Brimica Genuair
aclidinium, formoterol fumarate dihydrate
aclidinium/formoterol fumarate dihydrate
Dan il-prodott mediċinali huwa suġġett għal monitoraġġ addizzjonali. Dan ser jippermetti identifikazzjoni ta’ malajr ta’ informazzjoni ġdida dwar is-sigurtà. Inti tista’ tgħin billi tirrapporta kwalunkwe effett sekondarju li jista’ jkollok. Ara t-tmiem ta’ sezzjoni 4 biex tara kif għandek tirrapporta effetti sekondarji.
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib, lill-ispiżjar jew l-infermier tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sinjali ta’ mard bħal tiegħek.
Jekk ikollok xi effett sekondarju, kellem lit-tabib, lill-ispiżjar jew l-infermier tiegħek. Dan jinkludi
xi effett sekondarju possibbli li mhuwiex elenkat f’dan il-fuljett. Ara sezzjoni 4.
X’inhu Brimica Genuair u għalxiex jintuża
X’għandek tkun taf qabel ma tuża Brimica Genuair
Kif għandek tuża Brimica Genuair
Effetti sekondarji possibbli
Kif taħżen Brimica Genuair
Kontenut tal-pakkett u informazzjoni oħra Struzzjonijiet għall-Użu
Din hija mediċina li fiha żewġ sustanzi attivi msejħin aclidinium u formoterol fumarate dihydrate.
It-tnejn jagħmlu parti minn grupp ta’ mediċini msejħin bronkodilaturi. Il-bronkodilaturi jirrilassaw
il-muskoli fil-passaġġi tal-arja tiegħek. Bih, il-passaġġi tal-arja jkunu jistgħu jinfetħu aktar u b’hekk
tkun tista’ tieħu nifs b’mod aktar faċli. L-inalatur Genuair iwassal is-sustanzi attivi direttament fil-pulmun tiegħek hekk kif tieħu n-nifs.
Brimica Genuair jintuża f’pazjenti adulti li għandhom diffikultajiet biex jieħdu n-nifs minħabba mard
fil-pulmun imsejjaħ mard pulmonari ostruttiv kroniku (COPD), li fih, il-passaġġi tal-arja u l-boroż tal- arja fil-pulmuni ssirilhom ħsara jew jiġu mblukkati. Billi tiftaħ il-passaġġi tal-arja, il-mediċina tgħin biex ittaffi sintomi bħal qtugħ ta’ nifs. Jekk tieħu Brimica Genuair b’mod regolari, dan inaqqas
l-effetti tas-COPD matul il-ħajja ta’ kuljum tiegħek.
jekk inti allerġiku għal aclidinium, formoterol fumarate dihydrate jew għal xi sustanza oħra ta’ din
il-mediċina (imniżżla fis-Sezzjoni 6).
Kellem lit-tabib jew l-ispiżjar jew l-infermier tiegħek qabel tuża Brimica Genuair, jekk ikollok xi waħda mill-kundizzjonijiet/sintomi li ġejjin:
Jekk għandek l-ażżma. Din il-mediċina ma għandhiex tintuża għall-kura tal-ażżma.
Jekk għandek problemi bil-qalb.
Jekk għandek l-epilessija.
Jekk għandek problemi fil-glandola tat-tirojde (tirotossikożi).
Jekk għandek tumur f’waħda mill-glandoli adrenali tiegħek (feokromoċitoma).
Jekk għandek diffikultà biex tgħaddi l-awrina jew problemi minħabba prostata minfuħa.
Jekk għandek kundizzjoni fl-għajnejn imsejħa glawkoma tal-angolu dejjaq, li tirriżulta fi pressjoni għolja fl-għajn.
Jekk tħoss tagħfis f’daqqa fis-sider, sogħla, tħarħir jew qtugħ ta’ nifs minnufih wara li tuża
l-mediċina. Ara sezzjoni 4.
Brimica Genuair jintuża bħala kura ta’ manteniment (fit-tul) għal COPD. M’għandekx tuża din il-mediċina sabiex tikkura attakk f’daqqa ta’ qtugħ ta’ nifs jew tħarħir.
Jekk is-sintomi normali tiegħek ta’ COPD (qtugħ ta’ nifs, tħarħir, sogħla) ma jmorrux għall-aħjar jew imorru għall-agħar meta tkun qed tuża Brimica Genuair għandek tkompli tużah, iżda mur kellem
lit-tabib tiegħek kemm jista’ jkun malajr f’każ li jkollok bżonn ta’ xi mediċina oħra.
Jekk tara raġġieri madwar id-dwal jew l-istampi kkuluriti, ikollok uġigħ jew skumdità fl-għajnejn jew issofri minn vista mċajpra temporanja, mur għand it-tabib tiegħek għal parir kemm jista’ jkun malajr.
Ħalq xott ġie osservat b’mediċini bħal Brimica Genuair. Fuq perjodu ta’ żmien twil, ħalq xott jista’ jiġi assoċjat ma’ taħsir tas-snien, għaldaqstant huwa importanti li tieħu ħsieb l-iġjene orali.
Brimica Genuair m’għandux jintuża fi tfal jew adolexxenti taħt it-18-il sena.
Għid lit-tabib jew lill-ispiżjar tiegħek jekk qiegħed tieħu, ħadt dan l-aħħar jew tista’ tieħu xi mediċina
oħra. Jekk tuża Brimica Genuair ma’ xi mediċini oħra, l-effett ta’ Brimica Genuair jew il-mediċini l-oħra jista’ jinbidel.
Għid lit-tabib jew lill-ispiżjar tiegħek jekk qed tieħu:
Kwanlunkwe mediċina li tista’ tkun simili għal Brimica Genuair biex tikkura diffikultajiet fit-teħid tan-nifs
Mediċini li jbaxxu l-ammont ta’ potassju fid-demm tiegħek. Dawn jinkludu:
kortikosterojdi li tieħu mill-ħalq (bħal prednisolone).
dijuretiċi (bħal furosemide jew hydrochlorothiazide).
ċerti mediċini użati biex jikkuraw kundizzjonijiet fit-teħid tan-nifs (bħal theophylline).
Il-mediċini msejħin imblokkaturi beta li jistgħu jintużaw biex jikkuraw pressjoni tad-demm
għolja jew problemi tal-qalb oħra (bħal atenolol jew propranolol) jew biex jikkuraw glawkoma (bħal timolol).
Mediċini li jistgħu jikkawżaw tip ta’ bidla fl-attività elettrika tal-qalb magħrufa bħala titwil fl-intervall QT (osservata f’elettrokardjogramma). Dawn jinkludu mediċini għall-kura ta’:
depressjoni (bħal inibituri ta’ monoamine oxidase jew antidepressanti triċikliċi),
infezzjonijiet batteriċi (bħal erythromycin, clarithromycin, telithromycin),
reazzjonijiet allerġiċi (antiistaminiċi).
Jekk inti tqila jew qed tredda’, taħseb li tista tkun tqila jew qed tippjana li jkollok tarbija, itlob il-parir
tat-tabib, tal-infermier jew tal-ispiżjar tiegħek qabel tieħu din il-mediċina. M’għandekx tuża Brimica Genuair jekk inti tqila jew jekk qed tredda’ sakemm it-tabib tiegħek ma jgħidlekx biex tagħmel dan.
Brimica Genuair x’aktarx li mhux se jaffettwa il-ħila tiegħek biex issuq u tuża magni. F’xi pazjenti,
din il-mediċina tista’ tikkawża vista mċajpra jew sturdament. Jekk tkun affettwat minn xi wieħed minn
dawn l-effetti sekondarji, issuqx u tużax magni sakemm l-isturdament ikun għadda jew il-vista tiegħek tkun ġiet lura għan-normal.
Din il-mediċina fiha l-lactose. Jekk it-tabib qallek li għandek intolleranza għal ċerti tipi ta’ zokkor, ikkuntattja lit-tabib tiegħek qabel tieħu dan il-prodott mediċinali.
Dejjem għandek tuża din il-mediċina skont il-parir eżatt tat-tabib jew l-ispiżjar tiegħek. Dejjem għandek taċċerta ruħek mat-tabib jew mal-ispiżjar tiegħek jekk ikollok xi dubju.
Id-doża rakkomandata hija inalazzjoni waħda filgħodu u inalazzjoni waħda filgħaxija.
Tista’ tuża Brimica Genuair fi kwalunkwe ħin qabel jew wara li tkun kilt u xrobt.
L-effetti ta’ Brimica Genuair idumu għal 12-il siegħa; għalhekk, għandek tipprova tuża Brimica Genuair fl-istess ħin kull filgħodu u filgħaxija peress li dan jiżgura li dejjem ikun hemm biżżejjed mediċina f’ġismek sabiex tgħinek tieħu n-nifs b’mod aktar faċli matul il-jum u l-lejl. Jekk tieħu
l-mediċina f’ħinijiet regolari, dan se jgħinek ukoll sabiex tiftakar tużah.
Id-doża rakkomandata tista’ tintuża għal pazjenti anzjani u għal pazjenti bi problemi tal-kliewi jew tal-fwied. Mhu meħtieġ l-ebda aġġustament fid-doża f’dawn il-pazjenti.
Brimica Genuair huwa biex jittieħed man-nifs.
-
COPD hija marda fit-tul; għaldaqstant, Brimica Genuair huwa għal użu fit-tul. Il-mediċina għandha tintuża kuljum, darbtejn kuljum u mhux biss meta jinħassu s-sintomi ta’ problemi fit-teħid ta’ nifs jew sintomi oħrajn ta’ COPD.
Jekk taħseb li użajt Brimica Genuair aktar milli suppost, huwa aktar probabbli li jkollok xi effetti
sekondarji tiegħu, bħal vista mċajpra, ħalq xott, dardir, rogħda/tertir, uġigħ ta’ ras, palpitazzjonijiet jew żieda fil-pressjoni tad-demm, għaldaqstant għandek tikkuntattja immedjatament lit-tabib tiegħek jew tmur fl-eqreb taqsima ta’ emerġenza. Uri l-pakkett ta’ Brimica Genuair. Jaf tkun meħtieġa attenzjoni medika.
Jekk tinsa doża ta’ Brimica Genuair, kull ma għandek tagħmel hu li tieħdu kemm jista’ jkun malajr u
tieħu d-doża li jmiss tiegħek fil-ħin normali. M’għandekx tieħu doża doppja biex tpatti għal kull doża li tkun insejt tieħu.
Din il-mediċina hija għal użu fit-tul. Jekk tixtieq twaqqaf it-trattament, l-ewwel kellem lit-tabib tiegħek, minħabba li s-sintomi tiegħek jistgħu jmorru għall-agħar.
Jekk għandek aktar mistoqsijiet dwar l-użu ta’ din il-mediċina, staqsi lit-tabib, lill-ispiżjar jew l-infermier tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
Tużax aktar il-mediċina u kkuntattja lit-tabib tiegħek immedjatament jekk inti:
tiżviluppa nefħa fil-wiċċ, gerżuma, xofftejn jew ilsien (bi jew mingħajr diffikultà fit-teħid tan-nifs jew biex tibla’), boċċi fuq il-ġilda severi u li jqabbdu l-ħakk (ħorriqija) minħabba li dawn jistgħu jkunu sintomi ta’ reazzjoni allerġika. Il-frekwenza ta’ din ir-reazzjoni ma tistax tiġi stmata mid- data disponibbli.
tiżviluppa tagħfis fis-sider, sogħla, tħarħir jew qtugħ ta’ nifs dritt eżatt wara li tuża l-mediċina.
Dawn jistgħu jkunu sinjali ta’ kondizzjoni msejħa “bronkospażmu paradossikali” li hija kontrazzjoni eċċessiva u fit-tul tal-muskoli tal-passaġġ tal-arja immedjatament wara kura bi bronkodilatur. Din ir-reazzjoni tista’ sseħħ f’każijiet rari (tista’ taffettwa sa 1 minn kull 1,000).
Dgħufija fil-muskoli, u/jew ritmu mhux normali tal-qalb, peress li dawn jistgħu jkunu sinjali ta’ tnaqqis fl-ammont ta’ potassju fid-demm tiegħek
Għeja, żieda fl-għatx u/jew żieda fil-ħtieġa li tagħmel l-awrina aktar ta’ spiss mis-soltu, peress li dawn jistgħu jkunu sinjali ta’ żieda fl-ammont ta’ zokkor fid-demm tiegħek
Palpitazzjonijiet, peress li dawn jistgħu jkunu sinjal ta’ taħbit tal-qalb mgħaġġel mhux tas-soltu
jew ritmu mhux normali tal-qalb
Diffikultà f’daqqa biex tieħu n-nifs jew tibla’, nefħa tal-ilsien, griżmejn, xufftejn jew il-wiċċ, jew raxx u/jew ħakk tal-ġilda - dawn jistgħu jkunu sinjali ta’ reazzjoni allerġika.
Kombinazzjoni ta’ wġigħ fil-griżmejn u mnieħer inixxi - dawn jistgħu jkunu sinjali ta’ nażofarinġite
Uġigħ ta’ ras
Uġigħ biex tagħmel l-awrina jew tkun tagħmel l-awrina b’mod frekwenti - dawn jistgħu jkunu sinjali ta’ infezzjoni fl-apparat urinarju
Sogħla
Dijarea
Imnieħer imblokkat, inixxi jew misdud u/jew uġigħ jew sensazzjoni ta’ pressjoni fil-ħaddejn jew fuq il-moħħ - dawn jistgħu jkunu sintomi ta’ sinusite
Sturdament
Bugħawwieġ fil-muskoli
Nawseja (tħossok imdardar)
Diffikultà biex torqod
Ħalq xott
Uġigħ fil-muskoliAxxesi (infezzjoni) fit-tessuti fil-bażi ta’ sinna
Żieda fil-livelli fid-demm ta’ proteina misjuba f’muskolu msejħa creatine phosphokinase
Rogħda/tertir
Ansjetà
Rata mgħaġġla ta’ taħbit tal-qalb (takikardija)
Uġigħ fis-sider jew tagħfis fis-sider (anġina pectoris)
Vista mċajpra
Tibdil fil-ħoss tal-vuċi (disfonja)
Diffikultà biex tagħmel l-awrina jew sensazzjoni li l-bużżieqa tiegħek ma żvujtatax kompletament (żamma tal-awrina)
Traċċar mhux normali tal-qalb (titwil tal-intervall QT) li potenzjalment iwassal għal ritmu mhux normali tal-qalb
Sens mibdul tat-togħma (disgewżja)
Irritazzjoni fil-griżmejn
Infjammazzjoni tal-ħalq (stomatite)
Żieda fil-pressjoni tad-demm
Aġitazzjoni
Raxx
Ħakk fil-ġilda
Jekk ikollok xi effett sekondarju, kellem lit-tabib, lill-ispiżjar jew l-infermier tiegħek. Dan jinkludi xi effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji
direttament permezz tas-sistema ta’ rappurtar nazzjonali imniżżla f’Appendiċi V. Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din
il-mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq it-tikketta tal-inalatur, il-kartuna u
l-borża tal-inalatur wara “JIS”. Id-data ta’ meta tiskadi tirreferi għall-aħħar ġurnata ta’ dak ix-xahar. Din il-mediċina m’għandhiex bżonn ħażna f’temperatura speċjali.
Żomm l-inalatur Genuair protett ġol-borża ssiġillata sakemm jibda l-perjodu ta’ għoti. Għandu jintuża fi żmien 60 jum mill-ftuħ tal-borża.
Tużax Brimica Genuair jekk tinnota li l-pakkett għandu xi daqqiet jew juri sinjali ta’ tbagħbis.
Wara li tieħu l-aħħar doża, l-inalatur irid jintrema. Tarmix mediċini mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanzi attivi huma aclidinium u formoterol fumarate dihydrate. Kull doża fornuta (id-doża li
toħroġ mill-biċċa tal-ħalq) fiha 396 mikrogramma ta’ aclidinium bromide (ekwivalenti għal 340 mikrogramma ta’ aclidinium) u 11.8 mikrogramma ta’ formoterol fumarate dihydrate.
Is-sustanza l-oħra hija lactose monohydrate (ara t-tmiem ta’ sezzjoni 2 taħt “Brimica Genuair fih lactose” għal aktar informazzjoni).
Brimica Genuair huwa trab li jittieħed man-nifs abjad jew kważi abjad.
L-inalatur Genuair huwa apparat ta’ kulur abjad mgħammar b’indikatur tad-dożi integrali u buttuna
oranġjo tad-dożaġġ. Il-biċċa tal-ħalq hija miksija b’tapp protettiv oranġjo li jinqala’. Hija pprovduta f’borża tal-aluminju protettiva ssiġillata li tinkludi qartas dessikant. Wara li tneħħi l-inalatur mill- borża, il-borża u d-dessikant għandhom jintremew.
Daqsijiet tal-pakketti pprovduti:
Kartuna li fiha inalatur 1 bi 30 doża. Kartuna li fiha inalatur 1 b’60 doża.
Kartuna li fiha 3 inalaturi kull wieħed b’60 doża.
Jista’ jkun li mhux il-pakketti tad-daqsijiet kollha jkunu fis-suq.
AstraZeneca AB
SE-151 85 Södertälje Svezzja
Industrias Farmacéuticas Almirall, S.A.
Ctra. de Martorell 41-61
08740 Sant Andreu de la Barca, Barcelona
Spanja
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
UAB “BERLIN-CHEMIE MENARINI BALTIC”
Tel: +370 52 691 947
“Берлин-Хеми/А. Менарини България” EООД тел.: +359 2 454 0950
Berlin-Chemie/A.Menarini Ceska republika s.r.o.
Tel: +420 267 199 333
Berlin-Chemie/A. Menarini Kft.
Tel.: +36 23501301
Associated Drug Co. Ltd Tel: +356 2277 8000
Berlin-Chemie AG Tel: +49 (0) 30 67070
AstraZeneca GmbH Tel: +49 41 03 7080
AstraZeneca BV
Tel: +31 79 363 2222
OÜ Berlin-Chemie Menarini Eesti Tel: +372 667 5001
AstraZeneca AS
Tlf: +47 21 00 64 00
MENARINI HELLAS AE
Τηλ: +30 210 8316111-13
A. Menarini Pharma GmbH.
Tel: +43 1 879 95 85-0
Laboratorios Menarini S.A.
Tel: +34-93 462 88 00
Berlin-Chemie/Menarini Polska Sp. z o.o.
Tel.: +48 22 566 21 00
MENARINI France
Tél: +33 (0)1 45 60 77 20
A. Menarini Portugal – Farmacêutica, S.A. Tel: +351 210 935 500
Berlin-Chemie Menarini Hrvatska d.o.o.
Tel: + 385 1 4821 361
Berlin-Chemie A.Menarini S.R.L.
Tel: +40 21 232 34 32
Menarini Pharmaceuticals Ireland Ltd
Tel: +353 1 284 6744
Berlin-Chemie / A. Menarini Distribution
Ljubljana d.o.o.
Tel: +386 01 300 2160
Vistor hf.
Sími: +354 535 70 00
Berlin-Chemie / A. Menarini Distribution Slovakia s.r.o.
Tel: +421 2 544 30 730
Laboratori Guidotti S.p.A.
Tel: +39- 050 971011
AstraZeneca Oy
Puh/Tel: +358 10 23 010
Αλέκτωρ Φαρµακευτική Λτδ
Τηλ: +357 22490305
AstraZeneca AB
Tel: +46 8 553 26 000
SIA Berlin-Chemie/Menarini Baltic
Tel: +371 67103210
AstraZeneca UK Ltd
Tel: +44 1582 836 836
Din is-sezzjoni fiha tagħrif dwar kif tuża l-inalatur Genuair tiegħek. Huwa importanti li taqra din l- informazzjoni peress li l-Genuair jista’ jaħdem b’mod differenti mill-inalaturi li użajt qabel. Hija disponibbli wkoll dimostrazzjoni bil-vidjo dwar kif tuża l-inalatur Genuair fuq www.genuair.com u permezz tal-kodiċi ta’ hawn taħt. Jekk għandek xi mistoqsijiet dwar kif tuża l-inalatur tiegħek, jekk jogħġbok staqsi lit-tabib, lill-ispiżjar jew lill-infirmier tiegħek għal assistenza.
Dawn l-Istruzzjonijiet għall-Użu huwa maqsuma fis-sezzjonijiet li ġejjin:
Biex tibda
Pass 1: Ipprepara d-doża tiegħek
Pass 2: Iġbed man-nifs il-mediċina tiegħek
Informazzjoni addizzjonali
Sir af aktar dwar il-parts tal-inalatur Genuair tiegħek.
Ħadra = l-inalatur lest biex
Ħamra = tikkonferma teħid man-nifs
korrett
Qabel l-ewwel użu, iftaħ il-borża ssiġillata u neħħi l-inalatur. Armi l-borża u d-dessikant.
Tagħfasx il-buttuna l-oranġjo sakemm tkun lest biex tieħu doża.
Aqla’ l-għatu billi tagħfas bil-mod il-vleġeġ immarkati fuq kull naħa (Figura B).
Agħfas hawnhekk u iġbed
Ħares ġewwa l-ftuħ tal-biċċa tal-ħalq u kun żgur li m’hemm xejn jimblukkaha (Figura C).
Ħares lejn it-tieqa ta’ kontroll (għandha tkun ħamra, Figura C).
Żomm l-inalatur orizzontalment bil-biċċa tal-ħalq tħares lejk u l-buttuna l-oranġjo tħares ’il fuq (Figura D).
Agħfas il-buttuna l-oranġjo kollha ’l isfel biex tħejji d-doża tiegħek (Figura E).
Meta tagħfas ’il buttuna kollha ’l isfel, it-tieqa ta’ kontroll tinbidel minn ħamra għal ħadra. Kun żgur li l-buttuna l-oranġjo tħares ’il fuq. Iddawrux.
Itlaq il-buttuna l-oranġjo (Figura F).
Kun żgur li titlaq l-buttuna biex b’hekk l-inalatur ikun jista’ jaħdem b’mod tajjeb.
Kun żgur li t-tieqa ta’ kontroll issa hija ħadra (Figura G).
Il-mediċina tiegħek hija lesta biex tinġibed man-nifs. Imxi għal “PASS 2: Iġbed man-nifs il-mediċina tiegħek”.
ĦADRA
Aqra l-passi 2.1 sa 2.7 kompletament qabel l-użu. Iddawrux.
2.1 Żomm l-inalatur ’il bogħod minn ħalqek, u itfa’ n-nifs ’il barra kompletament. Qatt titfa’ n- nifs ’il barra ġewwa l-inalatur (Figura I).
Ħu nifs qawwi u fil-fond minn ħalqek. Ibqa’ ħu nifs ’il ġewwa kemm tista’.
Se tisma’ “klikk” li se tavżak li qed tieħu n-nifs b’mod tajjeb. Ibqa’ ħu nifs ’il ġewwa kemm tista’ wara li tisma’ l-‘klikk’. Xi pazjenti jaf ma jisimgħux il-‘klikk’. Uża t-tieqa ta’ kontroll biex tiżgura li ħadt in-nifs b’mod tajjeb.
Neħħi l-inalatur minn ħalqek.
Żomm in-nifs kemm tista’.
Itfa’ n-nifs ’il barra mill-inalatur bil-mod.
Xi pazjenti jistgħu jħossu li qisu għandhom ir-ramel f’ħalqhom, jew togħma kemxejn ħelwa jew qarsa. Tiħux doża żejda anke jekk ma ttiegħem jew ma tħoss xejn wara li tieħu n-nifs.
Kun żgur li t-tieqa ta’ kontroll issa hija ħamra (Figura K). Dan ifisser li tkun ġbidt man-nifs il- mediċina tiegħek b’mod tajjeb.
Dan ifisser li ma tkunx ġbidt man-nifs il-mediċina tiegħek b’mod tajjeb. Mur lura għal “PASS 2 Iġbed man-nifs il-mediċina tiegħek” u rrepeti l-passi 2.1 sa 2.7.
Jekk it-tieqa ta’ kontroll xorta waħda tibqa’ ma tinbidilx għal ħamra, jista’ jkun li tkun insejt titlaq il- buttuna l-oranġjo qabel ma ħadt in-nifs jew inkella jista’ jkun li ma ħadtx in-nifs b’mod qawwi biżżejjed. Jekk jiġri dan, erġa’ pprova. Kun żgur li tlaqt il-buttuna l-oranġjo, u li tfajt in-nifs ’il barra kompletament. Imbagħad ħu nifs qawwi u fil-fond permezz tal-biċċa tal-ħalq.
Daħħal l-għatu protettiv lura ġewwa l-biċċa tal-ħalq wara kull użu (Figura M), biex tevita li l-inalatur jiġi kontaminat bi trab jew materjali oħra. Għandek tarmi l-inalatur tiegħek jekk titlef l-għatu.
X’għandek tagħmel jekk bi żball tipprepara doża?
Aħżen l-inalatur tiegħek bl-għatu protettiv f’postu sakemm jasal iż-żmien li tieħu man-nifs il-mediċina tiegħek, imbagħad neħħi l-għatu u ibda mill-Pass 1.6.
Kif jaħdem l-indikatur tad-doża?
L-indikatur tad-doża juri n-numru totali ta’ dożi li għad fadal fl-inalatur (Figura N).
Mal-ewwel użu, kull inalatur fih tal-anqas 60 doża, jew tal-anqas 30 doża, skont id-daqs tal- pakkett.
Kull darba li tħejji doża billi tagħfas il-buttuna l-oranġjo, l-indikatur tad-doża jiċċaqlaq b’ammont żgħir lejn in-numru li jmiss (50, 40, 30, 20, 10, jew 0).
Meta għandi nġib inalatur ġdid?
Għandek iġġib inalatur ġdid:
Jekk l-inalatur jidher li jkun bil-ħsara jew jekk titlef l-għatu, jew
Meta fl-indikatur tad-doża tidher faxxa ħamra, dan ifisser li qed tqarreb l-aħħar doża tiegħek (Figura N), jew
Jekk i-inalatur tiegħek ikun vojt (Figura O).
Kif tkun taf li l-inalatur tiegħek huwa vojt?
Meta l-buttuna l-oranġjo ma terġax tmur lura għall-pożizzjoni ta’ fuq kollha tagħha u tkun imsakkra f’pożizzjoni fin-nofs, tkun wasalt għall-aħħar doża (Figura O). Anki jekk il-buttuna l-oranġjo tkun imsakkra, xorta waħda tista’ tiġbed man-nifs l-aħħar doża tiegħek. Wara din, l-inalatur ma jistax jerġa’ jintuża u għandek tibda tuża inalatur ġdid.
Kif għandek tnaddaf l-inalatur?
QATT tuża ilma sabiex tnaddaf l-inalatur, minħabba li dan jista’ jkun ta’ ħsara għall-mediċina tiegħek.
Jekk tkun tixtieq tnaddaf l-inalatur tiegħek, sempliċement imsaħ il-parti ta’ barra tal-biċċa tal-ħalq b’tissue jew b’karta niexfa.