Memantine Merz
memantine hydrochloride
Memantine hydrochloride
Żomm dan il-fuljett. Jista’ jkollok bżonn terġa’ taqrah.
Jekk ikollok aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek biss. M’għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sinjali ta’ mard bħal tiegħek.
Jekk ikollok xi effett sekondarju kellem lit-tabib jew lill-ispiżjar tiegħek. Dan jinkludi xi effett
sekondarju possibbli li mhuwiex elenkat f’dan il-fuljett. Ara sezzjoni 4.
X’inhu Memantine Merz u għalxiex jintuża
X’għandek tkun taf qabel ma Memantine Merz
Kif għandek tieħu Memantine Merz
Effetti sekondarji possibbli
Kif taħżen Memantine Merz
Kontenuttal-pakkett u informazzjoni oħra
Memantine Merz fih is-sustanza attiva memantine hydrochloride.
Memantine Merz jagħmel parti minn grupp ta’ mediċini magħrufa bħala mediċini kontra d-dimenzja.
It-telf tal-memorja fil-marda ta’ Alzheimer jiġi minħabba disturbi fis-sinjali tal-messaġġi fil-moħħ.
Il-moħħ fih l-hekk imsejjħa riċetturi-N-mthyl D-aspartate (NMDA) li jieħdu sehem fit-trasmissjoni tas-sinjali fin-nervituri importanti għat-tagħlim u l-memorja. Memantine Merz jagħmel parti minn grupp ta’ mediċini li jissejħu antagonisti tar-riċettur-NMDA. Memantine Merz jaħdem fuq dawn ir- riċetturi-NMDA u jtejjeb it-trasmissjoni tas-sinjali fin-nervituri u l-memorja.
Memantine Merz jintuża għall-kura ta’ pazjenti bil-marda ta’ Alzheimer minn moderata għal severa.
jekk inti allerġiku/a (tbati minn sensittività eċċessiva) għal memantine hydrochloride jew għal xi sustanza oħra ta’ din il-mediċina (elenkati fis-sezzjoni 6).
Kellem lit-tabib jew l-ispiżjar tiegħek qabel tieħu Memantine Merz
jekk fil-passat kellek aċċessjonijiet ta’ epilessija
jekk ftit ilu kellek xi infart mijokardijaku (attakk f’qalbek), jew jekk qed tbati minn insuffiċjenza tal-qalb konġestiva jew minn pressjoni għolja li ma tistax tikkontrollha (pressjoni għolja tad-demm).
F’dawn il-każijiet il-kura għandha tkun sorveljata bir-reqqa, u l-benefiċċju kliniku ta’ Memantine Merz jiġi evalwat mill-ġdid mit-tabib tiegħek fuq bażi regolari.
Jekk tbati minn indeboliment renali (problemi bil-kliewi) it-tabib tiegħek għandu jżommlok il-funzjoni tal-kliewi taħt osservazzjoni mill-qrib u jekk ikun hemm bżonn jadatta d-dożi ta’ memantine kif ikun jixraq.
L-użu ta’ prodotti mediċinali msejjħa amantadine (għat-trattament tal-marda ta’ Parkinson), ketamine (sustanza li ġeneralment tingħata bħala loppju), dextromethorphan (ġeneralment użata għas-sogħla) u antagonisti oħra ta’ NMDA fl-istess ħin għandu jkun evitat.
Memantine Merz mhux rakkomandat fit-tfal u adolexxenti taħt it-18-il sena.
Għid lit-tabib jew lill-ispiżjar tiegħek jekk qiegħed tieħu, ħadt dan l-aħħar jew tista’ tieħu xi mediċina oħra.
B’mod partikolari, Memantine Merz jista’ jibdel l-effetti tal-mediċini li ġejjin u d-doża tagħhom jista’
jkollha bżonn tinbidel mit-tabib tiegħek:
amantadine, ketamine, dextromethorphan
dantrolene, baclofen
cimetidine, ranitidine, procainamide, quinidine, quinine, nicotine
hydrochlorothiazide (jew kwalunkwe kombinazzjoni ma’ hydrochlorothiazide)
antikolinerġiċi (sustanzi li ġeneralment jintużaw għall-kura ta’ disturbi fil-movimenti jew
spażmi fl-imsaren)
mediċini kontra l-aċċessjonijiet (mediċini li jintużaw biex ikunu evitati jew iserrħu l- aċċessjonijiet)
barbiturati (sustanzi li ġeneralment jintużaw biex jgħinuk torqod)
agonisti dopaminerġiċi (sustanzi bħal L-dopa, bromocriptine)
newrolettiċi (sustanzi li jintużaw għall-kura ta’ disturbi tal-moħħ)
mediċini orali kontra l-koagulazzjoni tad-demm
Jekk tmur l-isptar għarraf lit-tabib tiegħek li qed tieħu Memantine Merz
Għandek tgħarraf lit-tabib tiegħek jekk dan l-aħħar bdilt id-dieta tiegħek jew bi ħsiebek tibdel id-dieta tiegħek b’mod sostanzjali (eż minn dieta normali għal waħda veġetarjana stretta) jew jekk qed tbati minn stat ta’ aċidożi tubulari renali (RTA, jiżdiedu s-sustanzi li jiffurmaw l-aċidu fid-demm minħabba funzjoni ħażina renali (funjonament ħażin tal-kliewi)) jew infezzjonijiet severi tal-passaġġ awrinarju, (struttura li ġġorr l-awrina) għax it-tabib tiegħek jista’ jkollu bżonn jibdel id-doża tal-mediċina
tiegħek.
Jekk inti tqila jew qed tredda’, taħseb li tista tkun tqila jew qed tippjana li jkollok tarbija, itlob il-parir tat-tabib jew tal-ispiżjar tiegħek qabel tieħu din il-mediċina.
L-użu ta’ memantine f’nisa waqt it-tqala mhux rakkomandat.
Nisa li qed jieħdu Memantine Merz m’għandhomx ireddgħu.
It-tabib tiegħel ser jgħidlek jekk il-marda tiegħek tħallikx issuq u tħaddem magni b’mod sigur. Minbarra hekk, Memantine Merz jista’ jibdillek il-ħila biex tirreaġixxi, u għalhekk ma jkunx xieraq li ssuq jew tħaddem magni.
Memantine Merz fih is-Sodium
Din il-mediċina fiha anqas minn 1 mmol sodium (23 mg) f’kull pillola, jiġifieri essenzjalment “ħielsa
mis-sodium”.
Dejjem għandek tieħu din il-mediċina skont il-parir eżatt tat-tabib. Dejjem għandek taċċerta ruħek
mat-tabib jew mal-ispiżjar tiegħek jekk ikollok xi dubju.
Id-doża rakkomandata ta’ Memantine Merz għall-adulti u pazjenti anzjani hija 20 mg darba kuljum. Sabiex tnaqqas ir-riskju ta’ effetti sekondarji din id-doża tinkiseb bil-mod bl-iskema ta’ kura ta’ kuljum kif ġej:
ġimgħa 1 | nofs pillola ta’ 10 mg |
ġimgħa 2 | pillola waħda ta’ 10 mg |
ġimgħa 3 | pillola u nofs ta’ 10mg |
minn ġimgħa 4 ’l quddiem | żewġ pilloli ta’ 10 mg darba kuljum |
Id-doża tas-soltu tal-bidu hija nofs pillola darba kuljum (1x5 mg) għall-ewwel ġimgħa. Din tiżdied għal pillola waħda darba kuljum (1x10 mg) fit-tieni ġimgħa u għal pillola 1 u nofs darba kuljum
fit-tielet ġimgħa. Mir-4 ġimgħa ’l quddiem, id-doża li ġeneralment tingħata hija ta’ 2 pilloli 1 darba
kuljum (1x20 mg).
Jekk għandek indeboliment tal-funzjoni tal-kliewi, it-tabib tiegħek ser jiddeċiedi dwar doża li tkun tixraq għal kundizzjoni tiegħek. F’dan il-każ, il-funzjoni tal-kliewi għandha tkun eżaminata mit-tabib tiegħek f’intervalli speċifikati.
Memantine Merz għandha tingħata b’mod orali darba kuljum Biex tikseb benefiċċju mil-mediċina tiegħek, għandek tkompli teħodha kuljum fl-istess ħin tal-ġurnata. Il-pilloli għandhom jinbelgħu ma’ ftit ilma. Il-pilloli jistgħu jittieħdu ma’ l-ikel jew fuq stonku vojt.
Kompli ħu Memantine Merz sakemm tibqa tikseb benefiċċju minnu. It-tabib tiegħek għandu jevalwa l- kura tiegħek fuq bażi regolari.
B’mod ġenerali, meta tieħu wisq Memantine Merz m’għandha tiġrilek l-ebda ħsara. Jista’ jkollok aktar sintomi li hemm imsemmija f’sezzjoni 4. “Effetti sekondarji li jista’ jkollu”.
Jekk tieħu doża eċċessiva kbira ta’ Memantine Merz, għamel kuntatt mat-tabib tiegħek jew
ikseb parir mediku, għax jista’ jkollok bżonn attenzjoni medika.
Jekk tinduna li nsejt tieħu doża ta’ Memantine Merz, stenna u ħu d-doża li jmissek fil-ħin tas- soltu.
M’għandekx tieħu doża doppja biex tpatti għal kull doża li tkun insejt tieħu.
Jekk għandek aktar mistoqsijiet dwar l-użu ta’ dan il-mediċina, staqsi lit-tabib jew lill-ispiżjar tiegħek
Bħal kull mediċina oħra, din il-mediċina tista’ tikkawża effetti sekondarji, għalkemm ma jidhrux fuq kulħadd.
B’mod ġenerali, l-effetti sekondarji li jidhru jkunu ħfief għal moderati.
Komuni (jistgħu jaffettwaw sa persuna minn kull 10 utenti):
Uġigħ ta’ ras, ngħas, stitkezza, testijiet tal-funzjoni tal-fwied għoljin, sturdament, disturbi tal-
bilanċ, qtugħ ta’ nifs, pressjoni għolja tad-demm u sensittivita' eċċessiva għal-mediċini
Mhux komuni (jistgħu jaffettwaw sa persuna minn kull 100 utent):
Għeja, infezzjonijiet tal-moffa, konfużjoni, alluċinazzjonijiet, rimettar, mixja anormali, insuffiċjenza tal-qalb u emboli tad-demm fil-vini (trombożi/tromboemboliżmu)
Rari ħafna (jistgħu jaffettwaw sa persuna minn kull 10,000 utent):
Aċċessjonijiet
Mhux magħruf (il-frekwenza ma tistax tiġi stmata mit-tagħrif disponibbli):
Infjammazzjoni tal-frixa, infjammazzjoni tal-fwied (epatite) u reazzjonijiet psikotiċi
Il-marda ta’ Alzheimer kienet assoċjata ma’ dipressjoni, ħsibijiet ta’ suwiċidju u suwiċidju. Dawn il-kazijiet gew irrapurtati minn pazjenti li hadu Memantine Merz.
Jekk ikollok xi effett sekondarju, kellem lit-tabib jew lill-ispiżjar tiegħek. Dan jinkludi xi effett sekondarju li mhuwiex elenkat f’dan il-fuljett. Tista’ wkoll tirrapporta effetti sekondarji direttament permezz tas-sistema ta’ rappurtar nazzjonali imniżżla f’Appendiċi V. Billi tirrapporta l-effetti sekondarji tista’ tgħin biex tiġi pprovduta aktar informazzjoni dwar is-sigurtà ta’ din il-mediċina.
Żomm din il-mediċina fejn ma tidhirx u ma tintlaħaqx mit-tfal.
Tużax Memantine Merz wara d-data ta’ meta tiskadi li tidher fuq il-kartuna u l-folja wara JIS. Id-data ta’ meta tiskadi tirreferi għall-aħħar ġurnata ta’ dak ix-xahar.
Dan il-prodott mediċinali m’għandux bżonn ta’ xi kundizzjonijet ta’ ħażna speċjali.
Tarmix mediċini mal-ilma tad-dranaġġ jew mal-iskart domestiku Staqsi lill-ispiżjar dwar kif għandek tarmi mediċini li m’għandekx tuża. Dawn il-miżuri jgħinu għall-protezzjoni tal-ambjent.
Is-sustanza attiva hi memantine hydrochloride. Kull pillola miksija b’rita fiha 10 mg memantine
hydrochloride li hi ekwivalenti għal 8.31 mg memantine.
Is-sustanzi l-oħra huma microcrystalline cellulose, croscarmellose sodium, colloidal anhydrous silica u magnesium stearate, kollha fil-qalba tal-pillola; u hypromellose, macrogol 400, titanium dioxide
(E 171) u iron oxide isfar (E 172), kollha fil-kisja tal-pillola.
Il-pilloli miksijin b’rita ta’ Memantine Merz jiġu bħala pilloli sofor ċari għal sofor, miksijin b’rita u b’forma ovali, b’xaqq minn fejn tista’ taqsam il-pillola u mnaqqxin b’ “1-0” fuq naħa waħda u b’ “M M” fuq in-naħa l-oħra.
Il-pilloli Memantine Merz jiġu f’pakketti ta’ folji b’14-il pillola, 28 pillola, 30 pillola, 42 pillola,
50 pillola, 56 pillola, 98 pillola, 100 pillola, 112 pillola. Pakketti multipli ta’840 (20 x 42) pillola, 980
(10 x 98) pillola jew 1000 (20 x 50) pillola.
Jista’ jkun li mhux il-pakketti kollha jkunu għal skop kummerċjali.
Merz Pharmaceuticals GmbH
Eckenheimer Landstr. 100
D-60318 Frankfurt/Main
Il-Ġermanja.
Merz Pharma GmbH + Co. KGaA Eckenheimer Landstr. 100
D-60318 Frankfurt/Main
Il-Ġermanja.
Għal kull tagħrif dwar din il-mediċina, jekk jogħġbok ikkuntattja lir-rappreżentant lokali tad-Detentur ta’ l-Awtorizzazzjoni għat-tqegħid fis-Suq:
Lundbeck S.A./N.V. | ||
Tél/Tel: +32 2 340 2828 |
H. Abbe Pharma GmbH
Tel.: +370 52 711710
Merz Pharmaceuticals GmbH
Tel.: +49 (0)69 1503 – 0
HANFF Global Health Solutions s.à r.l. Tél: +352 45 07 07-1
Lundbeck Česká republika s.r.o. Tel: +420 225 275 600
Lundbeck Pharma A/S Tlf: +45 4371 4270
Clinipharm Co. Ltd Tel: +356 21 43 74 15
Merz Pharmaceuticals GmbH
Tel: +49 (0)69 1503 - 0
Lundbeck B.V.
Tel: +31 20 697 1901
H. Abbe Pharma GmbH Tel.: +372 6 460980
H. Lundbeck AS Tlf: +47 91 300 800
Lundbeck Hellas S.A. | |||
Τηλ: +30 210 610 5036 |
Merz Pharma Austria GmbH
+43 1 865 88 95
Merz Pharma España S.L. Tel: +34 91 657 47 84
Centrala Farmaceutyczna CEFARM SA Tel: +48 22 634 02 22
Lundbeck SAS
Tél: + 33 1 79 41 29 00
Merz Pharma España S.L. Tel: +34 91 657 47 84
Lundbeck Croatia d.o.o.
Tel.: + 385 1 3649 210
Lundbeck Export A/S
Tel: +40 21319 88 26
Lundbeck (Ireland) Limited Tel: +353 1 468 9800
Lundbeck Pharma d.o.o. Tel.: +386 2 229 4500
Lundbeck Export A/S, útibú á Íslandi Sími.: +354 414 7070
Lundbeck Italia S.p.A. Tel: +39 02 677 4171
Oy H. Lundbeck Ab Puh/Tel: +358 2 276 5000
Lundbeck Hellas A.E
Τηλ.: +357 22490305
H. Lundbeck AB
Tel: +46 4225 4300
H. Abbe Pharma GmbH Tel.: +371 67 103203
Lundbeck Limited
Tel: +44 1908 64 9966