Aldara
imiquimod
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuna oħra. Tista’ tagħmlilhom il-ħsara anke jekk għandhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4.
X’inhu l-krema Aldara u għalxiex jintuża
X’għandek tkun taf qabel ma tuża l-krema Aldara
Kif għandek tuża l-krema Aldara
Effetti sekondarji possibbli
Kif taħżen il-krema Aldara
Kontenut tal-pakkett u informazzjoni oħra
Il-krema Aldara tista' tintuża għal tliet kundizzjonijiet. It-tabib tiegħek jista' jagħtik riċetta għal Aldara għat-trattament ta':
Felul (condylomata acuminata) fuq il-wiċċ tal-ġenitali (organi sesswali) u madwar l-anus (il- passaġġ ta' wara)
Karċinoma superfiċjali taċ-ċellola bażali.
Din forma komuni ta' kanċer tal-ġilda li tikber bil-mod bi probabilità żgħira li tinfirex f'partijiet
oħra tal-ġisem. Ġeneralment iseħħ f'persuni ta' mezz età u persuni anzjani, speċjalment dawk ġinġlin u tiġi kawżata minħabba espożizzjoni żejda fix-xemx. Jekk ma tiġix trattata, il- karċinoma taċ-ċellola bażali tista tisfigura, speċjalment il-wiċċ – għalhekk ir-rikonoxximent bikri u t-trattament huma importanti.
Keratosi aktinika
Keratosi aktinika huma żoni ħorox fil-ġilda li jinsabu f'persuni li ġew esposti għal ħafna xemx matul ħajjithom. Xi wħud huma kuluriti skond il-ġilda, oħrajn huma griżi, roża, ħomor jew kannella. Jistgħu jkunu ċatti u bil-qxur, jew mgħollija, ħorox u bil-felul. Aldara għandha tintuża biss għal keratosi aktinika ċatta fuq il-wiċċ u l-qorriegħa f'pazjenti li għandhom sistema immuni b'saħħitha meta t-tabib tiegħek ddeċieda li Aldara hija l-aktar trattament adattat għalik.
Il-krema Aldara tghin lis-sistemaimmunitarja tal-gisem biex tipproduci is-sustanzi naturali li jgħinuh jiġġieled il-karċinoma ta' ċellola bażali, il-keratosi aktinika jew il-virus li jikkaġuna l-felul tiegħek.
jekk inti allerġiku għal imiquimod jew għal xi sustanza oħra ta’ din il-mediċina (imniżżla fis- sezzjoni 6).
Kellem lit-tabib jew lill-ispiżjar tiegħek qabel tuża l-krema Aldara
Jekk użajt il-krema Aldara qabel jew preparazzjonijiet oħra simili informa lit-tabib tiegħek qabel ma tibda dan it-trattament.
Jekk tbati minn disturbi awtoimmuni
Jekk qatt sarlek trapjant ta’ organu
Tużax il-krema Aldara sakemm l-erja li qed tiġi trattata tkun fieqet minn trattament preċedenti bil-mediċini jew kirurġiċi.
Evita l-kuntatt ma' l-għajnejn, ix-xofftejn u l-imnifsejn. F'każ ta' kuntatt aċċidentali, neħħi l-krema billi tlaħlaħ bl-ilma.
Tapplikax il-krema fuq ġewwa.
Tużax aktar krema milli rakomandalek it-tabib tiegħek.
Tgħattiex l-erja trattata bil-faxxex jew bi preparazzjoni mediċinali oħra wara li tkun applikajt il-krema Aldara.
Jekk is-sit trattat ikun skomdu wisq, neħħi l-krema billi taħsilha sew b'sapuna ħafifa u ilma.
Hekk kif il-problema tieqaf, tista' terġa tibda' tapplika l-krema mill-ġdid.
Għid lit-tabib tiegħek jekk għandek l-għadd totali tad-demm mhux normali.
•
Minħabba l-mod kif Aldara jaħdem, jista' jkun hemm il-possibilità li l-krema tista' tħarrax l-infjammazzjoni eżistenti fl-erja ta' trattament.
•
● Jekk qed tiġi kkurat għal felul ġenitali, segwi dawn l-prekawzjonijiet addizzjonali:
Irġiel bil-felul taħt il-prepuzju għandhom jiġbdu l-prepuzju lura kuljum u jaħslu taħtu. Jekk ma jinħasilx kuljum il-prepuzju aktarx juri sinjali ta' tiġbid, tinfiħ u l-ġilda tittiekel bir-riżultat li jkun diffiċli jinġibed lura. Jekk dawn is-sintomi huma preżenti, waqqaf it-trattament minnufiħ u sejjaħ it- tabib.
Jekk għandek feriti miftuħin: tibdiex tuża l-krema Aldara qabel ma jitfiequ l-feriti.
Jekk għandek felul intern: Tużax il-krema Aldara fl-uretra (it-toqba minn fejn tgħaddi l-awrina),
il-vaġina (il-kanal tat-twelid), l-għonq ċervikali (organu intern tal-mara), jew f’kull post ieħor anali tiegħek (rektum).
Tużax din il-mediċina ghal aktar minn kors wieħed jekk għandek problema bis-sistema immunitarja tiegħek, jew minħabba mard jew l-mediċini li int digà qed tieħu. Jekk taħseb li dan japplika għalik kellem it-tabib tiegħek.
Jekk inti pożittiv ghal HIV għandek tinforma t-tabib tiegħek billi l-krema Aldara ma ntweritx li hija effettiva f’pazjenti pożittivi bl-HIV. Jekk tiddeċiedi li trid li jkollok relazzjonijiet sesswali waqt li għad għandek il-felul, applika l-krema Aldara wara – mhux qabel – l-attività sesswali.
Il-krema Aldara tista’ iddghajjef kondoms u dijaframmi, għalhekk il-krema m’għandhiex titħalla waqt l-attività sesswali. Ftakar, il-krema Aldara ma tipproteġiex kontra t-teħid tal-virus lil haddiehor.
•
●Jekk qed tiġi trattat għal karċinoma taċ-ċellola bażali jew keratosi aktinika segwi dawn il- prekawzjonijiet addizzjonali:
Tużax lampi tax-xemx jew sodod tat-tismir, u evita d-dawl tax-xemx kemm jista' jkun waqt it- trattament bil-krema Aldara. Ilbes ilbies protettiv u kpiepel bil-falda wiesgħa meta tkun barra.
Waqt li tkun qed tuża l-krema Aldara u sakemm tfieq, l-erja ta' trattament x'aktarx ser tidher notevolment differenti mill-ġilda normali.
Użu fit-tfal u l-adolexxenti mhux irrakkomandat.
Għid lit-tabib jew lill-ispiżjar tiegħek jekk qed tieħu, ħadt dan l-aħħar jew tista’ tieħu xi mediċini oħra. M’hemmx mediċini magħrufa li ma jaqblux mal-krema Aldara.
Itlob il-parir tat-tabib jew ta’ l-ispiżjar tiegħek qabel tieħu xi mediċina.
Għandek tgħid lit-tabib tiegħek jekk inti tqila jew qed tippjana li jkollok tarbija. It-tabib tiegħek ser jiddiskuti r-riskji u s-siwi tal-krema Aldara waqt it-tqala. Studji f’annimali ma jindikawx effetti direttament jew indirettament perikolużi fit-tqala.
M’għandekx tredda t-tarbija tiegħek waqt il-perijodu ta’ trattament bil-krema Aldara, billi mhux magħruf jekk imiquimod jnixxiex fil-ħalib tal-bniedem.
Din il-mediċina m’għandha l-ebda effett jew ftit li xejn għandha effett fuq il-ħila biex issuq u tħaddem magni.
Methyl hydroxybenzoate (E218) u propyl hydroxybenzoate (E216) jistgħu jikkawżaw reazzjonijiet allerġiċi (possibilment tardjati). Cetyl alcohol u stearyl alcohol jistgħu jikkaġunaw reazzjonijiet lokali tal-ġilda (eż. dermatite tal-kuntatt).
Din il-mediċina fiha 5 mg benzyl alcohol f’kull qartas. Benzyl alcohol jista’ jikkawża reazzjonijiet allerġiċi u irritazzjoni lokali ħafifa.
L-użu fit-tfal u adolexxenti mhux irrakkomandat.
Dejjem għandek tuża din il-mediċina skont il-parir eżatt tat-tabib tiegħek. Iċċekkja mat-tabib jew mal- ispiżjar tiegħek jekk ikollok xi dubju.
Aħsel idejk sew qabel ma tapplika l-krema. Tgħattiex l-erja trattata bil-faxxex jew xi preparazzjoni mediċi oħra wara li tkun applikajt il-krema Aldara.
Iftaħ qartas ġdid kull darba li tużha l-krema. Armi l-krema li tibqa fil-qartas wara l-użu.Taħżinx biex
tuża ghal data aktar tard il-pakkett miftuħ.
Il-frekwenza tat-trattament u t-tul ivarja għal felul ġenitali, karċinoma taċ-ċellola bażali u keratosi aktinika (ara struzzjonijiet speċifiċi għal kull indikazzjoni).
Jekk qed tiġi trattat għal felul ġenitali:
Struzzjonijiet t'applikazzjoni – (It-Tnejn, L-Erbgħa u L-Ġimgħa)
Qabel ma tidħol fis-sodda, aħsel idejk u l-erja tat-tratatment f'sapuna ħafifa u ilma.Ixxotta sew.
Iftaħ qartas ġdid u għasar ftit krema fuq tarf is-suba'.
Applika saff irqiq ta' krema Aldara f'erja nadifa u xotta u għorok bil-mod fil-ġilda sakemm il- krema tisparixxi.
Wara li tagħmel il-krema, armi l-qartas miftuħ u aħsel idejk bis-sapun u l-ilma.
Ħalli l-krema Aldara fuq il-felul għal bejn 6 sa 10 sigħat. Tieħux doċċa jew xi banju matul dan il-ħin.
Wara 6 sa 10 sigħat aħsel l-erja fejn l-krema Aldara ġiet applikata bis-sapun ħafif u ilma.
Applika l-krema Aldara 3 darbiet fil-ġimgħa. Per eżempju, applika l-krema nhar ta' Tnejn, l-Erbgħa u l-Ġimgħa. Qartas wieħed fih biżżejjed krema biex ikopri erja ta' felul ta' 20 cm2 (madwar 3 pulzieri kwadri).
Irġiel bil-felul taħt il-prepuzju għandhom jiġbdu lura l-prepuzju kuljum u jaħslu taħtu (ara sezzjoni 2 “Agħti attenzjoni speċjali meta tuża l-krema Aldara”).
Għandek tibqa’ tuża l-krema Aldara kif indikat sakemm il-felul ikun telaq kollu (nofs in-nisa li jitnaddfu mill-felul jagħmlu dan fi żmien 8 ġimgħat, nofs l-irgiel li jitnaddfu jagħmlu dan fi 12-il ġimgħa, imma f’xi pazjenti l-felul ikun diġà telaq fi żmien 4 ġimgħat).
Il-krema Aldara m’għandhiex tintuża għal aktar minn 16-il ġimgħa għal kull episodju ta’ felul ġenitali jew ta’ madwar il-parti anali.
Jekk tħoss li l-effett tal-krema Aldara huwa qawwi wisq jew dgħajjef wisq, kellem lit-tabib jew spiżjar tiegħek.
Jekk qed tiġi trattat għal karċinoma ta' ċellola bażali:
Struzzjonijiet t'applikazzjoni – (It-Tnejn, It-Tlieta, L-Erbgħa, Il-Ħamis u L-Ġimgħa)
Qabel ma tidħol fis-sodda, aħsel idejk u l-erja tat-trattatment f'sapun ħafif u ilma. Ixxotta sew.
Iftaħ qartas ġdid u għasar ftit krema fuq tarf is-suba'.
Applika l-krema Aldara fl-erja affetwata u 1ċm (madwar 0.5 pulzieri) madwar l-erja affettwata. Għorok bil-mod fil-ġilda sakemm il-krema tisparixxi.
Wara li tapplika l-krema, armi l-qartas miftuħ. Aħsel idejk bis-sapun u l-ilma.
Ħalli l-krema Aldara fuq il-ġilda għal madwar 8 sigħat. Tieħux doċċa jew xi banju matul dan il-ħin.
Wara madwar 8 sigħat, aħsel l-erja fejn kinet applikata l-krema Aldara b'sapun ħafif u l-ilma.
Applika biżżejjed krema Aldara biex tkopri l-erja ta' trattament u 1 ċm (madwar ½ pulzier) madwar l-erja ta' trattament kuljum għal ħames ġranet konsekuttivi għal 6 ġimgħat. Pereżempju, applika l- krema mit-Tnejn sal-Ġimgħa. Tapplikax il-krema s-Sibt u l-Ħadd.
Jekk qed tiġi trattat għal keratosi aktinika
Struzzjonijiet ta' applikazzjoni – (It-Tnejn, L-Erbgħa u L-Ġimgħa)
Qabel ma tidħol fis-sodda, aħsel idejk u l-erja tat-tratatment f'sapuna ħafifa u ilma. Ixxotta sew.
Iftaħ qartas ġdid u għasar ftit krema fuq tarf is-suba'.
Applika l-krema fl-erja affettwata. Għorok bil-mod fl-erja sakemm il-krema tisparixxi.
Wara li tapplika l-krema, armi l-qartas miftuħ. Aħsel idejk bis-sapun u l-ilma.
Ħalli l-krema Aldara fuq il-ġilda għal madwar 8 sigħat. Tieħux doċċa jew xi banju matul dan il-ħin.
Wara madwar 8 sigħat, aħsel l-erja fejn kinet applikata l-krema Aldara b'sapun ħafif u l-ilma.
Applika l-krema Aldara 3 darbiet fil-ġimgħa. Pereżempju, applika l-krema nhar ta' Tnejn, l-Erbgħa u l-Ġimgħa. Qartas wieħed fih biżżejjed krema biex ikopri erja ta' felul ta' 25 cm2 (madwar 4 pulzieri
kwadri). Issokta bit-trattament għal erba' ġimgħat. Erba' ġimgħat wara li ttemm dan l-ewwel trattament,
it-tabib tiegħek ser jeżamina l-ġilda tiegħek. Jekk il-leżjonijiet ma sparixxawx kollha, jista' jkun hemm bżonn ta' erba' ġimgħat ta' trattament oħra.
Aħsel iżżejjed b’sapun hafif u ilma. Meta r-reazzjoni tal-ġilda tkun marret imbagħad issokta bit-trattament tiegħek.
Jekk aċċidentalment tibla l-krema Aldara, jekk jgħogbok ikkuntattja lit-tabib.
Jekk tonqos tapplika xi doża, applika l-krema hekk kif tiftakar u mbagħad kompli fl-iskeda regolari tiegħek. Tapplikax il-krema aktar minn darba f'ġurnata.
Jekk għandek aktar mistoqsijiet dwar l-użu ta' din il-mediċina, staqsi lit-tabib jew lill-ispiżjar tiegħek.
Il frekwenza tal-effetti sekondarji jigu ikklasifikati hekk
Effetti sekondarji komuni hafna (x`aktarx li jigru f`aktar minn 1 minn kull 10 pazjenti Effetti sekondarji komuni (x`aktarx li jigru f`anqas minn 1 minn kull 10 pazjenti
Effetti sekondarji mhux komuni (x`aktarx li jigru f`anqas minn 1 minn kull 100 pazjent Effetti sekondarji rari (x`aktarx li jigru f`anqas minn 1 minn kull 1,000 pazjenti
Effetti sekondarji rari hafna (x`aktarx li jigru f`anqas minn 1 minn kull 10,000 pazjenti
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
Għid lit-tabib jew spiżjar tiegħek kemm jista’ jkun malajr jekk ma tħossokx f’siktek waqt li qed tużha l-krema Aldara.
Xi pazjenti kellhom bidliet fil-kulur tal-ġilda fl-erja fejn ġiet applikata l-krema Aldara. Filwaqt li dawn il- bidliet kellhom tendenza li jitjiebu biż-żmien, f'xi pazjenti jistgħu jkunu permanenti.
Jekk il-ġilda tiegħek tirreaġixxi ħażin meta tuża l-krema Aldara, waqqaf l-applikazzjoni tal-krema, aħsel
l-erja b'sapun ħafif u ilma u kkuntattja lit-tabib jew lill-ispiżjar tiegħek.
F' xi individwi ġie nnotat li kien hemm tnaqqis fl-għadd totali ta' ċelloli tad-demm. Tnaqqis fl-għadd
taċ-ċelloli tad-demm jista' jagħmlek aktar suxxetibbli għal infezzjonijiet, iġegħelk titbenġel aktar faċilment jew tkun għajjien. Jekk tinduna b'xi sintomi bħal dawn, għid lit-tabib tiegħek.
Xi pazjenti li jsofru minn disturbi awtoimmuni jistgħu jesperjenzaw aggravament fil-kundizzjoni tagħhom. Jekk tinnota xi bidla waqt it-trattament bil-krema Aldara, għid lit-tabib tiegħek.
Reazzjonijiet serji tal-ġilda ġew irrapportati rarament. Jekk ikollok leżjonijiet tal-ġilda jew tebgħat fuq
il-ġilda tiegħek li jibdew bħala żoni ħomor u jikbru biex jidhru bħal bersalli żgħar, possibilment b'sintomi ta' ħakk, deni, tħossok mhux f'tiegħek, ġogi juġgħawk, problemi bil-vista, ħruq, l-għajnejn juġgħawk jew trid tħokkhom u ġrieħi fil-ħalq, tibqax tuża l-krema Aldara u għarraf lit-tabib tiegħek minnufih.
Għadd żgħir ta' pazjenti waqgħalhom xagħarhom fil-post tat-trattament jew l-erja tal-madwar.
Jekk qed tiġi trattat għal felul ġenitali:
Ħafna mill-effetti mhux mixtieqa tal-krema Aldara huma dovuti għal azzjoni lokali fuq il-ġilda tiegħek.
Huwa komuni li xi pazjenti (4% jew inqas) kellhom uġigħ ta' ras, deni, uġigħ tal-ġogi u l-muskoli f'sintomi bħal ta' l-influwenza; prolass tal-ġuf; uġigħ waqt l-att fin-nisa; impotenza; żieda fl-għaraq; tħossok ma tiflaħx, sintomi ta' l-istonku u ta' l-imsaren, ċenċil fil-widnejn; għejja; sturdamenti, migranja; tingiż u labar; nuqqas ta' rqad; dipressjoni; nuqqas t'aptit; glandoli minfuħa, infezzjonijiet batteriċi, virali u fungali (e.g. ponot); infezzjoni vaġinali li tinkludi thrush; sogħla u irjaħat fl-uġigħ fil-griżmejn.
Jekk qed tiġi trattat għal karċinoma ta' ċellola bażali:
Ħafna mill-effetti mhux mixtieqa tal-krema Aldara huma dovuti għal azzjoni lokali fuq il-ġilda tiegħek. Reazzjonijiet tal-ġilda lokali jistgħu jkunu sinjali li l-mediċina qed taħdem kif maħsub.
Jekk reazzjoni tal-ġilda ssir skomda żżejjed waqt it-trattament, kellem lit-tabib tiegħek. Hu/hi jista' jagħtik parir biex tieqaf tapplika l-krema Aldara għal ftit jiem (i.e. għal ftit serħan mit-trattament). Jekk ikun hemm pas (materja) jew infezzjoni tkun imputata, idduskuti dan mat-tabib tiegħek. Barra minn reazzjonijiet fil-ġilda, effetti komuni oħra jinkludu glandoli minfuħinu uġigħ fid-dahar.
Jekk qed tiġi trattat għal keratosi aktinika
Ħafna mill-effetti mhux mixtieqa tal-krema Aldara huma dovuti għal azzjoni lokali fuq il-ġilda tiegħek. Reazzjonijiet tal-ġilda lokali jistgħu jkunu sinjali li l-mediċina qed taħdem kif maħsub.
Jekk reazzjoni tal-ġilda ssir skomda żżejjed waqt it-trattament, kellem lit-tabib tiegħek. Hu/hi jista' jagħtik parir biex tieqaf tapplika l-krema Aldara għal ftit jiem (i.e. għal ftit serħan mit-trattament).
Jekk ikun hemm pas (materja) jew infezzjoni tkun imputata, idduskuti dan mat-tabib tiegħek. Barra minn reazzjonijiet fuq il-ġilda, effetti komuni oħra jinkludu uġigħ ta' ras, anoreksja, tqallih, uġigħ fil- muskoli, uġigħ fil-ġogi u għejja.
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali mniżżla f’Appendiċi V. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.
Żomm din il-mediċina fejn ma tidhirx u ma tintlaħaqx mit-tfal. Taħżinx f’temperatura ’l fuq minn 25°C.
Tużax din il-mediċina wara d-data ta’ meta tiskadi li tidher fuq il-kartuna ta’ barra u t-tikketta wara
JIS.
Il-qratas m'għandhomx jintużaw mill-ġdid la darba jkunu nfetħu.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi imiquimod. Kull qartas fih 250 mg krema (100 mg krema fiha 5 mg imiquimod).
Is-sustanzi l-oħra huma isostearic acid, benzyl alcohol, cetyl alcohol, stearyl alcohol, white soft paraffin, polysorbate 60, sorbitan stearate, glycerol, methyl hydroxybenzoate (E 218), propyl hydroxybenzoate (E 216), xanthan gum, ilma purifikat (ara wkoll sezzjoni 2 “Il-krema Aldara fiha methyl hydroxybenzoate, propyl hydroxybenzoate, cetyl alcohol, stearyl alcohol u benzyl alcohol”).
Kull qartas ta' krema Aldara ta' 5% fih 250 mg ta' krema bajda li tkanġi daqsxejn fl-isfar.
Kull kaxxa fiha 12-il jew 24-il qartas f'folja tal-polyester/aluminju li jintuża darba. Jista’ jkun li mhux il-pakketti tad-daqsijiet kollha jkunu fis-suq.
Meda AB Pipers väg 2
170 73 Solna
L-Isvezja
Swiss Caps GmbH Grassingerstraße 9
83043 Bad Aibling Il-Ġermanja
MEDA Pharma GmbH & Co. KG Benzstraße 1
61352 Bad Homburg Il-Ġermanja
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq.
B-1560 Hoeilaart Tél/Tel: +32 2 658 61 00
B-1560 Hoeilaart Tél/Tel: +32 2 658 61 00
Майлан ЕООД
бул. Ситняково 48, ет. 7
Офис сграда „Сердика Офиси“ 1505 София
Тел: +359 2 44 55 400
Váci út 150
Tel: +36 1 465 2100
Tel: +420 222 004 400
V.J. Salomone Pharma Limited Upper Cross Road
Marsa, MRS 1542
Tel: +356 21 22 01 74
2750 Ballerup
Tlf: +45 28 11 69 32
Mylan Healthcare B.V. Krijgsman 20
1186 DM Amstelveen
Tel: +31 (0)20 426 3300
MEDA Pharma GmbH & Co. KG Benzstraße 1
61352 Bad Homburg
Tel: +49 (0) 6172 888 01
Viatris AS Hagaløkkveien 26
1383 Asker
Tlf: +47 66 75 33 00
Meda Pharma SIA Liivalaia 13/15 11018 Tallinn
Tel: +372 62 61 025
Mylan Österreich GmbH Guglgasse 15
1110 Wien
Tel: + 43 (0)1 86 390 0
MEDA Pharmaceuticals A.E. Αγίου Δημητρίου 63
17456 Άλιμος
Τηλ: +30 210 6 77 5690
Mylan Healthcare Sp. z o.o. ul. Postępu 21B
02-676 Warszawa
Tel: +48 22 546 6400
Mylan Pharmaceuticals, S.L. C/Plom, 2-4, 5ª planta
08038 - Barcelona
Tel: +34 900 102 712
BGP Products, Unipessoal, Lda. Av. D. João II,
Edifício Atlantis, nº 44C – 7.3 e 7.4 1990-095 Lisboa
Tel: +351 214 127 256
Mylan Medical SAS 40-44 rue Washington
75008 Paris
Tél: +33 (0)1 56 64 10 70
BGP PRODUCTS SRL Tel.: +40372 579 000
Mylan Hrvatska d.o.o. Koranska 2
10 000 Zagreb
Tel: +385 1 235 059 90
Mylan Healthcare d.o.o. Dolenjska cesta 242c 1000 Ljubljana
Tel: +386 1 23 63 180
Mylan Ireland Limited Tel: +353 1 8711600
Slovenská republika MEDA Pharma spol. s r.o. Trnavská cesta 50
821 02 Bratislava
Tel: +421 2 32 199 100
110 Reykjavík
Sími: +354 540 8000
Viatris Oy
Vaisalantie 2-8/Vaisalavägen 2-8
02130 Espoo/Esbo
Puh/Tel: +358 20 720 9555
Meda Pharma S.p.A. Via Felice Casati, 20 20124 Milano
Tel: +39 039 73901
104 35 Stockholm
+46 (0) 8 630 19 00
Βαρνάβας Χατζηπαναγής Λτδ Λεωφ. Γιάννου Κρανιδιώτη 226 ΤK 2234, Λατσιά, Λευκωσία Τηλ.: +357 22207700
Mylan IRE Healthcare Limited Tel: +353 18711600
Meda Pharma SIA 101 Mūkusalas str. Rīga LV‐1004
Tālr: +371 67616137
Meda Pharma SIA Žalgirio str. 90-100 Vilnius LT-09303 Tel. + 370 52051288