Exjade
deferasirox
Dan il-prodott mediċinali huwa suġġett għal monitoraġġ addizzjonali. Dan ser jippermetti identifikazzjoni ta’ malajr ta’ informazzjoni ġdida dwar is-sigurtà. Inti tista’ tgħin billi tirrapporta kwalunkwe effett sekondarju li jista’ jkollok. Ara t-tmiem ta’ sezzjoni 4 biex tara kif għandek tirrapporta effetti sekondarji.
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek jew lit-tifel/tifla tiegħek biss. M’għandekx tgħaddiha lil persuni oħra. Tista’ tagħmlilhom il-ħsara, anki jekk għandhom l-istess sinjali ta’ mard bħal
tiegħek.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Ara sezzjoni 4.
X’inhu EXJADE u għalxiex jintuża
X’għandek tkun taf qabel ma tieħu EXJADE
Kif għandek tieħu EXJADE
Effetti sekondarji possibbli
Kif taħżen EXJADE
Kontenut tal-pakkett u informazzjoni oħra
EXJADE fih sustanza attiva li jisimha deferasirox. Huwa kelatur tal-ħadid li hija mediċina li tintuża biex tneħħi l-ħadid żejjed mill-ġisem (kundizzjoni magħrufa bħala tagħbija żejda tal-ħadid). Dan
jaqbad u jneħħi l-ħadid żejjed, li mbagħad jitneħħa fil-parti l-kbira mal-ippurgar.
Pazjenti li jsofru minn ċerti tipi ta’ anemiji (per eżempju talessimja, mard tas-sickle cell jew sindromi majlodisplastiċi (MDS - myelodysplastic syndromes)) jista’ jkollhom bżonn trasfużjonijiet tad-demm
ripetuti. Madankollu, meta jingħataw trasfużjonijiet tad-demm repetuti, dan jista’ jwassal għall- akkumulazzjoni ta’ ħadid żejjed. Dan għaliex id-demm fih il-ħadid u ġismek m’għandux mekkaniżmu
naturali sabiex ineħħi l-ħadid żejjed li tieħu bit-trasfużjonijiet tad-demm. F’pazjenti b’sindromi ta’
talissimja mhux dipendenti fuq trasfużjoni, tista’ tiżviluppa tagħbija żejda ta’ ħadid matul iż-żmien, l- aktar minħabba żieda fl-assorbiment ta’ ħadid mid-dieta b’reazzjoni għall-ammont baxx ta’ ċelloli tad- demm. Maż-żmien, il-ħadid żejjed jista’ jagħmel il-ħsara f’organi importanti bħal ma huma l-fwied u
l-qalb. Mediċini li jissejħu kelaturi tal-ħadid jintużaw sabiex jitneħħa l-ħadid żejjed u tnaqqas ir-riskju li dan jagħmel ħsara lill-organi.
EXJADE jintuża għall-kura ta’ tagħbija żejda kronika tal-ħadid ikkawżata minn trasfużjonijiet tad- demm frekwenti f’pazjenti ta’ 6 snin jew akbar li jsofru minn beta-talessimja maġġuri.
EXJADE jintuża wkoll għat-trattament ta’ tagħbija żejda ta’ ħadid meta terapija b’deferoxamine tkun kontraindikata jew inadegwata f’pazjenti li jsofru minn beta-talessimja maġġuri li jkollhom tagħbija żejda tal-ħadid kawżata minn trasfużjonijiet mhux frekwenti, f’pazjenti li jsofru minn forom oħrajn ta’ anemiji, u fi tfal ta’ bejn 2 u 5 snin.
EXJADE jintuża wkoll meta t-terapija b’deferoxamine hi kontraindikata jew mhijiex xierqa biex jittratta pazjenti li għandhom 10 snin jew aktar li għandhom tagħbija żejda ta’ ħadid assoċjata mas- sindromi ta’ talessimja tagħhom, imma li mhumiex dipendenti fuq trasfużjoni.
jekk inti allerġiku għal deferasirox jew għal xi sustanza oħra ta’ din il-mediċina (imniżżla fis- sezzjoni 6). Jekk dan jgħodd għalik, għid lit-tabib tiegħek qabel ma tieħu EXJADE. Jekk
taħseb li tista’ tkun allerġiku/a ħu parir tat-tabib tiegħek.
jekk tbati minn mard ħafif jew akut tal-kliewi.
jekk bħal issa qed tieħu kwalunkwe mediċina oħra li hija kelatur tal-ħadid.
jekk inti qiegħed/da fi stadju avvanzat ta’ sindrome majelodisplastiku (MDS; tnaqqis fil- produzzjoni ta’ ċelloli bojod mill-mudullun) jew għandek kanċer avvanzat.
Kellem lit-tabib jew l-ispiżjar tiegħek qabel tieħu EXJADE:
jekk għandek xi problema tal-kliewi jew tal-fwied
jekk għandek xi problema tal-qalb minħabba tagħbija żejda tal-ħadid.
jekk tinnota tnaqqis konsiderevoli fl-ammont ta’ awrina li tgħaddi (sinjal ta’ problema fil- kliewi).
jekk tiżviluppa raxx sever, jekk tbati biex tieħu n-nifs u sturdament jew nefħa l-aktar tal-wiċċ u
l-griżmejn (sinjali ta’ reazzjoni allerġika severa, ara wkoll sezzjoni 4 "Effetti sekondarji li jista’ jkollu").
jekk ikollok kombinazzjoni ta’ kwalunkwe wieħed mis-sintomi li ġejjin: raxx, ġilda ħamra, nfafet fix-xofftejn, fl-għajnejn jew fil-ħalq, tqaxxir fil-ġilda, deni qawwi, sintomi li jixbħu lil dawk tal-influwenza, tkabbir tal-glandoli limfatiċi (sinjali ta’ reazzjoni qawwija fil-ġilda), ara
wkoll sezzjoni 4 "Effetti sekondarji li jista’ jkollu").
jekk tħoss taħlita ta’ ngħas, uġigħ fin-naħa tal-lemin ta’ fuq tal-addome, sfurija jew żieda fl- isfurija tal-ġilda tiegħek jew ta’ għajnejk u l-awrina tiskura (sinjali ta’ problemi tal-fwied).
jekk ikollok diffikultà biex taħseb, tiftakar informazzjoni, jew issolvi problemi, tħossok anqas
fuq tiegħek jew konxju ta’ x’qed jiġri madwarek jew tħossok ħafna bi ngħas bi ftit enerġija (sinjali ta’ livell għoli ta’ ammonja fid-demm tiegħek, li jistgħu jkunu assoċjati ma’ problemi
fil-fwied jew fil-kliewi, ara wkoll is-sezzjoni 4 “Effetti sekondarji possibbli”).
jekk tirremetti d-demm u/jew ikollok ippurgar skur.
jekk tħoss uġigħ addominali ta’ spiss, l-aktar wara l-ikel jew wara li tkun ħadt EXJADE.
jekk tħoss ħruq ta’ stonku ta’ spiss.
jekk għandek livell baxx ta’ plejtlits jew ta’ ċelloli bojod tad-demm fir-riżultat tat-test tad-demm tiegħek.
jekk għandek vista mċajpra.
jekk għandek dijarrea jew qed tirremetti.
Jekk kwalunkwe wieħed minn dawn jgħodd għalik, għid lit-tabib tiegħek mill-ewwel.
Waqt il-kura jridu jsirulek testijiet tad-demm u tal-awrina b’mod regolari. B’dawn ikun hemm monitoraġġ tal-ammont ta’ ħadid f’ġismek (il-livell ta’ ferritin fid-demm) sabiex isir magħruf kemm
qed jaħdem tajjeb EXJADE. Bit-testijiet, ikun hemm ukoll monitoraġġ tal-funzjoni tal-kliewi (livell tal-kreatinina fid-demm, preżenza ta’ proteina fl-awrina) u tal-fwied (livell ta' transaminases fid-
demm). It-tabib tiegħek jaf ikollu bżonn li tagħmel bijopsija tal-kliewi, jekk jissuspetta li qed issir ħsara sinjifikanti lill-kliewi. Jista’ jkollok ukoll testijiet bl-MRI (immaġini ta’ reżonanza manjetika) li jiddeterminaw l-ammont ta’ ħadid fil-fwied tiegħek. B’dawn it-testijiet, it-tabib tiegħek ikun jista’
jiddeċiedi x’doża ta’ EXJADE l-aktar tgħodd għalik u juża wkoll dawn it-testijiet biex jiddeċiedi meta għandek tieqaf tieħu EXJADE.
Il-vista u s-smigħ tiegħek se jkunu eżaminati kull sena waqt il-kura bħala miżura ta’ prekawzjoni.
Għid lit-tabib jew lill-ispiżjar tiegħek jekk qed tieħu, ħadt dan l-aħħar jew tista’ tieħu xi mediċina
oħra. Dawn jinkludu b’mod partikolari:
kelaturi tal-ħadid oħrajn, li m’għandhomx jittieħdu ma’ EXJADE,
antaċidi (mediċini użati biex jittrattaw il-ħruq ta’ stonku) li fihom l-aluminju, li m’għandhomx jittieħdu fl-istess ħin tal-ġurnata bħal EXJADE,
ciclosporin (jintuża biex jiġi evitat li l-ġisem jirriġetta organu trapjantat jew għal kondizzjonijiet
oħra, bħall-artrite rewmatika jew dermatite atopika),
simvastatin (jintuża biex ibaxxi l-kolesterol),
ċerti mediċini li jtaffu l-uġigħ jew għal kontra l-infjammazzjonijiet (eż. aspirina, ibuprofen, kortikosterojdi),
bisfosfonati orali (użati għall-kura ta’ osteoporożi),
mediċini antikoagulanti (użati għall-prevenzjoni jew għall-kura tal-għaqid tad-demm),
sustanzi li jintuzaw bħala kontraċettivi ormonali (mediċini li jikkontrollaw it-twelid),
bepridil, ergotamine (użati għall-problemi tal-qalb u emigranja),
repaglinide (użat għall-kura tad-dijabete),
rifampicin (użat għall-kura ta’ tuberkolożi),
phenytoin, phenobarbital, carbamazepine (użati għall-kura tal-epilessija),
ritonavir (użat għall-kura ta’ infezzjoni b’HIV),
paclitaxel (użat għall-kura tal-kanċer),
theophylline (użat biex jikkura mard respiratorju bħall-ażma),
clozapine (użat biex jikkura disturbi psikjatriċi bħal skizofrenja),
tizanidine (użat bħala rilassant tal-muskoli),
cholestyramine (użat biex ibaxxi l-livelli tal-kolesterol fid-demm),
busulfan (użat bħala trattament qabel it-trapjant sabiex jinqered il-mudullun oriġinali qabel it- trapjant),
midazolam (użat biex itaffi l-ansjetà u/jew il-problemi fl-irqad).
Jista’ jkun hemm il-ħtieġa għal testijiet addizzjonali sabiex jiġu ssorveljati l-livelli tad-demm ta’ xi wħud minn dawn il-mediċini.
EXJADE jista’ jintuża minn persuni li għandhom 65 sena jew aktar bl-istess doża tal-adulti l-oħrajn.
Pazjenti anzjani jistgħu jkollhom aktar effetti sekondarji (b’mod partikulari dijarrea) minn pazjenti iżgħar fl-età. Huma għandhom jiġu ssorveljati mill-qrib mit-tabib tagħhom għal effetti sekondarji li jistgħu jkunu jeħtieġu aġġustament fid-doża.
EXJADE jista’ jintuża minn tfal u adolexxenti li qed jirċievu trasfużjonijiet regolari tad-demm li għandhom minn sentejn ’il fuq u fi tfal u adolexxenti li mhux qed jirċievu trasfużjonijiet regolari tad-
demm li għandhom 10 snin u aktar. Hekk kif ikun qed jikber il-pazjent, it-tabib jibdel id-doża.
EXJADE mhuwiex irrakkomandat għal tfal li għandhom anqas minn sentejn.
Jekk inti tqila jew qed tredda’, taħseb li tista tkun tqila jew qed tippjana li jkollok tarbija, itlob il-parir tat-tabib tiegħek qabel tieħu din il-mediċina.
Mhux rakkomandat li EXJADE jintuża waqt it-tqala sakemm ma jkunx hemm bżonn ċar. Jekk bħalissa qed tuża kontraċettivi ormonali sabiex tipprevjeni t-tqala, għandek tuża tip ta’
kontraċezzjoni addizzjonali jew differenti (eż. kondom), minħabba li EXJADE jista’ jnaqqas l-
effettività tal-kontraċettivi ormonali.
Treddigħ mhux rakkomandat waqt kura b’EXJADE.
Jekk tħossok sturdut wara li tieħu EXJADE, m’għandekx issuq jew tagħmel użu minn għodda jew magni sakemm terġa’ tħossok normali.
Din il-mediċina fiha anqas minn 1 mmol sodium (23 mg) f’kull pillola miksija b’rita, jiġifieri
essenzjalment ‘ħielsa mis-sodium’.
Tabib bl-esperjenza fit-trattament ta’ tagħbija ta’ ħadid minħabba trasfużjonijiet tad-demm se josserva t-trattament b’EXJADE.
Dejjem għandek tieħu din il-mediċina skont il-parir eżatt tat-tabib tiegħek. Iċċekkja mat-tabib jew mal-ispiżjar tiegħek jekk ikollok xi dubju.
Id-doża ta’ EXJADE hija marbuta mal-piż tal-ġisem għal pazjenti kollha. It-tabib tiegħek se jikkalkula d-doża li għandek bżonn u jgħidlek kemm għandek tieħu pilloli kuljum.
Fil-bidu tal-kura, għal EXJADE pilloli miksija b’rita id-doża tal-bidu għal pazjenti li jingħataw trasfużjonijiet tad-demm b’mod regolari ħafna drabi tkun 14 mg għal kull kilogramma tal-piż tal-ġisem kuljum. Doża ogħla jew aktar baxxa tista’ tkun rakkomandata mit-tabib tiegħek skont il-ħtiġijiet individwali tiegħek.
Id-doża normali ta’ kuljum għal EXJADE pilloli miksija b’rita mat-tnedija tat-trattament għal pazjenti li mhux qed jirċievu trasfużjonijiet regolari ta’ demm hi ta’ 7 mg għal kull kilo li jiżen il-ġisem.
Skont kif ikun ir-rispons tiegħek għall-kura, it-tabib tiegħek jista’ jibdel id-doża tiegħek għal waħda ogħla jew aktar baxxa.
L-aktar doża għolja rakkomandata għal EXJADE pilloli miksija b’rita hija:
28 mg għal kull kilogramma tal-piż tal-ġisem kuljum għal pazjenti li jirċievu trasfużjonijiet regolari ta’ demm,
14 mg għal kull kilo li jiżnu għal pazjenti adulti li mhumiex jirċievu trasfużjonijiet regolari ta’ demm,
7 mg għal kull kilo li jiżnu għal tfal u adolexxenti li mhumiex jirċievu trasfużjonijiet regolari ta’ demm.
Deferasirox huwa disponibbli wkoll bħala pilloli “li jinxterdu” bħala alternattivi ġeneriċi. Jekk qed taqleb mill-pilloli li jinxterdu għal dawn il-pilloli miksija b’rita, se jkollok bżonn ta’ aġġustament fid- doża
Ħu EXJADE darba waħda fil-ġurnata, kuljum, bejn wieħed u ieħor fl-istess ħin tal-jum ma’ ftit ilma.
Ħu EXJADE pilloli miksija b’rita fuq stonku vojt jew ma’ ikla ħafifa.
Li tieħu EXJADE fl-istess ħin tal-ġurnata jgħinek ukoll tiftakar meta għandek tieħu l-pilloli.
Għall-pazjenti li ma jkunux jistgħu jibilgħu pilloli sħaħ, EXJADE pilloli miksija b’rita jistgħu jitfarrku u jittieħdu billi d-doża sħiħa tinxtered fuq ikel artab bħal jogurt jew zalza tat-tuffieħ (puré tat-tuffieħ). L-ikel għandu jittieħed immedjatament u kompletament. Taħżinx għal użu aktar tard.
fit-tul, u tista’ ddum ix-xhur jew is-snin. It-tabib tiegħek ikun qed isegwi l-kundizzjoni tiegħek biex jara li l-kura qed ikollha l-effett mixtieq (ara wkoll sezzjoni 2: “Monitoraġġ tal-kura tiegħek b’EXJADE”).
Jekk għandek xi mistoqsijiet fuq kemm għandek iddum tieħu EXJADE, kellem lit-tabib tiegħek.
Jekk ħadt wisq EXJADE, jew jekk xi ħadd jieħu l-pilloli tiegħek bi żball, kellem it-tabib tiegħek jew l- isptar malajr kemm jista’ jkun. Uri lit-tabib il-pakkett tal-pilloli. Jista’ jkun hemm bżonn kura medika
urġenti. Taf iġġarrab effetti bħalma huma wġigħ fl-addome, dijarea, dardir u rimettar u problemi fil- kliewi jew il-fwied li jafu jkunu serji.
Jekk taqbiżlek doża, ħudha malli tiftakar f’dik il-ġurnata. Ħu d-doża li jmissek hekk kif skedat.
M’għandekx tieħu doża doppja il-ġurnata ta’ wara biex tpatti għal kull pillola(i) li tkun insejt tieħu.
M’għandekx tieqaf tieħu EXJADE sakemm ma jgħidlekx it-tabib. Jekk twaqqafha, il-ħadid żejjed li għandek f’ġismek ma jibqax jitneħħa (ara wkoll is-sezzjoni hawn fuq “Kemm għandek iddum tieħu
EXJADE”).
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux f’kulħadd. Ħafna mill-effetti sekondarji huma ħfief għal moderati u ġeneralment jgħaddu wara ftit ġranet jew ġimgħat tal-kura.
Jekk ikollok raxx qawwi, jew tbati biex tieħu n-nifs u sturdament jew nefħa l-aktar tal-wiċċ u l- griżmejn (sinjali ta’ allerġija severa),
Jekk ikollok kombinazzjoni ta’ kwalunkwe wieħed mis-sintomi li ġejjin: raxx, ġilda ħamra, infafet fix-xofftejn, fl-għajnejn jew fil-ħalq, taqxir tal-ġilda, deni qawwi, sintomi li jixbħu lil dawk tal-influwenza, tkabbir tal-glandoli limfatiċi (sinjali ta’ reazzjonijiet qawwija fil-ġilda),
Jekk tinnota li l-awrina li tgħaddi naqset b’mod sostanzjali (sinjal ta’ problema fil-kliewi),
Jekk tħoss taħlita ta’ tħeddil, uġigħ fil-parti ta’ fuq tan-naħa tal-lemin tal-addome, sfurija jew żieda fl-isfurija tal-ġilda tiegħek jew ta’ għajnejk u awrina skura (sinjali ta’ problemi fil-fwied),
jekk ikollok diffikultà biex taħseb, tiftakar informazzjoni, jew issolvi problemi, tħossok anqas fuq tiegħek jew konxju ta’ x’qed jiġri madwarek jew tħossok ħafna bi ngħas bi ftit enerġija (sinjali ta’ livell għoli ta’ ammonja fid-demm tiegħek, li jistgħu jkunu assoċjati ma’ problemi fil- fwied jew fil-kliewi u jwasslu għal tibdil fil-mod kif jiffunzjona moħħok).
Jekk tirremetti d-demm jew tipporga iswed,
Jekk tħoss uġigħ fl-addome ta’ spiss, l-aktar wara l-ikel jew wara li tkun ħadt EXJADE,
Jekk tħoss ħruq ta’ stonku ta’ spiss,
Jekk titlef parti mill-vista,
Jekk tħoss uġigħ sever fin-naħa ta’ fuq tal-istonku (pankreatite),
Dawn l-effetti sekondarji mhumiex komuni.
Jekk tibda ma tarax ċar jew tara mċajpar,
Jekk tibda tonqos mis-smigħ,
Komuni ħafna (jistgħu jolqtu aktar minn persuna waħda f’kull 10)
Tibdil fit-testijiet tal-funzjoni tal-kliewi.
Komuni (jistgħu jolqtu persuna waħda f’kull 10)
Mard gastrointestinali, bħal dardir, rimettar, dijarea, uġigħ ta’ żaqq, nefħa, stitikezza, indiġestjoni
Raxx
Uġigħ ta’ ras
Disturb fir-riżultati ta’ testijiet tal-funzjoni tal-fwied
Ħakk
Disturb fir-riżultat tat-test tal-awrina (proteina fl-awrina) Jekk xi waħda minn dawn tolqtok bil-qawwi, għid lit-tabib tiegħek.
Mhux komuni (jistgħu jolqtu sa persuna waħda f’kull 100)
Sturdament
Deni
Uġigħ fil-grieżem
Nefħa tad-driegħ jew tas-saqajn.
Tibdil fil-lewn tal-ġilda
Ansjetà
Disturbi fl-irqad
Għeja
Jekk tħoss xi waħda minn dawn b’mod qawwi, għid lit-tabib tiegħek.
Tnaqqis fin-numru ta’ċelluli involuti fit-tgħaqqid tad-demm (tromboċitopenija), fl-għadd ta’ ċelluli ħomor tad-demm (anemija aggravata), fl-għadd ta’ ċelluli bojod tad-demm (newtropenija) jew fl-għadd ta’ kull tip ta’ ċelluli tad-demm (panċitopenija)
Jaqa’ x-xagħar
Ġebla fil-kliewi
Awrina toħroġ ftit
Tiċrita fl-istonku jew fil-kisja tal-imsaren li tista’ tkun bl-uġigħ u tikkawża dardir
Uġigħ sever fin-naħa ta’ fuq tal-istonku (pankreatite)
Livell mhux normali ta’ aċdu fid-demm
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju possibbli li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali mniżżla f’Appendiċi V. Billi tirrapporta l-
effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il- mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax din il-mediċina wara d-data ta’ meta tiskadi li tidher fuq il-folja u fuq il-kartuna wara EXP/JIS. Id-data ta’ meta tiskadi tirreferi għall-aħħar ġurnata ta’ dak ix-xahar.
M’għandek tuża l-ebda pakkett li jkollu xi ħsara jew li juri li kien imbagħbas.
Tarmix mediċini mal-ilma tad-dranaġġ jew mal-iskart domestiku. Staqsi lill-ispiżjar tiegħek dwar kif għandek tarmi mediċini li m’għadekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi deferasirox.
Kull pillola miksija b’rita ta’ EXJADE 90 mg fiha 90 mg deferasirox. Kull pillola miksija b’rita ta’ EXJADE 180 mg fiha 180 mg deferasirox. Kull pillola miksija b’rita ta’ EXJADE 360 mg fiha 360 mg deferasirox.
Is-sustanzi l-oħra huma microcrystalline cellulose; crospovidone; povidone; magnesium stearate; colloidal anhydrous silica u poloxamer. Il-materjal tal-kisja tal-pillola fih: hypromellose; titanium
dioxide (E171); macrogol (4000); talc; indigo carmine aluminium lake (E132).
EXJADE issibu bħala pilloli miksija b’rita. Il-pilloli miksija b’rita huma ovali u bbuzzati fuq iż-żewġ naħat.
Il-pilloli miksija b’rita EXJADE 90 mg huma blu ċari u ttimbrati b’“90” fuq naħa minnhom u “NVR” fuq in-naħa l-oħra.
Il-pilloli miksija b’rita EXJADE 180 mg huma blu medju u ttimbrati b’“180” fuq naħa minnhom u “NVR” fuq in-naħa l-oħra.
Il-pilloli miksija b’rita EXJADE 360 mg huma blu skuri u ttimbrati b’“360” fuq naħa minnhom u “NVR” fuq in-naħa l-oħra.
Kull pakkett bil-folji fih 30 jew 90 pillola miksija b’rita. Il-pakketti multipli fihom 300 (10 pakketti ta’
30) pillola miksija b’rita.
Xi daqsijiet mill-pakketti jew qawwiet jista’ jkun li ma jkunux disponibbli f’pajjiżek
Novartis Europharm Limited Vista Building
Elm Park, Merrion Road Dublin 4
L-Irlanda
Novartis Pharma GmbH Roonstraße 25
D-90429 Nürnberg
Il-Ġermanja
Novartis Farmacéutica SA Ronda de Santa Maria 158
08210 Barberà del Vallés, Barcelona
Spanja
Sandoz S.R.L. | |||
Str. Livezeni nr. 7A | |||
540472 Targu Mures | |||
Ir-Rumanija | |||
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur tal-Awtorizzazzjoni għat-Tqegħid fis-Suq:
SIA Novartis Baltics Lietuvos filialas
Tel: +370 5 269 16 50
Novartis Bulgaria EOOD Тел.: +359 2 489 98 28
Novartis s.r.o.
Tel: +420 225 775 111
Novartis Healthcare A/S
Tlf: +45 39 16 84 00
Novartis Pharma Services Inc.
Tel: +356 2122 2872
Novartis Pharma GmbH Tel: +49 911 273 0
Novartis Pharma B.V. Tel: +31 88 04 52 555
SIA Novartis Baltics Eesti filiaal Tel: +372 66 30 810
Novartis Norge AS Tlf: +47 23 05 20 00
Novartis (Hellas) A.E.B.E.
Τηλ: +30 210 281 17 12
Novartis Pharma GmbH
Tel: +43 1 86 6570
Novartis Farmacéutica, S.A. Tel: +34 93 306 42 00
Novartis Poland Sp. z o.o. Tel.: +48 22 375 4888
Novartis Pharma S.A.S.
Tél: +33 1 55 47 66 00
Novartis Farma - Produtos Farmacêuticos, S.A.
Tel: +351 21 000 8600
Novartis Hrvatska d.o.o. Tel. +385 1 6274 220
Novartis Pharma Services Romania SRL
Tel: +40 21 31299 01
Novartis Ireland Limited
Tel: +353 1 260 12 55
Novartis Pharma Services Inc.
Tel: +386 1 300 75 50
Vistor hf.
Sími: +354 535 7000
Novartis Farma S.p.A. Tel: +39 02 96 54 1
Novartis Finland Oy
Puh/Tel: +358 (0)10 6133 200
Novartis Pharma Services Inc.
Τηλ: +357 22 690 690
Novartis Sverige AB
Tel: +46 8 732 32 00
SIA Novartis Baltics
Tel: +371 67 887 070
Novartis Ireland Limited
Tel: +44 1276 698370