Sepioglin
pioglitazone
Pioglitazone
Żomm dan il-fuljett. Jista’ jkollok bżonn terġa’ taqrah.
Jekk ikollok xi aktar mistoqsijiet, staqsi lit-tabib jew lill-ispiżjar tiegħek.
Din il-mediċina ġiet mogħtija lilek. M’għandekx tgħaddiha lil persuni oħra. Tista’ tagħmlilhom il-ħsara, anki jekk ikollhom l-istess sintomi bħal tiegħek.
Jekk xi wieħed mill-effetti sekondarji jiggrava jew jekk tinnota xi effetti sekondarji li mhumiex imsemmijin f’dan il-fuljett, jekk jogħġbok, għid lit-tabib jew lill-ispiżjar tiegħek.
X’inhu Sepioglin u għal xiex jintuża
Qabel ma tieħu Sepioglin
Kif għandek tieħu Sepioglin
Effetti sekondarji li jista’ jkollu
Kif taħżen Sepioglin
Aktar tagħrif
Sepioglin fih pioglitazone. Huwa mediċina anti-dijabetika wżata biex tikkura dijabete mellitus tat-tip 2 (mhux dipendenti mill-insulina) meta metformin ma jkunx xieraq jew ikun naqas li jaħdem b’mod adegwat. Din hija d-dijabete li ġeneralment tiżviluppa fi stat adult.
Prodott mediċinali li m’għadux awtorizzat
Sepioglin jgħin jikkontrolla il-livell ta’ żokkor fid-demm tiegħek meta jkollok dijabete tat-tip 2 billi jgħin lill-ġismek jagħmel użu aħjar mill-insulina li qed jipproduċi. It-tabib tiegħek ser jiċċekkja jekk Sepioglin qed jaħdem 3 sa 6 xhur wara li tibda tieħdu.
Sepioglin jista jintuża waħdu f’pazjenti li ma jistgħux jieħdu metformin, u fejn trattament ma’ dieta u eżercizzju naqas milli jikkontrolla z-zokkor fid-demm jew jista’ jittieħed flimkien ma’terapiji oħra (bħal metformin, sulphonylurea jew insulina) li naqsu milli jipprovdu kontroll biżżejjed taz-zokkor fid-demm.
jekk inti tbagħti minn sensittività eċċessiva (allerġiku/a) għal pioglitazone jew sustanzi oħra ta’ Sepioglin.
jekk għandek insuffiċjenza tal-qalb, jew kellek insuffiċjenza tal-qalb fil-passat.
jekk għandek mard tal-fwied.
jekk kellek ketoaċidożi dijabetika (kumplikazzjoni tad-dijabete li tikkawża telf ta’piż ta' malajr, dardir jew rimettar).
jekk għandek jew qatt kellek kanċer tal-bużżieqa.
- jekk għandek demm fl-awrina tiegħek li t-tabib tiegħek ma vverifikax.
Għid lit-tabib tiegħek qabel tibda tieħu din il-mediċina
jekk inti żżomm l-ilma (żamma ta’fluwidu) jew ikollhom nuqqasijiet problemi tal-qalb, b'mod partikulari jekk għandek' l fuq minn 75 sena.
jekk għandek tip speċjali ta’ marda dijabetika tal-għajn msejjħa edema makulari (nefħa tal-parti ta’ wara tal-għajn).
jekk għandek is-sindromu tal-ovarji poliċistiċi. Jista’ jkun hemm possibilità akbar li inti toħroġ tqila minħabba li jista’ jerġa’ jkollok ovulazzjoni meta tieħu Sepioglin. Jekk dan japplika għalik, uża kontraċezzjoni xierqa biex tevita il-possibbiltà ta’ tqala mhux ippjanata.
jekk għandek problema bil-fwied jew bil-qalb tiegħek. Qabel ma tibda tieħu Sepioglin kampjun tad-demm jiġi meħud biex jiġi iċċekkjat il-funzjoni tal-fwied tiegħek. Dan il-kontroll jista’ jkun ripetut f'intervalli. Xi pazjenti b’dijabete mellitus tat-tip 2 għal żmien twil u b’mard tal-qalb jew aċċessjoni minn qabel li kienu kkurati b’Sepioglin u insulina kellhom żvilupp ta’ insuffiċjenza tal-qalb. Kellem lit-tabib tiegħek minnufih jekk ikollok sinjali ta’ insuffiċjenza tal-qalb bħal qtugħ ta’ nifs mhux tas-soltu jew żieda f’daqqa fil-piż jew nefħa lokalizzata (edima).
Jekk tieħu Sepioglin ma’mediċini oħra għad-dijabete, huwa iktar probabbli li z-zokkor fid-demm tiegħek jista' jaqa’ taħt il-livell normali (ipogliċemija).
Inti tista’ wkoll t’esperjenza tnaqqis fl-għadd tad-demm (anemija). Ksur fl-għadam
Numru akbar ta’ fratturi fl-għadam fin-nisa (iżda mhux fl-irġiel) li kienu qed jieħu pioglitazone. It-
tabib tiegħek se jikkunsidra dan waqt li jikkura d-dijabete tiegħek.
L-użu fit-tfal taħt it-18-il sena mhux rakkomandat.
Jekk jogħġbok għid lit-tabib jew lill-ispiżjar tiegħek jekk qiegħed tieħu jew ħadt dan l-aħħar xi mediċini oħra anki dawk mingħajr riċetta.
Prodott mediċinali li m’għadux awtorizzat
Ġeneralment int se tkun tista’ tibqa tieħu mediċini oħra waqt li qed tiġi kkurat b’Sepioglin. Madankollu, ċerti mediċini huma speċjalment probabbli li jaffettwaw l-ammont ta’ zokkor fid-demm tiegħek:
gemfibrizol (użati biex ibaxxu l-kolesterol)
rifampicin (jintużaw biex jikkuraw it-tuberkulożi u infezzjonijiet oħra)
Għid lit-tabib jew spiżjar tiegħek jekk qed tieħu xi wieħed minn dawn. Iz-zokkor fid-demm tiegħek ser jiġi kkontrollati, u d-doża tiegħek ta' Sepioglin tista teħtieġ li tiġi mibdula.
Tista’ tieħu l-pilloli tiegħek mal-ikel jew mingħajr ikel. Għandek tibla’ il-pilloli ma’ tazza ilma.
Għid lit-tabib tiegħek jekk:
inti, jew taħseb li inti jew qed tippjana biex toħroġ tqila.
inti qed tredda’ jew qed tippjana li tredda’ lit-tarbija tiegħek. It-tabib tiegħek se jagħtik parir biex twaqqaf din il-mediċina.
Pioglitazone ma jaffettwax il-ħila tiegħek li ssuq jew li tħaddem magni, imma ħu ħsieb jekk ikollok vista anormali.
Dan il-mediċina fiha lactose monohydrate. Jekk it-tabib tiegħek qallek li għandek intolleranza għal xi zokkrijiet, kellem lit-tabib tiegħek qabel ma tieħu Sepioglin.
Pillola waħda ta’ 15 mg pioglitazone għandha tittieħed darba kuljum. Jekk hemm bżonn, it-tabib tiegħek jista’ jgħidlek tieħu doża differenti.
Jekk taħseb li l-effett ta’ Sepioglin huwa dgħajjef wisq, kellem lit-tabib tiegħek.
Meta Sepioglin jittieħdu flimkien ma’ mediċini oħra wżati għall-kura tad-dijabete (bħal insulina, chlorpropamide, glibenclamide, gliclazide, tolbutamide), it-tabib tiegħek jgħidlek jekk għandekx bżonn tieħu doża inqas tal-mediċini tiegħek.
It-tabib tiegħek se jitolbok tagħmel testijiet tad-demm perjodiċi waqt il-kura b’Sepioglin. Dan sabiex jiċċekkja li l-fwied tiegek qed jaħdem kif suppost.
Jekk qed issegwi dieta dijabetika, għandek tkompli biha waqt li qed tieħu Sepioglin.
Il-piż tiegħek għandu jiġi ċċekkjat f’intervalli regolari; jekk il-piż tiegħek jiżdied, għid lit-tabib tiegħek.
Jekk bi żball tieħu wisq pilloli, jew jekk xi ħadd ieħor jew tifel/tifla jieħdu l-mediċina tiegħek, kellem minnufiħ lill-tabib jew spiżjar. Iz-zokkor fid-demm tiegħek jista’jaqa' taħt il-livell normali u jista’ jiżdied biz-zokkor. Huwa rakkomandat li inti żżomm fuqek xi ħelu taz-zokkor, ħelu, gallettini jew meraq tal-frott li fih iz-zokkor.
Ipprova ħu Sepioglin kuljum kif preskritt. Iżda jekk tinsa tieħu doża, kompli bid-doża li jmiss kif suppost. M’għandekx tieħu doża doppja biex tpatti għal kull pillola li tkun insejt tieħu.
Prodott mediċinali li m’għadux awtorizzat
Sepioglin għandu jintuża kuljum biex jaħdem kif suppost. Jekk tieqaf tieħu Sepioglin , iz-zokkor fid- demm tiegħek jista’ jgħola.Kellem lit-tabib tiegħek qabel ma twaqqaf dan it-trattament.
Jekk għandek aktar mistoqsijiet dwar l-użu ta’din il-mediċina, staqsi lit-tabib jew spiżjar tiegħek.
Bħal kull mediċina oħra, Sepioglin jista’ jkollhom effetti sekondarji, għalkemm ma jidhrux fuq kulħadd.
B’mod partikolari, xi pazjenti esperjenzaw effetti sekondarji serji li ġejjin:
Insufficjenza tal-qalb kienet esperjenzata b’mod komuni (minn 1 sa 10 utenti f’100) f’pazjenti li jieħdu pioglitazone flimkien mal-insulina. Is-sintomi huma qtugħ ta’ nifs mhux tas-soltu jew żieda veloċi fil- piż jew nefħa lokalizzata (edema). Jekk tesperjenza xi wieħed minn dawn, speċjalment jekk inti l-fuq mill-età ta' 65, fittex parir mediku minnufih.
Kanċer tal-bużżieqa ġie esperjenzat b'mod mhux komuni (1 sa 10 utenti minn kull 1,000) f'pazjenti li qed jieħdu pioglitazone. Sinjali u sintomi jinkludu demm fl-awrina, uġigħ meta tgħaddi l-awrina tiegħek jew ħtieġa f'daqqa li tgħaddi l-awrina. Jekk ikollok xi wieħed minn dawn, kellem lit-tabib tiegħek malajr kemm jista' jkun.
Nefħa lokalizzata (edema) kienet ukoll esperjenzata b’mod komuni ħafna f’pazjenti li jieħdu pioglitazone flimkien mal-insulina. Jekk tesperjenza dan l-effett sekondarju, kellem lit-tabib tiegħek minnufih.
Ksur tal-għadam kien irrappurtat b’mod komuni (minn 1 sa 10 utenti f’100) f’nisa li jieħdu pioglitazone flimkien mal-insulina. Jekk tesperjenza dan l-effett sekondarju, kellem lit-tabib tiegħek minnufih.
Vista mċajpra minħabba nefħa (jew fluwidu) fil-part ta’ wara tal-għajn (frekwenza mhix magħrufa) kienet ukoll irrappurtata f’pazjenti li jieħdu pioglitazone. Jekk tħoss dawn is-sintomi għall-ewwel darba, kellem lit-tabib tiegħek minnufih. Ukoll, jekk diġa għandek vista mċajpra jew jekk is-sintomi jaqilbu għall-agħar, kellem lit-tabib tiegħek minnufiħ.
Effetti sekondarji oħra li ġew esperjenzati minn uħud mill-pazjenti li jieħdu pioglitazone huma: komuni (bejn 1 sa 10 minn 100)
infezzjoni respiratorja
vista mhux normali
żieda fil-piż
tirżiħ
mhux komuni (bejn 1 sa 10 minn 1,000)
sinusite
insonnja
mhux magħrufa (frekwenza ma tistax tiġi stmata mit-droga disponibbli)
żieda fl-enżimi tal-fwied
Effetti sekondarji oħra li jmiss ġew esperjenzati minn xi pazjenti meta pioglitazone jittieħed ma’ mediċini antidijabetiċi oħra huma:
komuni hafna (aktar minn 1 f’kull 10)
tnaqqis taż-żokkor fid-demm (ipogliċemija)
Prodott mediċinali li m’għadux awtorizzat
komuni (bejn 1 sa 10 minn 100)
uġigħ ta’ ras
sturdament
uġigħ fil-ġogi
impotenza
uġigħ fid-dahar
qtugħ ta’ nifs
tnaqqis żgħir fl-għadd taċ-ċelloli ħomor tad-demm
gass
mhux komuni (bejn 1 sa 10 f’kull 1,000)
zokkor fl-awrina, proteina fl-awrina
żieda fl-enżimi
vertigo
tgħoroq
għejja
żieda fl-aptit
Jekk xi wieħed mill-effetti sekondarji jiggrava jew jekk tinnota xi effetti sekondarji li mhumiex imsemmijin f’dan il-fuljett, jekk jogħġbok, għid lit-tabib jew lill-ispiżjar tiegħek.
Żommu fejn ma jintlaħaqx u ma jidhirx mit-tfal.
Tużax Sepioglin wara d-data ta’ skadenza li tidher fuq il-kaxxa jew fuq l-istrixxa wara l-kelma ‘JIS’. Id-data ta’ skadenza tirreferi għall-aħħar jum tax-xahar.
Dan il-prodott mediċinali m’għandux bżonn ħtiġijiet speċjali ta’ ħażna.
Il-mediċini m’għandhomx jintremew mal-ilma tad-dranaġġ jew mal-iskart domestiku. Staqsi lill- ispiżjar dwar kif għandek tarmi mediċini li m’għankekx bżonn. Dawn il-miżuri jgħinu għal protezzjoni tal-ambjent.
Is-sustanza attiva hija pioglitazone. Kull pillola fiha 15 mg ta’ pioglitazone (bħala hydrochloride).
Is-sustanzi l-oħra huma lactose monohydrate, hydroxypropylcellulose, carmellose calcium u
magnesium stearate.
Il-pilloli ta’ Sepioglin 15 mg huma bojod, tondi, ċatti, immarkati b’‘15’ imqabbeż fuq naħa waħda u b’dijametru ta’ madwar 5.5 mm. Il-pilloli huma disponibbli f’pakketti bil-folji tal-
PA/Aluminju/PVC/Aluminju ta’ 14, 28, 30, 50, 56, 90 jew 98 pillola.
Jista’ jkun li mhux il-pakketti tad-daqsijiet kollha jkunu għall-skop kummerċjali.
Detentur tal-awtorizzazzjoni għat-tqegħid fis-suq Vaia S.A.
1, 28 Octovriou str., Ag. Varvara
Prodott mediċinali li m’għadux awtorizzat
123 51 Ateni, il-Greċja..
Manifattur Specifar S.A.
1, 28 Octovriou str., Ag. Varvara
123 51 Ateni, il-Greċja