GONAL-f
follitropin alfa
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anke jekk għandhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett
sekondarju possibbli li mhuwiex elenkat f’dan il-fuljett. Ara sezzjoni 4.
X’inhu GONAL-f u għalxiex jintuża
X’għandek tkun taf qabel ma tuża GONAL-f
Kif għandek tuża GONAL-f
Effetti sekondarji possibbli
Kif taħżen GONAL-f
Kontenut tal-pakkett u informazzjoni oħra
Kif tipprepara u tuża t-trab u s-solvent ta’ GONAL-f
GONAL-f fih mediċina msejħa ‘follitropin alfa’. Follitropin alfa hu tip ta’ ‘Ormon li Jistimula l- Follikoli’ (FSH) li jagħmel parti mill-familja ta’ ormoni magħrufa bħala ‘gonadotropins’. Il- gonadotropins huma involuti fir-riproduzzjoni u l-fertilità.
biex jgħin fir-rilaxx ta’ bajda mill-ovarji (ovulazzjoni) fin-nisa li ma jistgħux jovulaw u li ma
kellhomx rispons għall-kura b’mediċina magħrufa bħala ‘clomiphene citrate’.
flimkien ma’ mediċina oħra magħrufa bħala ‘lutropin alfa’ (‘Ormon Luteinising’ jew LH) biex jgħin fir-rilaxx ta’ bajda mill-ovarji (ovulazzjoni) f’nisa li mhumiex jovulaw minħabba li l- ġisem tagħhom jipproduċi ftit li xejn gonadotropins (FSH u LH).
biex jgħin fl-iżvilupp ta’ diversi follikuli (kull waħda fiha bajda) f’nisa li jkunu għaddejjin minn proċeduri ta’ teknoloġija ta’ riproduzzjoni assistita (proċeduri li jistgħu jgħinu lin-nisa joħorġu tqal) bħall-‘fertilizzazzjoni in vitro’, ‘trasferiment tal-gamete fit-tubu fallopjan’ jew ‘trasferiment taż-żigot fit-tubu fallopjan’.
flimkien ma’ mediċina oħra magħrufa bħala ‘Gonadotropin Korjonika umana (hCG)’ biex jgħin
fil-produzzjoni tal-isperma f’irġiel li mhumiex fertili minħabba livell baxx ta’ ċerti ormoni.
Qabel ma tibda l-kura, għandha tiġi evalwata l-fertilità tiegħek u tas-sieħeb tiegħek minn tabib
b’esperjenza fil-kura ta’ disturbi fil-fertilità.
jekk inti allerġiku għall-Ormon li Jistimula l-Follikolu jew għal xi sustanza oħra ta’ din il-
mediċina (elenkati fis-sezzjoni 6).
jekk għandek tumur fl-ipotalamu u fil-glandola pitwitarja (it-tnejn huma partijiet mill-moħħ).
jekk inti mara:
b’ovarji kbar jew membrani mimlijin bi fluwidu fl-ovarji (ċisti fl-ovarji) ta’ oriġini mhux magħrufa.
bi ħruġ ta’ demm mill-vaġina li l-kawża tiegħu ma tkunx magħrufa.
b’kanċer fl-ovarji, l-utru jew fis-sider.
b’kundizzjoni li normalment tagħmel tqala normali impossibbli, bħal insuffiċjenza tal-
ovarji (menopawsa bikrija), jew xi difett fiżiku fl-organi riproduttivi.
jekk inti raġel:
bi ħsara fit-testikoli li ma tistax titfejjaq.
Tużax GONAL-f jekk xi waħda minn dawn il-kundizzjonijiet t’hawn fuq tapplika għalik. Jekk m’intix ċert/a , kellem lit-tabib tiegħek qabel tuża din il-mediċina.
Porfirija
Għid lit-tabib tiegħek qabel tibda l-kura, jekk inti jew xi membru tal-familja tiegħek għandkom il- porfirija (marda li tista’ tintiret mill-ġenituri fejn ma tkunx kapaċi tkisser il-porphyrins).
Għid lit-tabib tiegħek minnufih jekk:
il-ġilda tiegħek issir fraġli u trabbi l-infafet faċilment, b’mod speċjali ġilda li spiss tkun esposta għax-xemx, u/jew
għandek uġigħ fl-istonku, f’dirgħajk jew f’riġlejk.
F’każ li jseħħ xi wieħed minn dawn l-avvenimenti t’hawn fuq, it-tabib tiegħek jista’ jirrakkomanda li titwaqqaflek il-kura.
Sindrome ta’ Iperstimulazzjoni tal-Ovarji (OHSS)
Jekk int mara, din il-mediċina żżidlek ir-riskju li tiżviluppa OHSS. Dan iseħħ meta l-follikuli jiżviluppaw iżżejjed u jsiru ċisti kbar. Jekk jaqbdek uġigħ fin-naħa t’isfel taż-żaqq, ikollok żieda fil- piż malajr, tħossok ma tiflaħx jew tirremetti jew jekk tbati biex tieħu n-nifs, kellem lit-tabib tiegħek minnufih, u dan jista’ jgħidlek biex tieqaf tuża din il-mediċina (ara sezzjoni 4).
F’każ li m’intix tovula u qed issegwi d-doża rakkomandata u l-iskeda tal-għoti, hemm inqas probabbiltà ta’ OHSS. Il-kura b’GONAL-f rari tikkawża OHSS sinifikanti, ħlief jekk tingħata l- mediċina li tintuża għall-maturazzjoni follikulari finali (li fiha Gonadotropin Korjonika umana – hCG). Jekk qiegħda tiżviluppa l-OHSS, it-tabib tiegħek jista’ ma jtik l-ebda hCG f’dan iċ-ċiklu ta’ kura u jista’ jgħidlek biex ma tagħmilx attività sesswali jew biex tuża metodu ta’ kontraċezzjoni barrier għal mill-inqas erbat ijiem.
Tqala multipla
Meta tuża GONAL-f, għandek riskju akbar li toħroġ tqila b’aktar minn tarbija waħda fl-istess ħin (‘tqala multipla’, l-aktar tewmin), milli f’każ ta’ konċepiment naturali. It-tqala multipla tista’ twassal għal kumplikazzjonijiet mediċi għalik u għat-trabi tiegħek. Tista’ tnaqqas ir-riskju ta’ tqala multipla billi tuża d-doża xierqa ta’ GONAL-f fil-ħin xieraq. Meta tkun qiegħda tagħmel użu mit-teknoloġija ta’ riproduzzjoni assistita, ir-riskju ta’ tqala multipla jkun relatat mal-età tiegħek, il-kwalità u l-għadd ta’ bajd fertilizzat jew embrijuni mpoġġija ġo fik.
Korriment
Meta tkun qiegħda tagħmel użu mit-teknoloġija ta’ riproduzzjoni assistita jew ta’ stimulazzjoni tal- ovarji biex tipproduċi l-bajd, ir-riskju ta’ korriment hu akbar mill-medja għal mara normali.
Problemi ta’ tagħqid tad-demm (avvenimenti tromboemboliċi)
Jekk fil-passat jew dan l-aħħar kellek xi emboli fid-demm f’riġlejk jew fil-pulmun, jew attakk tal-qalb jew puplesija, jew jekk dawn seħħew fil-familja tiegħek, allura inti tista’ tkun f’riskju akbar li dawn il- problemi jseħħu jew jaggravaw bil-kura b’GONAL-f.
Irġiel li għandhom FSH żejjed fid-demm tagħhom
Jekk inti raġel, il-fatt li jkollok wisq FSH fid-demm tiegħek jista’ jkun sinjal ta’ ħsara fit-testikoli. GONAL-f normalment ma jaħdimx jekk għandek din il-problema.
Jekk it-tabib tiegħek jiddeċiedi li jipprova l-kura b’GONAL-f, biex jissorvelja l-kura, jista’ jitolbok
tipprovdi sperma għall-analiżi minn 4 sa 6 xhur wara li tibda l-kura. Tfal
GONAL-f mhuwiex indikat għall-użu fit-tfal.
Għid lit-tabib tiegħek jekk qed tieħu, ħadt dan l-aħħar jew tista’ tieħu xi mediċini oħra.
Jekk tuża GONAL-f ma’ mediċini oħrajn li jgħinu l-ovulazzjoni (bħal hCG jew clomiphene citrate), dan jista’ jżid ir-rispons tal-follikuli tiegħek.
Jekk tuża GONAL-f fl-istess ħin ma’ xi agonist jew antagonist ta’ ‘ormon li jerħi gonadotropin’ (GnRH) (dawn il-mediċini jbaxxu l-livelli tal-ormoni sesswali tiegħek u jwaqqfulek l- ovulazzjoni) jista’ jkollok bżonn ta’ doża akbar ta’ GONAL-f biex tipproduċi l-follikuli.
Tużax GONAL-f jekk inti tqila jew qed tredda’.
Mhux mistenni li din il-mediċina ser taffettwa l-ħila tiegħek biex issuq u tħaddem magni.
Din il-mediċina fiha anqas minn 1 mmol sodium (23 mg) f’kull doża, jiġifieri essenzjalment “ħieles mis-sodium”.
Dejjem għandek tuża din il-mediċina skont il-parir eżatt tat-tabib tiegħek. Iċċekkja mat-tabib jew mal-
ispiżjar tiegħek jekk ikollok xi dubju.
GONAL-f hu maħsub biex jingħata permezz ta’ injezzjoni eżatt taħt il-ġilda (b’mod
subkutanju).
L-ewwel injezzjoni ta’ GONAL-f għandha tingħata taħt is-superviżjoni tat-tabib tiegħek.
It-tabib jew lill-infermier tiegħek juruk kif tinjetta GONAL-f qabel ma tinjetta lilek innifsek.
Jekk tagħti GONAL-f lilek innifsek, jekk jogħġbok aqra u segwi b’attenzjoni l-istruzzjonijiet fl-
aħħar ta’ dan il-fuljett intitolati “Kif tipprepara u tuża t-trab u s-soluzzjoni ta’ GONAL-f”.
It-tabib tiegħek ser jiddeċiedi kemm għandek tieħu mediċina u kemm-il darba. Id-dożi deskritti hawn taħt huma murija f’Unitajiet Internazzjonali (IU - International Units).
Normalment GONAL-f jingħata kuljum.
Jekk għandek mestrwazzjoni irregolari, ibda uża GONAL-f fi żmien l-ewwel 7 ijiem taċ-ċiklu mestrwali tiegħek. Jekk m’għandekx mestrwazzjoni tista’ tuża l-mediċina fi kwalunkwe jum li jkun komdu għalik.
Id-doża normali tal-bidu ta’ GONAL-f hi ta’ 75 sa 150 IU kuljum.
Id-doża tiegħek ta’ GONAL-f tista’ tiżdied kull 7 jew kull 14-il jum b’37.5 sa 75 IU, sakemm tikseb ir-rispons mixtieq.
Id-doża massima ta’ kuljum ta’ GONAL-f normalment ma tkunx aktar minn 225 IU.
Meta tikseb ir-rispons mixtieq, tingħata injezzjoni waħda ta’ 250 mikrogramma ta’ ‘hCG rikombinanti’ (r-hCG, hCG magħmul f’laboratorju permezz ta’ teknika speċjali ta’ DNA), jew 5,000 sa 10,000 IU ta’ hCG, 24 sa 48 siegħa wara l-aħħar injezzjoni tiegħek ta’ GONAL-f. L- aħjar żmien biex ikollok rapport sesswali hu fil-jum tal-injezzjoni ta’ hCG u l-jum ta’ wara.
Jekk it-tabib tiegħek ma jarax rispons mixtieq wara 4 ġimgħat, iċ-ċiklu ta’ kura b’GONAL-f għandu jitwaqqaf. Għaċ-ċiklu ta’ kura ta’ wara , it-tabib jagħtik doża tal-bidu ta’ GONAL-f ogħla minn ta’ qabel.
Jekk ġismek jirreaġixxi b’mod qawwi żżejjed, il-kura tiegħek ser titwaqqaf u ma tingħata l-ebda hCG (ara sezzjoni 2, OHSS). Għaċ-ċiklu ta’ wara, it-tabib tiegħek jagħtik doża aktar baxxa ta’ GONAL-f minn ta’ qabel.
Id-doża tal-bidu normali ta’ GONAL-f hi ta’ 75 sa 150 IU flimkien ma’ 75 IU ta’ lutropin alfa.
Għandek tuża dawn iż-żewġ mediċini kuljum sa ħames ġimgħat.
Id-doża tiegħek ta’ GONAL-f tista’ tiżdied kull 7 jew kull 14-il jum b’37.5 sa 75 IU, sakemm tikseb ir-rispons mixtieq.
Meta tikseb ir-rispons mixtieq, tingħata injezzjoni waħda ta’ 250 mikrogramma ta’ ‘hCG rikombinanti’ (r-hCG, hCG magħmul f’laboratorju permezz ta’ teknika speċjali ta’ DNA), jew 5,000 sa 10,000 IU ta’ hCG, 24 sa 48 siegħa wara l-aħħar injezzjonijiet tiegħek ta’GONAL-f u lutropin alfa. L-aħjar żmien biex ikollok attività sesswali hu fil-jum tal-injezzjoni tahCG u l-jum ta’ wara. Inkella, tista’ ssir inseminazzjoni fl-utru billi titpoġġa l-isperma fil-ġuf.
Jekk it-tabib tiegħek ma jarax rispons mixtieq wara 5 ġimgħat, iċ-ċiklu ta’ kura b’GONAL-f għandu jitwaqqaf. Għaċ-ċiklu ta’ kura ta’ wara, it-tabib jagħtik doża tal-bidu ta’ GONAL-f ogħla minn ta’ qabel.
Jekk ġismek jirreaġixxi b’mod qawwi żżejjed, il-kura tiegħek b’GONAL-f ser titwaqqaf u ma tingħata l-ebda hCG (ara sezzjoni 2, OHSS). Għaċ-ċiklu ta’ wara, it-tabib tiegħek jagħtik doża aktar baxxa ta’ GONAL-f minn ta’ qabel.
Id-doża tal-bidu normali ta’ GONAL-f hi ta’ 150 sa 225 IU kuljum, mit-2 jew it-3 jum taċ-ċiklu ta’ kura tiegħek.
Id-doża ta’ GONAL-f tista’ tiżdied, skont ir-rispons tiegħek. Id-doża massima ta’ kuljum hi ta’
450 IU.
Il-kura titkompla sakemm il-bajd tiegħek ikunu żviluppaw sa punt mixtieq. Dan normalment jieħu madwar 10 ijiem iżda jista’ jieħu bejn 5 u 20 jum. It-tabib tiegħek ser juża testijiet tad- demm u/jew apparat tal-ultrasound biex jiċċekkja meta dan iseħħ.
Meta l-bajd tiegħek ikun lest, tingħata injezzjoni waħda ta’ 250 mikrogramma ta’ ‘hCG rikombinanti’ (r-hCG, hCG magħmul f’laboratorju permezz ta’ teknika speċjali ta’ DNA rikombinanti), jew 5,000 IU sa 10,000 IU ta’ hCG, 24 sa 48 siegħa wara l-aħħar injezzjoni tiegħek ta’ GONAL-f. Dan ilesti l-bajd tiegħek għall-ġbir.
F’każijiet oħrajn, it-tabib tiegħek jista’ l-ewwel iwaqqaflek l-ovulazzjoni billi juża agonist jew antagonist tal-ormon li jerħi gonadotropin (GnRH). Imbagħad GONAL-f jinbeda madwar ġimagħtejn wara l-bidu tal-kura bl-agonist. GONAL-f u l-agonist tal-GnRH imbagħad jingħatawlek it-tnejn sakemm il-follikuli tiegħek jiżviluppaw kif mixtieq. Pereżempju, wara ġimagħtejn ta’ kura bl-agonist tal-GnRH, jingħatawlek 150 sa 225 IU ta’ GONAL-f għal 7 ijiem. Id-doża mbagħad tiġi aġġustata skont ir-rispons tal-ovarji tiegħek.
Id-doża normali ta’ GONAL-f hi ta’ 150 IU flimkien ma’ hCG.
Għandek tuża dawn iż-żewġ mediċini tliet darbiet fil-ġimgħa għal mill-inqas 4 xhur.
Jekk ma jkollokx rispons għall-kura wara 4 xhur, it-tabib tiegħek jista’ jissuġġerilek li tkompli tuża dawn iż-żewġ mediċini għal mill-inqas 18-il xahar.
L-effetti jekk tieħu aktar GONAL-f milli suppost, mhumiex magħrufa. Madankollu, wieħed jista’ jistenna li jseħħ is-Sindrome ta’ Iperstimulazzjoni tal-Ovarji (OHSS), li hu deskritt f’sezzjoni 4. Madankollu, l-OHSS iseħħ biss jekk jingħata wkoll hCG (ara sezzjoni 2, OHSS).
Jekk tinsa tuża GONAL-f, m’għandekx tieħu doża doppja biex tpatti għal kull doża li tkun insejt tieħu.
Jekk jogħġbok kellem lit-tabib tiegħek malli tinduna li nsejt tieħu doża.
Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux
f’kulħadd.
Uġigħ fin-naħa t’isfel taż-żaqq flimkien ma’ dardir jew rimettar jistgħu jkunu s-sintomi tas- Sindrome ta’ Stimulazzjoni Żejda tal-Ovarji (OHSS). Dan jista’ jindika li l-ovarji kellhom reazzjoni żejda għall-kura u li żviluppaw ċisti ovarji kbar (ara wkoll f’sezzjoni 2. taħt
“Sindrome ta’ Iperstimulazzjoni tal-Ovarji”). Dan l-effett sekondarju hu komuni (jista’ jaffettwa sa 1 minn kull 10 persuni).
L-OHSS jista’ jsir sever bi tkabbir evidenti tal-ovarji, tnaqqis fil-produzzjoni tal-awrina, żieda fil-piż, diffikultà fit-teħid tan-nifs u/jew akkumulazzjoni possibbli ta’ fluwidu fiż-żaqq jew fis- sider. Dan l-effett sekondarju mhuwiex komuni (jista’ jaffettwa sa 1 minn kull 100 persuna).
Kumplikazzjonijiet tal-OHSS bħal-liwi tal-ovarji jew tagħqid ta’ demm jistgħu jseħħu rarament
(jistgħu jaffettwaw sa 1 minn kull 1,000 persuna).
Kumplikazzjonijiet serji ta’ tagħqid ta’ demm (avvenimenti tromboemboliċi) xi kultant indipendenti mill-OHSS huma rari ħafna (jistgħu jaffettwaw sa 1 minn kull 10,000 persuna). Dawn jistgħu jikkawżaw uġigħ fis-sider, qtugħ ta’ nifs, puplesija jew attakk tal-qalb (ara wkoll f’sezzjoni 2. taħt “Problemi ta’ tagħqid tad-demm”).
Ir-reazzjonijiet allerġiċi bħal raxx, ġilda ħamra, urtikarja, nefħa ta’ wiċċek b’diffikultà biex tieħu n-nifs xi kultant jistgħu jkunu serji. Dan l-effett sekondarju hu rari ħafna (jista’ jaffettwa sa 1 minn kull 10,000 persuna).
Komuni ħafna (jistgħu jaffettwaw aktar minn 1 minn kull 10 persuni):
Membrani mimlijin bi fluwidu fl-ovarji (ċisti fl-ovarji)
Uġigħ ta’ ras
Reazzjonijiet lokali fis-sit tal-injezzjoni, bħal uġigħ, ħmura, tbenġil, nefħa u/jew irritazzjoni
Komuni (jistgħu jaffettwaw sa 1 minn kull 10 persuni):
Uġigħ fiż-żaqq
Tħossok imdardra, rimettar, dijarea, bugħawwieġ u nefħa fiż-żaqq Rari ħafna (jistgħu jaffettwaw sa 1 minn kull 10,000 persuna):
Jistgħu jseħħu reazzjonijiet allerġiċi bħal raxx, ħmura fil-ġilda, urtikarja, nefħa fil-wiċċ b’diffikultà biex tieħu n-nifs. Dawn ir-reazzjonijiet xi kultant jistgħu jkunu serji.
Jekk ikollok l-ażżma din tista’ taggrava.
Komuni ħafna (jistgħu jaffettwaw aktar minn 1 minn kull 10 persuni):
Reazzjonijiet lokali fis-sit tal-injezzjoni, bħal uġigħ, ħmura, tbenġil, nefħa u/jew irritazzjoni
Komuni (jistgħu jaffettwaw sa 1 minn kull 10 persuni):
Nefħa tal-vini fuq u n-naħa ta’ wara tat-testikoli (varikoċele)
Tkabbir tas-sider, akne jew żieda fil-piż
Rari ħafna (jistgħu jaffettwaw sa 1 minn kull 10,000 persuna):
Jistgħu jseħħu reazzjonijiet allerġiċi bħal raxx, ħmura fil-ġilda, urtikarja, nefħa fil-wiċċ
b’diffikultà biex tieħu n-nifs. Dawn ir-reazzjonijiet xi kultant jistgħu jkunu serji.
Jekk ikollok l-ażżma din tista’ taggrava.
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali mniżżla f’Appendiċi V. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq il-kunjett wara JIS. Id-data ta’ meta tiskadi tirreferi għall-aħħar ġurnata ta’ dak ix-xahar.
Taħżinx f’temperatura ’l fuq minn 25°C.
Aħżen fil-pakkett oriġinali sabiex tilqa’ mid-dawl.
Tużax GONAL-f jekk tinnota xi sinjali viżibbli ta’ deterjorament, jekk il-likwidu jkun fih xi frak jew jekk ma jkunx ċar.
Il-mediċina għandha tittieħed immedjatament wara l-preparazzjoni.
Tarmix mediċini mal-ilma tad-dranaġġ. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
GONAL-f m’għandux jingħata bħala taħlita ma’ prodotti mediċinali oħrajn fl-istess injezzjoni, ħlief għal lutropin alfa. Studji urew li dawn iż-żewġ mediċini jistgħu jitħalltu u jiġu injettati flimkien, mingħajr ma’ l-ebda prodott minnhom ma jiġi affettwat b’mod ħażin.
Is-sustanza attiva hi follitropin alfa.
Kull kunjett fih 5.5 mikrogrammi ta’ follitropin alfa.
Wara l-preparazzjoni tas-soluzzjoni finali għall-injezzjoni, ikun hemm 75 IU (5.5 mikrogrammi) ta’ follitropin alfa f’kull millilitru ta’ soluzzjoni.
Is-sustanzi mhux attivi l-oħra huma sucrose, sodium dihydrogen phosphate monohydrate, disodium phosphate dihydrate, methionine, polysorbate 20, phosphoric acid konċentrat u sodium hydroxide.
Is-solvent hu ilma għall-injezzjonijiet.
GONAL-f hu ppreżentat bħala trab u solvent għal soluzzjoni li jintużaw biex tiġi ppreparata soluzzjoni għall-injezzjoni.
It-trab hu pritkuna bajda f’kunjett tal-ħġieġ.
Is-solvent hu likwidu ċar mingħajr kulur f’siringa mimlija għal-lest, kull waħda fiha 1 mL.
GONAL-f hu fornut f’pakketti ta’ 1, 5, 10 kunjetti ta’ trab bl-istess ammont ta’ solvent f’siringi mimlija għal-lest. Jista’ jkun li mhux il-pakketti tad-daqsijiet kollha jkunu għal skop kummerċjali.
Merck Europe B.V., Gustav Mahlerplein 102, 1082 MA Amsterdam, in-Netherland
Merck Serono S.p.A., Via delle Magnolie 15, 70026 Modugno (Bari), L-Italja
Din is-sezzjoni tgħidlek kif tipprepara u tuża t-trab u s-solvent tiegħek ta’ GONAL-f.
Qabel tibda l-preparazzjoni, jekk jogħġbok l-ewwel aqra dawn l-istruzzjonijiet minn fuq s’isfel.
Injetta ruħek kuljum fl-istess ħin.
Hu importanti li idejk u l-affarijiet li tuża jkunu nodfa kemm jista’ jkun.
Post tajjeb hu mejda nadifa jew wiċċ tal-kċina.
1 siringa mimlija għal-lest li fiha s-solvent (il-likwidu ċar)
1 kunjett li fih GONAL-f (it-trab abjad)
1 labra għall-preparazzjoni
1 labra fina għall-injezzjoni taħt il-ġilda
Mhux ipprovduti fil-pakkett:
2 biċċiet bl-alkoħol
1 kontenitur fejn tarmi labar użati
Neħħi l-għotjien ta’ protezzjoni mill-kunjett bit-trab u mis-siringa mimlija għal-lest.
Waħħal il-labra għall-preparazzjoni mas-siringa mimlija għal-lest, daħħalha fil-kunjett tat-trab u injetta s-solvent kollu fil-kunjett bit-trab. Dawwar bil-mod mingħajr ma tneħħi s- siringa.Tħawwadx bis-saħħa.
Ivverifika li s-soluzzjoni hi ċara u ma fihiex frak.
Aqleb il-kunjett rasu ’l isfel u iġbed bil-mod is-soluzzjoni lura fis-siringa billi timbotta l-
planġer.
Neħħi s-siringa mill-kunjett u middha b’attenzjoni. Tmissx il-labra u tħalli l-labra tmiss l-ebda
wiċċ.
(Jekk ir-riċetta tindikalek aktar minn kunjett wieħed ta’ GONAL-f, erġa’ injetta bil-mod is-soluzzjoni f’kunjett ieħor tat-trab, sakemm in-numru preskritt ta’ kunjetti tat-trab ikunu nħallu fis-soluzzjoni. Jekk tkun ingħatajt riċetta għal lutropin alfa flimkien ma’ GONAL-f, tista’ tħallat ukoll iż-żewġ mediċini flimkien minflok ma tinjetta kull prodott separatament. Wara li jkun nħall it-trab ta’ lutropin alfa, iġbed is-soluzzjoni lura fis-siringa u erġa’ injettaha fil-kunjett li fih GONAL-f. Wara li jkun inħall it-trab, iġbed is-soluzzjoni lura fis-siringa. Bħal qabel, ara jekk hemmx xi frak, u tużax is- soluzzjoni jekk ma tkunx ċara. Sa tliet kontenituri ta’ trab jistgħu jinħallu f’1 mL ta’ solvent.)
Ibdel il-labra għal-labra fina għat-titqib.
Neħħi kwalunkwe bżieżaq tal-arja: Jekk tara xi bżieżaq tal-arja fis-siringa, żomm is-siringa bil- labra tipponta ’l fuq u taptap bil-mod fuq s-siringa sakemm l-arja kollha tinġabar fuq. Imbotta l- planġer sakemm il-bżieżaq tal-arja jitilqu.
Injetta s-soluzzjoni immedjatament: It-tabib jew l-infermiera tiegħek ikunu diġà infurmawk fejn għandek tinjetta (eż. fiż-żaqq, fin-naħa ta’ quddiem tal-koxxa). Biex tnaqqas l-irritazzjoni tal- ġilda, agħżel sit tal-injezzjoni differenti kuljum.
Naddaf il-parti magħżula tal-ġilda b’biċċa mxarrba bl-alkoħol billi tuża moviment ċirkolari.
Oqros il-ġilda u daħħal il-labra f’angolu ta’ 45° sa 90° qisek qed twaddab dart.
Injetta taħt il-ġilda billi timbotta bil-mod il-planġer, skont kif tawk parir. Tinjettax direttament ġo vina. Dum kemm hemm bżonn sakemm tinjetta s-soluzzjoni kollha.
Immedjatament iġbed lura l-labra u naddaf il-ġilda billi timsaħha b’moviment ċirkolari b’biċċa
mxarrba bl-alkoħol.
Armi l-oġġetti kollha li tkun użajt: Hekk kif tkun lestejt l-injezzjoni tiegħek, armi immedjatament il- labar u l-kontenituri vojta tal-ħġieġ kollha b’mod sigur preferibbilment f’kontenitur fejn tarmi labar użati. Kull fdal tas-soluzzjoni mhux użat għandu jintrema.