Advate
octocog alfa
octocog alfa (fattur VIII tal-koagulazzjoni rikombinanti uman)
Żomm dan il-fuljett. Jista’ jkollok bżonn terġa' taqrah.
Jekk ikollok aktar mistoqsijiet, staqsi lit-tabib tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4.
X'inhu ADVATE u għalxiex jintuża
X’għandek tkun taf qabel ma tieħu ADVATE
Kif għandek tieħu ADVATE
Effetti sekondarji possibbli
Kif taħżen ADVATE
Kontenut tal-pakkett u informazzjoni oħra
ADVATE fih is-sustanza attiva octocog alfa, il-fattur VIII ta’ koagulazzjoni umana li jiġi magħmul bit-teknoloġija rikombinanti tad-DNA. Il-fattur VIII huwa meħtieġ mid-demm biex jifforma emboli u jwaqqaf l-emorraġiji. F’pazjenti b’emofilja A (nuqqas ereditarju ta’ fattur VIII) huwa nieqes jew mhux jaħdem sew.
ADVATE jintuża għall-kura u l-prevenzjoni ta’ fsada f’pazjenti ta’ kull grupp ta’ età b’emofilja A (disturb ta’ fsada li jintiret ikkawżat minħabba nuqqas tal-fattur VIII).
ADVATE jiġi preparat mingħajr iż-żieda ta’ ebda proteina derivata mill-bniedem jew mill-annimal fil-proċess ta’ manifattura kollu.
jekk int allerġiku għal octocog alfa jew għal xi sustanza oħra ta’ din il-mediċina (elenkati
fis-sezzjoni 6).
jekk int allerġiku/a għal proteini tal-ġurdien jew tal-ħamster. Jekk m’intix ċert/a dwar dan, staqsi lit-tabib tiegħek.
Kellem lit-tabib tiegħek qabel tuża ADVATE. Għandek tgħarraf lit-tabib tiegħek jekk kont diġà ġejt
ittrattat/a qabel bi prodotti ta’ Fattur VIII, speċjalment jekk żviluppajt impedituri/ peress li jista’ jkun
hemm riskju ogħla li jerġa’ jiġri dan.Impedituri huma antikorpi li jimblokkaw il-fattur VIII, li jnaqqsu l-effikaċja ta’ ADVATE sabiex jipprevjenu jew jikkontrollaw l-emorraġija. L-iżvilupp ta’ impedituri hija kumplikazzjoni magħrufa għat-trattament ta’ emofilja A. Jekk l-emorraġija tiegħek ma tiġix ikkontrollata b’ADVATE, għarraf lit-tabib tiegħek minnufih.
Hemm riskju rari li tista' tesperjenza reazzjoni anafilattika (reazzjoni severa, f'daqqa) għal ADVATE. Għandek tkun konxju tas-sinjali bikrin ta’ reazzjonijiet allerġici bħal raxx, ħorriqija, tbenġil, ħakk imxerred, nefħa tax-xufftejn u ta’ l-ilsien, tbatija biex tieħu n-nifs, tħarħir, rassa fis-sider, sensazzjoni ġenerali li ma tiflaħx, u sturdament. Dawn is-sintomi jistgħu jikkostitwixxu sintomu bikri ta’ xokk anafilattiku, li l-manifestazzjonijiet tiegħu jistgħu jinkludu wkoll sturdament qawwi, telf mis-sensi,
u tbatija kbira biex tieħu n-nifs.
Jekk ikun hemm minn dawn is-sintomi, waqqafl-injezzjoniimmedjatamentuagħmelkuntatt mat-tabibtiegħek. Sintomi severi, li jinkludu diffikultà biex tieħu n-nifs u (kważi) ħass ħazin, jirrikjedu trattament ta’ emerġenza fil-pront.
Pazjenti li jiżviluppaw impedituri tal-Fattur VIII
Il-formazzjoni ta’ inibituri (antikorpi) hi kumplikazzjoni magħrufa li tista’ sseħħ matul il-kura bil- mediċini kollha li fihom Fattur VIII. Dawn l-inibituri, speċjalment f’livelli għoljin, ma jħallux il-kura
taħdem kif suppost, u inti jew it-tifel/tifla tiegħek se tiġu sorveljati b’attenzjoni għall-iżvilupp ta’ dawn
l-inibituri. Jekk il-fsada tiegħek jew tat-tifel/tifla tiegħek ma tkunx qed tiġi kkontrollata b’ADVATE, għid lit-tabib tiegħek minnufih.
It-twissijiet u prekawzjonijiet elenkati japplikaw kemm għall-adulti kif ukoll għat-tfal (minn 0 sa 18-il
sena).
Għid lit-tabib tiegħek jekk qiegħed tuża, użajt dan l-aħħar jew tista’ tuża xi mediċina oħra.
Jekk inti tqila jew qed tredda’, taħseb li tista tkun tqila jew qed tippjana li jkollok tarbija, itlob il-parir
tat-tabib tiegħek qabel tieħu din il-mediċina.
ADVATE ma jaffettwax il-ħila tiegħek biex issuq jew tħaddem magni.
Din il-mediċina fiha 10 mg sodium m (il-komponent prinċipali tal-melħ tat-tisjir) f’kull kunjett. Dan
huwa ekwivalenti għal 0.5% tal-ammont massimu rakkomandat ta’ sodium li ghandu jittieħed kuljum mad-dieta minn adult.
It-trattament b’ADVATE jiġi mibdi minn tabib li għandu esperjenza fil-kura ta' pazjenti b'emofilja A.
It-tabib tiegħek għandu jikkalkula d-doża ta’ ADVATE (f’unitajiet internazzjonali jew IU) skont
il-kondizzjoni u l-piż tal-ġisem tiegħek, u jekk hux ser jintuża għal prevenzjoni jew trattament għal emorraġiji. Il-frekwenza ta’ amministrazzjoni ser tiddependi kemm ADVATE ikun qed jaħdem tajjeb
għalik. Ġeneralment it-terapija ta’ sostituzzjoni b’ADVATE hija trattament għal tul ħajtek.
Dejjem għandek tuża din il-mediċina skont il-parir eżatt tat-tabib tiegħek. Dejjem għandek taċċerta ruħek mat-tabib tiegħek jekk ikollok xi dubju.
Prevenzjonita’emorraġiji
Id-doża normali ta’ octocog alfa hi bejn 20 u 40 IU għal kull kg ta’ piż tal-ġisem, amministrata kull jumejn jew 3 ijiem. Madankollu, f’ċerti każi, speċjalment f’pazjenti iżgħar, jistgħu jkunu meħtieġa injezzjonijiet aktar ta’ spiss jew dożi ogħla.
Trattamentta'emorraġiji
Id-doża ta’ octocog alfa hi kalkulata skont il-piż korporali tiegħek u l-livelli ta’ fattur VIII li jridu jintlaħqu. Il-livelli ta’ fattur VIII li jridu jintlaħqu jiddependu mis-severità u minfejn qed ikun hemm
emmoraġija
Doża (IU) = piż tal-ġisem (kg) x żieda fil-Fattur VIII mixtieq (% tan-normali) x 0.5 Jekk ikollok l-impressjoni li l-effett ta' ADVATE ma jkunx biżżejjed, tkellem mat-tabib tiegħek.
It-tabib tiegħek għandu jagħmel testijiet tal-laboratorju xierqa sabiex jiżgura illi inti għandek livelli ta’ Fattur VIII xierqa. Dan huwa importanti l-aktar jekk inti se tagħmel operazzjoni maġġuri.
Għall-kura ta’ fsada, id-dożaġġ fit-tfal mhuwiex differenti minn dak f’pazjenti adulti.
Għall-prevenzjoni ta’ fsada fit-tfal ta’ inqas minn 6 snin, huma rakkomandati dożi ta’ 20 sa 50 IU għal kull kg piż tal-ġisem 3 sa 4 drabi fil-ġimgħa. L-għoti ta’ ADVATE fit-tfal (minn ġol-vina) mhuwiex
differenti mill-għoti lil persuni adulti. Tagħmir għal aċċess venuż ċentral (CVAD) jista’ jsir neċessarju
biex jippermetti infużjonijiet frekwenti ta’ prodotti ta’ fattur VIII.
ADVATE ġeneralment jingħata ġo vina (fil-vini) minn tabib jew infermiera. Inti jew xi ħadd ieħor tista’ tamministra ADVATE bħala injezzjoni, kemm-il darba tkun irċevejt taħriġ xieraq biss.
Istruzzjonijiet dettaljati għal amministrazzjoni fuqek innifsek jingħataw fl-aħħar ta’ dan il-fuljett ta’ tagħrif.
Dejjem għandek tieħu ADVATE skond il-parir eżatt tat-tabib. Dejjem għandek taċċerta ruħek
mat-tabib tiegħek jekk ikollok xi dubju. Jekk tinjetta aktar ADVATE milli rakkomandat, informa lit-tabib tiegħek mill-aktar fis.
Tinjettax doża doppja biex tpatti għad-doża li nsejt tieħu. Kompli bl-injezzjoni li jmiss kif skedata
u kompli skont il-parir moghti mit-tabib tieghek.
Twaqqafx ADVATE mingħajr ma tikkonsulta mat-tabib tiegħek.
Jekk għandek aktar mistoqsijiet dwar l-użu ta’ din il-mediċina, staqsi lit-tabib tiegħek.
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd.
Jekk ikun hemm reazzjonijiet allerġiċi severi u f’daqqa (anafilattiċi), l-injezzjoni għandha titwaqqaf minnufih. Għandek tikkuntattja lit-tabib tiegħek minnufih jekk ikollok xi sintomi bikrija ta’ reazzjonijiet allerġiċi li ġejjin:
raxx, ħorriqija, pustoli, ħakk ġenerali,
nefħa tax-xofftejn u l-ilsien,
diffikultà biex tieħu n-nifs, tħarħir, is-sider jingħafas,
tħossok ma tiflaħx.
sturdament u nuqqas ta’ koxxjenza.
Sintomi severi, li jinkludu diffikultà biex tieħu n-nifs u fejn (kwazi) ikollok ħass ħażin, jeħtieġu trattament ta’ emerġenza minnufih.
Għal tfal li ma kinux ikkurati qabel b’mediċini li fihom Fattur VIII, antikorpi inibituri (ara sezzjoni 2) jistgħu jiffurmaw b’mod komuni ħafna (aktar minn 1 minn kull 10 persuni); madankollu, pazjenti li jkunu rċivew kura b’Fattur VIII fil-passat (aktar minn 150 jum ta’ kura), ir-riskju huwa mhux komuni (inqas minn 1 minn kull 100 persuna). Jekk dan iseħħ, il-mediċini tiegħek jew tat-tifel/tifla tiegħek jistgħu ma jibqgħux jaħdmu kif suppost, u inti jew it-tifel/tifla tiegħek jista’ jkollkom fsada persistenti. Jekk dan iseħħ għandek tikkuntattja lit-tabib tiegħek immedjatament.
Impedituri ta’ Fattur VIII (għal pazjenti li jkunu rċivew kura fil-passat b’Fattur VIII (aktar minn 150 jum ta’ kura)), sturdament, influwenza, ħass ħażin, taħbit tal-qalb mhux normali, nefħiet ħomor
u b’ħakk fuq il-ġilda, skumdità fis-sider, tbenġil fis-sit tal-injezzjoni, reazzjoni fis-sit tal-injezzjoni,
ħakk, żieda fl-għaraq, togħma mhux tas-soltu fil-ħalq, fwawar tal-menopawsa, emigranji, indeboliment tal-memorja, tertir, dijarea, dardir, rimettar, qtugħ ta' nifs, griżmejn muġugħa, infezzjoni tal-kanali limfatiċi, tibjid tal-ġilda, infjammazzjoni fl-għajnejn, raxxijiet, tagħriq eċċessiv, nefħa fis-saqajn
u r-riġlejn, perċentwali mnaqqsa tal-għadd ta’ ċelluli ħomor tad-demm, żieda f’tip ta’ ċelloli bojod tad-demm (monoċiti), u wġigħ fil-parti ta' fuq tal-addome jew fil-parti ta' isfel tas-sider.
Relatati ma intervent kirurġiku
infezzjoni relatata mal-kateter, tnaqqis fl-għadd ta’ ċelloli ħomor fid-demm, nefħa fir-riġlejn
u d-dirgħajn u fil-ġogi, fsada mtawla wara li jitneħħa l-pajp li minnu jgħaddi l-likwidu li joħroġ mill-ferita, tnaqqis fil-livell ta’ Fattur VIII u tbenġil wara l-operazzjoni.
Relatati ma’ tagħmir għal aċċess venuż ċentrali CVAD)
Infezzjoni assoċjata mal-kateter, infezzjoni sistemika u embolu lokali tad-demm fis-sit tal-kateter.
reazzjonijiet li jkunu potenzjalment ta’ periklu għall-ħajja (anafilassi) u reazzjonijiet allerġiċi oħrajn
(sensittività eċċessiva), disturbi ġenerali (għeja, nuqqas ta’ enerġija).
Għajr l-iżvilupp ta’ impedituri f’pazjenti pedjatriċi mhux ikkurati preċedentament (PUPs),
u kumplikazzjonijiet relatati mal-katiter, fl-istudji kliniċi ma ġiet innotata ebda differenza speċifika għall-età.
Jekk ikollok xi effett sekondarju, kellem lit-tabib tiegħek. Dan jinkludi xi effett sekondarju li mhuwiex
elenkat f’dan il-fuljett. Tista’ wkoll tirrapporta effetti sekondarji direttament permezz tas-sistemata’ rappurtarnazzjonaliimniżżlaf’AppendiċiV. Billi tirrapporta l-effetti sekondarji tista’ tgħin biex tiġi
pprovduta aktar informazzjoni dwar is-sigurtà ta’ din il-mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq it-tikketta wara JIS. Id-data ta’ meta tiskadi tirreferi għall-aħħar ġurnata ta’ dak ix-xahar.
Aħżen fi friġġ (2 °C – 8 °C). Tagħmlux fil-friża.
Fiż-żmien li jdum tajjeb, il-kunjett tat-trab jista' jinżamm f'temperatura tal-kamra (sa 25 °C) għal perjodu wieħed li ma jaqbiżx is-6 xhur. F’dan il-każ, din il-mediċina tiskadi fit-tmiem ta’ dan
il-perjodu ta’ 6 xhur jew fid-data ta’ meta tiskadi li hija stampata fuq il-kunjett tal-prodott, skont liema
minnhom tiġi l-ewwel. Jekk jogħġbok niżżel it-tmiem tas-6 xhur ħżin f'temperatura ambjentali
tal-kamra fuq il-kaxxa tal-prodott. Il-prodott ma jistax jerġa' jinħażen fil-friġġ wara li jkun inżamm f'temperatura ambjentali tal-kamra.
Żomm il-kunjett fil-kaxxa tal-kartun biex tilqa' mid-dawl.
Dan il-prodott għandu jintuża darba biss. Armi s-soluzzjoni li ma tkunx intużat b’mod xieraq Uża l-prodott immedjatament malli t-trab ikun inħall kompletament.
Tpoġġix is-soluzzjoni fil-friġġ wara t-tħejjija.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi octocog alfa (Fattur VIII tal-koagulazzjoni uman magħmul minn teknoloġija tad-DNA rikombinanti). Kull kunjett tat-trab fih nominament 250, 500, 1000, 1500,
2000 jew 3000 IU octocog alfa.
Is-sustanzi l-oħra huma mannitol, sodium chloride, histidine, trehalose, calcium chloride, trometamol, polysorbate 80, u glutathione (ridott).
Kunjett tas-solvent: 5 ml ilma sterilizzat għall-injezzjonijiet.
ADVATE huwa trab abjad għal offwajt li jitfarrak.
Wara r-rikostituzzjoni, is-soluzzjoni tkun ċara, bla kulur u ħielsa minn partikoli barranin. Kull pakkett fih ukoll strument għar-rikostituzzjoni (BAXJECT II).
Takeda Manufacturing Austria AG Industriestrasse 67
A-1221 Vienna
Tel: +800 66838470
e-mail: medinfoEMEA@takeda.com
Baxalta Belgium Manufacturing SA Boulevard René Branquart 80
B-7860 Lessines Il-Belġju
Għal kull tagħrif dwar din il-mediċina, jekk jogħġbok ikkuntattja lir rappreżentant lokali tad-Detentur tal-Awtorizzazzjoni għat-Tqegħid fis-Suq:
Takeda, UAB
Tel: +370 521 09 070
Такеда България ЕООД Тел.: +359 2 958 27 36
Takeda Pharmaceuticals Czech Republic s.r.o. Tel: + 420 234 722 722
Takeda Pharma Kft.
Tel: +36 1 270 7030
Takeda Pharma A/S Tlf: +45 46 77 10 10
Drugsales Ltd
Tel: +356 21419070
Takeda GmbH
Tel: +49 (0)800 825 3325
Takeda Nederland B.V.
Tel: +31 20 203 5492
Takeda Pharma AS Tel: +372 6177 669
Takeda AS
Tlf: +47 800 800 30
Τakeda ΕΛΛΑΣ ΑΕ
Tηλ: +30 210 6387800
Takeda Pharma Ges.m.b.H.
Tel: +43 (0) 800-20 80 50
Takeda Farmacéutica España S.A
Tel: +34 917 90 42 22
Takeda Pharma Sp. z o.o.
tel: +48223062447
Takeda France SAS
Tel. + 33 1 40 67 33 00
Takeda Farmacêuticos Portugal, Lda.
Tel: + 351 21 120 1457
Takeda Pharmaceuticals Croatia d.o.o.
Tel: +385 1 377 88 96
Takeda Pharmaceuticals SRL
Tel: +40 21 335 03 91
Takeda Products Ireland Ltd Tel: 1800 937 970
Takeda Pharmaceuticals farmacevtska družba d.o.o. Tel: + 386 (0) 59 082 480
Vistor hf.
Sími: +354 535 7000
Takeda Pharmaceuticals Slovakia s.r.o. Tel: +421 (2) 20 602 600
Takeda Italia S.p.A.
Tel: +39 06 502601
Takeda Oy
Puh/Tel: 0800 774 051
Proton Medical (Cyprus) Ltd
Τηλ.: +357 22866000
Takeda Pharma AB
Tel: 020 795 079
Takeda Latvia SIA
Tel: +371 67840082
Takeda UK Ltd
Tel: +44 (0) 2830 640 902
--------------------------------------------------------------------------------------------------------------------------
Teknika asettika hija meħtieġa waqt it-tħejjija tas-soluzzjoni u l-amministrazzjoni.
Uża biss l-ilma sterilizzat għall-injezzjonijiet u l-istrument tar-rikostituzzjoni għat-tħejjija
tas-soluzzjoni li huma pprovduti ma' kull pakkett ta' ADVATE. ADVATE m’għandux jitħallat ma prodotti mediċinali oħra jew solventi.
Huwa rrakkomandat ħafna li kull darba li jingħata ADVATE, l-isem u n-numru tal-lott tal-prodott jiġu rreġistrati.
M’għandekx tuża wara d-data ta’ skadenza li tidher fuq it-tikketti u l-kartuna.
M’għandekx tuża jekk l-istrument BAXJECT II, is-sistema sterili tal-barriera tiegħu jew l- ippakkjar huma bil-ħsara jew juru sinjali ta’ taħsir kif indikat bis-simbolu: 
.
M’għandekx tqiegħed fil-friġġ is-soluzzjoni wara li tkun preparajtha.
Jekk il-prodott maħżun kien fil-friġġ, ħu kemm l-ADVATE (trab) u l-kunjetti tas-solvent minn ġol-friġġ u ħallihom jilħqu t-temperatura tal-kamra (bejn 15 °C u 25 °C).
Aħsel idejk sew billi tuża s-sapun u l-ilma fietel.
Neħħi t-tappijiet mill-kunjetti tat-trab u tas-solvent.
Naddaf it-tappijiet bil-ġbajjar tal-alkoħol. Qiegħed il-kunjetti fuq wiċċ ċatt u nadif.
Iftaħ il-pakkett tal-istrument BAXJECT II billi tqaxxar l-għatu tal-karta mingħajr ma tmiss ġewwa (Fig. a). Tneħħix l-istrument mill-pakkett. M’għandekx tuża jekk l-istrument BAXJECT II, is-sistema ta’ barriera sterili jew il-pakkett ikunu bil-ħsara jew juru sinjali ta’ taħsir.
Aqleb il-pakkett u daħħal il-ponta iebsa tal-plastik ġot-tapp tas-solvent. Aqbad il-pakkett mit-tarf tiegħu u iġbed il-pakkett minn fuq BAXJECT II (Fig. b). Tneħħix it-tapp il-blu
mill-istrument BAXJECT II.
Għal rikostituzzjoni għandhom jintużaw biss l-ilma sterelizzat għal injezzjonijiet u t-tagħmir ta’ rikostituzzjoni fil-pakkett biss. B’BAXJECT II imwaħħal mal-kunjett tas-solvent, aqleb
is-sistema sabiex il-kunjett tas-solvent tkun fuq l-istrument. Daħħal il-ponta bajda tal-plastik
ġot-tapp ta' ADVATE trab. Il-vakwu jiġbed is-solvent ġol-kunjett b’ADVATE trab (Fig. ċ).
Dawwar bil-mod sakemm il-materjal kollu jkun inħall. Aċċerta ruħek li ADVATE trab ikun inħall kompletament, inkella mhux is-sustanza rikostitwita kollha tgħaddi mill-filtru
tal-istrument. Il-prodott jinħall malajr (normalment f’anqas minn minuta). Wara r-rikostituzzjoni s-soluzzjoni għandha tkun ċara u ħielsa minn partikuli barranin.
Sabiex jingħata l-użu ta’ siringa luer-lock hi meħtieġa.
Notaimportanti:
Tipprovax tagħti l-injezzjoni jekk ma ngħatajtx taħriġ speċjalizzat mit-tabib jew l-infermier/a tiegħek.
Ifli s-soluzzjoni mħejjija biex tara jekk hemmx xi frak u telf ta’ kulur qabel tingħata (is-soluzzjoni għandha tkun ċara, mingħajr kulur u ħielsa minn partikuli barranin).
Tużax ADVATE jekk is-soluzzjoni ma tkunx kompletament ċara jew mhux maħlula
kompletament.
Neħħi t-tapp il-blu minn BAXJECT II. Tiġbidx arja għal ġos-siringa. Qabbad is-siringa ma' BAXJECT II (Fig. d).
Aqleb is-sistema (bil-kunjett bis-soluzzjoni rikostitwita ’l fuq). Iġbed is-soluzzjoni rikostitwita
ġos-siringa billi tiġbed il-planġer lura bil-mod (Fig. E).
Aqla’ s-siringa.
Waħħal labra farfett injetta s-soluzzjoni rikostitwita għal ġol-vina. Is-soluzzjoni għandha tiġi amministrata bil-mod, b’rata kif stabilita li jkun komdu biha l-pazjent li ma taqbiżx 10 ml kull minuta. (Ara Sezzjoni 4 “Effetti sekondarji li jista' jkollu”).
Armi kull soluzzjoni mhux użata b’mod xieraq.
---------------------------------------------------------------------------------------------------------------------------
It-tagħrif li jmiss qed jingħata biss għall-professjonisti fil-qasam tas-saħħa:
Trattamentmitlub
Fil-każ li jinqalgħu l-każijiet emorraġiċi li ġejjin, l-attività ta’ fattur VIII m’għandix tinżel inqas mil-livell tal-attività tal-plażma mogħti (f’% ta’ normal jew IU/dl) fil-perijodu korrispondenti,
It-tabella li ġejja tista’ tintuża bħala gwida għal dożi f’każijiet ta’ emorraġiji u kirurġija.
Id-doża u l-frekwenza ta’ amministrazzjoni għandhom jiġi adattati skont ir-rispons kliniku fil-każ individwali. Taħt ċertu ċirkostanzi (eż. preżenza baxxa ta’ titru ta’ impeditur), dożi ogħla minn dawk ikkalkulati permezz tal-formula jistgħu jkunu meħtieġa.
Grad ta’ emorraġija/tip ta’ proċedura kirurġika | Livell ta’ fattur VIII mixtieq (% jew IU/dl) | Frekwenza tad-dożi (sigħat)/dewmien tat-terapija (ġranet) |
Emorragija | 20 – 40 | Irrepeti l-injezzjonijiet |
Emoartrożi bikrija, emorraġija | ||
fil-muskoli jew emorraġija | kull 12 sa 24 siegħa (8 sa 24 siegħa | |
fil-ħalq. | fil-każ ta' pazjenti li huma taħt is-6 snin) | |
għal mill-anqas ġurnata, sakemm | ||
l-episodju ta' emorraġija, kif indikat | ||
mill-uġigħ, jirrisolvi ruħu jew jinkiseb | ||
fejqan. | ||
Emoartrożi aktar estensiva, | 30 – 60 | Irrepeti l-injezzjonijiet |
emorraġija fil-muskoli jew | kull 12 sa 24 siegħa (8 sa 24 siegħa | |
ematoma. | fil-każ ta' pazjenti li huma taħt is-6 snin) | |
għal 3 - 4 ijiem sakemm l-uġigħ jew | ||
diżabilità akuta jirrisolvu ruħhom. | ||
Emorraġiji li huma ta’ theddid | 60 – 100 | Irrepeti l-injezzjonijiet |
għall-ħajja. | kull 8 sa 24 siegħa (6 sa 12-il siegħa | |
fil-każ ta' pazjenti li huma taħt is-6 snin) | ||
sakemm it-theddida tirrisolvi ruħha. | ||
Kirurġija | 30 – 60 | Kull 24 siegħa (12 sa 24 siegħa fil-każ |
Minuri | ||
Inkluż il-qlugħ ta’ sinna. | ta' pazjenti li huma taħt is-6 snin), għal | |
mill-anqas ġurnata, sakemm jinkiseb | ||
fejqan. | ||
Maġġuri | 80 – 100 | Irrepeti l-injezzjonijiet |
(qabel u wara | kull 8 sa 24 siegħa (6 sa 24 siegħa | |
l-operazzjoni) | fil-każ ta' pazjenti li huma taħt is-6 snin) | |
sakemm jinkiseb fejqan adegwat | ||
tal-ferita, imbagħad kompli t-terapija | ||
għal mill-anqas 7 ijiem oħra biex | ||
iżżomm attività tal-fattur VIII ta' 30% | ||
sa 60% (IU/dl). |