mediċini għat-trattament ta’ infezzjoni bl- HIV (eż. abacavir, atazanavir, cobicistat, darunavir, dolutegravir, efavirenz, elvitegravir, emtricitabine, lamivudine, rilpivirine, ritonavir, u tenofovir). It-tabib tiegħek se jimmonitorja l-istat tas-saħħa tiegħek u għandu jikkunsidra doża tal-bidu mnaqqsa għal Adempas.
il-kliewi tiegħek ma jaħdmux kif suppost (tneħħija tal-krejatinina ta’ < 30 ml/min) jew jekk qiegħed fuq id-dijalisi għax l-użu ta’ din il-mediċina mhuwiex rakkomandat.
għandek problemi moderati fil-fwied (indeboliment tal-fwied, Child Pugh B).
tibda jew tieqaf tpejjep waqt il-kura b’din il-mediċina, għax dan jista’ jinfluwenza l-livell ta’ riociguat fid-demm tiegħek.
Int se tirċievi Adempas biss għal tipi speċjali ta’ pressjoni għolja fl-arterji tal-pulmun (PAH - pulmonary arterial hypertension), ara sezzjoni 1. M’hemmx esperjenza bl-użu ta’ Adempas f’tipi oħra ta’ PAH. Għalhekk l-użu ta’ Adempas f’tipi oħra ta’ PAH mhux rakkomandat. It-tabib tiegħek se jiċċekkja jekk Adempas hux adattat għalik.
Tfal u adolexxenti
L-użu ta’ Adempas fi tfal u adolexxenti (inqas minn 18-il sena) għandu jiġi evitat peress li s-sigurtà u l-effikaċja ma ġewx determinati għal dan il-grupp ta’ età.
Mediċini oħra u Adempas
Għid lit-tabib jew lill-ispiżjar tiegħek jekk qed tieħu, ħadt dan l-aħħar jew tista’ tieħu xi mediċini oħra, b’mod partikulari, mediċini li jintużaw għal:
pressjoni għolja jew mard tal-qalb (bħal nitrates u amyl nitrite) fi kwalunkwe forma jew stimulaturi solubbli oħra ta’ guanylate cyclase, għax m’għandekx tieħu dawn il-mediċini flimkien ma’ Adempas.
pressjoni għolja fil-kanali tal-pulmun (l-arterji tal-pulmun) għax m’għandekx tieħu ċerti mediċini (sildenafil u tadalafil) flimkien ma’ Adempas. Mediċini oħra għall-pressjoni għolja fil- kanali tal-pulmun (PAH) bħal bosentan u iloprost jistgħu jintużaw flimkien ma’ Adempas, iżda xorta għandek tgħid lit-tabib tiegħek.
disfunzjoni erettili (bħal sildenafil, tadalafil, vardenafil), għax m’għandekx tieħu dawn il- mediċini flimkien ma’ Adempas.
infezzjonijiet ikkawżati mill-fungu (bħal ketoconazole, posaconazole, itraconazole) jew infezzjoni bl-HIV (bħal abacavir, atazanavir, cobicistat, darunavir, dolutegravir, efavirenz, elvitegravir, emtricitabine, rilpivirine jew ritonavir) għax jistgħu jiġu kkunsidrati għażliet ta’ trattament alternattiv. Jekk diġà tieħu xi waħda minn dawn il-mediċini u tibda trattament b’Adempas, it-tabib tiegħek se jimmonitorja l-istat tas-saħħa tiegħek u għandu jikkunsidra doża tal-bidu mnaqqsa għal Adempas.
epilessija (eż. phenytoin, carbamazepine, phenobarbitone).
depressjoni (St. John’s Wort).
prevenzjoni ta’ rifjut ta’ organi trapjantati (ciclosporin).
uġigħ fil-ġogi u l-muskoli (niflumic acid).
kanċer (bħal erlotinib, gefitinib).
mard fl-istonku jew ħruq ta’ stonku (antaċidi bħal aluminium hydroxide/magnesium hydroxide).
Dawn il-mediċini antaċidi għandhom jittieħdu mill-inqas sagħtejn qabel jew siegħa wara li tieħu Adempas.
dardir, rimettar (tħossok imdardar jew tirremetti) (bħal granisetron).
Tipjip
Jekk tpejjep, hu rakkomandat li tieqaf, għax it-tipjip jista’ jnaqqas l-effettività ta’ dawn il-pilloli. Jekk jogħġbok għid lit-tabib tiegħek jekk tpejjep jew jekk tieqaf tpejjep matul il-kura.
Tqala u treddigħ
Tqala
Tiħux Adempas matul it-tqala. Jekk hemm xi ċans li tista’ toħroġ tqila, uża mezzi affidabbli ta’ kontraċezzjoni waqt li tkun qed tieħu dawn il-pilloli. Avżata wkoll biex tagħmel testijiet tat-tqala kull xahar. Jekk inti tqila, taħseb li tista’ tkun tqila jew qed tippjana li jkollok tarbija, itlob il-parir tat-tabib jew tal-ispiżjar tiegħek qabel tieħu din il-mediċina.
Treddigħ
Jekk qed tredda’ jew qed tippjana li tredda’, staqsi lit-tabib jew lill-ispiżjar tiegħek għal parir qabel tieħu din il-mediċina għax tista’ tagħmel ħsara lit-tarbija tiegħek. M’għandekx tredda’ waqt li tkun qed tieħu din il-mediċina. It-tabib tiegħek se jiddeċiedi miegħek jekk għandekx twaqqaf it-treddigħ jew jekk twaqqafx il-kura b’Adempas.
Sewqan u tħaddim ta’ magni
Adempas għandu effett moderat fuq il-ħila biex issuq u tħaddem magni. Dan jista’ jikkawża effetti sekondarji bħal sturdament. Għandek tkun konxju tal-effetti sekondarji ta’ din il-mediċina qabel ma ssuq jew tuża magni (ara sezzjoni 4).
Adempas fih il-lactose
Jekk it-tabib qallek li għandek intolleranza għal xi zokkrijiet, ikkuntattja lit-tabib tiegħek qabel tieħu din il-mediċina.
Adempas fih sodium
Din il-mediċina fiha anqas minn 1 mmol sodium (23 mg) f’kull doża, jiġifieri essenzjalment “ħielsa mis-sodium”.
Kif għandek tieħu Adempas
Dejjem għandek tieħu din il-mediċina skont il-parir eżatt tat-tabib tiegħek. Iċċekkja mat-tabib jew mal-ispiżjar tiegħek jekk ikollok xi dubju.
Il-kura għandha tinbeda u tiġi mmonitorjata biss minn tabib li għandu esperjenza fil-kura ta’ CTEPH jew PAH. Matul l-ewwel ġimgħat ta’ kura, it-tabib tiegħek se jkollu bżonn li jkejjillek il-pressjoni f’intervalli regolari. Adempas hu disponibbli f’qawwiet differenti, u billi jiċċekkja l-pressjoni tiegħek regolarment fil-bidu tal-kura tiegħek, it-tabib tiegħek se jiżgura li inti tkun qed tieħu d-doża adattata.
Pilloli mfarrka:
Jekk ikollok diffikultà biex tibla’ l-pillola sħiħa, kellem lit-tabib tiegħek dwar modi oħra kif tista’ tieħu Adempas. Il-pillola tista’ tiġi mfarrka u titħallat mal-ilma jew ma’ ikel artab, bħal zalza tat- tuffieħ, immedjatament qabel ma teħodha.
Doża
Id-doża rakkomandata tal-bidu hija pillola waħda ta’ 1 mg li tittieħed 3 darbiet kuljum għal ġimagħtejn.
Il-pilloli għandhom jittieħdu 3 darbiet kuljum, b’intervall ta’ madwar 6 sa 8 sigħat bejniethom. Ġeneralment jistgħu jittieħdu mal-ikel jew fuq stonku vojt.
Madankollu, jekk inti suxxettibbli għal pressjoni baxxa (ipotensjoni), m’għandekx taqleb minn teħid
ta’ Adempas mal-ikel għal teħid ta’ Adempas mingħajr ikel peress li dan jista’ jaffettwa kif tirreaġixxi għal din il-mediċina
It-tabib tiegħek se jżid id-doża kull ġimagħtejn sa massimu ta’ 2.5 mg 3 darbiet kuljum (doża massima ta’ kuljum ta’ 7.5 mg) ħlief jekk ikollok xi effetti sekondarji jew pressjoni baxxa ħafna. F’dan il-każ,
it-tabib tiegħek se jagħtik riċetta għal Adempas fl-ogħla doża li inti tkun komdu biha. Għal xi pazjenti, dożi iktar baxxi tliet darbiet kuljum jistgħu jkunu biżżejjed. L-aħjar doża se tintgħażel mit-tabib tiegħek.
Konsiderazzjonijiet speċjali għal pazjenti bi problemi tal-kliewi jew tal-fwied
Għandek tgħid lit-tabib tiegħek jekk għandek mard tal-kliewi jew tal-fwied. Id-doża tiegħek jista’ jkollha bżonn li tiġi aġġustata. Jekk għandek problemi severi tal-fwied (Child Pugh Ċ), tiħux Adempas
65 sena jew aktar
Jekk għandek 65 sena jew aktar it-tabib tiegħek se joqgħod attent aktar biex jaġġusta d-doża tiegħek ta’ Adempas peress li jista’ jkollok riskju akbar ta’ pressjoni baxxa.
Konsiderazzjonijiet speċjali għal pazjenti li jpejpu
Għandek għid lit-tabib tiegħek jekk tibda jew tieqaf tpejjep waqt il-kura b’din il-mediċina. Id-doża tiegħek tista’ tiġi aġġustata.
Jekk tieħu Adempas aktar milli suppost
Jekk tieħu aktar pilloli milli suppost u jkollok kwalunkwe effetti sekondarji (ara sezzjoni 4), jekk jogħġbok ikkuntattja lit-tabib tiegħek. Jekk il-pressjoni tiegħek titbaxxa (dan jista’ jġiegħlek li tħossok stordut), allura jista’ jkollok bżonn ta’ attenzjoni medika immedjata.
Jekk tinsa tieħu Adempas
M’għandekx tieħu doża doppja biex tpatti għal kull doża li tkun insejt tieħu. Jekk tinsa tieħu doża, kompli bid-doża li jkun imiss kif ippjanat.
Jekk tieqaf tieħu Adempas
Tiqafx tieħu din il-mediċina qabel ma tkellem lit-tabib tiegħek, għax din il-mediċina tipprevjeni l- progressjoni tal-marda. Jekk il-kura tiegħek jkollha titwaqqaf għal 3 ijiem jew aktar, jekk jogħġbok għid lit-tabib tiegħek qabel terġa’ tibda l-kura tiegħek mill-ġdid.
Jekk qed taqleb minn sildenafil jew tadalafil għal Adempas jew viċi versa
Jekk qed twaqqaf sildenafil, trid tistenna mill-inqas 24 siegħa qabel ma tieħu Adempas.
Jekk qed twaqqaf tadalafil, għandek tistenna mill-inqas 48 siegħa qabel ma tieħu Adempas.
Jekk qed twaqqaf Adempas biex taqleb għal mediċina oħra li tissejjaħ inibitur ta’ PDE5 (eż. sildenafil jew tadalafil) trid tistenna mill-inqas 24 siegħa mill-aħħar doża tiegħek ta’ Adempas qabel ma tieħu l-inibitur ta’ PDE5.
Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.
Effetti sekondarji possibbli
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
L-iktar effetti sekondarji serji huma:
tisgħol id-demm (emoptisi) (effett sekondarju komuni, jista’ jaffettwa sa persuna waħda minn kull 10 persuni),
ħruġ ta’ demm akut mill-pulmun (emorraġija pulmonari) li jista’ jwasslek li tisgħol id-demm, kienu osservati każijiet b’eżitu fatali (effett sekondarju mhux komuni, jista’ jaffettwa sa persuna waħda minn kull 100 persuni).
Jekk dan iseħħ, ikkuntattja lit-tabib tiegħek immedjatament għax jista’ jkollok bżonn ta’ kura medika urġenti.
Lista globali ta’ effetti sekondarji possibbli:
Komuni ħafna: jistgħu jaffettwaw iktar minn persuna waħda minn kull 10
uġigħ ta’ ras
sturdament
indiġestjoni (dispepsja)
nefħa fir-riġlejn/dirgħajn (edima periferali)
dijarea
tħossok imdardar jew tirremetti (dardir u rimettar)
Komuni: jistgħu jaffettwaw sa persuna waħda minn kull 10
infjammazzjoni tal-istonku (gastrite)
infjammazzjoni fis-sistema diġestiva (gastroenterite)
tnaqqis ta’ ċelluli ħomor tad-demm (anemija) li huwa osservat bħala ġilda pallida, dgħufija jew qtugħ ta’ nifs
tħoss qalbek tħabbat b’mod irregolari, bil-qawwi jew b’mod mgħaġġel (palpitazzjoni)
pressjoni baxxa
tinfaraġ (epistassi)
diffikultà biex tieħu nifs minn imnieħrek (konġestjoni fl-imnieħer)
uġigħ fl-istonku, fl-imsaren jew fiż-żaqq (uġigħ gastrointestinali u addominali)
ħruq ta’ stonku (marda ta’ rifluss gastro-esofagali)
diffikultà biex tibla’ (disfaġja)
stitikezza
gass żejjed (nefħa fl-addome)
Rappurtar tal-effetti sekondarji
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali mniżżla f’Appendiċi V. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.
Kif taħżen Adempas
Żomm din il-mediċina fejn ma tidhirx u ma tintlaħaqx mit-tfal. Din il-mediċina m’għandhiex bżonn ħażna speċjali.
Tużax din il-mediċina wara d-data ta’ meta tiskadi li tidher fuq il-folja u l-kartuna wara “JIS”. Id-data ta’ meta tiskadi tirreferi għall-aħħar ġurnata ta’ dak ix-xahar.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Kontenut tal-pakkett u informazzjoni oħra X’fih Adempas
Is-sustanza attiva hi riociguat.
Adempas 0.5 mg pilloli miksija b’rita
Kull pillola miksija b’rita fiha 0.5 mg ta’ riociguat.
Adempas 1 mg pilloli miksija b’rita
Kull pillola miksija b’rita fiha 1 mg ta’ riociguat.
Adempas 1.5 mg pilloli miksija b’rita
Kull pillola miksija b’rita fiha 1.5 mg ta’ riociguat.
Adempas 2 mg pilloli miksija b’rita
Kull pillola miksija b’rita fiha 2 mg ta’ riociguat.
Adempas 2.5 mg pilloli miksija b’rita
Kull pillola miksija b’rita fiha 2.5 mg ta’ riociguat.
Is-sustanzi l-oħra huma:
Qalba tal-pillola: cellulose microcrystalline, crospovidone (tip B), hypromellose 5 cP, lactose monohydrate, magnesium stearate u sodium laurilsulfate (ara t-tmiem ta’ sezzjoni 2 għal informazzjoni addizzjonali dwar lactose).
Kisja b’rita: hydroxypropylcellulose, hypromellose 3 cP, propylene glycol (E 1520) u titanium
dioxide (E 171).
Il-pilloli Adempas 1 mg u 1.5 mg fihom ukoll iron oxide isfar (E 172).
Il-pilloli Adempas 2 mg u 2.5 mg fihom ukoll iron oxide isfar (E172) u iron oxide aħmar (E 172).
Kif jidher Adempas u l-kontenut tal-pakkett
Adempas hu pillola miksija b’rita:
Adempas 0.5 mg pilloli miksija b’rita
Pillola ta’ 0.5 mg: pilloli bojod, tondi u bikonvessi ta’ 6 mm, immarkati bis-salib ta’ Bayer fuq naħa waħda, u b’0.5 u “R” fuq in-naħa l-oħra.
Adempas 1 mg pilloli miksija b’rita
Pillola ta’ 1 mg: pilloli ta’ lewn isfar ċar, tondi u bikonvessi ta’ 6 mm, immarkati bis-salib ta’ Bayer fuq naħa waħda, u b’1 u “R” fuq in-naħa l-oħra.
Adempas 1.5 mg pilloli miksija b’rita
Pillola ta’ 1.5 mg: pilloli ta’ lewn isfar-oranġjo, tondi u bikonvessi ta’ 6 mm, immarkati bis- salib ta’ Bayer fuq naħa waħda, u b’1.5 u “R” fuq in-naħa l-oħra.
Adempas 2 mg pilloli miksija b’rita
Pillola ta’ 2 mg: pilloli ta’ lewn oranġjo ċar, tondi u bikonvessi ta’ 6 mm, immarkati bis-salib ta’ Bayer fuq naħa waħda, u b’2 u “R” fuq in-naħa l-oħra.
Adempas 2.5 mg pilloli miksija b’rita
Pillola ta’ 2.5 mg: pilloli ta’ lewn aħmar-oranġjo, tondi u bikonvessi ta’ 6 mm, immarkati bis- salib ta’ Bayer fuq naħa waħda, u b’2.5 u “R” fuq in-naħa l-oħra.
Huma disponibbli f’pakketti ta’:
42 pillola: żewġ folji transparenti b’kalendarju ta’ 21 pillola kull waħda.
84 pillola: erba’ folji transparenti b’kalendarju ta’ 21 pillola kull waħda.
90 pillola: ħames folji transparenti ta’ 18-il pillola kull waħda.
294 pillola: erbatax-il folja transparenti b’kalendarju ta’ 21 pillola kull waħda. Jista’ jkun li mhux il-pakketti tad-daqsijiet kollha jkunu fis-suq.
Detentur tal-Awtorizzazzjoni għat-Tqegħid fis-Suq
Bayer AG
51368 Leverkusen Il-Ġermanja
Manifattur
Bayer AG
Kaiser-Wilhelm-Allee 51368 Leverkusen
Il-Ġermanja
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur
tal-Awtorizzazzjoni għat-Tqegħid fis-Suq.
België / Belgique / Belgien
MSD Belgium
Tél/Tel: +32(0)27766211
Lietuva
UAB Merck Sharp & Dohme Tel: + 370 5 2780247
България
Мерк Шарп и Доум България ЕООД Teл.: + 359 2 819 37 37
Luxembourg / Luxemburg
MSD Belgium
Tel/Tél: +32(0)27766211
Česká republika
Merck Sharp & Dohme s.r.o. Tel.: +420 233 010 111
Magyarország
MSD Pharma Hungary Kft. Tel.: + 36 1 888-5300
Danmark
MSD Danmark ApS Tlf: + 45 4482 4000
Malta
Merck Sharp & Dohme Cyprus Limited Tel: 8007 4433 (+356 99917558)
Deutschland
MSD Sharp & Dohme GmbH
Tel: 0800 673 673 673 (+49 (0) 89 4561 0)
Nederland
Merck Sharp & Dohme B.V.
Tel: 0800 9999 000 (+ 31 23 5153153)
Eesti
Merck Sharp & Dohme OÜ Tel: + 372 6144 200
Norge
MSD (Norge) AS Tlf: + 47 32 20 73 00
Ελλάδα
MSD Α.Φ.Β.Ε.Ε
Τηλ: + 30 210 98 97 300
Österreich
Merck Sharp & Dohme Ges.m.b.H.
Tel: +43 (0) 1 26 044
España
Merck Sharp & Dohme de España, S.A. Tel: +34 91 321 06 00
Polska
MSD Polska Sp.z o.o. Tel.: +48 22 549 51 00
France
MSD France
TÉL : + 33 (0) 1 80 46 40 40
Portugal
Merck Sharp & Dohme, Lda Tel: + 351 214465700
Hrvatska
Merck Sharp & Dohme d.o.o. Tel: + 385 1 6611 333
România
Merck Sharp & Dohme Romania S.R.L. Tel: + 40 21 529 29 00
Ireland
Merck Sharp & Dohme Ireland (Human Health) Limited
Tel: +353 (0)1 2998700
Slovenija
Merck Sharp & Dohme, inovativna zdravila d.o.o.
Tel: + 386 1 5204201
Ísland
Vistor hf.
Sími: + 354 535 7000
Slovenská republika
Merck Sharp & Dohme, s. r. o. Tel: + 421 2 58282010
Italia
MSD Italia S.r.l.
Tel: +39 06 361911
medicalinformation.it@merck.com
Suomi/Finland
MSD Finland Oy
Puh/Tel: + 358 (0)9 804650
Κύπρος
Merck Sharp & Dohme Cyprus Limited Τηλ: 800 00 673 (+357 22866700)
Sverige
Merck Sharp & Dohme (Sweden) AB Tel: + 46 77 5700488
Latvija
SIA Merck Sharp & Dohme Latvija Tel: + 371 67364224
United Kingdom (Northern Ireland)
Merck Sharp & Dohme Ireland (Human Health) Limited
Tel: +353 (0)1 2998700
Dan il-fuljett kien rivedut l-aħħar f’