Elonva
corifollitropin alfa
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anke jekk għandhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett
sekondarju possibbli li mhuwiex elenkat f’dan il-fuljett. Ara sezzjoni 4.
1. X’inhu Elonva u għalxiex jintuża
X’għandek tkun taf qabel ma tuża Elonva
Kif għandek tuża Elonva
Effetti sekondarji possibbli
Kif taħżen Elonva
Kontenut tal-pakkett u informazzjoni oħra
Elonva fih is-sustanza attiva corifollitropin alfa u jagħmel parti mill-grupp ta’ mediċini msejħa ormoni gonadotropiċi. L-ormoni gonadotropiċi għandhom rwol importanti fil-fertilità u r-riproduzzjoni tal- bniedem. Wieħed minn dawn l-ormoni gonadotropiċi hu l-Ormon li Jistimula l-Follikuli (FSH), li hu meħtieġ fin-nisa għat-tkabbir u l-iżvilupp tal-follikuli (boroż żgħar tondi fl-ovarji tiegħek li fihom il- bajd) u f’ subien adolexxenti (14-il sena u akbar) għat-trattament ta’ pubertà li tittardja minħabba ipogonadiżmu ipogonadotropiku (HH, hypogonadotropic hypogonadism) flimkien ma’ mediċina msejħa Gonadotropina Korjonika tal-bniedem (hCG human Chorionic Gonadotropin).
Fin-nisa
Elonva jintuża biex isseħħ it-tqala f’nisa li jkunu qed jieħdu kura kontra l-infertilità, bħal
fertilizzazzjoni in vitro (IVF). IVF tinvolvi l-ġbir ta’ bajd mill-ovarju, il-fertilizzazzjoni tagħhom
fil-laboratorju, u t-trasferiment tal-embriji fl-utru ftit jiem wara. Elonva jikkawża t-tkabbir u l-iżvilupp ta’ diversi follikuli fl-istess ħin permezz ta’ stimulazzjoni kkontrollata tal-ovarji.
F’subien adolexxenti (14-il sena u akbar)
Elonva jintuża biex jinkiseb l-iżvilupp u l-funzjoni tat-testikoli u jħajjar l-iżvilupp tal-karatteristiċi
sesswali sekondarji tal-irġiel f’subien adolexxenti b’pubertà li tittardja minħabba HH.
allerġika (tbati minn sensittività eċċessiva) għal corifollitropin alfa jew għal xi sustanza oħra ta’
din il-mediċina (imniżżla fis-sezzjoni 6)
għandek kanċer tal-ovarji, tas-sider, tagħandek kanċer tal-ovarji, tas-sider, tal-utru, jew tal-
moħħ (glandola pitwitarja jew ipotalamu)
dan l-aħħar kellek ħruġ ta’ demm mhux mistenni mill-vaġina, ħlief demm tal-mestrwazzjoni, mingħajr kawża ddijanjostikata
għandek ovarji li ma jaħdmux minħabba kundizzjoni msejħa insuffiċjenza primarja tal-ovarji
għandek ċesti fl-ovarji jew ovarji mkabbra
għandek malformazzjonijiet tal-organi sesswali, li jagħmlu tqala normali impossibbli
għandek tumuri fibrojdi fl-utru, li jagħmlu tqala normali impossibbli
għandek fattur ta’ riskju għal OHSS (OHSS hija problema medika serja li tista’ tiġri meta l- ovarji jkunu stimulati ż-żejjed. Ara hawn taħt għal spjegazzjoni addizzjonali.):
għandek sindrome poliċistiku tal-ovarji (PCOS - polycystic ovarian syndrome)
kellek sindrome tal-iperstimulazzjoni tal-ovarji (OHSS - ovarian hyperstimulation
syndrome)
fil-passat kellek ċiklu ta’ trattament ta’ stimulazzjoni kkontrollata tal-ovarji li rriżulta fi tkabbir ta’ iktar minn 30 follikulu b’daqs ta’ 11 mm jew ikbar
għandek għadd bażiku ta’ follikuli antrali (in-numru ta’ follikuli żgħar preżenti fl-ovarji tiegħek fil-bidu ta’ ċiklu tal-mestrwazzjoni) ta’ iżjed minn 20
Kellem lit-tabib tiegħek qabel tuża Elonva.
Sindrome tal-iperstimulazzjoni tal-ovarji(OHSS)
Il-kura b’ormoni gonadotropiċi bħal Elonva tista’ tikkawża sindrome tal-iperstimulazzjoni tal-ovarji (OHSS). Din hi kundizzjoni medika serja fejn l-ovarji jkunu stimulati ż-żejjed u l-follikuli li jkunu qed jikbru jsiru akbar min-normal. F’każijiet rari, OHSS qawwija tista’ tkun ta’ periklu għall-ħajja. Għalhekk, superviżjoni mill-qrib mit-tabib tiegħek hi importanti ħafna. Biex jiċċekkja l-effetti tal- kura, it-tabib tiegħek se jgħamillek skans ultrasoniċi tal-ovarji tiegħek. It-tabib tiegħek jista’ jiċċekkja wkoll il-livelli ta’ ormoni fid-demm tiegħek. (Ara wkoll sezzjoni 4).
OHSS iġġiegħel fluwidu jinġemgħa f’daqqa waħda fl-istonku u fil-partijiet ta’ sidrek u tista’ tikkawża
l-formazzjoni ta’ tagħqid tad-demm. Ċempel lit-tabib tiegħek minnufih jekk għandek:
nefħa severa fl-addome u uġigħ fil-parti tal-istonku (addome)
tħossok imdardra (nawsja)
rimettar
żieda f’daqqa fil-piż minħabba fluwidu li jkun inġemgħa
dijarea
tnaqqis fl-għamil tal-awrina
tbatija biex tieħu n-nifs
Tista’ tuża Elonva darba biss matul l-istess ċiklu ta’ kura, inkella, ċ-ċans li jkollok OHSS jista’ jiżdied. Qabel tibda tuża din il-mediċina, għid lit-tabib tiegħek jekk inti qatt kellek sindrome ta’
iperstimulazzjoni tal-ovarji (OHSS).
Torsjoni tal-ovarji
Torsjoni tal-ovarji hija liwja ta’ ovarju. Liwja ta’ ovarju tista’ tikkawża l-qtugħ fil-provvista tad-demm lejn l-ovarju.
Qabel tibda tuża din il-mediċina, għid lit-tabib tiegħek jekk inti:
qatt kellek sindrome ta’ stimulazzjoni żejda tal-ovarji (OHSS).
tqila jew taħseb li tista’ tkun tqila.
qatt kellek operazzjoni fl-istonku (fl-addome).
qatt kellek liwja ta’ ovarju.
fil-passat kellek jew bħalissa għandek ċesti f’ovarju jew fl-ovarji.
Tagħqidtad-demm(Trombożi)
Il-kura b’ormoni gonadotropiċi bħal Elonva tista’ (bħat-tqala) iżżid ir-riskju li jkollok tagħqid tad- demm (trombożi). Trombożi hi l-formazzjoni ta’ tagħqid tad-demm f’vina jew arterja.
Tagħqid tad-demm jista’ jikkawża kondizzjonijiet mediċi serji, bħal:
imblokk fil-pulmuni (embolu fil-pulmun)
puplesija
attakk tal-qalb
problemi fl-arterji jew fil-vini (tromboflebite)
nuqqas ta’ provvista tad-demm (trombożi fil-vini tal-fond) li jista’ jwassal għal telf ta’ driegħ jew riġel.
Jekk jogħġbok iddiskuti dan mat-tabib tiegħek, qabel tibda l-kura, speċjalment jekk:
taf li diġà għandek ċans akbar li jkollok trombożi
inti, jew kwalunkwe persuna fil-familja immedjata tiegħek, xi darba kellu/kellha trombożi
għandek ħafna piż żejjed.
Twelid multiplu jew difetti tat-twelid
Hemm żieda fiċ-ċans li jkollok tewmin jew anki aktar minn żewġt itrabi, anke meta embriju wieħed
biss jiġi ttrasferit ġol-utru. Tqaliet multipli jġibu magħhom żieda fir-riskju kemm għas-saħħa tal-omm kif ukoll għat-trabi tagħha. Tqaliet multipli u karatteristiċi speċifiċi ta’ koppji bi problemi tal-fertilità (eż. l-età tal-mara, ċerti problemi fl-isperma, l-isfond ġenetiku taż-żewġ ġenituri) jistgħu wkoll jiġu assoċjati ma’ ċans akbar ta’ difetti tat-twelid.
Kumplikazzjonijiet tat-tqala
Jekk il-kura b’Elonva tirriżulta fi tqala, hemm ċans ikbar ta’ tqala li sseħħ barra mill-utru (tqala ektopika). Għalhekk, it-tabib tiegħek għandu jagħmillek eżami ultrasoniku minn kmieni biex jeskludi
l-possibbiltà ta’ tqala barra mill-utru.
Tumuri fl-ovarji u tumurioħrafis-sistema riproduttiva
Kien hemm rapporti ta’ tumuri fl-ovarji u tumuri oħra fis-sistema ripoduttiva f’nisa li ħadu kura għall- infertilità. Mhuwiex magħruf jekk kura b’mediċini tal-fertilità żżidx ir-riskju ta’ dawn it-tumuri f’nisa
mhux fertili.
Kondizzjonijietmediċioħra
Barra dan, qabel tibda tuża din il-mediċina, għid lit-tabib tiegħek jekk:
għandek mard tal-kliewi.
għandek glandola pitwitarja mhux ikkontrollata jew problemi ipotalamiċi.
għandek glandola tat-tirojde li mhux attiva biżżejjed (ipotirojdiżmu).
għandek glandoli adrenali li mhux qed jaħdmu tajjeb (insuffiċjenza adrenokortikali).
għandek livelli għoljin ta’ prolactin fid-demm (iperprolaktinemija).
għandek xi kondizzjonijiet mediċi oħra (per eżempju, dijabete, mard tal-qalb, jew xi marda oħra li tieħu fit-tul).
tabib qallek li t-tqala tista’ tkun ta’ periklu għalik.
Għid lit-tabib jew lill-ispiżjar tiegħek jekk qed tieħu, ħadt dan l-aħħar jew tista’ tieħu xi mediċini oħra, anki dawk mingħajr riċetta.
Jekk inti tagħmel test tat-tqala waqt li tkun qed tieħu trattament għall-infertilità b’Elonva, it-test jista’ jissuġġerixxi b’mod żbaljat li inti tqila. It-tabib tiegħek se jagħtik parir meta inti għandek tibda tagħmel it-testijiet tat-tqala. F’każ ta’ test pożittiv tat-tqala, ikkuntattja lit-tabib tiegħek.
M’għandekx tuża Elonva jekk inti diġà tqila, jew taħseb li tista’ tkun tqila, jew jekk qed tredda’. Itlob il-parir tat-tabib jew tal-ispiżjar tiegħek qabel tieħu din il-mediċina.
Elonva jista’ jikkawża sturdament. Jekk tħossok storduta, m’għandekx issuq jew tħaddem magni.
Dan il-prodott mediċinali fih anqas minn 1 mmol sodium (23 mg) f’kull injezzjoni, jiġifieri essenzjalment ‘ħieles mis-sodium’.
Dejjem għandek tuża Elonva skont il-parir eżatt tat-tabib tiegħek. Dejjem għandek taċċerta ruħek mat- tabib jew mal-ispiżjar tiegħek jekk ikollok xi dubju.
Fin-nisa
Elonva jintuża f’nisa li jkunu qed jieħdu kura kontra l-infertilità bħal fertilizzazzjoni in vitro (IVF).
Matul din il-kura, Elonva jintuża flimkien ma’ mediċina (hekk msejħa antagonist ta’ GnRH) biex
timpedixxi l-ovarju tiegħek milli jerħi bajda kmieni wisq. Il-kura bl-antagonist ta’ GnRH is-soltu tibda minn 5 sa 6 ijiem wara l-injezzjoni ta’ Elonva.
L-użu ta’ Elonva flimkien ma’ agonist ta’ GnRH (mediċina oħra biex timpedixxi l-ovarju tiegħek milli jerħi bajda kmieni wisq) mhuwiex irrakkomandat.
F’subien adolexxenti (14-il sena u akbar)
Elonva flimkien ma’ mediċina msejħa hCG, jintuża għat-trattament ta’ pubertà li tittardja minħabba HH. Elonva għandu jingħata darba kull ġimagħtejn, filgħodu fl-istess jum tal-ġimgħa.
Nisa
Fil-kura ta’ nisa ta’ età riproduttiva, id-doża ta’ Elonva hija bbażata fuq il-piż u l-età.
Doża waħda ta’ 100 mikrogramma hija rrakkomandata f’nisa li jiżnu 60 kilogramma jew inqas
u li għadhom età ta’ 36 sena jew inqas.
Doża waħda ta’ 150 mikrogramma hija rrakkomandata f’nisa:
li jiżnu aktar minn 60 kilogramma, hi x’inhi l-età tagħhom.
li jiżnu 50 kilogramma jew aktar u li għandhom aktar minn 36 sena.
Nisa li għandhom aktar minn 36 sena li kienu jiżnu inqas minn 50 kilogramma ma ġewx studjati.
Piż tal-Ġisem | ||||
Inqas minn 50 kg | 50 – 60 kg | Iktar minn 60 kg | ||
Età | 36 sena jew iżgħar | 100 mikrogramma | 100 mikrogramma | 150 mikrogramma |
Ikbar minn 36 sena | Ma ġewx studjati | 150 mikrogramma | 150 mikrogramma | |
Matul l-ewwel sebat ijiem wara l-injezzjoni b’Elonva, m’għandekx tuża Ormon li Jistimula l-Follikuli (rikombinanti) ((rec)FSH). Sebat ijiem wara l-injezzjoni ta’ Elonva, it-tabib tiegħek jista’ jiddeċiedi li jkompli ċ-ċiklu ta’ stimulazzjoni tiegħek b’ormon gonadotropiku ieħor, bħal (rec)FSH. Dan jista’ jitkompla għal ftit jiem sakemm biżżejjed follikuli ta’ daqs adegwat ikunu preżenti. Dan jista’ jiġi ċċekkjat permezz ta’ eżami ultrasoniku. Il-kura b’(rec)FSH imbagħad titwaqqaf u l-bajd jiġu mmaturati billi jingħata hCG (Gonadotropin Korjoniku uman). Il-bajd jinġabar mill-ovarju
34-36 siegħa aktar tard.
F’adolexxenti subien (14-il sena u aktar)
Id-doża ta’ Elonva hija bbażata fuq il-piż tal-ġisem:
Għaladolexxentisubienlijiżnu60 kg jew anqas
100 mikrogramma ta’ Elonva darba kull ġimagħtejn għal 12-il ġimgħa, segwita mill-għoti ta’ Elonva (darba kull ġimagħtejn) b’hCG. Jekk il-piż tal-ġisem tiegħek jiżdied għal aktar minn
60 kg matul it-trattament, it-tabib tiegħek jista’ jżid id-doża tiegħek ta’ Elonva għal
150 mikrogramma.
Għaladolexxentisubienlijiżnuaktarminn60 kg
150 mikrogramma ta’ Elonva darba kull ġimagħtejn għal 12-il ġimgħa, segwita minn għoti ta’ Elonva (darba kull ġimagħtejn) ma’ hCG.
It-terapija ta’ kombinazzjoni b’hCG darbtejn fil-ġimgħa (500 – 5000 IU) tista’ tkun meħtieġa għal 52 ġimgħa jew aktar biex jinkiseb żvilupp gonadali adult.
Il-kura b’Elonva għandha tiġi ssorveljata minn tabib li għandu esperjenza fil-kura ta’ problemi
tal-fertilità. Elonva jrid jiġi injettat taħt il-ġilda (b’mod subkutaneju) ġo ġilda mitwija (li inti toqros
bejn is-saba’ l-kbir u l-werrej), preferibbilment kemm kemm taħt iż-żokra. L-injezzjoni tista’ tingħata minn professjonist fil-qasam tal-kura tas-saħħa (pereżempju infermier/a), mis-sieħeb tiegħek jew minnek stess, jekk it-tabib tiegħek jagħtikom istruzzjonijiet bir-reqqa. Dejjem għandek tuża Elonva eżatt skont il-parir tat-tabib. Għandek tiċċekkja mat-tabib jew ma’ l-ispiżjar tiegħek jekk ikollok xi dubju. Hemm “istruzzjonijiet għall-użu” pass pass fl-aħħar ta’ dan il-fuljett ta’ tagħrif.
Tinjettax Elonva ġo xi muskolu.
Elonva huwa fornut f’siringi mimlija għal-lest li għandhom sistema ta’ sigurtà awtomatika biex jilqgħu kontra tingiż bil-labra wara l-użu.
Jekk taħseb li użajt aktar Elonva jew (rec)FSH milli suppost, ikkuntattja lit-tabib tiegħek
immedjatament.
Jekk tinsa tinjetta Elonva fil-jum li suppost kellek tinjettah, ikkuntattja lit-tabib tiegħek
immedjatament. Tinjettax Elonva qabel ma tkellem lit-tabib tiegħek.
Jekk għandek aktar mistoqsijiet dwar l-użu ta’ din il-mediċina, staqsi lit-tabib tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux
f’kulħadd.
Komplikazzjoni possibbli ta’ kura b’ormoni gonadotrofiċi bħal Elonva hija stimulazzjoni żejda mhux mixtieqa tal-ovarji. Iċ-ċans li jkollok din il-komplikazzjoni jista’ jitnaqqas billi timmonitorja b’attenzjoni n-numru ta’ follikuli li jkunu qed jimmaturaw. It-tabib tiegħek se jagħmel skans ultrasoniċi tal-ovarji tiegħek biex jimmonitorja b’attenzjoni n-numru ta’ follikuli li jkunu qed jimmaturaw. It-tabib tiegħek jista’ wkoll jiċċekkja l-livelli tal-ormoni fid-demm. L-ewwel sintomi ta’ stimulazzjoni żejda tal-ovarji jistgħu jiġu nnotati bħala uġigħ fl-istonku (addome), tħossok imdardra jew dijarea. Stimulazzjoni żejda tal-ovarji tista’ tiżviluppa f’kondizzjoni medika msejħa sindrome ta’ iperstimulazzjoni tal-ovarji (OHSS - ovarian hyperstimulation syndrome), li tista’ tkun problema medika serja. F’każijiet aktar severi dan jista’ jwassal għal tkabbir tal-ovarji, ġbir ta’ fluwidu fl- addome u/jew fis-sider (li jista’ jikkawża żieda f’daqqa fil-piż minħabba akkumulazzjoni ta’ fluwidu) jew tagħqid ta’ demm fl-arterji jew fil-vini.
Ikkuntattja lit-tabib tiegħek mingħajr dewmien jekk għandek uġigħ fl-istonku (addome) jew xi wieħed mis-sintomi l-oħra ta’ iperstimulazzjoni tal-ovarji, anke jekk iseħħu xi ftit jiem wara li tkun ingħatat l- injezzjoni.
Iċ-ċans li jkollok effetti sekondarju hu deskritt mill-kategoriji li ġejjin:
-Sindrome tal-iperstimulazzjoni tal-ovarji (OHSS)
-Uġigħ fil-pelvi
-Tħossok imdardra (nawsja)
-Uġigħ ta’ ras
-Skumdità fil-pelvi
-Sensittività fis-sider
-Għeja
-Ovarju milwi (torsjoni tal-ovarji)
-Żieda fl-enzimi tal-fwied
-Korriment
-Uġigħ wara li jinġabru l-ooċiti
-Uġigħ tal-proċedura
-Rilaxx ta’ bajda kmieni wisq (ovulazzjoni prematura)
-Nefħa fl-addome
-Rimettar
-Dijarea
-Stitikezza
-Uġigħ fid-dahar
-Uġigħ fis-sider
-Tbenġil jew uġigħ fis-sit tal-injezzjoni
-Irritabilità
-Bidliet fil-burdata minn ferħ għal dwejjaq f’daqqa waħda
-Sturdament
-Fawra
Reazzjonijiet allerġiċi (reazzjonijiet ta’ sensittività eċċessiva, kemm lokali kif ukoll mifruxa, inkluż raxx).
Tqala barra mill-utru (tqala ektopika), u tqaliet multipli kienu wkoll irrappurtati. Dawn l-effetti sekondarji mhumiex ikkunsidrati li huma marbuta mal-użu ta’ Elonva, iżda ma’ Teknoloġija Riproduttiva Assistita (ART) jew tqala sussegwenti
F’każijiet rari, bħal ma jiġri b’gonadotropins oħra, terapija b’Elonva ġiet assoċjata ma’ tagħqid ta’ demm (trombożi) li fforma ġewwa l-arterji jew il-vini, inqala’, u vvjaġġa mad-demm fil-ġisem fejn imblokka arterja jew vina oħra (tromboemboliżmu).
Jekk inti tifel adolexxent
Rimettar
Uġigħ fil-post tal-injezzjoni
Fawra
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett
sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali mniżżla f’Appendiċi V. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi, li tidher fuq it-tikketta wara ‘EXP’ u fuq il-kartuna wara “JIS” (data ta’ meta tiskadi). Id-data ta’ meta tiskadi tirreferi għall-aħħar ġurnata ta’ dak ix- xahar.
Aħżen fi friġġ (2ºC-8°C). Tagħmlux fil-friża.
Hemm żewġ għażliet:
1. Aħżen fi friġġ (2ºC-8°C). Tagħmlux fil-friża.
2. Aħżen f’temperatura ta’ 25ºC jew inqas għal perjodu ta’ mhux aktar minn xahar. Ħu nota ta’ meta tibda taħżen il-prodott barra mill-friġġ, u użah fi żmien xahar minn dik id-data.
Żomm is-siringa fil-kartuna ta’ barra sabiex tilqa’ mid-dawl.
jekk ikun inħażen barra l-friġġ għal aktar minn xahar.
jekk ikun inħażen barra l-friġġ f’temperatura ta’ aktar minn 25ºC.
jekk tinnota li s-soluzzjoni mhijiex ċara.
jekk tinnota li s-siringa jew il-labra ikun fihom il-ħsara.
Tarmix siringa vojta jew mhux użata mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi corifollitropin alfa. Kull Elonva 100 mikrogramma ta’ soluzzjoni għall- injezzjoni f’siringa mimlija għal-lest fiha 100 mikrogramma f’0.5 ta’ millilitru (mL) ta’ soluzzjoni għall-injezzjoni. Kull Elonva 150 mikrogramma ta’ soluzzjoni għall-injezzjoni f’siringa mimlija għal-lest fiha 150 mikrogramma f’0.5 ta’ millilitru (mL) ta’ soluzzjoni għall- injezzjoni.
Is-sustanzi l-oħra huma: sodium citrate, sucrose, polysorbate 20, methionine u ilma
għall-injezzjonijiet. Il-pH jista’ jkun ġie aġġustat b’sodium hydroxide u/jew hydrochloric acid.
Elonva hu soluzzjoni akweja għall-injezzjoni (injezzjoni) ċara u bla kulur f’siringa mimlija għal-lest b’sistema awtomatika tas-sigurtà, li timpedixxi korrimenti minn tingiż tal-labra wara l-użu. Is-siringa
hi ppakkjata flimkien ma’ labra sterilizzata għall-injezzjoni. Kull siringa fiha 0.5 mL ta’ soluzzjoni.
Siringa mimlija għal-lest waħda hi disponibbli f’pakkett wieħed.
Elonva hu disponibbli f’żewġ qawwiet: soluzzjoni għall-injezzjoni ta’ 100 mikrogramma u 150 mikrogramma.
N.V. Organon
Kloosterstraat 6
5349 AB Oss
L-Olanda
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
Organon Belgium
Tél/Tel: 0080066550123 (+32 2 2418100)
Organon Pharma B.V. Lithuania atstovybė Tel.: +370 52041693
Органон (И.А.) Б.В. -клон България Тел.: +359 2 806 3030
Organon Belgium
Tél/Tel: 0080066550123 (+32 2 2418100)
Organon Czech Republic s.r.o. Tel: +420 233 010 300
Organon Hungary Kft.
Tel.: +36 1 766 1963
Organon Denmark ApS
Tlf: + 45 4484 6800
Organon Pharma B.V., Cyprus branch Tel: +356 2277 8116
Organon Healthcare GmbH
Tel.: 0800 3384 726 (+49 (0) 89 2040022 10)
Organon
Tel: 00800 66550123
(+32 2 2418100)
Organon Pharma B.V. Estonian RO Tel: +372 66 61 300
Organon Norway AS
Tlf: +47 24 14 56 60
BIANEΞ Α.Ε
Τηλ: +30 210 80091 11
Organon Austria GmbH Tel: +43 (0) 1 263 28 65
Organon Salud, S.L.
Tel: +34 91 591 12 79
Organon Polska Sp. z o.o.
Tel.: +48 22 105 50 01
Organon France
Tél: + 33 (0) 1 57 77 32 00
Organon Portugal, Sociedade Unipessoal Lda.
Tel: +351 218705500
Organon Pharma d.o.o.
Tel: +385 1 638 4530
Organon Biosciences S.R.L.
Tel: +40 21 527 29 90
Organon Pharma (Ireland) Limited
Tel: +353 15828260medinfo.ROI@organon.com
Organon Pharma B.V., Oss, podružnica Ljubljana
Tel: +386 1 300 10 80
Vistor hf.
Sími: + 354 535 7000
Organon Italia S.r.l.
Tel: +39 06 3336407
Organon Finland Oy
Puh/Tel: +358 (0) 29 170 3520
Organon Pharma B.V., Cyprus branch
Τηλ: +357 22866730
Organon Sweden AB
Tel: +46 8 502 597 00
Ārvalsts komersanta “Organon Pharma B.V.” pārstāvniecība
Tel: +371 66968876
1.
Aħsel idejk bl-ilma u bis-sapun u xxutthom qabel tuża Elonva.
Imsaħ il-post tal-injezzjoni (il-parti eżatt taħt iż-żokra) b’diżinfettant (per eżempju, bl-alkoħol) biex tneħħi kwalunkwe
batterji fuq il-wiċċ tal-ġilda.
Naddaf madwar 5 ċm madwar il-punt fejn se tidħol il-labra u ħalli
d-diżinfettant jinxef għal mill-inqas minuta qabel ma tkompli.
2.
Waqt li tkun qed tistenna d-diżinfettant jinxef, aqta l-perforazzjoni tat-tikketta u iġbed ’il barra l-għatu tal-labra.
Ħalli l-protezzjoni tal-labra fuq il-labra.
Poġġi l-protezzjoni tal-labra (li jkun fiha l-labra) fuq wiċċ nadif u
xott, waqt li tkun qed tipprepara s-siringa.
3.
Żomm is-siringa bl-għatu l-griż tipponta ’l fuq.
Tektek is-siringa bil-mod b’sebgħek biex tgħin lill-bżieżaq tal-arja jitilgħu fil-wiċċ.
4.
Żomm is-siringa tipponta ’l fuq.
Ħoll l-għatu tas-siringa billi ddawwar f’direzzjoni anti-clockwise.
5.
Żomm is-siringa tipponta ’l fuq.
Waħħal il-protezzjoni tal-labra (li jkun fiha l-labra) billi
ddawwarha f’direzzjoni clockwise fuq is-siringa.
6.
Żomm is-siringa tipponta ’l fuq.
Neħħi l-protezzjoni tal-labra billi tiġbidha dritt ’il fuq u armiha.
7.
Issa ħu s-siringa bejn sebgħek il-werrej u dak tan-nofs tħares ’il
fuq.
Poġġi s-saba’ l-kbir fuq il-planġer.
Imbotta l-planġer ’il fuq bl-attenzjoni sakemm tidher qatra żgħira
fit-tarf tal-labra.
8.
Oqros parti mill-ġilda bejn is-saba’ l-kbir u s-saba’ l-werrej.
Daħħal il-labra kollha f’angolu ta’ 90 grad ġol-parti tal-ġilda.
Agħfas il-planġer BL-ATTENZJONI sakemm ma jkunx jista’
jinżel iżjed u żomm il-planġer ’l isfel.
injettata.
9.
Neħħi s-saba’ l-kbir minn fuq il-planġer.
Il-labra ser tinġibed awtomatikament ġos-siringa fejn ser tissakkar b’mod permanenti.