Comtess
entacapone
entacapone
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara anke jekk għandhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4.
X’inhu Comtess u għalxiex jintuża
X’għandek tkun taf qabel ma tieħu Comtess
Kif għandek tieħu Comtess
Effetti sekondarji possibbli
Kif taħżen Comtess
Kontenut tal-pakkett u informazzjoni oħra
Il-pilloli Comtess fihom entacapone u jintużaw flimkien ma’ levodopa għat-trattament tal-marda ta’ Parkinson. Comtess jgħin lil levodopa fis-serħan tas-sintomi tal-marda ta’ Parkinson. Comtess m’għandu l-ebda effett fuq is-serħan tas-sintomi tal-marda ta’ Parkinson sakemm ma jitteħidx ma’ levodopa.
jekk inti allerġiku għal entacapone jew għal karawett jew soja jew għal xi sustanza oħra ta’ din il-mediċina (imniżżla fis-sezzjoni 6);
jekk għandek tumur fil-glandola adrenali (magħruf bħala fejokromoċitoma; dan jista’ jżid ir- riskju ta’ żieda fil-pressjoni tad-demm b’mod sever);
jekk int qed tieħu ċerti mediċini kontra d-depressjoni (saqsi lit-tabib jew lill-ispiżjar tiegħek jekk il-mediċina tiegħek ta’ kontra d-depressjoni tistax tittieħed flimkien ma’ Comtess);
jekk għandek mard fil-fwied;
jekk qatt kellek reazzjoni rari għall-mediċini antipsikotiċi msejħa sindrome newrolettiku malinn (NMS - neuroleptic malignant syndrome). Ara sezzjoni 4 Effetti sekondarji possibbli għall-karatteristiċi ta’ NMS;
jekk qatt sofrejt minn disturb rari fil-muskoli msejjaħ rabdomijolisi li mhux ikkawżat minn korriment.
Kellem lit-tabib jew lill-ispiżjar tiegħek qabel tieħu Comtess:
jekk xi darba kellek attakk tal-qalb jew xi mard ieħor tal-qalb;
jekk qed tieħu mediċina li tista’ twassal għal sturdament jew li tħossok dgħajjef (pressjoni tad- demm baxxa) meta tqum minn fuq siġġu jew sodda;
jekk ikollok dijarea għal tul ta’ żmien kellem lit-tabib tiegħek minħabba li dan jista’ jkun sinjal ta’ infjammazzjoni tal-musrana;
jekk taqbdek dijarea, huwa rrakkomandat li tintiżen b’mod regolari sabiex tevita telf eċċessiv
tal-piż;
jekk jiżdidulek in-nuqqas ta’ aptit, id-dgħufija, it-telqa u t-telf tal-piż f’perjodu relattivament qasir, għandha titqies evalwazzjoni medika ġenerali inkluż tal-funzjoni tal-fwied.
Għid lit-tabib tiegħek jekk inti jew il-familja tiegħek/persuna li tieħu ħsiebek tinnota li qed tiżviluppa xewqat jew kilbiet sabiex iġġib ruħek b’mod li mhux tas-soltu għalik jew jekk ma tistax tirreżisti l- impuls, ix-xewqa jew it-tentazzjoni li twettaq ċertu attivitajiet li jistgħu jkunu ta’ ħsara għalik jew għall-oħrajn. Dawn l-imġibiet jissejħu disturbi tal-kontroll tal-impulsi u jistgħu jinkluduvizzju tal- logħob għall-flus, ikel jew infiq żejjed, ħajra kbira u mhux normali għas-sess jew tinkwieta minħabba żieda fil-ħsibijiet jew ħsus sesswali. It-tabibtiegħekjista’jkollubżonnjirrevedit-trattamentiliqed tingħata.
Minħabba li l-pilloli Comtess se jittieħdu flimkien ma’ mediċini oħrajn b’levodopa, jekk jogħġbok aqra wkoll sew il-fuljett ta’ tagħrif ta’ dawn il-mediċini.
Id-doża ta’ mediċini oħrajn biex jittrattaw il-marda ta’ Parkinson jista’ jkollha bżonn tiġi aġġustata meta tibda tieħu Comtess. Segwi l-istruzzjonijiet li tak it-tabib tiegħek.
Is-Sindrome Newrolettiku Malinn (NMS) huwa reazzjoni serja imma rari għal ċerti mediċini, u jista’ jseħħ speċjalment meta Comtess u mediċini oħrajn biex jittrattaw il-marda ta’ Parkinson jitwaqqfu ħesrem jew id-doża titnaqqas f’daqqa. Għall-karatteristiċi ta’ NMS ara Sezzjoni 4 Effetti sekondarji possibbli. It-tabib tiegħek jista’ jagħtik il-parir biex twaqqaf bil-mod it-trattament b’Comtess u b’mediċini oħrajn maħsuba biex jittrattaw il-marda ta’ Parkinson.
It-teħid ta’ Comtess ma’ levodopa jista’ jqabbdek in-ngħas u jġiegħlek xi kultant issib ruħek qed tongħos f’daqqa waħda. Jekk dan iseħħ m’għandekx issuq jew tuża kwalunkwe għodda jew magni (ara “Sewqan u tħaddim ta’ magni”).
Għid lit-tabib jew lill-ispiżjar tiegħek jekk qiegħed tieħu, ħadt dan l-aħħar jew tista’ tieħu xi mediċini oħra. B’mod partikulari jekk jogħġbok għid lit-tabib tiegħek jekk qed tieħu kwalunkwe wieħed minn
dawn li ġejjin:
rimiterole, isoprenaline, adrenaline, noradrenaline, dopamine, dobutamine, alpha-methyldopa, apomorphine;
antidepressanti inkluż desipramine, maprotiline, venlafaxine, paroxetine;
warfarin użat biex iraqqaq id-demm;
suppliment ta’ ħadid. Comtess jista’ jagħmilha aktar diffiċli biex ġismek ikisser u jassorbi l- ħadid. Allura, tiħux Comtess u supplimenti ta’ ħadid fl-istess ħin. Wara li tieħu wieħed minnhom, stenna mill-inqas sagħtejn jew 3 sigħat qabel ma tieħu l-ieħor.
Tużax Comtess waqt it-tqala jew jekk qed tredda’.
Jekk inti tqila jew qed tredda’, taħseb li tista tkun tqila jew qed tippjana li jkollok tarbija, itlob il-parir tat-tabib jew tal-ispiżjar tiegħek qabel tieħu din il-mediċina.
Comtess meħud flimkien ma’ levodopa jista’ jbaxxilek il-pressjoni tad-demm, li tista’ twasslek biex
tħossok dgħajjef jew tistordi. Oqgħod attent ħafna meta ssuq jew tagħmel użu minn għodda jew tħaddem magni.
Barra minn hekk, it-teħid ta’ Comtess ma’ levodopa jista’ jqabbdek ħafna ngħas, jew iġiegħlek xi kultant tongħos f’daqqa waħda.
Issuqx jew tħaddem magni jekk tesperjenza dawn l-effetti sekondarji.
Comtess fih soya lecithin. Jekk inti allerġiku għal karawett jew soja, m’għandekx tuża dan il-prodott mediċinali.
Din il-mediċina fiha 7.9 mg sodium (il-komponent prinċipali tal-melħ tat-tisjir/li jintuża mal-ikel) f’kull pillola. Id-doża massima rakkomandata ta’ kuljum (10 pilloli) fiha 79 mg ta’ sodium. Dan huwa ekwivalenti għal 4% tal-ammont massimu rakkomandat ta’ sodium li għandu jittieħed kuljum mad- dieta minn adult.
Dejjem għandek tieħu din il-mediċina skont il-parir eżatt tat-tabib jew l-ispiżjar tiegħek. Iċċekja mat- tabib jew mal-ispiżjar tiegħek jekk ikollok xi dubju.
Comtess jittieħed flimkien ma’ mediċini li fihom levodopa (taħlitiet ta’ levodopa/carbidopa jew taħlitiet ta’ levodopa/benserazide). Tista’ tuża wkoll mediċini oħra biex jittrattaw il-marda ta’ Parkinson fl-istess ħin.
Id-doża rakkomandata ta’ Comtess is-soltu tkun pillola waħda ta’ 200 mg ma’ kull doża ta’ levodopa. Id-doża massima rrakkomandata hija ta’ 10 pilloli kuljum, i.e. 2,000 mg ta’ Comtess.
Jekk qed tirċievi dijalisi għal insuffiċjenza tal-kliewi, it-tabib tiegħek jista’ jgħidlek biex iżżid l- intervall bejn doża u oħra.
Biex tiftaħ il-flixkun għall-ewwel darba: iftaħ l-għatu, u mbagħad agħfas is-siġill bis-saba’ l-kbir sakemm jinqasam. Ara stampa 1.
Stampa 1
L-esperjenza b’Comtess f’pazjenti taħt it-18-il sena hija limitata. Għaldaqstant, l-użu ta’ Comtess fit-
tfal jew adolexxenti ma jistax ikun irrakkomandat.
Fil-każ ta’ doża eċċessiva, ikkonsulta mat-tabib tiegħek, l-ispiżjar tiegħek jew mur fl-eqreb sptar
immedjatament.
Jekk tinsa tieħu l-pillola ta’ Comtess mad-doża ta’ levodopa, għandek tkompli t-trattament billi tieħu l- pillola ta’ Comtess li jmiss mad-doża ta’ levodopa li jmiss.
M’għandekx tieħu doża doppja biex tpatti għal kull pillola li tkun insejt tieħu.
Tiqafx tieħu Comtess sakemm ma jkunx qallek it-tabib tiegħek.
Meta tieqaf, it-tabib tiegħek għandu mnejn ikollu bżonn jaġġusta mill-ġdid id-dożi tal-mediċini l-oħra biex jittrattaw il-marda ta’ Parkinson. Jekk tieqaf ħesrem tieħu Comtess u mediċini oħrajn għat- trattament tal-marda ta’ Parkinson jista’ jwassal għal effetti sekondarji mhux mixtieqa. Ara Sezzjoni 2 Twissijiet u prekawzjonijiet.
Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd. Ġeneralment effetti sekondarji kkawżati b’Comtess ikunu minn ħfief għal moderati.
Uħud mill-effetti sekondarji ħafna drabi jseħħu minħabba żieda fl-effetti tat-terapija b’levodopa u ssibhom l-aktar malli tibda tingħata t-trattament. Jekk ikollok dawn l-effetti hekk kif tibda tieħu t- trattament b’Comtess, għandek tkellem lit-tabib tiegħek li jista’ jiddeċiedi jbiddillekx id-doża li ngħatatlek ta’ levodopa.
Komuniħafna(jista’jaffettwaaktarminnpersunawaħdaminnkull10):
Moviment mhux kontrollabbli b’diffikultà fit-twettiq ta’ movimenti volontarji (diskajneżja);
tħossok imqalla’ (dardir);
tibdil fil-kulur tal-awrina għal kannella jagħti fl-aħmar li ma jagħmilx ħsara.
Komuni (jista’jaffettwasapersunawaħdaminnkull10):
Movimenti eċċessivi (iperkineżji), is-sintomi tal-marda ta’ Parkinson imorru għall-agħar, bugħawwieġ għal tul ta’ ħin (distonja);
rimettar, dijarea, uġigħ addominali, stitikezza, ħalq xott;
sturdament, għeja, żieda fl-għaraq, waqa’;
alluċinazzjonijiet (tara/tisma’/tħoss/ixxomm affarijiet li mhux vera qegħdin hemm), nuqqas ta’ rqad, ħolm vivaċi, u konfużjoni;
episodji ta’ mard tal-qalb jew tal-arterji (eż. uġigħ fis-sider).
Mhuxkomuni (jista’jaffettwasapersunawaħdaminnkull100):
Attakk tal-qalb.
Rari(jista’jaffettwasapersunawaħdaminnkull1,000):
Raxx;
testijiet tal-funzjoni tal-fwied jiġu anormali.
Rariħafna (jista’jaffettwasapersunawaħdaminnkull10,000):
Aġitazzjoni;
nuqqas ta’ aptit, telf tal-piż;
ħorriqija.
Mhuxmagħruf(matistaxtingħatastimatal-frekwenzamid-datadisponibbli):
Infjammazzjoni tal-musrana (kolite), infjammazzjoni tal-fwied (epatite) li twassal biex il-ġilda u l-abjad tal-għajnejn jisfaru;
bidla fil-kulur tal-ġilda, tax-xagħar, tal-leħja u tad-dwiefer.
MetaComtessjingħataf’dożigħoljin:
Fil-każ ta’ dożi ta’ bejn 1,400 u 2,000 mg kuljum, l-effetti sekondarji li ġejjin huma aktar komuni:
Movimenti mhux kontrollabbli;
dardir;
uġigħ addominali.
Effettisekondarjioħrajnimportantilijistgħujseħħu:
Meta Comtess jittieħed ma’ levodopa jista’, għalkemm rari, iqabbdek ħafna ngħas matul il- ġurnata, u jġiegħlek torqod f’daqqa;
Is-Sindrome Newrolettiku Malinn (NMS) huwa reazzjoni serja imma rari għal mediċini użati biex jittrattaw disturbi tas-sistema nervuża. Il-karatteristiċi tiegħu huma riġidità, ġbid ta’ muskoli, tregħid u aġitazzjoni, konfużjoni, koma, temperatura għolja tal-ġisem, żieda fir-rata tal-qalb u pressjoni tad-demm mhux stabbli;
disturb rari u gravi fil-muskolu (rabdomijolisi) li jwassal għal uġigħ, sensibbiltà u dgħufija tal- muskoli u jista’ jwassal għal problemi fil-kliewi.
Tista’tesperjenzal-effettisekondarjiliġejjin:
Nuqqas ta’ ħila li tirreżisti l-impuls li twettaq azzjoni li tista’ tkun ta’ ħsara, li tista’ tinkludi:
impuls qawwi għal-logħob ta’ flus-eċċessiv minkejja konsegwenzi personali u familjari serji;
tibdil jew żieda fl-interess u l-imġiba sesswali li jħassbu ħafna lilek jew lill-oħrajn, pereżempju, kilba sesswali qawwija;
xiri jew infiq eċċessivi u bla kontroll;
ikel bl-addoċċ (tiekol porzjonijiet kbar ta’ ikel f’ħin qasir) jew ikel b’mod kompulsiv (tiekol ikel aktar min-normal u aktar milli teħtieġ biex taqta’ l-ġuħ).
Għid lit-tabib tiegħek jekk tesperjenza kwalunkwe waħda minn dawn l-imġibiet; dan jiddiskuti modi kif jimmaniġġja jew inaqqas s-sintomi tiegħek.
Rappurtartal-effettisekondarji
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament
permezz tas-sistema ta’ rappurtar nazzjonali imniżżla f’Appendiċi V. Billi tirrapporta l-effetti
sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq il-kartuna u fuq it-tikketta tal-flixkun. Id-data ta’ meta tiskadi tirreferi għall-aħħar ġurnata ta’ dak ix-xahar.
Dan il-prodott mediċinali m’għandux bżonn ħażna speċjali.
Tarmix mediċini mal-ilma tad-dranaġġ. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi entacapone. Kull pillola fiha 200 mg entacapone.
Is-sustanzi mhux attivi l-oħra fil-qalba tal-pillola huma microcrystalline cellulose, croscarmellose sodium, povidone u magnesium stearate.
Il-kisja b’rita fiha polyvinyl alcohol parzjalment idrolizzat, talc, macrogol, soya lecithin, iron
oxide isfar (E 172), iron oxide aħmar (E 172) u titanium dioxide (E 171).
Comtess 200 mg pilloli miksija b’rita huma pilloli ovali ta’ kulur oranġjo jagħti fil-kannella, b’
"COMT" imnaqqxa fuq naħa waħda. Jiġu fi fliexken.
Hemm erba’ daqsijiet differenti tal-pakkett (fliexken li fihom 30, 60, 100 jew 175 pillola). Jista’ jkun li mhux il-pakketti tad-daqsijiet kollha jkunu fis-suq.
Orion Corporation Orionintie 1
FI-02200 Espoo
Il-Finlandja
Orion Corporation Orion Pharma Joensuunkatu 7
FI-24100 Salo
Il-Finlandja
Orion Corporation Orion Pharma Orionintie 1
FI-02200 Espoo
Il-Finlandja
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
UAB Orion Pharma Tel: +370 5 276 9499
Orion Corporation Тел.: +358 10 4261
Orion Pharma A/S Tlf: +45 8614 0000
Orion Corporation Tel: +358 10 4261
Orion Pharma GmbH Jürgen-Töpfer-Straße 46
22763 Hamburg
Tel: +49 40 899 689-0
Orion Corporation Tel: +358 10 4261
Orion Pharma Eesti OÜ Tel: +372 66 44 550
Orion Pharma AS Tlf.: +47 40 00 42 10
Orion Corporation Tηλ: +358 10 4261
Orion Corporation Tel: +358 10 4261
Orion Corporation Tel: +358 10 4261
Orion Pharma Poland Sp. z o.o. Tel.: +48 22 8333177
Orion Corporation Tél.: +358 10 4261
Orion Corporation Tel: +358 10 4261
Orion Corporation Tel: +358 10 4261
Orion Corporation
Tel: +358 10 4261
Orion Pharma (Ireland) Ltd. c/o Allphar Services Ltd. Tel: +353 1 428 7777
Orion Corporation Tel: +358 10 4261
Vistor hf.
Sími: +354 535 7000
Orion Corporation Tel: +358 10 4261
Orion Corporation Puh./Tel: +358 10 4261
Orion Corporation Tηλ: +358 10 4261
Orion Pharma AB Tel: +46 8 623 6440
Orion Corporation
Orion Pharma pārstāvniecība Tel: +371 20028332
Orion Pharma (Ireland) Ltd. c/o Allphar Services Ltd. Tel: +353 1 428 7777