Fuljett ta’ tagħrif: Informazzjoni għall-utent

NeoRecormon 500 IU

NeoRecormon 2000 IU

NeoRecormon 3000 IU

NeoRecormon 4000 IU

NeoRecormon 5000 IU

NeoRecormon 6000 IU

NeoRecormon 10,000 IU

NeoRecormon 20,000 IU

NeoRecormon 30,000 IU

Soluzzjoni għall-injezzjoni f’siringa mimlija għal-lest

epoetin beta

Aqra sew dan il-fuljett kollu qabel tibda tuża din il-mediċina peress li fih informazzjoni importanti għalik.

• Żomm dan il-fuljett. Jista’ jkollok bżonn terġa’ taqrah.

• Jekk ikollok aktar mistoqsijiet, staqsi lit-tabib jew lill-ispiżjar tiegħek.

• Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara anke jekk għandhom l-istess sinjali ta’ mard bħal tiegħek.

• Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett

sekondarju possibbli li mhuwiex elenkat f’dan il-fuljett. Ara sezzjoni 4.

F’dan il-fuljett:

1. X’inhu NeoRecormon u għalxiex jintuża

2. X’għandek tkun taf qabel ma tuża NeoRecormon

3. Kif għandek tuża NeoRecormon

4. Effetti sekondarji possibbli

5. Kif taħżen NeoRecormon

6. Kontenut tal-pakkett u informazzjoni oħra

1. X’inhu NeoRecormon u għalxiex jintuża

   
   

   NeoRecormon huwa soluzzjoni ċara u bla kulur għall-injezzjoni taħt il-ġilda (użu għal taħt il-ġilda) jew ġo vina (użu għal ġol-vini). Fih ormon imsejjaħ epoetin beta, li jistimula l-produzzjoni ta’ ċelluli ħomor tad-demm. Epoetin beta huwa magħmul minn teknoloġija ġenetika speċjalizzata u jaħdem bl- istess mod eżatt bħall-ormon naturali, eritropoetin.

   
   

   NeoRecormon huwa indikat għal:

   
   

   • Kura ta’ anemija sintomatika kkawżata minn mard kroniku tal-kliewi (anemija renali) f’pazjenti fuq id-dijalisi, jew li għad mhux fuq id-dijalisi.

   • Prevenzjoni ta’ anemija fi trabi prematuri (b’piż bejn 750 u 1500 g u li twieldu qabel l-

     34 ġimgħa).

   • Kura ta’ anemija b’sintomi relatati f’pazjenti adulti bil-kanċer li qed jirċievu

     kimoterapija.

   • Kura ta’ persuni li jagħtu d-demm tagħhom qabel kirurġija. L-injezzjonijiet ta’ epoetin

     beta jżidu l-ammont ta’ demm li jkun jista’ jittieħed mill-ġisem tiegħek qabel il-kirurġija u mogħti lura waqt jew wara l-kirurġija (din hija trasfużjoni awtologa).

2. X’għandek tkun taf qabel ma tuża NEORECORMON

   
   

   Tużax NeoRecormon:

   • jekk inti allerġiku għal epoetin beta jew għal xi sustanza oħra ta’ din il-mediċina (imniżżla fis- sezzjoni 6)

   • jekk għandek problemi bil-pressjoni tad-demm li ma jistgħux jiġu kkontrollati;

   • jekk qed tagħti d-demm tiegħek qabel il-kirurġija, u:

     • kellek attakk tal-qalb jew puplesija fix-xahar ta’ qabel il-kura

     • għandek anġina pektoris mhux stabbli – uġigħ fis-sider ġdid jew li qed iżid

     • tinsab f’riskju ta’ formazzjoni ta’ demm magħqud fil-vini (trombożi fil-vini l-fondi) – per

   eżempju, jekk kellek tgħaqqid fid-demm qabel.

   Jekk xi waħda minn dawn tapplika għalik, jew tista’ tapplika għalik, għid lit-tabib tiegħek

   immedjatament.

   
   

   Twissijiet u prekawzjonijiet

   Kellem lit-tabib tiegħek qabel ma tuża NeoRecormon

   • jekk it-tarbija tiegħek teħtieġ kura b’NeoRecormon, it-tarbija tiegħek se tiġi ssorveljata b’attenzjoni għal kwalunkwe effetti potenzjali fuq l-għajnejn

   • jekk l-anemija li għandek ma titjiebx bil-kura b’epoetin

   • jekk għandek livelli baxxi ta’ ċerti vitamini B (folic acid jew vitamina B12)

   • jekk għandek livelli għoljin ħafna ta’ aluminju fid-demm

   • jekk l-għadd ta’ plejtlits fid-demm tiegħek huwa għoli

   • jekk għandek mard kroniku tal-fwied

   • jekk għandek epilessija

   • jekk żviluppajt antikorpi kontra l-eritropoetin u aplasia pura taċ-ċelluli l-ħomor (produzzjoni taċ-ċelluli l-ħomor tad-demm imnaqqsa jew imwaqqfa ) waqt esposizzjoni preċedenti għal xi sustanza eritropoetika. F’dan il-każ m’għandekx tibda tingħata NeoRecormon.

   
   

   Oqgħod attent ħafna bi prodotti oħra li jistimulaw il-produzzjoni ta’ ċelluli ħomor tad-demm: NeoRecormon huwa wieħed minn grupp ta’ prodotti li jistimulaw il-produzzjoni ta’ ċelluli ħomor tad- demm kif jagħmel l-eritropoetin uman magħmul mill-proteina. It-tabib tiegħek dejjem se jieħu nota

   tal-prodott eżatt li qed tuża.

   
   

   Kien hemm rapporti ta’ reazzjonijiet serji tal-ġilda fosthom is-sindrome ta’ Stevens-Johnson (SJS) u

   nekroliżi epidermali tossika (TEN) b’rabta ma’ kura b’epoetini.

   
   

   Fil-bidu SJS/TEN tista’ tidher bħala tikek ħomor qishom targits jew dbabar tondi ħafna drabi bi nfafet ċentrali fuq it-tronk. Barra minn hekk, jista’ jkun hemm ulċeri fil-ħalq, fil-griżmejn, fl-imnieħer, fuq

   il-ġenitali u fl-għajnejn (għajnejn ħomor u minfuħin). Ħafna drabi dawn ir-raxxijiet serji tal-ġilda jiġu

   ppreċeduti minn deni u/jew sintomi li jixbhu lil dawk tal-influwenza. Ir-raxxijiet jistgħu jipprogressaw għal tqaxxir mifrux tal-ġilda u kumplikazzjonijiet ta’ periklu għall-ħajja.

   
   

   Jekk tiżviluppa raxx serju jew xi sintomu ieħor tal-ġilda minn dawn, ieqaf ħu NeoRecormon u

   kkuntattja lit-tabib tiegħek jew fittex attenzjoni medika minnufih.

   
   

   Twissija Speċjali

   Waqt kura b’NeoRecormon

   
   

   Jekk inti pazjent b’marda kronika tal-kliewi, u speċjalment jekk ma tirrispondix b’mod xieraq għal NeoRecormon, it-tabib tiegħek se jiċċekkja d-doża tiegħek ta’ NeoRecormon għax jekk ma tkunx qed tirrispondi għall-kura żieda ripetuta tad-doża tiegħek ta’ NeoRecormon tista’ żżid ir-riskju li jkollok problemi tal-qalb jew tal-kanali tad-demm u tista’ żżid ir-riskju ta’ infart mijokardijaku, puplesija u mewt.

   Jekk inti pazjent bil-kanċer, għandek tkun taf li NeoRecormon jista’ jaħdem bħala fattur tat-tkabbir taċ-ċelluli tad-demm u f’xi ċirkustanzi jista’ jkollu effett negattiv fuq il-kanċer tiegħek. Skont is- sitwazzjoni individwali tiegħek, trasfużjoni tad-demm għandu mnejn tkun ippreferuta. Jekk jogħġbok iddiskuti dan mat-tabib tiegħek.

   
   

   Jekk inti pazjent nefrosklerotiku u m’intix qiegħed fuq id-dijalisi, it-tabib tiegħek se jiddeċiedi jekk il- kura hijiex tajba għalik. Dan għaliex wieħed ma jistax iwarrab b’ċertezza assoluta l-possibilità ta’ aċċelerazzjoni tal-progressjoni tal-marda tal-kliewi.

   
   

   It-tabib tiegħek jista’ jwettaq testijiet tad-demm regolari sabiex jiċċekkja:

   • il-livelli ta’ potassju tiegħek. Jekk għandek livell ta’ potassju għoli jew li qed jiżdied it-tabib tiegħek jista’ jerġa jikkonsidra l-kura tiegħek

   • l-għadd ta’ plejtlits tiegħek. In-numru ta’ plejtlits jista’ jiżdied bi ftit jew b’ammont moderat

     waqt it-trattament bl-epoetin, u dan jista’ jikkawża bdil fit-tgħaqqid tad-demm.

     
     

     Jekk inti pazjent tal-kliewi taħt emodijalisi, it-tabib tiegħek jista’ jbiddel id-doża tiegħek ta’ eparina. Dan għandu jevita l-imblukkar fit-tubi tas-sistema tad-dijalisi.

     
     

     Jekk inti pazjent tal-kliewi taħt emodijalisi u qiegħed f’riskju ta’ trombożi tax-shunt, jistgħu jifforma tgħaqqid tad-demm (trombożi) fix-shunt (vina jew arterja użata għal konnessjoni mas-sistema ta’ dijalisi) tiegħek. It-tabib tiegħek jista’ jippreskrivi acetylsalicylic acid jew jimmodifika x-shunt.

     
     

     Jekk qed tagħti d-demm tiegħek qabel kirurġija, it-tabib tiegħek ikollu bżonn:

   • jara li inti kapaċi tagħti d-demm, speċjalment jekk tiżen inqas minn 50 kg

   • jara li għandek livell suffiċjenti ta’ ċelluli l-ħomor tad-demm (emoglobina ta’ mill-inqas 11 g/dl)

   • jiżgura li jingħata biss 12% tad-demm tiegħek f’daqqa.

   
   

   Tużax NeoRecormon ħażin:

   L-użu ħażin ta’ NeoRecormon minn persuni f’saħħithom jista’ jwassal għal żieda fiċ-ċelluli tad-demm

   u bħala konsegwenza jħaxxen id-demm. Dan jista’ mbgħad iwassal għall-kumplikazzjonijiet tal-qalb jew tal-vini jew arterji li jistgħu jipperikolaw il-ħajja.

   
   

   Mediċini oħra u NeoRecormon

   Għid lit-tabib jew lill-ispiżjar tiegħek jekk qed tieħu, ħadt dan l-aħħar jew tista’ tieħu xi mediċini oħra,

   anki dawk mingħajr riċetta.

   
   

   Tqala, treddigħ u fertilità

   M’hemmx wisq esperjenza b’NeoRecormon f’nisa tqal jew f’nisa li jkunu qed ireddgħu. Itlob il-parir

   tat-tabib jew tal-ispiżjar tiegħek qabel tieħu xi mediċina.

   NeoRecormon ma wera l-ebda evidenza ta’ indeboliment fil-fertilità fl-annimali. Ir-riskju potenzjali

   għall-bnedmin mhux magħruf.

   
   

   Sewqan u tħaddim ta’ magni

   Ma ġew osservati l-ebda effetti fuq il-ħila biex issuq jew tħaddem magni.

   
   

   NeoRecormon fih phenylalanine u sodium

   Din il-mediċina fiha phenylalanine. Tista’ tagħmel ħsara lill-persuni b’phenylketonuria.

   Jekk għandek phenylketonuria, kellem lit-tabib tiegħek dwar il-kura tiegħek b’NeoRecormon.

   
   

   Din il-mediċina fiha anqas minn 1 mmol sodium (23 mg) f’kull doża, jiġifieri essenzjalment ‘ħielsa mis-sodium’.

3. Kif għandek tuża NeoRecormon

   
   

   Dejjem għandek tuża din il-mediċina skont il-parir eżatt tat-tabib tiegħek. Iċċekkja mat-tabib jew mal-

   ispiżjar tiegħek jekk ikollok xi dubju.

   
   

   It-tabib tiegħek se juża l-inqas doża effettiva biex jikkontrolla s-sintomi tal-anemija tiegħek.

   
   

   Jekk ma tirrispondix b’mod adegwat għal NeoRecormon, it-tabib tiegħek se jiċċekkja d-doża tiegħek u jinfurmak jekk għandek bżonn tbiddel id-dożi ta’ NeoRecormon.

   
   

   It-trattament b’NeoRecormon għandu jinbeda taħt is-superviżjoni tat-tabib tiegħek.

   Aktar injezzjonijiet jistgħu jingħataw mit-tabib tiegħek jew, wara li tkun ġejt imħarreġ, tista’ tinjetta NeoRecormon inti stess (ara l-istruzzjonijiet fit-tmiem ta’ dan il-fuljett).

   
   

   NeoRecormon jista’ jiġi injettat taħt il-ġilda fl-addome, fi driegħ jew koxxa, jew ġo vina. It-tabib tiegħek se jiddeċiedi liema hu l-aħjar għalik.

   
   

   It-tabib tiegħek se jagħmel testijiet tad-demm regolari biex jimmonitorja kif l-anemija tiegħek qed

   tirrispondi għat-trattament billi jkejjel il-livell tal-emoglobina tiegħek.

   
   

   Dożaġġ ta’ NeoRecormon

   Id-doża ta’ NeoRecormon tiddependi mill-kondizzjoni tal-marda, tiegħek mill-mod kif tingħata l-

   injezzjoni (taħt il-ġilda jew ġo vina) u mill-piż tal-ġisem tiegħek. It-tabib tiegħek se jikkalkula id-doża t-tajba għalik.

   
   

   It-tabib tiegħek se juża l-inqas doża effettiva biex jikkontrolla s-sintomi tal-anemija tiegħek.

   
   

   Jekk ma tirrispondix b’mod adegwat għal NeoRecormon, it-tabib tiegħek se jiċċekkja d-doża tiegħek u se jinfurmak jekk teħtieġ tibdel id-dożi ta’ NeoRecormon.

   • Anemija sintomatika kkawżata minn marda kronika tal-kliewi

     
     

     L-injezzjonijiet tiegħek jingħataw taħt il-ġilda jew ġo vina. Jekk is-soluzzjoni tingħata ġo vina din għandha tiġi injettata fuq medda ta’ madwar 2 minuti, eż. pazjenti fuq emodijalisi se jingħataw l- injezzjoni mill-fistula arterjovenuża fl-aħħar tad-dijalisi.

     Pazjenti mhux fuq emodijalisi, normalment jingħataw injezzjonijiet taħt il-ġilda.

     
     

     It-trattament b’NeoRecormon huwa maqsum f’żewġ stadji:

     
     

     1. Korrezzjoni tal-anemija

        Id-doża tal-bidu għall-injezzjoni taħt il-ġilda hija ta’ 20 IU kull injezzjoni għal kull 1 kg tal-piż ta’

        ġismek, mogħtija tliet darbiet fil-ġimgħa.

        Wara 4 ġimgħat, it-tabib iwettaq xi testijiet u, jekk ir-respons għall-kura mhux suffiċjenti, id-doża tista’ tiżdied għal 40 IU/kg f’kull injezzjoni, mogħtija tliet darbiet fil-ġimgħa. Jekk ikun neċessarju t- tabib jista’ jkompli jżid id-doża tiegħek f’intervalli ta’ xahar.

        Id-doża ta’ kull ġimgħa tista’ tinqasam ukoll f’dożi ta’ kuljum.

        Id-doża tal-bidu għall-injezzjonijiet ġol-vini hija ta’ 40 IU kull injezzjoni għal kull 1 kg tal-piż tal- ġisem tiegħek, mogħtija tliet darbiet kull ġimgħa.

        Wara 4 ġimgħat, it-tabib se jagħmel testijiet u, jekk ir-rispons għall-kura mhux suffiċjenti, id-doża tista’ tiżdied għal 80 IU/kg kull injezzjoni, mogħtija tliet darbiet fil-ġimgħa. It-tabib jista’ jkompli jżid id-doża f’intervalli ta’ xahar, jekk ikun hemm bżonn.

        Għaż-żewġ tipi ta’ injezzjoni, id-doża massima m’għandhiex tkun ta’ aktar minn 720 IU għal kull 1 kg tal-piż ta’ ġismek fil-ġimgħa.

     2. Manutenzjoni tal-livelli suffiċjenti taċ-ċelluli l-ħomor tad-demm

     Id-doża ta’ manutenzjoni: Meta ċ-ċelluli l-ħomor tad-demm jilħqu livell aċċettabbli, id-doża tkun imnaqqsa għal nofs id-doża wżata sabiex tiġi korretta l-anemija. Id-doża ta’ kull ġimgħa tista’ tingħata

     darba fil-ġimgħa, jew titqassam fi tliet jew seba’ dożi kull ġimgħa. Jekk il-livell taċ-ċelluli l-ħomor

     tad-demm tiegħek huwa stabbli fuq skeda ta’ dożaġġ ta’ darba fil-ġimgħa, l-amministrazzjoni tad-doża tiegħek tista’ titbiddel għal darba kull ġimagħtejn. F’dan il-każ tista’ tinħtieġ żjidiet fid-doża.

     
     

     Kull ġimgħa jew ġimagħtejn, it-tabib jista’ jaġġusta d-doża tiegħek sabiex isib id-doża ta’ manutenzjoni individwali għalik.

     It-tfal jibdew billi jsegwu l-istess linji gwida. Fi provi, it-tfal ġeneralment kienu jeħtieġu dożi akbar

     ta’ NeoRecormon (aktar kemm it-tfal ikunu żgħar, aktar ikun hemm bżonn ta’ doża kbira).

     Kura b’NeoRecormon normalment hija terapija fuq medda ta’ żmien twil. Madanakollu, jekk ikun

     neċessarju, din tista’ tiġi interrotta f’kwalunkwe ħin.

     
     

   • Anemija fi trabi prematuri

     
     

     L-injezzjonijiet huma mogħtija taħt il-ġilda.

     Id-doża tal-bidu hija 250 IU kull injezzjoni għal kull 1 kg li tiżen it-tarbija, tliet darbiet fil-ġimgħa. Trabi prematuri li ġew mogħtija trasfużjoni qabel il-bidu tal-kura b’NeoRecormon x’aktarx li ma

     jibbenefikawx daqs trabi li ma ġewx mogħtija trasfużjoni.

     
     

     It-tul rakkomandat ta’ kura huwa ta’ 6 ġimgħat.

     
     

   • Adulti b’anemija sintomatika li qed jingħataw kimoterapija għall-kanċer

     
     

     L-injezzjonijiet jingħataw taħt il-ġilda.

     
     

     Jekk il-livell tal-emoglobina tiegħek huwa 10 g/dL jew inqas, it-tabib tiegħek jista' jibda kura

     b’NeoRecormon.

     Wara l-bidu tat-terapija, it-tabib tiegħek se j¿omm il-livell tal-emoglobina tiegħek bejn 10 u 12 g/dL.

     
     

     Id-doża tal-bidu ta’ kull ġimgħa hija ta’ 30,000 IU. Din tista’ tingħata bħala injezzjoni waħda kull ġimgħa, jew tinqasam f’dożi bħala 3 sa 7 injezzjonijiet kull ġimgħa. It-tabib tiegħek se jieħu kampjuni tad-demm b’mod regolari. Huwa jista’ jżidlek jew inaqqaslek id-doża, jew jinterrompi l- kura skont ir-riżultati tat-testijiet. Il-valuri tal-emoglobina m’għandhomx jaqbżu l-valur ta’ 12 g/dL.

     
     

     It-terapija għandha titkompla għal mhux aktar minn 4 ġimgħat wara t-tmiem tal-kimoterapija.

     
     

     Id-doża massima m’għandhiex taqbeż 60,000 IU kull ġimgħa.

     
     

   • Persuni li jagħtu d-demm tagħhom qabel il-kirurġija

   
   

   L-injezzjonijiet jingħataw ġol-vina fuq medda ta’ żewġ minuti, jew taħt il-ġilda.

   
   

   Id-doża ta’ NeoRecormon tiddependi mill-kundizzjoni tiegħek, mil-livelli ta’ ċelluli ħomor tad- demm u mill-ammont ta’ demm li se jingħata qabel il-kirurġija.

   
   

   Id-doża kkalkulata mit-tabib tingħata darbtejn fil-ġimgħa għal 4 ġimgħat. Meta tagħti d-demm, NeoRecormon jingħatalek fl-aħħar tas-sessjoni ta’ donazzjoni.

   
   

   Id-doża massima m’għandhiex taqbeż

   • għall-injezzjonijiet ġol-vini: 1600 IU għal kull 1 kg tal-piż ta’ ġismek kull ġimgħa

   • għall-injezzjonijiet taħt il-ġilda: 1200 IU għal kull 1 kg tal-piż ta’ ġismek kull ġimgħa.

   Jekk tieħu NeoRecormon aktar milli suppost

   Iżżidx id-doża li tak it-tabib tiegħek. Jekk taħseb li injettajt NeoRecormon aktar milli suppost, informa lit-tabib tiegħek. Mhux probabbli li tkun xi ħaġa serja. Anki b’livelli għoljin ħafna fid-demm , ma ġew

   osservati l-ebda sintomi ta’ ivveleniment.

   
   

   Jekk tinsa tuża NeoRecormon

   Jekk qbiżt injezzjoni, jew injettajt ftit wisq, kellem lit-tabib tiegħek.

   
   

   M’għandekx tieħu doża doppja biex tpatti għal kull doża li tkun insejt tieħu.

   
   

   Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.

   
   

4. Effetti sekondarji possibbli

   
   

   Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.

   
   

   Effetti sekondarji li jistgħu jaffetwaw lil kull pazjent

   • Ħafna persuni (komuni ħafna jista’ jaffettwa aktar minn persuna waħda minn kull 10) jkollhom livelli ta’ ħadid fid-demm tagħhom aktar baxx. Kważi l-pazjenti kollha jkollhom jiġu kkurati b’supplimenti ta’ ħadid waqt it-terapija b’NeoRecormon.

   • Rari (jistgħu jaffettwaw sa persuna waħda minn kull 1,000) dehru allerġiji jew reazzjonijiet tal-ġilda, bħal raxx jew urtikarja, ħakk jew reazzjonijiet madwar is-sit tal- injezzjoni.

   • Rari ħafna (tista’ taffettwa sa persuna waħda minn kull 10,000) dehret forma severa ta’ reazzjoni allerġika, speċjalment eżatt wara l-injezzjoni. Din għandha tiġi kkurata mill-ewwel. Kellem lit-tabib tiegħek minnufih jekk ikollok tisfir mhux tas-soltu jew diffikultà fin-nifs; ilsienek, wiċċek jew griżmejk minfuħin, jew nefħa madwar is-sit tal-injezzjoni; jekk tħossok ħażin jew sturdut jew jekk tikkollassa.

   • Rari ħafna (jistgħu jaffettwaw sa persuna waħda minn kull 10,000) kien hemm persuni li esperjenzaw sintomi li jixbhu lil dawk tal-influwenza, speċjalment meta jkunu għadhom kemm bdew it-trattament. Dawn jinkludu deni, rogħda, uġigħ ta’ ras, uġigħ fir-riġlejn jew fid-dirgħajn, uġigħ fl-għadam u/jew tħossok ma tiflaħx b’mod ġenerali. Dawn ir-reazzjonijiet ġeneralment kienu ħfief għal moderati u marru wara ftit sigħat jew ġranet.

   • Kien hemm rapporti ta’ raxxijiet serji tal-ġilda fosthom is-sindrome ta’ Stevens-Johnson u

     nekroliżi epidermali tossika b’rabta ma’ kura b’epoetini. Dawn jistgħu jidhru bħala makuli

     ħomor qishom tarġit jew dbabar tondi ħafna drabi bi nfafet ċentrali fuq it-tronk, tqaxxir tal-ġilda, ulċeri fil-ħalq, fil-gerżuma, fl-imnieħer, fuq il-ġenitali u fl-għajnejn u jistgħu jkunu ppreċeduti

     minn deni u sintomi simili għal dawk tal-influwenza. Ieqaf uża NeoRecormon jekk tiżviluppa

     dawn is-sintomi u kkuntattja lit-tabib tiegħek jew fittex attenzjoni medika minnufih. Ara wkoll sezzjoni 2.

     
     

     Effetti sekondarji oħra f’persuni b’marda kronika fil-kliewi (anemija renali)

   • L-aktar effetti sekondarji komuni huma żieda fil-pressjoni tad-demm, pressjoni tad-demm għolja li tmur għall-agħar u wġigħ ta’ ras (komuni ħafna jistgħu jaffettwaw aktar minn persuna waħda minn kull 10). It-tabib tiegħek se jiċċekkja l-pressjoni tad-demm tiegħek regolarment, speċjalment fil-bidu tat-terapija. It-tabib tiegħek jista’ jikkura l-pressjoni tad- demm għolja permezz ta’ mediċinali jew billli jinterrompi temporanjament it-terapija b’NeoRecormon.

   • Kellem tabib immedjatament jekk ikollok uġigħ ta’ ras, speċjalment uġigħ ta’ ras f’daqqa, li ttektek u li tixbaħ lill-emigranja, konfużjoni, disturbi fil-kliem, mixi mhux stabbli, aċċessjoni jew konvulżjoni. Dawn jistgħu jkunu sinjali ta’ pressjoni tad-demm elevata b’mod sever (kriżi ipertensiva), anki jekk il-pressjoni tad-demm tiegħek normalment tkun normali jew baxxa. Din għandha tiġi kkurata mill-ewwel.

   • Jekk ikollok pressjoni tad-demm baxxa jew kumplikazzjonijiet tax-shunt, tista’ tkun f’riskju ta’ trombożi tax-shunt (tgħaqqid tad-demm ġol-vina jew arterja użata għall-konnessjoni mas-sistema tad-dijalisi).

   • Rari ħafna (tista’ taffettwa sa persuna waħda minn kull 10,000) kien hemm pazjenti li kellhom żieda fil-livelli ta’ potassju jew tal-fosfati fid-demm. Dan jista’ jiġi kkurat mit-tabib tiegħek.

   • Aplasija pura taċ-ċelloli l-ħomor (PRCA) ikkawżata minn antikorpi newtrallizzanti kienet osservata waqt terapija b’eritropoetin, inkluż każijiet iżolati waqt terapijab’NeoRecormon. PRCA jfisser li l-ġisem jieqaf jew inaqqas il-produzzjoni taċ-ċelluli l-ħomor tad-demm. Din tikkawża anemija severa, li s-sintomi tagħha jinkludu għejja mhux tas-soltu u nuqqas ta’ enerġija. Jekk ġismek jipproduċi antikorpi newtralizzanti, it-tabib tiegħek se jwaqqaf it-terapija b’NeoRecormon u jiddetermina l-aħjar azzjoni biex tkun ikkurata l-anemija tiegħek.

     
     

     Aktar effetti mhux mixtieqa f’adulti li qed jirċievu kimoterapija għall-kanċer

   • Kultant jistgħu jseħħu żieda fil-pressjoni tad-demm u wġigħ ta’ ras. It-tabib tiegħek jista’ jikkura l-pressjoni għolja tad-demm b’mediċini.

   • Kienet osservata żieda fl-okkorrenza ta’ tgħaqqid tad-demm.

     
     

     Effetti sekondarji oħra f’persuni li jagħtu d-demm tagħhom qabel kirurġija

   • Kienet osservata żieda żgħira fl-okkorrenza ta’ tgħaqqid tad-demm.

   
   

   Rappurtar tal-effetti sekondarji

   Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji

   direttament permezz tas-sistema ta’ rappurtar nazzjonali mniżżla f’AppendiċiV*. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.

   
   

5. Kif taħżen NeoRecormon

   
   

   • Żomm din il-mediċina fejn ma tidhirx u ma tintlaħaqx mit-tfal.

   • Tużax NeoRecormon wara d-data ta’ meta jiskadi li tidher fuq il-pakkett.

   • Aħżen fi friġġ (2°C – 8°C).

   • Is-siringa tista’ titneħħa mill-friġġ u tista’ titħalla f’temperatura tal-kamra għal perjodu wieħed ta’ mhux aktar minn 3 ijiem (iżda mhux f’aktar minn 25°C).

   • Żomm is-siringa mimlija għal-lest fil-kartuna ta’ barra sabiex tilqa’ mid-dawl.

   • Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.

   
   

6. Kontenut tal-pakkett u informazzjoni oħra

X’fih NeoRecormon

• Is-sustanza attiva hi epoetin beta.

  Siringa mimlija għal-lest waħda fiha 500, 1000, 2000, 3000, 4000, 5000, 6000, 10,000, 20,000

  jew 30,000 IU (unitajiet internazzjonali) epoetin beta f’0.3 ml jew 0.6 ml ta’ soluzzjoni.

• Is-sustanzi mhux attivi l-oħra huma:

urea, sodium chloride, polysorbate 20, sodium dihydrogen phosphate dihydrate, disodium phospate dodecahydrate, calcium chloride dihydrate, glycine, L-Leucine, L-Isoleucine, L-

Threonine, L-Glutamic acid, u L-Phenylalanine u ilma għall-injezzjonijiet.

Kif jidher NeoRecormon u l-kontenut tal-pakkett

NeoRecomon huwa soluzzjoni għall-injezzjoni f’siringa mimlija għal-lest Is-soluzzjoni hija bla kulur, ċara għal kemmxejn tkanġi.

NeoRecormon 500 IU, 2000 IU, 3000 IU, 4000 IU, 5000 IU u 6000 IU: Kull siringa mimlija għal-lest fiha 0.3 ml ta’ soluzzjoni.

NeoRecormon 10,000 IU, 20,000 IU u 30,000 IU: Kull siringa mimlija għal-lest fiha 0.6 ml ta’

soluzzjoni.

NeoRecormon huwa pprovdut fid-daqsijiet ta’ pakketti li ġejjin:

NeoRecormon 500 IU

Siringa mimlija għal-lest waħda b’labra waħda (30G1/2) jew 6 siringi mimlija għal-lest b’6 labriet (30G1/2).

NeoRecormon 2000 IU, 3000 IU, 4000 IU, 5000 IU, 6000 IU, 10,000 IU u 20,000 IU

Siringa mimlija għal-lest waħda b’labra waħda (27G1/2) jew 6 siringi mimlija għal-lest b’6 labriet (27G1/2).

NeoRecormon 30,000 IU

Siringa mimlija għal-lest waħda b’labra waħda (27G1/2) jew 4 siringi mimlija għal-lest b’4 labriet (27G1/2).

Jista’ jkun li mhux il-pakketti tad-daqsijiet kollha jkunu fis-suq.

Detentur tal-Awtorizzazzjoni għat-Tqegħid fis-Suq

Roche Registration GmbH

Emil-Barell-Strasse 1

79639 Grenzach-Wyhlen Il-Ġermanja

Il-Manifattur

Roche Pharma AG

Emil-Barell-Strasse 1

D-79639 Grenzach-Wyhlen Il-Ġermanja

Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:

België/Belgique/Belgien

1. Roche S.A.

   Tél/Tel: +32 (0) 2 525 82 11

   Lietuva

   UAB “Roche Lietuva” Tel: +370 5 2546799

   
   

   България

   Рош България ЕООД

   Тел: +359 2 818 44 44

   Luxembourg/Luxemburg

   (Voir/siehe Belgique/Belgien)

   
   

   Česká republika

   Roche s. r. o.

   Tel: +420 - 2 20382111

   Magyarország

   Roche (Magyarország) Kft. Tel: +36 - 1 279 4500

   
   

   Danmark

   Roche a/s

   Tlf: +45 - 36 39 99 99

   Malta

   (See Ireland)

   
   

   Deutschland

   Roche Pharma AG

   Tel: +49 (0) 7624 140

   Nederland

   Roche Nederland B.V.

   Tel: +31 (0) 348 438050

   Eesti

   Roche Eesti OÜ

   Tel: + 372 - 6 177 380

   Norge

   Roche Norge AS

   Tlf: +47 - 22 78 90 00

   
   

   Ελλάδα

   Roche (Hellas)A. .E.

   Τηλ: +30 210 61 66 100

   Österreich

   Roche Austria GmbH Tel: +43 (0) 1 27739

   
   

   España

   Roche Farma S.A.

   Tel: +34 - 91 324 81 00

   Polska

   Roche Polska Sp.z o.o.

   Tel: +48 - 22 345 18 88

   
   

   France

   Roche

   Tél: +33 (0) 1 47 61 40 00

   Portugal

   Roche Farmacêutica Química, Lda Tel: +351 - 21 425 70 00

   
   

   Hrvatska

   Roche d.o.o

   Tel: +385 1 4722 333

   România

   Roche România S.R.L.

   Tel: +40 21 206 47 01

   
   

   Ireland

   Roche Products (Ireland) Ltd.

   Tel: +353 (0) 1 469 0700

   Slovenija

   Roche farmacevtska družba d.o.o.

   Tel: +386 - 1 360 26 00

   
   

   Ísland

   Roche a/s

   c/o Icepharma hf Sími: +354 540 8000

   Slovenská republika Roche Slovensko, s.r.o. Tel: +421 - 2 52638201

   
   

   Italia

   Roche S.p.A.

   Tel: +39 - 039 2471

   Suomi/Finland

   Roche Oy

   Puh/Tel: +358 (0) 10 554 500

   
   

   Kύπρος

   Γ.Α.Σταμάτης & Σια Λτδ.

   Τηλ: +357 - 22 76 62 76

   Sverige

   Roche AB

   Tel: +46 (0) 8 726 1200

   
   

   Latvija

   Roche Latvija SIA

   Tel: +371 - 6 7039831

   United Kingdom (Northern Ireland)

   Roche Products (Ireland) Ltd.

   Tel: +44 (0) 1707 366000

   
   

   Dan il-fuljett kien rivedut l-aħħar f’<{XX/SSSS}> <{xahar SSSS}>

   
   

   .

   NeoRecormon siringa mimlija għal-lest Istruzzjonijiet dwar l-Użu

   
   

   1. istruzzjonijiet li ġejjin jispjegaw kif tagħti injezzjoni ta’ NeoRecormon. Kun ċert li taqra, tifhem u ssegwi l-Istruzzjonijiet dwar l-Użu kif ukoll il-fuljett ta’ tagħrif qabel tinjetta NeoRecormon. Il- fornitur tal-kura tas-saħħa tiegħek għandu jurik kif għandek tipprepara u tinjetta NeoRecormon sew qabel ma tużah għall-ewwel darba. Tinjettax lilek innifsek b’NeoRecormon jekk ma tkunx irċevejt taħriġ. Ikkonsulta l-fornitur tal-kura tas-saħħa tiegħek jekk għandek bżonn aktar istruzzjonijiet. NeoRecormon jista’ jingħata permezz ta’ 2 modi, it-tabib tiegħek se jiddeċiedi liema mod huwa tajjeb għalik:

      • Għoti fil-vini (ġol-vina jew port fil-vina), għandu jsir minn professjonisti tal-kura tas-saħħa biss.

      • Għoti taħt il-ġilda.

Qabel ma tibda

• Tneħħix l-għatu tal-labra qabel ma tkun lest biex tinjetta NeoRecormon.

• Tippruvax iżżarma s-siringa fl-ebda ħin.

• Terġax tuża l-istess siringa.

• Tużax jekk is-siringa waqgħet jew għandha l-ħsara.

• Tħallix is-siringa waħedha.

• Żomm is-siringa u l-labra u l-kontenitur li ma jittaqqabx jew għar-rimi ta’ oġġetti li jaqtgħu u bil- ponta fejn ma jintlaħqux mit-tfal.

• Ikkuntattja lill-professjonist tal-kura tas-saħħa tiegħek jekk għandek xi mistoqsijiet.

  
  

  Istruzzjonijiet dwar il-Ħażna

• Żomm is-siringa(i) mhux użata(i) fil-kaxxa oriġinali u aħżen is-siringa(i) fi friġġ f’temperatura ta’

  2˚C sa 8˚C.

• Iżżommx is-siringa ta’ NeoRecormon tiegħek f’dawl tax-xemx dirett.

• Tagħmlux fil-friża.

• Tużax jekk is-siringa tkun ġiet iffriżata.

• Dejjem żomm is-siringa xotta.

  
  

  Provvisti meħtieġa biex tagħti l-injezzjoni tiegħek

  Inklużi fil-kaxxa:

  • NeoRecormon siringa(i) mimlija għal-lest.

    
    

    

  • Labra/Labar tal-Injezzjoni (27G jew 30G) (skont il-qawwiet preskritti tal-mediċina) bi protezzjoni tas-sigurtà (użata biex tipprajma, tissettja d-doża u tinjetta l-mediċina).

    

    Nota: Kull kaxxa ta’ NeoRecormon fiha siringa waħda/labra waħda, 4 siringi/4 labriet jew 6 siringi/6 labriet.

  • Istruzzjonijiet dwar l-Użu u fuljett ta’ tagħrif.

    
    

    Mhux inklużi fil-kaxxa:

  • Imselħa bl-alkoħol waħda.

  • Garża sterili u xotta waħda.

  • Kontenitur wieħed li ma jittaqqabx jew għar-rimi ta’ oġġetti li jaqtgħu u bil-ponta għal rimi sikur

tal-għatu tal-lastku, għatu tal-labra u siringa użata.

Preparazzjoni għall-injezzjoni

1. Sib wiċċ fejn taħdem imdawwal tajjeb, nadif u ċatt.

   • Neħħi l-kaxxa bis-siringa(i) u l-labra/labar mill-friġġ

     
     

2. Iċċekkja li l-kaxxa m’għandhiex ħsara u ċċekkja li d-data ta’ meta tiskadi fuq il-kaxxa ma tkunx għaddiet.

   • Tużax jekk id-data ta’ meta tiskadi tkun għaddiet, jekk is-siringa titwaqqa’ jew issirilha l-ħsara, jew jekk il-kaxxa tidher imbagħbsa. F’dan il-każ, ipproċedi għal pass 19 u kkuntattja lill-fornitur

     tal-kura tas-saħħa tiegħek.

     
     

3. Ħu siringa waħda mill-kaxxa u labra waħda mill-kaxxa li fiha l-labar. Oqgħod attent meta toħroġ

   is-siringa. Kun ċert li dejjem iżżomm is-siringa kif muri fl-istampa.

   • Taqlibx il-kaxxa ta’ taħt fuq biex tneħħi s-siringa.

   • Taqbadx is-siringa billi żżomm il-planġer jew l-għatu tal-labra.

     Nota: Jekk għandek pakkett multiplu, poġġi l-kaxxa bis-siringa(i) u l-labra/labar li jifdal lura fil-friġġ

     

4. Spezzjona s-siringa u l-labra sew

   • Iċċekkja s-siringa u l-labra għal kwalunkwe ħsara. Tużax is-siringa jekk waqqajt is-siringa jew jekk xi parti tas-siringa tidher li għandha l-ħsara.

     • Iċċekkja d-data ta’ meta tiskadi fuq is-siringa u l-labra. Tużax is-siringa jew il-labra jekk id-data ta’ meta tiskadi tkun għaddiet.

     • Iċċekkja l-likwidu fis-siringa. Il-likwidu għandu jkun ċar u bla kulur. Tużax is-siringa jekk il- likwidu jkun imdardar, bidel il-kulur, jew ikun fih xi frak.

     
     

5. Poġġi s-siringa fuq wiċċ nadif u ċatt.

   • Ħalli s-siringa għal 30 minuta biex tkun tista’ tisħon waħedha u tilħaq it-temperatura tal-kamra. Tneħħix l-għatu tal-labra waqt li tkun qed tisħon.

   • M’għandekx tħaffef dan il-proċess bl-ebda mod, u tpoġġix is-siringa fil-microwave jew f’ilma

     sħun.

     Nota: Jekk is-siringa ma tilħaqx it-temperatura tal-kamra, dan jista’ jikkawża li l-injezzjoni tinħass skomda u jkun diffiċli biex timbotta l-planġer.

     

     
     

6. Waħħal il-labra mas-siringa.

   • Neħħi l-labra mill-folja tagħha.

   • Neħħi l-għatu tal-lastku mit-tarf tas-siringa (A).

   • Armi l-għatu tal-lasktu f’kontenitur għar-rimi li ma jittaqqabx jew għar-rimi ta’ oġġetti li jaqtgħu

     u bil-ponta minnufih.

   • Tmissx il-ponta tas-siringa.

   • Timbuttax u tiġbidx il-planġer.

   • Żomm is-siringa mill-parti tal-bittija u waħħal il-labra mas-siringa billi timbotta (B).

   • Dawwar bil-mod sakemm tkun imwaħħla kompletament (C)

     
     

     

     

     A)

     
     

     B)

     
     

     C)

     
     

7. Poġġi s-siringa fuq wiċċ nadif u ċatt sakemm tkun lesta biex tintuża.

   
   

8. Aħsel idejk bis-sapun u l-ilma.

   
   

9. Agħżel Sit għall-Injezzjon:

   • Is-siti tal-injezzjoni rakkomandati huma l-parti ta’ fuq tal-koxxa jew il-parti t’isfel tal-addome tiegħek taħt iż-żokra. Tinjettax fiż-żona ta’ 5 ċm (2 pulzieri) direttament madwar iż-żokra

     tiegħek.

   • Agħżel sit għall-injezzjoni differenti għal kull injezzjoni ġdida.

   • Tinjettax f’għazez, ċikatriċi, tbenġil, jew żoni fejn il-ġilda tuġgħa, tkun ħamra, iebsa jew ma tkunx intatta.

   • Tinjettax fil-vina jew ġo muskolu

     
     

     

10. Imsaħ is-sit tal-injezzjoni b’imselħa bl-alkoħol u ħalliha tinxef fl-arja għal 10 sekondi.

    • Trewwaħx u tonfoħx fuq iż-żona mnaddfa.

    • Terġax tmiss is-sit tal-injezzjoni qabel ma tagħti l-injezzjoni.

Għoti tal-injezzjoni taħt il-ġilda

11Mexxi l-protezzjoni tas-sigurtà ’l bogħod mil-labra lejn tal-parti tas-siringa fejn hemm il-mediċina.

1. Żomm is-siringa u l-labra sewwa mill-parti ċentrali u b’attenzjoni neħħi l-għatu tal-labra tal- injezzjoni billi tiġbdu ’l bogħod mis-siringa. Uża s-siringa fi żmien 5 minuti wara li tneħħi l- għatu; inkella, il-labra tista’ tinstadd.

   • Iżżommx il-planġer waqt li tneħħi l-għatu tal-labra.

   • Tmissx il-labra wara li tneħħi l-għatu tal-labra.

   • Terġax tpoġġi l-għatu fuq il-labra.

     Armi l-għatu tal-labra fil-kontenitur għar-rimi ta’ oġgetti li jaqtgħu jew bil-ponta immedjatament.

     

2. Żomm is-siringa bil-labra tipponta ’l fuq. Neħħi l-bżieżaq tal-arja l-kbar billi ttektek il-parti tas- siringa li fiha l-mediċina bil-mod b’subgħajk sakemm il-bżieżaq tal-arja jitilgħu fil-wiċċ tas- siringa. Imbagħad, bil-mod imbotta l-planġer ’il fuq biex tneħħi l-bżieżaq tal-arja mis-siringa.

   

   
   

3. Aġġusta d-doża preskritta tiegħek billi timbotta l-planġer bil-mod.

   
   

   

   
   

4. Oqros is-sit tal-injezzjoni magħżul u daħħal il-labra kollha b’angolu ta’ 45° sa 90° b’azzjoni mgħaġġla u soda.

   • Tmissx il-planġer waqt li ddaħħal il-labra fil-ġilda

   • Iddaħħalx il-labra minn ġol-ħwejjeġ.

     Ladarba tkun daħħalt il-labra, erħi l-qarsa u żomm is-siringa sewwa fil-post.

     

5. Injetta bil-mod id-doża preskritta tiegħek billi timbotta l-planġer bil-mod s’isfel nett

   • Neħħi l-labra u s-siringa mis-sit tal-injezzjoni bl-istess angolu kif daħħalthom.

     

     
     

     Wara l-injezzjoni

     
     

6. Jista’ jkun hemm ftit fsada fis-sit tal-injezzjoni. Tista’ tagħfas garża sterili u xotta fuq is-sit tal- injezzjoni. Togħrokx is-sit tal-injezzjoni.

   • Jekk meħtieġ, tista’ tgħatti s-sit tal-injezzjoni b’faxxa żgħira.

   • F’każ ta’ kuntatt tal-mediċina mal-ġilda, aħsel iż-żona li messet mal-mediċina bl-ilma.

     
     

7. Mexxi l-protezzjoni tas-sigurtà 90° ’il quddiem, ’il bogħod mill-bittija tas-siringa (A).

   Waqt li żżomm is-siringa b’id waħda, agħfas il-protezzjoni tas-sigurtà ma’ wiċċ ċatt b’moviment sod u mgħaġġel sakemm tisma’ “klikk” (B).

   • Jekk ma tismax klikk, ħares biex tara li l-labra hija mgħottija kollha mill-protezzjoni tas-sigurtà.

     

   • Żomm subgħajk wara l-protezzjoni tas-sigurtà u ’l bogħod mil-labra l-ħin kollu.

     
     

     A)

     
     

     B)

8. Poġġi s-siringa użata tiegħek f’kontenitur għar-rimi ta’ oġgetti li jaqtgħu jew bil-ponta immedjatament wara l-użu.

   • Tippruvax tneħħi l-labra tal-injezzjoni użata mis-siringa użata.

   • Terġax tpoġġi l-għatu fuq il-labra tal-injezzjoni.

   • Tarmix is-siringa mal-iskart domestiku tiegħek.

Importanti: Dejjem żomm il-kontenitur għar-rimi ta’ oġgetti li jaqtgħu jew bil-ponta fejn ma jintlaħaqx mit-tfal.

<--------------------------------------------------------------------------------------------------------------------------

--->

Istruzzjonijiet dwar l-Użu għall-professjonisti tal-kura tas-saħħa biss

L-Istruzzjonijiet dwar l-Użu li ġejjin jispjegaw kif tagħti injezzjoni ġol-vini ta’ NeoRecormon. Kun ċert li taqra, tifhem u ssegwi l-Istruzzjonijiet dwar l-Użu kif ukoll il-fuljett ta’ tagħrif qabel tinjetta NeoRecormon.

Għoti tal-injezzjoni ġol-vina (minn professjonist tal-kura tas-saħħa)

Preparazzjoni għall-injezzjoni: segwi passi 1 sa 8

1. Agħżel vina. Ibdel il-vina ma’ kull injezzjoni biex tevita uġigħ f’post wieħed.

   • Tinjettax f’żona ħamra jew minfuħa.

   • Tinjettax ġo muskolu.

     Naddaf il-ġilda fuq il-vina b’imselħa bl-alkoħol u ħalliha tinxef.

   • Trewwaħx u tonfoħx fuq iż-żona mnaddfa.

   • Terġax tmiss is-sit tal-injezzjoni qabel ma tagħti l-injezzjoni.

     
     

2. Ipprepara s-siringa u l-labra: segwi passi 11 sa 14. 15 Daħħal il-labra ġol-vina.

   • Iżżommx u timbuttax il-planġer waqt li ddaħħal il-labra fil-ġilda.

16 Injetta d-doża preskritta tiegħek bil-mod billi timbotta l-planġer bil-mod s’isfel nett. Neħħi l-labra u s-siringa mis-sit tal-injezzjoni bl-istess angolu kif daħħalthom.

Wara l-injezzjoni segwi passi 17 sa 19.

Għoti tal-injezzjoni ġol-vina permezz ta’ port tal-injezzjoni

Preparazzjoni għall-injezzjoni: segwi passi 1 sa 8.

1. Naddaf il-ġilda fuq il-port tal-injezzjoni b’imselħa bl-alkoħol u ħalliha tinxef. Naddaf il-port tal-injezzjoni kif qallek il-fornitur.

   • Trewwaħx u tonfoħx fuq iż-żona mnaddfa.

   • Terġax tmiss is-sit tal-injezzjoni qabel ma tagħti l-injezzjoni.

     
     

2. Ipprepara s-siringa u l-labra: segwi passi 11 sa 14.

1. Daħħal il-labra ġol-port tal-injezzjoni (segwi l-istruzzjoni tal-fornitur tal-port tal-injezzjoni)

   • Iżżommx u timbuttax il-planġer waqt li ddaħħal il-labra.

2. Injetta d-doża preskritta tiegħek bil-mod billi timbotta l-planġer bil-mod s’isfel nett. Neħħi l-labra u s-siringa mill-port tal-injezzjoni bl-istess angolu kif daħħalthom.

Wara l-injezzjoni segwi passi 17 sa 19.