Advagraf
tacrolimus
Żomm dan il-fuljett. Jista' jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’gћandekx tgћaddiha lil persuni oћra. Tista’ tagħmlilhom il-ħsara, anke jekk għandhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4.
X’inhu Advagraf u għalxiex jintuża
X’għandek tkun taf qabel ma tieħu Advagraf
Kif għandek tuża Advagraf
Effetti sekondarji possibbli
Kif taħżen Advagraf
Kontenut tal-pakkett u informazzjoni oħra
Advagraf fih is-sustanza attiva tacrolimus. Wara t-trapjant tal-organu li tkun għamilt (tal-fwied, tal- kilwa), is-sistema immuni ta’ ġismek tipprova tirriġetta l-organu l-ġdid. Advagraf jintuża biex jikkontrolla r-respons immuni ta’ ġismek billi jgħin lil ġismek jaċcetta l-organu trapjantat.
Tista’ wkoll tingħata Advagraf għal rifjut li tkun qed issir tat-trapjant li tkun għamilt tal-fwied, tal- kliewi, tal-qalb jew ta’ xi organu ieħor jew jekk xi kura li kont qed tieħu qabel ma kinitx biżżejjed biex tikkontrolla dan ir-rispons immuni wara t-trapjant tiegħek.
Advagraf jingħata lil persuni adulti.
jekk int allerġiku/a (tbati minn sensittività eċċessiva) għal tacrolimus jew għal xi sustanza oħra ta’ din il-mediċina (imniżżla fis-sezzjoni 6)
jekk int allerġiku/a gћal sirolimus jew gћal kwalunkwe antibijotiku-makrolidi (eż. erythromycin, clarithromycin, josamycin).
Prograf u Advagraf, it-tnejn gћandhom is-sustanza attiva tacrolimus. Minkejja dan, Advagraf jittieћed darba kuljum, filwaqt li Prograf jittieћed darbtejn kuljum. Dan gћaliex il-kapsuli ta’ Advagraf jerћu l- mediċina tacrolimus bil-mod (rilaxx iktar bil-mod fuq żmien itwal). Advagraf u Prograf ma jistgħux jittieħdu wieħed flok l-ieħor.
Gћid lit-tabib tiegћek jekk xi waћda milli ġejjin tapplika gћalik:
jekk qed tieћu xi mediċina msemmija hawn taћt fis-sezzjoni ‘Mediċini oħra u Advagraf’
jekk gћandek jew kellek problemi tal-fwied
jekk gћandek dijarrea gћal iktar minn ġurnata waћda
jekk tħoss uġiegħ abdominali akkumpanjat jew la ma sintomi bhall bard, deni, dardir jew remettar.
jekk ghandek xi alterazjoni fl-attivita elletrika ta’ qalbek li tissejaħ prologazjoni tal-QT. Jekk jogħġbok evita li tieħu xi mediċini tal-ħxejjex, eż. St. John’s wort (Hypericum perforatum) jew kwalunkwe prodott veġetali ieħor peress li dawn jistgħu jaffettwaw l-effettività u d-doża ta’ Advagraf li trid tirċievi. Jekk għandek xi dubju jekk jogħġbok ikkonsulta mat-tabib tiegħek qabel ma tieħu xi prodotti jew mediċini tal-ħxejjex.
It-tabib tiegћek jista’ jkollu bżonn jibdillek id-doża tiegћek ta’ Advagraf.
Gћandek iżżomm kuntatt regolari mat-tabib tiegћek. Minn żmien gћal żmien, it-tabib tiegћek jista’ jkollu bżonn jagћmillek testijiet tad-demm, tal-awrina, tal-qalb, u tal-gћajnejn biex jagћtik id-doża tajba ta’ Advagraf.
Illimita kemm toqgħod fix-xemx u fid-dawl UV(ultravjola) meta tkun fuq il-kura ta’ Advagraf. Dan gћaliex l-immunosuppressanti jistgħu jżidu r-riskju ta’ kanċer tal-ġilda. Ilbes ħwejjeġ bi protezzjoni adattata u uża wkoll dlik li jkun fih fattur protettiv qawwi kontra r-raġġi tax-xemx.
Prekawzjoni għall-immaniġġar:
Kuntatt dirett ma’ kwalunkwe parti ta’ ġismek bħall-ġilda jew l-għajnejn, jew it-teħid ta’ soluzzjonijiet għall-injezzjoni, trab jew granuli li jinsabu fi prodotti b’tacrolimus man-nifs għandhom jiġu evitati waqt il-preparazzjoni. Jekk iseħħ dan il-kuntatt, laħlaħ il-ġilda u l-għajnejn.
L-użu ta’ Advagraf mhux rakkomandat fit-tfal u adoloxxenti taћt it-18-il sena.
Jekk jogħġbok għid lit-tabib jew lill-ispiżjar tiegħek jekk qed tieħu jew ħadt dan l-aħħar xi mediċini oħra, anke dawk mingħajr riċetta u xi kura tal-ħxejjex.
Mhux rakkomandat li tieћu Advagraf flimkien ma’ ciclosporin (mediċina oħra li tintuża biex tevita rifjut tal-organu trapjantat).
Il-livelli tad-demm ta’ Advagraf jistgħu jkunu effettwati minn mediċini oħra li tieħu, u l-livelli tad- demm ta’ mediċini oħra jistgħu jkunu effettwati bit-teħid ta’ Advagraf u tkun teħtieġ interruzzjoni jew tnaqqis jew żieda fid-doża ta’ Advagraf.
Xi pazjenti esperjenzaw żidiet fil-livelli ta’ tacrolimus fid-demm waqt li kienu qed jieħdu mediċini oħra. Dan jista’ jwassal għal effetti sekondarji serji, bħal problemi fil-kliewi, problemi fis-sistema nervuża, u disturbi fir-ritmu tal-qalb (ara sezzjoni 4).
Jista’ jseħħ effett fuq il-livelli ta’ Advagraf fid-demm kważi eżatt malli tibda tuża mediċina oħra,
għalhekk jista’ jkun meħtieġ monitoraġġ kontinwu u frekwenti tal-livell ta’ Advagraf fid-demm fl- ewwel ftit jiem minn meta tibda mediċina oħra u b’mod frekwenti waqt li tkompli l-kura bil-mediċina l-oħra. Xi mediċini oħra jistgħu jikkawżaw tnaqqis fil-livelli ta’ tacrolimus fid-demm, li jistgħu jżidu r-riskju li jiġi rrifjutat l-organu trapjantat. B’mod partikolari għandek tgħid lit-tabib tiegħek jekk tkun
qed tieħu jew jekk reċentement ħadt xi mediċini bħal:
mediċini antifungali u antibijotiċi, partikolarment dawk imsejħa antibijotiċi makrolidi, li jintużaw kontra l-infezzjonijiet eż. ketoconazole, fluconazole, itraconazole, posaconazole, voriconazole, clotrimazole, isavuconazole, miconazole, telithromycin, erythromycin, clarithromycin, josamycin, azithromycin, rifampicin, rifabutin, isoniazid u flucloxacillin
letermovir, użat biex jipprevjeni mard ikkawżat mis-CMV (human cytomegalovirus)
inibituri protesi HIV (eż. ritonavir, nelfinavir, saquinavir), il-mediċina booster cobicistat, u pilloli ta’ kombinazzjoni, jew inibituri non‐nucleoside reverse transcriptase tal-HIV (efavirenz, etravirine, nevirapine) li jintużaw gћat-trattament tal-infezzjoni HIV
inibituri ta’ protease HCV (eż. telaprevir, boceprevir, il-kombinazzjoni ombitasvir/paritaprevir/ritonavir bi jew mingħajr dasabuvir, elbasvir/grazoprevir, u glecaprevir/pibrentasvir) li jintuzaw biex jikkuraw infezzjoni tal-Epatite Ċ.
nilotinib u imatinib, idelalisib, ceritinib, crizotinib, apalutamide, enzalutamide, jew mitotane (użati għat-trattament ta’ ċerti kanċers)
mycophenolic acid, użat għas-soppressjoni tas-sistema immuni biex jipprevjeni r-rifjut tat-
trapjant
mediċini gћall-ulċeri fl-istonku u rifluss tal-aċidu (eż. omeprazole, lansoprazole jew cimetidine)
antiemetiċi, li jintużaw għall-kura tad-dardir u r-rimettar (eż. metoclopramide)
cisapride jew l-antiaċidu magnesium-aluminium-hydroxide, li jintuża għall-ħruq ta’ stonku
il-pillola kontraċettiva jew xi kura oħra ormonali b’ethinylestradiol, kura ormonali b’danazol
mediċini gћall-kura tal-pressjoni għolja jew problemi fil-qalb (eż. nifedipine, nicardipine, diltiazem u verapamil)
medicini kontra l-arritmja (amiodarone) użati għall-kontroll tal-arritmija (taħbit irregolari tal- qalb)
mediċini magħrufa bħala “statins” li jintużaw fil-kura ta’ min għandu kolesterol għoli u
trigliċeridi
carbamazepine, phenytoin jew phenobarbital, biex jikkuraw l-epilessija
metamizole, użat bħala trattament għall-uġigħ u għad-deni
il-kortikosterojdi prednisolone u methylprednisolone, li jagħmlu parti mill-klassi tal- kortikosterojdi li jintużaw gћat-trattament ta’ infjammazzjoni jew li jbaxxu s-sistema immunitarja (eż. f’rifjut tat-trapjant)
nefazodone, li jintuża fil-kura tad-depressjoni
mediċini tal-ћxejjex li jkun fihom St. John’s wort (Hypericum perforatum) jew estratti ta’
Schisandra sphenanthera
cannabidiol (użi, fost oħrajn, jinkludu t-trattament ta’ aċċessjonijiet).
Għid lit-tabib tiegħek jekk qed tirċievi kura għall-epatite Ċ. Il-kura mediċinali għall-epatite Ċ tista’ tinfluwenza l-funzjoni tal-fwied tiegħek u tista’ taffettwa l-livell ta’ tacrolimus fid-demm. Il-livelli ta’ tacrolimus fid-demm jistgħu jaqgħu jew jistgħu jiżdiedu skont il-mediċini preskritti għall-epatite Ċ. It- tabib tiegħek jista’ jkollu bżonn jissorvelja mill-qrib il-livelli ta’ tacrolimus fid-demm u jagħmel l- aġġustamenti meħtieġa fid-doża ta’ Advagraf wara li tibda l-kura għall-epatite Ċ.
Għid lit-tabib tiegħek jekk qiegħed tieħu jew teħtieġ tieħu ibuprofen (li jintuża f’każ ta’ deni, infjammazzjoni u uġigħ), antibijotiċi (cotrimoxazole, vancomycin, jew antibijotiċi aminoglycoside bħal gentamicin), amphotericin B (li jintuża għall-infezzjonijiet fungali) jew antivirali (li jintuża għall- infezzjonijiet virali eż. acyclovir, ganciclovir, cidofovir, foscarnet). Dawn jistgħu jżidulek il-problemi fil-kliewi jew fis-sistema nervuża meta toħodhom flimkien ma’ Advagraf.
It-tabib tiegħek jeħtieġ ukoll ikun jaf jekk, waqt li qed tieħu Advagraf, intix qed tieħu wkoll supplimenti ta’ potassju jew ċerti dijuretiċi li jintużaw gћal-insuffiċjenza tal-qalb, pressjoni gћolja u mard tal-kliewi (eż. amiloride, triamterene jew spironolactone), jew l-antibijotiċi trimethoprim jew cotrimoxazole li jistgħu jżidu l-livelli ta’ potassju fid-demm tiegħek, NSAIDs (eż. ibuprofen) li jintużaw gћad-deni, infjammazzjoni u uġigћ, antikoagulanti (li jraqqu id-demm), jew mediċini orali għall-kura tad-dijabete.
Jekk teħtieġ xi tilqim, jekk jogħġbok gћid lit-tabib tiegћek minn qabel.
Evita l-grejpfrut (kif ukoll is-sugu tal-grejpfrut) waqt li tkun qed tieħu Advagraf gћax jista' jaffetwa l- livelli tiegћu fid-demm.
Jekk inti tqila jew qed tredda’, taħseb li tista tkun tqila jew qed tippjana li jkollok tarbija, itlob il-parir tat-tabib tiegħek qabel tuża Advagraf.
Advagraf jgћaddi fil-ħalib tas-sider. Għalhekk ma għandekx tredda’ waqt li qed tuża Advagraf.
Issuqx jew tuża xi għodda jew magni jekk tħossok sturdut jew bi ngħas jew ikollok xi problemi biex tara sewwa wara li tieħu Advagraf. Dawn l-effetti jidhru aktar sikwit jekk tixrob l-alkoħol miegћu.
Advagraf fih lattosju (zokkor tal-ћalib). Jekk it-tabib tiegħek qallek li għandek intolleranza għal xi xorta ta’ zokkor, kellem lit-tabib qabel ma tibda tieħu din il-mediċina.
Din il-mediċina fiha inqas minn 1 mmol sodium (23 mg) f’kull kapsula, jiġifieri essenzjalment ‘ħielsa mis-sodium’
Il-linka użata fuq il-kapsuli ta’ Advagraf fiha soja lecithin. Jekk int alleġiku/a gћall-karawett jew soja, kellem lit-tabib tiegћek ћalli hu jiddeċiedi jekk gћandekx tuża din il-mediċina.
Dejjem għandek tieħu Advagraf skont il-parir eżatt tat-tabib tiegħek. Iċċekkja mat-tabib jew mal- ispiżjar tiegħek jekk ikollok xi dubju. Din il-mediċina għandha tingħata lilek biss minn tabib b’esperjenza fil-kura ta’ pazjenti li kellhom trapjant.
Kun ċert li dejjem tingћata l-istess mediċina ta’ tacrolimus kull meta tiġbor ir-riċetta tiegћek, sakemm l-ispeċjalista tat-trapjanti tiegћek jaqbel li taqleb gћal mediċina differenti ta’ tacrolimus. Gћandek tieћu din il-mediċina darba kuljum. Jekk id-dehra tal-mediċina ma tkunx l-istess bћal tas-soltu, jew jekk l-istruzzjonijiet tad-dożaġġ inbidlu, kellem lit-tabib jew l-ispiżjar tiegћek mill-aktar fis possibbli ћalli tkun ċert li gћandek il-mediċina it-tajba.
Id-doża li ssoltu tibda biha biex tevita rifjut tal-organu trapjantat jiddeċidiha t-tabib skont il-piż ta’ ġismek. Id- doża li tingħata fil-bidu kuljum wara t-trapjant, tkun ġeneralment bejn 0.10 – 0.30 mg kuljum għal kull kg tal-piż tal-ġisem imma dan jiddependi mill-organu trapjantat. Jistgħu jintużaw l- istess dożi għat-trattament tar-rifjut.
Id-doża tiddependi mill-kondizzjoni ġenerali tiegħek u fuq liema xorta ta’ kura oħra immunosuppressiva tkun qed tieħu.
Wara li tkun bdejt il-kura b’Advagraf, it-tabib joħodlok sikwit testijiet tad-demm biex ikun jista’ jasal għad-doża korretta. Wara dan ikun jeħtieġ li t-tabib tiegħek jagħmillek testijiet regolari tad-demm biex jiddefinixxi d-doża korretta u jaġġustha minn żmien għal żmien. It-tabib tiegħek aktarx li jnaqqaslek
id-doża ta’ Advagraf jekk jara li l-kondizzjoni tiegħek tkun stabbilit ruħha. It-tabib tiegħek jgħidlek eżatt kemm għandek tieħu kapsuli.
Jeħtieġ li tieħu Advagraf kuljum sakemm ikollok bżonn immunosuppressjoni biex tipprevjeni rifjut tal-organu trapjantat tiegħek. Żomm kuntatt regolari mat-tabib tiegħek.
Advagraf jittieħed mill-ħalq filgħodu darba kuljum. Ħu Advagraf fuq stonku vojt jew minn sagħtejn sa tliet sigħat wara li tiekol. Stenna mill-inqas siegħa sakemm terġa’ tiekol. Ħu l-kapsuli immedjatament wara li toħroġhom mill-folja. Il-kapsuli għandek tiblagħhom sħaħ ma’ tazza ilma. Tiblax id-desikkant li jkun hemm fil-qartas tal-fidda.
Jekk bi żball ħadt Advagraf aktar milli suppost, ikkuntattja lit-tabib tiegħek minnufih jew lid- dipartiment tal-emerġenza tal-eqreb sptar.
Jekk filgħodu nsejt tieħu l-kapsuli ta’ Advagraf, ħudhom mill-aktar fis possibbli dakinhar stess. Tiħux doża doppja l-għada filgħodu.
Jekk twaqqaf il-kura ta’ Advagraf tista’ tkabbar ir-riskju ta’ rifjut tal-organu trapjantat. Twaqqafx il- kura jekk it-tabib tiegħek ma jgħidlekx biex tagħmel hekk.
Jekk għandek aktar mistoqsijiet dwar l-użu ta’ dan il-prodott, staqsi lit-tabib jew lill-ispiżjar tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
Advagraf inaqqas il-mekkaniżmu ta’ difiża tal-ġisem tiegħek stess (sistema immunitarja) li ma tibqax daqstant tajba daqs is-soltu fil-ġlieda tagħha kontra l-infezzjonijiet. Għalhekk, waqt li qed tieħu Advagraf tkun aktar espost għall-infezzjonijiet.
Xi infezzjonijiet jistgħu jkunu serji jew fatali u jistgħu jinkludu infezzjonijiet ikkawżati minn batterji, viruses, fungi, parassiti, jew infezzjonijiet oħra.
Għid lit-tabib tiegħek immedjatament jekk ikollok sinjali ta’ infezzjoni inkluż:
Deni, sogħla, uġigħ fil-griżmejn, tħossok dgħajjef jew ġeneralment ma tiflaħx
Telf ta’ memorja, diffikultà biex taħseb, diffikultà biex timxi jew telf ta’ vista – dawn jistgħu jkunu minħabba infezzjoni tal-moħħ rari ħafna u serja, li tista’ tkun fatali (Lewkoenċefalopatija Multifokali Progressiva jew PML [Progressive Multifocal Leukoencephalopathy])
Jista’ jkun hemm xi effetti serji, inkluż reazzjonijiet allerġiċi u anafilattiċi. Wara l-kura b’Advagraf ġew irrapportati tumuri beninji u malinji.
Effetti sekondarji serji komuni (jistgħu jaffettwaw sa persuna 1 minn kull 10):
Perforazzjoni gastro-intestinali: uġigħ addominali qawwi akkumpanjat jew le minn sintomi oħra bħal bard, deni, dardir jew rimettar.
Nuqqas ta’ ħidma fl-organu trapjantat.
Vista mċajpra.
Effetti sekondarji serji mhux komuni (jistgħu jaffettwaw sa persuna 1 minn kull 100):
Sindrome uremiku emolitiku, kondizzjoni bis-sintomi li ġejjin: produzzjoni baxxa ħafna, jew in-nuqqas sħiħ, tal-awrina (insuffiċjenza akuta tal-kliewi), għeja estrema, sfurija fil- ġilda jew tal-għajnejn (suffejra) u tbenġil jew ħruġ ta’ demm mhux normali u sinjali ta’ infezzjoni.
Effetti sekondardji serji rari (jistgħu jaffettwaw sa persuna 1 minn kull 1 000):
Tromboċitopenija Trombotika Purpura (jew TTP), kondizzjoni kkaratterizzata minn deni u tbenġil taħt il-ġilda li jistgħu jidhru bħala tikek ħomor, bi jew mingħajr għeja estrema bla spjegazzjoni, konfużjoni, sfurija fil-ġilda jew tal-għajnejn (suffejra), b’sintomi ta’ insuffiċjenza tal-kliewi akuta (produzzjoni baxxa jew in-nuqqas għalkollox tal- produzzjoni tal-awrina).
Nekroliżi tossika tal-ġilda: erożjoni u nfafet tal-ġilda jew tal-membrani mukużi, ġilda minfuħa u ħamra li tista’ tinqala’ f’partijiet kbar tal-ġisem.
Għama.
Effetti sekondarji serji rari ħafna (jistgħu jaffettwaw sa persuna 1 minn kull 10 000):
Sindrome Stevens-Johnson: uġigħ mifrux mal-ġilda mingħajr spjegazzjoni, nefħa fil- wiċċ, mard serju bi nfafet fil-ġilda, fil-ħalq, fl-għajnejn u fil-partijiet ġenitali, urtikarja, nefħa fl-ilsien, raxx tal-ġilda li jkun aħmar jew vjola u li jinfirex, tixrid tal-ġilda.
Torsades de Pointes: bidla fil-frekwenza tal-qalb li tista’ tkun akkumpanjata, iżda mhux bilfors, minn sintomi bħal uġigħ fis-sider (anġina), ħass ħażin, mejt jew dardir, palpitazzjonijiet (tħoss it-taħbit tal-qalb) u diffikultà biex tieħu n-nifs.
Effettisekondarjiserji–frewkenzamhuxmagħrufa(matistaxtittieħedstimamid-data disponibbli):
Infezzjonijiet opportunistiċi (batterjali, fungali, virali u protożoali): dijarea persistenti, deni u wġigħ fil-griżmejn.
Ġew rapportati tumuri beninni u malinni wara l-kura li kienu r-riżultat ta’ immunosuppressjoni.
Każijiet ta’ aplasija taċ-ċelloli ħomor tad-demm pura (tnaqqis sever ħafna fl-għadd taċ-
ċelloli tad-demm ħomor), anemija emolitika (numru mnaqqas ta’ ċelluli ħomor tad-demm minħabba tkissir anormali) u newtropenija bid-deni (tnaqqis fit-tip ta’ ċelluli bojod tad- demm li jiġġieldu l-infezzjoni, flimkien mad-deni) kienu rrappurtati. Mhux magħruf b’eżattezza kemm hija frekwenti l-okkorrenza ta’ dawn l-effetti sekondarji. Jista’ ma jkollok l-ebda sintomi jew skont is-severità tal-kondizzjoni, tista’ tħoss: għeja, apatija, ikollok sfurija anormali tal-ġilda (bjuda), qtugħ ta’ nifs, sturdament, uġigħ ta’ ras, uġigħ fis-sider u kesħa fl-idejn u fis-saqajn.
Każijiet ta’ agranuloċitosi (numru mnaqqas ħafna ta’ ċelluli bojod tad-demm akkumpanjati b’ulċeri fil-ħalq, deni u infezzjoni([iet]). Jista’ jkun li ma jkollok l-ebda sintomi jew tista’ tħoss li f’daqqa waħda għandek id-deni, tkexkix ta' bard u wġigħ fil- griżmejn.
Reazzjonijiet allerġiċi u anafilattiċi bis-sintomi li ġejjin: raxx f’daqqa li jkun iħokk (urtikarja), nefħa tal-idejn, tas-saqajn, tal-għaksa, tal-wiċċ, tax-xufftejn, tal-ħalq jew tal- gerżuma (li jistgħu jikkawżaw diffikultà biex tibla’ jew tieħu n-nifs) u tista’ tħoss li se jħossok ħażin.
Sindrome tal-enċefalopatija riversibbli posterjuri (PRES, posterior reversible
encephalopathy syndrome): uġigħ ta’ ras, konfużjoni, bidliet fil-burdata, aċċessjonijiet, u disturbi fil-vista tiegħek. Dawn jistgħu jkunu sinjali ta’ disturb magħruf bħala sindrome ta’ sindrome tal-enċefalopatija riversibbli posterjuri, li ġie rrappurtat f’xi pazjenti kkurati b’tacrolimus.
Newropatija ottika (anormalità tan-nerv ottiku): problemi bil-vista bħal vista mċajpra, bidliet fil-vista tal-kulur, diffikultà biex tara d-dettall jew jekk il-kamp tal-vista tiegħek jiġi ristrett.
L-effetti sekondarji elenkati hawn taħt jistgħu jseħħu wkoll wara li tirċievi Advagraf u jistgħu jkunu serji:
Effetti sekondarji komuni ħafna (jistgħu jaffettwaw iktar minn persuna 1 minn kull 10):
Żieda taz-zokkor fid-demm, dijabete mellitus, żieda ta’ potassju fid-demm
Diffikultà fl-irqad
Rogħda, uġigħ ta’ ras
Żieda fil-pressjoni
Testijiet tal-funzjoni tal-fwied mhux normali
Dijarrea, dardir
Problemi fil-kliewi
Effetti sekondarji komuni (jistgħu jaffettwaw sa persuna 1 minn kull 10):
Tnaqqis fl-għadd taċ-ċelloli tad-demm (platelets, ċelloli ħomor jew bojod tad-demm), żieda fl- għadd ta’ ċelloli bojod tad-demm, bidliet fl-għadd ta’ ċelloli ħomor tad-demm (li jidhru fit- testijiet tad-demm)
Tnaqqis fid-demm ta’ manjesju, fosfat, potassju, kalċju jew sodju, fluwidu żejjed, żieda ta’ aċidu uriku jew lipidi fid-demm, nuqqas ta’ aptit, żieda fl-aċidità tad-demm, bidliet oħra fil- melħ tad-demm (li jidhru f’testijiet tad-demm)
Sintomi ta’ anzjetà, konfużjoni u diżorjentazzjoni, dipressjoni, tibdil fil-burdata, ħmar-il-lejl, alluċinazzjonijiet, disturbi mentali
Aċċessjonijiet, tfixkil meta f’sensik, tagħrix u tnemnim (nuqqas ta’ ħass) (kultant li jweġġa’) fl-
idejn u s-saqajn, sturdamenti, nuqqas ta’ ħila biex tikteb, disturbi fis-sistema nervuża
Sensittività akbar għad-dawl, disturbi fil-għajnejn
Ħsejjes ta’ ċenċil fil-widnejn
Tnaqqis ta’ ċirkolazzjoni tad-demm fil-vini tal-qalb, qalb tħabbat aktar malajr
Fsada, sadda parzjali jew sħiħa tal-vini, tnaqqis fil-pressjoni tad-demm
Qtugħ ta’ nifs, tibdil fit-tessut tal-pulmun, ġbir ta’ likwidu madwar il-pulmun, infjammazzjoni tat-tefarinġi, sogħla, sintomi bħal tal-influwenza
Infjammazzjonijiet jew ulċeri li jikkaġunaw uġigħ addominali jew dijarrea, fsada fl-istonku, infjammazzjonijiet jew ulċeri fil-ħalq, ġabra ta’ fluwidu fiż-żaqq, rifjut, uġigħ addominali, indiġestjoni, stitikezza, gass, nefħa, purgar maħlul, problemi fl-istonku
Disturbi fil-kanal tal-marrara, sfurija fil-ġilda minħabba problemi tal-fwied, ħsara fit-tessut tal-
fwied u infjammazzjoni tal-fwied
Ħakk, raxx, telf ta’ xagħar, akne, żieda fl-għaraq
Uġigħ fil-ġogi, dirgħajn, dahar jew riġlejn, spażmi muskolari
Nuqqas ta’ ħidma tal-kliewi, tnaqqis fil-produzzjoni tal-awrina, urinazzjoni batuta jew bl-uġigħ
Debbulizza ġenerali, deni, ġabra ta’ fluwidu fil-ġisem, uġigħ u skonfort, żieda ta’ enzimi alkalini fosfati fid-demm, żieda fil-piż, ħass ta’ disturbi fit-temperatura
Effetti sekondarji mhux komuni (jistgħu jaffettwaw sa persuna 1 minn kull 100):
Bidla fl-għoqiedi tad-demm, tnaqqis fin-numru tat-tipi kollha ta’ċelluli tad-demm (li jidhru f’testijiet tad-demm)
Deidrazzjoni (nixfa)
Tnaqqis ta’ proteini jew zokkor fid-demm, żieda fl-enzima fid-demm
Kôma, emorraġija fil-moħħ, attakk, paraliżi, disturbi fil-moħħ, anormalitajiet fil-kliem u fil- lingwa, problemi ta’ memorja
Opaċità tal-lenti tal-għajn
Smigħ mhux ċar
Taħbit irregolari tal-qalb, waqfien tat-taħbit tal-qalb, tnaqqis fil-ħidma tal-qalb, taqlib fil- muskolu tal-qalb, nefha tal-muskolu tal-qalb, taħbit aktar qawwi tal-qalb, ECG anormali, taħbit anormali tal-qalb u tal-polz
Għoqda demm f’vina ta’ id jew ta’ sieq, xokk
Diffikultajiet fin-nifs, taqlib fil-kanal respiratorju, ażma
Ostruzzjoni fil-musrana, żieda fil-livell tad-demm tal-enzima amylase, titligħ tal-kontenut tal- istonku fil-grieżem, dewmien tat-tbattil tal-istonku
Infjammazzjoni tal-ġilda, sensazzjoni ta’ ћruq fix-xemx
Problemi tal-ġogi
Ma tkunx tista’ tgħaddi l-awrina, menstruazzjoni bl-uġigħ u tneħħija anormali ta’ demm
Diversi organi ma jaħdmux, mard bħal tal-influwenza, sensittività akbar għas-sħun u l-kiesaħ, ħass ta’ pressjoni fuq is-sider, tferfir jew xi ħass ieħor mhux tas-soltu, żieda tal-enzima lactate dehydrogenase fid-demm, żieda fl-enzima lactate dehydrogenase fid-demm, tnaqqis fil-piż
Effetti sekondardji rari (jistgħu jaffettwaw sa persuna 1 minn kull 1 000):
Fsada żgħira fil-ġilda minħabba għeqiedi tad-demm
Żieda fl-ebusija muskolari
Titrix
Ġbir ta’ fluwidu madwar il-qalb
Qtugħ ta’ nifs akut
Formazzjoni ta’ ċesti fil-frixa
Problemi fiċ-ċirkolazzjoni tad-demm fil-fwied
Mard serju b’infafet fil-ġilda, fil-ħalq, fl-għajnejn u fil-ġenitali, żieda fil-pil
Għatx, uġigħ, ħass ta’ għafis fis-sider, nuqqas ta’ mobbiltà, ulċera
Effetti sekondarji rari ħafna (jistgħu jaffettwaw sa persuna 1 minn kull 10 000):
Dgħjufija muskolari
Scan anormali tal-qalb
Fwied ma jaħdimx,
Tbatija biex tgħaddi l-awrina bid-demm fl-awrina
Żieda fit tessut xaħmi
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali mniżżla f’Appendiċi V. Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurta ta’ din il-mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax Advagraf wara d-data ta’ meta tiskadi li tidher fuq il-pakkett wara il-kelma “EXP”. Id-data ta’ meta tiskadi tirreferi gћall-aħħar ġurnata ta’ dak ix-xahar. Uża l-kapsuli ibsin li jerћu l-mediċina bil- mod fi żmien sena minn meta tiftaħ il-qartas tal-aluminju.
Aħżen fil-pakkett oriġinali sabiex tilqa’ mill-umdità
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi tacrolimus
Kull kapsula Advagraf 0.5 mg fiha 0.5 mg ta’ tacrolimus (bħala monoidrat). Kull kapsula Advagraf 1 mg fiha 1 mg ta’ tacrolimus (bħala monoidrat). Kull kapsula Advagraf 3 mg fiha 3 mg ta’ tacrolimus (bħala monoidrat). Kull kapsula Advagraf 5 mg fiha 5 mg ta’ tacrolimus (bħala monoidrat).
Is-sustanzi mhux attivi l-oħra huma:
X’fiha l-kapsula: hypromellose, ethylcellulose, lactose, magnesium stearate.
Il-qoxra tal-kapsula: titanium dioxide (E171), yellow iron oxide (E 172), red iron oxide (E 172), sodium laurylsulfate, gelatin.
Stampat bil-linka: shellac, lecithin (soja), simeticone, red iron oxide (E172), hydroxypropylcellulose.
Il-kapsuli ibsin ta’ Advagraf 0.5 mg li jerћu l-mediċina bil-mod huma kapsuli ibsin tal-ġelatina stampati bl-aħmar b’“0.5 mg” fuq l-għatu isfar ċar tal-kapsula u bi “ 647” fuq l-għatu oranġjo tal- kapsula, mimlija trab abjad.
Il-kapsuli ta’ Advagraf 0.5 mg li jerћu l-mediċina bil-mod issibhom fil-folji jew kapsuli mifrudin minn ma’ xulxin fuq l-istess folja ta’ 10 kapsuli mqarsta fil-fidda, b’desikkant. Issib ukoll il-kapsuli ibsin li jerћu l-mediċina bil-mod f’pakketti ta’ 30, 50 u ta’ 100 jew 30×1, 50×1 u 100×1 kapsula li terħi l mediċina bil-mod mifrudin minn xulxin fuq l-istess folja.
Il-kapsuli ibsin ta’ Advagraf 1 mg li jerћu l-mediċina bil-mod huma kapsuli ibsin tal-ġelatina stampati bl-aħmar “1 mg” fuq l-għatu abjad tal-kapsula u b’“ 677” fuq l-għatu oranġjo tal-kapsula, mimlija trab abjad. Il-kapsuli ta’ Advagraf 1 mg li jerћu l-mediċina bil-mod issibhom fil-folji jew kapsuli
mifrudin minn ma’ xulxin fuq l-istess folja ta’ 10 kapsuli mqarsta fil-fidda, b’desikkant. Issib ukoll il- kapsuli ibsin li jerћu l-mediċina bil-mod f’pakketti ta’ 30, 50, 60 u 100 jew 30×1, 50×1, 60×1 u 100×1 kapsula li terħi l mediċina bil-mod mifrudin minn xulxin fuq l-istess folja.
Il-kapsuli ibsin ta’ Advagraf 3 mg li jerћu l-mediċina bil-mod huma kapsuli ibsin tal-ġelatina stampati bl-aħmar b’“3 mg” fuq l-għatu aħmar jagħti fil-griż tal-kapsula u b’“637” fuq l-għatu oranġjo tal- kapsula, mimlija trab abjad. Il-kapsuli ta’ Advagraf 3 mg li jerћu l-mediċina bil-mod issibhom fil-folji jew kapsuli mifrudin minn ma’ xulxin fuq l-istess folja ta’ 10 kapsuli mqarsta fil-fidda, b’desikkant. Issib ukoll il-kapsuli ibsin li jerћu l-mediċina bil-mod f’pakketti ta’ 30, 50 u ta’ 100 jew 30×1, 50×1 u 100×1 kapsula li terħi l mediċina bil-mod mifrudin minn xulxin fuq l-istess folja.
Il-kapsuli ibsin ta’ Advagraf 5 mg li jerћu l-mediċina bil-mod huma kapsuli ibsin tal-ġelatina stampati bl-aħmar bi “5 mg” fuq l-għatu aħmar jagħti fil-griż tal-kapsula u bi “687” fuq l-għatu oranġjo tal- kapsula, mimlija trab abjad. Il-kapsuli ta’ Advagraf 5 mg li jerћu l-mediċina bil-mod issibhom fil-folji jew kapsuli mifrudin minn ma’ xulxin fuq l-istess folja ta’ 10 kapsuli mqarsta fil-fidda, b’desikkant. Issib ukoll il-kapsuli ibsin li jerћu l-mediċina bil-mod f’pakketti ta’ 30, 50 u ta’ 100 jew 30×1, 50×1 u 100×1 kapsula li terħi l mediċina bil-mod mifrudin minn xulxin fuq l-istess folja.
Mhux id-daqsijiet kollha tal-pakketti qegħdin għal bejgħ.
Detentur tal-Awtorizzazzjoni għas-Suq: Astellas Pharma Europe B.V. Sylviusweg 62
2333 BE Leiden
L-Olanda
Manifattur:
Astellas Ireland Co., Ltd.
Killorglin, County Kerry, V93FC86 L-Irlanda
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
Астелас Фарма ЕООД Teл.: + 359 2 862 53 72
Biocodex UAB
Tel.: +370 37 408 681
Faks.: +370 37 408 682
Tél/Tel: + 32 (0)2 5580710
Astellas Pharma a/s Tlf: + 45 43 430355
Astellas Pharmaceuticals AEBE Τηλ: +30 210 8189900
Astellas Pharma GmbH Tel: + 49 (0)89 454401
Astellas Pharma B.V. Tel: + 31 (0)71 5455745
Biocodex OU
Tel.: +371 6 056 014
Fax: +372 6 056 011
Astellas Pharma
Tlf: + 47 66 76 46 00
Astellas Pharmaceuticals AEBE Τηλ: +30 210 8189900
Astellas Pharma Ges.m.b.H. Tel: + 43 (0)1 8772668
Astellas Pharma S.A. Tel: + 34 91 4952700
Astellas Pharma Sp.z.o.o. Tel.: + 48 (0) 225451 111
Astellas Pharma S.A.S. Tél: + 33 (0)1 55917500
Astellas Farma, Lda. Tel: + 351 21 4401320
Astellas d.o.o.
Tel: + 385 1 670 01 02
S.C.Astellas Pharma SRL
Tel: +40 (0)21 361 0495/96/92
Astellas Pharma Co. Ltd. Tel: + 353 (0)1 4671555
Astellas Pharma d.o.o. Tel: +386 (0) 1-4011 400
Vistor hf
Sími: + 354 535 7000
Astellas Pharma S.p.A. Tel: + 39 (0)2 921381
Astellas Pharma
Puh/Tel: + 358 9 85606000
Astellas Pharmaceuticals AEBE Ελλάδα
Τηλ: +30 210 8189900
Astellas Pharma AB
Tel: + 46 (0)40-650 15 00
Biocodex SIA
Tel: +371 67 619365
Astellas Pharma Co., Limited
Free call from Northern Ireland: 0800 783 5018
International number: +353 (0)1 4671555
Informazzjoni ddettaljata dwar din il-mediċina tinsab fuq is-sit elettroniku tal-Aġenzija Ewropea għall- Mediċini .