Fuljett ta’ tagħrif: Informazzjoni għall-pazjent

Erivedge 150 mg kapsuli ibsin

vismodegib

Erivedge jista’ jikkawża difetti severi tat-twelid. Jista’ jwassal għall-mewt ta’ tarbija qabel ma titwieled jew ftit wara li titwieled. M’għandekx toħroġ tqila waqt li qed tieħu din il-mediċina. Għandek issegwi l-pariri dwar il-kontraċezzjoni deskritti f’dan il-fuljett.

Aqra sew dan il-fuljett kollu qabel tibda tieħu din il-mediċina peress li fih informazzjoni

importanti għalik.

• Żomm dan il-fuljett. Jista’ jkollok bżonn terġa’ taqrah.

• Jekk ikollok aktar mistoqsijiet, staqsi lit-tabib jew lill-ispiżjar tiegħek.

• Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara anke jekk għandhom l-istess sinjali ta’ mard bħal tiegħek.

• Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett

  sekondarju possibbli li mhuwiex elenkat f’dan il-fuljett. Ara sezzjoni 4.

  
  

  F’dan il-fuljett:

  
  

  1. X’inhu Erivedge u għalxiex jintuża

  2. X’għandek tkun taf qabel ma tieħu Erivedge

  3. Kif għandek tieħu Erivedge

  4. Effetti sekondarji possibbli

  5. Kif taħżen Erivedge

  6. Kontenut tal-pakkett u informazzjoni oħra

  
  

  1. X’inhu Erivedge u għalxiex jintuża

     
     

     X’inhu Erivedge

     Erivedge huwa mediċina kontra l-kanċer li fiha s-sustanza attiva vismodegib.

     
     

     Għalxiex jintuża Erivedge

     Erivedge jintuża biex jittratta adulti b’tip ta’ kanċer tal-ġilda msejjaħ karċinoma avanzata taċ-ċellula bażi. Jintuża meta l-kanċer:

     • ikun infirex għal partijiet oħra tal-ġisem (imsejjaħ karċinoma “metastatika” taċ-ċelluli bażi)

     • ikun infirex lejn żoni fil-viċin (imsejjaħ karċinoma “avanzata lokalment” taċ-ċelluli bażi) u t- tabib tiegħek jiddeċiedi li t-trattament b’kirurġija jew radjazzjoni mhuwiex xieraq

       
       

       Kif jaħdem Erivedge

       Karċinoma taċ-ċellula bażi tiżviluppa meta d-DNA fiċ-ċelluli tal-ġilda normali ssirilha l-ħsara u l-

       ġisem ma jkunx jista’ jsewwi l-ħsara. Din il-ħsara tista’ tibdel il-mod kif jaħdmu ċerti proteini f’dawn iċ-ċelluli u ċ-ċelluli bil-ħsara jsiru kanċerużi u jibdew jikbru u jiddividu. Erivedge huwa mediċina kontra l-kanċer li jaħdem billi jikkontrolla waħda mill-proteini prinċipali involuti f’karċinoma taċ- ċellula bażi. Dan jista’ jnaqqas jew iwaqqaf it-tkabbir taċ-ċelluli tal-kanċer, jew jista’ joqtolhom. B’riżultat ta’ dan, il-kanċer tal-ġilda tiegħek jista’ jiċkien.

  2. X’għandek tkun taf qabel ma tieħu Erivedge

     
     

     Aqra l-istruzzjonijiet speċifiċi mogħtija lilek mit-tabib tiegħek, b’mod partikolari dwar l-effetti ta’

     Erivedge fuq trabi li għadhom ma twildux.

     
     

     Aqra b’attenzjoni u segwi l-istruzzjonijiet tal-fuljett għall-pazjent mogħtija lilek mit-tabib tiegħek.

     
     

     Tiħux Erivedge:

     • jekk inti allerġiku għal vismodegib jew għal xi sustanza oħra ta’ din il-mediċina (imniżżla fis- sezzjoni 6).

     • jekk inti tqila, taħseb li tista’ tkun tqila, jew qed tippjana li jkollok tarbija matul il-kors tat- trattament jew matul l-24 xahar wara l-aħħar doża tiegħek ta’ din il-mediċina. Dan għax Erivedge jista’ jagħmel ħsara jew jikkawża l-mewt tat-tarbija li għadha ma twelditx tiegħek.

     • jekk qed tredda’ jew qed tippjana li tredda’ matul il-kors tat-trattament jew matul l-24 xahar wara l-aħħar doża tiegħek ta’ din il-mediċina. Dan għax mhux magħruf jekk Erivedge jistax jgħaddi fil-ħalib tiegħek u jikkawża ħsara lit-tarbija tiegħek.

     • jekk inti tista’ toħroġ tqila iżda ma tistax jew ma tixtieqx issegwi l-miżuri meħtieġa għall- prevenzjoni tat-tqala li huma elenkati fil-Programm għall-Prevenzjoni tat-Tqala ta’ Erivedge.

     • jekk qed tieħu wkoll St John’s wort (Hypericum perforatum) – mediċina mill-ħxejjex użata għad-depressjoni (ara “Mediċini oħra u Erivedge”).

       
       

       Aktar informazzjoni dwar il-kwistjonijiet imsemmija hawn fuq tinsab fis-sezzjonijiet “Tqala”, “Treddigħ” u “Fertilità” u “Kontraċezzjoni - għall-irġiel u n-nisa”.

       
       

       Tiħux din il-mediċina jekk xi waħda minn ta’ hawn fuq tapplika għalik. Jekk m’intix ċert, kellem lit- tabib jew lill-ispiżjar tiegħek qabel tieħu Erivedge.

       
       

       Twissijiet u prekawzjonijiet

       Kellem lit-tabib jew lill-ispiżjar tiegħek qabel tieħu Erivedge jekk għandek mistoqsijiet dwar l- informazzjoni f’din is-sezzjoni:

       
       

     • M’għandekx tagħti demm waqt it-trattament u għal 24 xahar wara l-aħħar doża tiegħek ta’ din il-mediċina.

     • Jekk inti raġel, m’għandekx tagħti semen waqt it-trattament u għal xahrejn wara l-aħħar doża.

     • Ġew irrappurtati reazzjonijiet serji fil-ġilda b’rabta mat-trattament b’Erivedge. Ieqaf uża Erivedge u fittex għajnuna medika immedjatament jekk tinnota xi wieħed mis-sintomi deskritti fis-sezzjoni 4.

     • Qatt m’għandek tagħti din il-mediċina lil ħaddieħor. Għandek tieħu lura kapsuli mhux użati fl- aħħar tat-trattament tiegħek. Kellem lit-tabib jew lill-ispiżjar tiegħek dwar fejn għandek tirritorna l-kapsuli.

       
       

       Tfal u adolexxenti

       L-użu ta’ Erivedge fi tfal u adolexxenti b’età inqas minn 18-il sena mhux rakkomandat. Dan għax

       mhux magħruf jekk huwiex sigur jew effettiv f’persuni f’dan il-grupp ta’ età. Erivedge jista’ jwaqqaf l-għadam milli jkompli jikber u jwassal għal bidu prematur tal-pubertà (qabel l-età ta’ 8 snin fil-bniet jew l-età ta’ 9 snin fis-subien). Dan jista’ jseħħ anki wara li jitwaqqaf Erivedge. Problemi bi snien u għadam li qed jikbru kienu osservati fi studji fuq l-annimali b’din il-mediċina.

       
       

       Mediċini oħra u Erivedge

       Għid lit-tabib jew lill-ispiżjar tiegħek jekk qed tieħu, ħadt dan l-aħħar jew tista’ tieħu xi mediċini oħra.

       Dan jinkludi wkoll mediċini mingħajr riċetta, vitamini u mediċini mill-ħxejjex.

       Xi mediċini jistgħu jaffettwaw il-mod kif jaħdem Erivedge, jew jagħmluha aktar probabbli li jkollok effetti sekondarji. Erivedge jista’ jaffettwa wkoll kif jaħdmu xi mediċini oħrajn.

       B’mod partikolari, għid lit-tabib tiegħek jekk qed tieħu xi waħda mill-mediċini li ġejjin:

     • rifampicin – użat għall-infezzjonijiet ikkawżati minn batterji

     • carbamazepine, phenytoin – użati għall-epilessija

     • ezetimibe u statins, bħal atorvastatin, fluvastatin, pravastatin, rosuvastatin, simvastatin – użati għall-kolesterol għoli

     • bosentan, glibenclamide, repaglinide, valsartan

     • topotecan – użat għal ċerti tipi ta’ kanċer

     • sulfasalazine – użat għal ċerti disturbi infjammatorji, u b’mod speċjali

     • St. John’s wort (Hypericum perforatum) – mediċina mill-ħxejjex użata għad-depressjoni, peress li m’għandekx tużaha fl-istess waqt ma’ Erivedge

       
       

       Tqala

       Tiħux Erivedge jekk inti tqila, taħseb li tista’ tkun tqila jew qed tippjana li jkollok tarbija matul il-kors

       tat-trattament jew matul l-24 xahar wara l-aħħar doża tiegħek ta’ din il-mediċina.

       Għandek twaqqaf it-trattament u tgħarraf lit-tabib tiegħek minnufih jekk: ma jkollokx jew taħseb li

       qbiżt mestrwazzjoni, jew ikollok fsada mestrwali mhux tas-soltu, jew tissuspetta li inti tqila. Jekk toħroġ tqila waqt it-trattament b’Erivedge, għandek twaqqaf it-trattament u tgħarraf lit-tabib tiegħek minnufih.

       
       

       Erivedge jista’ jikkawża difetti severi tat-twelid. Jista’ wkoll iwassal għall-mewt tat-tarbija qabel titwieled. Istruzzjonijiet speċifiċi (il-Programm għall-Prevenzjoni tat-Tqala ta’ Erivedge), mogħtija lilek mit-tabib tiegħek fihom informazzjoni speċjalment dwar l-effetti ta’ Erivedge fuq trabi mhux imwielda.

       
       

       Treddigħ

       M’għandekx tredda’ matul it-trattament tiegħek u għal 24 xahar wara l-aħħar doża ta’ din il-mediċina.

       Mhux magħruf jekk Erivedge jistax jgħaddi fil-ħalib tas-sider tiegħek u jikkawża ħsara lit-tarbija

       tiegħek.

       
       

       Fertilità

       Erivedge jista’ jaffettwa l-ħila tal-mara li jkollha t-tfal. Xi nisa li jieħdu Erivedge waqfitilhom il-

       mestrwazzjoni tagħhom. Jekk dan jiġri lilek, mhux magħruf jekk il-mestrwazzjonijiet tiegħek jerġgħux

       lura. Kellem lit-tabib tiegħek jekk tixtieq li jkollok it-tfal fil-futur.

       
       

       Kontraċezzjoni – għall-irġiel u n-nisa

       Għalnisa lijieħduErivedge

       Qabel tibda t-trattament, staqsi lit-tabib tiegħek jekk tistax toħroġ tqila. Anki jekk il-mestrwazzjonijiet

       tiegħek waqfu, huwa essenzjali li ssaqsi lit-tabib tiegħek jekk hemmx xi riskju li tista’ toħroġ tqila.

       
       

       Jekk tista’ toħroġ tqila:

     • għandek tieħu prekawzjonijiet biex ma toħroġx tqila waqt li qed tieħu Erivedge

     • uża 2 metodi ta’ kontraċezzjoni, metodu wieħed effettiv ħafna u metodu wieħed ta’ barriera

       (jekk jogħġbok ara l-eżempji hawn taħt)

     • għandek tkompli l-kontraċezzjoni għal 24 xahar wara l-aħħar doża ta’ din il-mediċina – għax

       Erivedge jista’ jibqa’ fil-ġisem tiegħek sa 24 xahar wara l-aħħar doża tiegħek

       
       

       Metodu ta’ kontraċezzjoni rakkomandata: Kellem lit-tabib tiegħek dwar l-aħjar żewġ metodi ta’ kontraċezzjoni għalik.

       
       

       Uża metodu wieħed effettiv ħafna, bħal:

     • injezzjoni kontraċettiva depot

     • apparat ġewwa l-utru (“il-kojl” jew IUD - intra-uterine device)

     • sterilizzazzjoni permezz ta’ kirurġija

       Għandek tuża wkoll metodu ta’ barriera, bħal:

     • kondom (bi spermiċida, jekk disponibbli)

     • dijaframma (bi spermiċida, jekk disponibbli)

       
       

       It-tabib tiegħek se jkun ċert li jittestjak għat-tqala:

     • fi żmien massimu ta’ 7 ijiem qabel tibda t-trattament – biex ikun żgur li inti ma tkunx diġà tqila

     • kull xahar waqt it-trattament

       
       

       Għandek tgħid lit-tabib tiegħek immedjatament matul il-kors tat-trattament jew matul l-24 xahar wara l-aħħar doża tiegħek ta’ din il-mediċina jekk:

     • għal xi raġuni taħseb li l-kontraċezzjoni tiegħek ma kinitx effettiva

     • il-mestrwazzjonijiet tiegħek jieqfu

     • tieqaf tuża kontraċezzjoni

     • teħtieġ li tbiddel il-kontraċezzjoni

       
       

       Għalirġiel lijieħduErivedge

       Erivedge jista’ jgħaddi fis-semen. Dejjem għandek tuża kondom (bi spermiċida, jekk disponibbli) anki

       wara vażektomija, meta tagħmel sess ma’ sieħba. Agħmel dan waqt it-trattament u għal xahrejn wara

       l-aħħar doża tiegħek ta’ din il-mediċina.

       
       

       M’għandekx tagħti semen waqt it-trattament u għal xahrejn wara l-aħħar doża tiegħek ta’ din il-

       mediċina.

       
       

       Sewqan u tħaddim ta’ magni

       Erivedge x’aktarx li ma jkollux effett fuq il-ħila tiegħek li ssuq, tuża għodda jew tħaddem magni.

       Kellem lit-tabib tiegħek jekk m’intix ċert.

       
       

       Erivedge fih lactose u sodium

       Erivedge fih tip ta’ zokkor imsejjaħ lactose. Jekk it-tabib qallek li għandek intolleranza għal ċerti tipi

       ta’ zokkor ikkuntattja lit-tabib tiegħek qabel tieħu din il-mediċina.

       Din il-mediċina fiha anqas minn 1 mmol sodium (23 mg) f’kull kapsula, jiġifieri essenzjalment ‘ħielsa mis-sodium’.

       
       

  3. Kif għandek tieħu Erivedge

     
     

     Dejjem għandek tieħu Erivedge skont il-parir eżatt tat-tabib tiegħek. Iċċekkja mat-tabib jew mal- ispiżjar tiegħek jekk ikollok xi dubju.

     
     

     Meta tieħu din il-mediċina

     Id-doża rakkomandata hija kapsula waħda kuljum.

     • Ibla’ l-kapsula sħiħa ma’ xarba ilma.

     • Tfarrakx, tiftaħx u tomgħodx il-kapsula, biex jiġi evitat esponiment mhux intenzjonat għall- kontenut tal-kapsula.

     • Erivedge jista’ jittieħed mal-ikel jew mingħajr ikel.

       
       

       Jekk tieħu Erivedge aktar milli suppost

       Jekk tieħu Erivedge aktar milli suppost, kellem lit-tabib tiegħek.

       
       

       Jekk tinsa tieħu Erivedge

       M’għandekx tieħu doża doppja biex tpatti għal kull doża li tkun insejt tieħu, iżda kompli bid-doża

       skedata li jmiss.

       
       

       Jekk tieqaf tieħu Erivedge

       Tiqafx tieħu din il-mediċina qabel ma tkellem lit-tabib tiegħek għax dan jista’ jagħmel it-trattament

       tiegħek inqas effettiv.

       Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.

       
       

  4. Effetti sekondarji possibbli

     
     

     Bħal kull mediċina oħra, Erivedge jista’ jikkawża effetti sekondarji, għalkemm ma jidhrux f’kulħadd.

     
     

     Erivedge jista’ jikkawża difetti severi tat-twelid. Jista’ jwassal ukoll għall-mewt ta’ tarbija qabel ma titwieled jew ftit wara li titwieled. M’għandekx toħroġ tqila waqt li qed tieħu din il-mediċina (ara sezzjoni 2 “Tiħux Erivedge” u “Tqala”, “Treddigħ” u “Fertilità”).

     
     

     Effetti sekondarji oħra huma ppreżentati skont is-severità u l-frekwenza

     Jekk xi wieħed minn dawn l-effetti sekondarji jsir sever, għid lit-tabib jew lill-ispiżjar tiegħek.

     
     

     Komuni ħafna (jistgħu jaffettwaw aktar minn persuna waħda minn kull 10)

     • telf tal-mestrwazzjonijiet ta’ kull xahar f’nisa ta’ età li jistgħu joħorġu tqal

     • telf ta’ aptit u telf ta’ piż

     • tħossok għajjien/a

     • spażmu fil-muskoli

     • dijarea

     • telf ta’ xagħar (alopeċja)

     • raxx

     • bidla fit-togħma jew telf komplut tat-togħma

     • stitikezza

     • rimettar jew tħoss li trid tirremetti (tqalligħ)

     • stonku mdardar jew indiġestjoni

     • uġigħ fil-ġogi

     • uġigħ (b’mod ġenerali) jew uġigħ f’dirgħajk, riġlejk

     • ħakk

       
       

       Komuni (jistgħu jaffettwaw sa persuna waħda minn kull 10):

     • uġigħ f’sidrek, dahrek jew ġenbejk

     • nuqqas ta’ enerġija jew dgħufija (astenja)

     • telf ta’ ilma mill-ġisem (deidratazzjoni)

     • uġigħ fil-muskoli, fit-tendons, fil-ligamenti, fl-għadam

     • uġigħ ta’ stonku

     • telf tat-togħma

     • tkabbir ta’ xagħar mhux normali

     • telf tax-xagħar tal-għajnejn (madarosi)

     • tibdil fit-testijiet tad-demm, li jinkludu valuri miżjuda fit-testijiet tal-fwied jew valuri miżjuda

       fil-creatine phosphokinase (proteina li fil-biċċa l-kbira tiġi mill-muskoli)

       
       

       Frekwenza mhux magħrufa

     • L-għadam jieqaf jikber (fużjoni prematura tal-epifisi)

     • Pubertà prematura (pubertà prekoċi)

     • Ħsara fil-fwied

     • Reazzjonijiet serji fil-ġilda:

       • makuli ħomor qishom bersall jew irqajja’ tondi, ħafna drabi bi nfafet ċentrali fuq it- tronk, tqaxxir tal-ġilda, ulċeri fil-ħalq, fil-gerżuma, fl-imnieħer, fuq il-ġenitali u fl- għajnejn. Ir-reazzjonijiet fil-ġilda ħafna drabi jkunu ppreċeduti minn deni u sintomi simili għal dawk tal-influwenza (sindrome ta’ Stevens-Johnson, nekroliżi epidermali tossika)

       • raxx mifrux, deni, u tkabbir tal-glandoli tal-limfa (sindrome DRESS jew sindrome ta’

         sensittività eċċessiva għall-mediċina)

       • raxx mifrux aħmar u bil-qxur b’boċċi taħt il-ġilda u nfafet flimkien ma’ deni fil-bidu tat-trattament (pustulożi eżantematuża ġeneralizzata akuta)

         
         

         Rapportar tal-effetti sekondarji

         Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett

         

         sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali mniżżla f’Appendiċi V. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.

         
         

  5. Kif taħżen Erivedge

     
     

     • Żomm din il-mediċina fejn ma tidhirx u ma tintlaħaqx mit-tfal.

     • Tużax din il-mediċina wara d-data ta’ meta tiskadi li tidher fuq il-flixkun u l-kartuna wara JIS. Id-data ta’ meta tiskadi tirreferi għall-aħħar ġurnata ta’ dak ix-xahar.

     • Taħżinx f’temperatura ’l fuq minn 30 °C.

     • Żomm il-flixkun magħluq sewwa sabiex tilqa’ mill-umdità.

     • Tarmix mediċini mal-ilma tad-dranaġġ jew mal-iskart domestiku.

     • Fl-aħħar tat-trattament tiegħek għandek tirritorna kwalunkwe kapsuli mhux użati. Dan jipprevjeni użu ħażin u jgħin biex jipproteġi l-ambjent. Kellem lill-ispiżjar jew lit-tabib tiegħek dwar fejn għandek tirritorna l-mediċina.

     
     

  6. Kontenut tal-pakkett u informazzjoni oħra

  
  

  X’fih Erivedge

• Is-sustanza attiva hija vismodegib. Kull kapsula iebsa fiha 150 mg ta’ vismodegib.

• Is-sustanzi mhux attivi l-oħra huma:

  • Kontenut tal-kapsula: microcrystalline cellulose, lactose monohydrate, sodium lauril sulfate,

    povidone (K29/32), sodium starch glycolate (Tip A), talc u magnesium stearate (ara sezzjoni 2 “Erivedge fih lactose u sodium”)

  • Qoxra tal-kapsula: iron oxide aħmar (E172), iron oxide iswed (E172), titanium dioxide u

    ġelatina

  • Linka għall-istampar: shellac glaze u iron oxide iswed (E172)

Kif jidher Erivedge u l-kontenut tal-pakkett

Il-kapsuli għandhom qafas opak ta’ lewn roża mmarkat b’“150 mg” u għatu griż immarkat

b’“VISMO” b’linka sewda li tista’ tittiekel. Dawn huma disponibbli fi fliexken b’għatu bil-kamin li

ma jinfetaħx mit-tfal li fihom 28 kapsula. Kull pakkett fih flixkun wieħed.

Detentur tal-Awtorizzazzjoni għat-Tqegħid fis-Suq

Roche Registration GmbH Emil-Barell-Strasse 1

79639 Grenzach-Wyhlen Il-Ġermanja

Manifattur

Roche Pharma AG

Emil-Barell-Strasse 1

D-79639 Grenzach-Wyhlen

Il-Ġermanja

Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:

België/Belgique/Belgien

N.V. Roche S.A.

Tél/Tel: +32 (0) 2 525 82 11

Lietuva

UAB “Roche Lietuva” Tel: +370 5 2546799

България

Рош България ЕООД Тел: +359 2 818 44 44

Luxembourg/Luxemburg

(Voir/siehe Belgique/Belgien)

Česká republika

Roche s. r. o.

Tel: +420 - 2 20382111

Magyarország

Roche (Magyarország) Kft.

Tel: +36 - 1279 4500

Danmark

Roche a/s

Tlf: +45 - 36 39 99 99

Malta

(Ara Ireland)

Deutschland

Roche Pharma AG

Tel: +49 (0) 7624 140

Nederland

Roche Nederland B.V.

Tel: +31 (0) 348 438050

Eesti

Roche Eesti OÜ

Tel: + 372 - 6 177 380

Norge

Roche Norge AS

Tlf: +47 - 22 78 90 00

Ελλάδα

Roche (Hellas) A.E.

Τηλ: +30 210 61 66 100

Österreich

Roche Austria GmbH Tel: +43 (0) 1 27739

España

Roche Farma S.A.

Tel: +34 - 91 324 81 00

Polska

Roche Polska Sp.z o.o.

Tel: +48 - 22 345 18 88

France

Roche

Tél: +33 (0) 1 47 61 40 00

Portugal

Roche Farmacêutica Química, Lda

Tel: +351 - 21 425 70 00

Hrvatska

Roche d.o.o

Tel: +385 1 4722 333

România

Roche România S.R.L.

Tel: +40 21 206 47 01

Ireland

Roche Products (Ireland) Ltd.

Tel: +353 (0) 1 469 0700

Slovenija

Roche farmacevtska družba d.o.o.

Tel: +386 - 1 360 26 00

Ísland

Roche a/s

c/o Icepharma hf

Sími: +354 540 8000

Slovenská republika Roche Slovensko, s.r.o. Tel: +421 - 2 52638201

Italia

Roche S.p.A.

Tel: +39 - 039 2471

Suomi/Finland

Roche Oy

Puh/Tel: +358 (0) 10 554 500

Kύπρος

Γ.Α.Σταμάτης & Σια Λτδ. Τηλ: +357 - 22 76 62 76

Sverige

Roche AB

Tel: +46 (0) 8 726 1200

Latvija

Roche Latvija SIA

Tel: +371 - 6 7 039831

United Kingdom (Northern Ireland)

Roche Products (Ireland) Ltd.

Tel: +44 (0) 1707 366000

Dan il-fuljett kien rivedut l-aħħar f’

Dan il-fuljett huwa disponibbli fil-lingwi kollha tal-UE/ŻEE fis-sit elettroniku tal-Aġenzija Ewropea għall-Mediċini.

Bħala parti mill-Programm għall-Prevenzjoni tat-Tqala ta’ Erivedge, il-pazjenti kollha se jirċievu Fuljett għall-Pazjent.

Jekk jogħġbok irreferi għal dan id-dokument għal aktar informazzjoni.