Fuljett ta' tagħrif: Informazzjoni għall-pazjent

Jardiance 10 mg pilloli miksija b’rita Jardiance 25 mg pilloli miksija b’rita empagliflozin

Aqra sew dan il-fuljett kollu qabel tibda tieħu din il-mediċina.

• Żomm dan il-fuljett. Jista’ jkollok bżonn terġa’ taqrah.

• Jekk ikollok aktar mistoqsijiet, staqsi lit-tabib, lill-ispiżjar jew lill-infermier tiegħek.

• Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara anke jekk għandhom l-istess sinjali ta’ mard bħal tiegħek.

• Jekk ikollok xi effett sekondarju kellem lit-tabib, lill-ispiżjar jew lill-infermier tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4.

  
  

  F’dan il-fuljett:

  
  

  1. X’inhu Jardiance u għalxiex jintuża

  2. X’għandek tkun taf qabel ma tieħu Jardiance

  3. Kif għandek tieħu Jardiance

  4. Effetti sekondarji possibbli

  5. Kif taħżen Jardiance

  6. Kontenut tal-pakkett u informazzjoni oħra

  
  

  1. X’inhu Jardiance u għalxiex jintuża X’inhu Jardiance

     Jardiance fih is-sustanza attiva empagliflozin.

     
     

     Jardiance huwa membru ta’ grupp ta’ mediċini msejħa inibituri tal-kotrasportatur 2 tas-sodju-glukożju (SGLT2).

     Għalxiex jintuża Jardiance Dijabete mellitus tat-tip 2

     • Jardiance jintuża biex jittratta pazjenti adulti b'dijabete ta' tip 2 (18-il sena u aktar) li ma tistax tiġi kkontrollata bid-dieta u l-eżerċizzju biss.

     • Jardiance jista' jintuża mingħajr mediċini oħra f'pazjenti li ma jistgħux jieħdu metformin (mediċina oħra tad-dijabete).

     • Jardiance jista' jintuża wkoll ma' mediċini oħra għat-trattament tad-dijabete. Dawn jistgħu jkunu mediċini li jittieħdu mill-ħalq jew li jittieħdu b'injezzjoni bħall-insulina.

       
       

       Jardiance jaħdem billi jimblokka l-proteina SGLT2 fil-kliewi. Dan jikkawża li z-zokkor fid-demm (glucose) jiġi mneħħi fl-awrina tiegħek. B’hekk, Jardiance inaqqas l-ammont ta’ zokkor fid-demm tiegħek.

       
       

       Din il-mediċina tista’ tgħin ukoll biex tipprevjeni mard tal-qalb f’pazjenti b’dijabete mellitus tat-tip 2.

       
       

       Huwa importanti li tibqa’ għaddej bil-pjan tad-dieta u l-eżerċizzju tiegħek kif qallek tagħmel it-tabib, l-ispiżjar jew l-infermier tiegħek.

       
       

       Insuffiċjenza tal-qalb

     • Jardiance jintuża biex jittratta insuffiċjenza tal-qalb f’pazjenti adulti b’sintomi kkawżati minn funzjoni tal-qalb indebolita.

       X'inhi d-dijabete ta' tip 2?

       Id-dijabete ta' tip 2 hija marda li tiġi mill-ġeni u l-istil ta' ħajja tiegħek. Jekk ikollok id-dijabete ta' tip 2, il-frixa tiegħek ma tagħmilx biżżejjed insulina biex tikkontrolla l-livel ta' zokkor fid-demm

       tiegħek, u ġismek mhux kapaċi juża l-insulina b'mod effettiv. Dan jirriżulta f'livelli għolja ta' glukosju fid-demm tiegħek li jista' jwassal għal problemi mediċi bħal problemi marbuta mal-qalb, mard tal- kliewi, tagħma, u ċirkolazzjoni batuta b'dirgħajk u riġlejk.

       
       

       X’inhi insuffiċjenza tal-qalb?

       Insuffiċjenza tal-qalb iseħħ meta l-qalb tkun dgħajfa wisq jew iebsa wisq u ma tkunx tista’ taħdem tajjeb. Dan jista’ jwassal għal problemi mediċi serji u għal bżonn ta’ kura fl-isptar. L-iktar sintomi komuni ta’ insuffiċjenza tal-qalb huma li tħossok bla nifs, tħossok għajjien jew għajjien ħafna l-ħin kollu, u nefħa fl-għekiesi.

       
       

       Jardiance jgħin biex jipproteġi lil qalbek milli tiddgħajjef aktar u jtejjeb is-sintomi tiegħek.

       
       

  2. X’għandek tkun taf qabel ma tieħu Jardiance Tiħux Jardiance

• jekk inti allerġiku għal empagliflozin jew għal xi sustanza oħra ta’ din il-mediċina (imniżżla fis- sezzjoni 6).

  
  

  Twissijiet u prekawzjonijiet

  Ikkuntattja tabib jew l-eqreb sptar immedjatament:

  
  

  Ketoaċidosi

  • jekk ikollok telf ta’ piż f’daqqa, tħossok imdardar jew tirremetti, uġigħ fl-istonku, għatx eċċessiv, nifs mgħaġġel u fil-fond, konfużjoni, ngħas jew għeja mhux tas-soltu, riħa ħelwa man- nifs, togħma ħelwa jew metallika f’ħalqek jew riħa differenti tal-awrina jew l-għaraq tiegħek, ikkuntattja tabib jew l-eqreb sptar minnufih. Dawn is-sintomi jistgħu jkunu sinjal ta’ “ketoaċidosi” – problema rari iżda serja, kultant ta’ periklu għall-ħajja li tista’ tiżviluppa

    mad-dijabete minħabba żieda fil-livelli ta’ “korpi ketone” fl-awrina jew fid-demm tiegħek, osservati fit-testijiet. Ir-riskju li tiżviluppa ketoaċidosi jista’ jiżdied b’sawm fit-tul, konsum eċċessiv ta’ alkoħol, deidrazzjoni, tnaqqis f’daqqa fid-doża tal-insulina, jew bżonn ikbar ta’ insulina minħabba kirurġija maġġuri jew mard serju.

    
    

    Kellem lit-tabib, lill-ispiżjar jew lill-infermier tiegħek qabel tieħu din il-mediċina, u matul it-trattament:

  • jekk għandek “dijabete tat-tip 1”. Dan it-tip ġeneralment jibda meta tkun għadek żgħir/a u l- ġisem tiegħek ma jipproduċix insulina. M’għandekx tieħu Jardiance jekk għandek dijabete tat- tip 1.

  • jekk għandek problemi serji bil-kliewi - it-tabib tiegħek jista’ jillimita d-doża tiegħek għal 10 mg darba kuljum jew jistaqsik biex tieħu mediċina differenti (ara wkoll sezzjoni 3, ‘Kif għandek tieħu Jardiance’).

  • jekk għandek problemi serji bil-fwied - it-tabib tiegħek għandu mnejn jgħidlek tieħu mediċina differenti.

  • Tista’ tkun f’riskju ta’ deidrazzjoni, pereżempju:

    • jekk qed tirremetti, ikollok dijarea jew id-deni, jew jekk m’intix kapaċi tiekol jew tixrob

    • jekk qed tieħu mediċini li jżidu l-produzzjoni tal-awrina [dijuretiċi] jew li jbaxxu l- pressjoni

    • jekk għandek 75 sena jew aktar.

  • Sinjali possibbli huma elenkati f'sezzjoni 4, taħt "deidrazzjoni". It-tabib tiegħek jista’ jgħidlek tieqaf tieħu Jardiance sakemm tirkupra sabiex tevita li titlef wisq fluwidu tal-ġisem. Staqsi dwar modi kif tipprevjeni d-deidrazzjoni.

  • jekk ikollox xi infezzjoni serji tal-kliewi jew tal-passaġġ urinarju bid-deni. It-tabib tiegħek jista' jgħidlek biex tieqaf tieħu Jardiance sakemm tirkupra.

    Kellem lit-tabib tiegħek immedjatament jekk tiżviluppa taħlita ta' sintomi ta' wġigħ, sensittività, ħmura, jew nefħa tal-ġenitali jew taż-żona bejn il-ġenitali u l-anus flimkien ma' deni jew sensazzjoni li ma tiflaħx. Dawn is-sintomi jistgħu jkunu sinjal ta' infezzjoni rari iżda serja jew saħansitra ta' periklu għall-ħajja, msejħa fasciitis nekrotika tal-perineum jew kankrena ta Fournier li teqred it-tessut ta' taħt il-ġilda. Il-kankrena ta' Fournier trid tiġi ttrattata immedjatament.

    
    

    Kura tas-saqajn

    Bħal fil-każ tal-pazjenti dijabetiċi kollha, huwa importanti li tiċċekkja saqajk regolarment u li taderixxi ma’ kull parir ieħor dwar il-kura tas-saqajn mogħti mill-professjonista tal-kura tas-saħħa tiegħek.

    
    

    Funzjoni tal-kliewi

    Il-kliewi tiegħek għandhom jiġu ċċekkjati qabel tibda tieħu u waqt li tkun qed tieħu din il-mediċina.

    
    

    Glukosju fl-urina

    Minħabba l-mod ta' kif taħdem din il-mediċina, l-urina tiegħek ser tirriżulta pożittiva għaz-zokkor waqt li tkun qed tieħu din il-mediċina.

    
    

    Tfal u adolexxenti

    Jardiance mhuwiex rakkomandat għall-użu fit-tfal u adolexxenti taħt it-18-il sena għax ma ġietx studjata f'dawn il-pazjenti.

    
    

    Mediċini oħra u Jardiance

    Għid lit-tabib jew lill-ispiżjar tiegħek jekk qed tieħu, ħadt dan l-aħħar jew tista’ tieħu xi mediċini oħra. Huwa importanti li tgħid lit-tabib tiegħek:

  • jekk qed tieħu xi mediċini li jżidu l-produzzjoni tal-awrina (dijuretiċi). It-tabib tiegħek jista' jgħidlek biex tieqaf tieħu Jardiance. Sinjali possibbli li tkun qed titlef ħafna fluwidu mill-ġisem tiegħek huma elenkati f'sezzjoni 4.

  • Jekk qed tieħu mediċini oħra li jnaqqsu l-ammont ta' zokkor fid-demm tiegħek bħall-insulina jew mediċina ta' tip "sulphonylurea". It-tabib tiegħek għandu mnejn ikun irid inaqqas id-doża ta' dawn il-mediċini l-oħra, sabiex jevita li jkollok livelli ta' zokkor fid-demm baxxi wisq (ipogliċemija).

  • jekk qed tieħu l-lithium għax Jardiance jista’ jnaqqas l-ammont ta’ lithium fid-demm tiegħek.

    
    

    Tqala u treddigħ

    Jekk inti tqila jew qed tredda’, taħseb li tista tkun tqila jew qed tippjana li jkollok tarbija, itlob il-parir tat-tabib jew tal-ispiżjar tiegħek qabel tieħu din il-mediċina. Tużax Jardiance jekk inti tqila. Mhux magħruf jekk Jardiance jikkaġunax ħsara lit-tarbija li għadha ma twelditx. Tużax Jardiance jekk qed tredda'. Mhux magħruf jekk Jardiance jgħaddix fil-ħalib tas-sider tal-bniedem.

    
    

    Sewqan u tħaddim ta’ magni

    Jardiance għandu effett żgħir fuq il-ħila biex issuq u tħaddem magni.

    
    

    Li tieħu Jardiance flimkien ma’ mediċini msejħa sulphonylureas jew mal-insulina jista’ jikkawża livelli ta’ zokkor fid-demm baxxi wisq (ipogliċemija), li jistgħu joħloqu sintomi bħal rogħda, għaraq u bidla fil-vista, u jista’ jaffettwa l-ħila tiegħek biex issuq u tħaddem magni. M'għandekx issuq jew tuża għodod jew makkinarju, jekk tħossok stordut waqt li qed tieħu Jardiance.

    
    

    Jardiance fih lactose.

    Jardiance fih lactose (zokkor tal-ħalib). Jekk it-tabib tiegħek qallek li għandek intolleranza għal xi tipi ta' zokkor, ikkuntattja lit-tabib tiegħek qabel tieħu din il-mediċina.

    
    

    Jardiance fih sodium

    Din il-mediċina fiha anqas minn 1 mmol sodium (23 mg) f’kull pillola, jiġifieri essenzjalment ‘ħieles mis-sodium’.

    1. Kif għandek tieħu Jardiance

       
       

       Dejjem għandek tieħu din il-mediċina skont il-parir eżatt tat-tabib tiegħek. Iċċekkja mat-tabib jew mal-ispiżjar tiegħek jekk ikollok xi dubju.

       
       

       Kemm għandek tieħu

  • Id-doża rakkomandata hija ta’ pillola waħda ta’ 10 mg darba kuljum. Jekk għandek dijabete mellitus tat-tip 2, it-tabib tiegħek ser jiddeċiedi jekk għandux jgħolli d-doża għal 25 mg darba kuljum, jekk meħtieġ biex jgħin jikkontrolla z-zokkor fid-demm tiegħek.

  • It-tabib tiegħek jista' jillimita d-doża għal 10 mg darba kuljum jekk ikollok problemi bil-kliewi.

  • It-tabib tiegħek ser jordnalek il-qawwa li hi tajba għalik. Tibdilx id-doża tiegħek jekk it-tabib tiegħek ma qallekx biex tagħmel hekk.

    
    

    Meta tieħu din il-mediċina

  • Ibla' l-pillola sħiħa mal-ilma

  • Tista’ tieħu l-pillola mal-ikel jew fuq stonku vojt.

  • Tista’ tieħu l-pillola fi kwalunkwe ħin tal-ġurnata. Madanakollu, ipprova ħu l-pillola fl-istess ħin kuljum Dan jgħinek tiftakar biex teħodha.

    
    

    Jekk għandek dijabete mellitus tat-tip 2, it-tabib tiegħek jista’ jagħtik riċetta għal Jardiance flimkien ma’ mediċina oħra kontra d-dijabete. Ftakar biex tieħu l-mediċini kollha kif indikat mit-tabib tiegħek biex tikseb l-aħjar riżultati għas-saħħa tiegħek.

    
    

    Dieta u eżerċizzju xierqa jgħinu lil ġisem tiegħek jużaw iz-zokkor aħjar. Huwa importanti li tibqa' fuq programm ta' dieta u eżerċizzju kif rakkomandat mit-tabib tiegħek waqt li qed tieħu Jardiance.

    
    

    Jekk tieħu Jardiance aktar milli suppost

    Jekk tkun ħadt aktar Jardiance milli suppost, kellem lit-tabib tiegħek immedjatament jew inkella mur l- isptar immedjatament. Ħu l-pakkett tal-mediċina miegħek.

    
    

    Jekk tinsa tieħu Jardiance

    X'għandek tagħmel jekk tinsa tieħu l-pillola jiddependi minn kemm baqa' ħin għad-doża li jmiss.

  • Jekk ikun baqa' 12-il siegħa jew aktar sad-doża li jmiss, ħu Jardiance hekk kif tiftakar. Imbagħad ħu d-doża li jmissek tieħu fil-ħin tas-soltu.

  • Jekk ikun fadal inqas minn 12-il siegħa għad-doża li jmiss, aqbeż id-doża li ma ħadtx. Imbagħad ħu d-doża li jmissek tieħu fil-ħin tas-soltu.

  • M’għandekx tieħu doża doppja biex tpatti għal kull doża li tkun insejt tieħu.

    
    

    Jekk tieqaf tieħu Jardiance

    Tiqafx tieħu Jardiance qabel ma titkellem mat-tabib tiegħek l-ewwel. Jekk għandek dijabete mellitus tat-tip 2, il-livelli taz-zokkor fid-demm tiegħek jistgħu jiżdiedu meta tieqaf tieħu Jardiance.

    
    

    Jekk għandek aktar mistoqsijiet dwar l-użu ta’ din il-mediċina, staqsi lit-tabib, lill-ispiżjar jew lill- infermier tiegħek.

    
    

    1. Effetti sekondarji possibbli

       
       

       Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’ kulħadd.

       Ikkuntattja tabib jew l-eqreb sptar minnufih jekk ikollok xi wieħed minn dawn l-effetti sekondarji:

       
       

       Reazzjoni allerġika severa, osservata b’mod mhux komuni (tista’ taffettwa sa persuna 1 minn kull 100)

       Sinjali possibbli ta’ reazzjoni allerġika severa jistgħu jinkludu:

  • nefħa fil-wiċċ, xufftejn, ħalq, ilsien, jew gerżuma li tista’ twassal għal diffikultà biex tieħu n-nifs jew biex tibla’)

    
    

    Ketoaċidosi dijabetika, li tfeġġ b’mod mhux komuni (tista' taffettwa sa persuna 1 minn kull 100)

    Dawn huma s-sinjali ta' ketoaċidosi dijabetika (ara wkoll sezzjoni 2, ‘Twissijiet u prekawzjonijiet’):

    • żieda fil-livelli ta’ “korpi ketaċoniċi” fl-awrina jew fid-demm tiegħek

    • telf malajr fil-piż

    • tħossok ma tiflaħx jew tkun ma tiflaħx

    • uġigħ fl-istonku

    • ikollok ħafna għatx

    • in-nifs ikun mgħaġġel u fil-fond

    • konfużjoni

    • ngħas jew għeja mhux normali

    • in-nifs jinxtamm ħelu, togħma ħelwa jew metallika f'ħalqek jew riħa differenti tal-awrina jew l- għaraq.

    
    

    Dan jista' jseħħ irrispettivament mil-livell ta' glukożju fid-demm. It-tabib tiegħek jista' jiddeċiedi li jwaqqaf temporanjament jew b'mod permanenti t-trattament tiegħek b'Jardiance.

    
    

    Ikkuntattja lit-tabib tiegħek jekk tinduna l-effetti sekondarji li ġejjin:

    
    

    Livell ta’ zokkor fid-demm baxx (ipogliċemija), li ġie osservat b'mod komuni ħafna, jista’ jaffettwa iktar minn persuna 1 f'10).

    Jekk tieħu Jardince ma' mediċina oħra li tista' tikkaġuna livell ta' z-zokkor fid-demm jaqa', bħal sulphonylurea jew insulina, ir-riskju li jkollok zokkor fid-demm baxx hu ogħla. Is-sinjali livell ta’ zokkor fid-demm baxx jistgħu jinkludu:

  • rogħda, għaraq, tħossok anzjuż jew konfuż, qalb tħabbat bil-qawwi.

  • ġuħ kbir, uġigħ ta' ras

    
    

    It-tabib tiegħek ser jgħidlek kif għandek tittratta l-livelli ta' zokkor fid-demm baxx u x'għandek tagħmel jekk ikollok xi wieħed mis-sinjali t'hawn fuq. Jekk ikollok xi sintomi ta’ livell ta’ zokkor fid- demm baxx, kul pilloli tal-glukosju, bukkun b'ammont għoli ta' zokkor jew ixrob xi meraq tal-frott.

    Kejjel iz-zokkor fid-demm jekk possibbli u strieħ.

    
    

    Infezzjoni tal-passaġġ urinarju, li ġie osservat komunement (li tista' taffettwa sa persuna 1 f'10)

    Is-sinjali ta' infezzjonijiet tal-passaġġ urinarju huma:

  • sensazzjoni ta' ħruq meta tgħaddi l-urina

  • urina li tidher mċajpra

  • uġigħ fil-pelvi, jew uġigħ f'nofs id-dahar (meta l-kliewi jkunu infettati)

    
    

    Ħtieġa urġenti biex tagħmel l-awrina jew tagħmel l-awrina b'mod aktar frekwenti jistgħu jkunu minħabba kif Jardiance jaħdem, iżda jistgħu jkunu wkoll sintomi ta' infezzjoni fl-apparat urinarju. Jekk tinduna b'żieda f'sintomi bħal dawn, għandek ukoll tikkuntattja lit-tabib tiegħek.

    
    

    Deidrazzjoni, li ġiet osservata b'mod komuni ħafna (li tista' taffettwa aktar minn persuna 1 f'10)

    Is-sinjali ta' deidrazzjoni mhumiex speċifiċi, iżda jistgħu jinkludu:

  • għatx mhux tas-soltu

  • rasek fl-arja jew stordament malli tqum bilwieqfa

  • ħass ħażin jew tintilef minn sensik

    Effetti sekondarji oħra waqt li qed tieħu Jardiance:

    Komuni

  • infezzjoni ġenitali kkawżata minn fungi (traxx)

  • tgħaddi aktar urina mis-soltu jew teħtieġ li tgħaddi aktar urina mis-soltu

  • ħakk

  • raxx jew ġilda ħamra - dan jista’ jkun bil-ħakk u jinkludi ħotob ibbuzzati, tnixxija ta’ fluwidu jew infafet

  • għatx

  • testijiet tad-demm jistgħu juru żieda fil-livelli ta’ xaħam fid-demm (kolesterol) fid-demm tiegħek

  • stitikezza

    
    

    Mhux komuni

  • urtikarja

  • titqanżah jew uġigħ biex tbattal il-bużżieqa tal-awrina

  • it-testijiet tad-demm jistgħu juru tnaqqis fil-funzjoni tal-kliewi (krejatinina jew ureja)

  • testijiet tad-demm jistgħu juru żidiet fl-ammont ta’ ċelloli tad-demm ħomor fid-demm tiegħek (ematokrit)

    
    

    Rari

  • fasciitis nekrotika tal-perineum jew kankrena ta' Fournier, infezzjoni serja tat-tessut artab tal- ġenitali jew taż-żona bejn il-ġenitali u l-anus

    
    

    Rari ħafna

  • infjammazzjoni tal-kliewi (nefrite tubulointerstizjali)

  
  

  Rappurtar tal-effetti sekondarji

  Jekk ikollok xi effett sekondarju kellem lit-tabib, lill-ispiżjar jew lill-infermier tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti

  sekondarji direttament permezz tas-sistema ta’ rappurtar nazzjonali mniżżla f’Appendiċi V*. Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.

  
  

  1. Kif taħżen Jardiance

     
     

     Żomm din il-mediċina fejn ma tidhirx u ma tintlaħaqx mit-tfal.

     
     

     Tużax din il-mediċina wara d-data ta’ meta tiskadi, li tidher fuq il-folja u fuq il-kaxxa tal-kartun wara EXP. Id-data ta’ meta tiskadi tirreferi għall-aħħar ġurnata ta’ dak ix-xahar.

     
     

     Din il-mediċina m’għandhiex bżonn ħażna speċjali.

     
     

     Tużax din il-mediċina jekk il-pakkett ikun fih il-ħsara jew juri sinjali ta’ tbagħbis.

     
     

     Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.

  2. Kontenut tal-pakkett u informazzjoni oħra

  
  

  Jardiance fih lactose.

• Is-sustanza attiva hi empagliflozin

  • Kull pillola fiha 10 mg jew 25 mg empagliflozin.

    
    

• Is-sustanzi mhux attivi l-oħra huma

  • il-qalba tal-pillola: lactose monohydrate (ara fl-aħħar ta' sezzjoni 2 taħt "Jardiance fih il- lactose"), microcrystalline cellulose, hydroxypropylcellulose, croscarmellose sodium (ara l-parti t’isfel ta’ sezzjoni 2 taħt ‘Jardiance fih sodium’), colloidal anhydrous silica, magnesium stearate

  • kisi tal-pillola: hypromellose, titanium dioxide (E171), talc, macrogol (400), iron oxide yellow (E172)

Kif jidher Jardiance u l-kontenut tal-pakkett

Jardiance 10 mg pilloli miksija b’rita huma tondi, safranin ċari, mżaqqin fuq żewġ naħat u bi xfar imċanfrin. Għandhom "S10" fuq naħa waħda u l-logo ta’ Boehringer Ingelheim fuq in-naħa l-oħra. Il- pilloli għandhom dijametru ta' 9.1 mm.

Jardiance 25 mg pilloli miksija b’rita huma ovali safranin ċari u mżaqqin fuq żewġ naħat. Għandhom "S25" fuq naħa waħda u l-logo ta’ Boehringer Ingelheim fuq in-naħa l-oħra. Il-pilloli huma 11.1 ċm twal u għandhom wisgħa ta' 5.6 mm

Il-pilloli Jardiance jiġu f'folji tal-PVC/aluminju perforati u f'doża waħda. Id-daqsijiet tal-pakkett huma ta' 7 x 1, 10 x 1, 14 x 1, 28 x 1, 30 x 1, 60 x 1, 70 x 1, 90 x 1, u 100 x 1 ta' pilloli miksija b’rita.

Jista' jkun li mhux il-pakketti tad-daqsijiet kollha jkunu fis-suq

Detentur tal-Awtorizzazzjoni għat-Tqegħid fis-Suq

Boehringer Ingelheim International GmbH Binger Strasse 173

55216 Ingelheim am Rhein Il-Ġermanja

Manifattur

Boehringer Ingelheim Pharma GmbH & Co.KG Binger Strasse 173

55216 Ingelheim am Rhein Il-Ġermanja

Boehringer Ingelheim Hellas Single Member S.A. 5th km Paiania – Markopoulo

Koropi Attiki, 19441 Il-Greċja

Rottendorf Pharma GmbH Ostenfelder Strasse 51 – 61

59320 Ennigerloh Il-Ġermanja

Boehringer Ingelheim France 100-104 Avenue de France 75013 Paris

Franza

Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:

België/Belgique/Belgien

SCS Boehringer Ingelheim Comm.V Tél/Tel: +32 2 773 33 11

Lietuva

Boehringer Ingelheim RCV GmbH & Co KG Lietuvos filialas

Tel.: +370 5 2595942

България

Бьорингер Ингелхайм РЦВ ГмбХ и Ко КГ - клон България

Тел: +359 2 958 79 98

Luxembourg/Luxemburg

SCS Boehringer Ingelheim Comm.V Tél/Tel: +32 2 773 33 11

Česká republika

Boehringer Ingelheim spol. s r.o. Tel: +420 234 655 111

Magyarország

Boehringer Ingelheim RCV GmbH & Co KG Magyarországi Fióktelepe

Tel: +36 1 299 89 00

Danmark

Boehringer Ingelheim Danmark A/S Tlf: +45 39 15 88 88

Malta

Boehringer Ingelheim Ireland Ltd. Tel: +353 1 295 9620

Deutschland

Boehringer Ingelheim Pharma GmbH & Co. KG Tel: +49 (0) 800 77 90 900

Lilly Deutschland GmbH Tel. +49 (0) 6172 273 2222

Nederland

Boehringer Ingelheim b.v. Tel: +31 (0) 800 22 55 889

Eesti

Boehringer Ingelheim RCV GmbH & Co KG Eesti filiaal

Tel: +372 612 8000

Norge

Boehringer Ingelheim Norway KS Tlf: +47 66 76 13 00

Ελλάδα

Boehringer Ingelheim Ελλάς Μονοπρόσωπη A.E. Tηλ: +30 2 10 89 06 300

Österreich

Boehringer Ingelheim RCV GmbH & Co KG Tel: +43 1 80 105-7870

España

Boehringer Ingelheim España, S.A. Tel: +34 93 404 51 00

Lilly S.A.

Tel: +34 91 663 50 00

Polska

Boehringer Ingelheim Sp.zo.o. Tel.: +48 22 699 0 699

France

Boehringer Ingelheim France S.A.S. Tél: +33 3 26 50 45 33

Lilly France SAS

Tél: +33 1 55 49 34 34

Portugal

Boehringer Ingelheim Portugal, Lda. Tel: +351 21 313 53 00

Lilly Portugal Produtos Farmacêuticos, Lda Tel: +351 21 412 66 00

Hrvatska

Boehringer Ingelheim Zagreb d.o.o. Tel: +385 1 2444 600

România

Boehringer Ingelheim RCV GmbH & Co KG Viena - Sucursala Bucureşti

Tel: +40 21 302 28 00

Ireland

Boehringer Ingelheim Ireland Ltd. Tel: +353 1 295 9620

Eli Lilly and Company (Ireland) Limited Tel: +353 1 661 4377

Slovenija

Boehringer Ingelheim RCV GmbH & Co KG Podružnica Ljubljana

Tel: +386 1 586 40 00

Ísland

Vistor hf.

Sími: +354 535 7000

Slovenská republika

Boehringer Ingelheim RCV GmbH & Co KG organizačná zložka

Tel: +421 2 5810 1211

Italia

Boehringer Ingelheim Italia S.p.A. Tel: +39 02 5355 1

Eli Lilly Italia S.p.A. Tel: +39 055 42571

Suomi/Finland

Boehringer Ingelheim Finland Ky Puh/Tel: +358 10 3102 800

Κύπρος

Boehringer Ingelheim Ελλάς Μονοπρόσωπη A.E. Tηλ: +30 2 10 89 06 300

Sverige

Boehringer Ingelheim AB Tel: +46 8 721 21 00

Latvija

Boehringer Ingelheim RCV GmbH & Co KG Latvijas filiāle

Tel: +371 67 240 011

United Kingdom (Northern Ireland)

Boehringer Ingelheim Ireland Ltd. Tel: +353 1 295 9620

Eli Lilly and Company (Ireland) Limited Tel: +353 1 661 4377

Dan il-fuljett kien rivedut l-aħħar f’ {XX/SSSS}.

.