Neupopeg
pegfilgrastim
pegfilgrastim
Żomm dan il-fuljett. Jista' jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek. M'għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sintomi bħal tiegħek.
Jekk xi wieħed mill-effetti sekondarji jiggrava jew jekk tinnota xi effetti sekondarji li m’humiex imsemmijin f’dan il-fuljett, jekk jogħġbok, għid lit-tabib jew lill-ispiżjar tiegħek.
X’inhu Neupopeg u għalxiex jintuża
Qabel ma tuża Neupopeg
Kif għandek tuża Neupopeg
Effetti sekondarji li jista’ jkollu
Kif taħżen Neupopeg
Aktar tagħrif
Prodott mediċinali li m’għadux awtorizzat
Neupopeg jintuża biex inaqqas id-dewmien ta’ newtropenja (għadd baxx ta’ ċelluli bojod fid-demm) u ta’ newtropenja bid-deni (għadd baxx ta’ ċelluli bojod fid-demm u deni) li jistgħu jkunu kkawżati minn kimoterapija ċitotossika (mediċini li jeqirdu ċ-ċelluli li jikbru malajr). Iċ-ċelluli bojod tad-demm huma importanti għaliex jgħinu ‘l ġismek jiġġieled l-infezzjonijiet. Dawn iċ-ċelluli huma sensittivi ħafna għall-effetti ta’ kimoterapija li tista’ tikkawża tnaqqis fin-numru ta’ dawn iċ-ċelluli f’ġismek. Jekk iċ-ċelluli bojod jinżlu għal livell baxx għandu mnejn ma jkunx baqa’ biżżejjed fil-ġisem biex jiġġieldu ‘l batterji u jista’ jkollok riskju ogħla ta’ infezzjoni.
It-tabib tiegħek tak Neupopeg biex jgħin il-mudullun (parti mill-għadma li tagħmel iċ-ċelluli tad- demm) jipproduċi aktar ċelluli bojod sabiex ġismek ikun jista’ jilqa’ għall-infezzjoni u jiġġildilha.
Tużax Neupopeg
jekk tbati minn sensittività eċċessiva (allerġija) għal pegfilgrastim, filgrastim, proteini ġejjin minn E.Coli, jew xi sustanza oħra ta’ Neupopeg.
Għarraf lit-tabib tiegħek:
jekk inti taqbdek is-sogħla, jitlagħlek id-deni jew ikollok problemi biex tieħu n-nifs;
jekk inti għandek anemija taċ-ċellula b’forma ta’ minġel;
jekk inti għandek uġigħ addominali fin-naħa ta’ fuq jew fit-tarf ta’ l-ispalla.
jekk inti allerġiku għall-latex. L-għatu tal-labra tal-siringa mimlija għal-lest fih sustanza mnissla mill-latex u din tista' tikkawża reazzjonijiet allerġiċi.
Jekk jogħġbok għid lit-tabib jew lill-ispiżjar tiegħek jekk qiegħed tieħu jew ħadt dan l-aħħar xi mediċini oħra, anki mediċini li xtrajt mingħajr riċetta.
Itlob il-parir tat-tabib jew ta’ l-ispiżjar tiegħek qabel tieħu xi mediċina. Neupopeg ma ġiex ittestjat f’nisa tqal. Huwa importanti li tavża lit-tabib jekk:
inti tqila;
taħseb li inti tqila; jew
qed taħseb biex issir tqila.
Għandek tieqaf tredda’ jekk qed tuża Neupopeg.
L-effett ta’ Neupopeg fuq il-kapaċita` li ssuq u li tħaddem magni mhuwiex magħruf.
Prodott mediċinali li m’għadux awtorizzat
Neupopeg fih sorbitol (tip ta’ zokkor). Jekk it-tabib tiegħek qallek li inti għandek intolleranza għal xi tipi ta’ zokkor, ikkuntatja lit-tabib tiegħek qabel ma’ tieħu Neupopeg. Neupopeg huwa essenzjalment mingħajr sodium.
Neupopeg huwa għall-użu f’ adulti ta’ 18-il sena ‘l fuq.
Dejjem għandek tieħu Neupopeg skond il-parir tat-tabib. Dejjem għandek taċċerta ruħek mat-tabib jew ma’ l-ispiżjar tiegħek jekk ikollok xi dubju. Id-doża li ssoltu tingħata hija ta’ injezzjoni taħt il-ġilda b’siringa mimlija għal-lest ta’ 6 mg u li għandha tingħata bejn wieħed u ieħor 24 siegħa wara l-aħħar doża ta’ kimoterapija fi tmiem kull ċiklu ta’ kimoterapija.
Tħawwadx Neupopeg bil-qawwa għaliex dan jista’ jeffettwa l-mod kif jaħdem.
It-tabib jista’ jiddeċiedi li jkun aħjar għalik jekk tinjetta lilek innifsek b’ Neupopeg. It-tabib jew l- infermiera juruk kif tagħmel dan. Tippruvax tinjetta lilek innifsek jekk ma ġejtx mgħallem kif.
Għal aktar istruzzjonijiet dwar kif tinjetta lilek innifsek b’Neupopeg, jekk jogħġbok aqra s-sezzjoni fi tmiem dan il-fuljett.
Jekk tuża Neupopeg aktar milli suppost, għandek tgħarraf lit-tabib, l-infermiera jew l-ispiżjar tiegħek.
Jekk tinsa tieħu d-doża ta’ Neupopeg, kellem lit-tabib tiegħek biex jara meta jmissek tinjetta d-doża li jmiss.
Bħal kull mediċina oħra, Neupopeg jista’ jkollu effetti sekondarji, għalkemm ma jidhrux fuq kulħadd. Effett sekondarju ieħor komuni ħafna (li hemm ċans li jseħħ f’ aktar minn pazjent 1 f’ kull 10 pazjenti)
huwa l-uġigħ fl-għadam. It-tabib tiegħek jgħidlek x’tista’ tieħu biex ittaffi l-uġigħ fl-għadam.
Effetti sekondarji oħra komuni (li hemm ċans li jseħħu f’ anqas minn pazjent 1 f’ kull 10 pazjenti) jinkludu: uġigħ u ħmura fil-post ta’l-injezzjoni, uġigħ ta’ ras, u uġigħ ġenerali fil-ġogi, il-muskoli, is- sider, ir-riġlejn, l-għonq jew id-dahar. Effett sekondarju ieħor li mhux komuni (li hemm ċans li jseħħu f’ anqas minn pazjent 1 f’ kull 100 pazjent) huwa d-dardir.
Reazzjonijiet ta’ allerġija għal Neupopeg, inklużi ħmura u fwawar, raxx tal-ġilda, partijiet tal-ġilda ibbuzzati li jqabbdu l-ħakk u anafilassi ( indeboliment, tbaxxija tal-pressjoni tad-demm, tbatija biex tieħu n-nifs, nefħa fil-wiċċ), ġew irrappurtati f’każijiet rari (hemm ċans li jseħħu f’ anqas minn pazjent 1 f’ kull 1000 pazjent)..
Żjieda fid-daqs tal-milza u każijiet rari ħafna (li hemm ċans li jseħħu f’ anqas minn pazjent 1 f’ kull 10,000 pazjent) ta' milza mifqugħha ġew irrappurtati wara l-użu ta' Neupopeg. Ftit każijiet ta' milza mifqugħha kienu fatali.
Prodott mediċinali li m’għadux awtorizzat
Huwa importanti li tgħarraf lit-tabib tiegħek immedjatament jekk jkollok uġigħ fin-naħa ta' fuq fix- xellug ta' l-addome jew jkollok uġigħ fl-ispalla xellugija, peress li dan jista' jkun relatat ma' problema fil-milza tiegħek.
Każijiet rari (li hemm ċans li jseħħu f’ anqas minn pazjent 1 f’ kull 1000 pazjent)ta' problemi biex tieħu n-nifs ġew irrappurtati wara li ttieħdu fatturi li jistimolaw l-kolonji ta’ granuloċiti (G-CSFs). Jekk taqbdek is-sogħla, jitlagħlek id-deni jew ikollok problemi biex tieħu n-nifs għarraf lit-tabib tiegħek.
Jista' jkun hemm ftit tibdil fid-demm tiegħek, imma dan it-tibdil se joħrog fir-riżultat tat-testijiet tad- demm li jsiru b'rutina. L-għadd ta' plejtlits jista' jitbaxxa u dan jista' jirriżulta fi tbenġil. L-għadd ta' ċelluli bojod jista' jogħla għal-tul ta' żmien qasir.
Seħħ rarament (li hemm ċans li jseħħu f’ anqas minn pazjent 1 f’ kull 1,000 pazjent)s-sindromu ta' Sweet (leżjonijiet ibbuzzati, li jweġgħu, kulur aħmar skur fil-vjola fuq ir-riġlejn u xi drabi fil-wiċċ u fl-ghonq bid-deni) imma fatturi oħra jistgħu jkollhom sehem f'dan.
Rari ħafna (hemm ċans li jseħħ f’ anqas minn pazjent 1 f’ kull 10,000 pazjent) kien hemm infjammazzjoni fil-vini/arterji taħt il-ġilda f'pazjenti jieħdu Neupopeg.
Jekk xi wieħed mill-effetti sekondarji jiggrava jew jekk tinnota xi effetti sekondarji li mhumiex imsemmijin f’dan il-fuljett, jekk jogħġbok, għid lit-tabib jew lill-ispiżjar tiegħek.
Żommu fejn ma jintlaħaqx u ma jidhirx mit-tfal.
Tużax Neupopeg wara d-data ta’ skadenza li tidher fuq il-kaxxa u fuq it-tikketta tas-siringa (JIS). Id- data ta’ skadenza tirreferi għall-aħħar ġurnata ta’ dak ix-xahar.
Aħżen fi friġġ (2°C – 8°C).
Tista’ toħroġ Neupopeg mill-friġġ u żżommu f’temperatura ambjentali (mhux aktar minn 30°C) għal mhux aktar minn 3 ijiem. La darba siringa tkun tneħħiet mill-friġġ u tkun laħqet temperatura ambjentali (mhux aktar minn 30°C) għandha tintuża fi żmien 3 ijiem jew tintrema.
Tagħmlux fil-friża. Neupopeg jista’ jintuża jekk jiġi ffriżat bi żball għal perjodu wieħed ta’ inqas minn 24 siegħa.
Żomm il-kontenitur fil-pakkett ta’ barra biex tilqa’ mid-dawl.
Tużax Neupopeg jekk tinnota li huwa imdardar jew jekk tara xi frak ġo fih.
Il-mediċini m’għandhomx jintremew ma’ l-ilma tad-dranaġġ jew ma’ l-iskart domestiku. Staqsi lill- ispiżjar dwar kif għandek tarmi mediċini li m’għandekx bżonn. Dawn il-miżuri jgħinu għall- protezzjoni ta’ l-ambjent.
Prodott mediċinali li m’għadux awtorizzat
Neupopeg fih is-sustanza attiva pegfilgrastim. Pegfilgrastim huwa proteina magħmula mill- bijoteknoloġija f’batterji li jissejħu E. Coli. Huwa parti minn grupp ta’ proteini msejħa ċitokini, u jixbaħ ħafna lill-proteina naturali (fattur li jistimola l-kolonji ta’ granuloċiti) li hija prodotta mill-ġisem tiegħek.
Is-sustanza attiva hi pegfilgrastim. Kull siringa mimlija għal-lest fiha 6 mg ta’ pegfilgrastim f’ soluzzjoni ta’ 0.6 ml .
Is-sustanzi l-oħra huma sodium acetate, sorbitol (E420), polysorbate 20 u ilma għall-injezzjoni.
Neupopeg huwa soluzzjoni għall-injezzjoni ġo siringa mimlija għal-lest (6 mg/ 0.6ml).
Kull pakkett fiħ siringa waħda mimlija għal-lest. Is-siringi jinstabu ġo folja jew mingħajr folja. Neupopeg huwa likwidu ċar mingħajr kulur.
4817 ZK Breda L-Olanda
Dompé Biotec S.p.A. Via San Martino 12
I-20122 Milan Italja
Għal kull tagħrif dwar dan il-prodott mediċinali, jekk jogħġbok ikkuntattja lir-rappreżentant lokali tad- Detentur ta’ l-Awtorizzazzjoni għat-tqegħid fis-Suq.
Din il-parti tal-fuljett tinkludi tagħrif dwar kif tagħti injezzjoni ta’ Neupopeg lilek innifsek. Importanti li ma tippruvax tagħti l-injezzjoni lilek innifsek jekk ma tkunx irċevejtx taħriġ speċjali mit-tabib, mill-infermiera jew mill-ispiżjar tiegħek. Jekk għandek xi mistoqsijiet dwar kif tinjetta, jekk jogħġbok staqsi lit-tabib, lill-infermiera jew lill-ispiżjar għall-għajnuna.
Ikollok bżonn tagħti injezzjoni lilek innifsek eżatt taħt il-ġilda.
Biex tagħti injezzjoni taħt il-ġilda lilek innifsek teħtieġ:
siringa mimlija għal-lest b’Neupopeg; u
msielaħ ta’l-alkoħol jew simili;
Prodott mediċinali li m’għadux awtorizzat
Oħroġ s-siringa mimlija għal-lest b’Neupopeg mill-friġġ.
Tħawwadx is-siringa mimlija għal-lest.
Iċċekkja d-data ta’ skadenza fuq it-tikketta tas-siringa mimlija għal-lest (JIS/EXP). Tużax jekk id-data qabżet l-aħħar ġurnata tax-xahar muri.
Iċċekkja d-dehra ta’ Neupopeg. Din għandha tkun likwidu ċar u mingħajr kulur. Jekk ikun fiha xi frak, m’għandekx tużha.
Għal injezzjoni aktar komda, ħalli is-siringa mimlija għal-lest toqgħod għal 30 minuta sabiex tilħaq temperatura ambjentali, jew żomm is-siringa mimlija għal-lest delikatament f’idejk għal ftit minuti. Issaħħanx Neupopeg bl’ebda mod ieħor (eżempju: issaħħanx fil- forn li jsaħħan l-ikel aktar malajr bil-majkrowejv jew f’ilma jaħraq).
Sib post komdu, mdawwal sew, naddaf il-wiċċ, u poġġi dak kollu li għandek bżonn fejn tista' tilħaqhom.
Qabel ma tinjetta Neupopeg trid tagħmel dan li ġej:
Żomm it-tubu tas-siringa u aqla’ bil-mod l-għatu minn mal- labra mingħajr ma ddawwar jew tgħawweġ. Iġbed dritt kif muri fi stampi 1 u 2. Tmissx il-labra u timbuttax il-planġer.
Jista' jkun li tinnota buzzieqa ta' l-arja żgħira ġewwa s-siringa mimlija għal-lest. M'hemmx bżonn tneħħi il-bużżieqa ta' l-arja qabel ma tinjetta. Tinjetta il-likwidu bil-bużżieqa ta' l-arja mhux ta' ħsara.
Issa tista' tuża is-siringa mimlija għal-lest.
L-aħjar postijiet fejn tinjetta lilek innifsek huma:
in-naħa ta’ fuq ta’ kuxxtejk; u
l-addome, minbarra l-parti ta' madwar iż-żokkra.
Jekk xi ħadd ieħor qed jinjettak, jista’ wkoll juża in-naħa ta’ wara ta’ idejk.
Prodott mediċinali li m’għadux awtorizzat
Iddisinfetta l-ġilda billi tuża msielaħ ta’l-akoħol u oqros il-ġilda bejn sebgħek il-kbir u sebgħek il-werrej, mingħajr ma tagħfas.
Daħħal il-labra għal kollox fil-ġilda kif wrewk l-infermiera jew it-tabib tiegħek.
Iġbed il-planġer tas-siringa kemm kemm sabiex tara li ma ttaqbitx xi vina jew arterja.
Jekk tara d-demm fis-siringa, neħħi l-labra u erġa' daħħalha f’post ieħor.
Injetta l-likwidu bil-mod u bl-istess ritmu, filwaqt li dejjem iżżomm il-ġilda maqrusa.
Wara li tinjetta l-likwidu, neħħi l-labra u itlaq il-ġilda.
Jekk tinnota xi qatra demm fil-post ta' l-injezzjoni imsaħha b' biċċa tajjar jew tixxu.
Togħrokx il-post ta' l-injezzjoni. Jekk hemm bżonn, tista' tgħatti l-post ta' l-injezzjoni b'faxxa.
Uża kull siringa għal injezzjoni waħda. M’għandekx tuża xi Neupopeg li jkun baqa’ fis- siringa.
Jekk għandek xi problemi, jekk jogħġbok tibżax issaqsi lit-tabib jew lill-infermiera tiegħek għal għajnuna jew parir.
Terġax tqiegħed l-għatu fuq labar użati.
Żommu siringi użati ‘l bogħod minn fejn jistgħu jilħquhom jew jarawhom it-tfal.
Prodott mediċinali li m’għadux awtorizzat
Is-siringi użati għandhom jintremew kif jitolbu l-liġijiet lokali. Staqsi lill-ispiżjar dwar kif għandek tarmi mediċini li m’għandekx bżonn. Dawn il-miżuri jgħinu għal protezzjoni ta’ l- ambjent.