Fuljett ta’ tagħrif: Informazzjoni għall-utent

Harvoni 90 mg/400 mg pilloli miksija b’rita Harvoni 45 mg/200 mg pilloli miksija b’rita ledipasvir/sofosbuvir

Aqra sew dan il-fuljett kollu qabel tibda tieħu din il-mediċina peress li fih informazzjoni importanti għalik.

• Żomm dan il-fuljett. Jista’ jkollok bżonn terġa’ taqrah.

• Jekk ikollok aktar mistoqsijiet, staqsi lit-tabib jew lill-ispiżjar tiegħek.

• Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anke jekk għandhom l-istess sinjali ta’ mard bħal tiegħek.

• Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett

sekondarju possibbli li mhuwiex elenkat f’dan il-fuljett. Ara sezzjoni 4.

F’dan il-fuljett:

1. X’inhu Harvoni u għalxiex jintuża

2. X’għandek tkun taf qabel ma tieħu Harvoni

3. Kif għandek tieħu Harvoni

1. Effetti sekondarji possibbli

2. Kif taħżen Harvoni

3. Kontenut tal-pakkett u informazzjoni oħra

Jekk Harvoni ngħata b’riċetta tat-tabib għal ibnek/bintek, jekk jogħġbok innota li l- informazzjoni kollha f’dan il-fuljett hi applikabbli għal ibnek/bintek (f’dan il-każ jekk jogħġbok aqra “ibnek/bintek” minflok “inti”).

1. X’inhu Harvoni u għalxiex jintuża

   
   

   Harvoni hi mediċina li fiha s-sustanzi attivi ledipasvir u sofosbuvir. Harvoni jingħata biex jittratta infezzjoni kronika (għal żmien twil) bil-virus tal-epatite Ċ f’adulti u tfal li għandhom 3 snin u aktar.

   
   

   Epatite Ċ hi infezzjoni tal-fwied ikkawżata minn virus. Is-sustanzi attivi fil-mediċina jaħdmu flimkien billi jimblukkaw żewġ proteini differenti li l-virus jeħtieġ biex jikber u jirriproduċi lilu nnifsu, u b’hekk jippermettu li l-infezzjoni tiġi eliminata b’mod permanenti mill-ġisem.

   
   

   Xi kultant, Harvoni jittieħed ma’ mediċina oħra, ribavirin.

   
   

   Hu importanti ħafna li inti taqra wkoll il-fuljetti għall-mediċini l-oħrajn li se tkun qed tieħu ma’ Harvoni. Jekk għandek xi mistoqsijiet dwar il-mediċini tiegħek, jekk jogħġbok staqsi lit-tabib jew lill- ispiżjar tiegħek.

   
   

2. X’għandek tkun taf qabel ma tieħu Harvoni Tiħux Harvoni

   • Jekk inti allerġiku għal ledipasvir, sofosbuvir jew għal xi sustanza oħra ta’ din il-mediċina (imniżżla fis-sezzjoni 6 ta’ dan il-fuljett).

     
     

   • Jekk bħalissa qed tieħu kwalunkwe waħda mill-mediċini li ġejjin:

     • rifampicin u rifabutin (antibijotiċi li jintużaw għall-kura ta’ infezzjonijiet, li jinkludu t- tuberkulożi);

     • St. John’s wort (mediċina li ġejja mill-ħxejjex li tintuża għall-kura tad-depressjoni);

     • carbamazepine, phenobarbital u phenytoin (mediċini li jintużaw għall-kura ta’

       epilessija u għall-prevenzjoni ta’ aċċessjonijiet);

     • rosuvastatin (mediċina li tintuża għall-kura ta’ kolesterol għoli).

       
       

        Jekk kwalunkwe kundizzjoni minn dawn li ġejjin tapplika għalik, tiħux Harvoni u għid lit-tabib tiegħek immedjatament.

       
       

       Twissijiet u prekawzjonijiet

       
       

       It-tabib tiegħek se jkun jaf jekk kwalunkwe mill-kundizzjonijiet li ġejjin japplikaw għalik. Dawn se jiġu kkunsidrati qabel tinbeda l-kura b’Harvoni.

   • problemi oħrajn tal-fwied minbarra l-epatite Ċ, pereżempju

     • jekk qed tistenna trapjant tal-fwied;

     • jekk bħalissa għandek infezzjoni jew kellek infezzjoni preċedenti bil-virus

       tal-epatite B, minħabba li t-tabib tiegħek jista’ jkun irid jimmonitorjak aktar mill-qrib;

   • problemi tal-kliewi jew jekk qiegħed fuq dijalisi tal-kliewi, billi Harvoni ma ġiex ittestjat b’mod sħiħ f’pazjenti bi problemi severi tal-kliewi;

   • kura li għadha għaddejja għal infezzjoni tal-HIV, billi t-tabib tiegħek jista’ jkun jixtieq li

     jissorveljak aktar mill-qrib.

     
     

     Kellem lit-tabib jew lill-ispiżjar tiegħek qabel tieħu Harvoni jekk:

   • inti qed tieħu, jew ħadt f’dawn l-aħħar ftit xhur, il-mediċina amiodarone biex tikkura rata ta’ taħbit tal-qalb irregolari, peress li dan jista’ jwassal għal tnaqqis fir-rata ta’ taħbit tal-qalb tiegħek li jkun ta’ periklu għall-ħajja. It-tabib tiegħek jista’ jikkunsidra trattamenti differenti jekk tkun ħadt din il-mediċina. Jekk ikun meħtieġ trattament b’Harvoni, jista’ jkollok bżonn ta’ monitoraġġ addizzjonali tal-qalb.

   • tbati bid-dijabete. Jista’ jkun meħtieġ monitoraġġ aktar mill-qrib tal-livelli ta’ glukożju fid- demm tiegħek u/jew aġġustament tal-medikazzjoni għad-dijabete tiegħek wara li tibda tieħu Harvoni. Xi pazjenti bid-dijabete esperjenzaw livelli baxxi ta’ zokkor fid-demm (ipogliċemija) wara li bdew kura b’mediċini bħal Harvoni.

     
     

     Għid lit-tabib tiegħek minnufih jekk bħalissa qed tieħu, jew fl-aħħar xhur ħadt, xi mediċini għal

     problemi tal-qalb u jekk matul il-kura tesperjenza:

   • taħbit tal-qalb bil-mod jew irregolari, jew problemi fir-ritmu tal-qalb;

   • qtugħ ta’ nifs jew aggravar ta’ qtugħ ta’ nifs eżistenti;

   • uġigħ fis-sider;

   • sturdament

   • palpitazzjonijiet

   • ikun se jħossok ħażin jew ħass ħażin.

     
     

     Testijiet tad-demm

     
     

     It-tabib tiegħek se jittestja d-demm tiegħek qabel, matul u wara l-kura tiegħek b’Harvoni. Dan isir

     biex:

   • It-tabib tiegħek ikun jista’ jiddeċiedi jekk għandekx tieħu Harvoni u għal kemm żmien;

   • It-tabib tiegħek ikun jista’ jikkonferma li l-kura tiegħek tkun ħadmet u li inti ma jkunx fadallek

     virus tal-epatite Ċ.

     
     

     Tfal u adolexxenti

     
     

     Tagħtix din il-mediċina lil tfal taħt it-3 snin. L-użu ta’ Harvoni fit-tfal li għandhom inqas minn 3 snin

     għadu ma ġiex studjat.

     Mediċini oħra u Harvoni

     
     

     Għid lit-tabib jew lill-ispiżjar tiegħek jekk qed tieħu, ħadt dan l-aħħar jew tista’ tieħu xi mediċini oħra.

     
     

     Warfarin u mediċini oħra simili msejħa antagonisiti tal-vitamina K użati biex iraqqu d-demm. It-tabib jaf ikun jeħtieġ iżid il-frekwenza tat-testijiet tad-demm tiegħek biex jiċċekkja kemm id-demm tiegħek jista’ jagħqad sew.

     
     

     Il-funzjoni tal-fwied tiegħek tista’ tinbidel bit-trattament tal-epatite Ċ u għalhekk tista’ taffettwa mediċini oħra (eż. mediċini użati biex irażżnu s-sistema immuni tiegħek, eċċ.). Wara li tibda Harvoni, it-tabib tiegħek jista’ jkollu bżonn jimmonitorja mill-qrib dawn il-mediċini l-oħra li qed tieħu u jagħmel aġġustamenti.

     
     

     Jekk m’intix ċert/a dwar hux qed tieħu mediċini oħrajn, kellem lit-tabib jew lill-ispiżjar tiegħek.

     
     

     Xi mediċini m’għandhomx jingħataw ma’ Harvoni.

     
     

   • Ma għandek tieħu ebda mediċina oħra li fiha sofosbuvir, wieħed mis-sustanzi attivi f’Harvoni.

     
     

   • Għid lit-tabib jew lill-ispiżjar tiegħek jekk inti qed tieħu kwalunwke mediċina minn dawn ta’ hawn taħt:

     • amiodarone, użat biex jikkura rata ta’ taħbit tal-qalb irregolari

     • tenofovir disoproxil fumarate jew kwalunkwe mediċina li fiha tenofovir disoproxil fumarate, użata biex tikkura infezzjoni tal-HIV

     • digoxin użat biex jikkura kundizzjonijiet tal-qalb

     • dabigatran użat biex iraqqaq id-demm

     • statins jintużaw għall-kura ta’ kolesterol għoli

     • rifapentine (antibijotiku użat għat-trattament ta’ infezzjonijiet, li jinkludu t-tuberkulożi)

     • oxcarbazepine (mediċina użata għat-trattament tal-epilessija u għall-prevenzjoni ta’ aċċessjonijiet)

     • tipranavir (użat biex jittratta infezzjoni tal-HIV).

       
       

       Meta tieħu Harvoni ma’ kwalunkwe wieħed minn dawn ta’ hawn fuq, dan jista’ jwaqqaf il-mediċini tiegħek milli jaħdmu sew, jew jagħmlu xi effetti sekondarji aktar gravi. It-tabib tiegħek jista’ jkun jeħtieġ jagħtik mediċina differenti jew jaġġusta d-doża ta’ mediċina li qed tieħu.

       
       

   • Ikseb parir mingħand tabib jew spiżjar jekk tieħu mediċini użati biex jikkuraw ulċeri fl- istonku, ħruq ta’ stonku jew rifluss tal-aċidu. Dan jinkludi:

     • antaċidi (bħal aluminium/magnesium hydroxide jew calcium carbonate). Dawn għandhom jittieħdu għall-inqas 4 sigħat qabel jew 4 sigħat wara Harvoni;

     • inibituri tal-pompa tal-protoni (bħal omeprazole, lansoprazole, rabeprazole, pantoprazole u esomeprazole). Dawn għandhom jittieħdu fl-istess ħin ta’ Harvoni. Tiħux inibituri tal- pompa tal-proton qabel Harvoni. It-tabib tiegħek jista’ jagħtik mediċina differenti jew inkella jista’ jaġġusta d-doża tal-mediċina li qed tieħu;

     • antagonisti tar-riċetturi H2 (bħal famotidine, cimetidine, nizatidine jew ranitidine). It- tabib tiegħek jista’ jagħtik mediċina differenti jew inkella jista’ jaġġusta d-doża tal- mediċina li qed tieħu.

       Dawn il-mediċini jistgħu jnaqqsu l-ammont ta’ ledipasvir f’demmek. Jekk inti qed tieħu waħda minn dawn il-mediċini, it-tabib tiegħek jew se jagħtik mediċina differenti għal ulċeri fl-istonku, ħruq ta’ stonku jew rifluss tal-aċidu, jew jirrakkomanda kif u meta tieħu dik il-mediċina.

       Tqala u kontraċezzjoni

       
       

       L-effetti ta’ Harvoni matul it-tqala mhumiex magħrufa. Jekk inti tqila, taħseb li tista’ tkun tqila jew qed tippjana li jkollok tarbija, itlob il-parir tat-tabib tiegħek qabel tieħu din il-mediċina.

       
       

       It-tqala trid tiġi evitata jekk Harvoni jittieħed flimkien ma’ ribavirin. Hu importanti ħafna li inti taqra s-sezzjoni "Tqala" fil-fuljett ta’ tagħrif ta’ ribavirin b’attenzjoni kbira. Ribavirin jista’ jagħmel ħafna ħsara lil tarbija mhux imwielda. Għalhekk, għandhom jittieħdu prekawzjonijiet speċjali fl-attività sesswali jekk ikun hemm kwalunkwe ċans li sseħħ tqala.

       
       

   • Inti jew is-sieħeb tiegħek għandkom tużaw metodu effettiv ta’ kontraċezzjoni matul il-kura b’ Harvoni flimkien ma’ ribavarin u għal xi żmien wara. Hu importanti ħafna li inti taqra s- sezzjoni "Tqala" fil-fuljett ta’ tagħrif ta’ ribavirin b’attenzjoni kbira. Staqsi lit-tabib tiegħek għal metodu ta’ kontraċezzjoni effettiv li jkun xieraq għalik.

   • Jekk inti jew is-sieħba tiegħek tinqabad tqila waqt il-kura b’Harvoni u ribavirin jew fix-xhur ta’

     wara l-kura, inti trid tikkuntattja lit-tabib tiegħek immedjatament.

     
     

     Treddigħ

     
     

     Treddax matul it-trattament b’Harvoni. Mhuwiex magħruf jekk ledipasvir jew sofosbuvir, iż-żewġ sustanzi attivi ta’ Harvoni, jgħaddux fil-ħalib tas-sider uman.

     
     

     Sewqan u tħaddim ta’ magni

     
     

     Jekk tħossok għajjien/a wara li tieħu Harvoni ma għandekx tieħu sehem f’attivitajiet li jeħtieġu konċentrazzjoni, pereżempju, issuqx, tirkibx rota u tħaddimx magni.

     
     

     Harvoni 90 mg/400 mg u 45 mg/200 mg pilloli miksija b’rita fih lactose

   • Jekk it-tabib tiegħek qallek li għandek intolleranza għal ċerti tipi ta’ zokkor, ikkuntattja lit-tabib tiegħek qabel tieħu dan il-prodott mediċinali.

     
     

     Harvoni 90 mg/400 mg pilloli miksija b’rita fihom sunset yellow FCF (E110) li jista’ jikkawża reazzjonijiet allerġiċi

   • Għid lit-tabib tiegħek jekk inti allerġiku/a għal sunset yellow FCF, imsejjaħ ukoll “E110” qabel tieħu din il-mediċina.

     
     

     Harvoni fih sodium

     
     

     Din il-mediċina fiha anqas minn 1 mmol sodium (23 mg) f’kull pillola, jiġifieri essenzjalment ‘ħielsa

     mis-sodium’.

     
     

3. Kif għandek tieħu Harvoni

   
   

   Dejjem għandek tieħu din il-mediċina skont il-parir eżatt tat-tabib tiegħek. Iċċekkja mat-tabib jew

   mal-ispiżjar tiegħek jekk ikollok xi dubju.

   
   

   Doża rakkomandata

   
   

   Harvoni għandu jittieħed kif rakkomandat mit-tabib tiegħek. Id-doża rakkomandata ta’ Harvoni fl-adulti hija pillola waħda miksija b’rita ta’ 90 mg/400 mg darba kuljum. It-tabib tiegħek se jgħidlek għal kemm ġimgħat għandek tieħu Harvoni.

   Id-doża rakkomandata ta’ Harvoni fi tfal li għandhom 3 snin u aktar hija bbażata fuq il-piż. Ħu Harvoni kif rakkomandat mit-tabib tiegħek.

   
   

   Ibla’ l-pillola sħiħa/pilloli sħaħ mal-ikel jew mhux mal-ikel. Tomgħodx, tgħaffiġx u taqsamx il-pillola għax għandha togħma morra ħafna. Għid lit-tabib jew lill-ispiżjar tiegħek jekk ikollok problemi biex tibla’ l-pilloli.

   
   

   Jekk qed tieħu antaċidu, ħudu għall-inqas 4 sigħat qabel jew għall-inqas 4 sigħat wara Harvoni.

   
   

   Jekk qed tieħu inibitur tal-pompa tal-protoni, ħu l-inibitur tal-pompa tal-protoni fl-istess ħin ta’ Harvoni. Tiħdux qabel Harvoni.

   
   

   Jekk tirremetti wara li tieħu Harvoni, dan jista’ jaffettwa l-ammont ta’ Harvoni f’demmek. Dan

   jista’ jagħmel Harvoni jaħdem inqas tajjeb.

   • Jekk tirremetti inqas minn 5 sigħat wara li tieħu Harvoni, ħu doża oħra.

   • Jekk tirremetti iktar minn 5 sigħat wara li tkun ħadt Harvoni, m’hemmx bżonn li tieħu doża oħra sakemm jasal il-ħin għad-doża skedata li jkun imissek.

     
     

     Jekk tieħu Harvoni aktar milli suppost

     
     

     Jekk aċċidentalment tieħu aktar mid-doża rakkomandata, għandek tikkuntattja immedjatament lit-tabib tiegħek jew lill-eqreb dipartiment ta’ emerġenza għal parir. Żomm il-flixkun tal-pilloli miegħek ħalli tkun tista’ faċilment tiddeskrivi dak li ħadt.

     
     

     Jekk tinsa tieħu Harvoni

     
     

     Hu importanti li ma tinsa tieħu l-ebda doża ta’ din il-mediċina.

     
     

     Jekk tinsa tieħu doża, ara ftit kemm għadda żmien minn mindu ħadt Harvoni:

   • Jekk tinnota fi żmien 18-il siegħa mill-ħin tas-soltu li fih tieħu Harvoni, inti trid tieħu d-doża

     mill-aktar fis possibbli. Imbagħad ħu d-doża li jkun imissek tieħu fil-ħin tas-soltu.

   • Jekk ikunu għaddew 18-il siegħa jew aktar mill-ħin tas-soltu li fih tieħu Harvoni, stenna u ħu d-doża li jkun imissek tieħu fil-ħin tas-soltu. M’għandekx tieħu doża doppja (żewġ dożi qrib xulxin).

     
     

     Tiqafx tieħu Harvoni

     
     

     Tiqafx tieħu din il-mediċina ħlief jekk it-tabib tiegħek jgħidlek biex tagħmel hekk. Hu importanti ħafna li inti ttemm il-kors sħiħ ta’ kura biex tagħti l-mediċina l-aħjar ċans biex tikkura l-infezzjoni bil- virus tal-epatite Ċ.

     
     

     Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.

     
     

4. Effetti sekondarji possibbli

   
   

   Bħal kull mediċina oħra, din il-mediċina tista’ tikkawża effetti sekondarji. Jekk tieħu Harvoni jista’ jkollok wieħed jew aktar mill-effetti sekondarji t’hawn taħt:

   
   

   Effetti sekondarji komuni ħafna

   (jistgħu jaffettwaw iktar minn 1 minn kull 10 persuni)

   • uġigħ ta’ ras

   • tħossok għajjien/a

     
     

     Effetti sekondarji komuni

     (jistgħu jaffettwaw sa 1 minn kull 10 persuni)

   • raxx

     Effetti oħrajn li jistgħu jiġu osservati matul il-kura b’Harvoni

     
     

     Il-frekwenza tal-effetti sekondarji li ġejjin mhijiex magħrufa (ma tistax tittieħed stima tal-frekwenza

     mid-data disponibbli).

   • nefħa tal-wiċċ, xufftejn, ilsien jew gerżuma (anġjoedema).

     
     

     Effetti oħra li jistgħu jiġu osservati waqt it-trattament b’sofosbuvir:

     
     

     Il-frekwenza tal-effetti sekondarji li ġejjin mhijiex magħrufa (ma tistax tittieħed stima tal-frekwenza

     mid-data disponibbli).

   • raxx sever u mifrux bi tqaxxir tal-ġilda li jista’ jkun akkumpanjat minn deni, sintomi bħal tal- influwenza, infafet fil-ħalq, fl-għajnejn u/jew fil-ġenitali (sindrome ta’ Stevens-Johnson).

     
     

     Rappurtar tal-effetti sekondarji

     
     

     Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistemata’rappurtarnazzjonalimniżżlaf’AppendiċiV. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.

     
     

5. Kif taħżen Harvoni

Żomm din il-mediċina fejn ma tidhirx u ma tintlaħaqx mit-tfal.

Tużax din il-mediċina wara d-data ta’ meta tiskadi li tidher fuq il-flixkun u l-kartuna wara “JIS”. Id-

data ta’ meta tiskadi tirreferi għall-aħħar ġurnata ta’ dak ix-xahar.

Din il-mediċina m’għandhiex bżonn ħażna speċjali.

Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.

6. Kontenut tal-pakkett u informazzjoni oħra

X’fih Harvoni

• Is-sustanzi attivi huma ledipasvir u sofosbuvir. Kull pillola miksija b’rita fiha 90 mg ledipasvir u 400 mg sofosbuvir jew 45 mg ledipasvir u 200 mg sofosbuvir.

  
  

• Is-sustanzi mhux attivi l-oħra huma

  Qalba tal-pillola:

  Copovidone, lactose monohydrate, microcrystalline cellulose, croscarmellose sodium, colloidal anhydrous silica, magnesium stearate.

  
  

  Kisja tar-rita:

  Polyvinyl alcohol, titanium dioxide, macrogol, talc, u għall-pillola 90 mg/400 mg biss; sunset yellow FCF (E110)

  
  

  Kif jidher Harvoni u l-kontenut tal-pakkett

  
  

  Harvoni 90 mg/400 mg pilloli miksija b’rita huma oranġjo, b’forma ta’ djamant, imnaqqxa b’“GSI” fuq naħa waħda u “7985” fuq in-naħa l-oħra. Il-pillola hija twila madwar 19 mm u wiesgħa 10 mm.

  Harvoni 45 mg/200 mg pilloli miksija b’rita huma bojod, b’forma ta’ kapsula, imnaqqxa b’“GSI” fuq naħa waħda u b’“HRV” fuq in-naħa l-oħra. Il-pillola hija twila madwar 14-il mm u wiesgħa madwar 7 mm.

  
  

  Kull flixkun fih dessikant tas-silica gel (sustanza li tnixxef) li jrid jinżamm ġol-flixkun biex jgħin ħalli jipproteġi l-pilloli tiegħek. Il-ġel dessikant tas-silika jinsab f’qartas jew kontenitur separat u m’għandux jinbela’.

  Huma disponibbli d-daqsijiet tal-pakketti li ġejjin:

• kartuniet ta’ barra li fihom flixkun 1 ta’ 28 pillola miksija b’rita għall pilloli miksija b’rita 90 mg/400 mg u 45 mg/ 200 mg.

• kartuniet ta’ barra li fihom 3 fliexken ta’ 28 (84) pillola miksija b’rita għall-pilloli miksija b’rita 90 mg/400 mg biss. Jista’ jkun li mhux il-pakketti tad-daqsijiet kollha jkunu fis-suq.

Detentur tal-Awtorizzazzjoni għat-Tqegħid fis-Suq

Gilead Sciences Ireland UC Carrigtohill

County Cork, T45 DP77

L-Irlanda

Manifattur

Gilead Sciences Ireland UC

IDA Business & Technology Park Carrigtohill

County Cork

L-Irlanda

Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:

België/Belgique/Belgien

Gilead Sciences Belgium SRL-BV Tél/Tel: + 32 (0) 24 01 35 50

Lietuva

Gilead Sciences Poland Sp. z o.o.

Tel: + 48 22 262 8702

България

Gilead Sciences Ireland UC Тел.: + 353 (0) 1 686 1888

Luxembourg/Luxemburg

Gilead Sciences Belgium SRL-BV Tél/Tel: + 32 (0) 24 01 35 50

Česká republika Gilead Sciences s.r.o. Tel: + 420 910 871 986

Magyarország

Gilead Sciences Ireland UC Tel: + 353 (0) 1 686 1888

Danmark

Gilead Sciences Sweden AB Tlf: + 46 (0) 8 5057 1849

Malta

Gilead Sciences Ireland UC Tel: + 353 (0) 1 686 1888

Deutschland

Gilead Sciences GmbH

Tel: + 49 (0) 89 899890-0

Nederland

Gilead Sciences Netherlands B.V. Tel: + 31 (0) 20 718 36 98

Eesti

Gilead Sciences Poland Sp. z o.o.

Tel: + 48 22 262 8702

Norge

Gilead Sciences Sweden AB Tlf: + 46 (0) 8 5057 1849

Ελλάδα

Gilead Sciences Ελλάς Μ.ΕΠΕ. Τηλ: + 30 210 8930 100

Österreich

Gilead Sciences GesmbH

Tel: + 43 1 260 830

España

Gilead Sciences, S.L. Tel: + 34 91 378 98 30

Polska

Gilead Sciences Poland Sp. z o.o.

Tel: + 48 22 262 8702

France

Gilead Sciences

Tél: + 33 (0) 1 46 09 41 00

Portugal

Gilead Sciences, Lda. Tel: + 351 21 7928790

Hrvatska

Gilead Sciences Ireland UC Tel: + 353 (0) 1 686 1888

România

Gilead Sciences Ireland UC Tel: + 353 (0) 1 686 1888

Ireland

Gilead Sciences Ireland UC Tel: + 353 (0) 214 825 999

Slovenija

Gilead Sciences Ireland UC Tel: + 353 (0) 1 686 1888

Ísland

Gilead Sciences Sweden AB Sími: + 46 (0) 8 5057 1849

Slovenská republika

Gilead Sciences Slovakia s.r.o.

Tel: + 421 232 121 210

Italia

Gilead Sciences S.r.l.

Tel: + 39 02 439201

Suomi/Finland

Gilead Sciences Sweden AB

Puh/Tel: + 46 (0) 8 5057 1849

Κύπρος

Gilead Sciences Ελλάς Μ.ΕΠΕ. Τηλ: + 30 210 8930 100

Sverige

Gilead Sciences Sweden AB Tel: + 46 (0) 8 5057 1849

Latvija

Gilead Sciences Poland Sp. z o.o.

Tel: + 48 22 262 8702

United Kingdom (Northern Ireland)

Gilead Sciences Ireland UC Tel: + 44 (0) 8000 113700

Dan il-fuljett kien rivedut l-aħħar f’

eu/.