Memantine ratiopharm
memantine
memantine hydrochloride
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara anke jekk għandhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett
sekondarju possibbli li mhuwiex elenkat f’dan il-fuljett. Ara sezzjoni 4.
X’inhu Memantine ratiopharm u għalxiex jintuża
X’għandek tkun taf qabel ma tieħu Memantine ratiopharm
3. Kif għandek tieħu Memantine ratiopharm
4. Effetti sekondarji possibbli
5. Kif taħżen Memantine ratiopharm
6. Kontenut tal-pakkett u informazzjoni oħra
Memantine ratiopharm fih is-sustanza attiva memantine hydrochloride. Dan jagħmel parti minn grupp
ta’ mediċini magħrufa bħala mediċini kontra d-dimenzja.
It-telf tal-memorja fil-marda ta’ Alzheimer jiġi minħabba disturbi fis-sinjali tal-messaġġi fil-moħħ.
Il-moħħ fih l-hekk imsejjħa riċetturi-N-methyl-D-aspartate (NMDA) li jieħdu sehem fit-trasmissjoni tas-sinjali fin-nervituri importanti għat-tagħlim u l-memorja. Memantine ratiopharm jagħmel parti
minn grupp ta’ mediċini li jissejħu antagonisti tar-riċettur-NMDA. Memantine ratiopharm jaħdem fuq
dawn ir-riċetturi-NMDA u jtejjeb it-trasmissjoni tas-sinjali fin-nervituri u l-memorja.
Memantine ratiopharm jintuża għall-kura ta’ pazjenti bil-marda ta’ Alzheimer minn moderata għal
severa.
jekk inti allerġiku għal memantine hydrochloride, karawett jew sojja jew għal xi sustanza oħra
ta’ din il-mediċina (imniżżla fis-sezzjoni 6).
Kellem lit-tabib jew lill-ispiżjar tiegħek qabel tieħu Memantine ratiopharm
jekk fil-passat kellek aċċessjonijiet/epilessija
jekk ftit ilu kellek xi infart mijokardijaku (attakk f’qalbek), jew jekk qed tbati minn insuffiċjenza tal-qalb konġestiva jew minn pressjoni għolja li ma tistax tikkontrollaha (pressjoni għolja tad-demm)
F’dawn il-każijiet il-kura għandha tkun issorveljata bir-reqqa, u l-benefiċċju kliniku ta’ Memantine ratiopharm jiġi evalwat mill-ġdid mit-tabib tiegħek fuq bażi regolari.
Jekk tbati minn indeboliment tal-kliewi (problemi fil-kliewi), it-tabib tiegħek għandu jżommlok il- funzjoni tal-kliewi taħt osservazzjoni mill-qrib u jekk ikun hemm bżonn jadatta d-dożi ta’ memantine kif ikun jixraq.
L-użu ta’ prodotti mediċinali msejjħa
amantadine (għat-trattament tal-marda ta’ Parkinson),
ketamine (sustanza li ġeneralment tingħata bħala loppju),
dextromethorphan (ġeneralment użat għas-sogħla) u
antagonisti oħra ta’ NMDA
fl-istess ħin għandu jkun evitat.
Memantine ratiopharm mhux irrakkomandat fit-tfal u adolexxenti taħt it-18-il sena.
Għid lit-tabib jew lill-ispiżjar tiegħek jekk qed tieħu/tuża, ħadt/użajt dan l-aħħar jew tista’ tieħu/tuża xi
mediċini oħra.
B’mod partikolari, Memantine ratiopharm jista’ jibdel l-effetti tal-mediċini li ġejjin u d-doża tagħhom jista’ jkollha bżonn timbidel mit-tabib tiegħek.
amantadine, ketamine, dextromethorphan
dantrolene, baclofen
cimetidine, ranitidine, procainamide, quinidine, quinine, nicotine
hydrochlorothiazide (jew kwalunkwe kombinazzjoni ma’ hydrochlorothiazide)
antikolinerġiċi (sustanzi li ġeneralment jintużaw għall-kura ta’ disturbi fil-movimenti jew
spażmi fl-imsaren)
mediċini kontra l-aċċessjonijiet (mediċini li jintużaw biex ikunu evitati jew iserrħu l- aċċessjonijiet)
barbiturati (sustanzi li ġeneralment jintużaw biex jgħinuk torqod)
agonisti dopaminerġiċi ( sustanzi bħal L-dopa, bromocriptine)
newrolettiċi (sustanzi li jintużaw għall-kura ta’ disturbi tal-moħħ)
mediċini orali kontra l-koagulazzjoni tad-demm
Jekk tmur l-isptar għarraf lit-tabib tiegħek li qed tieħu Memantine ratiopharm.
Għandek tgħarraf lit-tabib tiegħek jekk dan l-aħħar bdilt id-dieta tiegħek jew bi ħsiebek tibdel id-dieta
tiegħek b’mod sostanzjali (eż minn dieta normali għal waħda veġetarjana stretta) jew jekk qed tbati minn stat ta’ aċidożi tubulari renali (RTA, jiżdiedu s-sustanzi li jiffurmaw l-aċidu fid-demm minħabba funzjoni renali batuta (il-kliewi ma jaħdmux tajjeb)) jew infezzjonijiet severi tal-passaġġ awrinarju (strutura li minnha tgħaddi l-awrina), għax it-tabib tiegħek jista’ jkollu bżonn jibdel id-doża tal- mediċina tiegħek.
Jekk inti tqila jew qed tredda’, taħseb li tista’ tkun tqila jew qed tippjana li jkollok tarbija, itlob il-parir tat-tabib jew tal-ispiżjar tiegħek qabel tieħu din il-mediċina.
L-użu ta’ memantine f’nisa waqt it-tqala mhux irrakkomandat.
Nisa li qed jieħdu Memantine ratiopharm m’għandhomx ireddgħu.
It-tabib tiegħek ser jgħidlek jekk il-marda tiegħek tħallikx issuq u tħaddem magni b’mod sigur.
Minbarra hekk, Memantine ratiopharm jista’ jibdillek il-ħila biex tirreaġixxi, u għalhekk ma jkunx xieraq li ssuq jew tħaddem magni.
Din il-mediċina fiha l-lactose. Jekk it-tabib qallek li għandek intolleranza għal ċerti tipi ta’ zokkor,
ikkuntattja lit-tabib tiegħek qabel tieħu dan il-prodott mediċinali.
Din il-mediċina fiha soya lecithin. Jekk int allerġiku għall-karawett jew sojja, tużax dan il-prodott mediċinali.
Dejjem għandek tieħu din il-mediċina skont il-parir eżatt tat-tabib tiegħek. Iċċekkja mat-tabib jew mal-ispiżjar tiegħek jekk ikollok xi dubju.
Id-doża rakkomandata ta’ Memantine ratiopharm għall-adulti u pazjenti mdaħħlin fiż-żmien hija
20 mg kuljum. Sabiex tnaqqas ir-riskju ta’ effetti sekondarji din id-doża tinkiseb bil-mod bl-iskema ta’
kura ta’ kuljum kif ġej:
ġimgħa 1 | nofs pillola ta’ 10 mg |
ġimgħa 2 | pillola waħda ta’ 10 mg |
ġimgħa 3 | pillola u nofs ta’ 10 mg |
minn ġimgħa 4 ’l quddiem | żewġ pillolli ta’ 10 mg darba kuljum |
Id-doża tas-soltu tal-bidu hija nofs pillola darba kuljum (1x 5 mg) għall-ewwel ġimgħa. Din tiżdied għal pillola waħda darba kuljum (1x 10 mg) fit-tieni ġimgħa u għal pillola waħda u nofs darba kuljum fit-tielet ġimgħa. Mir-4 ġimgħa ’l quddiem, id-doża li ġeneralment tingħata hija ta’ żewġ pilloli darba kuljum (1x 20 mg).
Il-pillola tista’ tinqasam f’dożi ndaqs.
Jekk għandek indeboliment tal-funzjoni tal-kliewi, it-tabib tiegħek ser jiddeċiedi dwar doża li tkun
tixraq għal kundizzjoni tiegħek. F’dan il-każ, il-funzjoni tal-kliewi għandha tkun eżaminata mit-tabib tiegħek f’intervalli speċifikati.
Memantine ratiopharm għandu jingħata b’mod orali darba kuljum. Biex tikseb benefiċċju mill-
mediċina tiegħek, għandek tkompli teħodha kuljum fl-istess ħin tal-ġurnata.
Il-pilloli għandhom jinbelgħu ma’ ftit ilma. Il-pilloli jistgħu jittieħdu ma’ l-ikel jew mingħajr ikel.
Kompli ħu Memantine ratiopharm sakemm tibqa’ tikseb benefiċċju. It-tabib tiegħek għandu jevalwa l-
kura tiegħek fuq bażi regolari.
Ġeneralment, meta tieħu aktar Memantine ratiopharm milli suppost m’għandha tiġrilek l-ebda ħsara. Jista’ jkollok aktar sintomi li hemm imsemmija f’sezzjoni 4. “Effetti sekondarji possibbli”.
Jekk tieħu doża eċċessiva kbira ta’ Memantine ratiopharm, ikkuntattja lit-tabib tiegħek jew xi tabib ieħor, għax jista’ jkollok bżonn attenzjoni medika.
Jekk tinduna li nsejt tieħu doża ta’ Memantine ratiopharm, stenna u ħu d-doża li jmissek fil-ħin
tas-soltu.
M’għandekx tieħu doża doppja biex tpatti għal kull doża li tkun insejt tieħu.
Jekk għandek aktar mistoqsijiet dwar l-użu ta’ din il-mediċina, staqsi lit-tabib jew lill-ispiżjar tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
B’mod ġenerali, l-effetti sekondarji li jidhru jkunu ħfief għal moderati.
Komuni (jaffettwa minn 1 sa 10 utenti f’100):
Uġigħ ta’ ras, ngħas, stitkezza, testijiet tal-funzjoni tal-fwied għoljin, sturdament, disturbi tal- bilanċ, qtugħ ta’ nifs, pressjoni tad-demm għolja u sensittivita' eċċessiva għal-mediċina
Mhux komuni (jaffettwa minn 1 sa 10 utenti f’1,000 ):
Għeja, infezzjonijiet tal-moffa, konfużjoni, alluċinazzjonijiet, rimettar, mixja anormali,
Insuffiċjenza kardijaka u emboli tad-demm fil-vini (trombożi/tromboemboliżmu)
Rari ħafna (jaffettwa inqas minn utent 1 f’10,000):
Aċċessjonijiet.
Mhux magħruf (il-frekwenza ma tistax tittieħed stima mid-data disponibbli):
Infjammazzjoni tal-frixa, infjammazzjoni tal-fwied (epatite) u reazzjonijiet psikotiċi
Il-marda ta’ Alzheimer kienet assoċjata ma’ dipressjoni, ħsibijiet ta’ suwiċidju u suwiċidju. Dawn
il-kazijiet gew irrapurtati minn pazjenti li ħadu memantine.
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji
direttament permezz tas-sistema ta’ rappurtar nazzjonali mniżżla f’Appendiċi V. Billi tirrapporta l- effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq il-kartuna u l-pakkett bil-folji wara EXP. Id-data ta’ meta tiskadi tirreferi għall-aħħar ġurnata ta’ dak ix-xahar.
Pakketti bil-folji
Taħżinx f’temperatura ’l fuq minn 25 °C.
Fliexken tal-HDPE
Dan il-prodott mediċinali m’għandux bżonn ta’ xi kundizzjonijet ta’ ħażna speċjali.
Iż-żmien kemm idum tajjeb il-prodott wara li l-kontenitur jinfetaħ għall-ewwel darba: 6 xhur
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi memantine hydrochloride.
Kull pillola miksija b’rita fiha 10 mg memantine hydrochloride ekwivalenti għal 8.31 mg memantine.
Is-sustanzi l-oħra huma:
Qalba tal-pillola
Cellulose microcrystalline (E 460), starch pregelatinised (E 1404), lactose, colloidal anhydrous silica (E 551), magnesium stearate (E 470b).
Kisja
Polysorbate 80 (E 433), polyvinyl alcohol (E 1203), titanium dioxide (E 171), talc (E 553b),
soya lecithin (E 322), xanthan gum (E 415).
Pilloli bojod sa bojod jagħtu fil-griż, forma ta’ kapsula, bikonvessi, b’xaqq fuq naħa waħda minn fejn
jistgħu jinqasmu u mnaqqxa b’“10” fuq in-naħa l-oħra.
Memantine ratiopharm hu disponibbli f’pakketti ta’ 10, 14, 21, 28, 30, 42, 50, 56, 98, 100 u 112- il pillola miksija b’rita.
Jista’ jkun li mhux il-pakketti tad-daqsijiet kollha jkunu fis-suq.
ratiopharm GmbH Graf-Arco-Straße 3
89079 Ulm
Il-Ġermanja
Merckle GmbH
Ludwig-Merckle-Straße 3
89143 Blaubeuren Il-Ġermanja
TEVA Pharmaceutical Works Private Limited Company
Pallagi út 13, 4042 Debrecen L-Ungerija
HBM Pharma s.r.o. Slabinská 30, 03680 Martin Is-Slovakkja
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
Teva Pharma Belgium N.V./S.A./AG
Tél/Tel: +32 38207373
UAB Teva Baltics
Tel: +370 52660203
Тева Фарма ЕАД Тел: +359 24899585
Teva Pharmaceuticals CR, s.r.o. Tel: +420 251007111
Teva Gyógyszergyár Zrt.
Tel: +36 12886400
Teva Denmark A/S
Tlf: +45 44985511
Teva Pharmaceuticals Ireland L-Irlanda
Tel: +44 2075407117
Teva Nederland B.V.
Tel: +31 8000228400
UAB Teva Baltics Eesti filiaal
Tel: +372 6610801
Teva Norway AS
Tlf: +47 66775590
Specifar A.B.E.E.
Τηλ: +30 2118805000
ratiopharm Arzneimittel Vertriebs-GmbH
Tel: +43 1970070
Teva Pharma, S.L.U. Tel: +34 913873280
Teva Pharmaceuticals Polska Sp. z o.o.
Tel: +48 223459300
Teva Santé
Tél: +33 155917800
ratiopharm - Comércio e Indústria de Produtos
Farmacêuticos, Lda. Tel: +351 214767550
Pliva Hrvatska d.o.o.
Tel: +385 13720000
Teva Pharmaceuticals S.R.L.
Tel: +40 212306524
Teva Pharmaceuticals Ireland
Tel: +44 2075407117
Pliva Ljubljana d.o.o.
Tel: +386 15890390
Alvogen ehf.
Sími: +354 5222900
TEVA Pharmaceuticals Slovakia s.r.o.
Tel: +421 257267911
Teva Italia S.r.l.
Tel: +39 028917981
Teva Finland Oy
Puh/Tel: +358 201805900
Specifar A.B.E.E.
Ελλάδα
Τηλ: +30 2118805000
Teva Sweden AB
Tel: +46 42121100
UAB Teva Baltics filiāle Latvijā
Tel: +371 67323666
Teva Pharmaceuticals Ireland
Ireland
Tel: +44 2075407117