Twynsta
telmisartan, amlodipine
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anke jekk għandhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4.
X’inhu Twynsta u għalxiex jintuża
X’għandek tkun taf qabel ma tieħu Twynsta
Kif għandek tieħu Twynsta
Effetti sekondarji possibbli
Kif taħżen Twynsta
Kontenut tal-pakkett u informazzjoni oħra
Il-pilloli Twynsta fihom żewġ sustanzi attivi msejħa telmisartan u amlodipine. Dawn iż-żewġ sustanzi jgħinu biex jikkontrollaw il-pressjoni tad-demm għolja tiegħek:
Telmisartan jagħmel parti minn grupp ta’ mediċini li jissejħu “antagonisti tar-riċetturi ta’ angiotensin II”. Angiotensin II hija sustanza magħmula fil-ġisem li tikkawża li l-kanali tad- demm jidjiequ, u b’hekk tiżdied il-pressjoni tad-demm. Telmisartan jaħdem billi jimblokka l- effett ta’ angiotensin II.
Amlodipine jagħmel parti minn grupp ta’ mediċini li jissejħu “imblokkaturi tal-kanali tal- calcium”. Amlodipine ma jħallix il-calcium jidħol ġol-ħajt ta’ kanali tad-demm, u dan iwaqqaf il-kanali tad-demm milli jidjiequ.
Dan ifisser li dawn iż-żewġ sustanzi attivi jaħdmu flimkien biex jgħinu jwaqqfu lill-kanali tad-demm tad-demm tiegħek milli jidjiequ. B’riżultat ta’ dan, il-kanali tad-demm jinfetħu u l-pressjoni tad-demm titbaxxa.
f’pazjenti adulti li l-pressjoni tad-demm tagħhom ma tkunx ikkontrollata biżżejjed b’amlodipine waħdu.
f’pazjenti adulti li diġà jkunu qed jirċievu telmisartan u amlodipine minn pilloli separati u li jixtiequ li minflokhom jieħdu l-istess dożi f’pillola waħda għall-konvenjenza
Jekk il-pressjoni tad-demm għolja ma tkunx ittrattata, tista’ tagħmel ħsara lill-vini jew lill-arterji f’diversi organi, u dan ipoġġi lill-pazjenti f’riskju ta’ avvenimenti serji bħal attakk tal-qalb, insuffiċjenza tal-qalb jew tal-kliewi, puplesija, jew li wieħed jagħma. Ġeneralment ma jkunx hemm sintomi ta’ pressjoni tad-demm għolja qabel ma ssir il-ħsara. Għalhekk huwa importanti li tkejjel il- pressjoni tad-demm b’mod regolari biex tivverifika li qiegħda fil-medda normali.
jekk inti allerġiku għal telmisartan jew amlodipine jew għal xi sustanza oħra ta’ din il-mediċina (imniżżla fis-sezzjoni 6).
jekk inti allerġiku għal mediċini oħra tat-tip dihydropyridine (tip wieħed ta’ imblokkatur tal- kanali tal-calcium).
jekk inti għandek aktar minn 3 xhur tqala. (Ikun aħjar ukoll li tevita Twynsta kmieni fit-tqala – ara s-sezzjoni dwar it-Tqala.)
jekk għandek problemi severi tal-fwied jew ostruzzjoni biljari (problemi fit-tnixxija tal-bila mill-fwied jew mill-marrara).
jekk għandek tidjiq tal-valv aortiku tal-qalb (stenożi aortika) jew xokk kardjoġeniku (kondizzjoni fejn qalbek ma tkunx tista’ tforni biżżejjed demm lill-ġisem).
jekk tbati minn insuffiċjenza tal-qalb wara attakk tal-qalb.
jekk għandek dijabete jew funzjoni tal-kliewi indebolita u qed tiġi ttrattat b’mediċina li tbaxxi l-pressjoni tad-demm li fiha aliskiren.
Jekk xi wieħed minn dawn ta’ fuq japplika għalik, għid lit-tabib jew lill-ispiżjar tiegħek qabel ma tieħu Twynsta.
Kellem lit-tabib tiegħek qabel tieħu Twynsta jekk qed tbati jew jekk fil-passat batejt minn kwalunkwe waħda mill-kondizzjonijiet jew mard li ġejjin:
Mard tal-kliewi jew trapjant tal-kliewi.
Tidjiq tal-kanali tad-demm lejn kilwa waħda jew lejn iż-żewġ kliewi (stenożi tal-arterji tal- kliewi).
Mard tal-fwied.
Problemi tal-qalb.
Livelli għoljin ta’ aldosterone (li jwasslu għal żamma ta’ ilma u melħ fil-ġisem flimkien ma’ żbilanċ ta’ diversi minerali fid-demm).
Pressjoni tad-demm baxxa, li x’aktarx isseħħ jekk tkun deidratat (telf eċċessiv ta’ ilma mill- ġisem) jew jekk ikollok nuqqas ta’ melħ minħabba terapija dijuretika (‘pilloli tal-awrina’), dieta b’livelli baxxi ta’ melħ, dijarea, jew rimettar.
Livelli għolja ta’ potassium fid-demm tiegħek.
Dijabete.
Tidjiq tal-aorta (stenożi aortika).
Uġigħ fis-sider assoċjat mal-qalb, li jseħħ ukoll meta tkun qed tistrieħ (l-ebda attività fiżika) jew meta tagħmel sforz minimu (anġina pectoris instabbli).
Attakk tal-qalb matul l-aħħar erba’ ġimgħat.
Kellem lit-tabib tiegħek qabel tieħu Twynsta:
jekk qed tieħu kwalunkwe waħda mill-mediċini li ġejjin li jintużaw biex jittrattaw pressjoni għolja tad-demm:
inibitur ta’ ACE (pereżempju enalapril, lisinopril, ramipril), b’mod partikulari jekk għandek problemi tal-kliewi relatati mad-dijabete.
aliskiren.
It-tabib tiegħek jista’ jiċċekkja l-funzjoni tal-kliewi, il-pressjoni tad-demm, u l-ammont ta’ elettroliti (eż. potassium) fid-demm tiegħek f’intervalli regolari. Ara wkoll “Tiħux Twynsta”.
jekk inti anzjan(a) u d-doża tiegħek jeħtieġ li tiżdied.
F’każ li jkollok bżonn ta’ operazzjoni jew loppju, għandek tgħid lit-tabib tiegħek li qed tieħu Twynsta.
Twynsta mhuwiex rakkomandat fit-tfal u fl-adolexxenti sal-età ta’ 18-il sena.
Għid lit-tabib jew lill-ispiżjar tiegħek jekk qed tieħu, ħadt dan l-aħħar jew tista’ tieħu xi mediċini oħra. It-tabib tiegħek jista’ jkollu bżonn li jibdel id-doża ta’ dawn il-mediċini l-oħrajn, jew jieħu prekawzjonijiet oħrajn. F’xi każijiet, jista’ jkollok tieqaf tieħu waħda mill-mediċini. Dan japplika b’mod speċjali għall-mediċini elenkati hawn taħt:
Mediċini li fihom il-lithium għat-trattament ta’ xi tipi ta’ depressjoni.
Mediċini li jistgħu jżidu l-livelli tal-potassium fid-demm bħal sostituti tal-melħ li fihom il- potassium, dijuretiċi li ma jneħħux il-potassium mill-ġisem (ċerti ‘pilloli tal-awrina’).
Antagonisti tar-riċetturi ta’ angiotensin II.
Inibituri ta’ ACE jew aliskiren (ara wkoll l-informazzjoni taħt l-intestaturi “Tiħux Twynsta” u “Twissijiet u prekawzjonijiet”).
NSAIDs (mediċini anti-infjammatorji mhux sterojdi, eż. acetylsalicylic acid jew ibuprofen), eparina, immunosoppressivi (eż. cyclosporin jew tacrolimus), u l-antibijotiku trimethoprim.
Rifampicin, erythromycin, clarithromycin (antibijotiċi).
St. John’s wort.
Dantrolene (infużjoni għal anormalitajiet severi fit-temperatura tal-ġisem).
Mediċini li jintużaw biex ibiddlu l-mod kif taħdem is-sistema immuni tiegħek (eż. sirolimus, temsirolimus u everolimus).
Mediċini li jintużaw għall-HIV/AIDS (eż. ritonavir) jew għat-trattament ta’ infezzjonijiet fungali (eż. ketoconazole).
Diltiazem (mediċina kardijaka).
Simvastatin għat-trattament ta’ livelli għoljin ta’ kolesterol.
Digoxin.
Bħal b’mediċini oħrajn li jbaxxu l-pressjoni tad-demm, l-effett ta’ Twynsta jista’ jitnaqqas meta tieħu NSAIDs (mediċini anti-infjammatorji mhux sterojdi, eż. acetylsalicylic acid jew ibuprofen) jew kortikosterojdi.
Twynsta jista’ jżid l-effett li jbaxxi l-pressjoni tad-demm ta’ mediċini oħra li jintużaw għat-trattament ta’ pressjoni tad-demm għolja jew ta’ mediċini li għandhom potenzjal li jbaxxu l-pressjoni tad-demm (eż. baclofen, amifostine, mediċini newrolettiċi jew antidepressanti).
Pressjoni tad-demm baxxa tista’ tiġi aggravata permezz tal-alkoħol. Tista’ tinnota dan bħala sturdament meta tqum bilwieqfa.
Il-meraq tal-grejpfrut u l-grejpfrut m’għandhomx jittieħdu meta tieħu Twynsta. Dan huwa minħabba li l-grejpfrut u l-meraq tal-grejpfrut jistgħu jwasslu għal żieda fil-livelli tas-sustanza attiva amlodipine fid-demm f’xi pazjenti, u jistgħu jżidu l-effett ta’ Twynsta li jbaxxi l-pressjoni tad-demm.
Tqala
Għandek tgħid lit-tabib tiegħek jekk taħseb li tista’ tkun tqila jew qed tippjana li jkollok tarbija. Normalment, it-tabib tiegħek ser jagħtik parir biex tieqaf tieħu Twynsta qabel ma toħroġ tqila jew hekk kif issir taf li inti tqila, u ser jagħtik parir biex tieħu mediċina oħra minflok Twynsta. Twynsta mhuwiex rakkomandat kmieni fit-tqala, u m’għandux jittieħed meta jkollok tqala ta’ aktar minn
3 xhur tqila, għax jista’ jikkawża ħsara serja lit-tarbija tiegħek jekk jintuża wara t-tielet xahar tat- tqala.
Treddigħ
Amlodipine intwera li jgħaddi fil-ħalib tas-sider f’ammonti żgħar.
Għid lit-tabib tiegħek jekk qed tredda’ jew jekk ser tibda tredda’. Twynsta mhuwiex rakkomandat
għal ommijiet li jkunu qed ireddgħu, u t-tabib tiegħek jista’ jagħżel trattament ieħor għalik jekk tixtieq tredda’, speċjalment jekk it-tarbija tiegħek tkun tat-twelid, jew jekk tkun twieldet qabel iż-żmien.
Itlob il-parir tat-tabib jew tal-ispiżjar tiegħek qabel tieħu xi mediċina.
Xi nies jista’ jkollohom effetti sekondarji bħal ħass ħażin, ngħas, sturdament jew sensazzjoni li kollox qed idur bihom (mejt) meta jkunu qed jiġu ttrattati għal pressjoni tad-demm għolja. Jekk ikollok dawn l-effetti sekondarji, m’għandekx issuq jew tħaddem magni.
Din il-mediċina fiha 168.64 mg ta’ sorbitol f’kull pillola.
Din il-mediċina fiha anqas minn 1 mmol sodium (23 mg) f’kull pillola, jiġifieri essenzjalment ‘ħielsa mis-sodium’.
Dejjem għandek tieħu din il-mediċina skont il-parir eżatt tat-tabib tiegħek. Iċċekkja mat-tabib jew mal-ispiżjar tiegħek jekk ikollok xi dubju.
Id-doża rakkomandata hija ta’ pillola waħda darba kuljum. Ipprova ħu l-pillola fl-istess ħin kuljum. Neħħi l-pillola Twynsta tiegħek mill-folja biss eżatt qabel ma teħodha.
Tista’ tieħu Twynsta mal-ikel jew fuq stonku vojt. Il-pilloli għandhom jinbelgħu ma’ ftit ilma jew ma’ xi xarba oħra mhix alkoħolika.
Jekk il-fwied tiegħek ma jkunx qed jaħdem kif suppost, id-doża tas-soltu m’għandhiex taqbeż pillola waħda ta’ 40 mg/5 mg jew pillola waħda ta’ 40 mg/10 mg kuljum.
Jekk aċċidentalment tieħu pilloli żejda, ikkuntattja lit-tabib, lill-ispiżjar tiegħek, jew lill-eqreb dipartiment tal-emerġenza ta’ sptar immedjatament. Jista’ jkollok pressjoni tad-demm baxxa u rata mgħaġġla ta’ taħbit tal-qalb. Rata ta’ taħbit tal-qalb bil-mod, sturdament, tnaqqis fil-funzjoni tal- kliewi li tinkludi insuffiċjenza tal-kliewi, pressjoni tad-demm baxxa notevoli u fit-tul li tinkludi xokk u mewt kienu rrappurtati wkoll.
Jekk tinsa tieħu doża, ħudha hekk kif tiftakar u mbagħad kompli bħas-soltu. Jekk ma tiħux il-pillola tiegħek f’jum wieħed, ħu d-doża normali tiegħek fil-jum ta’ wara. Tiħux doża doppja biex tpatti għal dożi individwali li tkun insejt tieħu.
Hu importanti li tieħu Twynsta kuljum sakemm it-tabib tiegħek jgħidlek mod ieħor. Jekk tħoss li l- effett ta’ Twynsta huwa qawwi ħafna jew dgħajjef wisq, kellem lit-tabib jew lill-ispiżjar tiegħek.
Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
Għandek tara lit-tabib tiegħek immedjatament jekk ikollok xi wieħed mis-sintomi li ġejjin:
Sepsis (ta’ spiss imsejħa "avvelenament tad-demm", hija infezzjoni severa tal-ġisem kollu b’deni qawwi u sensazzjoni wieħed huwa marid ħafna), nefħa mgħaġġla tal-ġilda u tal-mukuża (anġjoedima); dawn l-effetti sekondarji huma rari (jistgħu jaffettwaw sa persuna 1 minn kull 1,000) iżda huma serji ħafna u l-pazjenti għandhom jieqfu jieħdu l-mediċina u jaraw lit-tabib tagħhom immedjatament. Jekk dawn l-effetti ma jiġux ittrattati, jistgħu jkunu fatali. Żieda fl-inċidenza ta’ sepsis ġiet osservata b’telmisartan biss, madankollu ma tistax tiġi eskluża għal Twynsta.
Sturdament, nefħa fl-għekiesi (edima).
Ngħas, emigranja, uġigħ ta’ ras, tnemnim jew tmewwit tal-idejn jew tas-saqajn, sensazzjoni li kollox qed idur bik (mejt), rata baxxa ta’ taħbit tal-qalb, palpitazzjonijiet (tkun konxju tat-taħbit tal-qalb tiegħek), pressjoni tad-demm baxxa, tistordi meta tqum bilwieqfa (pressjoni baxxa ortostatika), fwawar, sogħla, uġigħ fl-istonku (uġigħ ta’ żaqq), dijarea, tħossok imdardar (nawsja), ħakk, uġigħ fil- ġogi, bugħawwieġ fil-muskoli, uġigħ fil-muskoli, ma jkunx jista’ jkollok erezzjoni, dgħufija, uġigħ
fis-sider, għeja, nefħa (edima), żieda fil-livelli ta’ enzimi tal-fwied.
Infezzjoni fil-bużżieqa tal-awrina, tħossok imdejjaq (depressjoni), tħossok ansjuż, ma tkunx tista’ torqod, ħass ħażin, ħsara fin-nervituri tal-idejn jew tas-saqajn, tnaqqis fis-sens tal-mess, anormalitajiet fit-togħma, rogħda, rimettar, tkabbir tal-ħanek, skonfort fiż-żaqq, ħalq xott, ekżema (disturb fil-ġilda), ħmura tal-ġilda, raxx, uġigħ fid-dahar, uġigħ fir-riġlejn, tkun triq tagħmel l-awrina matul l-lejl, ma tħossokx tajjeb (telqa tal-ġisem mingħajr sinjali ta’ mard), żieda fil-livelli ta’ uric acid fid-demm.
L-effetti sekondarji li ġejjin kienu osservati bil-komponenti telmisartan jew amlodipine u jistgħu jseħħu wkoll bi Twynsta:
Telmisartan
F’pazjenti li kienu qed jieħdu telmisartan waħdu, kienu rrappurtati l-effetti sekondarji addizzjonali li ġejjin:
Infezzjonijiet fl-apparat tal-awrina, infezzjonijiet fil-parti ta’ fuq tal-apparat respiratorju (eż. uġigħ fil- griżmejn, sinuses infjammati, riħ komuni), defiċjenza ta’ ċelluli tad-demm ħomor (anemija), livelli għolja ta’ potassium fid-demm, qtugħ ta’ nifs, nefħa fiż-żaqq, żieda fl-għaraq, ħsara fil-kliewi li tinkludi li l-kliewi ma jkunux jkunux jistgħu jaħdmu li sseħħ għal għarrieda, żieda fil-livelli tal- krejatinina.
Żieda f’ċerti ċelluli bojod tad-demm (eosinofilja), għadd baxx ta’ plejtlits (tromboċitopenija), reazzjoni allerġika (eż. raxx, ħakk, diffikultà biex tieħu n-nifs, tħarħir, nefħa tal-wiċċ jew pressjoni tad-demm baxxa), livelli baxxi ta’ zokkor fid-demm (f’pazjenti dijabetiċi), indeboliment fil-vista, rata mgħaġġla ta’ taħbit tal-qalb, stonku mqalleb, funzjoni anormali tal-fwied, ħorriqija (urtikarja), raxx ikkawżat mill-mediċina, infjammazzjoni tat-tendini, marda tixbaħ lill-influwenza (pereżempju uġigħ fil-muskoli, sensazzjoni ġenerali li ma tħossokx tajjeb), tnaqqis fl-emoglobina (proteina tad-demm), żieda fil-livelli tal-creatinine phosphokinase fid-demm.
Il-biċċa l-kbira tal-każijiet ta’ funzjoni anormali tal-fwied u disturb tal-fwied minn esperjenza ta’ wara t-tqegħid fis-suq b’telmisartan, seħħew f’pazjenti Ġappuniżi. Hemm aktar ċans li pazjenti Ġappuniżi jkollhom dan l-effett sekondarju.
Amlodipine
F’pazjenti li kienu qed jieħdu amlodipine waħdu, kienu rrappurtati l-effetti sekondarji addizzjonali li ġejjin:
Bidla fl-ippurgar, dijarea, stitikezza, disturbi fil-vista, vista doppja, nefħa fl-għaksa.
Tibdil fil-burdata, indeboliment fil-vista, tisfir fil-widnejn, qtugħ ta’ nifs, għatis/imnieħer inixxi, telf ta’ xagħar, tbenġil u ħruġ ta’ demm mhux tas-soltu (ħsara fiċ-ċelluli tad-demm ħomor), tibdil fil-kulur tal-ġilda, żieda fl-għaraq, diffikultà biex tagħmel l-awrina, żieda fil-ħtieġa li tagħmel l-awrina speċjalment bil-lejl, tkabbir tas-sider fl-irġiel, uġigħ, żieda fil-piż, tnaqqis fil-piż.
Konfużjoni.
Tnaqqis fin-numru ta’ ċelluli tad-demm bojod (lewkopenija), għadd baxx ta’ plejtlits (tromboċitopenija), reazzjoni allerġika (eż. raxx, ħakk, diffikultà biex tieħu n-nifs, tħarħir, nefħa tal- wiċċ jew pressjoni tad-demm baxxa), zokkor eċċessiv fid-demm, kontrazzjonijiet jew movimenti bl- iskossi li ma jistgħux jiġu kkontrollati, attakk ta’ qalb, taħbit irregolari tal-qalb, infjammazzjoni tal- kanali tad-demm, frixa infjammata, infjammazzjoni tal-kisja tal-istonku (gastrite), infjammazzjoni tal- fwied, sfurija tal-ġilda (suffejra), żieda fil-livelli ta’ enzimi tal-fwied flimkien ma’ suffejra, nefħa mgħaġġla tal-ġilda u tal-mukuża (anġjoedima), reazzjonijiet severi tal-ġilda, ħorriqija (urtikarja), reazzjonijiet allerġiċi severi b’eruzzjonijiet ta’ nfafet tal-ġilda u tal-membrani mukużi (dermatite bil- qxur, Sindrome ta’ Stevens-Johnson), żieda fis-sensittività tal-ġilda għax-xemx, żieda fit-tensjoni tal- muskoli.
Reazzjonijiet allerġiċi severi b’eruzzjonijiet ta’ nfafet tal-ġilda u tal-membrani mukużi (nekrolisi tossika tal-epidermide).
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali mniżżla f’Appendiċi V. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq il-kaxxa tal-kartun u l-folja wara “JIS”. Id-data ta’ meta tiskadi tirreferi għall-aħħar ġurnata ta’ dak ix-xahar.
Dan il-mediċina m’għandha bżonn l-ebda kundizzjoni ta’ temperatura speċjali għall-ħażna. Aħżen fil- pakkett oriġinali sabiex tilqa’ mid-dawl u mill-umdità. Neħħi l-pillola Twynsta tiegħek mill-folja biss eżatt qabel ma teħodha.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanzi attivi huma telmisartan u amlodipine.
Kull pillola fiha 40 mg ta’ telmisartan u 5 mg ta’ amlodipine (bħala amlodipine besilate).
Is-sustanzi l-oħra huma colloidal anhydrous silica, brilliant blue FCF (E133), ferric oxide iswed (E172), ferric oxide iswed (E172), magnesium stearate, maize starch, meglumine, microcrystalline cellulose, povidone K25, pregelatinised starch ippreparat minn maize starch, sodium hydroxide (ara sezzjoni 2), sorbitol (E420) (ara sezzjoni 2).
Il-pilloli Twynsta 40 mg/5 mg huma blu u bojod, b’forma ovali, b’żewġ saffi, b’tul ta’ madwar 14-il mm, imnaqqxa bil-kodiċi tal-prodott A1 u l-logo tal-kumpanija fuq is-saff l-abjad.
Twynsta huwa disponibbli f’kaxxa li tintewa li fiha 14, 28, 56, 98 pillola f’folji tal-aluminju/aluminju jew li fiha 30 x 1, 90 x 1, 360 (4 x 90 x 1) pillola f’folji perforati tal-aluminju/aluminju b’dożi uniċi.
Jista’ jkun li mhux il-pakketti tad-daqsijiet kollha jkunu fis-suq.
Boehringer Ingelheim International GmbH
Binger Str. 173
55216 Ingelheim am Rhein Il-Ġermanja
Boehringer Ingelheim Pharma GmbH & Co. KG Binger Str. 173
55216 Ingelheim am Rhein Il-Ġermanja
Rottendorf Pharma GmbH Ostenfelder Straße 51 - 61
59320 Ennigerloh Il-Ġermanja
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
SCS Boehringer Ingelheim Comm.V Tél/Tel: +32 2 773 33 11
Boehringer Ingelheim RCV GmbH & Co KG Lietuvos filialas
Tel.: +370 5 2595942
Бьорингер Ингелхайм РЦВ ГмбХ и Ко КГ –
клон България
Тел: +359 2 958 79 98
SCS Boehringer Ingelheim Comm.V Tél/Tel: +32 2 773 33 11
Boehringer Ingelheim spol. s r.o. Tel: +420 234 655 111
Boehringer Ingelheim RCV GmbH & Co KG Magyarországi Fióktelepe
Tel.: +36 1 299 89 00
Boehringer Ingelheim Danmark A/S Tlf: +45 39 15 88 88
Boehringer Ingelheim Ireland Ltd. Tel: +353 1 295 9620
Boehringer Ingelheim Pharma GmbH & Co. KG Tel: +49 (0) 800 77 90 900
Boehringer Ingelheim b.v. Tel: +31 (0) 800 22 55 889
Boehringer Ingelheim RCV GmbH & Co KG Eesti Filiaal
Tel: +372 612 8000
Boehringer Ingelheim Norway KS Tlf: +47 66 76 13 00
Boehringer Ingelheim Ελλάς Μονοπρόσωπη Α.Ε. Tηλ: +30 2 10 89 06 300
Boehringer Ingelheim RCV GmbH & Co KG Tel: +43 1 80 105-7870
Boehringer Ingelheim España, S.A. Tel: +34 93 404 51 00
Boehringer Ingelheim Sp.zo.o. Tel.: +48 22 699 0 699
Boehringer Ingelheim France S.A.S. Tél: +33 3 26 50 45 33
Boehringer Ingelheim Portugal, Lda. Tel: +351 21 313 53 00
Boehringer Ingelheim Zagreb d.o.o. Tel: +385 1 2444 600
Boehringer Ingelheim RCV GmbH & Co KG Viena - Sucursala Bucuresti
Tel: +40 21 302 2800
Boehringer Ingelheim Ireland Ltd. Tel: +353 1 295 9620
Boehringer Ingelheim RCV GmbH & Co KG Podružnica Ljubljana
Tel: +386 1 586 40 00
Vistor hf.
Sími: +354 535 7000
Boehringer Ingelheim RCV GmbH & Co KG organizačná zložka
Tel: +421 2 5810 1211
Boehringer Ingelheim Italia S.p.A. Tel: +39 02 5355 1
Boehringer Ingelheim Finland Ky Puh/Tel: +358 10 3102 800
Boehringer Ingelheim Ελλάς Μονοπρόσωπη Α.Ε. Tηλ: +30 2 10 89 06 300
Boehringer Ingelheim AB Tel: +46 8 721 21 00
Boehringer Ingelheim RCV GmbH & Co KG Latvijas filiāle
Tel: +371 67 240 011
Boehringer Ingelheim Ireland Ltd. Tel: +353 1 295 9620