Epivir
lamivudine
lamivudine
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett sekondarju possibbli li m’huwiex elenkat f’dan il-fuljett. Ara sezzjoni 4.
X’inhu Epivir u għalxiex jintuża
X’għandek tkun taf qabel ma tieħu Epivir
Kif għandek tieħu Epivir
Effetti sekondarji possibbli
Kif taħżen Epivir
Kontenut tal-pakkett u informazzjoni oħra
Is-sustanza attiva f’Epivir hija lamivudine. Epivir huwa tip ta’ mediċina magħrufa bħala antiretrovirali. Huwa jagħmel parti minn grupp ta’ mediċini msejħa inibituri ta’ reverse transcriptase analogi għal nucleoside (NRTI).
Epivir ma jfejjaqx għal kollox l-infezzjoni bl-HIV; huwa jnaqqas l-ammont ta’ virus fil-ġisem, u jżommu f’livell baxx. Huwa jżid ukoll l-għadd taċ-ċelluli CD4 fid-demm. Iċ-ċelluli CD4 huma tip ta’ ċelluli tad-demm bojod, li huma importanti biex jgħinu l-ġisem jiġġieled l-infezzjoni.
Mhux kulħadd jirrispondi għall-kura b’Epivir bl-istess mod. It-tabib tiegħek jimmonitorja kemm hija effettiva l-kura.
jekk inti allerġiku għal lamivudine jew għal xi sustanza oħra ta’ din il-mediċina (elenkati fis- Sezzjoni 6).
Xi persuni li jieħdu Epivir jew taħlita oħra ta’ kuri għall-HIV għandhom riskju akbar ta’ effetti sekondarji serji. Inti għandek tkun taf li hemm riskji iżjed mis-soltu:
jekk inti qatt kellek mard tal-fwied, li jinkludi l-epatite B jew C (jekk għandek infezzjoni tal- epatite B, tiqafx tieħu Epivir mingħajr il-parir tat-tabib tiegħek, minħabba li l-epatite tista’ titfaċċa mill-ġdid).
jekk inti għandek piż żejjed b’mod gravi (speċjalment jekk inti mara)
jekk inti jew ibnek/bintek għandkhom mard tal-kliewi, jista’ jkun hemm bżonn li tinbidillek id-doża
Xi persuni li jieħdu mediċini għall-infezzjoni bl-HIV jiżviluppaw kundizzjonijiet oħra, li jistgħu jkunu serji. Inti għandek bżonn tkun taf dwar sinjali u sintomi importanti li għandek toqgħod attent għalihom waqt li tkun qed tieħu Epivir.
Infezzjoni bl-HIV tinfirex permezz ta’ kuntatt sesswali ma’ xi ħadd li jkollu l-infezzjoni, jew bit- trasferiment ta’ demm infettat (per eżempju, billi wieħed juża labar għall-injezzjoni wara ħaddieħor). Xorta tista’ titrasmetti l-HIV waqt li tkun qed tieħu din il-mediċina, għalkemm ir-riskju jitbaxxa b’terapija antiretrovirali effettiva.
Iddiskuti mat-tabib tiegħek il-prekawzjonijiet meħtieġa biex tevita li tinfetta lil nies oħrajn.
Ftakar biex tgħid lit-tabib jew lill-ispiżjar tiegħek jekk inti tibda tieħu mediċina ġdida waqt li tkun qed tieħu Epivir.
mediċini (normalment likwidi) li fihom sorbitol u alkoħol ieħor taz-zokkor (bħal xylitol, mannitol, lactitol jew maltitol), jekk jittieħdu regolarment mediċini oħra li fihom lamivudine, (jintużaw biex jikkuraw infezzjoni bl-HIV jew infezzjoni tal-epatite B)
emtricitabine (jintuża biex jikkura infezzjoni bl-HIV)
dożi għoljin ta’ co-trimoxazole( antibijotiku)
cladribine, jintuża għall-kura ta’ lewkimja taċ-ċellula sufija
Jekk inti tqila, jekk tinqabad tqila, jew jekk qed tippjana li toħroġ tqila, kellem lit-tabib tiegħek dwar ir-riskji u l-benefiċċji għalik u għat-tarbija tiegħek jekk tieħu Epivir.
Epivir u mediċini jixbħuh jistgħu jikkawżaw effetti sekondarji fi trabi li għadhom fil-ġuf. Jekk ħadt Epivir waqt it-tqala tiegħek, it-tabib tiegħek jista’ jitolbok tagħmel testijiet tad-demm regolari u testijiet dijanjostiċi oħra sabiex jimmonitorja l-iżvilupp tat-tarbija tiegħek. Fi tfal li ommijiethom kienu ħadu NRTIs waqt it-tqala, il-benefiċċju mill-protezzjoni kontra l-HIV kien akbar mir-riskju tal- effetti sekondarji.
Ammont żgħir tal-ingredjenti f’Epivir jista’ jgħaddi wkoll fil-ħalib tas-sider tiegħek. Jekk qed tredda’, jew qed taħseb biex tredda’:
Epivir x’aktarx ma jaffettwax il-ħila tiegħek biex issuq u tħaddem magni.
Din il-mediċina fiha anqas minn 1 mmol sodium (23 mg) f’kull unità tad-dożaġġ, jiġifieri essenzjalment ‘ħieles mis-sodium’.
Ibla’ l-pilloli ma’ ftit ilma. Epivir jista’ jittieħed mal-ikel jew mingħajru.
Jekk ma tistax tibla’ l-pilloli sħaħ, tista’ tfarrakhom u tħallathom ma’ ftit ikel jew ma’ xarba, u tieħu d- doża kollha minnufih.
Epivir jgħin biex jikkontrolla l-kundizzjoni tiegħek. Inti għandek bżonn tibqa’ tieħdu kuljum biex iżżomm il-marda milli tmur għall-agħar. Inti xorta tista’ tiżviluppa infezzjonijiet u mard ieħor marbut mal-infezzjoni bl-HIV.
150 mg) darba kuljum kif irrakkomandat mit-tabib tiegħek.
Soluzzjoni orali hija wkoll disponibbli għall-kura ta’ tfal li għandhom aktar minn 3 xhur, jew għal persuni li għandhom bżonn doża anqas mis-soltu, jew li ma jistgħux jieħdu l-pilloli.
Jekk tieħu ż-żejjed Epivir, għid b’dan lit-tabib jew lill-ispiżjar tiegħek, jew ikkuntattja d-dipartiment tal-emerġenza ta’ sptar qrib tiegħek għal aktar pariri. Jekk possibbli, urihom il-pakkett ta’ Epivir.
Jekk tinsa tieħu doża, ħudha malli tiftakar. Imbagħad kompli l-kura bħal qabel. M’għandekx tieħu doża doppja biex tpatti għal kull doża li tkun insejt tieħu.
Matul it-terapija kontra l-HIV jista’ jkun hemm żieda fil-piż u fil-livelli ta’ lipidi u glukożju fid-demm. Dan huwa parzjalment relatat mas-saħħa u mal-istil tal-ħajja mreġġa’ lura, u fil-każ ta’ lipidi fid-demm xi kultant mal-mediċini kontra l-HIV infushom. It-tabib tiegħek ser jagħmillek testijiet għal dawn il- bidliet.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
Meta tkun qed tiġi kkurat għall-HIV, huwa diffiċili tgħid jekk sintomu huwiex effett sekondarju ta’ Epivir jew ta’ mediċini oħra li tkun qed tieħu, jew effett tal-marda tal-HIV infisha. Għalhekk huwa importanti ħafna li tkellem lit-tabib tiegħek dwar kwalunkwe tibdiliet f'saħħtek.
Huwa importanti li taqra l-informazzjoni aktar l-isfel f’din is-sezzjoni taħt ‘Effetti sekondarji oħra li jista’ jkun hemm terapija b’taħlita ta’ mediċini għall-HIV’.
Dawn jistgħu jaffettwaw sa persuna waħda minn kull 10:
uġigħ ta’ ras
tħossok imdardar (tqalligħ)
taqla’ (rimettar)
dijarea
uġigħ fl-istonku
għeja, nuqqas ta’ enerġija
deni (temperatura għolja)
tħossok ma tiflaħx b’mod ġenerali
uġigħ u skonfort fil-muskoli
uġigħ fil-ġogi
diffikultà biex torqod (insonnja)
sogħla
mnieħer irritat jew inixxi
raxx
jaqa’ x-xagħar (alopeċja).
Dawn jistgħu jaffettwaw sa persuna waħda minn kull 100:
Effetti sekondarji mhux komuni li jistgħu jidhru minn testijiet tad-demm huma:
tnaqqis fin-numru ta’ ċelluli involuti fit-tgħaqid tad-demm (tromboċitopenija)
għadd baxx ta’ ċelluli ħomor (anemija) jew għadd baxx ta’ ċelluli bojod (newtropenija)
żieda fil-livell ta’ enzimi tal-fwied.
Dawn jistgħu jaffettwaw sa persuna waħda minn kull 1000:
reazzjoni allerġika serja li tikkawża nefħa fil-wiċċ, l-ilsien jew il-gerżuma li tista twassal għal diffikulta biex wieħed jibla' jew jieħu n-nifs
infjammazzjoni tal-frixa (pankrejatite)
diżintegrazzjoni tat-tessut tal-muskolu
infjammazzjoni tal-fwied (epatite).
Effett sekondarju rari li jista’ jidher f’testijiet tad-demm huwa:
żieda f’enzima msejħa amylase.
Dawn jistgħu jaffettwaw sa persuna waħda minn kull 10,000:
Aċidożi lattika (aċidu lattiku żejjed fid-demm)
tnemnim jew titrix fid-dirgħajn.fl-idejn jew fis-saqajn.
Effett sekondarju rari ħafna li jista’ jidher minn tesijiet tad-demm huwa:
mudullun tal-għadam li ma jipproduċix ċelluli ħomor tad-demm ġodda (aplasja pura taċ-ċelluli l- ħomor).
Terapija b’taħlita ta’ mediċini li tinkludi Epivir tista’ tikkawża kundizzjonijiet oħra li jiżviluppaw waqt il-kura tal-HIV.
Persuni b’infezzjoni avvanzata tal-HIV (AIDS) għandhom sistemi immuni dgħajfa u hemm probabbilità akbar li jiżviluppaw infezzjonijiet serji (infezzjonijiet opportunistiċi). Meta dawn il- persuni jibdew il-kura, huma jistgħu jinnutaw li infezzjonijiet moħbija tal-passat jerġgħu jfiġġu b’qawwa, filwaqt li jikkawżaw sinjali u sintomi ta’ infjammazzjoni. Dawn is-sintomi x’aktarx li huma kkawżati mis-sistema immuni tal-ġisem li tkun qed issir aktar b’saħħitha, biex il-ġisem jibda’ jiġġieled dawn l-infezzjonijiet.
Minbarra infezzjonijiet opportunistiċi, jistgħu jseħħu wkoll disturbi awtoimmuni (kondizzjoni li sseħħ meta s-sistema immuni tattakka tessuti f’saħħithom tal-ġisem ) wara li tibda tieħu mediċini għall-kura tal-infezzjoni tal-HIV tiegħek. Disturbi awtoimmuni jistgħu jseħħu diversi xhur wara l-bidu tal-kura tiegħek. Jekk tinnota xi sintomi ta’ infezzjoni jew sintomi oħra bħal dgħjufija fil-muskoli, dgħjufija li tibda fl-idejn u s-saqajn u timxi ’l fuq lejn il-tronk tal-ġisem, palpitazzjonijiet, rogħda jew attività eċċessiva, jekk jogħġbok għarraf lit-tabib tiegħek immedjatament għall-kura meħtieġa.
Jekk inti jkollok xi sintomi ta’ infezzjoni waqt li tkun qed tieħu Epivir:
Xi persuni li jieħdu terapija b’taħlita ta’ mediċini għall-HIV jiżviluppaw kundizzjoni msejħa ostjonekrożi. B’din il-kundizzjoni, partijiet mit-tessut tal-għadam jgħibu minħabba nuqqas ta’ provvista tad-demm lejn l-għadam. Persuni għandhom aktar probabbiltà li jkollhom din il-kundizzjoni:
jekk ikun ilhom jieħdu terapija mħallta għal żmien twil
jekk huma jkunu qed jieħdu wkoll mediċini antiinfjammatorji msejħa korikosterojdi
jekk jixorbu l-alkoħol
jekk is-sistema immuni tagħhom hija dgħajfa ħafna
jekk għandhom piż żejjed.
ebusija fil-ġogi
uġigħ (speċjalment fil-ġenbejn, fl-irkoppa u fl-ispalla)
diffikultà biex tiċċaqlaq.
Jekk tinnota kwalunkwe wieħed minn dawn is-sintomi:
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali imniżżla f’Appendiċi V. Billi tirrapporta l-effetti sekondarji, tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Żomm din il-mediċina fejn ma tidhirx u ma tintlaħaqx mit-tfal.
Tiħux din il-mediċina wara d-data ta’ meta tiskadi li tidher fuq il-kartuna. Taħżinx Epivir f’temperatura ’l fuq minn 30°C.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hija lamivudine.
Il-pilloli fihom ukoll dawn is-sustanzi oħra li ġejjin:
Il-qalba tal-pillola: microcrystalline cellulose, sodium starch glycollate (gluten free), magnesium stearate
Il-kisja tar-rita: hypromellose, titanium dioxide, macrogol, polysorbate 80.
Il-pilloli Epivir ta’ 150 mg miksijin b'rita jiġu fi fliexken bojod tal-polyethylene jew f’folji li jkun fihom 60 pillola. Huma pilloli bojod, forma ta’ djamant, b’sinjal imnaqqax fin-nofs, miksijin b’rita u mmarkati bil-kodiċi 'GXCJ7' fuq iż-żewġ naħat.
GlaxoSmithKline Pharmaceuticals S.A.
ul. Grunwaldzka 189
60-322 Poznan Il-Polonja
ViiV Healthcare BV
Van Asch van Wijckstraat 55H 3811 LP Amersfoort
L-Olanda
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
ViiV Healthcare BV Tel: + 370 80000334
ViiV Healthcare BV Teл.: + 359 80018205
Tél/Tel: + 32 (0)10 85 65 00
GlaxoSmithKline Pharma A/S Tlf: + 45 36 35 91 00
ViiV Healthcare BV Tel: + 356 80065004
ViiV Healthcare GmbH
Tel.: + 49 (0)89 203 0038-10
iiv.med.info@viivhealthcare.com
ViiV Healthcare BV Tel: + 31 (0)33 2081199
ViiV Healthcare BV Tel: + 372 8002640
GlaxoSmithKline Μονοπρόσωπη A.E.B.E.
Τηλ: + 30 210 68 82 100
GlaxoSmithKline Pharma GmbH Tel: + 43 (0)1 97075 0
Laboratorios ViiV Healthcare, S.L. Tel: + 34 900 923 501
GSK Services Sp. z o.o. Tel.: + 48 (0)22 576 9000
ViiV Healthcare SAS Tél.: + 33 (0)1 39 17 6969
VIIVHIV HEALTHCARE, UNIPESSOAL, LDA.
Tel: + 351 21 094 08 01
ViiV Healthcare BV Tel: +385 800787089
ViiV Healthcare BV Tel: + 40 800672524
GlaxoSmithKline (Ireland) Limited Tel: + 353 (0)1 4955000
ViiV Healthcare BV Tel: + 386 80688869
Vistor hf.
Sími: +354 535 7000
ViiV Healthcare S.r.l. Tel: + 39 (0)45 7741600
ViiV Healthcare BV Τηλ: + 357 80070017
ViiV Healthcare BV Tel: + 371 80205045
ViiV Healthcare BV Tel: + 44 (0)800 221441