Leflunomide medac
leflunomide
leflunomide
Żomm dan il-fuljett. Jista’ jkollok bżonn terġa taqrah.
Jekk ikollok aktar mistoqsijiet, staqsi lit-tabib, lill-ispiżjar jew lill-infermier tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara anke jekk għandhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib, lill-ispiżjar jew lill-infermier tiegħek. Dan jinkludi xi effett sekondarju possibli li mhuwiex elenkat f’dan il-fuljett. Ara sezzjoni 4.
X’inhu Leflunomide medac u għalxiex jintuża
X’għandek tkun taf qabel ma tieħu Leflunomide medac
3. Kif għandek tieħu Leflunomide medac
Effetti sekondarji possibbli
Kif taħżen Leflunomide medac
Kontenut tal-pakkett u informazzjoni oħra
Leflunomide medac fih is-sustanza attiva leflunomide, li tappartjeni għall-grupp ta’ mediċini msejħa antirewmatiċi.
Leflunomide medac huwa wżat biex jittratta pazjenti adulti b’artrite rewmatojde attiva jew b’artrite
psorjatika attiva.
Is-sintomi ta’ l-artrite rewmatika jinkludu infjammazzjoni tal-ġogi, nefħa, diffikultà fil-movimenti u uġigħ. Sintomi oħra li jistgħu jeffettwaw il-ġisem kollu huma n-nuqqas t’aptit, id-deni, nuqqas ta’ enerġija u anemija (nuqqas ta’ taċ-ċelluli ħomor tad-demm).
Is-sintomi ta’ l-artrite psorjatika jinkludu infjammazzjoni tal-ġogi, nefħa, diffikultà fil-movimenti, uġigħ u ġilda bi rqajja’ ħomor u bil-qxur (leżjonijiet tal-ġilda).
jekk qatt kellek xi reazzjoni allerġika għal leflunomide (speċjalment xi reazzjoni serja tal-ġilda, spiss akkompanjata bid-deni, uġigħ fil-ġogi, tbajja’ ħomor tal-ġilda, jew infafet e.g. is-sindrome ta’ Stevens-Johnson), karawett jew sojja jew għal xi sustanza oħra ta’ din il-mediċina (imniżżla fis-sezzjoni 6), jew jekk inti allerġiku/a għal teriflunomide (użat għat-trattament tal-isklerożi multipla),
jekk għandek xi problemi fil-fwied,
jekk għandek xi problemi fil-kliewi ta’ grad moderat jew sever,
jekk għandek livelli baxxi ħafna tal-proteini fid-demm (livelli baxxi ħafna tal-proteini fiddemm),
jekk tbati minn xi problemi li taffettwalek id-difiża ta’ l-immunità tiegħek (e.g. AIDS),
jekk għandek problema bil-mudullun tiegħek, jew jekk għandek numru baxx ta’ ċelluli ħomor jew bojod fid-demm tiegħek, jew tnaqqis fin-numru ta’ plejtlits fid-demm,
jekk qiegħed issofri minn xi infezzjoni serja,
jekk inti tqila, taħseb li tista’ tkun tqila, jew qiegħda tredda’.
Kellem lit-tabib, lill-ispiżjar jew lill-infermier tiegħek qabel tieħu Leflunomide medac
jekk qatt soffrejt minn infjammazzjoni tal-pulmun (mard interstizjali tal-pulmun).
jekk qatt kellek it-tuberkulosi jew jekk ġejt f’kuntatt viċin ma xi ħadd li għandu jew kellu
t-tuberkulosi. It-tabib tiegħek jista’ jagħmillek xi testijiet biex jara jekk għandekx it-tuberkulosi.
jekk int pazjent raġel u tixtieq li jkollok it-tfal. Minħabba li ma jistax jiġi eskluż li Leflunomide medac jgħaddi fi semen, kontraċettiv effettiv għandu jintuża waqt it-trattament bl’Leflunomide medac. Dawk l-irġiel li jixtiequ jkollhom it-tfal għandhom ikellmu lit-tabib tagħhom li għandu mnejn jagħtihom parir biex jwaqqfu l-Leflunomide medac u jieħdu ċerti mediċini biex ineħħu Leflunomide medac malajr u biżżejjed minn ġisimhom. Ikollok bżonn ta’ test tad-demm biex tiżgura li l-Leflunomide medac tneħħa biżżejjed minn ġo ġismek u, wara dan, għandek tistenna għal mhux inqas minn 3 xhur oħra qabel taħseb biex ikollok it-tfal.
jekk wasalt biex ikollok test tad-demm speċifiku (livell tal-kalċju). Livelli baxxi taʼ kalċju foloz jistgħu jiġu osservati.
Kultant, l-Leflunomide medac jista’ jikkawża xi problemi fid-demm, fil-kliewi fil-pulmun jew
fin-nervituri tad-dirgħin jew tar-riġlejn. Jista’ ukoll jikkawżaxi reazzjonijiet allergiċi severi (li jinkludu r-Reazzjoni għall-Mediċina b’Eosinofilja u Sintomi Sistemiċi [DRESS]), jew jiżdied iċ-ċans ta xi infezzjoni severa. Għal aktar informazzjoni fuq dawn il-problemi, jekk jogħhġbok aqra sezzjoni 4 (Effetti sekondarji possibbli).
Fil-bidu DRESS tagħti sintomi li jixbħu dawk ta’ meta jkollok riħ flimkien ma’ raxx fuq il-wiċċ li mbagħad din testendi fuq partijiet oħra tal-ġisem u jkun hemm deni għoli, żieda fil-livelli tal-enzimi fil-fwied li jidhru fit-testijiet tad-demm u żieda f’tip ta’ ċelluli bojod tad-demm (eosinofilja) u glandoli limfatiċi minfuħin.
It-tabib tiegħek sejjer jagħmillek it-testijiet tad-demm f’intervalli regolari, qabel u waqt it-trattament bl-Leflunomide medac, biex jimmoniterja ċ-ċelluli tad-demm u l-fwied tiegħek. It-tabib tiegħek għandu jiċċekkja ukoll il-pressjoni tad-demm tiegħek regolarment għax Leflunomide medac tista’ żżid il-pressjoni.
Kellem lit-tabib tiegħek jekk ikollok dijarea kronika mhux spjegata. It-tabib tiegħek jista' jwettaq testijiet oħrajn għal dijanjosi differenzjali.
Għid lit-tabib tiegħek jekk tiżviluppa ulċeri fil-ġilda waqt it-trattament b’Leflunomide medac (ara
wkoll sezzjoni 4).
Għid lit-tabib jew lill-ispiżjar tiegħek jekk qed tieħu, ħadt dan l-aħħar jew tista’ tieħu xi mediċina oħra. Dan jinkludi mediċini li tista’ tieħu mingħajr riċetta.
Dan huwa importanti speċjalment jekk qiegħed tieħu:
mediċini oħra għall-artrite rewmatika bħal mediċini kontra l-malarja (e.g. chloroquine u hydroxychloroquine), deheb li jingħata sew fil-muskoli kif ukoll mill-ħalq, D-penicillamine, azathioprine u mediċini oħra li jrażżnu l-istat immuni (e.ż. methotrexate), billi dawn il-prodotti nflimkien mhumiex irrakkomandati.
warfarin u mediċini orali oħra użati biex iraqqu d-demm, għax ikun hemm bżonn ta’ monitoraġġ
sabiex jitnaqqas ir-riskju ta’ effetti sekondarji minn din il-mediċina
teriflunomide għas-sklerożi multipla
repaglinide, pioglitazone, nateglinide, jew rosiglitazone għad-dijabete
daunorubicin, doxorubicin, paclitaxel, jew topotecan għal kanċer
duloxetine għad-depressjoni, inkontinenza awrinarja jew għall-mard tal-kliewi fid-dijabetiċi
alosetron għall-immaniġġar ta’ dijarea severa
theophylline għall-ażma
tizanidine, rilassant tal-muskoli
kontraċettivi orali (li fihom ethinylestradiol u levonorgestrel)
cefaclor, benzylpenicillin (penicillin G), ciprofloxacin għall-infezzjonijiet
indomethacin, ketoprofen għall-uġigħ jew għall-infjammazzjoni
furosemide għall-mard tal-qalb (dijuretiku, pillola tal-ilma)
zidovudine għall-infezzjoni bl-HIV
rosuvastatin, simvastatin, atorvastatin, pravastatin għall-iperkolesterolimja (kolesterol għoli)
sulfasalazine għall-mard infjammatorju tal-imsaren jew artrite rewmatojdeja
mediċina li tissejjaħ colestyramine (użata biex tnaqqas livell għoli ta’ kolesterol) jew charcoal attivat għax dawn il-mediċini jistgħu jnaqqsu l-ammont ta’ Leflunomide medac li jiġi assorbit mill-ġisem.
Jekk inti diġa’ qiegħed tieħu l-mediċina mhux sterojdi li jintużaw kontra l-infjammazzjoni
(NSAIDs) u/jew corticosteroids, dawn jistgħu jitkomplew wara li jinbeda Leflunomide medac.
Jekk inti għandek bżonn titlaqqam, staqsi lit-tabib tiegħek għal-parir. Ċerta tilqim b’vaċċini m’għandux isir waqt li qed tieħu Leflunomide medac, u għal xi żmien wara li titwaqqaf l-kura.
Leflunomide medac jista jittieħed ma’ l-ikel jew mingħajr ikel.
Mhux irrakkomandat li tixrob l-alkoħol waqt il-kura b’Leflunomide medac. Jekk tixrob l-alkoħol waqt li qiegħed fuq Leflunomide medac tista’ iżied iċ-ċans ta’ ħsara fil-fwied.
Għid lit-tabib tiegħek jekk qiegħda tippjana li toħroġ tqila wara li twaqqaf Leflunomide medac, biex tkun żgura li it-traċċi kollha ta’ l-Leflunomide medac ġew mneħħija minn ġismek qabel tipprova toħroġ tqila. Dan jista’ jieħu żmien sa sentejn. Dan jista’ jitnaqqas għal ftit ġimgħat billi jittieħdu ċerti mediċini li jħaffu t-tneħħija ta’ Leflunomide medac minn ġismek.
Kull każ għandu jkun ikkonfermat b’test tad-demm li Leflunomide medac tneħħa biżżejjed minn ġismek, u wara għandek tistenna għal mhux anqas minn xahar ieħor qabel ma toħroġ tqila.
Għal aktar tagħrif fuq it-testijiet tal-laboratorju, jekk jogħġbok, ikkuntatja lit-tabib tiegħek.
Jekk tissuspetta li inti tqila waqt li qiegħda tieħu Leflunomide medac, jew f’dawk is-sentejn wara tkun waqaft il-kura, għandek tikkuntatja lit-tabib tiegħek minnufih biex tagħmel it-test tat-tqala. Jekk it-test jikkonferma li inti tqila’, it-tabib jista’ jissuġġerixxi kura b’ xi mediċini biex tneħħi Leflunomide medac malajr u biżżejjed minn ġismek, għax dan jista’ jnaqqas ir-riskju għat-tarbija tiegħek.
tas-sider.
Leflunomide medac jista’ jikkawżalek sturdament li jistgħu jfixkluk milli tikkonċentra u tirreaġixxi. Jekk jaffettwak, issuqx jew tħaddem magni.
Leflunomide medac fih il-lactose. Jekk it-tabib tiegħek qallek li int intolleranti għal xi tip ta’ zokkor,
ikkuntattja lit-tabib tiegħek qabel tieħu din il-mediċina.
Leflunomide medac fih soya lecithin. Jekk inti allerġiku/a għall-karawett jew sojja, tużax din il-mediċina.
Din il-mediċina fih anqas minn 1 mmol sodium (23 mg) f’kull pillola miksija b’rita, jiġifieri essenzjalment ‘ħieles mis-sodium’.
Dejjem għandek tieħu din il-mediċina skont il-parir eżatt tat-tabib jew l-ispiżjar tiegħek. Iċċekkja
mat-tabib jew mal-ispiżjar tiegħek jekk ikollok xi dubju.
Is-soltu d-doża inizjali ta’Leflunomide medac hija ta’ 100 mg leflunomide darba kuljum għal l-ewwel tlett ijiem. Wara dan, il-maġġoranza tal-pazjenti jeħtieġu doża ta’:
Għall-artrite rewmatika: 10 mg sa 20 mg ta’ Leflunomide medac darba kuljum, skond
is-severità tal-marda.
Għall-artrite psorjatika: 20 mg Leflunomide medac darba kuljum.
Tista’ tieħu madwar 4 ġimgħat jew aktar qabel ma tibda tħossok aħjar. Xi pazjenti jistgħu wkoll ikollhom kambjament għall-aħjar wara 4 sa 6 xhur mill-bidu tal-kura.
Normalment sejjer tieħu Leflunomide medac għal perijodi twal.
Jekk tieħu l-Leflunomide medac iżjed milli suppost, ikkuntatja lit-tabib tiegħek jew ħu parir mediku. Jekk huwa possibbli, ħu l-pilloli jew il-kaxxa miegħek biex turihom (turiha) lit-tabib.
Jekk tinsa tieħu doża, ħudha hekk kif tiftakar, sakemm ma jkunx wasal il-ħin biex tieħu d-doża li tmiss. M’għandekx tieħu doża doppja biex tpatti għal dik li tkun insejt.
Jekk għandek aktar mistoqsijiet dwar l-użu ta’din il-mediċina, staqsi lit-tabib jew lill-ispiżjar jew
lill-infermier tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux
f’kulħadd.
Għid lit-tabib tiegħek minnufih u tieqaf tieħu l-Leflunomide medac:
jekk jkollok debbulizza, sturdament jew tara kollox idur bik jew għandek diffikulta’ bin-nifs, billi dawn jistgħu jkunu sinjali ta’ reazzjoni allerġika severa,
jekk tiżviluppa raxx fil-ġilda jew ulċeri f’ħalqek, billi dawn jistgħu jindikaw reazzjonijiet severi u xi kultant fatali (e.ż. is-sindrome ta’ Stevens-Johnson, in-nekrosi tossika u esfoljattiva tal-ġilda, eritema multiforme, Reazzjoni għall-Mediċina b’Eosinofilja u Sintomi Sistemiċi [DRESS]), ara sezzjoni 2.
Għid lit-tabib tiegħek minnufih jekk jkollok:
xi sintomi ta’ infezzjoni bħal deni, griżmejk juġgħawk jew sola, billi din il-mediċina tista’ iżied iċ-ċans ta’ infezzjoni serja li tista’ tkun fatali,
tnemnim mhux tas-soltu, debulizza jew uġigħ f’idejk jew f’saqajk għax dawn jistgħu jindikaw
xi problemi fin-nervituri tiegħek (newropatija periferika).
tnaqqis żgħir fl-għadd taċ-ċelluli bojod tad-demm (lewkopenja),
reazzjonijiet allerġiċi ħfief,
nuqqas t’aptit, telf fil-piż (x’aktarx insinifikanti),
għeja (astenja),
uġigħ ta’ ras, sturdament,
sensazzjonijiet abnormali fil-ġilda bħat-tnemnim (parasteżija),
żieda ħafifa fil-pressjoni tad-demm,
kolite,
dijarrea,
tqalligħ, rimettar,
infjammazzjoni tal-ħalq u ulċeri tal-ħalq,
uġigħ ta’ żaqq,
żieda fil-livelli ta’ xi testijiet tal-fwied,
żieda fil-waqgħa tax-xagħar,
ekżema, ġilda xotta, raxx, ħakk,
infjammazzjoni ta’ l-għerq (uġigħ ikkawżat minn infjammazzjoni tal-membrana madwar lgħerq
is-soltu fis-saqajn jew fl’idejn),
żieda ta’ ċerta enżimi fid-demm (creatine phosphokinase).
problemi fin-nervituri tad-dirgħin jew tar-riġlejn (newropatija periferika).
tnaqqis fl-għadd taċ-ċelluli ħomor tad-demm (anemija) u tnaqqis fl-għadd tal-plejtlets fid-demm
(tromboċitopenja),
tnaqqis fil-livell tal-potassju fid-demm,
ansjetà,
disturbi fit-tegħim,
urtikarja (nettle rash),
qtugħ ta’ l-għerq tal-muskolu,
żieda fil-livelli tax-xaħam fid-demm (il-kolesterol u t-trigliċeridi),
tnaqqis fil-livell tal-fosfat fid-demm.
żieda fl-għadd ta’ tip ta’ ċelluli tad-demm, hekk imsejħa eosinofiliċi (eosinophilia); tnaqqis ħafif fl-għadd taċ-ċelluli bojod tad-demm (lewkopenja); tnaqqis fl-għadd tat-tipi kollha taċ-ċelluli taddemm (panċitopenja),
żieda qawwija fil-pressjoni tad-demm,
infjammazzjoni tal-pulmun (mard interstizjali tal-pulmun),
żieda fil-livelli ta’ xi testijiet tal-fwied li jistgħu jiżviluppaw f’kundizzjonijiet serji bħall-epatite u s-suffejra,
infezzjonijiet qawwija msejħa s-sepsis, li tista’ tkun fatali,
żieda ta’ ċerta enżimi fid-demm (lactate dehydrogenase).
tnaqqis immarkat fl-għadd ta’ xi tipi ta’ ċelluli bojod tad-demm (agranuloċitosi),
reazzjonijiet allerġiċi severi u potenzjalment serji,
infjammazzjoni tal-kanali li minnhom jgħaddi d-demm (vaskulite, li tinkludi l-vaskulite nekrotika talġilda),
infjammazzjoni tal-frixa (pankreatite),
leżjoni severa fil-fwied bħal insuffiċjenzja tal-fwied jew nekrosi li tista’ tkun fatali,
reazzjonijiet severi, x’imdaqqiet fatali (is-sindrome ta’ Stevens-Johnson, in-nekrosi tossika u esfoljattiva tal-ġilda, eritema multiforme).
Effetti sekondarji oħra bħal insuffiċjenza tal-kliewi, tnaqqis fil-livell ta’ l-aċidu uriku fid-demm tiegħek, ipertensjoni pulmonari, infertilita’ maskili (li hija riversibbli ġaladarba t-trattament b’din
il-mediċina titwaqqaf), lupus kutanju (ikkaratterizzat minn raxx/eritema fuq dawk il-partijiet tal-ġilda esposti għax-xemx), psorijażi (tal-ewwel darba jew li tmur għall-agħar), DRESS u ulċera fil-ġilda (ferita miftuħa u tonda fil-ġilda li minnha jistgħu jidhru t-tessuti li hemm taħt il-ġilda), jistgħu jseħħu wkoll b’frekwenza mhux magħrufa.
Jekk ikollok xi effett sekondarju, kellem lit-tabib, lill-ispiżjar jew lill-infermier tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali mniżżla f’Appendiċi V. Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq il-kartuna ta’ barra. Id-data ta’ meta tiskadi tirreferi għall-aħħar ġurnata ta’dak ix-xahar.
Żomm il-flixkun magħluq sewwa sabiex tilqa’ mill-umdità.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hija leflunomide.
Kull pillola ta’ Leflunomide medac 10 mg pilloli miksija b’rita fiha 10 mg ta’ leflunomide.
Is-sustanżi l-oħra huma lactose monohydrate, low-substituted hydroxypropyl cellulose, tartaric acid, sodium laurylsulfate u magnesium stearate fil-qalba tal-pillola kif ukoll lecithin (soybeans), poly(vinyl alcohol), talc, titanium dioxide (E 171) u xanthan gum fir-rita tal-pillola.
Leflunomide medac 10 mg pilloli miksija b’rita, huma bojod jew kważi bojod tondi b’dijametru ta’
madwar 6 mm.
Il-pilloli huma ppakkjati fil-fliexken.
Leflunomide medac 10 mg pilloli miksija b’rita: Daqsijiet tal-pakkett ta’ 30, 60 jew 100 pillola miksija b’rita f’kull flixkun huma disponibbli.
Jista’ jkun li mhux il-pakketti tad-daqsijiet kollha jkunu għall-skop kummerċjali.
medac
Gesellschaft für klinische Spezialpräparate mbH
Theaterstr. 6
22880 Wedel Il-Ġermanja
Haupt Pharma Münster GmbH
Schleebrüggenkamp 15
48159 Münster Il-Ġermanja
medac
Gesellschaft für klinische Spezialpräparate mbH
Theaterstr. 6
22880 Wedel Il-Ġermanja
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
Lamepro B.V.
Tél/Tel: +31 162 51 49 04
Gidamed Medical Supplies Ltd.
Τηλ: +357-257 510 30
medac GmbH
Teл.:+49 4103 8006-0
medac GmbH
Tél/Tel: +49 4103 8006-0
medac GmbH organizacni slozka
Tel: +420 543 233 857
medac GmbH
Tel: +49 4103 8006-0
medac
Tlf: +46 340 64 54 70
medac GmbH
Tel: +49 4103 8006-0
medac GmbH
Tel: +49 4103 8006-0
medac GmbH
Tel: +49 4103 8006-0
ViaSana
Tel: +370 5 2788 414
EVER Valinject GmbH
Tel: +43 7665 20555
medac GmbH
Τηλ: +49 4103 8006-0
medac GmbH Sp. z.o.o. Tel: +48 22 430 00 30
Laboratorios Gebro Pharma, S.A. Tel: +34 93 205 86 86
medac GmbH - Sucursal em Portugal Tel: +351 21 410 75 83
medac s.a.s.
Tél: +33 437 66 14 70
medac GmbH
Tel: +49 4103 8006-0
Medis Adria d.o.o.
Tel: +385 (0) 1 230 34 46
medac GmbH
Tel: +49 4103 8006-0
medac GmbH
Tel: +49 4103 8006-0
medac GmbH sivuliike suomessa
Puh/Tel: +358 10 420 4000
Williams & Halls ehf.
Sími: +354 499 01 68
medac Pharma LLP
Tel: +44 (0)1786458086
medac Pharma S.r.l. Tel: +39 06 515912 1
Informazzjoni dettaljata dwar dan il-mediċina tinsab fuq is-sit elettroniku tal-Aġenzija Ewropea għall-Mediċini: .